LexUZ sharhi
Mazkur qaror O‘zbekiston Respublikasining 2018-yil 29-yanvardagi O‘RQ-463-sonli “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish, shuningdek ayrim qonun hujjatlarini o‘z kuchini yo‘qotgan deb topish to‘g‘risida”gi Qonuniga asosan 2018-yil 1-apreldan o‘z kuchini yo‘qotadi.
O‘zbekiston Respublikasi Oliy Majlisi qaror qiladi:
1. O‘zbekiston Respublikasining Xo‘jalik protsessual kodeksi 1998-yil 1-yanvardan e’tiboran amalga kiritilsin.
2. O‘zbekiston Respublikasi xo‘jalik sudlariga kelib tushgan va 1998-yil 1-yanvargacha ko‘rilmagan ishlar O‘zbekiston Respublikasining yangi Xo‘jalik protsessual kodeksiga muvofiq ko‘rilishi lozim.
3. Korxonalar, muassasalar, tashkilotlar, shuningdek yakka tartibdagi tadbirkor maqomiga ega bo‘lgan fuqarolar o‘rtasidagi xo‘jalik nizolarini ko‘rish va hal qilish shartlari hamda tartibiga taalluqli normativ hujjatlarning O‘zbekiston Respublikasining yangi Xo‘jalik protsessual kodeksiga zid bo‘lmagan qismi 1998-yil 1-yanvardan keyin ham amal qilaveradi.
4. Davlat boji stavkalarini va ularni undirish tartibini belgilovchi qonun hujjatlariga o‘zgartishlar kiritilgunga qadar apellyatsiya va kassatsiya shikoyatlari uchun davlat boji xo‘jalik sudi hal qiluv qarorlarining qonuniyligi va asosliligini tekshirish to‘g‘risidagi arizalar uchun haq to‘lash yuzasidan belgilangan miqdorda va tartibda to‘lanadi.
5. O‘zbekiston Respublikasi Vazirlar Mahkamasi hukumat qarorlarini O‘zbekiston Respublikasining Xo‘jalik protsessual kodeksiga muvofiqlashtirsin.
6. O‘zbekiston Respublikasi Adliya vazirligi O‘zbekiston Respublikasi Oliy xo‘jalik sudi bilan birgalikda uch oylik muddat ichida qonunlarni O‘zbekiston Respublikasining Xo‘jalik protsessual kodeksiga muvofiqlashtirish yuzasidan takliflar taqdim etsin.
O‘zbekiston Respublikasining 1993-yil 2-sentabrda qabul qilingan “O‘zbekiston Respublikasining Xo‘jalik protsessual kodeksini tasdiqlash to‘g‘risida”gi Qonuni (O‘zbekiston Respublikasi Oliy Kengashining Axborotnomasi, 1993-yil, № 10, 371-modda);
O‘zbekiston Respublikasining 1996-yil 27-dekabrda qabul qilingan “O‘zbekiston Respublikasining ayrim qonun hujjatlariga o‘zgartishlar va qo‘shimchalar kiritish to‘g‘risida”gi Qonunining IX bo‘limi (O‘zbekiston Respublikasi Oliy Majlisining Axborotnomasi, 1997-yil, № 2, 56-modda).