LexUZ sharhi
Mazkur Farmon O‘zbekiston Respublikasi Prezidentining 2004-yil 7-iyuldagi PF-3453-sonli “O‘zbekiston savdo-sanoat palatasini tashkil etish to‘g‘risida”gi Farmoniga muvofiq o‘z kuchini yo‘qotgan.
Oldingi tahrirga qarang.
Kichik va xususiy tadbirkorlikni qo‘llab-quvvatlash, bozor infrastrukturasining yaxlit tizimini shakllantirish, mulkdorlar sinfini jadal shakllantirish, shuningdek, ularning huquqlarini va manfaatlarini himoya qilishni ta’minlash maqsadida:
(muqaddima O‘zbekiston Respublikasi Prezidentining 2004-yil 8-yanvardagi PF-3376-sonli Farmoni tahririda — O‘R QHT, 2004-y., 1-2-son, 9-modda)
1. O‘zbekiston tadbirkorlari uyushmasining o‘z negizida joylarda hududiy bo‘linmalari bo‘lgan O‘zbekiston tovar ishlab chiqarish va tadbirkorlar palatasini tashkil etish to‘g‘risida taklifi ma’qullansin.
Oldingi tahrirga qarang.
Belgilab qo‘yilsinki, Tovar ishlab chiqaruvchilar va tadbirkorlar palatasi o‘z faoliyatini iqtisodiy mustaqillik va o‘zini o‘zi boshqarish asosida amalga oshiruvchi yuridik shaxs huquqiga ega bo‘lgan notijorat tashkilot hisoblanadi. Palata tarmoq xo‘jalik birlashmalari tarkibiga kirmaydigan, a’zoligi shart bo‘lgan kichik va xususiy tadbirkorlik subyektlarini shartnoma asosida birlashtiradi.
(1-bandning ikkinchi xatboshisi O‘zbekiston Respublikasi Prezidentining 2004-yil 8-yanvardagi PF-3376-sonli Farmoni tahririda — O‘R QHT, 2004-y., 1-2-son, 9-modda)
2. Ma’lumot uchun qabul qilinsinki, quyidagilar Tovar ishlab chiqaruvchilar va tadbirkorlar palatasining asosiy vazifalari hisoblanadi:
mavjud bozor infrastrukturasi obyektlarini rivojlantirishga va yangilarini tashkil etishga ko‘maklashish;
kichik va xususiy tadbirkorlik subyektlariga marketing, reklama, yuridik, axborot va boshqa turdagi konsalting xizmatlari ko‘rsatish;
tadbirkorlik faoliyatining har xil turlari bo‘yicha mutaxassislar tayyorlash va qayta tayyorlashni tashkil etish;
tovar ishlab chiqaruvchilarga va tadbirkorlarga buxgalterlik hisobi va hisoboti, auditorlik tekshirishlarni tashkil etish va uni yuritishda yordam ko‘rsatish;
kichik va xususiy tadbirkorlik subyektlariga, biznes rejalar va loyihalarning texnik-iqtisodiy asoslarini tuzishda, qayta ishlovchi ishlab chiqarishlarni tashkil etishda omborxonalar, texnika, asbob-uskuna, jihozlar berishda, shuningdek, transport xizmatlari ko‘rsatishda ko‘maklashish;
yirik, shu jumladan xorijiy va kichik biznes bilan hamkorlik qilishning shakllarini joriy qilishga ko‘maklashish.
(2-bandning ikkinchi, uchinchi, beshinchi va sakkizinchi xatboshilari O‘zbekiston Respublikasi Prezidentining 2004-yil 8-yanvardagi PF-3376-sonli Farmoni tahririda — O‘R QHT, 2004-y., 1-2-son, 9-modda)
3. O‘zbekiston Respublikasi Davlat mulki qo‘mitasi, O‘zbekiston Tovar ishlab chiqaruvchilar va tadbirkorlar palatasi Qoraqalpog‘iston Respublikasi Vazirlar Kengashi, viloyatlar va Toshkent shahar hokimlari Qoraqalpog‘iston tadbirkorlar uyushmasi, viloyatlar tadbirkorlar uyushmalari va Toshkent shahar tadbirkorlar uyushmasi negizida Tovar ishlab chiqaruvchilar va tadbirkorlar hududiy palatalarini belgilangan tartibda tashkil qilsinlar.
Tovar ishlab chiqaruvchilar va tadbirkorlarning hududiy palatalarini tashkil etishda, O‘zbekbirlashuv va “O‘zbeksavdo” uyushmasi bilan kelishgan holda, ularning viloyat, shahar va tuman tashkilotlarining infrastrukturasi va moddiy texnikasidan foydalanilsin, O‘zbekiston Respublikasi Davlat Qo‘mitasi, O‘zbekbirlashuv, “O‘zbeksavdo” uyushmasi Farmonning ushbu bandi qanday bajarilganligi to‘g‘risida 1996-yilning 1-iyuligacha axborot bersinlar.
4. Tovar ishlab chiqaruvchilar va tadbirkorlar palatasi a’zolariga moliyaviy yordam ko‘rsatish maqsadida O‘zbekiston tadbirkorlari uyushmasining Tadbirkorlikni qo‘llab-quvvatlash negizida Tovar ishlab chiqaruvchilar va tadbirkorlarni qo‘llab-quvvatlash fondi tashkil etilsin.
Tovar ishlab chiqaruvchilar va tadbirkorlarni qo‘llab-quvvatlash fondi resurslari manbalari etib quyidagilar belgilansin:
xususiylashtirish, bozor tuzilmalarini tashkil etish va rivojlantirish davlat dasturini amalga oshirish uchun mo‘ljallangan mablag‘larning 10 foizi, O‘zbekiston Respublikasi davlat mulki qo‘mitasi ko‘rsatilgan mablag‘larning o‘tkazilishini ta’minlasin;
5. O‘zbekiston Respublikasi Davlat mulki qo‘mitasi Tovar ishlab chiqaruvchilar va tadbirkorlarni qo‘llab-quvvatlash fondiga xususiylashtirilgan obyektlarni texnik qayta jihozlash va rivojlantirishga mo‘ljallangan mablag‘lardan 100 million so‘m miqdorda beg‘araz moliyaviy yordam ko‘rsatsin.
O‘zbekiston Respublikasi Moliya vazirligi Vazirlar Mahkamasining zaxira fondidan Tovar ishlab chiqaruvchilar va tadbirkorlarni qo‘llab-quvvatlash fondiga 50 mln. so‘m o‘tkazsin.
6. Qoraqalpog‘iston Respublikasi Vazirlar Kengashi, viloyat va shahar hokimlari davlat mulki obyektlarini xususiylashtirishdan mintaqalarni ijtimoiy-iqtisodiy rivojlantirish-ehtiyojlari uchun yo‘naltiriladigan mablag‘larning 5 foizini bozor infrastrukturasi obyektlarini tashkil etish uchun Tovar ishlab chiqaruvchilar va tadbirkorlar hududiy palatalariga yo‘naltirsinlar.
7. Palatani va Tovar ishlab chiqaruvchilar va tadbirkorlarni qo‘llab-quvvatlash fondini ular davlat ro‘yxatidan o‘tgan vaqtdan boshlab 5 yil muddatga soliqlardan, shuningdek, qonun hujjatlari bilan belgilangan majburiy to‘lovlardan;
Tovar ishlab chiqaruvchilar va tadbirkorlar palatasi a’zolari tadbirkorlar tomonidan import mahsulotlar o‘rnini bosadigan va eksportga mo‘ljallagan mahsulotlar ishlab chiqaruvchi ishlab chiqarishlarni tashkil etish uchun texnologiya asbob-uskunalarni import qilishda bojxona poshlinalari to‘lashdan ozod qilinsin.
Oldingi tahrirga qarang.
8. Biznes fondning Tovar ishlab chiqaruvchilar va tadbirkorlar palatasi bilan respublikaning kichik va xususiy tadbirkorligi subyektlariga moliyaviy, maslahat va boshqa turdagi xizmatlar ko‘rsatish bo‘yicha hamkorlik qilish haqida shartnoma tuzishi to‘g‘risidagi taklifi qabul qilinsin.
(8-band O‘zbekiston Respublikasi Prezidentining 2004-yil 8-yanvardagi PF-3376-sonli Farmoni tahririda — O‘R QHT, 2004-y., 1-2-son, 9-modda)
9. Adliya vazirligi Davlat mulki qo‘mitasi, Moliya vazirligi davlat soliq qo‘mitasi bilan birgalikda amaldagi qonun hujjatlarini o‘zgartirish va ularni mazkur Farmonga muvofiqlashtirish to‘g‘risida bir oy muddatda takliflar kiritsin.