LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Valyuta operatsiyalarini amalga oshirish tartibini yanada erkinlashtirish va joriy xalqaro operatsiyalar bo‘yicha milliy valyutaning erkin ayirboshlanishini ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Hukumatining ilovaga muvofiq ayrim qarorlari o‘z kuchini yo‘qotgan deb hisoblansin hamda ayrimlariga o‘zgartirish va qo‘shimchalar kiritilsin.
2. O‘zbekiston Respublikasi Davlat soliq qo‘mitasi, Davlat bojxona qo‘mitasi O‘zbekiston Respublikasi Markaziy banki bilan birgalikda, pul mablag‘larining chet ellarga noqonuniy o‘tkazilishi belgilarini aniqlash maqsadida, yuridik va jismoniy shaxslar tomonidan valyuta operatsiyalari amalga oshirilishining asoslanganligi yuzasidan monitoring olib borish tartibini bir oy muddatda ishlab chiqsinlar va tasdiqlasinlar.
3. O‘zbekiston Respublikasi Vazirlar Mahkamasi O‘zbekiston Respublikasi Markaziy banki, Bosh prokuraturasi, boshqa manfaatdor vazirliklar va idoralar bilan birgalikda yashirin pul mablag‘lari qonuniylashtirilishining hamda terrorga oid faoliyatni moliyalashtirishning oldini olish chora-tadbirlari to‘g‘risidagi qonun loyihasini bir oy muddatda ishlab chiqsin va ko‘rib chiqish uchun O‘zbekiston Respublikasi Oliy Majlisiga kiritsin.
4. O‘zbekiston Respublikasi Adliya vazirligi manfaatdor vazirliklar va idoralar bilan birgalikda ikki hafta muddatda:
amaldagi qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risidagi takliflarni Vazirlar Mahkamasiga kiritsin;
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov va O‘zbekiston Respublikasi Markaziy banki raisi F.M. Mullajonov zimmasiga yuklansin.
1. Vazirlar Mahkamasining “Pul muomalasini mustahkamlash va “So‘m-kupon”ning xarid quvvatini oshirish borasida kechiktirib bo‘lmaydigan chora-tadbirlar to‘g‘risida” 1994-yil 11-apreldagi 195-son qarorining 11-bandi.
2. Vazirlar Mahkamasining “1999-yil uchun naqd-pul emissiyasi darajasi va kassa rejasi parametrlari to‘g‘risida” 1999-yil 14-yanvardagi 22-son qarorining 6-bandi.
3. Vazirlar Mahkamasining “Birjadan tashqari valyuta bozorini yanada rivojlantirish va mustahkamlash chora-tadbirlari to‘g‘risida” 2000-yil 29-iyundagi 245-son qarori 3-bandining ikkinchi xatboshi, 4-bandining uchinchi va oltinchi xatboshilari (O‘zbekiston Respublikasi QT, 2000-y., 6-son, 33-modda).
4. Vazirlar Mahkamasining “2001-yil uchun naqd-pul emissiyasi darajasi va kassa rejasi parametrlari to‘g‘risida” 2001-yil 25-yanvardagi 53-son qarorining 6-bandi (O‘zbekiston Respublikasi QT, 2001-y., 1-son, 6-modda).
5. Vazirlar Mahkamasining “O‘zbekiston Respublikasi Hukumatining ayrim qarorlarini o‘z kuchini yo‘qotgan deb hisoblash va ba’zilariga o‘zgartirish va qo‘shimchalar kiritish to‘g‘risida” 2002-yil 10-oktabrdagi 354-son qaroriga ilovaning “O‘zbekiston Respublikasi Hukumatining ba’zi qarorlariga kiritilayotgan o‘zgartirish va qo‘shimchalar” bo‘limining 2 va 6-bandlari (O‘zbekiston Respublikasi QT, 2002-y., 10-son, 58-modda).
6. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” 2003-yil 8-yanvardagi 7-son qaroriga ilova 1-bandining beshinchi—o‘ninchi xatboshilari (O‘zbekiston Respublikasi QT, 2003-y., 1-son, 2-modda).
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining “Valyuta bozorini yanada erkinlashtirish va valyuta almashtirish operatsiyalarini kengaytirishga doir chora-tadbirlar to‘g‘risida” 2000-yil 30-iyundagi 250-son qarorida (O‘zbekiston Respublikasi QT, 2000-y., 6-son, 34-modda):
uchinchi xatboshi “almashtirish shoxobchasining tasdiqlovchi ma’lumotnomasi” so‘zlaridan keyin “yoki bankomat cheki” so‘zlari bilan to‘ldirilsin;
2-ilovaning 16-bandi “almashtirish shoxobchasining tasdiqlovchi ma’lumotnomasi” so‘zlaridan keyin “yoki bankomat cheki” so‘zlari bilan to‘ldirilsin.
Keyingi tahrirga qarang.
2. Vazirlar Mahkamasining “Birjadan tashqari valyuta bozori faoliyatini tashkil etish chora-tadbirlari to‘g‘risida” 2001-yil 10-iyuldagi 294-son qaroriga 2-ilovada (O‘zbekiston Respublikasi QT, 2001-y., 7-son, 38-modda):
Keyingi tahrirga qarang.
“29. Vakolatli banklarda xorijiy valyutani sotib olish uchun milliy valyutada yetarli hajmda rezerv qilingan pul mablag‘larining mavjudligi xo‘jalik yurituvchi subyektlar tomonidan xorijiy valyutani sotib olish bo‘yicha operatsiyalar o‘tkazishning majburiy sharti hisoblanadi.”;
“Taqdim etilgan hujjatlar vakolatli banklar ekspertlari tomonidan uch ish kuni mobaynida ko‘rib chiqiladi”;
“Vakolatli bank ekspert guruhining ijobiy qarori qabul qilingan kundan keyingi kundan kechikmay xorijiy valyuta xarid qilish uchun buyurtmanoma beradi”.