|
Ҳужжат кучини йўқотган " " 08.02.2026
|
Ҳужжат 25.10.2004 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
Ўзбекистон Республикаси давлат божхона қўмитаси фаолиятини ташкил этиш масалалари тўғрисида
[Кўчирма]
LexUZ шарҳиМазкур қарор Ўзбекистан Республикаси Вазирлар Маҳкамасининг 2025 йил 6 ноябрдаги 700-сонли «Божхона соҳасидаги айрим тартиб-таомилларни янада такомиллаштириш тўғрисида»ги қарорига асосан 2026 йил 8 февралдан ўз кучини йўқотади.
«Ўзбекистон Республикаси Давлат божхона қўмитасини ташкил қилиш тўғрисида» 1997 йил 8 июлдаги ПФ-1815-сон Фармонига мувофиқ, шунингдек республика божхона органлари томонидан божхона ишларини ташкил қилиш бўйича улар зиммасига юкланган вазифаларнинг тезкорлик билан ва самарали бажарилишини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Давлат божхона қўмитаси марказий аппарати тузилмаси, Қорақалпоғистон Республикаси, вилоятлар, Тошкент шаҳар давлат божхона қўмитаси бошқармалари аппаратининг, ихтисослаштирилган божхона комплексларининг, божхона комплекслари ва постларининг намунавий тузилмаси 1, 1а, 2, 2а, 3 ва 3а иловаларга мувофиқ тасдиқлансин.
Кейинги таҳрирга қаранг.
2. Ўзбекистон Республикаси давлат божхона қўмитаси тизими ходимларининг (хизмат кўрсатувчи ва ёрдамчи ва ёрдамчи ходимлардан ташқари) чекланган сони 3277 нафар, шу жумладан Қўмита марказий аппарати ходимлари сони — 188 нафар этиб белгилансин.
Давлат божхона қўмитаси раисига тўрт нафар ўринбосарга, шу жумладан бир нафар биринчи ўринбосарга ҳамда 9 кишидан иборат ҳайъатга эга бўлишга рухсат этилсин.
Давлат божхона қўмитаси раисига зарурат бўлганда Қўмита марказий аппаратининг ҳамда тасарруфидаги божхона органларининг тасдиқланган тузилмаларига белгиланган чекланган ходимлар сони ва иш ҳақи фонди доирасида ўзгартиришлар киритиш ҳуқуқи берилсин.
Кейинги таҳрирга қаранг.
Олдинги таҳрирга қаранг.
3. Белгилаб қўйилсинки, Давлат божхона қўмитаси раиси Ўзбекистон Республикаси Президентининг Фармони билан кейинчалик Ўзбекистон Республикаси Олий Мажлиси томонидан тасдиқланган ҳолда, унинг ўринбосарлари ва Қорақалпоғистон Республикаси, вилоятлар, Тошкент шаҳар Давлат божхона қўмитаси бошқармаларининг бошлиқлари, шунингдек ихтисослаштирилган божхона комплекслари бошлиқлари Давлат божхона қўмитаси раисининг тақдимномасига кўра Вазирлар Маҳкамаси қарори билан тайинланадилар.
(3-банд Ўзбекистон Республикаси Вазирлар Маҳкамасининг 1998 йил 16 апрелдаги 161-сонли қарори таҳририда)
Кейинги таҳрирга қаранг.
4. Ўзбекистон Республикаси Давлат божхона қўмитаси тўғрисидаги Низом 4-иловага мувофиқ тасдиқлансин.
5. Белгилансинки, Давлат божхона қўмитасини маблағ билан таъминлаш республика бюджети маблағлари ҳисобидан амалга оширилади.
Ўзбекистон Республикаси Молия вазирлиги республика бюджетини тузишда Давлат божхона қўмитасини жорий таъминлаш ва унинг моддий-техника базасини мустаҳкамлаш учун зарур маблағларнинг ҳар йили ажратилишини назарда тутсин.
Кейинги таҳрирга қаранг.
6. Ўзбекистон Республикаси Давлат солиқ қўмитасининг тугатилган божхона Бош бошқармаси бошлиқлар таркибининг мансабдор шахсларида улар эга бўлишган махсус ва шахсий унвонлар сақлаб қолинсин, уларнинг 1994 йил 18 январдан 1997 йил 8 июлгача божхона органларида ишлаган вақти ички ишлар ходимларига татбиқан узоқ вақт ишлаганлик учун устамалар, пенсия тайинлашда хизмат стажига қўшилсин.
Олдинги таҳрирга қаранг.
Белгилаб қўйилсинки, божхона органлари мансабдор шахсларининг ва улар оила аъзоларининг пенсия таъминоти ҳарбий хизматни ўтаган ёки ички ишлар органларида хизматни ўтаган шахслар хамда уларнинг оила аъзолари учун амалдаги қонунчилик билан белгиланган шартларда ва нормалар бўйича амалга оширилади.
(6-банднинг иккинчи хатбошиси Ўзбекистон Республикаси Вазирлар Маҳкамасининг 1998 йил 16 апрелдаги 161-сонли қарори таҳририда)
7. Божхона органларининг моддий-техника базасини ривожлантириш ва ижтимоий дастурларни бажариш мақсадида Ўзбекистон Республикаси Давлат божхона қўмитасида Давлат солиқ қўмитаси божхона Бош бошқармасининг моддий ёрдам ва божхона органларини ривожлантириш махсус жамғармаси негизида моддий ёрдам, ижтимоий ҳимоя қилиш, божхона органларини ривожлантириш ва кўзда тутилмаган харажатлар махсус жамғармаси тузилсин.
Олдинги таҳрирга қаранг.
Белгилансинки, кўрсатиб ўтилган махсус жамғарма божхона йиғимлари ва кўрсатилган хизматлар учун тўловлар тарзидаги тушумларнинг 25 фоизи миқдоридаги ажратмалар ҳисобига шакллантирилади.
(7-банднинг иккинчи хатбошиси Ўзбекистон Республикаси Вазирлар Маҳкамасининг 2004 йил 25 октябрдаги 499-сонли қарори таҳририда — ЎР ҚҲТ, 2004 й., 43-сон, 456-модда)
Кейинги таҳрирга қаранг.
Ўзбекистон Республикаси Давлат божхона қўмитаси Молия вазирлиги билан биргаликда Моддий ёрдам, ижтимоий ҳимоя қилиш, божхона органларини ривожлантириш ва кўзда тутилмаган харажатлар махсус жамғармасини ташкил этиш ҳамда ундан фойдаланиш тартиби тўғрисидаги Низомни икки ҳафта муддатда ишлаб чиқсин ва тасдиқласин.
8. Ўзбекистон Республикаси Давлат божхона қўмитаси:
манфаатдор вазирликлар ва идоралар билан биргаликда 1998-2000йилларда божхона назоратини янада такомиллаштириш ва божхона органларининг моддий-техника базасини ривожлантириш Дастурини ишлаб чиқсин ва 1997 йил 1 декабргача Вазирлар Маҳкамасига кўриб чиқиш учун киритсин;
Ўзбекистон Республикаси Молия вазирлиги, Адлия вазирлиги билан биргаликда божхона органларида хизматни ўташ тўғрисидаги низомни икки ой муддатда ишлаб чиқсин ва тасдиқлаш учун Вазирлар Маҳкамасига киритсин;
Ўзбекистон Республикаси Макроиқтисодиёт ва статистика вазирлиги, Молия вазирлиги, Ташқи иқтисодий алоқалар вазирлиги ва Марказий банки сўровларига кўра божхона статистикаси бўйича ҳисобот маълумотларини тақдим этсин.
Кейинги таҳрирга қаранг.
10. Ўзбекистон Республикаси Макроиқтисодиёт ва статистика вазирлиги, Молия вазирлиги йиллик инвестиция дастурларини тузишда уларга Давлат божхона қўмитаси объектларини қуриш, кенгайтириш ва реконструкция қилишни киритишни назарда тутсинлар.
Кейинги таҳрирга қаранг.
11. Ўзбекистон Республикаси Ички ишлар вазирлиги Давлат божхона қўмитаси шахсий таркибига ва уларнинг оила аъзоларига тиббий хизмат кўрсатишнинг амалдаги тартибини сақлаб қолсин.
12. Божхона органлари учун кадрларни тайёрлаш ва қайта тайёрлаш, уларнинг касб савиясини ошириш бўйича ишларни яхшилаш, шунингдек божхона расмийлаштиришлари бўйича мутахассисларни ўқитиш мақсадида Давлат солиқ қўмитаси божхона Бош бошқармасининг Вилоятлараро ўқув маркази Давлат божхона қўмитаси ходимларининг умумий сони доирасида штатдаги ходимлари сони (хизмат кўрсатувчи ва ёрдамчи ходимлардан ташқари) 20 нафар бўлган Давлат божхона қўмитаси ўқув марказига айлантирилсин.
Тошкент шаҳар ҳокимлиги давлат божхона қўмитаси ўқув марказини жойлаштириш масаласини икки ой муддатда ҳал қилсин.
13. Ўзбекистон Республикаси Ички ишлар вазирлиги ва Миллий хавфсизлик хизмати 1997 йилдан бошлаб Ички ишлар вазирлиги Академияси ҳамда Миллий хавфсизлик хизмати Институти базасида божхона органларининг тезкор-қидирув фаолиятини амалга оширувчи мансабдор шахсларини тайёрлаш ва қайта тайёрлаш бўйича махсус курслар ташкил қилсинлар.
14. Ўзбекистон Республикаси Вазирлар Маҳкамасининг, «Ўзбекистон Республикаси Давлат солиқ қўмитаси фаолиятини ташкил этиш масалалари тўғрисида» 1994 йил 4 мартдаги 114-сон қарорининг божхона органлари фаолиятини ташкил этишга тааллуқли қисми ўз кучини йўқотган деб ҳисоблансин.
15. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1997 йил 30 июль,
374-сон
Вазирлар Маҳкамасининг 1997 йил 30 июлдаги 374-сон қарорига
1-ИЛОВА
1-ИЛОВА
Ўзбекистон Республикаси Давлат божхона қўмитаси марказий аппарати
ТУЗИЛМАСИ
Раис
1. Божхона органларининг ўз хавфсизлиги бошқармаси
2. Контрабандага ва божхона қоидалари бузилишларига қарши курашиш бошқармаси
3. Божхона текширишлари бошқармаси
4. Ёрдамчи
5. Котибият
Раиснинг биринчи ўринбосари
1. Ташкилий-инспекторлик бошқармаси
2. Ҳуқуқий бошқарма
3. Оммавий ахборот воситалари билан алоқалар бўлими
4. Марказий божхона эксперт лабораторияси
5. Миллий кинология маркази
Раис ўринбосари
1. Божхона назоратини ташкил этиш бошқармаси
2. Божхона тарифларини тартибга солиш ва тўловлар бошқармаси
3. Божхона статистикаси, таҳлил ва компьютерлаштириш бошқармаси
4. Валюта назорати бошқармаси
Раис ўринбосари
1. Молия-иқтисодиёт бошқармаси
2. Моддий техника таъминоти, буюмлар билан таъминлаш, қурол-аслаҳалар ва транспорт бошқармаси
3. Капитал қурилиш ва божхона объектларидан фойдаланиш бошқармаси
4. Назорат ва алоқанинг техник воситалари бошқармаси
Раиснинг режим ва кадрлар бўйича ўринбосари
1. Кадрлар бошқармаси
2. Ўқув маркази
3. Ташқи алоқалар департаменти
4. Махсус қисм
Кейинги таҳрирга қаранг.
Вазирлар Маҳкамасининг 1997 йил 30 июлдаги 374-сон қарорига
1а-ИЛОВА
1а-ИЛОВА
Ўзбекистон Республикаси Давлат божхона қўмитаси марказий аппарати
ТУЗИЛМАСИ
Кейинги таҳрирга қаранг.
Вазирлар Маҳкамасининг 1997 йил 30 июлдаги 374-сон қарорига
2-ИЛОВА
2-ИЛОВА
Давлат божхона қўмитасининг Қорақалпоғистон Республикаси, вилоятлар, Тошкент шаҳар бошқармалари аппаратининг ва ихтисослаштирилган божхона комплексларининг
НАМУНАВИЙ ТУЗИЛМАСИ
Бошқарма (ихтисослаштирилган божхона комплекси) бошлиғи
Божхона органларининг ўз хавфсизлиги хизмати
Котибият
Кадрлар бўлими
Юридик хизмат
Навбатчи қисм
Оммавий ахборот воситалари билан алоқалар гуруҳи
Бошқарма (ИБК) бошлиғининг биринчи ўринбосари
Божхона назоратини ташкил этиш бўлими
Божхона тўловлари бўлими
Божхона статистикаси ва таҳлил
Бошқарма (ИБК) бошлиғининг биринчи ўринбосари
Контрабандага ва божхона қоидалари бузилишларига қарши курашиш бўлими
Божхона текширишлари бўлими
Валюта назорати бўлими
Божхона эксперт лабораторияси
Бошқарма (ИБК) бошлиғининг биринчи ўринбосари
Бухгалтерия ҳисоби ва назорат бўлими
Моддий техника таъминоти, буюмлар билан таъминлаш, қурол-аслаҳалар ва таранспорт бўлими
Капитал қурилиш ва божхона объектларидан фойдаланиш бўлими (бўлинмаси, гуруҳи)
Назорат ва алоқанинг техник воситалари бўлими (бўлинмаси, гуруҳи)
Кейинги таҳрирга қаранг.
Вазирлар Маҳкамасининг 1997 йил 30 июлдаги 374-сон қарорига
2а-ИЛОВА
2а-ИЛОВА
Давлат божхона қўмитасининг Қорақалпоғистон Республикаси, вилоятлар, Тошкент шаҳар бошқармалари аппаратининг ва ихтисослаштирилган божхона комплексларининг
НАМУНАВИЙ ТУЗИЛМАСИ
Кейинги таҳрирга қаранг.
Вазирлар Маҳкамасининг 1997 йил 30 июлдаги 374-сон қарорига
3-ИЛОВА
3-ИЛОВА
Давлат божхона қўмитаси Қорақалпоғистон Республикаси, вилоятлар, Тошкент шаҳар бошқармалари божхона комплекслари ва постларининг
НАМУНАВИЙ ТУЗИЛМАСИ
Божхона комплекси (пости) бошлиғи
Божхона комплекси (пости) бошлиғининг ўринбосари-навбатчилар бошлиғи
Контрабандага ва божхона қоидалари бузилишларига қарши курашиш гуруҳи
Божхона назоратини ташкил этиш гуруҳи
Божхона тўловлари гуруҳи
Божхона статистикаси ва таҳлил гуруҳи
Эксперт
Кинолог
Тезкор гуруҳ (навбатчилар)
Кейинги таҳрирга қаранг.
Вазирлар Маҳкамасининг 1997 йил 30 июлдаги 374-сон қарорига
3а-ИЛОВА
3а-ИЛОВА
Божхона комплекси ва (пости)нинг
НАМУНАВИЙ ТУЗИЛМАСИ
Кейинги таҳрирга қаранг.
Вазирлар Маҳкамасининг 1997 йил 30 июлдаги 374-сон қарорига
4-ИЛОВА
4-ИЛОВА
Ўзбекистон Республикаси Давлат божхона қўмитаси тўғрисида
НИЗОМ
I. УМУМИЙ ҚОИДАЛАР
1. Ўзбекистон Республикаси Давлат божхона қўмитаси (кейинги ўринларда — ДБҚ деб юритилади) Ўзбекистон Республикаси Конституциясига мувофиқ давлат бошқаруви органи ҳисобланади.
Давлат божхона қўмитаси ўз ваколатлари доирасида ягона бож сиёсати ўтказилишини, божхона ишлари тўғрисидаги қонунчиликка риоя этилишини, ДБҚ органлари тизимининг самарали фаолият кўрсатишини таъминлайди.
2. Давлат божхона қўмитаси ўз фаолиятида Ўзбекистон Республикаси Конституциясига, Ўзбекистон Республикаси қонунчилиги ва халқаро битимларига, Ўзбекистон Республикаси Президентининг фармонларига, Ўзбекистон Республикаси Вазирлар Маҳкамасининг қарорларига амал қилади.
3. Давлат божхона қўмитасининг қонунчиликка мувофиқ ўз ваколатлари доирасида қабул қилган қарорлари, мулкчилик шартларидан қатъи назар, жисмоний ва юридик шахслар томонидан ижро бажарилиши мажбурийдир.
4. Давлат божхона қўмитаси органларининг тизимини қуйидагилар ташкил этади:
ДБҚ марказий аппарати;
ДБҚнинг Қорақалпоғистон Республикаси, вилоятлар, Тошкент шаҳар бошқармалари (ДБҚБ), ихтисослаштирилган божхона комплекслари (ИБК);
божхона комплекслари ва божхона постлари.
Кейинги таҳрирга қаранг.
5. ДБҚ марказий аппарати, ДБҚБ, ИБК юридик шахс ҳисобланадилар, банк муассасаларида ҳисоб-китоб, жорий ва бошқа счётларга, шу жумладан валюта счётларига, Ўзбекистон Республикаси Давлат герби тасвирланган ва ўз номи ёзилган муҳрга эга бўладилар.
6. Давлат божхона қўмитасида белгиланган тартибда моддий ёрдам, ижтимоий ҳимоя қилиш, божхона органларини ривожлантириш ва кўзда тутилмаган харажатлар махсус жамғармаси ташкил этилади.
II. ДАВЛАТ БОЖХОНА ҚЎМИТАСИ ОРГАНЛАРИНИНГ АСОСИЙ ВАЗИФАЛАРИ
7. Давлат божхона қўмитаси органларининг асосий вазифалари қуйидагилар ҳисобланади:
республиканинг иқтисодий манфаатларини ҳимоя қилиш ва белгиланган ваколатлар доирасида унинг иқтисодий хавфсизлигини таъминлаш;
республика бож сиёсати ишлаб чиқилиши ва амалга оширилишида қатнашиш;
бож қонунларига риоя қилиниши устидан назорат ўрнатиш;
бож ишларини амалга оширишда фуқароларнинг, шунингдек юридик шахсларнинг ҳуқуқ ва манфаатларини ҳимоя қилиш;
республиканинг ташқи иқтисодий алоқалари ривожланишига кўмаклашиш;
хорижий давлатларнинг божхона органлари, божхона иши масалалари билан шуғулланувчи халқаро ташкилотлар билан ҳамкорлик қилиш, халқаро божхона ва савдо ташкилотларида қатнашиш;
Ўзбекистон Республикасининг халқаро шартномалардан келиб чиқувчи божхона ишига оид мажбуриятларнинг бажарилишини таъминлаш;
бож пошлиналари, солиқлар ва бошқа бож тўловларини ундириш;
республиканинг бошқа давлатлар билан савдо-иқтисодий, валюта-молиявий муносабатларини бож-тариф тартибга солиш воситаларини ишлаб чиқиш ва самарали қўллаш;
Ўзбекистон Республикасининг божхона чегараси орқали ўтадиган товарлар ва транспорт воситалари устидан божхона текширувини таъминлаш;
республиканинг божхона чегараси орқали товар обороти ўтишини жадаллаштиришга кўмаклашувчи шарт-шароитлар яратиш;
контрабандага, божхона қонунчилиги бузилишига қарши курашиш, республиканинг божхона чегараси орқали гиёҳвандлик моддалари, психотроп ва портловчи моддалар, қурол-яроғ, валюта бойликлари, миллий бойлик ҳисобланган бадиий, маданий-тарихий ва археологик мерос буюмлари, интелектуал мулк объектлари ғайриқонуний олиб ўтилишининг олдини олиш;
божхона статистикаси ва махсус божхона тизимини юритиш, Ўзбекистон Республикаси Ҳукуматини, манфаатдор вазирликлар ва идораларни божхона ишига тегишли масалалар бўйича ахборот билан таъминлаш;
божхона иши соҳасидаги фаолият тўғрисидаги ахборотни тўплаш ва уни ишлашнинг автоматлаштирилган тизимини ишлаб чиқиш ва жорий этиш;
ташқи иқтисодий фаолиятнинг товар номенклатурасини юритиш;
кадрлар тўғри танланиши ва жой-жойига қўйилишини, ДБҚ органлари шахсий таркиби хизмат тайёргарлиги ва интизоми юқори даражада бўлишини таъминлаш, давлат органлари, корхоналар, муассасалар ва ташкилотлар учун божхона расмийлаштирилиши бўйича мутахассислар тайёрлаш ва уларнинг малакасини оширишни ташкил этиш;
Кейинги таҳрирга қаранг.
божхона брокерлари, божхона ташувчилари фаолияти, божхона ва эркин омборлар, божсиз савдо дўконлари иши, товарларга божхона ҳудудидан ташқарида, божхона ҳудудида ва божхона назорати остида қайта ишлов берилиши устидан назоратни таъминлаш;
Кейинги таҳрирга қаранг.
божхона иши соҳасида илмий-тадқиқот ишларини ва маслаҳатлар беришни ташкил этиш;
божхона органларининг моддий-техника базасини мустаҳкамлаш ва ривожлантириш, божхона атрофи инфраструктурасини ривожланишига кўмаклашиш;
Кейинги таҳрирга қаранг.
Ўзбекистон Республикаси қонунчилиги ва тузилган халқаро шартномалар ва битимлар билан белгиланадиган бошқа вазифалар.
III. ДАВЛАТ БОЖХОНА ҚЎМИТАСИ ОРГАНЛАРИНИНГ ФУНКЦИЯЛАРИ
8. ДТҚ органлари юкланган вазифаларга мувофиқ:
ягона божхона сиёсати амалга оширилишининг ҳуқуқий, иқтисодий ва ташкилий механизмаларини ишлаб чиқади, уларнинг амалда қўлланилишини таъминлайди, божхона иши соҳасида қонун ҳужжатлари ва норматив ҳужжатлар лойиҳалари тайёрланишида қатнашади;
Ўзбекистон Республикасининг халқаро шартномалари ишлаб чиқилишида қатнашиш, белгиланган тартибда ва ўз ваколатлари доирасида божхона масалалари бўйича халқаро битимлар ва шартномалар тузади;
республиканинг божхона ҳудудида давлат хавфсизлигини, жамоат тартиби, инсон ҳаёти ва саломатлиги ҳимоя қилиниши, ҳайвонлар ва ўсимликлар муҳофаза қилиниши, атроф-муҳит муҳофазаси бўйича чора-тадбирлар амалга оширилишига кўмаклашади;
белгиланган тартибда божхона назорати амалга оширилишини таъминлайди ва унинг шаклларини такомиллаштиради;
божхона қонунчилигига ва ўз ваколатлари доирасида-солиқ қонунчилигига риоя этилиши устидан назоратни такомиллаштиришга қаратилган чора-тадбирларни ишлаб чиқади ва қабул қилади;
божхона тартибга солиш воситалари қўлланилишини таъминлайди, божхона - тариф механизми ҳам шу жумлага киради, ташқи иқтисодий фаолиятни тарифли тартибга солиш усуллари, квоталаш нормалари, лицензиялаш ва декларация тақдим этиш ишлаб чиқилиши ва амалга оширилишида белгиланган тартибда қатнашади;
бож пошлиналари, солиқлар ва бошқа тўловлар давлат бюджетига ўз вақтида ва тўлиқ ўтказилишини таъминлайди;
ўз ваколатлари доирасида валюта назоратини амалга оширади;
божхона статистикаси методологиясини такомиллаштиради, божхона иши соҳасида статистика маълумотлари тўпланиши, уларга ишлов берилиши ва таҳлил қилинишини ташкил этади, республиканинг ташқи иқтисодий алоқаларини ривожлантириш, ташқи савдо ва тўлов балансини мустаҳкамлаш бўйича прогноз ҳисоб-китобларни амалга оширади ва таклифларни ишлаб чиқади;
божхона иши соҳасидаги фаолият тўғрисида ахборот тўпланиши ва ишлаб чиқилиши ҳамда автоматлаштирилган тизим жорий этилишини юритади, шунингдек божхона статистика маълумотларини тегишли идоралар ва манфаатдор органларга тақдим этади;
контрабанданинг, божхона қонунчилигининг, ўз ваколатлари доирасида солиқ қонунчилиги бузилишининг олдини олиш ва уларга барҳам бериш чора-тадбирларини мустақил равишда ёки ҳуқуқни муҳофаза қилиш органлари билан ўзаро ҳамкорликда ишлаб чиқади ва қўллайди, шунингдек халқаро терроризмга ва Ўзбекистон аэропортларида халқаро фуқаро авиацияси фаолиятига ғайриқонуний аралашишга қарши курашишга кўмаклашиш бўйича чора-тадбирларни ишлаб чиқади ва қўллайди;
божхона органлари ваколатига тегишли бўлган ишлар бўйича суриштирув ва қонунчиликка мувофиқ божхона қоидалари бузилиши тўғрисидаги ишларни кўриб чиқади;
Кейинги таҳрирга қаранг.
юридик ва жисмоний шахсларга нисбатан қонунчиликда назарда тутилган божхона қоидалари бузилганлиги учун таъсир кўрсатиш чораларини белгиланган тартибда қўллайди;
LexUZ шарҳиҚаранг:Ўзбекистон Республикаси Жиноят кодексининг 182-моддаси.
гиёҳвандлик воситалари, психотроп ва портловчи моддалар, қурол-яроғ республиканинг божхона чегараси орқали ғайриқонуний олиб ўтилишининг олдини олиш чора-тадбирларини ишлаб чиқади ва қўллайди;
республиканинг ва хорижий давлатларнинг ваколатли органлари билан биргаликда гиёҳвандлик воситалари ва психотроп моддалар назорат остида етказиб берилишини амалга оширади;
Миллий хавфсизлик хизмати ва ички ишлар органлари билан ўзаро ҳамкорликда қонунчиликда белгиланган тартибда тезкор-қидирув фаолиятини амалга оширади;
Кейинги таҳрирга қаранг.
айбдорларни жавобгарликка тортиш тўғрисидаги масалан божхона органлари ваколатлари доирасидан ташқарига чиққанда қонун бузилишлари фактлари бўйича материалларни тергов, суд органлари ва бошқа органларга топширади;
божхона органларининг мансабдор шахслари томонидан қонунийликка риоя этилиши устидан назоратни амалга оширади, божхона органлари мансабдор шахсларининг хатти-ҳаракатлари ва қарорлари устидан тушган вилоятлар ва эътирозларни белгиланган тартибда кўриб чиқади;
божхона органларига юкланган вазифалар ва функциялар амалга оширилишини таъминловчи илмий-техник хизматлар, лабораториялар, уқув марказлари, бошқа корхоналар ва ташкилотларни ташкил этади;
божхона органлари ходимларини, шунингдек давлат органлари, корхоналар, муассасалар ва ташкилотлар учун божхона расмийлаштирилиши бўйича мутахассисларини тайёрлайди, қайта тайёрлайди ва уларнинг малакасини оширади;
Кейинги таҳрирга қаранг.
божхона ва эркин омборлар, божсиз савдо дўконлари, божхона брокерлари ва божхона ташувчилари, товарларга божхона ҳудудидан ташқарида, божхона ҳудудида ёки божхона назорати остида ишлов бериш устидан назоратни амалга оширади, шунингдек қонунчиликда белгиланган тартибда фаолиятнинг санаб ўтилган турларини амалга ошириш ҳуқуқига рухсатномалар беради;
Кейинги таҳрирга қаранг.
халқаро божхона ва савдо ташкилотларида қатнашади, хорижий давлатларнинг божхона органлари, божхона иши масалалари билан шуғулланувчи халқаро ташкилотлар билан ҳамкорлик қилади, қонунчиликда белгиланган тартибда хорижий мамлакатларнинг божхона хизматлари билан ахборотни ўзаро айирбошлайди;
LexUZ шарҳиҚаранг: Ўзбекистон Республикасининг «Давлат божхона хизмати тўғрисида»ги Қонуни.
божхона органларининг моддий-техника базасини ривожлантириш ва мустаҳкамлаш чора-тадбирларини ишлаб чиқади, ташқи савдо юкларини божхона расмийлаштириши учун пунктлар тармоғини ва божхона инфраструктурасининг бошқа объектларини кенгайтириш ҳам шу жумлага киради;
ДБҚнинг моддий ёрдам, ижтимоий ҳимоя қилиш, божхона органларини ривожлантириш ва кўзда тутилмаган харажатлар махсус жамғармасига тушадиган маблағлар ҳисобига республикада божхона ишини ривожлантириш чора-тадбирларини маблағ билан таъминлайди;
Олдинги таҳрирга қаранг.
хавфли юклар, қурол-яроғлар, ҳарбий техника, ҳарбий мол-мулклар, портловчи моддалар ва буюмлар, шунингдек ҳарбий таркиблар транзити чоғида қонунчиликка мувофиқ хулосалар беради ва назоратни амалга оширади.
(8-банд Ўзбекистон Республикаси Вазирлар Маҳкамасининг 2002 йил 1 майдаги 150-сонли қарорига асосан хатбоши билан тўлдирилган — ЎР ҚҲТ, 2002 й., 9-сон, 66-модда)
LexUZ шарҳиҚаранг: Ўзбекистон Республикасининг «Давлат божхона хизмати тўғрисида»ги Қонуни.
Кейинги таҳрирга қаранг.
Давлат божхона қўмитасига қонунчилик билан бошқа функциялар ҳам юкланиши мумкин.
IV. ДАВЛАТ БОЖХОНА ҚЎМИТАСИ ОРГАНЛАРИНИНГ ҲУҚУҚЛАРИ
9. ДБҚ органлари юкланган вазифаларни самарали бажариш мақсадида қонунчиликда белгиланган тартибда қуйидаги ҳуқуқларга эга бўлади:
божхона ҳуқуқ бузилишларини аниқлашнинг техник ва махсус воситаларини қўллаш;
божхона органлари ваколатига тегишли бўлган ишлар бўйича суриштирув олиб бориш;
Кейинги таҳрирга қаранг.
божхона қоидалари бузилиши тўғрисидаги ишларни юритиш, бундай ишларни кўриб чиқиш ҳамда юридик ва жисмоний шахсларга нисбатан божхона қонунчилиги бузилганлиги учун таъсир кўрсатиш чораларини қўллаш, уларнинг олдини олиш чора-тадбирларини ишлаб чиқиш ва қўллаш;
тезкор-қидирув фаолиятини амалга ошириш;
божхона назоратидан ўтказилиши керак бўлган товарлар ва транспорт воситалари кўздан кечирилиши (қайта кўздан кечирилиши)ни ҳамда уларга ҳужжатлар тақдим этилишини талаб этиш; товарлар ва транспорт воситаларини кўздан кечириш (қайта кўздан кечириш), етарлича асослар мавжуд бўлганда эса-жисмоний шахсларни шахсан кўздан кечириш;
бевосита божхона ҳуқуқ бузилишлари буюмлари ҳисобланган товарлар, транспорт воситалари ва бошқа буюмларни ушлаш ва олиб қўйиш;
Олдинги таҳрирга қаранг.
экспорт қилиш тақиқланган буюмлар ва маҳсулотларни Ўзбекистон Республикаси ташқарисига чиқаришда, шунингдек, акциз маркалари билан маркаланмаган тамаки маҳсулотлари ва спиртли ичимликларни Ўзбекистон Республикаси ҳудудига келтиришда, транспортда ташишда (халқаро транзитдан ташқари) ва сақлашда мусодара қилиш тўғрисида қарор қабул қилиш
Кейинги таҳрирга қаранг.
(9-банд Ўзбекистон Республикаси Вазирлар Маҳкамасининг 1997 йил 7 августдаги 392-сонли қарорига мувофиқ саккизинчи хатбоши билан тўлдирилган)
транспорт воситаларини мажбуран тўхтатиш, Ўзбекистон Республикаси бож ҳудудини божхона органларининг рухсатисиз тарк этган денгиз, дарё ва ҳаво кемаларини қайтариш;
пломбаларни очиш, багажниклар, юк бўлмалари, транспорт воситалари кузовлари, контейнерлар ва бошқа транспорт тарасининг тамба қурилмаларини очиш;
мулкчилик шаклларидан қатъи назар, юрдик ва жисмоний шахсларнинг божхона назоратидан ўтиши керак бўлган товарлари ва транспорт воситалари турган ҳудудига ва биноларига тусиқсиз кириш, шунингдек назорат қилиш божхона органларига юкланган фаолиятни амалга ошириш;
товарлар ва бошқа буюмлар пробалари ва намуналарини олиб қўйиш уларни тадқиқ (экспертиза) қилиш;
шахсдан унинг ваколатларини тасдиқловчи ҳужжатларни талаб қилиш;
вазирликлар, идоралар, маҳаллий ҳокимият органларидан, Ўзбекистон Республикаси ҳудудида жойлашган юридик ва жисмоний шахслардан (мулкчилик шакллари ва идоравий бўйсунишидан қатъи назар) божхона иши (назорати)ни амалга ошириш учун зарур бўлган маълумотлар, материаллар ва ҳужжатларни сўраш ва олиш;
хўжалик юритувчи субъектларнинг ҳисоб-китоб счётларидан божхона тўловлари ва (ёки) жазо жарималари сўзсиз тартибда ўтказилиши тўғрисида, божхона тўловлари ва (ёки) жазо жарималари бюджетдан хўжалик юритувчи субъектлар счётига қайтарилиши тўғрисида банкларга ва бошқа молия-кредит муассасаларига белгиланган тартибда топшириқлар бериш;
Кейинги таҳрирга қаранг.
Олдинги таҳрирга қаранг.
кўрсатиб ўтилган топшириқ кечиктирилган ёки бажарилмаган ҳар бир кун учун ўтказилиши ёки қайтарилиши керак бўлган божхона тўловлари ва (ёки) жазо жарималари суммасидан банклардан ёки бошқа молия-кредит муассасаларидан, шунингдек хўжалик субъектларидан 0,07 фоиз миқдорида божхона тўловлари ва (ёки) жазо жарималари тўлаш муддати кечиктириб юборилган ҳар бир кун учун белгиланган тартибда 0,5 фоиз миқдорида пеня ундириш;
Кейинги таҳрирга қаранг.
(9-банднинг ўн олтинчи хатбоши Ўзбекистон Республикаси Вазирлар Маҳкамасининг 2003 йил 25 декабрдаги 567-сонли қарори таҳририда — ЎР ҚҲТ, 2006 й., 31-32-сон, 315-модда)
Ўзбекистон Республикаси Молия вазирлиги билан келишилган ҳолда божхона йиғимлари ставкаларини белгилаш;
божхона ва эркин омборларни, божсиз савдо дўконларини очиш, божхона ҳудудидан ташқарида, божхона ҳудудида ёки божхона назорати остида товарларни қайта ишлаш ҳуқуқига рухсатномалар бериш, божхона брокерлари ва божхона ташувчилари сифатидаги фаолиятни амалга ошириш;
Кейинги таҳрирга қаранг.
ташқи иқтисодий алоқалар қатнашчиларининг ташқи иқтисодий фаолиятини тўхтатиш тўғрисида белгиланган сабаблари кўрсатилган тақдимнома киритиш;
божхона назоратини амалга оширишга кўмаклашиш учун мутахассислар ва экспертларни жалб қилиш;
ўз ваколатлари доирасида божхона назорати остидаги товарларни қайта рўйхатдан ўтказиш ва ташқи иқтисодий алоқалар қатнашчиларининг молия-хўжалик фаолиятини текшириш.
Кейинги таҳрирга қаранг.
10. Божхона органларининг мансабдор шахслари хизмат вазифаларини бажариш чоғида табель ўқотор қуролини ва якка тартибда ҳимояланиш воситаларини олиб юриш, сақлаш, қўллаш ва фойдаланиш ҳуқуқига эга бўладилар.
V. ДАВЛАТ БОЖХОНА ҚЎМИТАСИ ФАОЛИЯТИНИ ТАШКИЛ ЭТИШ
11. Давлат божхона қўмитасига Ўзбекистон Республикаси Президентининг Фармони билан тайинланадиган кейинчалик Ўзбекистон Республикаси Олий Мажлиси сессиясида тасдиқланадиган Раис бошчилик қилади.
Кейинги таҳрирга қаранг.
ДБҚ Раисининг биринчи ўринбосари ва ўринбосарлари, ДБҚБ ва ИБҚ бошлиқлари ДБҚ Раисининг тақдимномасига кўра Ўзбекистон Республикаси Вазирлар Маҳкамасининг қарори билан тайинланадилар.
Раис ўринбосарлари ўртасида вазифаларни тақсимлаш ДБҚ Раиси томонидан амалга оширилади.
Кейинги таҳрирга қаранг.
12. Давлат божхона қўмитаси Қўмита Раиси — Ҳайъат Раиси, унинг ўринбосарлари ва ДБҚнинг бошқа раҳбар ходимларидан иборат таркибда 9 кишидан иборат Ҳайъат ташкил этилади.
Ҳайъат аъзоларининг шахсий таркиби ДБҚ Раисининг тақдимномасига кўра Ўзбекистон Республикаси Вазирлар Маҳкамаси томонидан тасдиқланади.
ДБҚ Ҳайъатининг Иш тартиби унинг Раиси томонидан амалга оширилади.
Ҳайъат қарорлари ДБҚ Раиси буйруқлари билан амалга оширилади.
Ҳайъатнинг бошқа вазирликлар ва идоралар билан биргаликда қабул қилган қарорлари ДБҚ Раиси ҳамда тегишли вазирликлар ва идоралар раҳбарларининг қўшма буйруқлари билан амалга оширилади.
Кейинги таҳрирга қаранг.
13. Божхона органлари фаолиятини такомиллаштириш, уларнинг илмий, ижтимоий ва моддий-техникавий ривожланиши, кадрлар билан таъминлаш масалаларини, бошқарув қарорлари ва тавсиялари келишилган ҳолда ишлаб чиқилишини комплекс ҳал этиш учун ДБҚда кенгашлар ва комиссиялар ташкил этилади, улар тўғрисидаги низом ДБҚ Раиси томонидан тасдиқланади.
VI. ДАВЛАТ БОЖХОНА ҚЎМИТАСИ РАИСИНИНГ ҲУҚУҚ ВА ВАЗИФАЛАРИ
14. ДБҚ Раиси.
Давлат божхона қўмитаси томонидан ўзига юкланган вазифаларнинг бажарилиши ва у ўз функцияларининг амалга оширилиши учун шахсан жавоб беради;
ДБҚ органлари тизимига умумий раҳбарликни таъминлайди;
ДБҚ марказий аппарати, ДБҚБ ва ИБҚ штат жадвалини тасдиқлайди;
ДБҚ, ДБҚБ ва ИБҚ тажрибий бўлинмалари тўғрисидаги низомни тасдиқлайди;
зарурат бўлганда ДБҚ марказий аппарати, ДБҚБ ва ИБҚ нинг тасдиқланган тузилмасига белгиланган ходимлар сони ва меҳнатга ҳақ тўлаш фонди доирасида ўзгартиришлар киритади;
Кейинги таҳрирга қаранг.
божхона органларининг контрабанда, божхона қонунчилигини бузиш тўғрисидаги ишлар бўйича суриштирув олиб борувчи, божхона қоидалари бузилиши тўғрисидаги ишларни олиб борувчи ва уларни кўриб чиқувчи мансабдор шахслари рўйхатини аниқлайди;
ДБҚ мансабдор шахслари, ишчи ва хизматчиларини рағбатлантириш ва жазолаш тўғрисида қарорлар қабул қилади;
ўз ваколатлари доирасида божхона органларининг мансабдор шахсларига махсус унвонлар беради;
ўз ваколатлари доирасида буйруқлар, йўриқномалар ва норматив ҳужжатлар чиқаради, шу жумладан, мулкчилик шаклларидан қатъи назар, барча жисмоний ва юридик шахслар бажариши мажбурий бўлган буйруқлар йўриқномалар ва норматив ҳужжатлар чиқаради, уларнинг бажарилишини текширишини ташкил этади;
божхона органларининг ўрнак кўрсатган ходимларини ва божхона ишига кўмаклашган фуқароларни мукофотларга ва Ўзбекистон Республикасининг фахрий унвонларини бериш, кўкрак нишонлари, фахрий ёрлиқлар ва рағбатлантиришнинг бошқа турлари билан мукофотлаш тўғрисида таклифлар киритади;
қонунчилик томонидан ўз ваколатига киритилган бошқа масалалар бўйича қарорлар қабул қилади.
VII. ДАВЛАТ БОЖХОНА ҚЎМИТАСИ ҚАРОРЛАРИ ВА УЛАРНИНГ ҲУҚУҚИЙ ҲОЛАТИ
15. Мансабдор шахслар, ишчи ва хизматчилар Давлат божхона қўмитасининг кадрларини ташкил этади.
16. Мансабдор шахсларга божхона органларида штатдаги лавозимни эгаллаб турган ёки божхона органларида бошлиқлар таркиби махсус унвонлари берилган кадрлар киради.
17. Божхона органларининг мансабдор шахсларига бошлиқлар таркибининг қуйидаги махсус унвонлари берилади:
Кейинги таҳрирга қаранг.
кичик бошлиқлар таркиби:
божхона хизмати старшинаси;
ўрта бошлиқлар таркиби:
божхона хизмати кичик лейтенанти;
божхона хизмати лейтенанти;
божхона хизмати катта лейтенанти;
божхона хизмати капитани;
катта бошлиқлар таркиби:
божхона хизмати майори;
божхона хизмати подполковниги;
божхона хизмати полковниги;
юқори бошлиқлар таркиби:
божхона хизмати генерал-майори;
божхона хизмати генерал-лейтенанти;
божхона хизмати генерал-полковниги.
Божхона органлари мансабдор шахсларига махсус унвонлар бериш ва бу унвонлардан маҳрум қилиш тартиби ички ишлар органлари ходимларига татбиқан белгиланади.
18. Божхона органлари мансабдор шахслари махсус унвонлари хизмат муддати ички ишлар органлари бошлиқлар таркиби тегишли махсус унвонлари учун белгиланган муддатларга татбиқан белгиланади.
Кейинги таҳрирга қаранг.
19. Божхона органларининг махсус унвонлари, божхона хизмати полковниги ҳам шу жумлага киради, ДБҚ Раиси томонидан берилади, божхона хизмати генерал-майоридан божхона хизмати генерал-полкавнигигача бошлиқлар таркиби махсус унвонлари ДБҚ Раиси тақдимномасига кўра Ўзбекистон Республикаси Президенти томонидан берилади.
20. Божхона органлари мансабдор шахсларига шахсий тартиб рақамлари берилади ва хизмат гувоҳномалари ҳамда Давлат божхона қўмитаси томонидан белгиланган намунадаги жетонлар берилади.
21. Божхона органлари бошлиқлар таркиби лавозимига тайинланган ҳарбий хизматга мажбурлар ҳарбий ҳисобдан белгиланган тартибда чиқадилар ва давлат божхона қўмитасида махсус ҳисобга турадилар.
22. Божхона органларининг мансабдор шахслари бюджет маблағлари ва қонунчиликда белгиланган бошқа манбалар ҳисобига мажбурий шахсий суғурта қилиниши керак.
23. Божхона органларининг мансабдор шахсларига ички ишлар органлари ходимлари учун белгиланган барча ҳуқуқ ва имтиёзлар, шу жумладан мансаб окладлари, махсус унвонлар ва муддатли хизмати учун устамалар, бошқа тўловлар ва ижтимоий ҳимоянинг ўзга шартлари, шахсий ва мулкий ҳуқуқларни қўриқлаш татбиқ этилади.
24. Божхона органларининг мансабдор шахслари белгиланган нормаларга мувофиқ формали кийим билан текин таъминланади.
25. Божхона органлари мансабдор шахсларини рағбатлантириш ва уларга танбеҳлар бериш шартлари Ички ишлар органлари интизомий уставига татбиқан белгиланади.
Кейинги таҳрирга қаранг.
26. Божхона органларининг мансабдор шахслари тегишли вазирликлар ва идораларнинг розилиги бўйича давлат божхона қўмитасининг қарорлари билан Қуролли Кучларга, Миллий хавфсизлик хизмати қўшинлари ва органларига, Фавқулодда вазиятлар вазирлигига, Ўзбекистон Республикаси Президентининг қарори билан ташкил этиладиган ҳарбийлаштирилган тузилмаларга, ички қўшинларга, шунингдек ички ишлар органларига ўтказилиши ва улар шахсий тартибда ҳақиқий ҳарбий хизматга ёки хизматни бундан кейин давом эттиришга юборишлари муносабати билан қайта ўтказилиши мумкин.
Кейинги таҳрирга қаранг.
Прокуратура органлари терговчиларини тергов ва суриштириш билан боғлиқ божхона органларига ишга ўтказишда ҳам ана шундай тартиб қўлланилиши мумкин.
27. Божхона органлари мансабдор шахслари томонидан юридик ва жисмоний шахслардан нотўғри ундириб олинган бож тўловлари қайтарилиши ёки бўлажак тўловлар ҳисобига ўтказилиши керак, божхона органлари мансабдор шахсларининг ҳуқуққа хилоф ҳаракатлари билан етказилган зарар эса ички ишлар органлари ходимлари учун қонунчилик томонидан белгиланган тартибда ундирилиши керак.
LexUZ шарҳиҚаранг: Ўзбекистон Республикасининг «Суд ҳужжатлари ва бошқа органлар ҳужжатларини ижро этиш тўғрисида»ги Қонуни.
28. ДБҚ ишчи ва хизматчилари меҳнат шароитлари Ўзбекистон Республикасининг меҳнат тўғрисидаги қонунлари билан тартибга солинади.
(Ўзбекистон Республикаси Ҳукуматининг қарорлари тўплами, 1997 й., 7-сон, 26-модда; Ўзбекистон Республикаси қонун ҳужжатлари тўплами, 2002 й., 9-сон, 66-модда; 2003 й., 20-сон, 187-модда; 2003 й., 22-сон, 223-модда; 2003 й., 24-сон, 241-модда; 2004 й., 43-сон, 456-модда; 2006 й., 10-сон, 75-модда; 2006 й., 31-32-сон, 315-модда; 2006 й., 46-47-сон, 458-модда; 2007 й., 1-2-сон, 10-модда; 2010 й., 14-15-сон, 106-модда, 23-сон, 183-модда; 2011 й., 43-44-сон, 467-модда; 2012 й., 15-сон, 172-модда; 2013 й., 52-сон, 690-модда; 2014 й., 35-сон, 446-модда; 2016 й., 17-сон, 176-модда; Қонун ҳужжатлари маълумотлари миллий базаси, 04.12.2017 й., 09/17/960/0355-сон; 09.02.2018 й., 09/18/101/0684-сон, 01.06.2018 й., 09/18/396/1287-сон, 19.07.2018 й., 09/18/553/1538-сон; 17.04.2020 й., 09/20/234/0453-сон, 06.08.2020 й., 09/20/463/1141-сон; Қонунчилик маълумотлари миллий базаси, 30.06.2021 й., 09/21/402/0618-сон; 07.10.2025 й., 09/25/627/0901-сон)
