Respublika aholisiga va iqtisodiyoti tarmoqlariga tabiiy gazning uzluksiz yetkazib berilishini ta’minlashga doir ishlarni kuchaytirish, gaz tarmoqlariga noqonuniy ulanishning oldini olish va bartaraf etish, shuningdek tabiiy gaz uchun to‘liq va o‘z vaqtida hisob-kitob qilish maqsadida Vazirlar Mahkamasi qaror qiladi:
1. “O‘zkommunxizmat” agentligi va “O‘zbekneftgaz” milliy-xolding kompaniyasining “O‘ztransgaz” aksiyadorlik kompaniyasining “O‘zgazsotish” shu’ba unitar korxonasini hamda uning hududiy vakolatxonalarini belgilangan tartibda “O‘zkommunxizmat” agentligining “Boshkommungaz” korxonasi tasarrufiga tabiiy gazni sotish va uning uchun iste’molchilar bilan hisob-kitob qilish bo‘yicha yagona tuzilma tashkil etish maqsadida berish to‘g‘risidagi taklifi qabul qilinsin.
Oldingi tahrirga qarang.
2002-yil 1-apreldan boshlab tabiiy gazni, “O‘ztransgaz” aksiyadorlik kompaniyasining magistral gaz quvurlariga to‘g‘ridan to‘g‘ri ulanadigan iste’molchilardan tashqari, ulgurji iste’molchilarga va aholiga sotish “O‘zkommunxizmat” agentligi hududiy gaz ta’minoti korxonalari tomonidan 1-ilovaga muvofiq amalga oshiriladi;
(2-bandning ikkinchi xatboshisi O‘zbekiston Respublikasi Vazirlar Mahkamasining 2003-yil 2-oktabrdagi 421-son qarori tahririda — O‘zbekiston Respublikasi Qonun hujjatlari to‘plami, 2003-y., 19-son, 179-modda)
Oldingi tahrirga qarang.
“O‘ztransgaz” aksiyadorlik kompaniyasi va “O‘zkommunxizmat” agentligi o‘rtasida tabiiy gaz uchun hisob-kitoblar magistral gaz quvurlari va gaz tarmoqlarining bo‘linish chegaralarida o‘rnatilgan hisobga olish priborlari ko‘rsatkichlari bo‘yicha amalga oshiriladi.
(2-bandning uchinchi xatboshisi O‘zbekiston Respublikasi Vazirlar Mahkamasining 2003-yil 2-oktabrdagi 421-son qarori tahririda — O‘zbekiston Respublikasi Qonun hujjatlari to‘plami, 2003-y., 19-son, 179-modda)
Keyingi tahrirga qarang.
3. “O‘zbekneftgaz” milliy-xolding kompaniyasi va “O‘zkommunxizmat” agentligi “Boshkommungaz” korxonasi va “O‘zulgurjisavdo” aksiyadorlik kompaniyasi o‘rtasida tuzilgan kontraktga muvofiq Ukrainadan kliring bo‘yicha yetkazib berishning foydalanilmagan qoldiqlari hisobiga sotib olinadigan 501 ming AQSh dollari miqdoridagi 52 ta hamda “O‘zbekneftgaz” milliy xolding kompaniyasining o‘z mablag‘lari hisobiga sotib olinadigan 248 ta gazni hisobga olish priborlarining 2002-yilda gaz quvurlarining bo‘linish chegaralarida almashtirilishi va o‘rnatilishini ta’minlasinlar.
4. “O‘ztransgaz” aksiyadorlik kompaniyasi va “O‘zkommunxizmat” agentligi ulgurji iste’molchilar va aholining debitorlik hamda kreditorlik qarzlarini 2002-yil 1-martdagi holatiga ko‘ra xatlovdan o‘tkazsinlar va 2002-yil 1-aprelgacha ularni topshirish-qabul qilishni belgilangan tartibda amalga oshirsinlar.
Oldingi tahrirga qarang.
6. “O‘zkommunxizmat” agentligining hududiy gaz ta’minoti korxonalari gaz sarfini hisobga olish priborlari bo‘lmagan ulgurji iste’molchilar bilan tabiiy gaz yetkazib berish yuzasidan yangi shartnomalar tuzmasin.
Keyingi tahrirga qarang.
(6-band O‘zbekiston Respublikasi Vazirlar Mahkamasining 2003-yil 2-oktabrdagi 421-son qarori tahririda — O‘zbekiston Respublikasi Qonun hujjatlari to‘plami, 2003-y., 19-son, 179-modda)
Oldingi tahrirga qarang.
7. Mintaqalar rahbarlarining Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga ajratilayotgan tabiiy gaz hajmlaridan oqilona va samarali foydalanish masalalari bo‘yicha javobgarligini oshirish maqsadida ijtimoiy soha obyektlariga hamda kichik biznes subyektlariga (tut ipak qurti boqish, xususiy uylar hovlisidagi issiqxonalar va oziq-ovqat pishirish uchun) gazdan foydalanish uchun ruxsatnomalar berish funksiyasi Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga mintaqa uchun belgilangan limitlar doirasida yuklansin.
Keyingi tahrirga qarang.
(7-bandning birinchi xatboshisi O‘zbekiston Respublikasi Vazirlar Mahkamasining 2004-yil 17-yanvardagi 28-son qarori tahririda — O‘zbekiston Respublikasi Qonun hujjatlari to‘plami, 2004-y., 3-son, 31-modda)
“O‘zkommunxizmat” agentligi, O‘zbekiston Respublikasi Moliya vazirligi, Monopoliyadan chiqarish va raqobatni rivojlantirish davlat qo‘mitasi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda mintaqalar tomonidan ijtimoiy soha obyektlari hamda kichik va o‘rta biznes subyektlariga gazdan foydalanishga ruxsatnomalar berish tartibini bir oy muddatda ishlab chiqsinlar.
8. O‘zbekiston Respublikasi Davlat mulki qo‘mitasi “O‘zbekneftgaz” milliy xolding kompaniyasi bilan birgalikda qonunchilikda belgilangan tartibda “O‘ztransgaz” aksiyadorlik kompaniyasi ustav fondi miqdorini aksiyalarning davlat paketini “O‘zkommunxizmat” agentligining “Boshkommungaz” korxonasiga berilayotgan “O‘zgazsotish” shu’ba unitar korxonasi va uning hududiy vakolatxonalari mol-mulki qiymati summasiga qisqartirish hisobiga kamaytirsin.
Belgilab qo‘yilsinki, “O‘ztransgaz” aksiyadorlik kompaniyasining “O‘zgazsotish” shu’ba korxonasining berilayotgan mol-mulki qiymati qo‘shilgan qiymat va daromad (foyda) solig‘ini hisoblab chiqarishda “O‘ztransgaz” aksiyadorlik kompaniyasining hamda “O‘zkommunxizmat” agentligi “Boshkommungaz” korxonasining soliq solinadigan bazasiga kiritilmaydi.
9. O‘zbekiston Respublikasi Adliya vazirligi manfaatdor idoralar bilan birgalikda bir oy muddatda Vazirlar Mahkamasiga jismoniy va yuridik shaxslarning gaz tarmoqlariga o‘zboshimchalik bilan ulanib olish, tabiiy gazdan samarasiz foydalanganlik va uni o‘g‘irlaganlik uchun javobgarligini kuchaytirish yuzasidan takliflar kiritsin.
10. O‘zbekiston Respublikasi Hukumatining 3-ilovaga muvofiq ayrim qarorlariga o‘zgartirish va qo‘shimchalar kiritilsin.
11. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari K.N. To‘laganov, Qoraqalpog‘iston Respublikasi Vazirlar Kengashining Raisi, viloyatlar va Toshkent shahar hokimlari zimmasiga yuklansin.
Oldingi tahrirga qarang.
Keyingi tahrirga qarang.
(sxema O‘zbekiston Respublikasi Vazirlar Mahkamasining 2003-yil 2-oktabrdagi 421-son qarori tahririda —O‘zbekiston Respublikasi Qonun hujjatlari to‘plami, 2003-y., 19-son, 179-modda)
Keyingi tahrirga qarang.
1. O‘zbekiston Respublikasi Vazirlar Mahkamasining “Respublika xalq xo‘jaligini va aholisini gaz bilan ta’minlashni tashkil etishni yaxshilash chora-tadbirlari to‘g‘risida” 1993-yil 2-dekabrdagi 587-son qarorida:
2-bandda “Yangi korxonalarni” va “korxonalarni gaz ta’minoti tizimiga ulash” so‘zlaridan keyin “ijtimoiy soha obyektlari hamda kichik va o‘rta biznes subyektlari (ipak qurti boqish va xususiy uylar hovlisidagi issiqxonalar hamda ovqat tayyorlash uchun) bundan mustasno” so‘zlari qo‘shilsin;
6-bandda “iste’molchilarni gaz ta’minoti tarmoqlariga bundan buyon ulashni to‘xtatishni” so‘zlaridan keyin “ijtimoiy soha obyektlari hamda kichik va o‘rta biznes subyektlari (ipak qurti boqish va xususiy uylar hovlisidagi issiqxonalar hamda ovqat tayyorlash uchun) bundan mustasno” so‘zlari qo‘shilsin.
Keyingi tahrirga qarang.
2. O‘zbekiston Respublikasi Vazirlar Mahkamasining “Tabiiy gaz yetkazib berish va uning uchun hisob-kitob qilish tizimini takomillashtirish to‘g‘risida” 1999-yil 21-sentabrdagi 439-son qarorida (O‘zbekiston Respublikasi QT, 1999-y., 9-son, 57-modda):
“O‘zkommunxizmat” agentligining “Boshkommungaz” korxonasi 2002-yil 1-apreldan e’tiboran gaz sarfini hisoblash priborlariga ega bo‘lmagan ulgurji iste’molchilar bilan tabiiy gaz yetkazib berish yuzasidan mavjud shartnomalarni bekor qilsin va yangi shartnomalar tuzmasin”;
ikkinchi xatboshidagi “ulgurji iste’molchilar tomonidan” so‘zlaridan oldin “O‘ztransgaz” aksiyadorlik kompaniyasining magistral gaz quvurlariga to‘g‘ridan to‘g‘ri chiqish imkoniyatiga ega bo‘lgan” so‘zlari qo‘shilsin;
beshinchi xatboshidagi “chakana iste’molchilar (aholi) tomonidan” so‘zlaridan oldin “O‘ztransgaz” aksiyadorlik kompaniyasining magistral gaz quvurlariga to‘g‘ridan to‘g‘ri chiqish imkoniyatiga ega bo‘lmagan ulgurji iste’molchilar va” so‘zlari qo‘shilsin;
Keyingi tahrirga qarang.
g) 9-bandning birinchi va ikkinchi xatboshilari “O‘ztransgaz” aksionerlik kompaniyasiga” so‘zlaridan keyin “va “Boshkommungaz” korxonasiga” so‘zlari bilan to‘ldirilsin.
Keyingi tahrirga qarang.
3. O‘zbekiston Respublikasi Vazirlar Mahkamasining 2000-yil 10-yanvardagi 8-son qarori bilan tasdiqlangan O‘zbekiston Respublikasi iste’molchilariga gaz yetkazib berish qoidalarida (O‘zbekiston Respublikasi QT, 2000-y., 1-son, 2-modda):
“Ijtimoiy soha obyektlari hamda kichik va o‘rta biznes subyektlariga (ipak qurti boqish va xususiy uylar hovlisidagi issiqxonalar hamda ovqat tayyorlash uchun) gazdan foydalanish uchun ruxsatnoma tegishli ravishda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan mintaqa uchun belgilangan limitlar doirasida beriladi”;
“Vazirlar Mahkamasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan tabiiy gazdan yoqilg‘i sifatida foydalanish uchun berilgan ruxsatnoma tegishli ravishda yangidan qurilayotgan, kengaytirilayotgan, rekonstruksiya qilinayotgan va faoliyat ko‘rsatayotgan ishlab chiqarish obyektlarini yoki ijtimoiy soha obyektlari hamda kichik va o‘rta biznes subyektlarini (ipak qurti boqish va xususiy uylar hovlisidagi issiqxonalar hamda ovqat tayyorlash uchun) gaz bilan ta’minlashni loyihalash uchun asos hisoblanadi.”;
ikkinchi xatboshidagi “to‘g‘ridan to‘g‘ri shartnomalar bo‘yicha” so‘zlaridan keyin “gaz quvurlarining bo‘linish chegarasida o‘rnatilgan gaz hisoblash priborlari bo‘yicha” so‘zlari qo‘shilsin;
“Boshkommungaz” korxonasining gaz sotuvchi tashkilotlariga magistral gaz quvurlari va tarmoqlarining bo‘linish chegarasida xo‘jalik hisobidagi gaz sarfini hisoblash priborlari bo‘yicha uni keyinchalik “O‘ztransgaz” aksiyadorlik kompaniyasining magistral gaz tarmoqlariga to‘g‘ridan to‘g‘ri chiqish imkoniyatiga ega bo‘lmagan iste’molchilarga hamda chakana iste’molchilarga (aholiga) sotish uchun yetkazib beriladi”.
4. O‘zbekiston Respublikasi Vazirlar Mahkamasining “O‘zkommunxizmat” agentligi to‘g‘risidagi nizomni, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining hududiy kommunal-foydalanish birlashmasi to‘g‘risidagi Namunaviy nizomni tasdiqlash haqida” 2001-yil 13-fevraldagi 74-son qarori (O‘zbekiston Respublikasi QT, 2001-y., 2-son, 10-modda) bilan tasdiqlangan “O‘zkommunxizmat” agentligi to‘g‘risidagi nizom 6-bandining o‘n birinchi xatboshi “normativlar bo‘yicha” so‘zlaridan keyin “ulgurji va” so‘zlari bilan to‘ldirilsin.
Keyingi tahrirga qarang.