Keyingi tahrirga qarang.
LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 29-dekabrdagi 786-sonli “Tashqi beg‘araz ko‘mak mablag‘larini jalb etish mexanizmlarini va donorlar bilan ishlash tizimini takomillashtirishga oid qo‘shimcha chora-tadbirlar to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Navoiy viloyatida erkin industrial-iqtisodiy zona tashkil etish to‘g‘risida” 2008-yil 2-dekabrdagi PF-4059-son Farmonini bajarish yuzasidan Vazirlar Mahkamasi qaror qiladi:
Keyingi tahrirga qarang.
1. Navoiy viloyati hokimligi, O‘zbekiston Respublikasi “Yergeodezkadastr” davlat qo‘mitasi, Iqtisodiyot vazirligi hamda Tashqi iqtisodiy aloqalar, investitsiyalar va savdo vazirligining “Navoiy” erkin industrial-iqtisodiy zonasini (keyingi o‘rinlarda “Navoiy” EIIZ deb ataladi) Navoiy viloyati Karmana tumani “Do‘stlik” agrofirmasining 205 — 216; 381a — 388; 404 — 470 konturlardagi 500 gektar yer maydonlariga joylashtirish to‘g‘risidagi taklifi ma’qullansin.
Keyingi tahrirga qarang.
“Navoiy” erkin industrial-iqtisodiy zonasi Ma’muriy kengashi tarkibi 2-ilovaga muvofiq tasdiqlansin.
Keyingi tahrirga qarang.
Keyingi tahrirga qarang.
O‘zbekiston Respublikasi Tashqi iqtisodiy aloqalar, investitsiyalar va savdo vazirligi tuzilmasida erkin iqtisodiy zonalar faoliyatini muvofiqlashtirish bo‘limi tashkil etilsin, qo‘shimcha 3 nafar shtat birligi ajratilsin, unga Ma’muriy kengash ishchi organi funksiyalari yuklansin;
“Navoiy” erkin industrial-iqtisodiy zonasining boshqaruv xodimlarining dastlabki soni 5 nafar bo‘lgan direksiyasi tashkil etilsin.
Keyingi tahrirga qarang.
Keyingi tahrirga qarang.
4. O‘zbekiston Respublikasi Tashqi iqtisodiy aloqalar, investitsiyalar va savdo vazirligi, Iqtisodiyot vazirligi hamda Moliya vazirligi “Navoiy” erkin industrial-iqtisodiy zonasi to‘g‘risidagi nizomning amal qilishi samaradorligi yuzasidan monitoring olib borsinlar hamda zarur bo‘lganda “Navoiy” EIIZ hududida xo‘jalik faoliyati yuritish amaliyotini hisobga olgan holda o‘zgartirish va qo‘shimchalar to‘g‘risida tezkorlik bilan takliflar kiritsinlar.
Keyingi tahrirga qarang.
“Navoiy” EIIZning Ma’muriy kengash tomonidan tasdiqlanadigan mustaqil budjetining bir qismi, xarajatlar smetasi doirasida belgilangan tartibda ajratiladigan budjet mablag‘lari, shuningdek qonun hujjatlarida taqiqlanmagan boshqa manbalar hisobiga moliyalashtiriladi;
“Navoiy” EIIZ xo‘jalik faoliyati qatnashchilarini ro‘yxatdan o‘tkazadi va “Navoiy” EIIZning qatnashchilari bo‘lmagan boshqa xo‘jalik yurituvchi subyektlar hisobini yuritadi;
investorlar bilan “Navoiy” EIIZ hududiga investitsiya kiritish, “Navoiy” EIIZ hududida faoliyatni amalga oshiruvchi xo‘jalik yurituvchi subyektlar bilan yer uchastkalari ijarasi yuzasidan shartnomalar tuzadi;
belgilangan tartibda tanlab olingan investorlar tomonidan o‘z zimmasiga qabul qilgan majburiyatlarning zarur darajada bajarilishini nazorat qiladi, natijalarini keyinchalik Ma’muriy kengashga taqdim etadi;
O‘zbekiston Respublikasi Vazirlar Mahkamasi “Navoiy” EIIZ direksiyasi” davlat unitar korxonasining (keyingi o‘rinlarda “Navoiy” EIIZ direksiyasi deb ataladi) muassisi etib belgilansin.
Keyingi tahrirga qarang.
bir hafta muddatda — “Navoiy” EIIZ direksiyasi to‘g‘risidagi nizom loyihasini, uning shtatlar jadvalini hamda “Navoiy” EIIZ direksiyasini yuqori malakali rahbar kadrlar va mutaxassislar bilan ta’minlash yuzasidan takliflar kiritsin;
ikki hafta muddatda — Navoiy viloyati hokimligi bilan birgalikda “Navoiy” EIIZ direksiyasining belgilangan tartibda davlat ro‘yxatidan o‘tkazilishini hamda xorijiy va milliy valyutada bank hisob raqamlari ochilishini ta’minlasin.
7. O‘zbekiston Respublikasi Moliya vazirligi “Navoiy” EIIZ direksiyasining ustav fondini respublika budjetidan moliyalashtiriladigan 2008-yilgi Investitsiya dasturi bo‘yicha tejalgan 4,89 mlrd so‘m miqdorida shakllantirsin, ularni maqsadli ravishda:
“Navoiy” EIIZ direksiyasi hududi atrofini perimetr bo‘yicha xalqaro normalarga muvofiq to‘siq bilan o‘rashga;
tashqi muhandislik kommunikatsiyalari, shu jumladan suv ta’minoti, gaz ta’minoti, elektr ta’minoti va kanalizatsiya kommunikatsiyalari keltirishga;
Ma’muriy kengash tomonidan tasdiqlanadigan xarajatlar smetasi doirasida “Navoiy” EIIZ direksiyasi ta’minotiga yo‘naltirsin.
xizmatlar ko‘rsatish hamda yer uchastkalari, binolar va inshootlarni ijaraga berishdan olingan daromadlarning bir qismi Ma’muriy kengash tomonidan belgilangan tartibda sarflangan budjet mablag‘larini qoplashga yo‘naltiriladi;
Keyingi tahrirga qarang.
E-40 trassasidan “Navoiy” EIIZ hududigacha (2,2 km) to‘rt polosali avtomobil yo‘li qurilishi O‘zbekiston Respublikasi Moliya vazirligi huzuridagi Respublika yo‘l jamg‘armasi mablag‘lari hisobiga “O‘zavtoyo‘l” davlat-aksiyadorlik kompaniyasi tomonidan amalga oshiriladi;
Keyingi tahrirga qarang.
“Navoiy” EIIZ tashqi energiya ta’minoti obyektlari qurilishi “O‘zbekenergo” davlat-aksiyadorlik kompaniyasi mablag‘lari hisobiga amalga oshiriladi.
Keyingi tahrirga qarang.
Navoiy viloyati hokimligi huzuridagi “Yagona buyurtmachi xizmati” injiniring kompaniyasi — to‘siqlar va “Navoiy” EIIZ hududigacha muhandislik kommunikatsiyalari qurilishi bo‘yicha buyurtmachi etib;
“Navoiy kon-metallurgiya kombinati” davlat korxonasining Zarafshon qurilish boshqarmasi — “Navoiy” EIIZ hududi atrofiga to‘siqlar qurilishi bo‘yicha bosh pudrat tashkiloti etib;
“O‘zshaharsozlikLITI” OAJ — “Navoiy” EIIZ, to‘siqlar, tashqi muhandislik kommunikatsiyalari bosh rejasini hamda zarur loyiha-smeta hujjatlarini ishlab chiqish bo‘yicha bosh loyihalashtiruvchi etib belgilansin.
10. Navoiy viloyati hokimligi huzuridagi “Yagona buyurtmachi xizmati” injiniring kompaniyasiga, “O‘zshaharsozlikLITI” OAJga va Zarafshon qurilish boshqarmasiga loyiha-smeta hujjatlarini ishlab chiqishni va qurilish-montaj ishlarini bir paytda amalga oshirishga:
O‘zbekiston Respublikasi Davlat arxitektura va qurilish qo‘mitasi loyiha-smeta hujjatlarining belgilangan tartibda davlat ekspertizasidan o‘tkazilishini ta’minlasin va ishlab chiqilishi ustidan arxitektura-ekspert kuzatuvini hamda qurilish-montaj ishlari sifati ustidan davlat nazoratini o‘rnatsin.
11. Navoiy viloyati hokimligi “Navoiy” EIIZ hududida ma’muriy bino foydalanishga topshirilgungacha bo‘lgan davr uchun “Navoiy” EIIZ direksiyasini Navoiy shahrida xizmat binolari bilan ta’minlasin.
12. O‘zbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Moliya vazirligi, Adliya vazirligi boshqa manfaatdor vazirliklar va idoralar bilan birgalikda qonun hujjatlariga ushbu qarordan kelib chiquvchi o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga bir oy muddatda takliflar kiritsinlar.
13. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov va O‘zbekiston Respublikasi Bosh vazirining o‘rinbosari N.M. Xanov zimmasiga yuklansin.
1. Ushbu Nizom “Navoiy” erkin industrial-iqtisodiy zona faoliyat ko‘rsatishining huquqiy asoslarini belgilaydi.
“Navoiy” erkin industrial-iqtisodiy zonasi (keyingi o‘rinlarda — “Navoiy” EIIZ deb ataladi) — O‘zbekiston Respublikasi Navoiy viloyati hududining Karmana tumanidagi 205 — 216; 381a — 388; 404 — 470 konturlarga ega bo‘lgan 500 gektarli yer uchastkasida joylashgan bir qismidir. Bu yerda maxsus huquqiy rejim, shu jumladan soliq, valyuta va bojxona rejimlari, O‘zbekiston Respublikasi norezidentlari bo‘lgan fuqarolarning kirishi, bo‘lishi va chiqib ketishining, shuningdek mehnat faoliyatini amalga oshirishga ruxsatnoma olishining soddalashtirilgan tartibi amal qiladi;
“Navoiy” EIIZning Ma’muriy kengashi (keyingi o‘rinlarda — Ma’muriy kengash deb ataladi) — Vazirlar Mahkamasi tomonidan “Navoiy” EIIZ faoliyatini muvofiqlashtirish va davlat tomonidan boshqarish funksiyasini amalga oshiradigan, davlat organlari vakillaridan tuziladigan kollegial organ;
“Navoiy” EIIZ direksiyasi (keyingi o‘rinlarda — Direksiya deb ataladi) — “Navoiy” EIIZ faoliyatini tezkor boshqarish uchun tashkil etiladigan Davlat unitar korxonasi shaklidagi yuridik shaxs;
investor — Ma’muriy kengash tomonidan belgilangan tartibda o‘tkazilgan tanlovdan o‘tgan hamda “Navoiy” EIIZ hududida investitsiyalashni amalga oshiradigan investitsiya faoliyati subyekti;
“Navoiy” EIIZ hududida investitsiyalash to‘g‘risidagi bitim (keyingi o‘rinlarda investitsiyalash to‘g‘risidagi bitim deb ataladi) — Direksiya bilan investor o‘rtasida tuziladigan, ularning huquqlari, majburiyati va javobgarligini belgilaydigan bitim;
“Navoiy” EIIZ hududida xo‘jalik faoliyati qatnashchisi (keyingi o‘rinlarda “Navoiy” EIIZ qatnashchisi deb ataladi) — belgilangan tartibda “Navoiy” EIIZ hududida ro‘yxatdan o‘tkazilgan va Direksiya tomonidan “Navoiy” EIIZ hududida xo‘jalik faoliyati qatnashchilari reyestriga kiritilgan xo‘jalik yurituvchi subyekt;
ijara shartnomasi — Direksiya bilan “Navoiy” EIIZ hududida faoliyatni amalga oshiradigan xo‘jalik yurituvchi subyektlar o‘rtasida tuziladigan “Navoiy” EIIZ hududida yer uchastkasi, binolar va inshootlar ijarasi to‘g‘risidagi shartnoma;
“Navoiy” EIIZ hududidagi faoliyat — “Navoiy” EIIZ qatnashchisining “Navoiy” EIIZ hududi doirasida investitsiyalash to‘g‘risidagi bitimda nazarda tutilgan tovarlar va mahsulotlarni ishlab chiqarish va qayta ishlash, shuningdek ularni sotish bo‘yicha xo‘jalik faoliyati.
3. Zamonaviy xorijiy yuqori unumli asbob-uskunalar va texnikani, texnologiya liniyalari va modullarni, innovatsion texnologiyalarni joriy etish hisobiga yuqori texnologiyali, jahon bozorlarida raqobatbardoshli mahsulotlarning keng doirasini ishlab chiqarish “Navoiy” EIIZ qatnashchilari faoliyatining asosiy yo‘nalishi hisoblanadi.
4. “Navoiy” EIIZ hududida davlat organlarining faoliyati va O‘zbekiston Respublikasi qonun hujjatlarining qo‘llanilishi “Erkin iqtisodiy zonalar to‘g‘risida”gi O‘zbekiston Respublikasi Qonunida, O‘zbekiston Respublikasi Prezidentining “Navoiy” erkin industrial-iqtisodiy zona tashkil etish to‘g‘risida” 2008-yil 2-dekabrdagi PF-4059-son Farmonida va uni ijro etish maqsadida qabul qilingan normativ-huquqiy hujjatlarda, ushbu Nizomda, investitsiyalash to‘g‘risidagi xalqaro shartnomalar va bitimlarda nazarda tutilgan xususiyatlar hisobga olingan holda amalga oshiriladi.
5. “Navoiy” EIIZ hududida arxitektura va shaharsozlik faoliyati qurishning dastlabki rejasiga yoki “Navoiy” EIIZ Bosh rejasiga muvofiq amalga oshiriladi. Loyiha-smeta hujjatlari O‘zbekiston Respublikasi Davlat arxitektura va qurilish qo‘mitasi bilan kelishiladi.
6. “Navoiy” EIIZning faoliyat ko‘rsatish muddati 30 (o‘ttiz) yilni tashkil etadi. Ushbu muddat O‘zbekiston Respublikasi Prezidentining Farmoni bilan uzaytirilishi mumkin.
7. “Navoiy” EIIZ tashkil etilgan hudud “Navoiy” EIIZ mavjud bo‘lishining butun davrida foydalanish va boshqarish uchun Ma’muriy kengashga beriladi.
8. “Navoiy” EIIZ faoliyatini muvofiqlashtirish va davlat tomonidan tartibga solish funksiyasi Ma’muriy kengash tomonidan amalga oshiriladi. Ma’muriy kengash to‘g‘risidagi nizom O‘zbekiston Respublikasi Vazirlar Mahkamasi tomonidan tasdiqlanadi.
“Navoiy” EIIZda joylashtirish uchun investorlarni tanlaydi, investitsiyalash to‘g‘risidagi bitimlarning asosiy shartlarini belgilaydi;
“Navoiy” EIIZ faoliyat ko‘rsatishi bilan bog‘liq masalalar bo‘yicha davlat boshqaruvi organlari va mahalliy davlat hokimiyati organlari faoliyatini muvofiqlashtiradi;
yer uchastkalarini, shuningdek davlat mulki bo‘lgan binolar va inshootlar ijarasi qiymatini belgilaydi;
markazlashtirilgan manbalar hisobiga moliyalashtiriladigan “Navoiy” EIIZ ishlab chiqarish infratuzilmasi qurilishi loyihalarini tasdiqlaydi;
“Navoiy” EIIZ direksiyasi direktorini tayinlaydi, “Navoiy” EIIZ direksiyasi faoliyatiga rahbarlikni amalga oshiradi va uni nazorat qiladi, shuningdek “Navoiy” EIIZning mustaqil budjeti va Rivojlantirish jamg‘armasi mablag‘laridan maqsadli foydalanilishini nazorat qilib boradi;
qabul qilingan majburiyatlar bajarilmagan taqdirda investitsiyalash to‘g‘risidagi bitimlarni muddatidan oldin bekor qilish to‘g‘risida qaror qabul qiladi.
10. “Navoiy” EIIZ faoliyatini tezkor boshqarish yuridik shaxs maqomi bilan Davlat unitar korxonasi shaklida tashkil etiladigan Direksiya tomonidan amalga oshiriladi. Direksiyaning ustavi O‘zbekiston Respublikasi Vazirlar Mahkamasi tomonidan tasdiqlanadi.
“Navoiy” EIIZ qatnashchilarini ro‘yxatdan o‘tkazadi va ularning reyestrini yuritadi, ularga tegishli guvohnomalar beradi;
“Navoiy” EIIZ qatnashchilari hisoblanmagan boshqa xo‘jalik yurituvchi subyektlar hisobini olib boradi;
“Navoiy” EIIZ hududida “Navoiy” EIIZ qatnashchilariga va boshqa xo‘jalik yurituvchi subyektlarga yer uchastkalarini subijaraga topshirish, ijara shartnomasi bo‘yicha o‘z huquq va majburiyatlarini boshqa shaxsga berish, ijara huquqini garovga qo‘yish, ularni ulush sifatida ustav kapitaliga qo‘shish huquqisiz ijaraga beradi. “Navoiy” EIIZ hududida yer uchastkalarini sotish va boshqacha tarzda o‘zgaga berish taqiqlanadi;
“Navoiy” EIIZ hududida joylashgan davlat mulki bo‘lgan ko‘chmas mulk obyektlarini o‘ziga berilgan vakolatlar doirasida boshqaradi;
investorlar tomonidan o‘z zimmasiga olingan majburiyatlar zarur tarzda bajarilishini nazorat qiladi;
Ma’muriy kengashning qarori asosida qabul qilingan majburiyatlar bajarilmagan taqdirda investitsiyalash to‘g‘risidagi bitimlarni bekor qilish to‘g‘risida da’vo arizalari bilan sudga murojaat qiladi;
12. “Navoiy” EIIZ direksiyasi, O‘zbekiston Respublikasi Moliya vazirligi bilan kelishgan holda, har yili tegishli moliyaviy yil uchun “Navoiy” EIIZning mustaqil budjeti loyihasini ishlab chiqadi va tasdiqlash uchun Ma’muriy kengashga taqdim etadi.
O‘zbekiston Respublikasi Moliya vazirligi bilan kelishgan holda Ma’muriy kengashning foydalanishida va boshqaruvida bo‘lgan yer uchastkalari, binolar va inshootlarni ijaraga berishdan olingan tushumlarning bir qismi;
13. Ma’muriy kengash “Navoiy” EIIZning mustaqil budjeti doirasida “Navoiy” EIIZni rivojlantirish jamg‘armasini tashkil etish huquqiga ega. Jamg‘arma mablag‘lari “Navoiy” EIIZ infratuzilmasini rivojlantirishga va uning faoliyat ko‘rsatishi samaradorligini oshirishga yo‘naltiriladi.
Jamg‘armani shakllantirish manbalari va undan foydalanish tartibi Ma’muriy kengash tomonidan tasdiqlanadigan “Navoiy” EIIZni rivojlantirish jamg‘armasi to‘g‘risidagi nizom bilan belgilanadi.
O‘zbekiston Respublikasi Prezidentining “Navoiy” erkin industrial-iqtisodiy zona tashkil etish to‘g‘risida” 2008-yil 2-dekabrdagi PF-4059-son Farmonini bajarishga yo‘naltirilgan boshqa vazifalar amalga oshirilishini moliyalashtirishda foydalaniladi.
16. Xo‘jalik yurituvchi subyektlarga yer uchastkalari berish dastlabki qurilish rejasiga yoki “Navoiy” EIIZning Bosh rejasiga muvofiq shartnoma asosida Direksiya tomonidan amalga oshiriladi.
Yer uchastkalari uchun ijara to‘lovi Ma’muriy kengash tomonidan belgilanadi va ijara shartnomasi shartlarida alohida qayd etiladi.
17. “Navoiy” EIIZ qatnashchisiga beriladigan guvohnoma uning “Navoiy” EIIZ hududidagi faoliyatiga nisbatan alohida huquqiy rejim qo‘llanilishiga, shu jumladan soliq, valyuta va bojxona rejimi qo‘llanilishiga huquqlarining tasdig‘i hisoblanadi.
18. “Navoiy” EIIZ qatnashchisiga u belgilangan tartibda ro‘yxatdan o‘tkazilgandan keyin “Navoiy” EIIZ hududidagi faoliyatga tegishli qismi yuzasidan investitsiyalash to‘g‘risidagi tegishli bitimda mustahkamlangan majburiyatlar yuklanadi.
“Navoiy” EIIZ qatnashchisi investitsiyalash to‘g‘risidagi bitim bo‘yicha o‘z huquq va majburiyatlarini boshqa shaxsga berishga haqli emas.
19. Qonun hujjatlarida belgilangan imtiyozlar va ustunliklar faqat Direksiya bilan tuziladigan investitsiyalash to‘g‘risidagi bitimda nazarda tutilgan “Navoiy” EIIZ qatnashchisi faoliyati turlariga joriy etiladi.
20. “Navoiy” EIIZ qatnashchilari hisoblanmagan xo‘jalik yurituvchi subyektlar “Navoiy” EIIZ hududida faoliyatni qonun hujjatlariga muvofiq amalga oshirish huquqiga ega.
21. “Navoiy” EIIZ qatnashchilarining O‘zbekiston Respublikasida “Navoiy” EIIZ hududidan tashqarida o‘z filiallarini tashkil etishiga yo‘l qo‘yilmaydi.
23. “Navoiy” EIIZ sohasidagi nizolar qonun hujjatlariga va investitsiyalash to‘g‘risidagi bitimlarga muvofiq hal etiladi.
24. Maxsus huquqiy rejimning, shu jumladan soliq, valyuta va bojxona rejimining amal qilishi faqat qatnashchilarning “Navoiy” EIIZ hududida amalga oshiriladigan faoliyatiga tatbiq etiladi.
25. Qonun hujjatlarida belgilangan imtiyozlar va ustunliklarning amal qilish muddati xo‘jalik yurituvchi subyekt “Navoiy” EIIZ qatnashchilari reyestriga kiritilgan sanadan boshlab hisoblanadi.
26. “Navoiy” EIIZ qatnashchilari “Navoiy” EIIZ hududiga olib kiriladigan, olib chiqiladigan, saqlanadigan, tayyorlanadigan, qayta ishlanadigan, sotib olinadigan va sotiladigan tovarlarning hisobini yuritishga hamda qonun hujjatlarida belgilangan tartibda bojxona organlariga ushbu tovarlar yuzasidan hisobot taqdim etishga majbur.
27. “Navoiy” EIIZ hududida buxgalteriya hisobi va hisobotini yuritish O‘zbekiston Respublikasi qonun hujjatlariga muvofiq yoki moliyaviy hisobotning xalqaro standartlariga muvofiq “Navoiy” EIIZ qatnashchisining tanlashi bo‘yicha amalga oshiriladi.
28. “Navoiy” EIIZ hududida mavjud bo‘lgan bojxona rejimi ostida joylashgan tovarlar bilan sodir etiladigan taqiqlangan operatsiyalar va ularga nisbatan maxsus bojxona rejimi tatbiq etilmaydigan tovarlar ro‘yxati qonun hujjatlarida belgilanadi.
29. “Navoiy” EIIZ hududida valyuta operatsiyalarini amalga oshirish tartibi qonun hujjatlarida belgilanadi.
30. “Navoiy” EIIZ hududida xorijiy fuqarolar va fuqaroligi bo‘lmagan shaxslarning kirishi, chiqishi, bo‘lishi va mehnatga yollanishi tartibi qonun hujjatlarida belgilanadi.
31. “Navoiy” EIIZ qatnashchilarining boshqa sohalardagi faoliyatini tartibga solish umumiy belgilangan tartibda amalga oshiriladi.
33. “Navoiy” EIIZ faoliyatining muddatidan oldin to‘xtatilishiga O‘zbekiston Respublikasining milliy xavfsizligi manfaatlarini himoya qilishni ta’minlash zarur bo‘lganda, shuningdek qonun hujjatlarida belgilangan boshqa hollarda yo‘l qo‘yiladi.
34. “Navoiy” EIIZ faoliyatini to‘xtatish to‘g‘risidagi qaror O‘zbekiston Respublikasi Prezidenti tomonidan qabul qilinadi.
Keyingi tahrirga qarang.
Azimov R.S. | — | O‘zbekiston Respublikasi Bosh vazirining birinchi o‘rinbosari, Kengash raisi |
G‘aniyev E.M. | — | Tashqi iqtisodiy aloqalar, investitsiyalar va savdo vaziri, Kengash raisining o‘rinbosari |
Xo‘jayev B.A. | — | Iqtisodiyot vaziri, Kengash raisining o‘rinbosari |
Turdimov E.O. | — | Navoiy viloyati hokimi |
Musayev D.O. | — | O‘zbekiston Respublikasi Davlat mulki qo‘mitasi raisi |
Nosirov S.X. | — | Davlat bojxona qo‘mitasi raisi |
Parpiyev B.R. | — | Davlat soliq qo‘mitasi raisi |
Alixonov B.B. | — | Davlat tabiatni muhofaza qilish qo‘mitasi raisi |
Arabov S.A. | — | “Yergeodezkadastr” davlat qo‘mitasi raisi |
Saidova G.K. | Iqtisodiyot vazirining birinchi o‘rinbosari | |
Azizov A.A. | — | Ichki ishlar vazirining birinchi o‘rinbosari |
Rofiyev Q.T. | — | Markaziy bank raisining birinchi o‘rinbosari |
Maxsumov N.E. | — | “Davarxitektqurilish” qo‘mitasi raisining birinchi o‘rinbosari |
Mirzayev M.M. | — | Moliya vazirining o‘rinbosari |
Fayzullayev Sh.N. | — | Iqtisodiyot vazirining o‘rinbosari |
G‘ulomov R.A. | — | Tiklanish va taraqqiyot jamg‘armasi ijrochi direktori |
Abduvaliyev A.A. | — | “O‘zstandart” agentligi direktori |
To‘laganov Sh.A. | — | Tashqi iqtisodiy aloqalar, investitsiyalar va savdo vazirining o‘rinbosari, Kengash kotibi |
Keyingi tahrirga qarang.