Qishloqqa yetkazib beriladigan “Keys Korporeyshn” kompaniyasi ishtirokidagi qo‘shma korxonalar tomonidan ishlab chiqarilgan paxta terish mashinalari va traktorlar uchun o‘z vaqtida hisob-kitob qilishni ta’minlash maqsadida Vazirlar Mahkamasi qaror qiladi:

1. “O‘zqishloqxo‘jalikta’minottuzatish” davlat-kooperativ qo‘mitasi korxonalarining 1999-yil 1-oktabrdagi holatiga ko‘ra budjetga — 1100 mln so‘m, Pensiya jamg‘armasiga — 505 mln so‘m va Yo‘l jamg‘armasiga — 75 mln so‘m miqdoridagi muddati o‘tkazib yuborilgan to‘lovlarining to‘lash muddati, bo‘shab qolgan mablag‘larni “O‘zKeysMash” qo‘shma korxonasidan “Keys-2022” paxta terish mashinalari sotib olishga yo‘naltirgan holda, 2001-yil 1-oktabrgacha uzaytirilsin.

2. “Paxta-bank” “O‘zqishloqxo‘jalikta’minottuzatish” davlat-kooperativ qo‘mitasi korxonalarining 1080 mln so‘m miqdoridagi debitorlik qarzi bo‘yicha o‘z mablag‘lari hisobiga faktoring operatsiyalarini amalga oshirsin, mablag‘larni “Keys-2022” paxta terish mashinalari uchun haq to‘lashga yo‘naltirsin, keyinchalik “Paxta-bank”ka qarzlar O‘zbekiston Respublikasi Moliya vazirligi huzuridagi Davlat ehtiyojlari uchun xarid qilinadigan qishloq xo‘jaligi mahsulotlarining hisob-kitob jamg‘armasi tomonidan, 2-kartoteka holatidan qat’i nazar, paxta xomashyosi, don, sholi uchun avans va hisob-kitob qilishga transhlar bo‘yicha yo‘naltiriladigan mablag‘lar hisobidan to‘lansin.

3. O‘zbekiston Respublikasi Markaziy banki va “Paxta-bank”ning “Keys Korporeyshn” kompaniyasi bilan tuzilgan kontrakt bo‘yicha 920 mln so‘m miqdoridagi 15 foizli avans to‘lovni to‘lash uchun O‘zbekiston Respublikasi Vazirlar Mahkamasining 1997-yil 20-avgustdagi 410-son qaroriga muvofiq “O‘zqishloqxo‘jalikta’minottuzatish” davlat-kooperativ qo‘mitasi korxonalariga ilgari berilgan kreditlarni to‘lash muddatini 2002-yilgacha uzaytirish to‘g‘risidagi taklifi qabul qilinsin.

O‘zbekiston Respublikasi Moliya vazirligi ko‘rsatib o‘tilgan kredit bo‘yicha “Paxta-bank”ka berilgan kafolatlarni belgilangan tartibda qayta rasmiylashtirsin.

4. “O‘zqishloqxo‘jalikta’minottuzatish” davlat-kooperativ qo‘mitasi korxonalarining 1999-yil oktyabr—dekabrdagi budjetga to‘lovlari muddati, mablag‘larni “Keys-2022” paxta terish mashinalari hamda “MX-135” va “SX-100” traktorlari uchun haq to‘lashga maqsadli yo‘naltirgan holda, uzaytirilsin.

O‘zbekiston Respublikasi Davlat soliq qo‘mitasi 1999-yilning oktyabr — dekabri uchun hisoblangan soliqlar summasining teng ulushlarda 2000-yilning birinchi yarim yilligida undirilishini ta’minlasin.

5. O‘zbekiston Respublikasi Markaziy banki va “Paxta-bank” “Kamminz” dvigatellari bilan jihozlangan texnikadan foydalanuvchilarning hisob-kitoblarini, ko‘rsatib o‘tilgan dvigatellarga texnika xizmati ko‘rsatish va ularni tuzatish uchun tushadigan mablag‘larni “O‘zqishloqxo‘jalikta’minottuzatish” davlat-kooperativ qo‘mitasining maqsadli hisobvaraqlariga o‘tkazib, keyinchalik ulardan “Kamminz” firmasi bilan hisob-kitob qilishda foydalangan holda, amalga oshirishni ta’minlasinlar.

6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari B.S. Hamidov va B.M. Olimjonov zimmasiga yuklansin.