Qishloq xo‘jalik mashinasozligi tarmog‘ini yanada isloh qilish, boshqaruv tuzilmasini takomillashtirish, tarmoq korxonalarida qishloq xo‘jaligi texnikasi ishlab chiqarilishini oqilona joylashtirish hamda ularning faoliyat samaradorligini oshirish, ishlab chiqarishni modernizatsiya qilish, texnik va texnologik qayta jihozlash uchun xorijiy investitsiyalarni keng jalb etish maqsadida:
1. O‘zbekiston Respublikasi Iqtisodiyot vazirligi, Moliya vazirligi, Qishloq va suv xo‘jaligi vazirligi, Davlat mulki qo‘mitasi hamda Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi, qishloq xo‘jalik mashinasozligi korxonalarining quyidagilar:
“Toshqishloqmash” OAJ, “O‘zbekqishloqmash” OAJ va ularning shu’ba korxonalari faoliyatini qonun hujjatlarida belgilangan tartibda to‘xtatish hamda ular tomonidan ishlab chiqarilgan qishloq xo‘jaligi texnikasi nomenklaturasini hamda tegishli ishlab chiqarish aktivlarini 2-ilovaga* muvofiq tarmoqning boshqa korxonalariga topshirish;
“TTZ” OAJ va “Agregat zavodi” OAJning 3-ilovaga* muvofiq noprofil ijtimoiy obyektlarini joriy holati bo‘yicha Toshkent shahar hokimligi balansiga belgilangan tartibda topshirish hamda ochiq savdo orqali sotuvga qo‘yish to‘g‘risidagi takliflari qabul qilinsin.
2. Davlat mulkini xorijiy investorlarga sotishda tender savdolarini o‘tkazish bo‘yicha Davlat komissiyasi (R. Azimov) “Toshqishloqmash” OAJ va “O‘zbekqishloqmash” OAJ ko‘chmas mulkini investorlarga ular tomonidan mazkur hududlarda zamonaviy texnologik jihozlardan va qat’iy ekologik talablarga javob beradigan ishlab chiqarish jarayonlaridan foydalanish bo‘yicha yangi ishlab chiqarishlarni joylashtirishdan iborat investitsiya majburiyatlarini qabul qilgan holda sotilishini ta’minlasin.
Ilk bor savdoga qo‘yilgan muddatdan boshlab 12 oy davomida yuqoridagi talablarga javob beradigan xaridorlar topilmagan taqdirda O‘zbekiston Respublikasi Davlat mulki qo‘mitasi Toshkent shahar hokimligi bilan birgalikda Vazirlar Mahkamasi bilan kelishilgan holda “Toshqishloqmash” OAJ va “O‘zbekqishloqmash” OAJ hududlarini uy-joy va ijtimoiy ahamiyatga ega obyektlar qurish uchun yer fondining tegishli kategoriyasiga o‘tkazsin.
3. O‘zbekiston Respublikasi Prezidentining “O‘zqishloqxo‘jalikmash-xolding” kompaniyasini tugatish chora-tadbirlari to‘g‘risida” 2007-yil 29-dekabrdagi PQ-766-sonli qaroriga muvofiq “O‘zqishloqxo‘jalikmash-xolding” kompaniyasini tugatish va uning korxonalarini qaytadan tashkil etish bo‘yicha tuzilgan Hukumat komissiyasi:
ikki oy muddatda qishloq xo‘jalik mashinasozligi korxonalari jihozlarini xatlovdan o‘tkazishni tashkil etsin, qishloq xo‘jalik mashinalarini ishlab chiqarish jarayonida foydalanilmaydigan ma’naviy eskirgan asbob-uskunalar ro‘yxatini, keyinchalik ularni sotish yoki belgilangan tartibda hisobdan chiqarish uchun tasdiqlasin;
qishloq xo‘jalik texnikasini xaridorlarga o‘z vaqtida yetkazib berishni hisobga olgan holda tegishli konstruktorlik va texnologik hujjatlar, jihozlarni ham nazarda tutib, 2-ilovaga muvofiq aktivlarni qayta joylashtirish, shuningdek ularni qayta joylashtirish jarayonida qishloq xo‘jalik mashinasozligi korxonalari tomonidan ishlab chiqarilgan buyumlarning barcha nomenklaturasini saqlab qolish bo‘yicha chora-tadbirlar ko‘rilishini ta’minlasin.
4. O‘zbekiston Respublikasi Mehnat va aholini ijtimoiy muhofaza qilish vazirligi Toshkent shahar hokimligi bilan birgalikda “Toshqishloqmash” OAJ va “O‘zbekqishloqmash” OAJning bo‘shaydigan xodimlarini ishga joylashtirish bo‘yicha belgilangan tartibda choralar ko‘rsin.
“TTZ” OAJ, “Chirchiqqishloqmash” OAJ, “Texnolog” OAJ va “Agregat zavodi” OAJ aksiyalarining, 1 va 2-ilovalarga muvofiq bu korxonalarga o‘tkaziladigan aktivlarni hisobga olib, ularni davlat va boshqa aksiyadorlar o‘rtasida tegishli tarzda taqsimlagan holda qo‘shimcha emissiyasi o‘tkazilishini tashkil etsin;
“Toshqishloqmash” OAJ va uning shu’ba korxonalari ko‘chmas mulkini belgilangan tartibda davlat mulki sifatida ajratilishini ta’minlasin;
“TTZ” OAJ, “Agregat zavodi” OAJ va “Chirchiqqishloqmash” OAJning bo‘shaydigan obyektlarini belgilangan tartibda ochiq savdolarda sotilishini tashkil etsin.
6. “Yergeodezkadastr” davlat qo‘mitasi bir oy muddatda “TTZ” OAJ hududining kadastr surati olinishini hamda kadastr hujjatlari belgilangan tartibda rasmiylashtirilishini ta’minlasin.
Toshkent shahar hokimligi (A. To‘xtayev) bir oy muddatda “TTZ” OAJ hududining kadastr surati olinishi yakunlangach uni ikkinchi zonaga biriktirish to‘g‘risidagi masalani ko‘rib chiqsin (mazkur qarorga muvofiq ajratib beriladigan hududlardan tashqari).
7. “TTZ” OAJ, “Chirchiqqishloqmash” OAJ, “Texnolog” OAJ va “Agregat zavodi” OAJ, istisno tariqasida, ushbu qarorga muvofiq ularning ustav kapitallari o‘zgartirilganda aksiyalar emissiyasi prospektlarini qayta ro‘yxatga olish yig‘imlaridan ozod etilsin.
11. O‘zbekiston Respublikasi Prezidentining “O‘zbekiston Respublikasi Vazirlar Mahkamasining ijro etuvchi tuzilmasini takomillashtirish to‘g‘risida” 2007-yil 12-martdagi PQ-601-sonli qarori 1-ilovasining “Mutasaddilik qilinadigan idoralar va xo‘jalik birlashmalari” bo‘limi “TTZ” OAJ, “Agregat zavodi” OAJ, “Chirchiqqishloqmash” OAJ, “Texnolog” OAJ” so‘zlari bilan to‘ldirilsin.
Keyingi tahrirga qarang.
O‘zbekiston Respublikasi Davlat mulki qo‘mitasi bir oy muddatda manfaatdor vazirliklar va idoralar bilan birgalikda O‘zbekiston Respublikasi Prezidentining “2007 — 2010-yillarda xususiylashtirish jarayonlarini yanada chuqurlashtirish va xorijiy investitsiyalarni faol jalb qilish chora-tadbirlari to‘g‘risida” 2007-yil 20-iyuldagi PQ-672-sonli qarorining 2-ilovasiga mazkur Qarordan kelib chiqadigan o‘zgartishlar to‘g‘risida belgilangan tartibda takliflar kiritsin.
12. Mazkur Qarorning ijrosini nazorat qilish O‘zbekiston Respublikasi Bosh vaziri Sh.M. Mirziyoyev zimmasiga yuklansin.