LexUZ sharhi
Mazkur qaror O‘zbekiston Respublikasi Vazirlar Mahkamasining 2016-yil 29-iyundagi 219-sonli “O‘zbekiston Respublikasi Hukumatining ayrim qarorlariga o‘zgartirishlar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “Meva-sabzavot mahsulotlarini tayyorlash va g‘amlash korxonalari uyushmasi — “O‘zbekoziqovqatzaxira”ni tashkil etish to‘g‘risida” 2016-yil 8-apreldagi PQ-2517-son qarori)”gi qaroriga asosan o‘z kuchini yo‘qotgan.
Xalq iste’mol tovarlari ishlab chiqaruvchilari bilan savdo korxonalari o‘rtasida yaqin o‘zaro aloqalar o‘rnatish, respublika, mintaqaviy va xalqaro ko‘rgazma-yarmarkalarini tizimli asosda o‘tkazishni tashkil etish maqsadida Vazirlar Mahkamasi qaror qiladi:
1. O‘zbekiston Respublikasi Davlat mulki qo‘mitasi, Toshkent shahar hokimligi, “O‘zko‘rgazmasavdo” ochiq aksiyadorlik jamiyati aksiyadorlari hamda “O‘zulgurjisavdoinvest” ulgurji savdo korxonalari uyushmasining “O‘zko‘rgazmasavdo” ochiq aksiyadorlik jamiyatini Xalq iste’mol tovarlarining ko‘rgazma-yarmarka savdosi respublika markazi yopiq aksiyadorlik jamiyati sifatida qayta tashkil etish to‘g‘risidagi taklifiga rozilik berilsin.
2. Quyidagilar Xalq iste’mol tovarlarining ko‘rgazma-yarmarka savdosi respublika markazi yopiq aksiyadorlik jamiyatining asosiy vazifalari etib belgilansin:
vatanimiz ishlab chiqaruvchilari tomonidan ishlab chiqarilayotgan tovarlarning respublika, mintaqaviy va xalqaro ko‘rgazma-yarmarkalarini, shuningdek ularning mavzuli ko‘rgazma-yarmarkalarini o‘tkazishni tashkil etish;
vatanimiz korxonalariga va xorijiy korxonalarga ishbilarmonlik aloqalari o‘rnatish uchun hamkorlar topishda ko‘maklashish;
ko‘rgazmalar va yarmarkalarda kontraktlar tuzish va ularni bajarish yuzasidan savdo, axborot, konsalting, marketing xizmatlari va boshqa xizmatlar ko‘rsatish;
vatanimizning xalq iste’mol tovarlari texnologiyasi, fani va ishlab chiqarishining eng yaxshi yutuqlarini reklama va axborot bilan ta’minlash;
vatanimiz ishlab chiqaruvchilarining xalqaro ko‘rgazmalar va yarmarkalarda ishtirok etishini tashkil qilish.
3. Ulgurji savdo korxonalari uyushmasi Xalq iste’mol tovarlarining ko‘rgazma-yarmarka savdosi respublika markazi yopiq aksiyadorlik jamiyati bilan birgalikda xalq iste’mol tovarlarining respublika, mintaqaviy va xalqaro ko‘rgazma-yarmarkalari tizimli asosda o‘tkazilishini ta’minlasin.
Xalq iste’mol tovarlarining ko‘rgazma-yarmarka savdosi respublika markazi yopiq aksiyadorlik jamiyati aksiyalarining davlatga tegishli paketini uning samarali boshqarilishini ta’minlash maqsadida “O‘zulgurjisavdoinvest” uyushmasiga bersin;
“O‘zko‘rgazmasavdo” ochiq aksiyadorlik jamiyati ustav fondidagi Davlat mulki qo‘mitasiga va Toshkent shahar hokimligiga tegishli aksiyalar paketi hisobiga hamda Davlat mulki qo‘mitasi tomonidan davlat tasarrufidan chiqarish va xususiylashtirishdan tushadigan mablag‘larga ushbu jamiyatning boshqa aksiyadorlaridan aksiyalarni nominal qiymati bo‘yicha sotib olish hisobiga Xalq iste’mol tovarlarining ko‘rgazma-yarmarka savdosi respublika markazi yopiq aksiyadorlik jamiyati ustav fondi shakllantirilishini ta’minlasin;
manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiquvchi o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.