LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
“O‘zbekiston Respublikasining Vitse-Prezidenti lavozimini tugatish hamda O‘zbekiston Respublikasi Bosh vaziri lavozimini ta’sis etish va O‘zbekiston Respublikasining Konstitutsiyasi (Asosiy Qonuni)ga o‘zgartishlar kiritish to‘g‘risida” O‘zbekiston Respublikasining 1992-yil 4-yanvardagi Qonuniga muvofiq va O‘zbekiston Respublikasi Bosh Vaziri o‘rtoq A. M. Mutalovning xalq xo‘jaligini boshqarish tuzilmasini yanada takomillashtirish to‘g‘risidagi takliflarini e’tiborga olib:
1. “O‘zbekiston SSR Prezidenti huzuridagi Vazirlar Mahkamasining tuzilmasi to‘g‘risida” O‘zbekiston SSR Prezidentining 1990-yil 15-noyabrdagi 97-son Farmoni bilan ta’sis etilgan Vazirlar Mahkamasi Raisining o‘rinbosarlari — tegishli majmualarning rahbarlari lavozimlari tugatilsin;
2. O‘rtoq T. Y. Sharipov Vazirlar Mahkamasi Raisining o‘rinbosari — Zaxiralar, moddiy-texnika ta’minoti va shartnomalar majmuining rahbari lavozimidan ozod qilinib, O‘zbekiston Respublikasi Moddiy-texnika ta’minoti davlat-kooperativ komitetining Raisi etib tayinlansin.
3. O‘zbekiston SSR Prezidentining Vazirlar Mahkamasi Raisining o‘rinbosari — O‘zbekiston SSR mehnat vaziri lavozimlarini qo‘shish to‘g‘risida 1991-yil 8-may 205-son Farmonining O‘zbekiston SSR Prezidenti huzuridagi Vazirlar Mahkamasi Raisining o‘rinbosariga taalluqli qismi;
— O‘zbekiston SSR Prezidentining Vazirlar Mahkamasi Raisining o‘rinbosari — yengil sanoat mollari ishlab chiqarish bo‘yicha O‘zbekiston davlat uyushmasi boshqaruvining Raisi lavozimlarini qo‘shish to‘g‘risida 1991-yil 15-maydagi 208-son Farmonining O‘zbekiston SSR Prezidenti huzuridagi Vazirlar Mahkamasi Raisining o‘rinbosariga taalluqli qism o‘z kuchini yo‘qotgan deb hisoblansin.