LexUZ sharhi
Mazkur qaror O‘zbekistan Respublikasi Vazirlar Mahkamasining 2022-yil 25-fevraldagi 88-sonli “Maxsus elektron tizim orqali ayrim faoliyat turlarini litsenziyalash tartibi to‘g‘risidagi yagona nizomni tasdiqlash haqida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Chet tillarni o‘rganish tizimini yanada takomillashtirish chora-tadbirlari to‘g‘risida” 2012-yil 10-dekabrdagi PQ-1875-son qarorini bajarish yuzasidan, shuningdek chet tillarni o‘rganish imkonini yanada kengaytirishni ta’minlash, nodavlat ta’lim muassasalarining chet tillarni o‘qitish sohasidagi faoliyatini litsenziyalash tartibini soddalashtirish maqsadida Vazirlar Mahkamasi qaror qiladi:
1. Belgilab qo‘yilsinki, 2013-yil 1-avgustdan boshlab nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatini litsenziyalash Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan amalga oshiriladi.
Keyingi tahrirga qarang.
Nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatini litsenziyalash tartibi to‘g‘risidagi Nizom 1-ilovaga muvofiq;
Nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatini litsenziyalash bo‘yicha hududiy komissiya to‘g‘risidagi Nizom 2-ilovaga muvofiq;
Nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatini litsenziyalash bo‘yicha hududiy komissiyaning Namunaviy tarkibi 3-ilovaga muvofiq tasdiqlansin.
Keyingi tahrirga qarang.
3. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari o‘n kun muddatda nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatini litsenziyalash bo‘yicha hududiy komissiyalarning (keyingi o‘rinlarda hududiy komissiyalar deb ataladi) tarkibini tasdiqlasinlar.
Keyingi tahrirga qarang.
bir oy muddatda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda hududiy komissiyalar faoliyatini tashkil etish bo‘yicha zarur tadbirlarni amalga oshirsin;
hududiy komissiyalar faoliyati muvofiqlashtirilishini va doimiy monitoring olib borilishini ta’minlasin;
ushbu qarorning bajarilishi to‘g‘risida 2014-yil yanvar va iyul oylarida O‘zbekiston Respublikasi Vazirlar Mahkamasiga axborot bersin.
Keyingi tahrirga qarang.
5. O‘zbekiston Respublikasi Hukumatining 4-ilovaga muvofiq ayrim qarorlariga o‘zgartirish va qo‘shimchalar kiritilsin.
Keyingi tahrirga qarang.
6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.I. Ikramov zimmasiga yuklansin.
1. Mazkur Nizom nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatini litsenziyalash tartibini belgilaydi.
2. Litsenziyalarni berish, litsenziyaning amal qilishini to‘xtatib turish yoki to‘xtatish, shuningdek uni bekor qilish va qayta rasmiylashtirish to‘g‘risidagi qarorlar Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzuridagi hududiy komissiyalar (keyingi o‘rinlarda hududiy komissiya deb ataladi) tomonidan qabul qilinadi.
Keyingi tahrirga qarang.
Hududiy komissiya faoliyati O‘zbekiston Respublikasi Vazirlar Mahkamasi tomonidan tasdiqlanadigan Nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatini litsenziyalash bo‘yicha hududiy komissiya to‘g‘risidagi Nizomga muvofiq tashkil etiladi.
Keyingi tahrirga qarang.
O‘rta maxsus, kasb-hunar ta’limi hududiy boshqarmasi hududiy komissiyaning ishchi organi funksiyasini (keyingi o‘rinlarda ishchi organ deb ataladi) bajaradi.
Keyingi tahrirga qarang.
3. Litsenziya talabgori chet tillarni o‘rganish bo‘yicha o‘quv kurslarini tashkil etish sohasidagi faoliyati bilan bir vaqtda ta’lim turi bo‘yicha boshqa faoliyatni amalga oshirgan taqdirda bevosita Vazirlar Mahkamasining nodavlat ta’lim muassasalari faoliyatini litsenziyalash komissiyasiga litsenziya berish to‘g‘risida ariza bilan murojaat qilish huquqiga ega.
Keyingi tahrirga qarang.
4. Nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatini amalga oshirish huquqiga namunaviy (oddiy) litsenziyalar beriladi.
5. Litsenziya nodavlat ta’lim muassasalariga chet tillarni o‘rganish bo‘yicha o‘quv kurslarini tashkil etish sohasida ta’limning har bir turi uchun alohida beriladi.
6. Nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatini amalga oshirish huquqiga litsenziya 5 yil muddatga beriladi, litsenziyaning muddati tugagandan keyin belgilangan tartibda uzaytirilishi mumkin.
Keyingi tahrirga qarang.
7. Quyidagilar nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatini amalga oshirishda litsenziya talablari va shartlari hisoblanadi:
ta’limning majburiy ravishda dunyoviy xarakterda bo‘lishi, ta’lim jarayonida urushni, zo‘ravonlikni targ‘ib qilishdan foydalanishga, fuqarolarning konstitutsiyaviy huquqlari va erkinligi kamsitilishiga, mamlakatdagi xavfsizlikka va ijtimoiy-siyosiy barqarorlikka, jamiyatning huquqiy va ma’naviy asoslariga, fuqarolar osoyishtaligiga, millatlararo va dinlararo totuvlikka raxna solinishiga, O‘zbekiston to‘g‘risida noto‘g‘ri axborotlar tarqatilishiga hamda uning tarixiy, madaniy va ma’naviy qadriyatlari buzib ko‘rsatilishiga yo‘l qo‘ymaslik;
litsenziya talabgorida litsenziyalanayotgan faoliyatni bajarish uchun mo‘ljallangan, unga mulkiy yoki boshqa ashyoviy huquq bilan tegishli bo‘lgan, belgilangan talablarga muvofiq binolar (xonalar)ning mavjudligi;
chet tilini tegishli bazaviy ma’lumotga ega bo‘lgan, malakasi ta’lim dasturlarining belgilangan darajasini ta’minlaydigan, shuningdek ularda Vazirlar Mahkamasi huzuridagi Davlat test markazi tomonidan beriladigan chet tilini bilish va egallab olganlik darajasi to‘g‘risidagi davlat namunasidagi malaka sertifikati mavjud bo‘lgan shaxslar tomonidan o‘qitish;
o‘quv va tarbiya jarayonini davlat talablariga, o‘quv rejalariga va ta’lim dasturlariga muvofiq tashkil etish;
litsenziya talabgorida ta’lim dasturlarining belgilangan darajasini amalga oshirish uchun zarur bo‘lgan o‘quv, o‘quv-metodik adabiyotlar va boshqa kutubxona-axborot resurslari hamda ta’lim jarayonlarini ta’minlash vositalari mavjudligi;
auditoriyalarni, o‘quv xonalarini zamonaviy axborot-kommunikatsiya asbob-uskunalari, o‘qitishning texnik vositalari va anjomlar bilan jihozlash.
8. Litsenziya bitimida ushbu Nizomning 7-bandida qayd etilganlardan kelib chiqadigan litsenziya talablari va shartlari ko‘rsatiladi.
Keyingi tahrirga qarang.
Keyingi tahrirga qarang.
litsenziya berish to‘g‘risidagi ariza, unda quyidagilar ko‘rsatiladi: yuridik shaxsning nomi va tashkiliy-huquqiy shakli, uning joylashgan joyi (pochta manzili), ta’lim faoliyatini amalga oshirish joyi manzili, bank muassasasining nomi va bankdagi hisob raqami, faoliyatning litsenziyalanayotgan turi, shuningdek chet tillarni o‘qitish bo‘yicha kurslar ro‘yxati;
Keyingi tahrirga qarang.
faoliyatning litsenziyalanayotgan turi amalga oshiriladigan binolarga (xonalarga) mulkiy yoki boshqa ashyoviy huquqlarning mavjudligini, shuningdek mazkur binolar (xonalar)ning belgilangan talablarga muvofiqligini tasdiqlovchi hujjatlar;
Keyingi tahrirga qarang.
yong‘in va sanitariya-epidemiologiya nazorati organlarining mavjud binolar va xonalarning yong‘in xavfsizligi talablariga va sanitariya-gigiyena normalariga muvofiqligi to‘g‘risidagi xulosalari;
chet tillarga o‘qitgan hollarda pedagogik kadrlar to‘g‘risida ma’lumot (ma’lumoti to‘g‘risidagi hujjatlarning nusxasi va O‘zbekiston Respublikasi Vazirlar Mahkamasi huzuridagi Davlat test markazi tomonidan beriladigan bilimlar darajasi va chet tilini bilish va egallab olganlik darajasi to‘g‘risidagi davlat namunasidagi malaka sertifikatining nusxalari);
o‘quv jarayonini ta’minlash uchun zarur bo‘lgan moddiy vositalarning (yoki ularni moliyalashtirishning aniq manbai) mavjudligini tasdiqlovchi hujjatlar;
ariza ko‘rib chiqilganligi uchun litsenziya talabgori tomonidan yig‘im to‘langanligini tasdiqlovchi hujjat.
Keyingi tahrirga qarang.
10. Hujjatlar litsenziya talabgori tomonidan ishchi organga bevosita yoxud ularning olinganligi to‘g‘risidagi bildirishnoma bilan pochta aloqasi vositasi orqali yetkazib beriladi.
Hujjatlar ishchi organning mas’ul shaxsi tomonidan ro‘yxat bo‘yicha qabul qilinadi, ro‘yxatning nusxasi hujjatlar qabul qilib olingan sana to‘g‘risida belgi qo‘yilgan holda ariza beruvchiga yuboriladi (topshiriladi).
11. Ishonchsiz yoki noto‘g‘ri ma’lumotlar taqdim etilganligi uchun litsenziya talabgori qonun hujjatlariga muvofiq javob beradi.
12. Litsenziya talabgorining arizasi ko‘rib chiqilganligi uchun O‘zbekiston Respublikasi qonun hujjatlarida belgilangan eng kam oylik ish haqining ikki baravari miqdorida yig‘im undiriladi.
Keyingi tahrirga qarang.
Litsenziatning litsenziya berish to‘g‘risidagi arizasi ko‘rib chiqilganligi uchun yig‘im summasi ishchi organning hisob raqamiga o‘tkaziladi.
Litsenziya talabgori berilgan arizadan voz kechgan taqdirda to‘langan yig‘im summasi qaytarib berilmaydi.
13. Nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatini litsenziyalash ushbu Nizomga ilova qilinayotgan sxemaga asosan amalga oshiriladi.
Litsenziya talabgoriga litsenziya berish yoki litsenziya berishni rad etish to‘g‘risidagi qaror litsenziya talabgorining arizasi olingan kundan boshlab o‘ttiz kundan ortiq bo‘lmagan muddatda qabul qilinadi.
Keyingi tahrirga qarang.
Ishchi organ ariza olingan kundan boshlab o‘n besh kundan ortiq bo‘lmagan muddatda hujjatlarni ko‘rib chiqadi, ular bo‘yicha ekspert xulosasi tayyorlaydi va litsenziya talabgoriga litsenziya berish yoki litsenziya berishni rad etish to‘g‘risidagi taklifni tegishli qaror protokoli loyihasi bilan birga ko‘rib chiqish uchun komissiyaga taklif taqdim etadi.
Keyingi tahrirga qarang.
Hududiy komissiya ishchi organning taklifi olingandan keyin o‘n besh kundan ortiq bo‘lmagan muddatda uni ko‘rib chiqadi va qabul qilingan qaror to‘g‘risidagi protokolni tasdiqlaydi. Hududiy komissiya qabul qilgan qaror protokolini komissiya raisi (uning o‘rinbosari) imzolaydi. Zarur hollarda hududiy komissiya qarori so‘rov yo‘li bilan qabul qilinishi mumkin.
Keyingi tahrirga qarang.
14. Ishchi organ litsenziya talabgorini qabul qilingan qaror to‘g‘risida tegishli qaror qabul qilingandan keyin uch kun mobaynida xabardor qiladi.
Keyingi tahrirga qarang.
Litsenziya berish yuzasidan qaror qabul qilingani to‘g‘risidagi bildirishnoma litsenziya talabgoriga bank hisob raqami rekvizitlari, davlat bojini to‘lash muddatlari ko‘rsatilgan holda yozma shaklda jo‘natiladi (taqdim etiladi).
Litsenziya berish to‘g‘risida qabul qilingan qaror to‘g‘risidagi bildirishnoma bilan bir vaqtda litsenziya talabgoriga imzolash uchun litsenziya bitimi yuboriladi.
Litsenziyalovchi organ va litsenziatning o‘zaro huquqlari hamda majburiyatlarini belgilovchi litsenziya bitimi ishchi organ va litsenziat o‘rtasida tuziladi va unda quyidagilar bo‘lishi kerak:
litsenziat tomonidan litsenziya bitimi talablari va shartlari bajarilishini ishchi organ tomonidan nazorat qilish tartibi.
Keyingi tahrirga qarang.
15. Litsenziyalar blankalari qat’iy hisobot beriladigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega bo‘ladi. Litsenziya blankalari namunalari Vazirlar Mahkamasining nodavlat ta’lim muassasalari faoliyatini litsenziyalash komissiyasi ishchi organi tomonidan ishlab chiqiladi. Blankalar namunalari Vazirlar Mahkamasining nodavlat ta’lim muassasalari faoliyatini litsenziyalash komissiyasi tomonidan tasdiqlanadi va O‘zbekiston Respublikasi Vazirlar Mahkamasi huzuridagi Davlat test markazi buyurtmasi bo‘yicha bosmaxona usulida “Davlat belgisi” davlat-ishlab chiqarish birlashmasida tayyorlanadi.
Ishchi organ litsenziya blankalarini Vazirlar Mahkamasi huzuridagi Davlat test markazidan oladi va unga berilgan litsenziyalar to‘g‘risida hisobot beradi. Hisobot shakllari O‘zbekiston Respublikasi Vazirlar Mahkamasi huzuridagi Davlat test markazi tomonidan belgilanadi.
Ishchi organ rahbari litsenziya blankalarining hisobga olinishi, saqlanishi va ulardan maqsadli foydalanilishi uchun shaxsan javob beradi.
Litsenziyalar ishchi organ tomonidan rasmiylashtiriladi va hududiy komissiya raisi tomonidan imzolanadi.
Keyingi tahrirga qarang.
16. Litsenziya litsenziya talabgori tomonidan davlat boji to‘langanini tasdiqlovchi hujjat taqdim etilgandan va u litsenziya bitimini imzolagandan keyin uch kun muddatda beriladi.
17. Agar litsenziat litsenziya berish to‘g‘risida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida litsenziyalovchi organga litsenziya berilganligi uchun davlat boji to‘langanligini tasdiqlovchi hujjatni taqdim etmasa yoxud litsenziya bitimini imzolamasa, hududiy komissiya litsenziyani bekor qilish to‘g‘risida qaror qabul qilishga haqlidir.
Keyingi tahrirga qarang.
18. Litsenziya berish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 17-moddasida nazarda tutilgan asoslar bo‘yicha rad etilishi mumkin.
Litsenziya talabgori litsenziya berish rad etilishi to‘g‘risidagi qaror, shuningdek ishchi organ mansabdor shaxsining xatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.
19. Litsenziya berish rad etilishi to‘g‘risida qaror qabul qilingan taqdirda, rad etish to‘g‘risidagi bildirishnoma litsenziya talabgoriga rad etishning aniq sabablari va litsenziya talabgori ko‘rsatib o‘tilgan sabablarni bartaraf etib hujjatlarni takroran ko‘rib chiqishga taqdim etishi uchun yetarli bo‘lgan muddat ko‘rsatilgan holda yozma shaklda yuboriladi (topshiriladi). Litsenziya berishni rad etish haqidagi xabarnomada ko‘rsatilgan muddat kamchiliklarni bartaraf etish uchun zarur bo‘lgan vaqtga mutanosib bo‘lishi kerak.
20. Litsenziya berish rad etilishiga asos bo‘lgan sabablar litsenziya talabgori tomonidan bartaraf etilgan taqdirda, hujjatlarni takroran ko‘rib chiqish litsenziya talabgorining arizasi barcha zarur hujjatlar bilan birgalikda olingan kundan boshlab o‘n kundan ortiq bo‘lmagan muddatda amalga oshiriladi.
Keyingi tahrirga qarang.
Bunda ishchi organ hujjatlar takroran taqdim etilgandan keyin to‘rt kun mobaynida ular bo‘yicha ekspert xulosasi tayyorlaydi va litsenziya talabgoriga litsenziya berish yoki berishni rad etish to‘g‘risidagi taklifni tegishli qaror protokoli loyihasi bilan birga ko‘rib chiqish uchun hududiy komissiyaga taklif taqdim etadi.
Keyingi tahrirga qarang.
Hududiy komissiya ishchi organ taklifi olingandan keyin olti kun muddatda uni ko‘rib chiqadi va qabul qilingan qaror to‘g‘risidagi protokolni tasdiqlaydi. Hududiy komissiya qabul qilgan qaror protokoli komissiya raisi (uning o‘rinbosari) tomonidan imzolanadi.
Keyingi tahrirga qarang.
Litsenziya talabgorining arizasini qayta ko‘rib chiqishda ilgari litsenziya berishni rad etish to‘g‘risidagi bildirishnomada ko‘rsatilmagan yangi asoslar bo‘yicha litsenziya berishni rad etishga yo‘l qo‘yilmaydi.
Litsenziya berish rad etilganligi to‘g‘risidagi bildirishnomada ko‘rsatilgan muddat o‘tgandan keyin berilgan ariza yangidan berilgan ariza hisoblanadi.
Keyingi tahrirga qarang.
21. Litsenziat qayta tashkil etilgan, uning nomi yoki joylashgan joyi (pochta manzili) o‘zgargan taqdirda, litsenziat yoki uning huquqiy vorisi qayta ro‘yxatdan o‘tkazilgandan keyin bir oy muddatda ishchi organga ko‘rsatib o‘tilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish to‘g‘risida ariza berishi shart.
Keyingi tahrirga qarang.
22. Litsenziat litsenziya qayta rasmiylashtirilgunga qadar unda ko‘rsatilgan faoliyatni ilgari berilgan litsenziya asosida amalga oshiradi.
23. Litsenziyani qayta rasmiylashtirishda ishchi organ litsenziyalar reyestriga tegishli o‘zgartirishlar kiritadi. Litsenziyani qayta rasmiylashtirish ishchi organ tomonidan tegishli hujjatlar ilova qilingan holda litsenziyani qayta rasmiylashtirish to‘g‘risida ariza olingan kundan boshlab besh kun mobaynida amalga oshiriladi.
Litsenziyani qayta rasmiylashtirishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi ishchi organ hisob raqamiga o‘tkaziladi.
Keyingi tahrirga qarang.
24. Litsenziyaning amal qilish muddatini uzaytirish litsenziatning arizasiga ko‘ra amalga oshiriladi.
Litsenziyaning amal qilish muddatini uzaytirish to‘g‘risidagi ariza ishchi organga litsenziyaning amal qilish muddati tugagunga qadar ikki oydan kechikmay berilishi kerak.
Litsenziyaning amal qilish muddatini uzaytirish yoki uzaytirishni rad etish to‘g‘risidagi qaror litsenziya berish uchun nazarda tutilgan tartibda qabul qilinadi.
Keyingi tahrirga qarang.
25. Amal qilish muddati o‘tmagan yo‘qolgan yoki yaroqsiz holga kelgan litsenziya o‘rniga litsenziatning arizasiga ko‘ra uning dublikati berilishi mumkin.
Keyingi tahrirga qarang.
Litsenziya dublikatlari berishda litsenziya berish to‘g‘risidagi ariza ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi ishchi organ hisob raqamiga o‘tkaziladi.
26. Litsenziya shartlari va talablariga litsenziat tomonidan rioya etilishini nazorat qilish hududiy komissiya tomonidan tasdiqlangan jadval bo‘yicha ishchi organ tomonidan amalga oshiriladi.
Keyingi tahrirga qarang.
27. Litsenziya talablari va shartlariga rioya etilishini nazorat qilishni amalga oshirishda ishchi organ o‘z vakolatlari doirasida qonun hujjatlarida belgilangan tartibda quyidagi huquqlarga ega:
Keyingi tahrirga qarang.
litsenziya talablari va shartlari litsenziat tomonidan buzilganligidan dalolat beruvchi hollar mavjud bo‘lgan taqdirda litsenziat tomonidan litsenziya talablari va shartlariga rioya etilishini rejadan tashqari tekshirish;
litsenziya talablari va shartlariga rioya etilishini tekshirish chog‘ida paydo bo‘ladigan masalalar bo‘yicha zarur axborotni litsenziatdan so‘rash va olish;
tekshirishlar natijalari asosida, litsenziya talablari va shartlarining litsenziat tomonidan aniq buzilishlarini ko‘rsatgan holda, dalolatnomalar (ma’lumotnomalar) tuzish;
litsenziatga aniqlangan buzilishlarni bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgilash;
litsenziyaning amal qilishini to‘xtatib turish va to‘xtatish yoxud litsenziyani bekor qilish to‘g‘risidagi takliflarni hududiy komissiyaga ko‘rib chiqish uchun kiritish.
Keyingi tahrirga qarang.
28. Litsenziya talablari va shartlariga rioya etilishini tekshirishda ishchi organning tekshiruvchi xodimlari tomonidan ikki nusxada dalolatnoma tuziladi, ularning bittasi litsenziatga beriladi, ikkinchi nusxasi ishchi organda qoladi.
Keyingi tahrirga qarang.
29. Litsenziyaning amal qilishini to‘xtatib turish va to‘xtatish, litsenziyani bekor qilish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 22 — 24-moddalarida nazarda tutilgan hollarda va tartibda komissiya qaroriga ko‘ra amalga oshiriladi.
30. Hududiy komissiyaning litsenziyaning amal qilishini to‘xtatib turish yoki to‘xtatish, uni bekor qilish to‘g‘risidagi qarori yuzasidan sudga shikoyat qilinishi mumkin. Hududiy komissiya qarori sud tomonidan asossiz deb e’tirof etilgan taqdirda hududiy komissiya litsenziat oldida litsenziat ko‘rgan zarar miqdorida javob beradi.
Keyingi tahrirga qarang.
Keyingi tahrirga qarang.
Keyingi tahrirga qarang.
litsenziyalarni qayta rasmiylashtirish, ularning amal qilish muddatini uzaytirish, amal qilishini to‘xtatib turish va tiklashning asoslari va sanasi;
Keyingi tahrirga qarang.
32. Litsenziyalarning reyestrlarida mavjud bo‘lgan ma’lumotlar litsenziyalovchi organning veb-saytiga joylashtiriladi va tanishib chiqish uchun ochiq bo‘ladi
33. Nodavlat ta’lim muassasalarining chet tillarni o‘rganish bo‘yicha o‘quv kurslari faoliyatini amalga oshirish huquqiga litsenziya berganlik va uning amal qilish muddatini uzaytirganlik uchun O‘zbekiston Respublikasi qonun hujjatlarida belgilangan eng kam oylik ish haqining o‘n baravari miqdorida davlat boji undiriladi.
Keyingi tahrirga qarang.
Nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatini litsenziyalash tartibi to‘g‘risidagi nizomga
ILOVA
ILOVA
Keyingi tahrirga qarang.
1. Nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatini litsenziyalash bo‘yicha hududiy komissiya (keyingi o‘rinlarda hududiy komissiya deb ataladi) Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzurida tashkil etiladi.
Hududiy komissiya nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatiga litsenziyalarni berish, litsenziyaning amal qilishini to‘xtatib turish yoki to‘xtatish, shuningdek uni bekor qilish va qayta rasmiylashtirish to‘g‘risida qarorlar qabul qiladi.
2. Hududiy komissiya o‘z faoliyatini O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va mazkur Nizomga muvofiq amalga oshiradi.
3. Hududiy komissiyaning shaxsiy tarkibi Vazirlar Mahkamasining nodavlat ta’lim muassasalari faoliyatini litsenziyalash komissiyasi tomonidan belgilanadigan namunaviy tarkib asosida shakllantiriladi hamda Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari qarorlari bilan tasdiqlanadi.
4. Hududiy komissiya faoliyatini muvofiqlashtirish va monitoringini olib borish Vazirlar Mahkamasining nodavlat ta’lim muassasalari faoliyatini litsenziyalash komissiyasi tomonidan amalga oshiriladi.
5. O‘rta maxsus, kasb-hunar ta’limi hududiy boshqarmalari hududiy komissiyalarning ishchi organi (keyingi o‘rinlarda ishchi organi deb ataladi) funksiyasini bajaradilar.
nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyatini amalga oshirish huquqiga litsenziyalar berish, ularning amal qilishini to‘xtatib turish va to‘xtatish, litsenziyalarni bekor qilish va qayta rasmiylashtirish to‘g‘risidagi qarorlar qabul qilish;
yo‘qolgan yoki yaroqsiz holga kelgan litsenziya o‘rniga dublikat berish to‘g‘risida qaror qabul qilish;
nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi hujjatlarini ekspertizadan o‘tkazish uchun ekspert guruhlarini shakllantirishda ishchi organga ko‘maklashish;
ishchi organ tomonidan litsenziya talabgorlari hujjatlari bo‘yicha tayyorlangan ekspert xulosalarini o‘rganish va ular bo‘yicha tegishli qarorlar qabul qilish;
nodavlat ta’lim muassasalari tomonidan chet tillarni o‘rganish bo‘yicha o‘quv kurslarini tashkil etish va ularning faoliyati bo‘yicha litsenziya bitimi talablari va shartlari bajarilishi tekshirilishini tashkil etish.
o‘z vakolatlari doirasida davlat boshqaruvi organlarining hududiy bo‘linmalaridan zarur materiallarni so‘rash;
zarur hollarda, ishchi organdan nodavlat ta’lim muassasasi faoliyati to‘g‘risidagi ma’lumotlarni aniqlashtirish uchun qo‘shimcha hujjatlarni so‘rash;
litsenziya talabgori tomonidan taqdim etilgan hujjatlarni ekspertiza qilish uchun mutaxassislarni jalb etish;
8. Hududiy komissiyaning majlislari hujjatlarning kelib tushishiga qarab, biroq oyida kamida bir marta o‘tkaziladi. Zarur hollarda navbatdan tashqari majlislar o‘tkazilishi mumkin.
9. Nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish va ularning faoliyati hujjatlari bo‘yicha ekspert xulosasi hamda ishchi organ tomonidan tayyorlangan, hududiy komissiyaning tegishli qarori loyihasi bilan litsenziyalar berish yoki litsenziyalar berishni rad etish to‘g‘risidagi taklif hududiy komissiyalar a’zolariga tanishish uchun majlis boshlanishidan kamida 3 kun oldin yetkaziladi.
10. Hududiy komissiyaning majlisi uning a’zolarining majlisda kamida 2/3 qismi ishtirok etishi shartlarida o‘tkaziladi. Hududiy komissiya qarori ko‘pchilik ovoz bilan qabul qilinadi.
11. Hududiy komissiyaning a’zosi uning qaroriga rozi bo‘lmaganda komissiya a’zosi protokolga ilova qilinadigan o‘z fikrini yozma ravishda bayon qilishi mumkin.
14. Hududiy komissiya har chorakda hisobotdan keyingi oyning 10-kunigacha Vazirlar Mahkamasining nodavlat ta’lim muassasalari faoliyatini litsenziyalash komissiyasi ishchi organiga belgilangan shakl bo‘yicha o‘z faoliyati to‘g‘risida hisobot taqdim etadi.
Keyingi tahrirga qarang.
Keyingi tahrirga qarang.
Komissiya raisi: | Qoraqalpog‘iston Respublikasi Vazirlar Kengashi Raisining, viloyatlar va Toshkent shahar hokimining iqtisodiyot va ijtimoiy rivojlantirish masalalari bo‘yicha o‘rinbosari |
Komissiya a’zolari: | Qoraqalpog‘iston Respublikasi Xalq ta’limi vaziri (hududiy xalq ta’limi boshqarmasi boshlig‘i) |
hududiy o‘rta maxsus, kasb-hunar ta’limi boshqarmasi boshlig‘i | |
universitetlar (Toshkent shahrida — Toshkent davlat pedagogika universiteti, Jizzax viloyatida — Jizzax davlat pedagogika instituti, Navoiy viloyatida — Navoiy davlat pedagogika instituti) chet tillar kafedrasi mudiri va o‘qituvchilari | |
Qoraqalpog‘iston Respublikasi Adliya vazirining o‘rinbosari (hududiy adliya boshqarmasi boshlig‘ining o‘rinbosari) | |
Qoraqalpog‘iston Respublikasi Sog‘liqni saqlash vazirining o‘rinbosari (hududiy sog‘liqni saqlash boshqarmasi boshlig‘ining o‘rinbosari) | |
hududiy moliya boshqarmasi boshlig‘i |
Keyingi tahrirga qarang.
1. Vazirlar Mahkamasining 2002-yil 28-iyundagi 236-son qarori (O‘zbekiston Respublikasi QT, 2002-y., 6-son, 36-modda) bilan tasdiqlangan Amalga oshirilishi uchun litsenziyalar talab qilinadigan faoliyat turlarining ro‘yxatidagi “Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari” bo‘limiga quyidagi mazmundagi xatboshi qo‘shilsin:
“Nodavlat ta’lim muassasalarining chet tillarni o‘rganish bo‘yicha o‘quv kurslarini tashkil etish sohasidagi faoliyati”.
Keyingi tahrirga qarang.
2. Vazirlar Mahkamasining 2004-yil 1-martdagi 100-son qarori (O‘zbekiston Respublikasi QT, 2004-y., 3-son, 20-modda) bilan tasdiqlangan Nodavlat ta’lim muassasalari faoliyatini litsenziyalash to‘g‘risidagi Nizomda:
“6. Nodavlat ta’lim muassasalari faoliyatini amalga oshirishda litsenziya talablari va shartlariga quyidagilar kiradi:
ta’lim dasturlarini umumiy o‘rta, o‘rta maxsus, kasb-hunar va oliy ta’lim davlat ta’lim standartlariga muvofiq, shuningdek maktabgacha ta’lim, maktabdan tashqari ta’lim, kadrlar malakasini oshirish va ularni qayta tayyorlashga qo‘yiladigan davlat talablariga muvofiq amalga oshirish;
ta’limning majburiy ravishda dunyoviy xarakterda bo‘lishi, ta’lim jarayonida urushni, zo‘ravonlikni targ‘ib qilishdan foydalanishga, fuqarolarning konstitutsiyaviy huquqlari va erkinligi kamsitilishiga, mamlakatdagi xavfsizlikka va ijtimoiy-siyosiy barqarorlikka, jamiyatning huquqiy va ma’naviy asoslariga, fuqarolar osoyishtaligiga, millatlararo va dinlararo totuvlikka raxna solinishiga, O‘zbekiston to‘g‘risida noto‘g‘ri axborotlar tarqatilishiga hamda uning tarixiy, madaniy va ma’naviy qadriyatlari buzib ko‘rsatilishiga yo‘l qo‘ymaslik;
litsenziya talabgorida litsenziyalanayotgan faoliyatni bajarish uchun mo‘ljallangan, unga mulkiy yoki boshqa ashyoviy huquq bilan tegishli bo‘lgan, belgilangan talablarga muvofiq binolar (xonalar)ning mavjudligi;
nodavlat ta’lim muassasalarida fanlarni tegishli bazaviy ma’lumotga ega bo‘lgan, chet tillarni o‘rganish bo‘yicha o‘quv kurslarini tashkil etish sohasida esa, shuningdek O‘zbekiston Respublikasi Vazirlar Mahkamasi huzuridagi Davlat test markazi tomonidan beriladigan davlat namunasidagi chet tilini bilishi va egallab olganligi darajasi to‘g‘risidagi malaka sertifikati mavjud bo‘lgan shaxslar tomonidan o‘qitish;
o‘quv va tarbiya jarayonini davlat ta’lim standartlariga (davlat talablariga), o‘quv rejalariga va ta’lim dasturlariga muvofiq tashkil etish;
litsenziya talabgorida ta’lim dasturlarining belgilangan darajasini amalga oshirish uchun zarur bo‘lgan o‘quv, o‘quv-metodik adabiyotlar va boshqa kutubxona-axborot resurslari hamda ta’lim jarayonlarini ta’minlash vositalari mavjudligi;
auditoriyalarni, o‘quv xonalarini zamonaviy axborot-kommunikatsiya asbob-uskunalari, o‘qitishning texnik vositalari va anjomlar bilan jihozlash”;
litsenziya berish to‘g‘risidagi ariza, unda quyidagilar ko‘rsatiladi: yuridik shaxsning nomi va tashkiliy-huquqiy shakli, uning joylashgan joyi (pochta manzili), ta’lim faoliyatini amalga oshirish joyi manzili, bank muassasasining nomi va bankdagi hisob raqami, faoliyatning litsenziyalanayotgan turi, ta’lim faoliyati yo‘nalishlari ro‘yxati;
faoliyatning litsenziyalanayotgan turi amalga oshiriladigan binolarga (xonalarga) mulkiy yoki boshqa ashyoviy huquqlarning mavjudligini, shuningdek mazkur binolar (xonalar)ning belgilangan talablarga muvofiqligini tasdiqlovchi hujjatlar;
yong‘in va sanitariya-epidemiologiya nazorati organlarining mavjud binolar va xonalarning yong‘in xavfsizligi talablariga va sanitariya-gigiyena normalariga muvofiqligi to‘g‘risidagi xulosalari;
chet tillarga o‘qitgan hollarda pedagogik kadrlar to‘g‘risida ma’lumot (ma’lumoti to‘g‘risidagi hujjatlarning nusxasi va O‘zbekiston Respublikasi Vazirlar Mahkamasi huzuridagi Davlat test markazi tomonidan beriladigan chet tilini bilishi va egallab olganligi darajasi to‘g‘risidagi davlat namunasidagi malaka sertifikatining nusxalari);
o‘quv jarayonini ta’minlash uchun zarur bo‘lgan moddiy vositalarning (yoki ularning aniq manbai) mavjudligini tasdiqlovchi hujjatlar;
ariza ko‘rib chiqilganligi uchun litsenziya talabgori tomonidan yig‘im to‘langanligini tasdiqlovchi hujjat”;
v) 12-bandning uchinchi xatboshidagi “tasdiqlash uchun” so‘zlari “ko‘rib chiqish uchun” so‘zlari bilan almashtirilsin;
yettinchi xatboshidagi “faoliyat turining” so‘zlari litsenziyalanayotgan ta’lim turining va ta’lim faoliyati yo‘nalishlari ro‘yxati” so‘zlari bilan almashtirilsin;
o‘ninchi—o‘n ikkinchi xatboshilar tegishli ravishda o‘n birinchi—o‘n uchinchi xatboshilar deb hisoblansin;
d) 19-bandning ikkinchi xatboshidagi “tasdiqlash uchun” so‘zlari “ko‘rib chiqish uchun” so‘zlari bilan almashtirilsin.
Keyingi tahrirga qarang.