Oʻzbekiston Respublikasi “Davlat soliq xizmati toʻgʻrisida”gi Qonunining 7-moddasi va Oʻzbekiston Respublikasi Vazirlar Mahkamasining 2003-yil 25-dekabrdagi “Oʻzbekiston Respublikasi Davlat budjetining 2004-yildagi parametrlari toʻgʻrisida”gi 567-son qaroriga asosan qaror qilamiz:

1. Oʻzbekiston Respublikasi Moliya vazirligi va Davlat soliq qoʻmitasining 2003-yil 31-yanvardagi 24-son va 2003-19-son qarori (2003-yil 16-fevral, roʻyxat raqami 1218-son — Meʼyoriy hujjatlar axborotnomasi, 2003-yil, 4-son) bilan tasdiqlangan Alohida turdagi tadbirkorlik faoliyati bilan shuQullanayotgan yuridik va jismoniy shaxslar uchun qatʼiy belgilangan soliqni hisoblab chiqarish va toʻlash tartibi toʻgʻrisidagi nizomning 6-bandi toʻrtinchi xatboshi quyidagi tahrirda bayon etilsin:

“pul (buyum) yutuqli tavakkalchilikka asoslangan oʻyin avtomatlari, shu jumladan oʻyin avtomatlari zallarini tashkil etish boʻyicha faoliyat;”.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.