LexUZ sharhi
Mazkur qaror O‘zbekiston Respublikasi Vazirlar Mahkamasining 2010-yil 2-apreldagi 62-sonli “Vazirliklar va idoralarning budjetdan tashqari jamg‘armalariga mablag‘lar ajratishni tartibga solish chora-tadbirlari to‘g‘risida”gi qaroriga muvofiq o‘z kuchini yo‘qotgan.
Vazirlar Mahkamasining “Tovar bozorlarida monopolistik faoliyatni cheklash va raqobat to‘g‘risida”gi O‘zbekiston Respublikasi Qonunini amalga oshirish chora-tadbirlari haqida” 1997-yil 31-martdagi 165-son Qarorini bajarish yuzasidan Vazirlar Mahkamasi qaror qiladi:
1. O‘zbekiston Respublikasi Moliya vazirligining Narxlarni boshqarish jamg‘armasi to‘g‘risidagi Nizom ilovaga muvofiq tasdiqlansin.
2. O‘zbekiston Respublikasi Moliya vazirligi Narxlarni boshqarish jamg‘armasi mablag‘laridan qat’iyan belgilangan maqsadda foydalanishni ta’minlasin.
3. Vazirlar Mahkamasining “Narxlarni boshqarish jamg‘armasi to‘g‘risidagi Nizomni tasdiqlash haqida” 1993-yil 14-iyunda 284-son qarori o‘z kuchini yo‘qotgan deb hisoblansin.
4. Mazkur qarorning bajarilishini nazorat qilish Bosh vazir o‘rinbosari B.S.Hamidov zimmasiga yuklansin.
Oldingi tahrirga qarang.
Ushbu Nizom Vazirlar Mahkamasining “Tovar bozorlarida monopolistik faoliyatni cheklash va raqobat to‘g‘risida”gi O‘zbekiston Respublikasi qonunini amalga oshirish chora-tadbirlari haqida” 1997-yil 31-martdagi 165-son qaroriga muvofiq ishlab chiqilgan.
(I-bo‘limning birinchi xatboshi O‘zbekiston Respublikasi Vazirlar Mahkamasining 2000-yil 21-sentabrdagi 364-sonli qarori tahririda — O‘R QHT, 2006-y., 1-son, 2-modda)
Nizom Narxlarni boshqarish jamg‘armasining maqsadi va vazifalarini belgilaydi, uni shakllantirish, undan foydalanish tartibini nazarda tutadi hamda (bo‘ysunishdan va mulkchilik shakllaridan qat’i nazar) barcha korxonalar, birlashmalar, tashkilotlar va boshqa yuridik shaxslar, shuningdek (yuridik shaxs bo‘lmasdan) O‘zbekiston Respublikasi hududida mahsulotlar, tovarlar, ishlar va xizmatlarni tayyorlovchi va sotuvchi tadbirkorlar tomonidan bajarilishi majburiydir.
Narxlarni boshqarish jamg‘armasi O‘zbekiston Respublikasi Moliya vazirligi huzurida tashkil etiladi.
Narxlarni boshqarish jamg‘armasi aholini xo‘jalik yurituvchi subyektlar-monopolistlar mahsulotlariga narxlarning asossiz ravishda o‘sishidan ijtimoiy himoya qilish bo‘yicha tadbirlarni amalga oshirish va inflatsiya jarayonlarini yumshatish maqsadida tashkil etiladi.
Quyidagilar bo‘yicha chora-tadbirlarni amalga oshirish Narxlarni boshqarish jamg‘armasining asosiy vazifasi hisoblanadi:
monopolist korxonalar, tabiiy monopoliyalar subyektlari mahsulotlari, tovarlari, ishlari hamda xizmatlariga narx va tariflarning o‘sishini to‘xtatish;
monopolist korxonalar va tabiiy monopoliya subyektlari tovarlari, ishlari, xizmatlari rentabelligi, narx va tariflari cheklangan darajasining oshishidan, ishlab chiqarish hajmlarining asossiz qisqarishidan hamda monopolist korxonalar va tabiiy monopoliya subyektlari ishlab chiqarayotgan mahsulotlar, ko‘rsatayotgan xizmatlar sifatining pasayishidan iste’molchilar huquqlarini himoya qilish;
respublika tovar bozorlarida raqobat muhitini rivojlantirish va tadbirkorlikni qo‘llab-quvvatlash yo‘li bilan tovarlar narxlarini pasaytirish hamda ularni ishlab chiqarish va sotish hajmlarini ko‘paytirish uchun iqtisodiy shart-sharoitlar yaratish;
davlat tomonidan tartibga solib borish nazarda tutilgan tovarlar, ishlar va xizmatlarga narxlar va tariflarni, ustamalarni shakllantirish va qo‘llanish tartibiga tushuntirish ishlari olib borish, shuningdek davlat monopoliyaga qarshi kurashish oganlari tomonidan muntazam tekshirishlarni tashkil etish yo‘li bilan xo‘jalik subyektlarining rioya qilishlarini ta’minlash.
Oldingi tahrirga qarang.
Narxlarni boshqarish jamg‘armasi xo‘jalik yurituvchi subyektlar tomonidan monopoliyaga qarshi qonunchilik, tabiiy monopoliyalar to‘g‘risidagi, iste’molchilarning huquqlarini himoya qilish va reklama to‘g‘risidagi qonun hujjatlari buzilgan hollarda ulardan tushadigan mablag‘lar, shuningdek mazkur qonun buzilishlari uchun qonun hujjatlarida belgilangan tartibda xo‘jalik yurituvchi subyektlarga solinadigan jarimalar hisobiga shakllantiriladi.
(III-bo‘limning birinchi xatboshi O‘zbekiston Respublikasi Vazirlar Mahkamasining 2002-yil 19-iyundagi 216-sonli qarori tahririda — O‘R QHT, 2006-y., 1-son, 2-modda)
Oldingi tahrirga qarang.
Mazkur bo‘limning birinchi xatboshida nazarda tutilgan mablag‘lar va jarimalarning barcha summasi (O‘zbekiston Respublikasi Iqtisodiyot vazirligining ijtimoiy rivojlantirish va xodimlarni moddiy rag‘batlantirish jamg‘armasiga hamda O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi huzuridagi Tadbirkorlikni qo‘llab-quvvatlash va korxonalarni tarkibiy o‘zgartirish jamg‘armasiga tegishli ravishda 4 va 6 foiz miqdorida o‘tkaziladigan, shuningdek iste’molchilarning huquqlarini himoya qilish to‘g‘risidagi qonunchilikni buzganlik uchun solinadigan jarimalarning Iste’molchilar huquqlarini himoya qilish jamiyatlari federatsiyasi huzuridagi Iste’molchilar huquqlarini himoya qilish ijtimoiy harakatini rivojlantirishni qo‘llab-quvvatlash jamg‘armasiga o‘tkaziladigan 45 foizi miqdoridagi mablag‘lardan tashqari) Narxlarni boshqarish jamg‘armasiga yo‘naltiriladi.
(III-bo‘limning ikkinchi xatboshi O‘zbekiston Respublikasi Vazirlar Mahkamasining 2006-yil4-yanvardagi 2-sonli qarori tahririda — O‘R QHT, 2006-y., 1-son, 2-modda)
Narxlarni boshqarish jamg‘armasiga tushgan mablag‘lar O‘zbekiston Respublikasi Moliya vazirligining budjetdan tashqari maxsus schyotida to‘planadi.
Mablag‘larning Narxlarni boshqarish jamg‘armasiga to‘liq, to‘g‘ri va o‘z vaqtida o‘tkazilishini nazorat qilish O‘zbekiston Respublikasining moliya organlari tomonidan amalga oshiriladi.
Narxlarni boshqarish jamg‘armasidan ijtimoiy tusdagi xarajatlarni mablag‘ bilan ta’minlashda va davlat tomonidan boshqariladigan narxlar (tariflar) bo‘yicha aholiga ko‘rsatiladigan xizmatlar narxlari (tariflari)dagi tafovutni qoplashda, hukumat tomonidan narxlari nisbatan nast darajada tutib turiladigan (ijtimoiy himoyaga muhtoj iste’molchilar guruhlarini qo‘shgan holda) ijtimoiy ahamiyatga ega bo‘lgan iste’mol tovarlarini ishlab chiqarishda va repsublika hukumati belgilaydigan boshqa maqsadlarda foydalaniladi.