Ҳужжат янги таҳрирда қабул қилинган
Ҳужжат 18.12.2004 00 санаси ҳолатига
Амалдаги версияга ўтиш
Ўзбекистон Республикасининг қонуни
ДАВЛАТ МУКОФОТЛАРИ ТЎҒРИСИДА
 LexUZ шарҳи
Мазкур Қонун Ўзбекистон Республикасининг 2018 йил 11 апрелдаги ЎРҚ-473-сонли «Давлат мукофотлари тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида»ги Қонунига асосан янги таҳрирда қабул қилинган.
1-модда.
Ўзбекистон Республикасининг фуқаролари меҳнат ва жанговар хизматлари, самарали давлат, ижтимоий ва ижодий фаолиятлари учун давлат мукофотлари билан тақдирланишлари мумкин.
Ўзбекистон Республикаси учун хизмат кўрсатган чет эл фуқаролари ва фуқаролиги бўлмаган шахслар ҳам Ўзбекистон Республикасининг давлат мукофотлари билан тақдирланишлари мумкин.
2-модда.
«Ўзбекистон Қаҳрамони» унвони, Ўзбекистон Республикасининг орденлари, медаллари, фахрий унвонлари ва Фахрий ёрлиғи давлат мукофотлари ҳисобланади.
3-модда.
Давлат мукофотлари Олий Мажлис томонидан таъсис этилади.
Давлат мукофотларига доир низомлар ва уларнинг тавсифлари Олий Мажлис томонидан тасдиқланади.
4-модда.
Давлат мукофотлари билан Ўзбекистон Республикасининг Президенти тақдирлайди.
Ўзбекистон Республикасининг Президентини давлат мукофотлари билан тақдирлаш Олий Мажлис томонидан амалга оширилади.
5-модда.
Давлат мукофотлари гувоҳномаларининг намуналари, давлат мукофотларига тақдим этиш ва уларни топшириш тартиби Ўзбекистон Республикасининг Президенти томонидан тасдиқланади.
6-модда.
Олдинги таҳрирга қаранг.
Ўзбекистон Республикасининг Президентига давлат мукофотлари билан тақдирлашга доир тақдимнома Олий Мажлиснинг Қонунчилик палатаси Спикери, Олий Мажлиснинг Сенати Раиси, Вазирлар Маҳкамаси, Конституциявий суд Раиси, Олий суд Раиси, Олий хўжалик суди Раиси, Бош прокурор, Қорақалпоғистон Республикаси Жўқорғи Кенгесининг Раиси, вилоятлар ва Тошкент шаҳри ҳокимлари, вазирликлар, идоралар ва жамоат бирлашмалари республика органларининг раҳбарлари томонидан киритилади. Чет эл фуқароларини тақдирлашга доир тақдимнома Ўзбекистон Республикаси Ташқи ишлар вазирлиги билан келишилган ҳолда киритилади.
(6-модданинг матни Ўзбекистон Республикасининг 2004 йил 3 декабрдаги 714-II-сон Қонуни таҳририда — ЎР ҚҲТ, 2004 й., 51-сон, 514-модда)
Кейинги таҳрирга қаранг.
7-модда.
Бир шахс айни бир орден, медаль ёки Фахрий ёрлиқ билан, қоида тариқасида, бир марта тақдирланади.
Фахрий унвонлар такроран берилмайди.
Ўзбекистон Республикасининг давлат мукофотлари билан тақдирлаш шахснинг вафотидан кейин ҳам амалга оширилиши мумкин.
8-модда.
Фуқаролар навбатдаги мукофотга аввал мукофот билан тақдирланган вақтидан кейин камида уч йил ўтгач тақдим этиладилар. Фавқулодда ҳолларда фуқаролар навбатдаги мукофотга аввал тақдирланган вақтидан қатъи назар тақдим этилишлари мумкин.
9-модда.
Ўзбекистон Республикаси Президентининг давлат мукофотлари билан тақдирлаш тўғрисидаги фармонлари оммавий ахборот воситаларида эълон қилинади.
10-модда.
«Ўзбекистон Қаҳрамони» унвони олий даражадаги мукофот бўлиб, фақат бир марта берилади.
«Ўзбекистон Қаҳрамони» унвони билан тақдирланган шахсларга «Олтин Юлдуз» медали ва унвон берилганлиги тўғрисидаги ҳужжат топширилади.
Олдинги таҳрирга қаранг.
11-модда.
Ўзбекистон Республикаси орденлари қуйидагилардан иборат:
«Мустақиллик» ордени;
«Амир Темур» ордени;
«Жалолиддин Мангуберди» ордени;
«Буюк хизматлари учун» ордени;
«Эл-юрт ҳурмати» ордени;
«Фидокорона хизматлари учун» ордени;
«Меҳнат шуҳрати» ордени;
I ва II даражали «Соғлом авлод учун»ордени;
I ва II даражали «Шон-шараф» ордени;
«Дўстлик» ордени».
(11-модда Ўзбекистон Республикасининг 2003 йил 30 августдаги 535-II-сон Қонуни таҳририда — Олий Мажлис Ахборотномаси, 2003 й., 9-10-сон, 149-модда)
Кейинги таҳрирга қаранг.
12-модда.
Ўзбекистон Республикасининг медаллари қуйидагилардан иборат:
«Олтин Юлдуз» медали;
«Жасорат» медали;
Кейинги таҳрирга қаранг.
Кейинги таҳрирга қаранг.
«Шуҳрат» медали.
13-модда.
Ўзбекистон Республикасининг фахрий унвонлари берилган шахсларга белгиланган намунадаги кўкрак нишони ва унвон берилганлиги тўғрисидаги ҳужжат топширилади.
 LexUZ шарҳи
Қўшимча маълумот учун қаранг: Ўзбекистон Республикасининг «Ўзбекистон Республикасининг фахрий унвонларини таъсис этиш тўғрисида»ги Қонуни.
14-модда.
Орденлар, медаллар ва бошқа мукофотларнинг нишонларини тақиб юриш тартиби қонун ҳужжатлари билан белгиланади.
 LexUZ шарҳи
Орденлар, медаллар ва бошқа мукофотларнинг нишонларини тақиб юриш тартиби Ўзбекистон Республикаси Президентининг 1995 йил 6 апрелдаги ПФ-1095-сон Фармони билан тасдиқланган «Ўзбекистон Республикасининг орденлари, медалларини, планкалардаги орден ленталари, медаль ленталарини тақиб юриш Қоидалари ҳамда орден ва медаллар ленталарининг тавсифи»да, шунингдек, орденлар, медаллар ва бошқа мукофотлар тўғрисидаги алоҳида низомларда белгиланган.
15-модда.
Олдинги таҳрирга қаранг.
Давлат мукофотлари билан фуқаролар билан бир қаторда айрим ҳолларда корхоналар, муассасалар, ташкилотлар, жамоат бирлашмалари, ижодий жамоалар ва ҳарбий бўлинмалар, шунингдек Ўзбекистон Республикасининг маъмурий-ҳудудий бирликлари ҳам мукофотланиши мумкин.
(15-модда Ўзбекистон Республикасининг 1996 йил 29 августдаги 255-I-сон Қонуни таҳририда — Олий Мажлис Ахборотномаси, 1996 й., 9 -сон, 120-модда)
16-модда.
Олдинги таҳрирга қаранг.
Давлат мукофотлари билан тақдирланган шахслар қонун ҳужжатларига мувофиқ имтиёзлардан фойдаланадилар ҳамда бир марта бериладиган пул мукофоти ёки шу қийматдаги эсдалик совғасини оладилар.
(16-модда Ўзбекистон Республикасининг 1996 йил 29 августдаги 255-I-сон Қонуни таҳририда — Олий Мажлис Ахборотномаси, 1996 й., 9 -сон, 120-модда)
Кейинги таҳрирга қаранг.
17-модда.
Давлат мукофотлари билан тақдирланган шахслар мукофотлар сақланишини таъминлашлари лозим.
Давлат мукофотлари, шунингдек уларга доир ҳужжатлар йўқолган тақдирда, тақдирланганлар мукофотларга нисбатан ўз ҳуқуқларини сақлаб қоладилар.
Давлат мукофотлари танг аҳволга тушиш натижасида йўқотилган тақдирда истисно тариқасида орденлар, медаллар ва кўкрак нишонларининг аслига тенг нусхалари берилиши мумкин.
Мукофот билан тақдирланганлик тўғрисидаги ҳужжатлар, шунингдек Фахрий ёрлиқ йўқолган тақдирда уларнинг аслига тенг нусхалари белгиланган тартибда берилади.
18-модда.
Давлат мукофотларидан:
шахс оғир жиноят содир этгани учун ҳукм қилинганида — суднинг қонун ҳужжатларида белгиланган асослар ва тартибдаги тақдимномасига биноан;
 LexUZ шарҳи
Қаранг: Ўзбекистон Республикаси Жиноят кодексининг 52-моддаси ва Жиноят-процессуал кодексининг 531-моддаси еттинчи қисми.
шахс ўз шаънини бадном этувчи хатти-ҳаракатлар содир этганида — тақдирлаш тўғрисида тақдимнома киритиш ҳуқуқига эга бўлган органнинг тақдимномасига биноан маҳрум этилади.
Давлат мукофотларидан маҳрум бўлганлик, белгиланган имтиёзлардан ҳам маҳрум қилинишига сабаб бўлади.
Давлат мукофотларидан маҳрум этилган шахсга қарашли давлат мукофоти ва мукофотга доир ҳужжат қайтарилиши лозим.
19-модда.
Ноқонуний ҳукм қилинган ва тўла оқланган фуқароларнинг давлат мукофотларига нисбатан ҳуқуқлари тегишли органларнинг илтимосномасига биноан Ўзбекистон Республикасининг Президенти томонидан тикланиши мумкин.
20-модда.
Ўзбекистон Республикасидан чиқиб кетаётган Ўзбекистон Республикасининг фуқаролари, чет эл фуқаролари ва фуқаролиги бўлмаган шахслар ўзларига қарашли бўлган давлат мукофотлари ва уларга доир ҳужжатларни ўзлари билан олиб кетиш ҳуқуқига эгадирлар.
Таркибида қимматбаҳо металлар бўлган давлат мукофотларини олиб чиқиб кетиш тартиби қонун ҳужжатлари билан белгилаб берилади.
21-модда.
Орден, медаль, фахрий унвонга доир кўкрак нишонини ноқонуний равишда тақиб юриш, сотиб олиш, сотиш, алмашиш ёки ўзга тарзда ҳақ эвазига бировга бериш қонун ҳужжатларида белгиланган жавобгарликка сабаб бўлади.
 LexUZ шарҳи
Орден, медаль, фахрий унвоннинг кўкракка тақиладиган нишонини қонунга хилоф равишда тақиб юриш, сотиб олиш, сотиш, айирбошлаш ёки бировга бошқача тарзда ҳақ эвазига берганлик учун жавобгарлик Ўзбекистон Республикаси Маъмурий жавобгарлик тўғрисидаги кодексининг 209-моддасида белгиланган.
22-модда.
Ташқи кўриниши давлат мукофотларига ўхшаш бўлган кўкрак нишонларини таъсис этиш ва тайёрлаш тақиқланади.
Ўзбекистон Республикасининг Президенти И. КАРИМОВ
Тошкент ш.,
1995 йил 22 декабрь,
176-I-сон

(Ўзбекистон Республикаси Олий Мажлисининг Ахборотномаси, 1995 й., 12-сон, 266-модда; 1996 й., 5-6-сон, 63-модда, 9-сон, 120-модда; 1998 й., 9-сон, 163-модда; 2000 й., 7-8-сон, 202-модда; 2003 й., 9-10-сон, 140, 149-моддалар; Ўзбекистон Республикаси қонун ҳужжатлари тўплами, 2004 й., 51-сон, 514-модда; 2007 й., 27-28-сон, 279-модда; 2008 й., 18-сон, 143-модда; 2012 й., 37-сон, 422-модда; 2017 й., 37-сон, 978-модда; Қонун ҳужжатлари маълумотлари миллий базаси, 29.12.2017 й., 03/17/451/0473-сон)