LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Gazeta va jurnallar faoliyatni takomillashtirish, davriy nashrlarni chiqarish va tarqatish, shuningdek bozor munosabatlariga o‘tish sharoitida jurnalistlarni ijtimoiy himoyalashni kuchaytirish bilan bog‘liq masalalarni hal etishda ularga ko‘maklashish maqsadida:
1. O‘zbekiston Respublikasi matbuotini qo‘llab-quvvatlovchi jamg‘armani tashkil etish to‘g‘risida O‘zbekiston Respublikasi Davlat matbuot qo‘mitasi, respublika gazeta va jurnallari tahririyatlari va bosh muharrirlari Kengashi, “Sharq” konserni, Jurnalistlar uyushmasi, Xalq ta’limi vazirligi, “Iste’dod” jamg‘armasi, Chkalov nomli Toshkent aviatsiya ishlab chiqarish birlashmasi va boshqalarning taklifi qabul qilinsin.
— gazeta va jurnallar normal faoliyat ko‘rsatish uchun zarur shart-sharoit yaratishda, ularni chiqarish va tarqatish bilan bog‘liq moliyaviy, moddiy-texnikaviy masalalarni hal etishda amaliy yordam berish;
— davlat idoralari va jamoat tashkilotlarida gazeta va jurnallar hamda ular ta’sischilarining manfaatlarini ifodalash, tahririyatlar bilan birgalikda respublika hukumatiga davriy nashrlarni chiqarish va tarqatishni yanada yaxshilashga qaratilgan takliflarni taqdim etish;
— matbuotga madad berish maqsadida davlat ajratgan mablag‘larni taqsimlashda ishtirok etish, ishlab chiqarish, tijorat va tashqi iqtisodiy faoliyat, shuningdek homiylik badallari va boshqa badallar hisobidan o‘z mablag‘larini tashkil etish hamda bu mablag‘larni gazeta va jurnallarning moddiy bazasini mustahkamlash uchun sarflash .
3. Respublika davriy nashrlarining moliyaviy va moddiy texnikaviy bazasini mustahkamlash maqsadida Jamg‘armaga Vazirlar Mahkamasi zaxirasidan 1 milliard so‘m ajratilsin.
4. Jamg‘arma respublikaning barcha yuridik va jismoniy shaxslari, tashkilotlari, firmalari va uyushmalari uchun ochiq deb hisoblansin.
Vazirliklar, idoralar, konsernlar va hokimliklar Jamg‘arma faoliyatiga butun choralar bilan ko‘maklashsinlar.
5. O‘zbekiston Respublikasining Vazirlar Mahkamasi bir hafta muddat ichida ushbu Farmon bajarilishini tashkiliy jihatdan ta’minlashga oid qaror qabul qilsin.