LexUZ sharhi
Mazkur Farmon O‘zbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari to‘g‘risida”gi Farmoniga asosan o‘z kuchini yo‘qotgan.
Import operatsiyalarini bojxona-tarif yo‘li bilan tartibga solish chora-tadbirlari tizimini yanada erkinlashtirish va takomillashtirish maqsadida:
1. “Iste’mol tovarlarining ayrim turlarini olib kelish va olib chiqib ketishni tartibga solishga doir qo‘shimcha chora-tadbirlar to‘g‘risida” O‘zbekiston Respublikasi Prezidentining 1998-yil 25-dekabrdagi PF-2160-son Farmonining 1-bandi va ilovasi 2002-yilning 1-iyulidan boshlab o‘z kuchini yo‘qotgan deb hisoblansin.
2. O‘zbekiston Respublikasi Vazirlar Mahkamasi bir hafta muddatda import boj poshlinalarining amaldagi stavkalarini tanqidiy tahlil etib, ularni bir xil qilish va import operatsiyalarini bojxona-tarif yo‘li bilan tartibga solishni yanada takomillashtirish yuzasidan Hukumat qarorini qabul qilsin.
3. Ushbu Farmonning ijrosini nazorat qilish O‘zbekiston Respublikasi Bosh vaziri O‘.T. Sultonov zimmasiga yuklansin.