LexUZ sharhi
Mazkur Farmoyish O‘zbekiston Respublikasi Prezidentining 2017-yil 11-apreldagi PF-5007-sonli “O‘zbekiston Respublikasi Prezidentining ayrim hujjatlari o‘z kuchini yo‘qotganligi to‘g‘risida”gi Farmoniga asosan o‘z kuchini yo‘qotgan.
Sudyalik lavozimlariga nomzodlarni tanlash, tayyorlash tizimini, tashkiliy-huquqiy mexanizmlarini tubdan yaxshilash va takomillashtirish bo‘yicha kechiktirib bo‘lmaydigan choralarni ko‘rish, sud hokimiyatining tom ma’nodagi mustaqilligini yanada ta’minlash, Sudyalarni tanlash va lavozimlarga tavsiya etish bo‘yicha oliy malaka komissiyasi faoliyatini tashkil etishni takomillashtirish maqsadida hamda O‘zbekiston Respublikasining “Sudlar to‘g‘risida”gi Qonuni 11-moddasiga muvofiq:
O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasi to‘g‘risida yangi tahrirdagi Nizom, shuningdek uning tarkibi 1 va 2-ilovalarga* muvofiq;
O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasining tashkiliy tuzilmasi hamda shtatlari 3 va 4-ilovalarga muvofiq tasdiqlansin.
2. O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasi O‘zbekiston Respublikasi Oliy sudi, Oliy xo‘jalik sudi va Adliya vazirligi bilan birgalikda bir oy muddatda qonun hujjatlariga ushbu Farmoyishdan kelib chiqadigan o‘zgartish va qo‘shimchalar to‘g‘risida takliflar kiritsin.
3. Mazkur Farmoyishning ijrosini nazorat qilish O‘zbekiston Respublikasi Prezidentining Davlat maslahatchisi v.b. B. Kokanbayev zimmasiga yuklansin.
1. Ushbu Nizom O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasi (bundan buyon matnda Komissiya deb yuritiladi) faoliyatini tartibga soladi.
2. Komissiya sud hokimiyatining chinakam mustaqilligini ta’minlash, sud kadrlarini tanlash va joy-joyiga qo‘yish tamoyillarini yanada demokratlashtirish siyosatini amalga oshiradigan doimiy ishlovchi organ hisoblanadi.
3. Komissiya zimmasiga umumiy yurisdiksiya sudlari va xo‘jalik sudlari sudyalari lavozimlariga tanlov va tavsiya etishni tashkil etish hamda amalga oshirish vazifasi yuklanadi.
4. Komissiya o‘z faoliyatini O‘zbekiston Respublikasi Konstitutsiyasi va qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmon, qaror va farmoyishlari hamda mazkur Nizom asosida amalga oshiradi.
sudya kadrlarni tanlash va joy-joyiga qo‘yish ishlarida demokratik asoslarni takomillashtirish, qonuniylik, xolislik, ochiq-oydinlik va oshkoralikni ta’minlash bo‘yicha chora-tadbirlarni amalga oshirish;
sudya kadrlarni tanlash, tayyorlash va lavozimga ko‘rsatishda sudyalarning mustaqilligi va ularning faqat qonunga bo‘ysunishi tamoyilini ta’minlash, ularning faoliyatini va odil sudlov jarayonini cheklashga qaratilgan har qanday urinishlarni bartaraf etish;
sudyalikka nomzodlar zaxirasini (bundan buyon matnda zaxira deb yuritiladi) tayyorgarlik ko‘rgan, yuqori malakali, katta hayotiy tajribaga, benuqson obro‘-e’tiborga, yuridik ixtisosligi bo‘yicha, avvalambor huquqni muhofaza qiluvchi organlarda zarur ish stajiga ega bo‘lgan yuristlar orasidan shakllantirish;
zaxirani shakllantirish masalasida adliya, prokuratura, sud va ichki ishlar organlari faoliyatini muvofiqlashtirish va uslubiy rahbarlik qilish;
O‘zbekiston Respublikasi Oliy sudi, Oliy xo‘jalik sudi va Adliya vazirligi bilan hamkorlikda zaxirada turgan shaxslarning, shuningdek sudyalik lavozimiga birinchi marta tayinlangan shaxslarning kasbiy saviyasini, sud faoliyatiga xos ko‘nikmalarini oshirish tizimini tubdan yaxshilashni, ularda amaldagi qonun hujjatlariga, huquqni qo‘llash amaliyotiga, mamlakatimizda amalga oshirilayotgan sud-huquq islohotlarining mazmun va mohiyatiga doir chuqur bilimlarni shakllantirishni ta’minlash;
zaxirada turgan nomzodlarni kasbiy o‘sishi, bilimlarini oshirish jarayonining tizimli monitoringini tashkil qilish, ularning kasbiy, ishchanlik va shaxsiy fazilatlarini o‘rganish hamda shu asosda sudya kadrlar zaxirasini doimiy ravishda yangilab borish;
O‘zbekiston Respublikasi Oliy sudi, Oliy xo‘jalik sudi, Adliya vazirligi bilan hamkorlikda sudyalarning odil sudlovni amalga oshirish borasida samarali ishlashi, ularning o‘z oldida turgan boshqa vazifalarni hal etishi uchun zarur bo‘lgan tashkiliy-huquqiy, moddiy-texnikaviy shart-sharoitlar yaratish, sudyalarning xizmat va mansab pog‘onalari bo‘yicha o‘sishini ta’minlaydigan kafolatlarni, ularni ijtimoiy muhofaza qilish, jumladan, lavozimga qayta tayinlash yoki vakolatlari tugaganidan so‘ng ishga joylashtirish davrida ijtimoiy muhofaza qilish mexanizmlarini kuchaytirish;
sudyalar tomonidan xizmat mavqeyini, shu jumladan, sudya kadrlarni tanlash va joy-joyiga qo‘yish borasida suiiste’mol qilish holatlarining oldini olishga qaratilgan chora-tadbirlarni amalga oshirish;
sudyalik lavozimiga birinchi marta tayinlanadigan nomzodlarning loyiqligini aniqlaydi va mazkur masala bo‘yicha xulosalar beradi;
Umumiy yurisdiksiya sudlari sudyalarining oliy malaka hay’ati (bundan buyon matnda Oliy malaka hay’ati deb yuritiladi), Xo‘jalik sudlari sudyalari malaka hay’ati bilan birgalikda yangi vakolat muddatiga yoki boshqa sudyalik lavozimiga ko‘rsatilayotgan sudyalarning loyiqligini aniqlaydi va mazkur masala bo‘yicha xulosalar beradi;
fuqarolik va jinoyat ishlari bo‘yicha viloyatlar, Toshkent shahar, tumanlararo, tuman (shahar) sudlari, harbiy sudlar, viloyatlar va Toshkent shahar xo‘jalik sudlari sudyalari lavozimlariga tavsiya etiladigan nomzodlar bo‘yicha O‘zbekiston Respublikasi Prezidentiga taqdimnomalar kiritadi;
Qoraqalpog‘iston Respublikasi sudlari, O‘zbekiston Respublikasi Oliy sudi va Oliy xo‘jalik sudi sudyalari lavozimlariga tavsiya etiladigan nomzodlar bo‘yicha O‘zbekiston Respublikasi Prezidentiga xulosalar kiritadi;
fuqarolik va jinoyat ishlari bo‘yicha viloyatlar, Toshkent shahar, tumanlararo, tuman (shahar) sudlari, harbiy sudlar, viloyatlar va Toshkent shahar xo‘jalik sudlari sudyalari vakolatlarini muddatidan ilgari tugatish to‘g‘risida xulosalar beradi va O‘zbekiston Respublikasi Prezidentiga taqdimnomalar kiritadi;
Qoraqalpog‘iston Respublikasi sudlari, O‘zbekiston Respublikasi Oliy sudi va Oliy xo‘jalik sudi sudyalarining vakolatlarini muddatidan ilgari tugatish to‘g‘risida O‘zbekiston Respublikasi Prezidentiga xulosalar kiritadi;
sudyalarga nisbatan intizomiy ta’sir choralarini qo‘llash haqida tegishli sudlar raislariga taqdimnomalar kiritadi;
sudyalar uchun kasbiy faoliyatida va xizmatdan tashqari vaqtida majburiy bo‘lgan odob-axloq qoidalarini tasdiqlaydi;
sudya kadrlarning shakllantirish va undan samarali foydalanish borasidagi ishlarning tashkil etilishini ta’minlaydi;
O‘zbekiston Respublikasi Oliy sudi, Oliy xo‘jalik sudi, Adliya vazirligi va boshqa huquqni muhofaza qiluvchi organlar, davlat boshqaruvi organlari bilan hamkorlikda sudyalarni vakolat muddati tugaganidan so‘ng ishga joylashtirish, ulardan oqilona foydalanish borasida chora-tadbirlarni amalga oshiradi;
sudyalar malaka hay’atlarining faoliyatini o‘rganadi, malaka hay’atlari raislarining hisobotini tinglaydi, mavjud kamchiliklarni bartaraf etish va faoliyatini yaxshilash bo‘yicha tavsiyalar beradi;
sudyalarning malaka hay’atlaridan Komissiya ishini tashkil qilish bilan bog‘liq axborotlarni talab qilib oladi va topshiriqlar beradi;
Komissiya vakolatiga kiradigan masalalar bo‘yicha qarorlar, xulosalar qabul qiladi va taqdimnomalar kiritadi.
Komissiya o‘z zimmasiga yuklatilgan vazifalarni amalga oshirish chog‘ida O‘zbekiston Respublikasi Oliy sudi, Oliy xo‘jalik sudi, Adliya vazirligi, Bosh prokuraturasi, Ichki ishlar vazirligi, O‘zbekiston sudyalar assotsiatsiyasi, boshqa huquqni muhofaza qiluvchi organlar va tashkilotlar bilan hamkorlik qiladi.
7. Sudyalik lavozimlariga birinchi marta tayinlanadigan nomzodlar zaxirasini shakllantirish ishlari Komissiya tomonidan adliya, prokuratura, sud va ichki ishlar organlari ishtirokida amalga oshiriladi.
8. Sudyalik lavozimlariga birinchi marta tayinlanadigan nomzodlar zaxirasiga tayyorgarlik ko‘rgan, katta hayotiy tajribaga, benuqson obro‘-e’tiborga ega yuqori malakali yuristlar orasidan o‘ttiz yoshdan kichik bo‘lmagan, oliy yuridik ma’lumotli, yuridik ixtisosligi bo‘yicha ish staji kamida besh yil bo‘lgan O‘zbekiston Respublikasining fuqarolari kiritilishi mumkin.
o‘z kasbiy faoliyatiga mos kelmaydigan qilmishlar sodir etganligi uchun vakolatlari oldingi ish joyi bo‘yicha belgilangan tartibda tugatilgan shaxslar.
Zaxira Komissiya tomonidan Qoraqalpog‘iston Respublikasi, viloyatlar va Toshkent shahrida ushbu mintaqalarning har birida 30 — 50 kishidan, belgilangan tartibda taqdim etilgan adliya, prokuratura, sud, ichki ishlar organlarining takliflariga hamda fuqarolarning arizalariga muvofiq shakllantiriladi.
9. Adliya, prokuratura, sud, ichki ishlar organlarining Qoraqalpog‘iston Respublikasi, viloyatlar va Toshkent shahar bo‘linmalari har chorakda fuqarolik va jinoyat ishlari bo‘yicha viloyat va unga tenglashtirilgan sudyalar malaka hay’atlari, Harbiy sudlar sudyalari malaka hay’ati, Xo‘jalik sudlari sudyalari malaka hay’atining har biriga alohida sudya kadrlari kiritish uchun o‘z xodimlari orasidan nomzodlar bo‘yicha takliflarni hamda zarur materiallarni yuboradi.
O‘zbekiston Respublikasi Adliya vazirligi, Bosh prokuraturasi, Oliy sudi, Oliy xo‘jalik sudi va Ichki ishlar vazirligi ham o‘z xodimlari orasidan sudya kadrlari zaxirasiga kiritish uchun nomzodlar bo‘yicha takliflarni hamda zarur materiallarni tegishli sudyalar malaka hay’atlariga yuborishlari mumkin.
Zaxiraga kirish istagini bildirgan O‘zbekiston Respublikasining fuqarolari Komissiyaga bevosita yoki tegishli sudyalar malaka hay’ati orqali ariza bilan murojaat qilishlari mumkin.
Taklifga (arizaga) nomzod tomonidan shaxsan to‘ldirilgan kadrlarni hisobga olish shaxsiy varag‘i va tarjimai hol, fotosuratlar, pasport nusxasi va baholar to‘g‘risidagi ma’lumotlar ilova qilingan notarial tasdiqlangan oliy yuridik ma’lumot to‘g‘risidagi diplom nusxasi, belgilangan tartibda tasdiqlangan mehnat daftarchasidan ko‘chirma, sog‘lig‘i to‘g‘risida ma’lumotnoma, ish joyidan ma’lumot-tavsifnoma, idora nomidan tavsiya, fikrnomalar (kamida uchta) ilova qilinadi.
Adliya, prokuratura, sud va ichki ishlar organlari tomonidan taqdim etilgan materiallarga qo‘shimcha ravishda nomzodning obro‘-e’tibori, rag‘batlantirishlari, intizomiy jazolari haqida idoraviy inspeksiya yoki kadrlar bo‘limining ma’lumotnomasi hamda kasbiy, ishchanlik va shaxsiy fazilatlarini tavsiflovchi boshqa ma’lumotlar, rahbar tomonidan nomzodning sudyalik lavozimiga munosibligi haqidagi xulosasi ilova qilinadi.
Sudya kadrlar zaxirasiga kiritish uchun nomzodlar bo‘yicha takliflar adliya, prokuratura, sud va ichki ishlar organlari respublika yoki hududiy bo‘limlarining bevosita birinchi rahbarlari tomonidan imzolanadi va ular materiallarning ishonchliligi va to‘liqligi uchun shaxsan javobgardirlar.
10. Sudyalar malaka hay’atlari bir oylik muddatda nomzodlar bo‘yicha taqdim etilgan takliflarni (arizalarni), huquqni muhofaza qiluvchi organlarning ular bo‘yicha berilgan xulosalarini umumlashtiradi, zaxiraga kiritish uchun tavsiya etiladigan shaxslarning ro‘yxatlarini tuzadi hamda ushbu ro‘yxatlarni tegishli materiallarni ilova qilgan holda Komissiyaga yuboradi.
11. Komissiya bir oylik muddatda zaxiraga kiritish uchun tavsiya etilayotgan shaxslar ro‘yxatini ko‘rib chiqadi. Nomzodlarni zaxiraga kiritish tartibi Komissiyaning Reglamenti bilan belgilanadi.
Zaxiraga kiritilgan shaxslar ro‘yxati ularning o‘qishi va stajirovkasini tashkil qilish uchun O‘zbekiston Respublikasi Oliy sudi va Oliy xo‘jalik sudiga yuboriladi.
Shaxslarning zaxiraga kiritilganligi to‘g‘risidagi ma’lumot qaror qabul qilingan kundan e’tiboran bir haftalik muddatda Komissiya tomonidan nomzodlar va manfaatdor organlarga yetkaziladi.
Shaxsni zaxiraga kiritish rad qilingan taqdirda uning hujjatlari tegishli sudyalar malaka hay’atiga keyinchalik bu haqda manfaatdor organlarni (shaxslarni) xabardor qilish uchun qaytariladi.
12. O‘zbekiston Respublikasi Oliy sudi, Oliy xo‘jalik sudi Adliya vazirligi bilan birgalikda turgan shaxslarning Adliya vazirligi huzuridagi Yuristlar malakasini oshirish markazida (bundan buyon matnda Yuristlar malakasini oshirish markazi deb yuritiladi) maxsus kurslarda o‘qishlari, shuningdek O‘zbekiston Respublikasining tegishli sudlarida stajirovkadan o‘tishlarini tashkil etadi.
Ta’lim olish va stajirovkadan o‘tish dasturlari tegishli ravishda O‘zbekiston Respublikasi Oliy sudi, Oliy xo‘jalik sudi va Adliya vazirligi tomonidan tasdiqlanadi, ushbu idoralar mazkur dasturlarning amalga oshirilishi ustidan nazorat olib boradi.
Sudyalik lavozimlariga nomzodlar Yuristlar malakasini oshirish markazida o‘qish, shuningdek tegishli sudlarda stajirovkadan o‘tish davrida asosiy ish joylaridagi o‘rtacha ish haqi saqlab qolingan holda, mehnat majburiyatlarini bajarishdan ozod etiladi.
O‘qish (stajirovka) natijalariga ko‘ra Yuristlar malakasini oshirish markazi tomonidan nomzodga sertifikat beriladi va Komissiya, O‘zbekiston Respublikasi Oliy sudi yoki Oliy xo‘jalik sudiga nomzodning sudyalik lavozimlarida ishlash uchun nazariy va amaliy jihatdan tayyorligi haqida xulosa taqdim qilinadi.
Nomzodning stajirovkani o‘tishi uchun mas’ul bo‘lgan rahbar tomonidan Yuristlar malakasini oshirish markaziga tegishli xulosa taqdim qilinadi.
O‘qish (stajirovka), shuningdek har tomonlama o‘rganish natijalari bo‘yicha Oliy sud va Oliy xo‘jalik sudi nomzodni zaxiradan chiqarish to‘g‘risida Komissiyaga taklif kiritishi mumkin.
13. Komissiya tegishli sudlarning malaka hay’atlari bilan birgalikda doimiy ravishda nomzodlar faoliyatini monitoring qilib boradi, seminar va boshqa tadbirlarni tashkil qiladi.
Adliya, prokuratura, sud va ichki ishlar organlari nomzodning sha’ni va qadr-qimmatiga dog‘ tushiruvchi nojo‘ya xatti-harakatlar sodir etganligi, shuningdek o‘zi va uning yaqin qarindoshlari to‘g‘risidagi ma’lumotlar o‘zgarganligi to‘g‘risida Komissiyani o‘z vaqtida xabardor qiladi.
Nomzod zaxiraga ikki yildan oshmagan muddatga kiritiladi. Zaxiraga kiritilgan shaxs ushbu muddat ichida sudyalik lavozimiga ko‘rsatilmagan taqdirda chiqariladi.
16. Sudyalik lavozimi bo‘shab qolgan taqdirda Komissiya zaxiraga kiritilgan hamda o‘qish va stajirovkani muvaffaqiyatli o‘tgan shaxslarni bevosita yoki tegishli sudyalar malaka hay’ati, shuningdek O‘zbekiston Respublikasi Oliy sudi va Oliy xo‘jalik sudi orqali xabardor qiladi.
Bo‘shab qolgan sudyalik lavozimlari to‘g‘risidagi ma’lumot O‘zbekiston Respublikasi Oliy sudi va Oliy xo‘jalik sudining rasmiy veb-saytlarida ham joylashtiriladi.
17. Zaxirada turgan shaxs Komissiyaga bevosita yoki sudyalar malaka hay’ati orqali bo‘sh sudyalik lavozimlarini egallash uchun tanlovda qatnashish to‘g‘risida ariza beradi.
18. Komissiya bo‘sh lavozimlarni egallash uchun tanlovda qatnashish to‘g‘risida ariza bergan nomzodlarning kasbiy, ishchanlik va shaxsiy fazilatlari darajasini o‘rganish bo‘yicha kompleks chora-tadbirlarni, shu jumladan vakolatli organlarni jalb qilgan holda amalga oshiradi.
Komissiya suhbatdan muvaffaqiyatli o‘tgan nomzodlar bo‘yicha O‘zbekiston Respublikasi Prezidentiga taqdimnoma kiritadi.
Qoraqalpog‘iston Respublikasining sudyalik lavozimlariga suhbatdan muvaffaqiyatli o‘tgan nomzodlar bo‘yicha Komissiya O‘zbekiston Respublikasi Prezidentiga ko‘rib chiqish uchun xulosa kiritadi.
20. Sudyalik lavozimiga birinchi marta tayinlangan shaxslar O‘zbekiston Respublikasi Oliy sudi, Oliy xo‘jalik sudi va Adliya vazirligi tomonidan belgilangan tartibda majburiy tayyorgarlikdan (stajirovkadan) o‘tadilar.
Sudyani birinchi vakolat muddatiga tanlash va tayinlash mazkur Nizomning 1-ilovasida keltirilgan Sxemaga asosan amalga oshiriladi.
21. Zarur malaka, yuksak ishchanlik va shaxsiy fazilatlar, benuqson obro‘-e’tibor va huquqni muhofaza qiluvchi hamda boshqa davlat organlarida mas’ul lavozimlarda yetarli ish tajribasiga ega bo‘lgan shaxslar, istisno tariqasida, O‘zbekiston Respublikasi Prezidenti tomonidan birinchi marta sudyalik lavozimiga mazkur Nizomning III-bo‘limida nazarda tutilgan tartibni o‘tmasdan turib tayinlanishlari mumkin.
22. Komissiya Oliy malaka hay’ati va Xo‘jalik sudlari sudyalari malaka hay’ati bilan birgalikda sudyalarni yangi vakolat muddatiga va boshqa sudyalik lavozimlariga tanlash ishlarini tashkil etadi.
23. Komissiya bo‘shab qolgan sudyalik lavozimlari to‘g‘risida O‘zbekiston Respublikasi Oliy sudi va Oliy xo‘jalik sudini xabardor qiladi, ushbu ma’lumot ularning rasmiy veb-saytlarida joylashtiriladi.
24. Sudyalar vakolat muddati tugashiga kamida olti oy qolganda Komissiyaga bevosita yoki Oliy malaka hay’ati yoxud Xo‘jalik sudlari sudyalari malaka hay’ati orqali yangi vakolat muddatiga ko‘rsatish yoki ko‘rsatmaslik to‘g‘risida arizalar va zarur hujjatlarni beradi.
Boshqa sudyalik lavozimlariga nomzodini ko‘rsatish istagini bildirgan sudyalar Komissiyaga bevosita yoki Oliy malaka hay’ati yoxud Xo‘jalik sudlari sudyalari malaka hay’ati orqali ariza va zarur hujjatlarni beradi.
Oliy malaka hay’ati va Xo‘jalik sudlari sudyalari malaka hay’ati nomzodga nisbatan tegishli xulosani Komissiyaga taqdim qiladi.
25. Komissiya O‘zbekiston Respublikasi Oliy sudi yoki Oliy xo‘jalik sudi bilan birgalikda sudyalik vakolatlariga yangi muddatga yoki boshqa sudyalik lavozimlariga ko‘rsatilgan nomzodlarning kasbiy, ishchanlik va shaxsiy fazilatlari darajasini o‘rganish bo‘yicha kompleks chora-tadbirlarni amalga oshiradi.
Nomzod ko‘rsatilayotgan lavozim talablariga javob bermagan taqdirda Komissiya uni quyi sudyalik lavozimiga ko‘rib chiqish masalasini kun tartibiga kiritishi mumkin.
26. Komissiya sudyalarni yangi vakolat muddatiga yoki boshqa sudyalik lavozimiga ko‘rsatish masalasini ko‘rib chiqish bo‘yicha Oliy malaka hay’ati yoki Xo‘jalik sudlari sudyalari malaka hay’ati bilan qo‘shma majlis tashkil etadi. Majlisda nomzodlarga oid taqdim etilgan hujjatlar o‘rganiladi, suhbat o‘tkaziladi va tegishli xulosa qabul qilinadi.
Qo‘shma majlis Komissiya tomonidan umumiy yurisdiksiya sudlarining sudyalik lavozimlariga Oliy malaka hay’ati bilan, xo‘jalik sudlarining sudyalik lavozimlariga Xo‘jalik sudlari sudyalari malaka hay’ati bilan o‘tkaziladi.
Suhbatdan muvaffaqiyatli o‘tgan nomzodlar bo‘yicha Komissiya O‘zbekiston Respublikasi Prezidentiga taqdimnoma kiritadi.
Qoraqalpog‘iston Respublikasi, Oliy sud va Oliy xo‘jalik sudining sudyalik lavozimlariga suhbatdan muvaffaqiyatli o‘tgan nomzodlar bo‘yicha Komissiya O‘zbekiston Respublikasi Prezidentiga ko‘rib chiqish uchun xulosa kiritadi.
27. Komissiya O‘zbekiston Respublikasi Oliy sudi, Oliy xo‘jalik sudi va Adliya vazirligi bilan birgalikda qayta tayinlangan sudyalarning Yuristlar malakasini oshirish markazida qonun hujjatlariga kiritilgan so‘nggi o‘zgartishlar, ilg‘or huquqni qo‘llash amaliyoti bilan tanishtirish bo‘yicha maxsus kurslarni o‘tishini tashkil etadi.
Sudyani yangi vakolat muddatiga va boshqa sudyalik lavozimlariga tayinlash mazkur Nizomning 2-ilovasida keltirilgan Sxemaga asosan amalga oshiriladi.
28. Komissiya O‘zbekiston Respublikasi Oliy Majlisi Senati va Qonunchilik palatasi, Oliy sudi, Oliy xo‘jalik sudi, Adliya vazirligi, Ichki ishlar vazirligi, Bosh prokuraturasi vakillari va huquq sohasidagi yuqori malakali mutaxassislar, shuningdek jamoatchilik vakillaridan shakllantiriladi.
29. Komissiya tarkibi O‘zbekiston Respublikasi Prezidentining farmoyishi bilan o‘n yetti kishidan iborat tarkibda besh yil muddatga tasdiqlanadi hamda Komissiya raisi, rais o‘rinbosari va a’zolardan tashkil topadi.
Komissiya raisi O‘zbekiston Respublikasi Prezidentining farmoyishi bilan lavozimga O‘zbekiston Respublikasi Oliy Majlisi Senati a’zolari orasidan tayinlanadi va lavozimdan ozod etiladi.
Komissiya raisi va to‘rt nafar a’zosi (Kotibiyat va Sud inspeksiyasi rahbarlari hamda ularning o‘rinbosarlari) o‘z faoliyatlarini doimiy asosda amalga oshiradilar.
Komissiya faoliyatiga rahbarlikni amalga oshiradi va Komissiya zimmasiga yuklangan vazifalarning bajarilishi uchun shaxsan javob beradi;
doimiy asosda faoliyat yurituvchi Komissiya a’zolaridan tashqari, Komissiya ijroiya apparati xodimlarini Komissiya qaroriga asosan lavozimlarga tayinlaydi va ozod etadi;
Komissiyaning ijroiya apparati moliyaviy-xo‘jalik faoliyatida tashkiliy rahbarlikni amalga oshiradi;
32. Komissiya a’zolari nomzodlar zaxirasini shakllantirish va ularni o‘rganish ishlarida Komissiyaga ko‘maklashadi, qonun hujjatlari va Komissiya qarorlariga muvofiq boshqa vakolatlarni amalga oshiradi.
33. Komissiya faoliyati kollegiallik va Komissiya a’zolarining teng huquqliligi, Komissiya vakolatiga kiruvchi masalalarning har tomonlama, to‘liq va xolisona hal etilishini ta’minlash tamoyillariga asoslanadi.
34. Komissiya kadrlarni sudyalik lavozimlariga tayinlashga tavsiyanoma tayyorlovchi oxirgi bosqich hisoblanadi.
35. Komissiya adliya, prokuratura, sud va ichki ishlar organlarining zaxirani shakllantirish borasidagi faoliyati muvofiqlashtirilishini va uslubiy jihatdan rahbarlikni, shuningdek sudyalar malaka hay’atlarining sudyalarning odob-axloq qoidalariga rioya etishlari, ularni intizomiy javobgarlikka tortish, vakolatlarini to‘xtatish yoki muddatidan ilgari tugatish, malaka attestatsiyasidan o‘tkazish va malaka hay’atlarining vakolatlariga kiruvchi boshqa masalalar bo‘yicha faoliyati ustidan nazoratni ta’minlaydi.
36. Komissiya majlislari uning vakolatiga kiruvchi masalalarning tayyorlanishiga qarab, odatda bir oyda kamida ikki marta o‘tkaziladi.
Komissiya majlisi uning a’zolarining ko‘pchiligi ishtirok etgan taqdirda vakolatli deb hisoblanadi. Qaror majlisda ishtirok etayotgan Komissiya a’zolarining oddiy ko‘pchilik ovozi bilan qabul qilinadi. Raislik qiluvchi oxirgi bo‘lib ovoz beradi. Ovozlar teng bo‘lgan taqdirda raislik qiluvchining ovozi hal qiluvchi hisoblanadi.
Nomzod bo‘yicha ovoz berish vaqtida Komissiya a’zolaridan boshqa shaxslarning hozir bo‘lishiga yo‘l qo‘yilmaydi.
Komissiya majlisining bayonnomasi Kotibiyati xodimi tomonidan yuritiladi va raislik qiluvchi tomonidan imzolanadi.
37. Qo‘shma majlislar sudyalik vakolatlariga yangi muddatga yoki boshqa sudyalik lavozimlariga ko‘rsatilayotgan sudyalarga oid materiallarning tayyorlanishiga qarab o‘tkaziladi.
Qo‘shma majlis Komissiya va Oliy malaka hay’ati yoki Xo‘jalik sudlari sudyalari malaka hay’atining har birida a’zolarining ko‘pchiligi ishtirok etgan taqdirda vakolatli deb hisoblanadi.
Qo‘shma majlisda qatnashayotgan Komissiya a’zolari va tegishli malaka hay’atlarining a’zolari bittadan ovozga ega bo‘ladilar.
Qo‘shma majlis qarori majlis ishtirokchilarining oddiy ko‘pchilik ovozi bilan qabul qilinadi. Raislik qiluvchi oxirgi bo‘lib ovoz beradi. Ovozlar teng bo‘lgan taqdirda raislik qiluvchining ovozi hal qiluvchi hisoblanadi.
Qo‘shma majlisda ovoz berish vaqtida Komissiya a’zolaridan va tegishli malaka hay’atlarining a’zolaridan boshqa shaxslarning hozir bo‘lishiga yo‘l qo‘yilmaydi.
Qo‘shma majlisning bayonnomasi Komissiya kotibiyati xodimi tomonidan yuritiladi va raislik qiluvchi tomonidan imzolanadi.
38. Sudyalik lavozimlariga kadrlar bo‘yicha takliflar majlislarda bo‘sh sudyalik lavozimiga kamida ikki nafar nomzoddan kam bo‘lmagan muqobillik asosida ko‘rib chiqiladi.
Sudyalik lavozimiga nomzodlarni tanlash sudya kadrlar bo‘yicha taqdim etilgan materiallarni o‘rganish va suhbat o‘tkazish, ularning kasb mahorati darajasini, ma’naviy fazilatlarini (halolligi va pok vijdonligi), qobiliyatini, shuningdek huquq sohasidagi tegishli tayyorgarligi va malakasini aniqlash yo‘li bilan o‘tkaziladi.
Nomzodni tanlashda turli o‘rganish usullaridan foydalanish mumkin –suhbat o‘tkazish, mustaqil ekspertlar tomonidan test sinovidan o‘tkazish, mavzuga oid referatlar tayyorlash, ekspress so‘rovlar va h.k.
sudyalik vakolatlarini to‘xtatish yoki muddatidan ilgari tugatish to‘g‘risida qarorlar qabul qilinishi mumkin.
40. Majlislar yakuni bo‘yicha Komissiyaning qarori xulosa tarzida rasmiylashtiriladi, majlisda qatnashgan Komissiya a’zolari va tegishli sudyalar malaka hay’atlari a’zolari tomonidan imzolanadi. Ovoz berish vaqtida ozchilikni tashkil qilgan a’zolar xulosani imzolaydilar, ularning alohida fikri majlis bayonnomasiga kiritiladi.
Xulosada majlisning nomi, tarkibi va vaqti, masalasi ko‘rib chiqilayotgan shaxsning familiyasi, ismi, otasining ismi va uni ta’riflovchi boshqa ma’lumotlar, taklifni (materiallarni) kiritgan organning nomi, shuningdek Komissiya tomonidan qabul qilingan qaror ko‘rsatiladi.
41. Nomzod taqdim etilgan sudyalik lavozimiga noloyiqligi to‘g‘risida xulosa qabul qilingan taqdirda, u kiritish yoki boshqa sudyalik lavozimlariga ko‘rsatish uchun bir yildan so‘ng murojaat qilishi mumkin, bu haqda xulosaga tegishli yozuv kiritiladi. Bunday holatda sudyalik lavozimiga birinchi marta ko‘rsatilgan nomzod chiqariladi.
42. Materiallar to‘liq bo‘lmagan hollarda, nomzodning sudyalik lavozimiga loyiqligi masalasini xolisona hal etish maqsadida Komissiya ushbu masalani ko‘rib chiqishni keyinga qoldirish huquqiga egadir.
Komissiya a’zolari va Komissiya ijroiya apparati xodimlari, shuningdek, qo‘shma majlislarda ishtirok etgan Oliy malaka hay’ati va Xo‘jalik sudlari sudyalarining malaka hay’ati a’zolari ko‘rsatilgan ma’lumotlarni oshkor etganliklari uchun belgilangan tartibda javobgarlikka tortiladilar.
45. Kotibiyat Komissiya faoliyatini tashkiliy va moddiy-texnikaviy jihatdan ta’minlash maqsadida tuziladi va o‘z faoliyatida unga hisobot beradi.
zaxiraga kiritish uchun nomzodlar bo‘yicha materiallarni yig‘ish, umumlashtirish va tahlil qilish ishlarini amalga oshiradi;
kelib tushgan hujjatlarning to‘liqligi va to‘g‘riligini tekshiradi hamda ularni ko‘rib chiqish uchun Komissiyaga topshiradi;
48. Kotibiyat Komissiyaning doimiy asosdagi a’zosi bo‘lgan rahbar va rahbar o‘rinbosari, shuningdek to‘rt nafar yetakchi inspektor, arxiv mudiridan iboratdir.
Kotibiyat rahbari va rahbar o‘rinbosari O‘zbekiston Respublikasi Prezidentining farmoyishi bilan lavozimiga tayinlanadi va lavozimidan ozod etiladi.
Kotibiyat oliy yuridik ma’lumotli va qoida tariqasida sudlarda yoki huquqni muhofaza qiluvchi organlarda ish staji uch yildan kam bo‘lmagan xodimlardan shakllantiriladi.
49. Sud inspeksiyasi sudlarni halol va malakali kadrlar bilan ta’minlash, sudyalarni kasb burchi va sudyalar odob-axloq qoidalariga rioya qilishlarini ta’minlash maqsadida tuziladi.
sudyalar odob-axloq qoidalari buzilishining oldini olish va ularga rioya etilishi ustidan nazoratni amalga oshirish;
sudyalarni ularning kasbiy faoliyatiga aralashishdan, maqomi, sha’ni va qadr-qimmatiga tajovuzlardan himoya qilish;
sudyalik lavozimlariga nomzodlarga taalluqli materiallarni tegishli organlar bilan birgalikda o‘rganish va ular bo‘yicha xulosalar berish;
sudyalar korpusi barqarorligini ta’minlashga, sudyalarni lavozimga saylash, tayinlash va ozod etish bo‘yicha qonunda belgilangan tartibni amalga oshirishga ko‘maklashish;
qonun buzilishiga yo‘l qo‘ygan sudyalarga nisbatan tegishli choralarni qo‘llash to‘g‘risida Komissiyaga takliflar kiritish;
52. Sud inspeksiyasi Komissiyaning doimiy asosdagi a’zosi bo‘lgan rahbar va rahbar o‘rinbosari, shuningdek to‘rt nafar yetakchi inspektor va ish yurituvchidan iboratdir.
Sud inspeksiyasi rahbari va rahbar o‘rinbosari O‘zbekiston Respublikasi Prezidentining farmoyishi bilan lavozimiga tayinlanadi va lavozimidan ozod etiladi.
Sud inspeksiyasi oliy yuridik ma’lumotli va qoida tariqasida sudlarda yoki huquqni muhofaza qiluvchi organlarda ish staji uch yildan kam bo‘lmagan xodimlardan shakllantiriladi.
O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasi to‘g‘risidagi Nizomga
1-ILOVA
1-ILOVA
O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasi to‘g‘risidagi Nizomga
2-ILOVA
2-ILOVA
Oliy malaka komissiyasi | |
Komissiya raisi (doimiy asosda) | 1 |
Komissiya raisining o‘rinbosari (jamoatchilik asosida) | 1 |
Komissiya a’zolari (jamoatchilik asosida) | 11 |
Komissiya a’zolari (doimiy asosda) | 4 |
Jami Komissiya a’zolari | 17 |
Ijroiya apparati | |
I. Komissiya raisi | 1 |
II. Sud inspeksiyasi | 7 |
Sud inspeksiyasi rahbari | 1 |
Sud inspeksiyasi rahbarining o‘rinbosari | 1 |
Etakchi inspektor | 4 |
Ish yurituvchi | 1 |
III. Kotibiyat | 7 |
Kotibiyat rahbari | 1 |
Kotibiyat rahbarining o‘rinbosari | 1 |
Etakchi inspektor | 4 |
Arxiv mudiri | 1 |
IV. Buxgalteriya | 1 |
Bosh hisobchi | 1 |
V. Xo‘jalik bo‘limi | 5 |
Binoga joriy xizmat ko‘rsatuvchi va ta’mirlovchi ishchi | 1 |
Hududni tozalovchi ishchi | 1 |
Qozonxona mutaxassisi | 1 |
Farrosh | 2 |
Jami ijroiya apparat bo‘yicha | 21 |