Iqtisodiyot real sektorining malakali mutaxassislarga bo‘lgan ehtiyojlarini qondirish hamda umumta’lim va umumkasbiy fanlar chuqur o‘rganilgan holda menejerlar tayyorlashni tashkil etish maqsadida Vazirlar Mahkamasi qaror qiladi:
1. Xalqaro Vestminster universiteti va O‘zbekiston Respublikasi Oliy va o‘rta maxsus ta’lim vazirligi O‘rta maxsus, kasb-hunar ta’limi markazining Toshkent shahridagi Xalqaro Vestminster universiteti huzurida ingliz tili chuqur o‘rganilgan holda aniq fanlar yo‘nalishi bo‘yicha 360 o‘quvchi o‘rinli akademik litsey tashkil etish to‘g‘risidagi taklifi qabul qilinsin.
akademik litsey faoliyatiga tashkiliy va o‘quv-metodik rahbarlik O‘rta maxsus, kasb-hunar ta’lim markazi tomonidan Toshkent shahridagi Xalqaro Vestminster universiteti bilan birgalikda amalga oshiriladi;
akademik litseyga o‘quvchilar belgilangan tartibda, Toshkent shahridagi Xalqaro Vestminster universitetining ta’lim yo‘nalishlari o‘ziga xosligiga muvofiq o‘quv yiliga 150 nafar qabul qilinadi;
akademik litseyda o‘qitish davlat ta’lim standartlariga, o‘rta maxsus, kasb-hunar ta’limining o‘quv rejalari va dasturlariga muvofiq amalga oshiriladi;
Toshkent shahridagi Xalqaro Vestminster universiteti akademik litseyda o‘qitishga universitetning yuqori malakali, tajribali mutaxassislari jalb etilishiga ko‘maklashadi.
O‘zbekiston Respublikasi Oliy va o‘rta maxsus ta’lim vazirligi Davlat mulki qo‘mitasi bilan birgalikda yuqorida ko‘rsatib o‘tilgan binoni o‘quv, sport va xo‘jalik maqsadidagi barcha tutash binolar va inshootlar bilan birgalikda Toshkent davlat texnika universiteti balansidan Toshkent shahridagi Xalqaro Vestminster universiteti balansiga belgilangan tartibda, bepul asosda bersin.
Toshkent shahridagi Xalqaro Vestminster universiteti O‘rta maxsus, kasb-hunar ta’lim markazi bilan kelishgan holda akademik litsey binolari va inshootlari rekonstruksiya qilinishini ta’minlasin, akademik litsey 2009/2010 o‘quv yili boshlanishigacha ishga tushirilsin.
Oldingi tahrirga qarang.
akademik litseyning binolari va inshootlarini rekonstruksiya qilish hamda uning bundan keyingi joriy ta’minoti Toshkent shahridagi Xalqaro Vestminster universitetining o‘z mablag‘lari, homiylarning mablag‘lari va qonunchilikda taqiqlanmagan boshqa manbalar hisobiga amalga oshiriladi;
(4-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
akademik litseyning pedagoglari va ma’muriy-boshqaruv xodimlari mehnatiga haq to‘lash, shuningdek uni zarur o‘quv-laboratoriya va sport anjomlari, kompyuter texnikasi va kutubxona fondi bilan jihozlash xarajatlari ta’limga ajratiladigan budjet mablag‘lari doirasida O‘zbekiston Respublikasi Davlat budjeti mablag‘lari hisobiga amalga oshiriladi.
5. Akademik litseyni o‘z vaqtida ishga tushirish maqsadida, istisno tariqasida, Toshkent shahridagi Xalqaro Vestminster universitetiga:
akademik litseyning binolari va inshootlarini rekonstruksiya qilish ishlarini loyihalashtirish bilan bir vaqtda amalga oshirishga;
loyihalashtirish va rekonstruksiya qilish ishlarini bajarishga bosh loyiha va qurilish tashkilotini ularning ish tajribasi mezonlaridan va zarur moddiy-texnika resurslari mavjudligidan kelib chiqqan holda, tanlov o‘tkazish yo‘li bilan belgilashga ruxsat berilsin.
6. O‘zbekiston Respublikasi Davlat arxitektura va qurilish qo‘mitasi akademik litseyni rekonstruksiya qilish bo‘yicha loyiha va qurilish ishlarini ekspert va texnik hujjatlar bilan ta’minlasin.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari N.M. Xanov va R.S. Qosimov zimmasiga yuklansin.