O‘zbekiston Respublikasi fuqarolarini harbiy ro‘yxatga olish to‘g‘risidagi nizomni tasdiqlash haqida
“Umumiy harbiy majburiyat va harbiy xizmat to‘g‘risida”gi O‘zbekiston Respublikasi Qonunini amalga oshirish, fuqarolarni harbiy ro‘yxatga olish tizimini takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi fuqarolarini harbiy ro‘yxatga olish to‘g‘risidagi Nizom ilovaga muvofiq tasdiqlansin.
harbiy xizmatga majburlar va chaqiriluvchilarni harbiy ro‘yxatdan o‘tkazish davlatdagi mavjud va harbiy xizmatga yaroqli chaqiriluvchilar resurslarini hisobga olish hamda tahlil qilishning umumdavlat tizimi hisoblanadi. Harbiy ro‘yxat harbiy xizmatga majburlar va chaqiriluvchilarning yashash, ishlash va o‘qish joyida joylardagi davlat hokimiyati va boshqaruv organlari, harbiy boshqaruv mahalliy organlari, fuqarolarning o‘zini o‘zi boshqarish organlari, idoraviy mansubligi va mulkchilik shakllaridan qat’i nazar, korxonalar, tashkilotlar va muassasalar, shu jumladan o‘quv muassasalari rahbarlari tomonidan yuritiladi;
harbiy xizmatga majburlar va chaqiriluvchilarni harbiy ro‘yxatdan o‘tkazishni tashkil etish va yuritish ishlariga umumiy rahbarlik va nazorat Mudofaa vazirligi tomonidan amalga oshiriladi.
davlatdagi mavjud va harbiy xizmatga yaroqli chaqiriluvchilar resurslarini hisobga olish hamda tahlil qilish umumdavlat tizimining samarali faoliyat ko‘rsatishini ta’minlash;
mavjud harbiy xizmatga majburlar va chaqiriluvchilarning miqdor va sifat tarkibini aniqlash, ularning samarali va oqilona rejalashtirilishini va urush davrida ulardan Qurolli Kuchlar va iqtisodiyot ehtiyojlari uchun foydalanilishini ta’minlash;
rezervdagi harbiy xizmatga majburlar orasidan Qurolli Kuchlarning safarbarligini kuchaytirish va keyinchalik urush davri sharoitlarida Qurolli Kuchlarni ular bilan to‘ldirish uchun zarur harbiy mutaxassislarni tayyorlash va rezervda saqlab turish tadbirlarini ishlab chiqish va amalga oshirish harbiy ro‘yxatga olishning asosiy vazifalari etib belgilansin.
4. Vazirliklar, davlat qo‘mitalari va idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari:
O‘zbekiston Respublikasi fuqarolarini harbiy ro‘yxatga olish to‘g‘risidagi Nizom talablari sifatli va samarali bajarilishini, harbiy xizmatga majburlar va chaqiriluvchilarning harbiy ro‘yxatga olish bilan to‘liq qamrab olinishini ta’minlasinlar;
2003-yil 1-iyungacha o‘zlariga qarashli korxonalar, tashkilotlar va muassasalar, shu jumladan ta’lim muassasalari, tuman, shahar hokimliklari va fuqarolarning o‘zini o‘zi boshqarish organlari shtat jadvallarini o‘rganib va aniqlab chiqsinlar, harbiy hisobga olish xodimlari lavozimlari mavjud bo‘lmagan taqdirda ularni O‘zbekiston Respublikasi fuqarolarini harbiy ro‘yxatga olish to‘g‘risidagi nizomda belgilangan yuklama normalariga muvofiq to‘ldirishni nazarda tutsinlar.
ikki oy muddatda harbiy xizmatga majburlar va chaqiriluvchilarni avtomatlashtirilgan tarzda harbiy ro‘yxatga olishning klassifikatorli tizimini barpo etish dasturini ishlab chiqsin, uni ruxsatsiz axborot olish va axborot oshkor bo‘lishidan himoya qilishni hisobga olsin hamda uning 2003-2004-yillar mobaynida amalga oshirilishini ta’minlasin. Maxsus asbob-uskunalar, texnika va dasturiy ta’minotni xarid qilish xarajatlarini 2003-yilda ajratilgan mablag‘ bilan ta’minlash limiti doirasida amalga oshirsin;
2003-yil 1-iyungacha O‘zbekiston Respublikasi fuqarolarini harbiy hisobga olishni tashkil etish va uni yuritish tartibi masalalari bo‘yicha yo‘riqnomani ishlab chiqsin va yo‘riqnoma bilan vazirliklar, idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarini ta’minlasin.
6. O‘zbekiston Respublikasi Moliya vazirligi (M.B. Nurmurodov) 2004-yilga budjet prognozini shakllantirishda O‘zbekiston Respublikasi Mudofaa vazirligining asoslangan hisob-kitoblariga ko‘ra harbiy xizmatga majburlar va chaqiriluvchilarni avtomatlashtirilgan tarzda harbiy ro‘yxatga olishning klassifikatorli tizimini barpo etish uchun maxsus asbob-uskunalar, texnika va dasturiy ta’minotni xarid qilish uchun budjet mablag‘lari ajratishni nazarda tutsin.
7. Mazkur qarorning bajarilishini nazorat qilish O‘zbekiston Respublikasining Bosh vaziri O‘.T. Sultonov va O‘zbekiston Respublikasi Prezidenti huzuridagi Milliy xavfsizlik kengashi kotibi G‘.D. Oblayarov zimmasiga yuklansin.
Mazkur Nizom harbiy xizmatga majburlar va chaqiriluvchilarni harbiy ro‘yxatga olishni tashkil etish va uning shakllari tartibini, shuningdek joylardagi davlat hokimiyati va boshqaruv organlari, fuqarolarning o‘zini o‘zi boshqarish organlari, harbiy boshqaruv, korxonalar, tashkilotlar va muassasalarning, shu jumladan ta’lim muassasalari mansabdor shaxslarining harbiy ro‘yxatga olishni yuritish bo‘yicha majburiyatlarini belgilab beradi.
1. Harbiy xizmatga majburlar va chaqiriluvchilarni harbiy ro‘yxatga olish davlatdagi mavjud va harbiy xizmatga yaroqli chaqiriluvchilar resurslarini hisobga olish va tahlil qilishning umumdavlat tizimi hisoblanadi. Harbiy xizmatga majburlar va chaqiriluvchilarni harbiy ro‘yxatga olish “Umumiy harbiy majburiyat va harbiy xizmat to‘g‘risida”gi O‘zbekiston Respublikasi Qonuniga muvofiq tashkil etiladi va ularning yashash joyi bo‘yicha yuritiladi.
Oldingi tahrirga qarang.
Davlat xavfsizlik xizmatining harbiy xizmatga majburlarini ro‘yxatga olish O‘zbekiston Respublikasi Davlat xavfsizlik xizmati Raisi tomonidan belgilanadigan tartibda amalga oshiriladi.
(1-bandning ikkinchi xatboshisi O‘zbekiston Respublikasi Vazirlar Mahkamasining 2018-yil 29-maydagi 396-sonli qarori tahririda — Qonun hujjatlari ma’lumotlari milliy bazasi, 01.06.2018-y., 09/18/396/1287-son)
Keyingi tahrirga qarang.
Tibbiy tayyorgarlikka yoki O‘zbekiston Respublikasi Vazirlar Mahkamasi tomonidan belgilanadigan ro‘yxatdagi tegishli harbiy ixtisoslikka turdosh kasb bo‘yicha tayyorgarlikka ega bo‘lgan ayollar jinsiga mansub shaxslar harbiy xizmatga majburlar harbiy ro‘yxatiga kiritiladi.
2. Harbiy xizmatga majburlar va chaqiriluvchilarni harbiy ro‘yxatga olish tizimi mamlakatda amal qiluvchi pasport tizimi bilan bog‘liq holda yuritiladi. Ro‘yxatga olish tizimining amal qilishi O‘zbekiston Respublikasi Mudofaa vazirligi, Ichki ishlar vazirligi organlari, Qoraqalpog‘iston Respublikasi Vazirlar Kengashi, viloyatlar, tumanlar va shaharlar hokimliklari, fuqarolarning o‘zini o‘zi boshqarish organlari, shuningdek idoraviy mansubliligi va mulkchilik shakllaridan qat’i nazar korxonalar, tashkilotlar, muassasalar, shu jumladan ta’lim muassasalari tomonidan ta’minlanadi.
3. Harbiy xizmatga majburlar va chaqiriluvchilarni harbiy ro‘yxatga olish maxsus va umumiy ro‘yxatlarga bo‘linadi hamda joylardagi davlat hokimiyati va boshqaruv organlari, fuqarolarning o‘zini o‘zi boshqarish organlari, korxonalar, tashkilotlar va muassasalarning, shu jumladan ta’lim muassasalarining rahbarlari tomonidan ularning yashash, ishlash va o‘qish joylari bo‘yicha yuritiladi.
Maxsus harbiy ro‘yxatga olish safarbarlik davrida va urush davrida davlat boshqaruvi organlari, korxonalar, tashkilotlar va muassasalar uchun bron qilingan harbiy xizmatga majburlarni ro‘yxatga olish va nazorat qilish uchun mo‘ljallangan.
Umumiy harbiy ro‘yxatga olish safarbarlik davrida va urush davrida davlat boshqaruvi organlari, korxonalar, tashkilotlar va muassasalar uchun bron qilinmagan chaqiriluvchilar va harbiy xizmatga majburlarni shaxsiy ro‘yxatga olish va nazorat qilish uchun mo‘ljallangan. Harbiy xizmatga majburlar va chaqiriluvchilarni shaxsiy ro‘yxatga olish tuman (shahar) mudofaa ishlari organlari, fuqarolarning o‘zini o‘zi boshqarish organlari, shuningdek ular ishlaydigan yoki o‘qiydigan korxonalar, muassasalar, tashkilotlar va ta’lim muassasalari tomonidan amalga oshiriladi.
4. Safarbarlik chaqiriq rezervi xizmatchilarini harbiy ro‘yxatga olish mudofaa ishlari bo‘limlari tomonidan hisobga olish kartochkalari alohida kartotekaga ajratilgan holda alohida amalga oshiriladi.
Ular 27 yoshga to‘lgandan keyin ikkinchi toifali rezerv harbiy xizmatga majburlarning umumiy ro‘yxatiga o‘tkaziladi.
Safarbarlik chaqiriq rezervi xizmatchisi yoki rezervning harbiy xizmatga majburi belgilangan tartibda tinch davrda harbiy xizmatga yaroqsiz, urush davrida cheklangan yaroqli deb topilgan taqdirda, zaxiraga o‘tkazilishi kerak.
5. Harbiy xizmatga majburlar va chaqiriluvchilarni harbiy ro‘yxatga kiritish va undan chiqarish tartibi Mudofaa vazirligi tomonidan belgilanadi.
Oldingi tahrirga qarang.
O‘zbekiston Respublikasi Davlat xavfsizlik xizmati, O‘zbekiston Respublikasi Prezidenti Davlat xavfsizlik xizmati, Favqulodda vaziyatlar vazirligi, Elektron texnologiyalarini rivojlantirish markazi organlari va harbiy tuzilmalariga ro‘yxatga olish uchun berilgan, shuningdek Ichki ishlar vazirligi va Davlat bojxona qo‘mitasi kadrlariga o‘tkazilgan harbiy xizmatga majburlar tegishli vazirliklar va idoralarning ro‘yxatida turadi.
(5-bandning ikkinchi xatboshisi O‘zbekiston Respublikasi Vazirlar Mahkamasining 2020-yil 10-iyundagi 370-sonli qarori tahririda — Qonun hujjatlari ma’lumotlari milliy bazasi, 11.06.2020-y., 09/20/370/0746-son)
Oldingi tahrirga qarang.
Ular xizmatdan bo‘shatilgandan keyin bo‘shatish paytidagi lavozimlari va unvonlari bo‘yicha yashash joyi bo‘yicha mudofaa ishlari bo‘limlariga ro‘yxatga olish uchun beriladilar, Davlat xavfsizlik xizmati, O‘zbekiston Respublikasi Prezidenti Davlat xavfsizlik xizmati organlarida xizmatni o‘tagan shaxslar bundan mustasno.
(5-bandning uchinchi xatboshisi O‘zbekiston Respublikasi Vazirlar Mahkamasining 2018-yil 15-dekabrdagi 1021-sonli qarori tahririda — Qonun hujjatlari ma’lumotlari milliy bazasi, 17.12.2018-y., 09/18/1021/2335-son)
Oldingi tahrirga qarang.
O‘zbekiston Respublikasi Davlat xavfsizlik xizmati, O‘zbekiston Respublikasi Prezidenti Davlat xavfsizlik xizmati, Favqulodda vaziyatlar vazirligi, Elektron texnologiyalarini rivojlantirish markazi organlariga ro‘yxatga olish uchun berilayotgan harbiy xizmatga majburlarni, shuningdek O‘zbekiston Respublikasi Ichki ishlar vazirligi va Davlat bojxona qo‘mitasi kadrlariga o‘tkazilgan harbiy xizmatga majburlarni harbiy ro‘yxatdan chiqarish O‘zbekiston Respublikasi Ichki ishlar vaziri va Favqulodda vaziyatlar vazirining, Elektron texnologiyalarini rivojlantirish markazi boshlig‘ining, Davlat xavfsizlik xizmati raisi, Davlat xavfsizlik xizmati Chegara qo‘shinlari raisi va Davlat bojxona qo‘mitasi raisining buyrug‘idan ko‘chirma asosida amalga oshiriladi.
(5-bandning to‘rtinchi xatboshisi O‘zbekiston Respublikasi Vazirlar Mahkamasining 2020-yil 10-iyundagi 370-sonli qarori tahririda — Qonun hujjatlari ma’lumotlari milliy bazasi, 11.06.2020-y., 09/20/370/0746-son)
Harbiy xizmatga chaqirilgan yoki kirgan shaxslar rezervdagilar va zaxiradagilar harbiy ro‘yxatidan chiqariladi.
tibbiy komissiyalar tomonidan harbiy xizmatga yaroqsiz deb topilib, harbiy ro‘yxatdan chiqarilgan fuqarolar;
Keyingi tahrirga qarang.
6. Harbiy xizmatga majburlar va chaqiriluvchilarni ro‘yxatga olishni tashkil etish va yuritish bo‘yicha ishlarga umumiy rahbarlik qilish, hokimliklar, fuqarolarning o‘zini o‘zi boshqarish organlarida, idoraviy mansubliligi va mulkchilik shakllaridan qat’i nazar, korxonalar, muassasalar, tashkilotlar va ta’lim muassasalarida ushbu ishlarning holati ustidan nazorat qilish Mudofaa vazirligi tomonidan amalga oshiriladi.
O‘zbekiston Respublikasi vazirliklari va idoralariga, Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga harbiy xizmatga majburlar va chaqiriluvchilarni shaxsiy ro‘yxatga olish zimmasiga yuklangan o‘zlariga qarashli korxonalar, muassasalar, tashkilotlar, ta’lim muassasalari va fuqarolarning o‘zini o‘zi boshqarish organlarida harbiy xizmatga majburlar va chaqiriluvchilarni ro‘yxatga olishning holati ustidan nazorat qilish vazifasi yuklanadi.
7. O‘zbekiston Respublikasi fuqarolarini harbiy ro‘yxatga olishni tashkil etish va yuritish tartibi masalalari bo‘yicha yo‘riqnomalar va boshqa normativ-huquqiy hujjatlar, shuningdek ro‘yxatga olish va hisobot berishning tegishli blankalari Mudofaa vazirligi tomonidan ishlab chiqiladi va tasdiqlanadi hamda vazirliklar, idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga yuboriladi, ular o‘zlariga qarashli korxonalar, muassasalar, tashkilotlar, ta’lim muassasalarini, tumanlar, shaharlar hokimliklarini va fuqarolarining o‘zini o‘zi boshqarish organlarini ushbu hujjatlar va blankalar bilan ta’minlaydi.
Oldingi tahrirga qarang.
Davlat xavfsizlik xizmatining harbiy xizmatga majburlarini ro‘yxatga olishni tashkil etish va yuritish tartibi masalalari bo‘yicha yo‘riqnomalar va boshqa normativ-huquqiy hujjatlar, shuningdek ro‘yxatga olish va hisobot berishning tegishli blankalari Davlat xavfsizlik xizmati tomonidan ishlab chiqiladi va tasdiqlanadi.
(7-bandning ikkinchi xatboshisi O‘zbekiston Respublikasi Vazirlar Mahkamasining 2018-yil 29-maydagi 396-sonli qarori tahririda — Qonun hujjatlari ma’lumotlari milliy bazasi, 01.06.2018-y., 09/18/396/1287-son)
Keyingi tahrirga qarang.
ofitserning shaxsini tasdiqlovchi guvohnoma, kontrakt bo‘yicha harbiy xizmatchi guvohnomasi blankalari, harbiy guvohnoma, zaxiradagi ofitser guvohnomasi, qayd etish guvohnomasi va muqobil xizmat xizmatchisi guvohnomasi, shuningdek harbiy xizmatga majburlarning maxsus harbiy ro‘yxatdagi holatini belgilovchi guvohnomalar va bildirishnomalar blankalari qat’iy hisobot beriladigan harbiy-hisob hujjatlari hisoblanadi. Harbiy-hisob hujjatlari O‘zbekiston Respublikasi Mudofaa vazirligining buyurtmanomalari bo‘yicha O‘zbekiston Respublikasi Markaziy banki huzuridagi “Davlat belgisi” davlat ishlab chiqarish birlashmasi korxonalarida qalbakilashtirishga qarshi himoya elementlariga ega bo‘lgan maxsus qog‘ozda tayyorlanadi hamda Mudofaa vazirligi tomonidan vazirliklar (idoralar)ga hamda Qoraqalpog‘iston Respublikasi, viloyatlar va Toshkent shahar mudofaa ishlari boshqarmalariga yuboriladi.
Harbiy-hisob hujjatlari qat’iy hisobot beriladigan hujjatlar toifasi uchun belgilangan tartibda hisobga olinadi, saqlanadi va hisobdan chiqariladi.
Ofitser shaxsini tasdiqlovchi guvohnoma, kontrakt bo‘yicha harbiy xizmatchi guvohnomasi, zaxiradagi ofitser guvohnomasi, harbiy guvohnoma, qayd etish guvohnomasi va muqobil xizmat xizmatchisi guvohnomasi blankalar uchun haq undirilmasdan beriladi. Yo‘qotilgan, yo‘qolgan yoki yaroqsiz holga kelgan guvohnomalar o‘rniga guvohnomalarni takroran berishda blankalar uchun haq undiriladi.
Muqobil xizmat xizmatchilariga ular xizmat qilgan davrda muqobil xizmat xizmatchisi guvohnomasi beriladi. Xizmat muddati tamom bo‘lgach muqobil xizmatdan bo‘shatilganda yoki turli sabablarga ko‘ra muddatidan oldin bo‘shatilganda ularga harbiy guvohnoma beriladi.
9. Harbiy xizmatga majburlar va chaqiriluvchilarni tuman (shahar) mudofaa ishlari organlarida, fuqarolarning o‘zini o‘zi boshqarish organlarida, korxonalar, muassasalar, tashkilotlar va ta’lim muassasalarida ro‘yxatga olish:
O‘zbekiston Respublikasi fuqarolari tomonidan umumiy harbiy majburiyat bajarilishini va “Umumiy harbiy majburiyat va harbiy xizmat to‘g‘risida”gi O‘zbekiston Respublikasi Qonunida belgilangan harbiy ro‘yxatga olish qoidalariga rioya qilish nazorat qilinishini ta’minlash;
safarbarlik davrida va urush davrida O‘zbekiston Respublikasi iqtisodiyoti tarmoqlariga rahbarlar tarkibini, muhandis-texnik xodimlarni, malakali ishchilarni bron qilishni o‘z vaqtida rasmiylashtirishni tashkil etish;
safarbarlik bo‘yicha chaqirilishi kerak bo‘lgan mutaxassislarni almashtirish uchun zarur kadrlar rezervini oldindan tayyorlash;
safarbarlik tadbirlarini o‘tkazishda harbiy boshqaruv mahalliy organlariga yordam berish maqsadlarida yuritiladi.
10. Mudofaa ishlari organlari harbiy xizmatga majburlar va chaqiriluvchilarni yashash joylari bo‘yicha harbiy ro‘yxatga olishga, shuningdek fuqarolarning o‘zini o‘zi boshqarish organlarida, idoraviy mansubliligi va mulkchilik shakllaridan qat’i nazar, korxonalar, tashkilotlar va muassasalarda, shu jumladan ta’lim muassasalarida uni yuritishning holati va tartibini nazorat qilishga majburdirlar.
o‘zlari xizmat ko‘rsatadigan hududda yashovchi barcha harbiy xizmatga majburlar va chaqiriluvchilar to‘liq va sifatli ro‘yxatga olinishini ta’minlashga;
harbiy xizmatga majburlar va chaqiriluvchilarni boshlang‘ich ro‘yxatga olish kartochkalarini zaxiradagi ofitserlar guvohnomalari va harbiy guvohnomalardagi, qayd etish guvohnomalari va muqobil xizmat xizmatchilari guvohnomalaridagi yozuvlar bilan muntazam ravishda solishtirishga hamda ushbu kartochkalarni bir yilda kamida bir marta solishtirish uchun tuman va shahar mudofaa ishlari bo‘limlariga taqdim etishga;
o‘n kun muddatda harbiy ro‘yxatga olingan va undan chiqarilgan barcha harbiy xizmatga majburlar va chaqiriluvchilar to‘g‘risida tuman (shahar) mudofaa ishlari organlariga xabar berishga majburdirlar.
12. Idoraviy mansubliligi va mulkchilik shakllaridan qat’i nazar, korxonalar, muassasalar, tashkilotlar va ta’lim muassasalari ma’muriyati quyidagilarga majburdir:
mazkur korxona, muassasa, tashkilot va ta’lim muassasasining barcha harbiy xizmatga majburlar va chaqiriluvchilarini O‘zbekiston Respublikasi Mudofaa vazirligi va Davlat statistika qo‘mitasi tomonidan belgilanadigan qoidalar va shakllar bo‘yicha to‘liq va sifatli ro‘yxatga olinishini ta’minlash;
zaxiradagi ofitserlar guvohnomalaridagi, harbiy guvohnomalardagi, qayd etish guvohnomalaridagi va muqobil xizmat xizmatchilarining guvohnomalaridagi yozuvlarni ularning shaxsiy kartochkalaridagi (T-2-shakl) yozuvlar bilan doimiy ravishda aniqlashtirib borish hamda ushbu kartochkalarni solishtirish uchun har yili kamida bir marta tuman va shahar mudofaa ishlari bo‘limlariga taqdim etish;
harbiy xizmatga majburlar va chaqiriluvchilarning oilaviy ahvoli, yashash joyi manzili, xizmatdagi mavqeyi, umumta’lim va texnik tayyorgarligidagi o‘zgarishlarni muntazam ravishda hisobga olib borish hamda besh kun muddatda ushbu o‘zgarishlarni ularning shaxsiy kartochkalariga kiritish, bu to‘g‘rida tegishli harbiy ro‘yxatga olish organlariga ular tomonidan belgilanadigan muddatlarda, lekin har oyda kamida bir marta ma’lum qilish;
rahbarlar, muhandis-texnik xodimlar va malakali ishchilar tarkibidagi harbiy xizmatga majburlar safarbarlik davri va urush davri uchun O‘zbekiston Respublikasi iqtisodiyoti tarmoqlariga bron qilib qo‘yilishini o‘z vaqtida rasmiylashtirish;
ishga (o‘qishga) yangi qabul qilingan yoki ishdan (o‘quv yurtidan) bo‘shatilgan barcha harbiy xizmatga majburlar va chaqiriluvchilar to‘g‘risida yetti kun muddatda mudofaa ishlari bo‘limlariga xabar qilish;
fuqarolarni ishga (o‘qishga) qabul qilishda ularda harbiy-hisob hujjatlari (harbiy xizmatga majburlarda — zaxiradagi ofitser guvohnomasining, harbiy guvohnomaning, chaqiriluvchilarda esa — qayd etish guvohnomasi) mavjudligini tekshirish hamda ularning harbiy hisobda turishini aniqlash. Fuqarolar faqat yashash joyi bo‘yicha harbiy hisobga qo‘yilganidan keyingina ishga (o‘qishga) qabul qilinadilar.
13. Yuqori organga ega bo‘lmagan nodavlat sektordagi korxonalar, tashkilotlar va muassasalar, shu jumladan ta’lim muassasalari harbiy hisobni yuritish masalalari yuzasidan o‘zlari joylashgan hududdagi tuman (shahar) hokimliklariga hisobot beradilar. Ushbu hollarda hokimlik ularni harbiy xizmatga majburlar va chaqiriluvchilarni harbiy ro‘yxatga olish bo‘yicha blankalar, hisobot shakllari va boshqa hujjatlar namunalari bilan ta’minlaydi.
Nodavlat sektordagi korxonalar, muassasalar, tashkilotlar va ta’lim muassasalarida harbiy xizmatga majburlar va chaqiriluvchilarning harbiy ro‘yxatga olish, shuningdek ular bo‘yicha hisobot berish ushbu Nizomning 12-bandida nazarda tutilgan qoidalar bo‘yicha amalga oshiriladi.
Oldingi tahrirga qarang.
14. Joylardagi davlat hokimiyati va boshqaruv organlari, fuqarolarning o‘zini o‘zi boshqarish organlari, zimmasiga harbiy hisobni yuritish yuklangan korxonalar, muassasalar, tashkilotlar va ta’lim muassasalari rahbarlari, ichki ishlar, fuqarolik holatlarini qayd etish tergovga qadar tekshiruvni amalga oshiruvchi organlar, surishtiruv va dastlabki tergov organlari, tibbiy-mehnat ekspert komissiyalari, uy-joylardan foydalanish organlari va uy egalari “Umumiy harbiy majburiyat va harbiy xizmat to‘g‘risida”gi O‘zbekiston Respublikasi Qonunining 45-moddasiga muvofiq harbiy boshqaruv mahalliy organlariga ularning ishida ko‘maklashishi va O‘zbekiston Respublikasi fuqarolari tomonidan umumiy harbiy majburiyatning bajarilishini va harbiy ro‘yxatga olish qoidalariga rioya etilishini ta’minlash chora-tadbirlarini ko‘rishi shart.
(14-band O‘zbekiston Respublikasi Vazirlar Mahkamasining 2017-yil 1-dekabrdagi 960-sonli qarori tahririda — Qonun hujjatlari ma’lumotlari milliy bazasi, 04.12.2017-y., 09/17/960/0355-son)
15. Mudofaa ishlari organlari, hokimliklar, fuqarolarning o‘zini o‘zi boshqarish organlari, korxonalar, tashkilotlar va muassasalar, shu jumladan ta’lim muassasalaridagi harbiy ro‘yxatga olish xodimlari soni bir xodim hisobiga yuklama normasidan kelib chiqqan holda:
hisobda 1500 nafargacha harbiy xizmatga majburlar bo‘lganda – hisobga olish va bron qilish bo‘yicha bir nafar xodim, hisobda 1500 dan 3000 nafargacha harbiy xizmatga majburlar bo‘lganda — ikki nafar ana shunday xodim va shundan keyingi har 1500 nafar harbiy xizmatga majburlar va chaqiriluvchilar hisobiga — bir nafardan xodim;
hisobda 500 dan 1000 nafargacha harbiy xizmatga majburlar va chaqiriluvchilar bo‘lganda — harbiy ro‘yxatga olish uchun bir nafar shtatli xodim, hisobda 1000 dan 2000 nafargacha harbiy xizmatga majburlar va chaqiriluvchilar bo‘lganda — ikki nafar ana shunday xodim hamda shundan keyingi har 1000 nafar harbiy xizmatga majburlar va chaqiriluvchilar hisobiga — bir nafardan xodim;
hisobda 500 dan 2000 nafargacha harbiy xizmatga majburlar va chaqiriluvchilar bo‘lganda — asosiy ishidan ozod qilingan bir nafar xodim, hisobda 2000 dan 4000 nafargacha harbiy xizmatga majburlar va chaqiriluvchilar bo‘lganda — ikki nafar xodim, hisobda 4000 dan 7000 nafargacha harbiy xizmatga majburlar va chaqiriluvchilar bo‘lganda — uch nafar xodim va shundan keyingi har 3000 nafar harbiy xizmatga majburlar va chaqiriluvchilar hisobiga — bir nafardan xodim belgilanadi.
Hokimliklar va fuqarolarning o‘zini o‘zi boshqarish organlarining harbiy ro‘yxatga olish xodimlari mahalliy budjet mablag‘lari hisobiga, korxonalar, muassasalar, tashkilotlar va ta’lim muassasalarida esa — o‘z mablag‘lari hisobiga ta’minlanadilar.
16. Hokimliklar, fuqarolarning o‘zini o‘zi boshqarish organlari, idoraviy mansubliligi va mulkchilik shakllaridan qat’i nazar, korxonalar, tashkilotlar va muassasalarda, shu jumladan ta’lim muassasalarida hisobda 500 nafardan kam harbiy xizmatga majburlar va chaqiriluvchilar bo‘lganda harbiy xizmatga majburlar va chaqiriluvchilarni harbiy ro‘yxatga olish va bron qilish ishlari belgilangan tartibda hokimlik, fuqarolarning o‘zini o‘zi boshqarish organi, korxona, tashkilot va muassasaning, shu jumladan ta’lim muassasasining xodimlaridan biriga o‘rindoshlik bo‘yicha yuklanadi.
Oldingi tahrirga qarang.
17. Harbiy ro‘yxatga olish bilan shug‘ullanuvchi xodimlarni tasdiqlash, almashtirish va ishdan bo‘shatish tegishli ravishda tuman (shahar) hokimi, fuqarolar yig‘ini kengashi, idoraviy mansubliligi va mulkchilik shakllaridan qat’i nazar, korxona, muassasa, tashkilot va ta’lim muassasasi rahbarlari tomonidan mudofaa ishlari bo‘limlari boshliqlari bilan kelishilgan holda amalga oshiriladi.
(17-band O‘zbekiston Respublikasi Vazirlar Mahkamasining 2013-yil 11-dekabrdagi 327-sonli qarori tahririda — O‘R QHT, 2013-y., 50-son, 654-modda)
18. Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari, vazirliklar, idoralar, uyushmalar, konsernlar, korporatsiyalar va birlashmalar rahbarlari:
joylardagi davlat boshqaruv organlarida, tasarruflaridagi korxonalar, tashkilotlar, ta’lim muassasalarida harbiy ro‘yxatga olish ishlarining ahvolini nazorat qilishi;
joylardagi harbiy ro‘yxatga olish ishlarining ahvoli masalalarini muntazam ravishda ko‘rib chiqishi va ularni yaxshilash chora-tadbirlarini ko‘rishi shart.
19. Harbiy ro‘yxatga olish bo‘limlari, harbiy safarbarlik organlari xodimlaridan harbiy ro‘yxatga olish va safarbarlik ishlari bilan bog‘liq bo‘lmagan boshqa vazifalarni bajarish uchun foydalanishga yo‘l qo‘yilmaydi.
20. Harbiy xizmatga majburlar, chaqiriluvchilar va mansabdor shaxslar harbiy ro‘yxatga olish qoidalarini buzganlik uchun amaldagi qonun hujjatlariga muvofiq javobgarlikka tortiladilar.
Keyingi tahrirga qarang.