LexUZ sharhi
Ushbu Qonun O‘zbekiston Respublikasi Oliy Majlisining 1998-yil 30-apreldagi 610-I-sonli “Chet el investitsiyalari to‘g‘risida”gi O‘zbekiston Respublikasi Qonunini amalga kiritish haqida”gi qarorining 3-bandiga muvofiq o‘z kuchini yo‘qotgan.
Ushbu Qonun O‘zbekiston Respublikasi hududida chet el investitsiyalarini amalga oshirishning huquqiy, tashkiliy-iqtisodiy asoslarini hamda tartibini belgilab beradi. Qonun chet ellik investorlar samarali faoliyat yuritishining kafolatlarini ta’minlab beradi, O‘zbekiston Respublikasi iqtisodiyotini rivojlantirish, uning jahon iqtisodiy tizimiga qo‘shilishiga ko‘maklashish maqsadida chet elning moliyaviy, moddiy, intellektual va boshqa resurslarini, xorijning zamonaviy texnologiyasi va boshqaruv sohasidagi tajribasini jalb etishga va ulardan omilkorlik bilan foydalanishga qaratilgandir.
chet elda doimiy yashaydigan O‘zbekiston Respublikasi fuqarolari chet ellik investorlar bo‘lishlari mumkin.
Chet ellik investorlar foyda (daromad) olish maqsadida tadbirkorlik faoliyati va boshqa turdagi faoliyat obyektlariga qo‘shayotgan mulkiy boyliklarning va ularga nisbatan huquqlarning, shuningdek intellektual mulkka nisbatan huquqlarning barcha turlari chet el investitsiyalari hisoblanadi.
Boyliklarni birlamchi yoki takror qo‘shish shaklining biron-bir tarzda o‘zgartirilishi ularning investitsiya sifatidagi mohiyati o‘zgarishiga olib kelmaydi.
O‘zbekiston Respublikasining yuridik va jismoniy shaxslari bilan birgalikda barpo etilgan xo‘jalik jamiyatlari va shirkatlarida, banklar, sug‘urta tashkilotlari va boshqa korxonalarda ulush qo‘shib qatnashish;
butunlay investorlarga qarashli bo‘lgan xo‘jalik jamiyatlari va shirkatlari, banklar, sug‘urta tashkilotlari va boshqa korxonalarni barpo qilish;
Oldingi tahrirga qarang.
mustaqil ravishda yoki yuridik va jismoniy shaxslar ishtirokida mulkiy huquqlarni, shu jumladan savdo va xizmat ko‘rsatish sohasi obyektlari, shuningdek turar joy binolari bilan birga ular joylashgan yer uchastkalariga mulkdorlik erga (xususan ijara asosida) va tabiiy resurslarga egalik qilish va ulardan foydalanish huquqlarini egallash yo‘li bilan investitsiyalarni amalga oshirishlari mumkin.
(3-moddaning beshinchi xatboshisi O‘zbekiston Respublikasining 1995-yil 6-maydagi 70–I-son Qonuni tahririda — Oliy Majlis Axborotnomasi, 1995-y., 6-son, 118-modda)
Oldingi tahrirga qarang.
O‘zbekiston Respublikasi hududidagi chet el investitsiyalari ishtirokidagi korxonalar deganda aksiyalar (ulushlar, paylar) yoki ustav fondining kamida 30 foizini chet el investitsiyalari tashkil etadigan korxonalar tushuniladi. Ular O‘zbekiston Respublikasi qonun hujjatlariga zid kelmaydigan har qanday tashkiliy-huquqiy shakllarda amal qiladi.
(4-moddaning birinchi qismi O‘zbekiston Respublikasining 1997-yil 30-avgustdagi 485–I-son Qonuni tahririda — Oliy Majlis Axborotnomasi, 1997-y., 9-son, 241-modda)
Chet el investitsiyalari ishtirokidagi korxona uni ta’sis etish orqali, yoki chet el investori tomonidan ilgari chet el investitsiyalari ishtirokisiz ta’sis etilgan korxonada ishtirok etish ulushini (payini, aksiyalarini) yoki shunday korxonani butunlay, shu jumladan xususiylashtirish jarayonida sotib olish orqali tuzilishi mumkin.
Oldingi tahrirga qarang.
Chet el investitsiya ishtirokidagi korxonalarning ishtirochilari bilan albatta chet el yuridik shaxsi bo‘ladi.
(4-modda O‘zbekiston Respublikasining 1997-yil 30-avgustdagi 485–I-son Qonuniga asosan uchinchi qism bilan to‘ldirilgan — Oliy Majlis Axborotnomasi, 1997-y., 9-son, 241-modda)
Oldingi tahrirga qarang.
Chet el investitsiyalari ishtirokidagi korxona O‘zbekiston Respublikasi Adliya vazirligida ro‘yxatdan o‘tmog‘i lozim va ro‘yxatga olingan paytdan boshlab yuridik shaxs xuquqiga ega bo‘ladi.
(4-moddaning uchinchi qismi O‘zbekiston Respublikasining 1995-yil 6-maydagi 70–I-son Qonuni tahririda — Oliy Majlis Axborotnomasi, 1995-y., 6-son, 118-modda)
Chet el investitsiyalari ishtirokidagi korxona ushbu Qonun talablariga rioya etgan holda O‘zbekiston Respublikasi hududida yuridik shaxs huquqiga ega bo‘lgan shu’ba korxonalar, filiallar, shuningdek yuridik shaxs bo‘lmagan vakolatxonalar va boshqa alohida bo‘limlar ochishi mumkin.
O‘zbekiston Respublikasidan tashqarida chet el investitsiyalari ishtirokidagi korxonalarning filiallari, vakolatxonalari va boshqa alohida bo‘linmalari ochilishi mumkin.
Chet el investitsiyalari ishtirokidagi korxonalar O‘zbekiston Respublikasi qonun hujjatlariga muvofiq ixtiyoriy asoslarda O‘zbekiston Respublikasi hududida xo‘jalik uyushmalari, konsernlari, konsorsiumlari va boshqa birlashmalar tuzishlari mumkin.
O‘zbekiston Respublikasida chet el investitsiyalari davlat huquqiy himoyasi bilan ta’minlanadilar. Chet el investitsiyalarining huquqiy sharoiti O‘zbekiston Respublikasining shunga o‘xshash yuridik va jismoniy shaxslari uchun belgilangan tegishli sharoitga qaraganda noqulayroq bo‘lishi mumkin emas.
Investitsiyalarini ustuvor iqtisodiyot tarmoqlari va mintaqalarga yo‘llaydigan chet el investorlari uchun O‘zbekiston Respublikasining qonun hujjatlari bilan qo‘shimcha imtiyozlar belgilanishi mumkin.
Chet ellik investorlar va chet el investitsiyalari ishtirokidagi korxonalar O‘zbekiston Respublikasi qonunlari bilan taqiqlanmagan va bunday korxonalarning ustavlarida nazarda tutilgan maqsadlarga javob beradigan faoliyatning har qanday turlarini amalga oshirishlari mumkin.
O‘zbekiston Respublikasi qonunlariga muvofiq litsenziya olish kerak bo‘lgan faoliyat turlari bilan shug‘ullanish uchun chet ellik investor O‘zbekiston Respublikasi Vazirlar Mahkamasi belgilab beradigan tartibda litsenziya olishi shart.
Chet ellik investor amalga oshiriladigan investitsiyalarning hajmi, turi va yo‘nalishini mustaqil belgilaydi hamda investitsiyalarni amalga oshirish uchun yuridik va jismoniy shaxslarni o‘z xohishiga ko‘ra jalb etadi.
Chet ellik investor O‘zbekiston Respublikasi hududida hamda uning tashqarisida investitsiya obyektlari va natijalariga, shu jumladan takroriy investitsiyalar hamda savdo operatsiyalari obyektlari va natijalariga xalqaro huquq normalari va O‘zbekiston Respublikasi qonun hujjatlariga muvofiq egalik qilish, ulardan foydalanish va ularni tasarruf etishga haqlidir.
Chet ellik investorning qaroriga binoan investitsiyalarga, ularning natijalariga egalik qilish, ulardan foydalanish, ularni tasarruf etish huquqlari O‘zbekiston Respublikasi qonunlarida belgilangan tartibda boshqa yuridik va jismoniy shaxslarga berilishi mumkin. Huquqlar o‘zgaga o‘tkazilgan taqdirda tomonlarning o‘zaro munosabatlari shartnomalar asosida tartibga solinadi.
Oldingi tahrirga qarang.
Chet ellik investorlar va chet el investitsiyasi ishtirokidagi korxonalar qonun hujjatlarida nazarda tutilgan hollarda va shartlarda yer uchastkalarini sotib olishlari mumkin.
(9-moddaning to‘rtinchi qismi O‘zbekiston Respublikasining 1995-yil 6-maydagi 70–I-son Qonuni tahririda — Oliy Majlis Axborotnomasi, 1995-y., 6-son, 118-modda)
O‘zbekiston Respublikasi qonun hujjatlariga muvofiq soliqlar to‘lashlari va o‘zga to‘lovlarni bajarishlari;
investitsiya loyihalarida sanitariya-gigiyena, ekologiya talablari va O‘zbekiston Respublikasi qonun hujjatlaridan kelib chiqadigan o‘zga talablarga rioya etilganligi xususida ekspertiza xulosasini olishlari shart.
O‘zbekiston Respublikasi o‘z hududida investitsiya faoliyatini amalga oshirayotgan chet ellik investorlarning huquqlari umum e’tirof etgan xalqaro huquq normalariga muvofiq himoya qilinishiga kafolat beradi.
O‘zbekiston Respublikasining keyinchalik qabul qilingan qonun hujjatlari investitsiyalash shartlarini yomonlashtiradigan bo‘lsa chet el investitsiyalariga nisbatan investitsiyalash paytida amalda bo‘lgan qonun hujjatlari uzog‘i bilan o‘n yil davomida qo‘llaniladi. Bu talab mudofaani, milliy xavfsizlikni va jamoat tartibini ta’min etish, atrof-muhitni muhofaza qilishga doir qonun hujjatlari o‘zgarishiga nisbatan tatbiq etilmaydi.
O‘zbekiston Respublikasining davlat organlari chet ellik investorlarning huquqlarini kamsituvchi normativ hujjatlar qabul qilgan taqdirda yetkazilgan zarar ana shu idoralardan sud yo‘li bilan undiriladi.
Davlat organlari va ularning mansabdor shaxslari chet ellik investorlarning O‘zbekiston Respublikasi qonun hujjatlariga muvofiq amalga oshirayotgan xo‘jalik faoliyatiga aralashishga haqli emaslar.
Chet el investitsiyalari rekvizitsiya qilinishi mumkin emas, tabiiy ofatlar, avariyalar, epidemiyalar, epizootiyalar bundan mustasno. Rekvizitsiya qilish haqidagi qaror O‘zbekiston Respublikasi Vazirlar Mahkamasi tomonidan qabul qilinadi. Bunday hollarda chet ellik investorga to‘lanadigan tovon ko‘rilgan zararga mutanosib bo‘lishi kerak.
Chet ellik investorlarning qonuniy faoliyatlari natijasida olgan foyda va boshqa mablag‘larini chet el valyutasida chet elga hech qanday cheklashsiz o‘tkazishlari kafolatlanadi.
Chet ellik investorlarning O‘zbekiston Respublikasida olgan foydasi respublika hududida takror investitsiya qilinishi yoki mulk egasining ixtiyoriga ko‘ra o‘zgacha tarzda ishlatilishi mumkin. Chet ellik investorlar respublika banklarida hech qanday cheklashsiz har qanday valyutada hisob raqamlariga ega bo‘lishlari mumkin.
Chet ellik investorlar o‘z hisob raqamlaridagi milliy pul birligidagi mablag‘dan ichki valyuta bozorida chet el valyutasi xarid qilib olishda foydalanishlari mumkin.
Chet ellik investorlarning investitsiyalarini va tavakkal harakatlarini sug‘urtalash ixtiyoriylik asosida amalga oshiriladi.
O‘zbekiston Respublikasida chet el investitsiyalarining sug‘urta himoyasi sug‘urta tizimi vositasida ta’minlanib, uning tarkibiga davlatning rasmiy sug‘urta agenti bo‘lmish O‘zbekiston Respublikasi Milliy sug‘urta kompaniyasi hamda chet el sug‘urta tashkilotlari ishtirokidagi qo‘shma sug‘urta kompaniyalari kiradi.
Chet el investitsiyalarini sug‘urtalovchi sug‘urta tashkilotlari O‘zbekiston Respublikasining majburiyatlari bo‘yicha javobgar bo‘lmaydilar. O‘zbekiston Respublikasi sug‘urta tashkilotlarining majburiyatlari bo‘yicha javobgar bo‘lmaydi, tomonlarning shartnomasida qayd etilgan hollar bundan mustasno.
mol-mulk ekspropriatsiyalanishidan (tortib olinishidan), shuningdek mol-mulk tortib olinishiga, mol-mulkning o‘zini yoki undan orttiriladigan daromadni nazorat qilishdan mahrum bo‘lishga olib keladigan har qanday qonuniy yoki ma’muriy choralardan (o‘z hududida iqtisodiy faoliyatni tartibga solish maqsadlarida mamlakat tomonidan umumiy qo‘llash uchun joriy etiladigan, huquqni kamsitmaydigan choralar bundan mustasno);
sug‘urta tashkiloti bilan investor o‘rtasidagi shartnoma munosabatlariga mamlakat ma’murlarining aralashuvidan;
milliy valyutani boshqa valyutalarga konvertatsiyalash va uni mamlakatdan tashqariga chiqarishga doir mamlakat ma’murlari tomonidan cheklashlar joriy etilishidan;
investorlarning ayrim guruhlari uchun huquqni kamsitadigan ruhdagi yangi qonun-qoidalar joriy etilishidan;
Chet el investorlarining faoliyatini sug‘urta vositasida himoyalash sug‘urta tashkilotlarining aktivlari bilan ta’minlanadi, bu aktivlarning bir qismi chet el banklariga qo‘yilishi mumkin va chet el investorlariga ularning investitsiyalari har taraflama himoyalanishini kafolatlaydi.
Chet el investitsiyalari ishtirokidagi korxonalarning chet el valyutasidagi barcha xarajatlari ularning o‘z valyuta tushumlari hisobidan, shuningdek chet el valyutasini olishning O‘zbekiston Respublikasi qonun hujjatlarida ruxsat etilgan boshqa manbalari hisobidan ta’minlanishi kerak. Ularning valyuta bilan o‘z xarajatlarini o‘zi qoplashi tuzilayotgan birlashmalar, konsorsiumlar va boshqa tashkiliy tuzilmalar doirasida ham ta’minlanishi mumkin.
Chet el investitsiyalari ishtirokidagi korxona O‘zbekiston Respublikasining qonun hujjatlariga muvofiq o‘zi ishlab chiqargan mahsulotni litsenziyasiz eksport qilishga va o‘zining ishlab chiqarish ehtiyojlari uchun mahsulot import qilishga haqlidir. O‘zi ishlab chiqargan, eksportga yetkazib beriladigan mahsulotlar hamda o‘zining ehtiyojlari uchun korxona tomonidan import qilinadigan mahsulotlar ro‘yxatini O‘zbekiston Respublikasi Vazirlar Mahkamasi belgilaydi.
O‘zi ishlab chiqargan mahsulotni eksport qilishdan olingan valyuta tushumlari belgilangan soliqlar va o‘zga to‘lovlar to‘langanidan keyin butunlay korxonaning egaligida qoladi.
O‘zbekiston Respublikasiga chet el investitsiyalari ishtirokidagi korxonaning o‘z ishlab chiqarish ehtiyojlari uchun va ajnabiy xodimlarning shaxsiy ehtiyojlari uchun olib kiriladigan mol-mulk boj poshlinasi to‘lashdan ozod qilinadi.
Chet el investitsiyalari ishtirokidagi korxonalar, shuningdek chet ellik investorlar O‘zbekiston Respublikasi qonun hujjatlariga muvofiq soliqlar va boshqa to‘lovlar to‘laydilar.
Chet el investitsiyalari ishtirokidagi korxonalar O‘zbekiston Respublikasining amaldagi qonun hujjatlari talablariga rioya etayotganligini maxsus nazorat vazifalarini bajaruvchi soliq organlari va davlatning boshqa organlari o‘z vakolatlari doirasida nazorat qiladilar.
Korxonalar mazkur organlarga nazorat qilish uchun o‘z faoliyatlari to‘g‘risidagi zarur axborotlarni taqdim etadilar. Nazorat qiluvchi organ tijorat siri saqlanishini ta’minlashi shart. Tijorat sirini oshkor qilish qonun bilan jazolanadi.
Chet el investitsiyalari ishtirokidagi korxona O‘zbekiston Respublikasining amaldagi qonun hujjatlarida belgilangan tartibda hisob va hisobot yuritadi.
Oldingi tahrirga qarang.
Chet el investitsiyalari ishtirokidagi korxona o‘ziga qarashli mol-mulkdan o‘zining barcha turdagi majburiyatlarini, shu jumladan qarz mablag‘larini jalb etishini ta’minlovchi vosita sifatida foydalanishi mumkin. Uning savdo va xizmat ko‘rsatish sohasi obyektlari, shuningdek turar joy binolari bilan birga ular joylashgan yer uchastkalariga mulkdorlik huquqi, binolarga, inshootlarga, asbob-uskunalarga nisbatan mulkiy huquqlari, shuningdek boshqa mulkiy huquqlari uning o‘z majburiyatlarini ta’minlovchi vosita sifatida amal qilishi mumkin, yerga va boshqa tabiat resurslariga egalik qilish hamda ulardan foydalanish huquqi bundan mustasno.
(22-moddaning matni O‘zbekiston Respublikasining 1995-yil 6-maydagi 70–I-son Qonuni tahririda — Oliy Majlis Axborotnomasi, 1995-y., 6-son, 118-modda)
Chet el investitsiyalari ishtirokidagi korxonalar korxona hujjatlari bilan tasdiqlangan topshiriqlarga muvofiq yaratiladigan intellektual mulk obyektlari xususida o‘z xodimlari bilan shartnomalar tuzadi.
Ixtirolarni patentlash va sanoat namunalarini joriy etish chet el investitsiyalari ishtirokidagi korxonalar tomonidan O‘zbekiston Respublikasining qonun hujjatlarida belgilangan tartibda amalga oshiriladi.
Chet el investitsiyalari ishtirokidagi korxonalar xodimlarining mehnat munosabatlari O‘zbekiston Respublikasining qonun hujjatlari bilan tartibga solinadi.
Chet el investitsiyalari ishtirokidagi korxonalarning ishchi va xizmatchilari, ma’muriyati, nazorat kengashi a’zolari tarkibiga ajnabiy fuqarolar kirishi mumkin.
Chet el investitsiyalari ishtirokidagi korxonaning ajnabiy xodimlari mehnatiga haq to‘lashga, ularga mehnat ta’tili berishga, ularning pensiya ta’minotiga doir masalalar har bir xodim bilan yakka tartibda tuzilgan mehnat shartnomalarida (kontraktlarda) hal etilishi lozim. Bu xodimlar oladigan ish haqlari va qonuniy yo‘l bilan topilgan boshqa daromadlarini hech qanday cheklashsiz boshqa davlatlarga o‘tkazishlari mumkin.
Chet el investitsiyalari ishtirokidagi korxonalarning xodimlarini ijtimoiy sug‘urta qilish va ularning ijtimoiy ta’minoti (ajnabiy xodimlarning pensiya ta’minoti bundan mustasno) O‘zbekiston Respublikasi qonun hujjatlari bilan tartibga solinadi.
Chet el investitsiyalari ishtirokidagi korxona ajnabiy xodimlarning pensiya ta’minoti uchun ana shu xodimlar doimiy istiqomat qiladigan mamlakatlarning tegishli fondlariga valyutada mablag‘lar o‘tkazadi.
Chet el investitsiyalari ishtirokidagi korxona O‘zbekiston Respublikasi xodimlarining va ajnabiy xodimlarning davlat ijtimoiy sug‘urtasi bo‘yicha ajratmalarni hamda O‘zbekiston Respublikasi xodimlarining pensiya ta’minotiga ajratmalarni amaldagi qonun hujjatlariga muvofiq to‘laydi.
Chet el investitsiyalari ishtirokidagi korxonalar korxona fondlarining ro‘yxati, ularni tuzish va tasarruf etish tartibini mustaqil tarzda belgilaydi.
Chet el investitsiyalari ishtirokidagi korxona mustaqil ravishda O‘zbekiston Respublikasi qonun hujjatlarida nazarda tutilgan tartibda qayta tashkil etilishi yoki tugatilishi mumkin.
Oldingi tahrirga qarang.
Davlat ro‘yxatidan o‘tgan sanadan boshlab belgilangan tartibda bir yil davomida o‘z ustav fondini ta’sis hujjatlarida nazarda tutilgan miqdorlarda bo‘lishini ta’minlamagan chet el investitsiyalari ishtirokidagi korxona tashkil etilmagan deb hisoblansin.
(28-modda O‘zbekiston Respublikasining 1997-yil 30-avgustdagi 485–I-son Qonuniga asosan ikkinchi qism bilan to‘ldirilgan — Oliy Majlis Axborotnomasi, 1997-y., 9-son, 241-modda)
Chet el investitsiyalari ishtirokidagi korxona aktivlariga korxona tugatilgan vaqtda ularning real qiymatiga qarab soliq solinishi kerak. Aktivlarning qolgan qismi, agar ta’sis hujjatlarida boshqacha tartib ko‘zda tutilgan bo‘lmasa, chet el investitsiyalari ishtirokidagi korxonaning qatnashchilari o‘rtasida ularning korxona mol-mulkidagi ulushlariga mutanosib ravishda taqsimlanadi.
Chet el investitsiyalari ishtirokidagi korxona qayta tashkil etilgan yoki tugatilgan taqdirda ishdan bo‘shatilayotgan xodimlarga qonun hujjatlariga muvofiq ularning huquq va manfaatlariga rioya etilishi kafolatlanadi.
Chet ellik investor chet el investitsiyalari ishtirokidagi korxonadan chiqqanda yoki bu korxona tugatilgan taqdirda korxona mol-mulkidagi o‘z ulushini bozor qiymatiga muvofiq pul yoki tovar shaklida qaytarib olish huquqiga ega bo‘ladi. Bunda boshqa qatnashchilarga chet el investitsiyalari ishtirokidagi korxonadan chiqayotgan ajnabiy qatnashchining ulushini sotib olish huquqi beriladi.
Chet ellik investorlarga va chet el investitsiyalari ishtirokidagi korxonalarga shartnoma shartlarida ko‘rsatilgan muddatga ijaraga yer berilishi mumkin.
Binolar va inshootlarga egalik qilish huquqi boshqa shaxsga o‘tganda shu obyektlar bilan birga yer uchastkasidan foydalanish huquqi ham O‘zbekiston Respublikasi qonun hujjatlarida belgilanadigan tartib va shartlar asosida o‘tadi.
Chet ellik investorlarga mol-mulkni ijaraga berish ijaraga beruvchi tomonidan shartnomalar asosida hamda qonun hujjatlariga muvofiq amalga oshiriladi.
Chet ellik investorlarga tabiat resurslarini qidirish, olish va ulardan foydalanish hamda boshqa xo‘jalik faoliyatini amalga oshirish uchun konsessiya berish chet ellik investorlar O‘zbekiston Respublikasi davlat boshqaruvining vakolatli organlari bilan qonun hujjatlarida belgilab qo‘yilgan tartibda tuzadigan konsessiya shartnomalari asosida amalga oshiriladi.
Konsessiyalarga O‘zbekiston Respublikasining qonun hujjatlarida man etilmagan hamda tuzilayotgan konsessiya shartnomalari maqsadlariga javob bera oladigan faoliyatning barcha sohalari va turlarida yo‘l qo‘yiladi.
Chet ellik investorlar bilan O‘zbekiston Respublikasining davlat organlari o‘rtasidagi nizolar, agar O‘zbekiston Respublikasining xalqaro shartnomalari va bitimlarida boshqacha tartib nazarda tutilmagan bo‘lsa, O‘zbekiston Respublikasi sudlarida ko‘rilishi kerak.
Chet ellik investorlar va chet el investitsiyalari ishtirokidagi korxonalar bilan O‘zbekiston Respublikasi korxonalari, jamoat birlashmalari hamda boshqa yuridik va jismoniy shaxslari o‘rtasidagi, investorlar bilan chet el investitsiyalari ishtirokidagi korxonalar o‘rtasidagi ular faoliyati bilan bog‘liq masalalarga doir nizolar O‘zbekiston Respublikasi xo‘jalik sudlarida, shuningdek tomonlarning kelishuviga muvofiq hakamlar va xolislar tekshiruvi tartibida chet elda qarab chiqilishi kerak.
Basharti, O‘zbekiston Respublikasining xalqaro shartnomalari yoki bitimlarida chet el investitsiyalari to‘g‘risidagi O‘zbekiston Respublikasi qonun hujjatlaridagidan boshqacha qoidalar belgilangan bo‘lsa, xalqaro shartnomaning yoki bitimning qoidalari qo‘llaniladi.