|
Ҳужжат кучини йўқотган " " 07.12.2019
|
Ҳужжат 01.07.1998 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
ЎЗБЕКИСТОН ПОЧТА ВА ТЕЛЕКОММУНИКАЦИЯ АГЕНТЛИГИНИНГ МАХСУС АВАРИЯ-ТИКЛАШ БОШҚАРМАСИ ФАОЛИЯТИНИ ТАШКИЛ ЭТИШ ТЎҒРИСИДА
Кейинги таҳрирга қаранг.
[Кўчирма]
LexUZ шарҳиМазкур қарор Ўзбекистон Республикаси Вазирлар Маҳкамасининг 2019 йил 6 декабрдаги 973-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўсмирларни ҳарбий-ватанпарварлик руҳида тарбиялаш ҳамда Ўзбекистон Республикаси Қуролли Кучлари ва давлат хизмати учун кадрлар захирасини тайёрлаш тизимини такомиллаштиришга оид қўшимча чора-тадбирлар тўғрисида» 2019 йил 28 июндаги ПҚ-4375-сон қарори)» қарорига асосан ўз кучини йўқотган.
Ўзбекистон почта ва телекоммуникациялар агентлигининг доимий тайёр турувчи авария-тиклаш бўлинмаларини табиий ва техноген тусдаги фавқулоддаги вазиятларни бартараф этиш бўйича ишларни амалга ошириш чоғида бошқаришни ҳамда уларнинг профессионал тайёргарлигини яхшилаш мақсадида Вазирлар Маҳкамаси қарор қилади:
Кейинги таҳрирга қаранг.
1. 15361-ҳарбий қисм (Ўзбекистон почта ва телекоммуникациялар агентлигининг 24-алоҳида алоқа бригадаси) Ўзбекистон почта ва телекоммуникациялар агентлигининг Махсус ахборот-тиклаш бошқармаси этиб қайта ташкил қилинсин.
Кейинги таҳрирга қаранг.
Қайта ташкил қилиш 15361-ҳарбий қисмни таъминлаш учун бюджет сметасида назарда тутилган пул маблағларини кўпайтирмасдан амалга оширилсин.
2. Ўзбекистон почта ва телекоммуникациялар агентлигининг Махсус авария-тиклаш бошқармаси тўғрисидаги низом 1-иловага ҳамда унинг ташкилий тузилмаси тасдиқлансин.
Кейинги таҳрирга қаранг.
3. Белгилаб қўйилсинки, Махсус авария-тиклаш бошқармаси харажатларини маблағ билан таъминлаш Ўзбекистон Республикаси бюджет маблағлари ҳисобига амалга оширилади.
Ўзбекистон Республикаси Макроиқтисодиёт ва статистика вазирлиги ҳамда Молия вазирлиги ҳар йили қурилишлар инвестиция дастурида Ўзбекистон почта ва телекоммуникациялар агентлигининг Махсус авария-тиклаш бошқармасига асосий фондларни реконструкция қилиш ва ривожлантириш учун капитал қўйилмалар ҳамда молиявий маблағлар ажратилишини назарда тутсинлар.
Кейинги таҳрирга қаранг.
4. Махсус авария-тиклаш бошқармасининг ҳарбий хизматчилари, ходимлари ва мутахассислари хизматни ўташ масалалари, меҳнатга ҳақ тўлаш, пенсия таъминоти, тиббий ва маиший хизмат кўрсатиш шарт-шароитлари бўйича, шу жумладан уларнинг оила аъзолари, Ўзбекистон Республикаси Фавқулодда вазиятлар вазирлиги ҳарбий хизматчилари, ходимлари ва мутахассисларининг тегишли тоифаларига тенглаштирилсин.
5. Белгилансинки:
Махсус авария-тиклаш бошқармасининг контракт бўйича олинган зобитлари, прапоршчиклари ва ҳарбий хизматчиларини бутлаш, лавозимга тайинлаш, уларга ҳарбий унвонлар бериш, уларни захирага (истеъфога) бўшатиш, пенсия билан таъминлаш бошқарма бошлиғининг такдимномасига биноан Ўзбекистон Республикаси Фавқулодда вазиятлар вазирлиги томонидан амалга оширилади;
Кейинги таҳрирга қаранг.
Махсус авария-тиклаш бошқармасини муддатли хизмат ҳарбий хизматчилари билан бутлаш белгиланган тартибда, бошқарма бошлиғининг буюртманомасига биноан Ўзбекистон Республикаси Мудофаа вазирлиги орқали амалга оширилади.
6. Ўзбекистон Республикаси Вазирлар Маҳкамасининг «Ўзбекистон почта ва телекоммуникациялар агентлиги фаолиятини ташкил этиш тўғрисида» 1997 йил 31 июлдаги 380-сон қарорига 1, 1а, 2а-иловалардаги «15361-ҳарбий қисм» сўзлари «Махсус авария-тиклаш бошқармаси (15361-ҳарбий қисм)» сўзлари билан алмаштирилсин.
Вазирлар Маҳкамасининг «Ўзбекистон Республикаси Фавқулодда вазиятлар вазирлигининг фаолиятини ташкил этиш масалалари тўғрисида» 1996 йил 11 апрелдаги 143-сон қарорининг 11-банди қуйидаги мазмундаги хатбоши билан тўлдирилсин:
«Ўзбекистон почта ва телекоммуникациялар агентлигининг Махсус авария-тиклаш бошқармаси (15361-ҳарбий қисм)га»;
Кейинги таҳрирга қаранг.
7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари И.Ҳ. Жўрабеков зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1998 йил 1 июль,
274-сон
Ўзбекистон почта ва телекоммуникациялар агентлигининг махсус авария-тиклаш бошқармаси тўғрисида
НИЗОМ
Кейинги таҳрирга қаранг.
I. Умумий қоидалар
1. Махсус авария-тиклаш бошқармаси (15361-ҳарбий қисм), кейинги ўринларда «Бошқарма» деб аталади, Ўзбекистон почта ва телекоммуникациялар агентлигининг таркибий бўлинмаси ҳисобланади
Кейинги таҳрирга қаранг.
2. Бошқарма ўз фаолиятида Ўзбекистон Республикаси Конституциясига, Ўзбекистон Республикаси қонунларига, Ўзбекистон Республикаси Олий Мажлисининг бошқа қарорларига Ўзбекистон Республикаси Президентининг фармонларига, Ўзбекистон Республикаси Вазирлар Маҳкамасининг қарорлари ва фармойишларига, Қуролли Кучларнинг умум қўшин уставларига, Фавқулодда вазиятлар вазирлиги ҳамда Ўзбекистон почта ва телекоммуникациялар агентлигининг буйруқлари ва директиваларига, шунингдек мазкур Низомга амал қилади.
Кейинги таҳрирга қаранг.
3. Бошқарманинг шахсий таркиби:
а) Зобитлардан;
б) Контракт бўйича хизматни ўтаётган прапоршиклар, старшиналар, сержантлардан;
в) Ҳақиқий муддатли ҳарбий хизматга чақирилган ҳарбий хизматчилардан;
г) Қуролли Кучлар ишчи ва хизматчиларидан иборат бўлади.
Кейинги таҳрирга қаранг.
4. Фавқулотда вазиятлар ва уларнинг оқибатларини тугатиш даврида бошқарма бажарадиган авария-тиклаш ишларига Ўзбекистон Республикаси Фавқулотда вазиятлар вазирлиги оператив раҳбарлик қилади.
Кейинги таҳрирга қаранг.
5. Бошқарма ҳарбий хизматчилари ҳарбий хизматда бўладилар. Улар шу жумладан уларнинг оилалари белгиланган таъминот, ҳуқуқлар ва имтиёзларнинг барча турларидан Ўзбекистон Республикаси Фавқулотда вазиятлар вазирлиги нормалари бўйича фойдаланадилар.
6. Бошқарма шахсий таркиби Ўзбекистон Республикаси Фавқулотда вазиятлар вазирлиги ҳарбий хизматчилари учун қабул қилинган кийим-бошга, эмблема ва фарқланиш белгиларига эга бўладилар.
Кейинги таҳрирга қаранг.
7. Бошқарма ўз фаолиятини Ўзбекистон почта ва телекоммуникациялар агентлигининг бошқа бўлимлари (бўлинмалари) ва бошқармалари, шунингдек Фавқулотда вазиятлар вазирлиги, Мудофаа вазирлиги, Миллий хавфсизлик хизмати, Ички ишлар вазирлиги бошқа бўлинмалари ва хизматлари билан ўзаро хамкорликда амалга оширади.
Кейинги таҳрирга қаранг.
8. Бошқарманинг оператив, махсус ва бошқа транспорт воситалари давлат автомобиль назорати органларида рўйхатдан ўтказилиши керак ва белгиланган тартибда тасдиқланган таниш белгилари, махсус сигналлар ва алоқа воситалари билан жиҳозланади.
9. Бошқарма юридик шахс ҳисобланади, Ўзбекистон Республикаси Давлат герби тасвирланган, ўз номи Ўзбекистон Республикасининг давлат тилида ёзилган муҳрга эга бўлади.
II. Бошқарманинг асосий вазифалари
10. Қуйидагилар Бошқарманинг асосий вазифалари ҳисобланади:
а) тинч даврда:
Ўзбекистон Республикаси алоқа объектлари ва телекоммуникация тармоқларида авария-тиклаш ишларини бажариш;
сафарбарлик захирасининг моддий воситаларини ҳамда фавқулодда вазиятларда авария-тиклаш ишларини бажариш учун захирани жамлаш ва сифатли сақлаш;
Ўзбекистон почта ва телекоммуникациялар агентлигининг махсус ҳарбий бўлинмаларини сафарбарлик шайлиги режасини ишлаб чиқиш ва режанинг амалга оширилишига тайёргарлик қўриш;
Кейинги таҳрирга қаранг.
Бошқармани мўлжалланган вазифаларни бажаришга доимий равишда юксак жанговар тайёр ҳолда сақлаш;
«Дам олиш уйи» махсус объектининг алоқа узелини ва бошқарув пунктлари ҳаракатчан алоқа воситаларини сақлаш ва улардан фойдаланиш;
Кейинги таҳрирга қаранг.
Ўзбекистон почта ва телекоммуникациялар агентлиги алоқа тизимининг алоҳида муҳим ва тоифали объектларини ҳарбийлаштирилган қўриқлаш;
Кейинги таҳрирга қаранг.
муддатли хизмат шахсий таркибини кейинчалик Ўзбекистон Республикаси Мудофаа вазирлигининг мудофаа ишлари бўйича бошқармалари ва бўлимлари орқали махсус бўлинмаларга биркитиб қўйган ҳолда Бошқарма ўқув марказида ўқитиш;
Бошқарма шахсий таркибини Ўзбекистон Республикасига, унинг халқига, ҳарбий қасамёдга, ҳарбий бурчга садоқат, Ватан тарихи ва анъаналарига чуқур ҳурмат, Ўзбекистон Республикаси Конституциясини, қонунларни сўзсиз бажариш ва командирлар (бошлиқлар)га онгли равишда бўйсуниш руҳида тарбиялаш;
жанговар тайёргарлиқ алоқанинг алоҳида муҳим ва тоифали объектларини қўриқлаш масалалари бўйича Ўзбекистон Республикаси Фавқулодда вазиятлар вазирлиги, Мудофаа вазирлиги, Ички ишлар вазирлиги, Миллий хавфсизлик хизмати билан ўзаро ҳамкорлик қилиш ва бошқа махсус вазифаларни бажариш.
Кейинги таҳрирга қаранг.
III. Бошқарманинг шахсий таркибини бутлаш ва хизматни ўташ
11. Бошқармани контракт бўйича зобитлар, прапоршчиклар ва ҳарбий хизматчилар билан бутлаш Ўзбекистон Республикаси Фавқулодда вазиятлар вазирлиги орқали амалга оширилади.
Кейинги таҳрирга қаранг.
12. Бошқарма бошлиғи ва унинг ўринбосарлари, Ўзбекистон почта ва телекоммуникациялар агентлигининг Бош директори ва Фавқулодда вазиятлар вазирининг қўшма буйруғи билан лавозимга тайинланади.
Кейинги таҳрирга қаранг.
13. Бошқарманинг таркибий бўлинмаларида мансабдор шахслар бошқарма бошлиғи томонидан тайинланади, зобитлар ва прапоршчикларга ҳарбий унвонлар Бошқарма бошлиғининг тақдимномасига қўра Фавқулодда вазиятлар вазирлиги томонидан берилади.
Кейинги таҳрирга қаранг.
14. Контракт бўйича ҳарбий хизматчиларни қабул қилиш, тайинлаш ва бўшатиш Фавқулодда вазиятлар вазирлиги билан келишган ҳолда амалга оширилади.
15. Контракт бўйича ҳарбий хизматчиларнинг Бошқарма ичида бир лавозимдан бошқасига ўтиши Бошқарма бошлиғининг буйруғи билан амалга оширилади.
16. Контракт бўйича ҳарбий хизматчиларга «старшина» унвонигача, шунингдек эгаллаб турган штатдаги лавозими бўйича назарда тутилганидан бир босқич юқори унвонгача ҳарбий унвонлар бериш Бошқарма бошлиғининг буйруғи билан амалга оширилади.
Кейинги таҳрирга қаранг.
17. Бошқармани муддатли ҳарбий хизматчилар билан бутлаш Бошқарма бошлиғининг буюртманомаси бўйича белгиланган тартибда Ўзбекистон Республикаси Мудофаа вазирлиги орқали амалга оширилади.
IV. Молиявий таъминоти
18. Бошқарма сарф-харажатлари Ўзбекистон Республикаси бюджети маблағлари ҳисобига маблағ билан таъминланади.
19. Бошқарманинг объектларини қўриқловчи идорадан ташқари қўриқлаш бўлинмалари харажатларини маблағ билан таъминлаш давлат бюджети ҳисобига Ўзбекистон почта ва телекоммуникациялар агентлиги тизимининг нодавлат мулки объектларини қўриқлашни маблағ билан таъминлаш Бошқарма билан тузилган контрактларга мувофиқ ушбу объектлар маблағлари ҳисобига амалга оширилади.
Кейинги таҳрирга қаранг.
20. Харажатларнинг йиллик бюджет сметасини Ўзбекистон почта ва телекоммуникациялар агентлиги Бош директори тасдиқлайди.
Кейинги таҳрирга қаранг.
21. Бошқармани маблағ билан таъминлаш ҳар ойда бир йилга тасдиқланган сметанинг ўн иккидан бир қисми доирасида амалга оширилади.
22. Сафарбарлик захирасига ғамланадиган моддий бойликларга ва фавқулодда вазиятлар давридаги захирага ҳақ тўлаш белгиланган тартибда Ўзбекистон Республикаси Вазирлар Маҳкамаси ҳузуридаги Давлат моддий захиралари бош бошқармаси томонидан амалга оширилади.
Кейинги таҳрирга қаранг.
23. Бошқарманинг молия-хўжалик фаолияти Ўзбекистон почта ва телекоммуникациялар агентлиги Ўзбекистон Республикаси Молия вазирлиги томонидан назорат қилинади.
Кейинги таҳрирга қаранг.
V. Моддий-маиший таъминоти
24. Бошқарма ўз фондларида жойлаштирилади.
25. Ҳарбий хизматчилар, ишчи ва хизматчиларни уй-жой билан таъминлаш Ўзбекистон почта ва телекоммуникациялар агентлиги томонидан ажратиладиган уй-жой фонди ҳисобига амалга оширилади.
Кейинги таҳрирга қаранг.
26. Бошқарма таъминотнинг барча турлари билан табеллар ва таъминот нормаларига мувофиқ тўғридан-тўғри шартномалар тузилиши йўли билан вазирликлар ва идораларнинг таъминотчи органларига ҳақ тўлаш ҳисобига таъминланади.
27. Бошқармага ёнилғи-мойлаш материалларига фондлар моторесурсларнинг нормалари ва белгиланган лимитларига мувофиқ ҳисобланган эҳтиёжига қўра Ўзбекистон почта ва телекоммуникациялар агентлиги орқали ажратилади.
Кейинги таҳрирга қаранг.
