LexUZ sharhi
Mazkur Farmon O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Kommunal xizmat tizimida islohotlarni yanada chuqurlashtirish, aholini ichimlik suv, tabiiy gaz va kommunal xizmatlar bilan barqaror ta’minlash, aholiga kommunal xizmat ko‘rsatish masalalarida mahalliy davlat boshqaruvi hamda fuqarolarning o‘zini o‘zi boshqarish organlarining ahamiyati va mas’uliyatini oshirish maqsadida:
1. O‘zbekiston Respublikasi Kommunal xizmat ko‘rsatish vazirligini qayta tashkil etish bo‘yicha Vazirlar Mahkamasining 2000-yil 2-noyabrdagi 429-son qarori bilan tuzilgan Maxsus komissiyaning quyidagi takliflari ma’qullansin:
O‘zbekiston Respublikasi Kommunal xizmat ko‘rsatish vazirligini tugatish va uning negizida O‘zbekiston “O‘zkommunxizmat” Agentligini tashkil qilish;
hududiy kommunal-foydalanish birlashmalarini Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining bevosita qaramog‘iga topshirish;
Keyingi tahrirga qarang.
shaharlar va tumanlarda kommunal-foydalanish boshqarmalari faoliyati samaradorligini oshirish hamda bozor mexanizmlarini kuchaytirish.
Keyingi tahrirga qarang.
Keyingi tahrirga qarang.
aholini tabiiy va suyultirilgan gaz bilan uzluksiz ta’minlash, mintaqalararo suv quvurlarining barqaror va ishonchli ishlashini ta’minlash;
mintaqalararo suv quvurlaridan, kommunal gaz sotish tarmoqlaridan foydalanish hamda ularni rivojlantirish sohasida yagona texnikaviy siyosatni shakllantirish va o‘tkazish, ularni barpo etish borasida buyurtmachi vazifalarini amalga oshirish;
kommunal xizmatni isloh qilish bo‘yicha ishlarni muvofiqlashtirish, kommunal xizmat sohasidagi me’yoriy-huquqiy hujjatlarni, texnikaviy-iqtisodiy shartlarni ishlab chiqish hamda belgilangan tartibda tasdiqlash;
davlat boshqaruv mahalliy organlari, xo‘jalik yurituvchi subyektlar va fuqarolar tomonidan kommunal xizmat sohasida amaldagi qonunchilikka, belgilangan texnik shartlar va talablarga rioya etilishi ustidan nazoratni amalga oshirish;
ro‘zg‘or chiqindilarini yig‘ish, ularni foydali suratda ishlatish va qayta ishlash borasidagi holatni o‘rganish hamda shu masalalar bo‘yicha yagona siyosatni shakllantirish;
tarmoqqa xorijiy sarmoyalar va texnologiyalarni, jumladan, qo‘shma korxonalar barpo etish yo‘li bilan jalb qilish.
Keyingi tahrirga qarang.
3. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining hududiy-kommunal foydalanish birlashmalari zimmasiga quyidagi asosiy vazifalar yuklansin:
aholiga uy-joy-kommunal xizmatlarning jami kompleksini ko‘rsatish, uni ichimlik suvi, markaziy isitish, kanalizatsiya bilan ta’minlash;
uy-joy-kommunal xo‘jaligi obyektlarini mavsumiy foydalanishga tayyorlash borasidagi ishlarni o‘tkazish;
uy-joy egalarining shirkatlarini hamda Yagona buyurtmachi xizmatlarini, uy-joy fondiga xizmat qilish va kommunal xizmatlar ko‘rsatish bo‘yicha muqobil pudrat tashkilotlarini tuzish uchun zarur tashkiliy-iqtisodiy shart-sharoitlarni yaratish;
mahalliy budjet va o‘z mablag‘lari hisobidan kommunal obyektlar qurilishi bo‘yicha buyurtmachi vazifalarini amalga oshirish;
shaharlar va aholi manzilgohlarini obodonlashtirish hamda sanitariya jihatidan tozalash borasidagi ishlarni tashkil etish;
Keyingi tahrirga qarang.
4. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining aholiga kommunal xizmatni tashkil qilish sohasidagi asosiy vazifalari quyidagilardan iborat etib belgilansin:
kommunal xizmatlar bozorida raqobatchilik muhitini shakllantirish, uy-joy fondi va boshqa kommunal obyektlarni boshqarish hamda ularga xizmat ko‘rsatish vazifalarini ajratish maqsadida mintaqadagi kommunal xizmat tizimida islohotlarni amalga oshirish;
aholini toza ichimlik suvi va gaz bilan ta’minlash uchun suv quvurlari va gaz tarmoqlarini rivojlantirish borasidagi maqsadli davlat dasturlarini o‘z qaramog‘idagi hududda ro‘yobga chiqarish;
O‘zbekiston Respublikasi Moliya vazirligi bilan kelishilgan holda o‘z qaramog‘idagi hududda kommunal xizmatlarga bo‘lgan tarif siyosatini shakllantirish;
suv, gaz, issiqlik hamda boshqa energiya manbalarni sarfini yakka tartibda hisobga olish va tartibga solish asbob-uskunalarini joriy etish bo‘yicha ishlarni muvofiqlashtirish;
5. “O‘zbekiston Respublikasida kommunal xizmat ko‘rsatishni boshqarishni takomillashtirish to‘g‘risida” O‘zbekiston Respublikasi Prezidentining 1993-yil 15-iyuldagi PF-617-son Farmonining 1-3-bandlari o‘z kuchini yo‘qotgan deb hisoblansin.
Keyingi tahrirga qarang.
6. O‘zbekiston Respublikasi Adliya vazirligi, Davlat mulki qo‘mitasi bir oy muddatda O‘zbekiston Respublikasining qonunchiligiga mazkur Farmondan kelib chiqadigan o‘zgartish va qo‘shimchalar to‘g‘risidagi takliflarni kiritsinlar.
7. O‘zbekiston Respublikasi Vazirlar Mahkamasi o‘n kun muddatda ushbu Farmonni amalga oshirish yuzasidan qaror qabul qilsin.