Vazirlar Mahkamasi qayd etadiki oʻtgan davrda respublikada iqtisodiy oʻsishni barqarorlashtirishga va aholi turmush darajasini oshirishga va 1999-yilda ijtimoiy-iqtisodiy islohotlarni yanada chuqurlashtirishga yoʻnaltirilgan kompleks chora-tadbirlar amalga oshirildi.

Yalpi ichki mahsulot shu yilning 9 oyida oʻtgan yilning tegishli davriga nisbatan 1044 foizni tashkil etdi. Yalpi ichki mahsulotning 65 foizdan koʻprogʻi nodavlat sektorda ishlab chiqarildi. Sanoat (1061 foiz) qishloq xoʻjaligi mahsulotlari (1049 foiz) kapital qoʻyilmalar (1160 foiz) chakana savdo tovar oboroti (1131 foiz) aholiga pulli xizmatlar koʻrsatish hajmlari (1124 foiz) oʻsdi.

Davlat budjeti taqchilligi belgilangan koʻrsatkichlardan oshmadi. xarajatlardagi naqd pul emissiyasi ulushi belgilangan 12 foiz oʻrniga 8 foizni tashkil etdi. Inflatsiya darajasi oʻtgan yilning tegishli davriga nisbatan 17 baravar pasaydi. Aholining real daromadlari oshdi.

Fond bozorini faollashtirishga tadbirkorlikni rivojlantirish, tadbirkorlikni qoʻllab-quvvatlashga va aksiyadorlik jamiyatlari aksiyalari paketlarining oʻz vaqtida sotilishi uchun rahbarlarning javobgarligini oshirishga yoʻnaltirilgan bir qator meʼyoriy hujjatlar qabul qilindi.

Shu bilan birga tashqi savdo oborotidagi ijobiy saldoga qaramasdan “Oʻzavtosanoat”, “Oʻzkimyosanoat”, “Oʻzbekyengilsanoat”, “Oʻzmashsanoat” uyushmalari, “Oʻzmevasabzavotuzumsanoatxolding”, “Oʻzqishloqxoʻjalikmashxolding” kompaniyalari, “Oʻzqurilishmateriallari” aksiyadorlik kompaniyasi, “Chkalov nomidagi Toshkent aviatsiya ishlab chiqarish birlashmasi” davlat aksiyadorlik birlashmasi, “Oʻzbekneftgaz” milliy korporatsiyasi rahbarlari eksport va valyuta tushumi prognoz hajmlarini bajarish yuzasidan zarur chora-tadbirlar koʻrmayaptilar.

“Oʻzeltexsanoat”, “Oʻzavtosanoat”, “Oʻzmashsanoat”, “Oʻzbektransqurilish” uyushmalari “Oʻzparrandasanoat” birlashmasi “Oʻzsuvqurilish” davlat konserni rahbarlari tomonidan korxonalar aksiyalarini sotish tarmoq dasturlarini bajarish boʻyicha aniq chora-tadbirlar koʻrilmayapti.

Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari Tovar ishlab chiqaruvchilar va tadbirkorlar palatasi Dehqon va fermer xoʻjaliklari uyushmasi tijorat banklari tomonidan kichik va oʻrta biznesni rivojlantirish xorijiy kredit liniyalarini oʻzlashtirish ishlari sust amalga oshirilmoqda.

“Oʻzbekyengilsanoat”, “Oʻzkimyosanoat” uyushmalari “Oʻzqishloqxoʻjalikmashxolding” kompaniyasi rahbarlari xorijiy investitsiyalarni jalb qilish dasturining bajarilishini taʼminlashmayapti.

Toʻlanmagan oʻzaro toʻlovlar darajasini qisqartirish ayniqsa Energetika vazirligi, Qishloq va suv xoʻjaligi vazirligi, Kommunal xizmat koʻrsatish vazirligi, “Oʻzkimyosanoat” uyushmasi, “Oʻzbekneftgaz” milliy korporatsiyasi korxonalarida sust bormoqda.

Bir qator mintaqalarda Qishloq xoʻjaligida iqtisodiy islohotlarni chuqurlashtirish dasturi zarur darajada amalga oshirilmayapti. Qoraqalpogʻiston Respublikasida Jizzax va Sirdaryo viloyatlarida paxta yigʻim-terimi Qoraqalpogʻiston Respublikasida Qashqadaryo va Jizzax viloyatlarida kuzgi boshoqli don ekinlari ekish surʼatlari pastligicha qolmoqda.

Iqtisodiy islohotlarni chuqurlashtirish chora-tadbirlarini soʻzsiz bajarish saʼy-harakatlarni iqtisodiy oʻsish va ijtimoiy rivojlantirishning joriy yil oxirigacha belgilangan koʻrsatkichlariga erishishga qaratish maqsadida Vazirlar Mahkamasi qaror qiladi:

1. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, konsernlar, korporatsiyalar, uyushmalar va kompaniyalar quyidagilarni amalga oshirishga qaratilgan qoʻshimcha chora-tadbirlarni ishlab chiqsinlar va amalga oshirsinlar:

toʻlov muddati oʻtgan debitorlik va kreditorlik qarzlarni tasdiqlangan jadvallarga muvofiq bartaraf etish toʻlov muddati oʻtgan debitorlik qarzlarning qaytadan koʻpayishiga yoʻl qoʻymaslik;

korxonalarni sanatsiya qilish qayta ixtisoslashtirish umidsiz zarar koʻrib ishlayotgan va istiqbolsiz korxonalarni tugatish boʻyicha joriy yilga belgilangan dasturni nihoyasiga yetkazish;

tuzilgan shartnomalar boʻyicha shu jumladan eksport qilish uchun raqobatbardoshli mahsulot ishlab chiqarishni koʻpaytirish eksport topshiriqlarini va valyuta tushumini majburiy sotishni soʻzsiz bajarish;

1999-yil uchun buyurtmalar portfelini shakllantirishni shu jumladan eksportga mahsulot yetkazib berish boʻyicha tugallash;

obyektlarning kuz-qish davrida bir maromda ishlashini taʼminlovchi barcha tayyorgarlik tadbirlarini nihoyasiga yetkazish.

2. Vazirliklar, idoralar, konsernlar, korporatsiyalar, uyushmalar va kompaniyalar rahbarlari Oʻzbekiston Respublikasi Davlat mulki qoʻmitasi bilan birgalikda:

xorijiy investorlar ulushi va erkin sotish boʻyicha joylashtirilmagan aksiyalarni tarmoq dasturlarida nazarda tutilgan hajmlarda shu yil oxirigacha sotish yuzasidan aniq chora-tadbirlar koʻrsinlar;

davlat mulkini xususiylashtirish dasturi va 1998-yilda pul tushumlari bajarilishini taʼminlasinlar;

Oʻzbekiston Respublikasi Vazirlar Mahkamasining “Aksiyadorlik jamiyatlarini boshqarish tizimini takomillashtirishga doir chora-tadbirlar toʻgʻrisida” 1998-yil 22-avgustdagi 361-son qarorini bajarish boʻyicha aksiyadorlik jamiyatlari aksiyadorlari umumiy yigʻilishlarining tasdiqlangan jadvallarga muvofiq oʻtkazilishini tugallasinlar.

3. Oʻzbekiston Respublikasi Davlat mulki qoʻmitasi (V. A Chjen):

Oʻzbekiston Respublikasi Moliya vazirligi boshqa vazirliklar, idoralar, konsernlar, korporatsiyalar va uyushmalar bilan birgalikda 1998-yilda xususiylashtirilgan korxonalar aksiyalarining sotilishi yakunlariga koʻra erkin resurslar qoldiqlarini tahlil qilsin va ushbu aksiyalarni sotishdan 1999-2000-yillarda davlat budjetiga tushadigan pul mablagʻlari miqdorini aniqlagan holda ularni sotish muddatlari boʻyicha 1999-yil 10-yanvargacha Vazirlar Mahkamasiga taklif kiritsin;

vazirliklar, idoralar, konsernlar, korporatsiyalar va uyushmalar bilan birgalikda aksiyadorlik jamiyatlaridagi davlatning ishonchli vakillarini oʻqitish dasturini ikki hafta muddatda ishlab chiqsin, ularni oʻqitish jadvalini tasdiqlasin va oʻqitishni tashkil etsin;

Tovar ishlab chiqaruvchilar va tadbirkorlar palatasi Dehqon va fermer xoʻjaliklari uyushmasi, Biznes-fond, tijorat bilan birgalikda tijorat banklarida 1999-yilgi kredit dasturi doirasida kichik va oʻrta biznesni rivojlantirish uchun har bir kredit liniyasi boʻyicha kreditlar berish shartlarini keng tadbirkorlar doirasiga yetkazgan holda shu yil oxirigacha kredit liniyalari ochilishini taʼminlasin.

4. Vazirliklar, idoralar, konsernlar, korporatsiyalar, uyushmalar va kompaniyalar:

mulkida davlat ulushi boʻlgan istiqbolsiz va 1999-yilda bankrot qilinadigan xoʻjalik yurituvchi subyektlar roʻyxatini;

mulkida davlat ulushi boʻlgan va sanatsiya qilinadigan yoki qayta ixtisoslashtiriladigan korxonalar roʻyxatini, shuningdek ularni moliyaviy sogʻlomlashtirish dasturini shu yilning 1-dekabrigacha tayyorlasinlar va Vazirlar Mahkamasi komplekslarining rahbarlari bilan kelishgan holda Oʻzbekiston Respublikasi Davlat mulki qoʻmitasi huzuridagi Iqtisodiy nochor korxonalar ishlari qoʻmitasiga kiritsinlar, keyinchalik Korxonalar bankrotligi va sanatsiyasi masalalari boʻyicha Hukumat komissiyasiga taqdim etsinlar.

Korxonalar bankrotligi va sanatsiyasi masalalari boʻyicha hukumat komissiyasi 1999-yilda mulkida davlat ulushi boʻlgan korxonalarni tugatish, sanatsiya qilish va qayta ixtisoslashtirish dasturini 1999-yil 1-yanvargacha koʻrib chiqsin va tasdiqlasin.

5. Vazirliklar, idoralar, konsernlar, korporatsiyalar, uyushmalar va kompaniyalar rahbarlari ilgari yoʻl qoʻyilgan qoloqlikning oʻrnini toʻldirishni taʼminlashni nazarda tutgan holda shu yil IV chorakda eksportga mahsulot joʻnatishning aniqlashtirilgan jadvallarini bir hafta muddatda tasdiqlasinlar.

Joriy yilda mahsulot eksport qilish boʻyicha qoloqlikning oʻrnini toʻldirish va mahsulotni yuklab joʻnatishning belgilangan jadvallari bajarilishi uchun shaxsiy javobgarlik vazirliklar, idoralar, konsernlar, korporatsiyalar, uyushmalar va kompaniyalar rahbarlari zimmasiga yuklansin.

Oʻzbekiston Respublikasi Makroiqtisodiyot va statistika vazirligi mahsulotni yuklab joʻnatishning koʻrsatib oʻtilgan jadvallari bajarilishi monitoringini taʼminlasin.

6. Mahsulot yetkazib berish yuzasidan shartnomalar tuzilishini va ularning bajarilishini hamda moddiy-texnika resurslari bilan taʼminlashni nazorat qilish boʻyicha ishchi guruh vazirliklar, idoralar, korporatsiyalar va uyushmalar bilan birgalikda 1999-yilda mahsulotlar, hom ashyo va materiallarning asosiy turlarini ishlab chiqarish va taqsimlashning prognoz balanslaridan kelib chiqib, tovar ishlab chiqaruvchilar tomonidan kelgusi yil uchun buyurtmalar portfeli oʻz vaqtida shakllantirilishi yuzasidan kompleks chora-tadbirlarni taʼminlasin.

1999-yil uchun buyurtmalar portfelini shakllantirish ishlarining borishi 1998-yil noyabr oyida Vazirlar Mahkamasi majlisida koʻrib chiqilsin.

7. Oʻzbekiston Respublikasi Makroiqtisodiyot va statistika vazirligi, Moliya vazirligi 1998-yilgi Investitsiya dasturi bajarilishining kutilayotgan yakunlarini mablagʻ bilan taʼminlashning real manbalari mavjudligini va respublika iqtisodiyotini tarkibiy qayta qurishning asosiy yoʻnalishlarini hisobga olgan holda 1999-yilgi Investitsiya dasturini ishlab chiqsin va shu yil 20-noyabrda Vazirlar Mahkamasiga taqdim etsinlar.

8. Oʻzbekiston Respublikasi Moliya vazirligi, Davlat soliq qoʻmitasi, Davlat bojxona qoʻmitasi, mahalliy moliya organlari, budjet muassasalari va boshqa tashkilotlarning ular tomonidan budjetdan ajratiladigan mablagʻlar hisobiga isteʼmol qilinadigan elektr-energiyasi, kommunal xizmatlar, neft mahsulotlari, aloqa xizmatlari va boshqa xarajatlar uchun xoʻjalik yurituvchi subyektlarning budjetga soliqlar va toʻlovlar boʻyicha qarzdorligini kamaytirish hisobiga oʻzaro qarzlarni uzish bayonnomalarini rasmiylashtirish yoʻli bilan hisob-kitob qilish amaliyotini davom ettirsinlar.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari zimmasiga yuklansin.