LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
1. 1993-yil 1-dekabrdan O‘zbekiston Respublikasi hududida:
hozirgi vaqtda amalda bo‘lgan barcha turdagi pensiyalarning miqdorini 1,5 baravar ko‘paytirib, mehnat pensiyasining eng kam miqdori oyiga 26.300 so‘m-kupon qilib belgilansin.
2. Oliy o‘quv yurtlari talabalarining, texnikumlar va hunar-texnika bilim yurtlari o‘quvchilarining stipendiyalari 1,5 baravar oshirilib, bunda talabalar oshxonalari va bufetlaridagi tushliklar qiymatidan 50 foizli chegirma saqlab qolinsin.
3. Vazirliklar va idoralar, Qoraqalpog‘iston Respublikasining Vazirlar Kengashi, viloyatlar va Toshkent shahri hokimlari, budjetdan mablag‘ bilan ta’minlanadigan tashkilotlar va muassasalar xodimlarning mansab okladlari o‘z vaqtida qayta hisoblab chiqilishini ta’minlasinlar, bunda mehnatga haq to‘lash bo‘yicha yagona tarif setkasi razryadlariga muvofiq ushbu Farmonda belgilangan eng kam ish haqi miqdoriga amal qilinsin.
4. O‘zbekiston Respublikasi Ijtimoiy ta’minot vazirligi pensiyalar miqdori ushbu Farmonga muvofiq qayta hisoblab chiqilishini ta’minlasin.
5. O‘zbekiston Respublikasi Moliya vazirligi budjetdan ta’minlanadigan muassasalar va tashkilotlar xodimlarining ish haqini, pensiyalar va stipendiyalarni oshirish bilan bog‘liq xarajatlarni mablag‘ bilan ta’minlash manbalarini aniqlasin.
6. Mulkchilik shakllaridan qat’i nazar, xo‘jalik hisobidagi korxonalar va tashkilotlarga mazkur Farmonga muvofiq daromad manbalarini qidirib topishlariga qarab, bunday manbalar vaqtincha yetarli bo‘lmaganda esa bank muassasalari tomonidan aniq maqsadni ko‘zlab beriladigan kreditlar hisobiga mehnat haqini oshirish tavsiya etilsin.
7. Ushbu Farmon bajarilishini nazorat qilish O‘zbekiston Respublikasining Vazirlar Mahkamasi zimmasiga yuklatilsin.