LexUZ sharhi
Mazkur Farmon O‘zbekiston Respublikasi Prezidentining 2018-yil 20-fevraldagi PQ-3550-sonli “Tender, loyiha, loyiha oldi hujjatlar va kontraktlarni ekspertizadan o‘tkazish tartibini yanada takomillashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Xorijiy sarmoya ishtirokidagi investitsiya loyihalarini tayyorlash va amalga oshirishga rasmiyatchilik bilan yondashishni va sansalorlikni bartaraf etish, ularni tanlab olish va amalga oshirish mexanizmini tartibga solish, shuningdek, kelishib olish va tegishli ruxsat beruvchi hujjatlar berish tartiblarini soddalashtirish maqsadida:
1. Belgilansinki, xorijiy investitsiyalar jalb qilingan holda amalga oshirilayotgan loyihalarni ro‘yobga chiqarish davlat investitsiya siyosatining ustuvor yo‘nalishi hisoblanadi va uning monitoringi davlat tomonidan olib boriladi.
Oldingi tahrirga qarang.
2. Belgilab qo‘yilsinki, Vazirlar Mahkamasining Tashqi iqtisodiy aloqalar va xorijiy investitsiyalar departamenti davlat investitsiya siyosati amalga oshirilishini tashkil etuvchi yagona vakolatli va mas’ul organ hisoblanadi, uning qarorlari investitsiya jarayonining barcha qatnashchilari tomonidan bajarilishi majburiy hisoblanadi.
(2-band O‘zbekiston Respublikasi Prezidentining 2003-yil 15-yanvardagi PF-3194-sonli Farmoni tahririda — O‘R QHT, 2003-y., 1-2-son, 3-modda)
Oldingi tahrirga qarang.
3. Vazirlar Mahkamasining Tashqi iqtisodiy aloqalar va xorijiy investitsiyalar departamentiga xorijiy investitsiyalar ishtirokidagi loyihalar amalga oshirilishi ustidan davlat monitoringini tashkil etish yuklansin.
(3-band O‘zbekiston Respublikasi Prezidentining 2003-yil 15-yanvardagi PF-3194-sonli Farmoni tahririda — O‘R QHT, 2003-y., 1-2-son, 3-modda)
4. Quyidagilar Investitsiya loyihalari amalga oshirilishi ustidan davlat monitoringining asosiy yo‘nalishlari etib belgilansin:
investitsiya loyihalarini amalga oshirishning barcha bosqichlarida ularga to‘sqinlik qiluvchi omillarni aniqlash va o‘rganish hamda ularni bartaraf etish yuzasidan tezkor chora-tadbirlar ko‘rish;
mavjud rasmiyatchilik to‘siqlarini, shu jumladan investitsiya loyihalarini amalga oshirish bilan bog‘liq turli masalalarni ko‘rib chiqish muddatlarini tartibga solish yo‘li bilan bartaraf etish.
5. O‘zbekiston Respublikasi Hukumati kafolati ostida kreditlarni jalb qilgan holda xorijiy sarmoya ishtirokidagi investitsiya loyihalarini hujjatlar taqdim etilgan kundan boshlab ikki hafta muddatda:
Oldingi tahrirga qarang.
qo‘llaniladigan texnologiyaning iqtisodiy jihatdan maqsadga muvofiqligi, texnik darajasi va narxiga ko‘ra raqobatbardoshliligini umumiy baholash bo‘yicha O‘zbekiston Respublikasi Makroiqtisodiyot va statistika vazirligida hamda Tashqi iqtisodiy aloqalar agentligida;
Keyingi tahrirga qarang.
(5-bandning ikkinchi xatboshisi O‘zbekiston Respublikasi Prezidentining 2003-yil 15-yanvardagi PF-3194-sonli Farmoni tahririda — O‘R QHT, 2003-y., 1-2-son, 3-modda)
iqtisodiy samaradorligi va o‘zini o‘zi qoplashini, mablag‘ bilan ta’minlash sxemasini baholash bo‘yicha — O‘zbekiston Respublikasi Moliya vazirligida va vakolatli banklarda bir yo‘la ekspertizadan o‘tkazish tartibi belgilab qo‘yilsin.
Oldingi tahrirga qarang.
6. Alohida yirik va strategik jihatdan muhim obyektlar bo‘yicha xorijiy investitsiyalar ishtirokidagi loyihalar bevosita Vazirlar Mahkamasining Tashqi iqtisodiy aloqalar va xorijiy investitsiyalar departamentida ekspertizaning vakolatli organlari hamda yuqorida ko‘rsatilgan vazirliklar va idoralar jalb qilingan holda ko‘rib chiqiladi va kelishib olinadi.
(6-band O‘zbekiston Respublikasi Prezidentining 2003-yil 15-yanvardagi PF-3194-sonli Farmoni tahririda — O‘R QHT, 2003-y., 1-2-son, 3-modda)
7. Belgilansinki, xorijiy sarmoya ishtirokidagi investitsiya loyihalarini ko‘rib chiqish va tasdiqlashning belgilangan tartibi va muddatlari buzilishi uchun vazirliklar, idoralar va respublikaning tegishli tuzilmalari rahbarlari shaxsan javob beradilar.
8. Korxonalarning o‘z mablag‘larini to‘g‘ridan to‘g‘rixorijiy investitsiyalar va kreditlar hisobiga amalga oshiriladigan investitsiya loyihalari yuqorida ko‘rsatilgan ekspertizadan o‘tkazilmaydi.
9. O‘zbekiston Respublikasi Adliya vazirligi bir oy muddatda xorijiy investitsiyalar ishtirokidagi loyihalarni ekspertizadan o‘tkazish va kelishib olish bo‘yicha idoraviy normativ hujjatlarni tekshirib chiqsin va ular mazkur Farmon talablariga muvofiqlashtirilishi ustidan nazorat o‘rnatsin.
10. Mazkur Farmonning so‘zsiz bajarilishi ustidan javobgarlik Bosh vazir O‘. Sultonov zimmasiga yuklansin.