LexUZ sharhi
Mazkur qaror O‘zbekiston Respublikasi Prezidentining 2012-yil 25-apreldagi PQ-1743-sonli “2012-2013-yillarda Davlat mulkini xususiylashtirish dasturi to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Shaxsiy yordamchi, dehqon va fermer xo‘jaliklarida chorva mollar ko‘paytirishni rag‘batlantirishni kuchaytirish hamda chorvachilik mahsulotlari ishlab chiqarishni kengaytirish borasidagi qo‘shimcha chora-tadbirlar to‘g‘risida” 2008-yil 21-apreldagi PQ-842-son qarorini bajarish va shaxsiy yordamchi, dehqon va fermer xo‘jaliklariga ushbu sohada xususiy tadbirkorlikni rivojlantirish yo‘li bilan zooveterinariya xizmatlari ko‘rsatish sifatini oshirish yuzasidan Vazirlar Mahkamasi qaror qiladi:
1. O‘zbekiston Respublikasi Davlat mulki qo‘mitasi hamda Qishloq va suv xo‘jaligi vazirligining ilovaga* muvofiq tumanlar (shaharlar) davlat veterinariya bo‘limlari balansida bo‘lgan zooveterinariya shoxobchalari binolarini xususiylashtirish to‘g‘risidagi taklifi qabul qilinsin.
* Ilova rus tilidagi matnda berilgan.
2. Belgilab qo‘yilsinki, ilovada ko‘rsatilgan zooveterinariya shoxobchalari binolarini xususiylashtirish veterinariya faoliyati bilan shug‘ullanib kelayotgan tadbirkorlik subyektlari o‘rtasida, ular tomonidan zooveterinariya xizmatlari ko‘rsatish faoliyati kamida 10 yil mobaynida saqlanishi sharti bilan yopiq kimoshdi savdolarida amalga oshiriladi.
Zooveterinariya shoxobchalarining zooveterinariya xizmatlari ko‘rsatish, shu jumladan mintaqaning epizootik barqarorligini ta’minlash bo‘yicha faoliyatini muvofiqlashtirish tuman (shahar) davlat veterinariya bo‘limlariga yuklansin.
3. O‘zbekiston Respublikasi Davlat mulki qo‘mitasi Qishloq va suv xo‘jaligi vazirligi, Davlat veterinariya bosh boshqarmasi bilan birgalikda savdolarni o‘tkazishda kimoshdi savdolarini tashkil etish tartiblariga rioya qilinishini, shuningdek savdolarda ishtirok etish uchun tadbirkorlik subyektlari tomonidan taqdim etilgan hujjatlarning muvofiqligi va ishonchliligi ustidan nazoratni ta’minlasin.
4. Mazkur qarorning bajarilishini nazorat qilish O‘zbekiston Respublikasi Vazirlar Mahkamasining Qishloq va suv xo‘jaligi, qishloq xo‘jaligi mahsulotlarini qayta ishlash hamda iste’mol tovarlari axborot-tahlil departamentiga yuklansin.