LexUZ sharhi
Mazkur qaror O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Mamlakatimiz futbolining moddiy-texnika bazasini yanada mustahkamlash va rivojlantirish, futbol bo‘yicha maktab-internatlarda, bolalar va o‘smirlar maktablarida, professional klublarda va terma jamoalarda o‘quv-mashq jarayonining yuksak sifatini ta’minlash, futbolchilar, trenyerlar hamda hakamlarning mahorat va malaka darajasini oshirish, shuningdek respublika aholisining keng qatlamlari o‘rtasida futbolni faol targ‘ib qilish hamda ommalashtirish maqsadida:
1. 2011 — 2013-yillarda respublikada futbolning moddiy-texnika bazasini yanada mustahkamlash va uni rivojlantirish chora-tadbirlari dasturi 1-ilovaga muvofiq ma’qullansin. Unda quyidagilar nazarda tutiladi:
respublika shaharlarida faoliyat ko‘rsatayotgan stadionlarning, shuningdek professional futbol klublari huzuridagi bolalar va o‘smirlar maktablari sport inshootlarining moddiy-texnika bazasini mustahkamlash, ularni rekonstruksiya qilish, yangi stadionlar qurish, zarur uskunalar va anjomlar bilan jihozlash hamda tegishli infratuzilmani yaratish;
bolalar va o‘smirlar jamoalari uchun nomzodlar, professional futbol klublari va O‘zbekiston terma jamoalari uchun zaxira tayyorlashning asosiy bo‘g‘inlari sifatida futbol bo‘yicha ixtisoslashtirilgan maktab-internatlarni hamda professional futbol klublari huzuridagi bolalar va o‘smirlar sport maktablarini rivojlantirish bo‘yicha kompleks chora-tadbirlarni amalga oshirish;
to‘laqonli ilmiy-metodik rahbarlikni, o‘quv-mashq jarayonlari sifatini hamda respublikada futbolni rivojlantirishdagi an’analar davomiyligini va xalqaro maydonlarda yuksak natijalarga erishishni ta’minlashi lozim bo‘lgan yuqori malakali trenyerlar, hakamlar, sport vrachlari hamda boshqa futbol mutaxassislarini tayyorlash, ularni davriy attestatsiyadan o‘tkazish mezonlari va metodologiyasini ishlab chiqish;
mamlakatimiz futboli to‘g‘risidagi axborotlarni yetkazish va targ‘ib qilishni yanada takomillashtirish, futbol musobaqalarini yoritishga ixtisoslashgan malakali jurnalistlar, sharhlovlar, rejissor va teleoperator kadrlarni tayyorlash.
Ushbu qarorning 1-ilovasida nazarda tutilgan tadbirlarning o‘z vaqtida va sifatli amalga oshirilishi uchun hududiy futbol federatsiyalari prezidentlari hisoblangan Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari, shuningdek mas’ul ijrochilar — respublika vazirliklari, idoralari va xo‘jalik birlashmalarining rahbarlari zimmasiga shaxsiy javobgarlik yuklansin.
2. Ushbu qaror bilan tasdiqlangan Chora-tadbirlar dasturining amalga oshirilishini muvofiqlashtirish va nazorat qilish bo‘yicha Respublika komissiyasi tarkibi 2-ilovaga* muvofiq tasdiqlansin.
Respublika komissiyasi (Sh.M. Mirziyoyev) 2011-yilning 10-fevraliga qadar 2011 — 2013-yillarda futbolni yanada rivojlantirish bo‘yicha hududiy va tarmoq dasturlari ishlab chiqilishi hamda komissiya majlisida tasdiqlanishini ta’minlasin.
3. O‘zbekiston oliy liga professional futbol klublari tomonidan 3-ilovaga* muvofiq respublika korxonalari va tashkilotlari bilan bosh homiylik to‘g‘risida bitimlar tuzilganligi ma’lumot uchun qabul qilinsin.
*3-ilova rus tilidagi matnda berilgan.
4. O‘zbekiston Futbol Federatsiyasi, Qashqadaryo viloyati hokimligi va O‘zbekiston Respublikasi Xalq ta’limi vazirligining 2011-yilning I yarim yilligida Qarshi shahrida futbol bo‘yicha ixtisoslashtirilgan maktab-internat tashkil etish to‘g‘risidagi taklifiga rozilik berilsin.
5. O‘zbekiston Milliy teleradiokompaniyasi, O‘zbekiston Milliy axborot agentligi, O‘zbekiston aloqa va axborotlashtirish agentligi hamda O‘zbekiston matbuot va axborot agentligi O‘zbekiston Futbol federatsiyasi, O‘zbekiston Respublikasi Xalq ta’limi vazirligi huzuridagi Bolalar sportini rivojlantirish jamg‘armasi, “Mahalla” jamg‘armasi hamda “Kamolot” yoshlar ijtimoiy harakati bilan birgalikda:
Keyingi tahrirga qarang.
ommaviy axborot vositalarida respublikada futbolning muntazam va tizimli asosda faol targ‘ib qilinishini va ommalashtirilishini ta’minlasinlar;
2011 — 2013-yillar mobaynida oliy liga futbol klublari stadionlarida radio va telesharhlovchilar uchun zamonaviy axborot-kommunikatsiya vositalari bilan jihozlangan maxsus xonalar tashkil etsinlar, futbol o‘yinlarining televideniye va Internet tarmog‘i orqali to‘g‘ridan to‘g‘ri uzatilishini ta’minlasinlar;
sport internet-jurnalistikasini qo‘llab-quvvatlash, vatanimiz futbolini targ‘ib qilishga ixtisoslashayotgan mavjud va yangidan ochilayotgan veb-saytlarni moddiy rag‘batlantirish bo‘yicha kompleks chora-tadbirlarni ishlab chiqsinlar va amalga oshirsinlar.
6. O‘zbekiston Respublikasi Oliy va o‘rta maxsus ta’lim vazirligi O‘zbekiston Futbol federatsiyasi bilan birgalikda bir oy muddatda respublikaning ixtisoslashgan oliy ta’lim muassasalarining hamda Toshkent axborot texnologiyalari universitetining tegishli fakultetlari negizida sport, shu jumladan futbol sohasiga ixtisoslashgan professional jurnalistlar, sharhlovchilar, rejissorlar va teleoperatorlar tayyorlash hamda qayta tayyorlash tizimini shakllantirish yuzasidan takliflar tayyorlasin va O‘zbekiston Respublikasi Vazirlar Mahkamasiga kiritsin.
7. Vazirlar Mahkamasining “O‘zbekiston Respublikasida futbolni rivojlantirishni davlat tomonidan yanada qo‘llab-quvvatlash chora-tadbirlari to‘g‘risida” 2009-yil 3-dekabrdagi 304-son qarori 6-bandining uchinchi xatboshi o‘z kuchini yo‘qotgan deb hisoblansin.
8. Mazkur qarorning bajarilishini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.
T/r | Tadbirlar nomi | Bajarish muddati | Moliyalashtirish manbalari | Mas’ul bajaruvchilar |
I. Respublika shaharlarida faoliyat ko‘rsatayotgan stadionlarning, professional futbol klublari huzuridagi bolalar va o‘smirlar maktablari sport inshootlarining moddiy-texnika bazasini mustahkamlash, rekonstruksiya qilish, yangi stadionlar qurish, ularni zarur uskunalar va tegishli infratuzilma bilan ta’minlash | ||||
1. | “Dinamo” stadionini rekonstruksiya qilish (Samarqand shahri) | 2011-yil sentyabr | Homiylar va mahalliy budjet mablag‘lari | Samarqand viloyati hokimligi, O‘zbekiston Futbol federatsiyasi |
2. | “Buxoro” stadionini rekonstruksiya qilish (Buxoro shahri) | 2012-yil mart | Homiylar va mahalliy budjet mablag‘lari | Buxoro viloyati hokimligi, O‘zbekiston Futbol federatsiyasi |
3. | “Farg‘ona” stadionini rekonstruksiya qilish (Farg‘ona shahri) | 2012-yil mart | Homiylar va mahalliy budjet mablag‘lari | Farg‘ona viloyati hokimligi, O‘zbekiston Futbol federatsiyasi |
4. | “Markaziy” stadionini rekonstruksiya qilish (Namangan shahri) | 2012-yil mart | Homiylar va mahalliy budjet mablag‘lari | Namangan viloyati hokimligi, O‘zbekiston Futbol federatsiyasi |
5. | “Lokomotiv” stadionini qurish (Toshkent shahri) | 2011-yil sentyabr | “O‘zbekiston temir yo‘llari” DAK, homiylar va mahalliy budjet mablag‘lari | “O‘zbekiston temir yo‘llari” DAK, Toshkent shahar hokimligi, O‘zbekiston Futbol federatsiyasi |
6. | “Bunyodkor” stadionini qurish (Toshkent shahri) | 2011-yil sentyabr | Homiylar va mahalliy budjet mablag‘lari | Toshkent shahar hokimligi, O‘zbekiston Futbol federatsiyasi, “O‘ztransgaz” AK |
7. | Bekobod shahrida stadion qurish | 2013-yil mart | “O‘zmetkombinat” AIChB, homiylar va mahalliy budjet mablag‘lari | “O‘zmetkombinat” AIChB, Toshkent viloyati hokimligi, O‘zbekiston Futbol federatsiyasi |
8. | Olmaliq shahrida stadion qurish | 2013-yil mart | “Olmaliq kon-metallurgiya kombinati” OAJ, homiylar va mahalliy budjet mablag‘lari | “Olmaliq kon- metallurgiya kombinati” OAJ, Toshkent viloyati hokimligi, O‘zbekiston Futbol federatsiyasi |
9. | “Paxtakor” futbol klubi huzuridagi bolalar va o‘smirlar futbol maktabining sport inshootlarini rekonstruksiya qilish (Toshkent shahri) | 2011-yil sentyabr | Homiylar va mahalliy budjet mablag‘lari, O‘zbekiston futbolni qo‘llab-quvvatlash jamg‘armasi | O‘zbekiston Futbol federatsiyasi, Andijon, Namangan, Samarqand viloyatlari va Toshkent shahar hokimliklari |
10. | “Navbahor” futbol klubi huzuridagi bolalar va o‘smirlar futbol maktabining sport inshootlarini rekonstruksiya qilish (Namangan shahri) | 2011-yil sentyabr | ||
11. | “Andijon” futbol klubi huzuridagi bolalar va o‘smirlar futbol maktabining sport inshootlarini rekonstruksiya qilish | 2011-yil dekabr | ||
12. | “Dinamo” futbol klubi huzuridagi bolalar va o‘smirlar futbol maktabining sport inshootlarini rekonstruksiya qilish (Pastdarg‘om tumani) | 2011-yil mart | ||
13. | Professional futbol klublari huzuridagi bolalar va o‘smirlar futbol maktablarini zarur anjomlar va uskunalar bilan jihozlash, tegishli infratuzilmani yaratish. | Jadval bo‘yicha | O‘zbekiston futbolni qo‘llab-quvvatlash jamg‘armasi | O‘zbekiston Futbol federatsiyasi |
14. | Professional futbol klublari stadionlari va infratuzilmasini tegishli holatga keltirish hamda ularning xalqaro standartlarga muvofiqligini ta’minlash | Doimiy | Homiylar va mahalliy budjet mablag‘lari | Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, O‘zbekiston Futbol federatsiyasi |
15. | Futbol bo‘yicha terma jamoalarning o‘quv-mashq mashg‘ulotlari va o‘yinlarini o‘tkazish maqsadida O‘zbekiston Futbol federatsiyasi buyurtmasiga asosan O‘zbekiston Respublikasi Ichki ishlar vazirligi tomonidan “Jar” sport-sog‘lomlashtirish kompleksining futbol stadioni, mashq maydoni va binosini ijara to‘lovisiz foydalanishga berish | O‘zbekiston Futbol federatsiyasining taqvim rejasi bo‘yicha | — | O‘zbekiston Respublikasi Ichki ishlar vazirligi, O‘zbekiston Futbol federatsiyasi |
16. | Ilmiy tadqiqotlarni olib borish hamda futbolchilar, murabbiylar va hakamlarning jismoniy holati va ma’naviy-ruhiy tayyorligi ustidan nazoratni kuchaytirish maqsadida O‘zbekiston Futbol federatsiyasi qoshidagi “Futbol-MED” sho‘ba korxonasini eng yangi zamonaviy uskunalar va texnologiyalar bilan jihozlash. | Doimiy | O‘zbekiston Futbol federatsiyasi mablag‘lari | O‘zbekiston Futbol federatsiyasi, Madaniyat va sport ishlari vazirligi, Sog‘liqni saqlash vazirligi |
II. Bolalar va o‘smirlar futbolini rivojlantirish hamda futbol bo‘yicha ixtisoslashtirilgan maktab-internatlar va professional futbol klublari huzuridagi bolalar va o‘smirlar futbol maktablari ishi samaradorligini oshirish | ||||
17. | Futbol bo‘yicha ixtisoslashtirilgan maktab-internatlar va professional futbol klublari huzuridagi bolalar va o‘smirlar futbol maktablari ishi samaradorligi ustidan tizimli monitoring olib borish hamda ularning negizida o‘smirlar va yoshlar jamoalariga nomzodlar, shuningdek, professional klublar va O‘zbekiston terma jamoalari uchun zaxira tayyorlash bo‘yicha ilmiy asoslangan tavsiyalar ishlab chiqish. | O‘quv yili yakunlari bo‘yicha | O‘zbekiston Futbol federatsiyasi mablag‘lari | O‘zbekiston Futbol federatsiyasi, Madaniyat va sport ishlari vazirligi, Sog‘liqni saqlash vazirligi, O‘zbekiston Davlat jismoniy tarbiya instituti, maktablar direksiyalari |
18. | Qarshi shahrida futbolga ixtisoslashtirilgan maktab-internat tashkil qilish. | 2011-yil iyun | Homiylar va mahalliy budjet mablag‘lari | Qashqadaryo viloyati va Qarshi shahri hokimliklari, O‘zbekiston Futbol federatsiyasi |
19. | Respublikaning barcha mintaqalaridan yosh iqtidorli futbolchilarni tanlash va ular seleksiyasining ilmiy asoslangan tizimini ishlab chiqish | 2011-yil fevral | — | O‘zbekiston Futbol federatsiyasi, O‘zbekiston Davlat jismoniy tarbiya instituti |
20. | Olimpiya zaxiralari kollejlari va professional futbol klublari huzuridagi futbol maktablari o‘quvchilari o‘rtasida futbol bo‘yicha respublika turnirini tashkil etish va o‘tkazish | Har yili — jadval bo‘yicha | Madaniyat va sport ishlari vazirligi, hududiy futbol federatsiyalari mablag‘lari | Madaniyat va sport ishlari vazirligi, O‘zbekiston Futbol federatsiyasi, hududiy futbol federatsiyalari |
21. | Respublika umumta’lim maktablari, akademik litsey va kasb-hunar kollejlari o‘quvchilari, oliy ta’lim muassasalari talabalari o‘rtasida futbol bo‘yicha turnirlar tashkil etish va o‘tkazish | Hududiy futbol federatsiyalari taqvim jadvali bo‘yicha | Mahalliy budjetlar va ta’lim muassasalari mablag‘lari | Xalq ta’limi vazirligi, O‘rta maxsus, kasb-hunar ta’limi markazi, Oliy va o‘rta maxsus ta’lim vazirligi, Hududiy futbol federatsiyalari, O‘zbekiston Futbol federatsiyasi, |
III. Malakali trenyerlar, hakamlar, sport vrachlari va boshqa futbol mutaxassislarini tayyorlash | ||||
22. | O‘zbekiston Futbol federatsiyasi qoshidagi “Futbol-MED” sho‘ba korxonasida futbolchi va trenyerlarni funksional tekshirishdan o‘tkazish va zarur tavsiyalar ishlab chiqish. | Har yili — jadval bo‘yicha | O‘zbekiston Futbol federatsiyasi mablag‘lari | O‘zbekiston Futbol federatsiyasi |
23. | Milliy, olimpiya, yoshlar va ayollar terma jamoalarining texnik direktori va maslahatchi trenyerlari lavozimiga xorijiy mutaxassislarni tanlash mezonlarini ishlab chiqish va amalga oshirish | Ishlab chiqish — 2011-yil iyul, amalga oshirish — doimiy | O‘zbekiston Futbol federatsiyasi va O‘zbekiston futbolni qo‘llab-quvvatlash jamg‘armasi mablag‘lari | O‘zbekiston Futbol federatsiyasi |
24. | Bolalar va o‘smirlar futboli trenyerlari uchun qisqa muddatli malaka oshirish kurslari, professional klublar trenyerlari uchun “S”, “V”, “A” sertifikatlari dasturi bo‘yicha Osiyo futbol konfederatsiyasining xalqaro trenerlik kurslarini o‘tkazish | Osiyo futbol konfederatsiyasining (OFK) taqvim rejasi bo‘yicha | Osiyo futbol konfederatsiyasi va O‘zbekiston Futbol federatsiyasi mablag‘lari | O‘zbekiston Futbol federatsiyasi, Madaniyat va sport ishlari vazirligi, Futbol bo‘yicha trener va hakamlar respublika maktabi |
25. | �IFA instruktorlarini jalb etgan holda “PRO” diplomi va “FUTURO III” Xalqaro futbol federatsiyalari uyushmasi dasturlari bo‘yicha xalqaro trenerlik kurslari o‘tkazish | Xalqaro futbol federatsiyalari uyushmasi (FIFA) taqvim rejasi bo‘yicha | Xalqaro futbol federatsiyalari uyushmasi (FIFA) mablag‘lari | O‘zbekiston Futbol federatsiyasi, Madaniyat va sport ishlari vazirligi, Futbol bo‘yicha trener va hakamlar respublika maktabi |
26. | Xalqaro futbol federatsiyalari uyushmasi, Yevropa futbol uyushmalari ittifoqi va Osiyo futbol konfederatsiyasi mutaxassislarini taklif etgan holda futbolchilarni jismoniy tomondan tayyorlash bo‘yicha instruktorlar uchun kurslar o‘tkazish | O‘zbekiston Futbol federatsiyasi taqvim rejasi bo‘yicha | O‘zbekiston Futbol federatsiyasi mablag‘lari | O‘zbekiston Futbol federatsiyasi, Madaniyat va sport ishlari vazirligi, Futbol bo‘yicha trener va hakamlar respublika maktabi |
27. | Trenyerlar shtablarini shakllantirish bo‘yicha O‘zbekiston terma jamoalari faoliyati ustidan nazoratni ta’minlash, O‘zbekiston terma jamoalarini tayyorlash markazining kadrlar tarkibini mustahkamlash maqsadida texnik direktor va maslahatchi trenyerlar lavozimiga xorijiy mutaxassislarni taklif etish | Doimiy | O‘zbekiston Futbol federatsiyasi mablag‘lari | O‘zbekiston Futbol federatsiyasi |
28. | Professional futbol klublari, futbol bo‘yicha ixtisoslashtirilgan maktab-internatlar va professional klublar huzuridagi bolalar va o‘smirlar futbol maktablarining tibbiyot xodimlarini attestatsiyadan o‘tkazish. | Jadval bo‘yicha | O‘zbekiston Futbol federatsiyasi mablag‘lari | O‘zbekiston Futbol federatsiyasi, Sog‘liqni saqlash vazirligi, hududiy futbol federatsiyalari |
29. | Professional futbol klublari, professional futbol klublari huzuridagi bolalar va o‘smirlar futbol maktablari va terma jamoalar trenyerlari hamda boshqa mutaxassislarining yetakchi xorijiy futbol klublarida, Futbol akademiyalari va terma jamoalarida tajriba orttirishlarini tashkil etish. | O‘zbekiston Futbol federatsiyasi taqvim rejasi bo‘yicha | O‘zbekiston Futbol federatsiyasi va O‘zbekiston futbolni qo‘llab-quvvatlash jamg‘armasi mablag‘lari | O‘zbekiston Futbol federatsiyasi |
30. | Futbol bo‘yicha trener va hakamlar respublika maktabida o‘qitish maqsadida yosh istiqbolli hakamlarni tanlash tartibini takomillashtirish. | Doimiy | — | O‘zbekiston Futbol federatsiyasi |
31. | Osiyo va Yevropadan yetakchi mutaxassislarni taklif etgan holda futbol bo‘yicha hakamlar va inspektor hakamlar malakasini oshirish kurslarini o‘tkazish. | O‘zbekiston Futbol federatsiyasi taqvim rejasi bo‘yicha | O‘zbekiston Futbol federatsiyasi mablag‘lari | O‘zbekiston Futbol federatsiyasi |
32. | O‘zbekiston Futbol federatsiyasi, Osiyo futbol konfederatsiyasi, Xalqaro futbol federatsiyalari uyushmasi talablariga muvofiq professional futbol klublari, futbol bo‘yicha ixtisoslashtirilgan maktab-internatlar hamda professional futbol klublari huzuridagi bolalar va o‘smirlar futbol maktablari xodimlarining egallab turgan lavozimlariga muvofiqligini attestatsiya asosida naz�rat qilish. | Doimiy | — | O‘zbekiston Futbol federatsiyasi, hududiy futbol federatsiyalari |
33. | Hakamlar brigadalarini eng yangi so‘zlashuv-aloqa vositalari va zamonaviy texnika bilan ta’minlash (bahsli vaziyatlarni tezkor hal etish va futbol o‘yinlariga hakamlikni tahlil qilish maqsadida). | 2012-yil yanvar oyidan boshlab | O‘zbekiston Futbol federatsiyasi mablag‘lari | O‘zbekiston Futbol federatsiyasi |
34. | Etakchi xorijiy mutaxassislarni taklif etgan holda futbol bo‘yicha har yilgi ilmiy-amaliy konferensiyalar o‘tkazish. | O‘zbekiston Futbol federatsiyasi taqvim rejasi bo‘yicha | O‘zbekiston Futbol federatsiyasi mablag‘lari | O‘zbekiston Futbol federatsiyasi, Madaniyat va sport ishlari vazirligi, Futbol bo‘yicha trener va hakamlar respublika maktabi |
IV. Mamlakatimiz futboli to‘g‘risidagi axborotlarni yetkazish va targ‘ib qilishni yanada takomillashtirish, malakali jurnalistlar, sharhlovchilar, rejissor va teleoperator kadrlarni tayyorlash | ||||
35. | Maktab-internatlari, bolalar va o‘smirlar maktablari, professional futbol klublari va O‘zbekiston terma jamoalarining sport belgilarini (ramzi, o‘yinchilar formalari va shu kabilarni) yaratish, shuningdek, ularni amalga oshirish tadbirlari rejasini ishlab chiqish. | 2011-yil 1-mart — eskizlar va tadbirlar bo‘yicha takliflar tayyorlash | O‘zbekiston Futbol federatsiyasi va professional futbol klublari mablag‘lari | O‘zbekiston Futbol federatsiyasi, professional futbol klublari |
36. | Davlat tilida, rus va ingliz tillarida “O‘zbekiston futboli” — (“Futbol Uzbekistana”) jurnalini ta’sis etish. | 2011-yil I choragi | Bajaruvchilar mablag‘lari | O‘zbekiston Futbol federatsiyasi, Madaniyat va sport ishlari vazirligi, O‘zbekiston matbuot va axborot agentligi, “O‘zbekiston havo yo‘llari” MAK, “O‘zbekiston temir yo‘llari” DAK, “O‘zbekturizm” milliy kompaniyasi va boshqalar |
37. | Etakchi ommaviy axborot vositalari va bosma nashrlar bilan birgalikda mamlakatda futbolni rivojlantirish va ommalashtirish maqsadida amalga oshirilayotgan keng ko‘lamli ishlarni, ushbu yo‘nalishda qabul qilinayotgan qonun hujjatlarining mohiyati va ahamiyatini targ‘ib qilish bo‘yicha chora-tadbirlar ishlab chiqish va amalga oshirish. | 2011-yil I chorak — ishlab chiqish, amalga oshirish — jadval bo‘yicha | O‘zbekiston Futbol federatsiyasi mablag‘lari | O‘zbekiston Futbol federatsiyasi, O‘zA, O‘zMTRK, O‘zbekiston matbuot va axborot agentligi, Madaniyat va sport ishlari vazirligi, hududiy futbol federatsiyalari |
38. | O‘zbekiston futbolini rivojlantirishga katta hissa qo‘shgan taniqli sportchilar va mutaxassislarning fikr-mulohazalaridan iborat bo‘lgan materiallarni muntazam chop etishni ta’minlash, ular bilan suhbatlar va musobaqalar tashkil etish, shuningdek, O‘zbekiston Futbol federatsiyasi, Professional futbol ligasi faoliyatini doimiy ravishda yoritish. | 2011-yil I chorak — ishlab chiqish, amalga oshirish — jadval bo‘yicha | O‘zbekiston Futbol federatsiyasi mablag‘lari | O‘zbekiston Futbol federatsiyasi, O‘zA, gazetalar va “O‘zbekiston futboli” — (“Futbol Uzbekistana”) jurnali tahririyatlari, hududiy futbol federatsiyalari |
39. | Gazetalar, jurnallar va Internet-saytlarda milliy futbolimiz yutuqlari va kamchiliklariga, uning istiqbollariga bag‘ishlangan futbol mavzuidagi materiallarni chop etish, “Futbol-jasurlar o‘yini”, “Futbolimiz qahramonlari”, “Futbolimiz faxriylari”, “Iste’dodli futbolchilar”, “Futbolimiz yulduzlari”, “Futbolimiz kelajagi” kabi maxsus ruknlar tashkil etish, yosh avlodni sog‘lom turmush tarzi va vatanparvarlik ruhida tarbiyalashga xizmat qiladigan tahliliy maqolalar chop etish. | Doimiy | O‘zbekiston Futbol federatsiyasi mablag‘lari | O‘zbekiston Futbol federatsiyasi, hududiy futbol federatsiyalari, O‘zA, O‘zbekiston matbuot va axborot agentligi, gazeta-jurnallar tahririyatlari, O‘zbekiston aloqa va axborotlashtirish agentligi |
40. | Sport internet-jurnalistikasini qo‘llab-quvvatlash, vatanimiz futbolini targ‘ib qilishga ixtisoslashgan faoliyat ko‘rsatib turgan va yangidan ochilayotgan veb-saytlarni moddiy rag‘batlantirish. | Doimiy | O‘zbekiston Futbol federatsiyasi mablag‘lari | O‘zbekiston matbuot va axborot agentligi, O‘zbekiston aloqa va axborotlashtirish agentligi, O‘zbekiston Futbol federatsiyasi, O‘zbekiston Jurnalistlari ijodiy uyushmasi |
41. | Maktablar, o‘rta maxsus va oliy ta’lim muassasalari, mahallalar, qishloqlar va ovullar stadionlarida o‘tkazilayotgan futbol turnirlarini bolalar va yoshlar o‘rtasida targ‘ib qilish. | Turnirlar jadvali bo‘yicha | O‘zbekiston Futbol federatsiyasi mablag‘lari | O‘zbekiston Futbol federatsiyasi, Xalq ta’limi vazirligi, Madaniyat va sport ishlari vazirligi, O‘zbekiston Jurnalistlari ijodiy uyushmasi, O‘zbekiston MTRK |
42. | “Sport” telekanali va “Mash’al” radiokanalining tahliliy ko‘rsatuvlari va eshittirishlari mavzulari va sifatini taniqli futbolchilar, bolalar sporti trenyerlari va mutaxassislari, yetakchi hakamlar, shuningdek, O‘zbekiston Futbol federatsiyasi va Professional futbol ligasi vakillari ishtirokida tubdan yaxshilash. | 2011-yil I choragi — takliflar ishlab chiqish, amalga oshirish — jadval bo‘yicha | O‘zbekiston Futbol federatsiyasi mablag‘lari | O‘zbekiston MTRK, O‘zbekiston Futbol federatsiyasi, O‘zbekiston Jurnalistlari ijodiy uyushmasi |
43. | Oliy liga futbol klublari stadionlarida radio va telesharhlovchilar uchun zamonaviy axborot-kommunikatsiya vositalari bilan jihozlangan maxsus xonalar tashkil etish, futbol o‘yinlari televideniye va Internet orqali to‘g‘ridan to‘g‘ri uzatilishini ta’minlash. Birinchi ligada va viloyat birinchiliklarida qatnashayotgan jamoalar stadionlarida ham shunday sharoitlarni bosqichma-bosqich yaratib borish. | 2011-yil I choragi — takliflar ishlab chiqish, amalga oshirish — jadval bo‘yicha | Bajaruvchilar, mahalliy budjetlar va homiylar mablag‘lari | Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, O‘zMTRK, O‘zbekiston aloqa va axborotlashtirish agentligi, O‘zA, O‘zbekiston Futbol federatsiyasi |
44. | Futbol sohasiga ixtisoslashayotgan professional jurnalist va reportyor kadrlar tayyorlashni takomillashtirish masalalari bo‘yicha takliflar tayyorlash. | 2011-yil 1 choragi | O‘zbekiston Futbol federatsiyasi mablag‘lari | O‘zbekiston Futbol federatsiyasi, Oliy va o‘rta maxsus ta’lim vazirligi, O‘zbekiston Milliy universiteti, O‘zbekiston davlat jahon tillari universiteti |
45. | O‘zbekiston Milliy universiteti va O‘zbekiston davlat jahon tillari universitetining jurnalistika fakultetlarida sport jurnalistikasi bo‘yicha kadrlarni qayta tayyorlash maxsus kurslarini tashkil etish | 2011-yil I choragi | O‘zbekiston Futbol federatsiyasi mablag‘lari | Oliy va o‘rta maxsus ta’lim vazirligi, O‘zbekiston Milliy universiteti, O‘zbekiston davlat jahon tillari universiteti, O‘zbekiston Futbol federatsiyasi |
46. | Toshkent axborot texnologiyalari universiteti negizida teleuzatishlar bo‘yicha teleoperator va rejissorlar tayyorlash bo‘yicha takliflar ishlab chiqish va kiritish. | 2011-yil I choragi | O‘zbekiston Futbol federatsiyasi mablag‘lari | O‘zbekiston Futbol federatsiyasi, Oliy va o‘rta maxsus ta’lim vazirligi, Toshkent axborot texnologiyalari universiteti |
47. | Jurnalistlar o‘rtasida sport tadbirlari, shu jumladan, futbol turnirlari tashkil etish, g‘olib jamoalar va eng yaxshi o‘yinchilarni rag‘batlantirish. | Har yili | Bajaruvchilar mablag‘lari | O‘zbekiston Futbol federatsiyasi, O‘zbekiston Jurnalistlari ijodiy uyushmasi, O‘zbekiston matbuot va axborot agentligi, O‘zMTRK, O‘zA |
Keyingi tahrirga qarang.