O‘zbekiston Respublikasining “Soliq maslahati to‘g‘risida”gi Qonuniga muvofiq hamda soliq maslahatchilari tashkilotlarini ro‘yxatga olish va hisobga qo‘yish tartibini yo‘lga qo‘yish maqsadida:

1. O‘zbekiston Respublikasi Prezidentining 2006-yil 24-maydagi PQ-357-sonli qarori bilan tasdiqlangan Tadbirkorlik subyektlarini davlat ro‘yxatiga olish va hisobga qo‘yishning xabardor qilish tartibi to‘g‘risidagi nizomga quyidagi o‘zgartishlar kiritilsin:

3-bandning ikkinchi va uchinchi xatboshilaridagi “bozorlar hamda”, “bozorlar va” so‘zlari “bozorlar hamda soliq maslahatchilari tashkilotlari” so‘zlari bilan almashtirilsin;

6-bandning to‘rtinchi xatboshisidagi “O‘zbekiston Respublikasi Prezidenti va Hukumati qarorlari bilan tashkil etiladigan aksiyadorlik kompaniyalari (shu jumladan davlat aksiyadorlik kompaniyalari va xoldinglar) shaklidagi xo‘jalik boshqaruvi organlari va bozorlar” so‘zlari “O‘zbekiston Respublikasi Prezidenti va Hukumati qarorlari bilan tashkil etiladigan aksiyadorlik kompaniyalari (shu jumladan davlat aksiyadorlik kompaniyalari va xoldinglar) shaklidagi xo‘jalik boshqaruvi organlari, shuningdek bozorlar va soliq maslahatchilari tashkilotlari” so‘zlari bilan almashtirilsin.

2. Mazkur Farmonning ijrosini nazorat qilish O‘zbekiston Respublikasi Prezidentining Mamlakatni isloh qilish va yangilashning huquqiy bazasini takomillashtirish masalalari bo‘yicha Davlat maslahatchisining xizmati (I.B. Abdullayev) zimmasiga yuklansin.