Milliy xavfsizlik xizmatining Davlat chegaralarini himoya qiluvchi qo‘mitasi harbiy xizmatchilari va ularning oila a’zolarining uy-joy-maishiy shart-sharoitlarini va ijtimoiy ta’minotini yaxshilash maqsadida Vazirlar Mahkamasi qaror qiladi:

1. Vazirlar Mahkamasining “Tovarlarning O‘zbekiston Respublikasi chegarasi orqali noqonuniy olib o‘tilishini bartaraf etishga doir faoliyatni rag‘batlantirish to‘g‘risida” 2004-yil 25-oktabrdagi 498-son qarori (O‘zbekiston Respublikasi QT, 2004-y., 10-son, 99-modda) 1-bandining ikkinchi xatboshidagi “rag‘batlantirishda” so‘zidan keyin “Milliy xavfsizlik xizmatining Davlat chegaralarini himoya qiluvchi qo‘mitasi harbiy xizmatchilarining ipoteka krediti bo‘yicha dastlabki badalni to‘lashida” so‘zlari qo‘shilsin.

2. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.