(г) Ўзбекистон Республикаси Президентининг 2025 йил 21 октябрдаги ПФ-186-сон Фармони ижросининг таҳлили асосида республика ижро этувчи ҳокимият органлари ҳудудий бўлинмаларининг бир вақтнинг ўзида юқори турувчи ташкилотга ва ҳокимликка бўйсунувини бекор қилиш бўйича таклифлар ишлаб чиқиш.

III. Давлат хизматида коррупциявий хавф-хатарларнинг олдини олиш

6. 2026 йил 1 январдан бошлаб «Янги Ўзбекистон қиёфасидаги туман (шаҳар)» мақомидаги 33 та туман (шаҳар)да фаолият юритувчи давлат органларида кадрлар ротацияси тизими жорий этилсин. Бунда:

(а) республика ижро этувчи ҳокимият органларининг туман (шаҳар) бўлинма раҳбари ҳамда туман (шаҳар) ҳокими ва унинг ўринбосарлари ҳар беш йилда, қоида тариқасида, Қорақалпоғистон Республикаси, вилоятлар ҳамда Тошкент шаҳри доирасида бошқа туман (шаҳар)га ротация қилинади;

(б) ротация қилинадиган раҳбарлар Агентликнинг «hrm.gov.uz» электрон платформаси орқали аниқланади. Бунда Агентликнинг ротация қилиш бўйича кўрсатмаси давлат органлари учун мажбурий ҳисобланади;

(в) раҳбар янги ҳудудга ўтишдан олдин ҳудуднинг иқтисодий ва ижтимоий ҳолати бўйича интенсив курсда ўқитилади;

(г) ротация қилинган раҳбар фаолияти Агентлик томонидан электрон платформа орқали онлайн тарзда мониторинг қилинади;

(д) ротация жараёнлари Агентлик томонидан мувофиқлаштирилади.

7. Давлат органларида ходимларнинг коррупцияга қарши барқарорлик даражасини диагностикадан ўтказиш тизими жорий этилсин, унга кўра:

(а) қуйидагилар диагностикадан ўтказилади:

(i) 2026 йил 1 январдан бошлаб коррупцияга қарши ички назорат тузилмаларининг раҳбарлари ва масъул ходимлари ҳамда ушбу лавозимларга номзодлар;

(ii) 2026 йил 1 июндан бошлаб соҳалар назоратига масъул инспекцияларда коррупциявий хавф-хатар даражаси «юқори» ва «ўрта» бўлган функциялар юклатилган лавозимларда фаолият юритаётган ходимлар ҳамда ушбу лавозимларга номзодлар;

(iii) 2027 йил 1 январдан бошлаб бошқа давлат органларида коррупциявий хавф-хатар даражаси «юқори» ва «ўрта» бўлган функциялар юклатилган лавозимларда фаолият юритаётган ходимлар ва ушбу лавозимларга номзодлар;

(б) диагностика Коррупцияга қарши курашиш агентлигининг буюртмасига мувофиқ Агентлик ҳузуридаги Раҳбар кадрларни баҳолаш маркази томонидан ўтказилади. Бунда ходимларни диагностикадан ўтказиш харажатлари тегишли давлат органи томонидан қопланади;

(в) диагностика натижасига кўра ходимнинг коррупцияга барқарорлик даражаси «паст» деб баҳоланиши мазкур лавозимда меҳнатга оид муносабатларни давом эттиришига монелик қилувчи ҳолат ҳисобланади ҳамда ходим коррупциявий хавф-хатар даражаси «паст» бўлган бошқа лавозимга мажбурий равишда ротация қилинади.

IV. Давлат органларида инсон ресурслари билан ишлаш тизимини янада такомиллаштириш

8. Давлат органларида бўш бўлган давлат фуқаролик хизмати лавозимларини эгаллашда қуйидагиларни назарда тутувчи янгича тизим жорий этилади, унга кўра 2026 йил 1 мартдан бошлаб:

(а) давлат фуқаролик хизматида мавжуд бўш иш ўринлари тўғрисидаги маълумотлар «vacancy.gov.uz» электрон платформасида эълон қилинади;

(б) фуқароларга ўзларига маъқул келадиган мутахассислик, лавозим ва иш ҳақига оид талабларни белгилаган ҳолда «vacancy.gov.uz» электрон платформасида «иш қидирувчи» мақомида рўйхатдан ўтиш имконияти яратилади;

(в) «vacancy.gov.uz» электрон платформасида рўйхатдан ўтган ва давлат фуқаролик хизматига кириш бўйича тест синовидан муваффақиятли ўтган фуқаролар ушбу платформада мавжуд бўш иш ўринларига даъвогарлик қилиши мумкин бўлади. Бунда:

(i) фуқароларга тест синовларини шахсни тасдиқлаш ва синовларни назорат қилишнинг махсус онлайн тизими орқали ёки Агентликнинг махсус жиҳозланган хоналарида топшириш имконияти яратилади;

(ii) тест натижалари 1 йилгача амал қилади;

(г) бўш бўлган давлат фуқаролик хизмати лавозимларини эгаллаш учун танловларда номзодларнинг малака талабларини кўриб чиқиш босқичини автоматлаштириш ҳисобига инсон омили истисно қилинади;

(д) танловнинг қўшимча босқичи сифатида ўтказиладиган соҳавий билимларни баҳолаш бўйича тест синовлари давлат органларининг буюртмаларига мувофиқ Агентлик ҳузуридаги Раҳбар кадрларни баҳолаш маркази томонидан шартнома асосида ўтказилади. Бунда соҳавий тест саволлари давлат органлари томонидан тақдим этилади;

(ж) давлат органлари бўш давлат фуқаролик хизмати лавозимларига номзодларни «vacancy.gov.uz» электрон платформасида рўйхатдан ўтган ва қизиқиш билдирган фуқаролар орасидан танлов асосида саралаб олади. Бунда танлов босқичлари Агентлик билан келишган ҳолда иш берувчи томонидан белгиланади.

9. Давлат органларида кадрлар захирасини юритиш бўйича қуйидагиларни назарда тутувчи янги тартиб жорий этилсин:

(а) давлат органлари томонидан:

(i) Миллий кадрлар захирасига киритилган лавозимлар учун номзодлар рўйхати мустақил шакллантирилади;

(ii) саралашдан ўтган номзодлар тарафидан шахсий ривожланиш режасининг бажарилиши «zaxira.bsa.uz» электрон платформаси орқали мониторинг қилинади;

(б) Салоҳиятли кадрлар захирасига номзодлар маҳаллада фаолият кўрсатаётган маҳалла раиси, ҳоким ёрдамчиси, хотин-қизлар фаоли, ёшлар етакчиси, ижтимоий ходим ва солиқ инспекторлари орасидан туман (шаҳар) ҳокимларининг хулосаси асосида ишчи гуруҳ томонидан сараланади. Бунда Ўзбекистон маҳаллалари уюшмаси томонидан:

(i) Камбағалликни қисқартириш ва бандлик вазирлиги, Ёшлар ишлари агентлиги, Оила ва хотин-қизлар қўмитаси, Ижтимоий ҳимоя миллий агентлиги, Солиқ қўмитаси вакилларидан иборат таркибда ишчи гуруҳ шакллантирилади;

(ii) номзодлар ҳақидаги маълумотлар «hrm.gov.uz» электрон платформасига киритилади ҳамда номзодлар тарафидан шахсий ривожланиш режасининг бажарилиши «zaxira.bsa.uz» электрон платформаси орқали мониторинг қилиб борилади;

(в) Агентлик томонидан:

(i) давлат фуқаролик хизматининг бошқарув ва сиёсий лавозим гуруҳларига захира мустақил равишда шакллантирилади;

(ii) давлат органларида самарали хизмат қилаётган, бироқ раҳбарлари томонидан тавсия этилмаган номзодларни мустақил аниқлаш ҳамда баҳолаш орқали улар Миллий кадрлар захирасига киритилади.

V. Фармон ижросини ташкил этиш, таъминлаш ва назорат

10. Қуйидагилар:

(а) Давлат хизматида бошқарув самарадорлигини янада ошириш бўйича «йўл харитаси» 3-иловага мувофиқ;

(б) Бошқарув самарадорлиги агентлигининг электрон платформалари билан ахборот алмашинуви асосида интеграция қилинадиган давлат органларининг ахборот тизимлари рўйхати 4-иловага мувофиқ тасдиқлансин.

11. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига 5-иловага мувофиқ ўзгартириш ва қўшимчалар киритилсин.

12. Агентлик уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

13. Мазкур Фармоннинг ижросини самарали ташкил қилишга масъул ва шахсий жавобгар этиб Бошқарув самарадорлиги агентлиги директори вазифасини бажарувчи У.Ш. Хусаинов ҳамда Ўзбекистон Республикаси Президенти Администрацияси Ҳуқуқий экспертиза ва комплекс таҳлил қилиш департаментининг бошлиғи А.Б. Самадов белгилансин.

14. Фармон ижросини назорат қилиш Ўзбекистон Республикаси Президенти Администрацияси раҳбари С.Ш. Мирзиёева зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 6 декабрь,

ПФ-243-сон

Ўзбекистон Республикаси Президентининг 2025 йил 6 декабрдаги ПФ-243-сон Фармонига
1-ИЛОВА

Ўзбекистон Республикаси Президенти ҳузуридаги Бошқарув самарадорлиги агентлиги фаолиятининг устувор йўналишлари

1. Давлат органларида натижага асосланган бошқарув тизимини жорий этиш йўналишида:

(а) давлат бошқарувида замонавий менежмент ва лойиҳавий ёндашув усулларини жорий этиш ҳамда стратегик режалаштириш асосида мақсадли кўрсаткичлар тизимини ташкил этиш;

(б) давлат органларининг вазифа ва функцияларини ташкилий-ҳуқуқий механизмлар, молиявий-иқтисодий ва кадрлар ресурслари билан таъминланганлик ҳамда бошқарув жараёнларининг рақамлаштирилганлиги жиҳатидан мувофиқлаштириш;

(в) давлат органлари ҳудудий бўлинмаларининг бир масала бўйича икки томонлама — горизонтал (ҳокимликка) ва вертикал (юқори турувчи органга) бўйсунувини бекор қилиш бўйича таклифлар ишлаб чиқиш.

2. Ҳудудларда янги имкониятларни аниқлаш ва бошқарув самарадорлигини ошириш йўналишида:

(а) маҳаллий ижро этувчи ҳокимият органларини янгича ёндашув асосида аҳолига комплекс хизмат кўрсатувчи тузилмага трансформация қилишда услубий раҳбарлик қилиш;

(б) маҳаллий ижро ҳокимияти органлари билан доимий ҳамкорлик ўрнатиб, ҳудудларни комплекс ривожлантириш борасидаги давлат сиёсатининг асосий устувор йўналишлари ҳамда уларни бажаришнинг самарали механизмларини яратиш бўйича таклифлар ишлаб чиқиш;

(в) давлат дастурлари (стратегиялар, концепциялар) ижросини таъминлашда республика ва маҳаллий ижро ҳокимияти органларининг самарали ҳамкорлигини ташкил этиш;

(г) ҳудудларда «ўсиш нуқта»лари ва ишга солинмаган имкониятларни аниқлаш ҳамда ҳудудларни комплекс ривожлантириш бўйича таклифлар ишлаб чиқиш;

(д) ҳудудларни ижтимоий-иқтисодий ривожлантириш бўйича Ўзбекистон Республикаси Президентининг амалий ташрифларига тайёргарлик кўриш жараёнларини ташкиллаштириш.

3. Давлат органларида инсон ресурсларини бошқариш ва уларнинг салоҳиятини ривожлантириш йўналишида:

(а) давлат хизматига муносиб кадрларни жалб этиш, истиқболли раҳбар кадрлар захирасини шакллантириш ҳамда давлат хизматчиларининг карьеравий ўсишига кўмаклашиш;

(б) давлат хизматчилари учун компетенциялар моделини ишлаб чиқиш, уларни шахсий ва касбий диагностика қилиш ҳамда давлат хизматчиларининг билим ва касбий компетенцияларини узлуксиз ривожлантиришни ташкил этиш;

(в) давлат хизматида замонавий «HR» тизимини жорий этиш ва давлат органларининг кадрлар сиёсатини мувофиқлаштириш;

(г) муваффақиятга эришган хориждаги ватандошларимизнинг билим ва салоҳиятидан фойдаланиш орқали ҳудудлар ва тармоқларда ишга солинмаган янги захираларни аниқлаш ҳамда уларни халқаро тажриба асосида ривожлантиришга кўмаклашиш.

Ўзбекистон Республикаси Президентининг 2025 йил 6 декабрдаги ПФ-243-сон Фармонига
2-ИЛОВА

Давлат бошқарувида «вазифа — функция — ресурс — жавобгарлик» занжири асосида самарадорликни ошириш бўйича

ТАДБИРЛАР РЕЖАСИ

1. Адлия вазирлиги:

(а) давлат органлари билан биргаликда уларнинг барча вазифа ва функцияларини 5 та даражага таснифлаган ҳолда «Давлат функциялари» автоматлаштирилган онлайн ахборот тизимига киритади. Бунда:

(i) 2026 йил 1 майга қадар конституциявий ва миллий даражадаги;

(ii) 2026 йил 1 сентябрга қадар республика ижро этувчи ҳокимият органлари даражасидаги;

(iii) 2027 йил 1 мартга қадар ҳудудий даражадаги;

(iv) 2027 йил 1 сентябрга қадар туман (шаҳар) даражасидаги;

(v) 2027 йил 31 декабрга қадар маҳалла (қишлоқ, овул) фуқаролар йиғини даражасидаги органларнинг вазифа ва функциялари киритилади;

(б) такрорланувчи ва ўз аҳамиятини йўқотган функцияларни аниқлайди ҳамда уларни бекор қилиш бўйича таклифларни ҳар чоракда Вазирлар Маҳкамасига киритади;

(в) амалга ошириш механизми бўлмаган функцияларни зарур ташкилий-ҳуқуқий механизмлар, молиявий-иқтисодий ва инсон ресурслари билан таъминлаш тўғрисидаги таклифларни ҳар чоракда Бошқарув самарадорлиги агентлигига киритади;

(г) Бошқарув самарадорлиги агентлигига «Давлат функциялари» автоматлаштирилган онлайн ахборот тизимидан тўлиқ фойдаланиш имкониятини яратади.

2. Давлат органларининг вазифа ва функцияларини таснифлаш бўйича рўйхатни шакллантириш, ташкилий-ҳуқуқий механизмлар ҳамда инсон ва молиявий ресурслар билан таъминланганлик ҳолати юзасидан маълумотларнинг тўлиқ ва сифатли тақдим этилиши учун мазкур органларнинг биринчи раҳбарлари шахсан масъул ҳисобланади.

3. Бошқарув самарадорлиги агентлиги қуйидаги масалалар бўйича таклифларни Ўзбекистон Республикаси Президенти Администрациясига киритиб боради:

(а) Ўзбекистон Республикаси Президентининг 2025 йил 21 октябрдаги ПФ-186-сон Фармони ижросининг таҳлили ва Адлия вазирлиги томонидан тақдим этилган таҳлилий маълумотлар асосида функцияларни давлат органлари ўртасида қайта тақсимлаш, республика ижро этувчи ҳокимият органлари ҳудудий бўлинмаларининг бир вақтнинг ўзида юқори турувчи ташкилотга ва ҳокимликка бўйсунувини бекор қилиш;

(б) Рақамли технологиялар вазирлиги билан биргаликда давлат функцияларини рақамлаштириш ва инсон омилини қисқартирган ҳолда жараённи автоматлаштириш.

Ўзбекистон Республикаси Президентининг 2025 йил 6 декабрдаги ПФ-243-сон Фармонига
3-ИЛОВА

Давлат хизматида бошқарув самарадорлигини янада ошириш бўйича

«ЙЎЛ ХАРИТАСИ»

Т/р	Вазифа	Амалий чора-тадбирлар	Ижро муддати	Молиялаштириш манбалари	Масъул ижрочилар
I. Бошқарув самарадорлигини ошириш
1.	Қишлоқ хўжалиги вазирлиги, Қурилиш ва уй-жой коммунал хўжалиги вазирлиги, Олий таълим, фан ва инновациялар вазирлиги, Наманган ва Сурхондарё вилоятлари ҳокимликларида ҳамда «Янги Ўзбекистон қиёфасидаги туман (шаҳар)» мақомидаги 33 та туман (шаҳар) ҳокимлигида тажриба-синов тариқасида натижага асосланган бошқарув тизимини жорий этиш.	1. Тажриба-синов даврида бошқарув самарадорлигини ошириш нуқтаи назаридан давлат органлари ва ташкилотларининг тузилмаларини қайта кўриб чиқиш.	2026 йил июнь	-	Бошқарув самарадорлиги агентлиги, Вазирлар Маҳкамаси, Ҳисоб палатаси, манфаатдор вазирлик ва идоралар, маҳаллий ижро этувчи ҳокимият органлари
		2. Натижага асосланган бошқарув моделини ишлаб чиқиш ҳамда унинг Қишлоқ хўжалиги вазирлиги, Қурилиш ва уй-жой коммунал хўжалиги вазирлиги, Олий таълим, фан ва инновациялар вазирлиги, Наманган ва Сурхондарё вилоятлари ҳокимликларида жорий этилишини услубий жиҳатдан мувофиқлаштириш.	2026 йил сентябрь
		3. «Янги Ўзбекистон қиёфасидаги туман (шаҳар)» мақомидаги 33 та туман (шаҳар) ҳокимлигида натижага асосланган бошқарув тизимини жорий қилиш бўйича уч йиллик дастурларни ишлаб чиқиш.	2026 йил март
		4. Давлат органлари ва ташкилотлари фаолиятини мақсадли кўрсаткичлар ва индикаторлар асосида баҳолаш тизимини йўлга қўйиш. Бунда: йиллик мақсадли кўрсаткичлар ва индикаторлар Бошқарув самарадорлиги агентлиги томонидан шакллантирилади; шакллантирилган мақсадли кўрсаткичлар ва индикаторлар Вазирлар Маҳкамаси томонидан тасдиқланади; мақсадли кўрсаткичлар ва индикаторларга эришилганлиги «samaradorlik.gov.uz» электрон платформаси орқали баҳоланади.	2026 йил декабрь
		5. Давлат органлари зиммасига юклатилган вазифа ва функцияларни амалга оширишда молиявий ресурслардан самарали фойдаланишни босқичма-босқич баҳолашни йўлга қўйиш.	2026 — 2028 йилларда режа-жадвал асосида
2.	Давлат органлари вазифалари ва функцияларини 5 та даражага ажратган ҳолда реестрни шакллантириш.	1. Реестрни Адлия вазирлиги томонидан «Давлат функциялари» автоматлаштирилган онлайн ахборот тизимида шакллантириш.	2026-2027 йиллар	-	Адлия вазирлиги, Бошқарув самарадорлиги агентлиги, манфаатдор вазирлик ва идоралар
		2. Бошқарув самарадорлиги агентлигига «Давлат функциялари» автоматлаштирилган онлайн ахборот тизимидан тўлиқ фойдаланиш имкониятини яратиш.	2025 йил декабрь
3.	Ҳудуд ва соҳаларда бошқарув самарадорлигини ошириш.	Қорақалпоғистон Республикаси, вилоятлар ва Тошкент шаҳрида «Ислоҳотлар штаблари» билан биргаликда ҳар бир ҳудудда биттадан соҳада бошқарув самарадорлигини ошириш бўйича босқичма-босқич таклифлар тайёрлаш.	2026-2027 йиллар	-	Бошқарув самарадорлиги агентлиги, манфаатдор вазирлик ва идоралар
4.	Бошқарув самарадорлиги агентлиги тузилмасини тасдиқлаш ва уни юқори малакали кадрлар билан тўлдириш.	1. Агентликнинг марказий аппарати ва филиаллари тузилмасини тасдиқлаш.	2025 йил декабрь	-	Бошқарув самарадорлиги агентлиги
		2. Агентлик ходимларининг малакаси, билим ва кўникмаларини баҳолаш орқали лавозимига мувофиқлигини аниқлаш ҳамда ходимлар таркибини қайта шакллантириш.	2026 йил март
		3. Агентлик ходимларининг давлат бошқарувида самарадорликни ошириш, соҳага рақамли ва сунъий интеллект технологияларини жорий этиш бўйича илғор хорижий давлатларда малака оширишини ташкил этиш.	Доимий
5.	Бошқарув самарадорлиги агентлигининг моддий-техника базасини мустаҳкамлаш.	Бошқарув самарадорлиги агентлиги ва унинг тизимидаги ташкилотларни жойлаштириш учун Янги Тошкент шаҳри ва унга яқин ҳудуддан зарур бино ва (ёки) ер майдонини доимий фойдаланиш ҳуқуқи асосида Бошқарув самарадорлиги агентлигига ажратиш ҳамда унинг моддий-техника базасини мустаҳкамлаш бўйича таклифни Вазирлар Маҳкамасига киритиш.	2026 йил март	-	Давлат активларини бошқариш агентлиги, Тошкент шаҳри ҳокимлиги, Бошқарув самарадорлиги агентлиги
6.	Бошқарув самарадорлиги агентлиги қошида юридик шахс мақомига эга бўлмаган лойиҳа офисини ташкил этиш.	1. Лойиҳа офисини ташкил этиш ва унга қуйидаги вазифаларни юклаш: БМТнинг ЮНИДО ва ФАО ташкилотлари ҳамкорлигида амалга ошириладиган иқлим ўзгариши шароитида давлат органлари ва ташкилотларида бошқарув самарадорлигини ошириш бўйича чора-тадбирларни мувофиқлаштириш; иқлим ўзгариши шароитида бошқарув самарадорлигини ошириш ва инсон ресурсларидан самарали фойдаланиш бўйича 2040 йилгача мўлжалланган миллий дастурни ишлаб чиқиш; ҳудудларда «ўсиш нуқта»лари ва ишга солинмаган имкониятларни аниқлаш ва улардан самарали фойдаланиш бўйича таклифлар киритиш. 2. Лойиҳа офиси фаолиятини грантлар ва қонунчиликда тақиқланмаган бошқа манбалар ҳисобидан Давлат хизматини ривожлантиришни қўллаб-қувватлаш жамғармаси орқали молиялаштириш.	2026 йил март	-	Бошқарув самарадорлиги агентлиги, Иқтисодиёт ва молия вазирлиги, Адлия вазирлиги, Қишлоқ хўжалиги вазирлиги
		3. Лойиҳа офисига маҳаллий ва хорижий эксперт ва мутахассисларни жалб этиш.	Доимий
7.	Давлат бошқаруви соҳасидаги ислоҳотлар доирасида давлат хизматчиларининг узлуксиз малакасини ошириш тизимини жорий этиш.	1. Давлат сиёсати ва бошқаруви академияси ҳамда Жаҳон иқтисодиёти ва дипломатия университети ҳузуридаги Давлат қурилиши ва оммавий ҳуқуқ марказида давлат бошқаруви соҳасидаги ислоҳотлар, шу жумладан, республика ва маҳаллий даражада уларни амалиётга самарали татбиқ этиш бўйича махсус ўқув дастурларини ишлаб чиқиш.	2026 йил март	Халқаро ташкилотлар грант маблағлари, ижрочилар маблағлари	Давлат сиёсати ва бошқаруви академияси, Жаҳон иқтисодиёти ва дипломатия университети, Қонунчилик ва ҳуқуқий сиёсат институти, Бошқарув самарадорлиги агентлиги
		2. Бошқарув самарадорлиги агентлигининг масофавий таълим платформасида давлат бошқаруви соҳасидаги ислоҳотлар бўйича алоҳида модуль ташкил этиш.	2026 йил май
		3. Бошқарув самарадорлиги агентлиги томонидан тасдиқланадиган режа-жадвалга мувофиқ давлат хизматчиларининг Давлат сиёсати ва бошқаруви академиясида махсус малака ошириш курсларидан ўтишини ташкил этиш.	Режа-жадвал асосида
		4. Манфаатдор томонлар иштирокида Жаҳон иқтисодиёти ва дипломатия университетида қиёсий таҳлил асосида бошқарув самарадорлигини ошириш соҳасида илмий тадқиқотлар ўтказишга ихтисослаштирилган тузилма ташкил этиш.	2026 йил июнь
8.	Қишлоқ хўжалиги соҳасида бошқарув самарадорлигини ошириш ва хизмат кўрсатиш тизимини ривожлантириш.	1. Агросаноат комплексида фермер хўжаликлари ва бошқа қишлоқ хўжалиги корхоналарига кўрсатиладиган хизматларни хатловдан ўтказиш.	2026 йил март	-	Бошқарув самарадорлиги агентлиги, Қишлоқ хўжалиги вазирлиги, Давлат активларини бошқариш агентлиги, Наманган вилояти ҳокимлиги
		2. Агросаноат комплексидаги бюджет ташкилотларига тегишли бино ва иншоотларнинг рўйхатини шакллантириш.	2026 йил апрель
		3. «Ягона дарча» тамойили асосида агросаноат комплексида хизмат кўрсатувчи ташкилотларни ягона бинога жойлаштириш бўйича таклиф ишлаб чиқиш.	2026 йил май
		4. Мазкур тажриба асосида «Янги Ўзбекистон қиёфасидаги туман (шаҳар)» мақомидаги 33 та туман (шаҳар)ларда «Ягона дарча» тамойили асосида хизмат кўрсатувчи тизимни жорий қилиш.	2026-2027 йиллар
II. Ахборот технологияларини жорий этиш
9.	Катта ҳажмли маълумотларни сақлаш тизими ва бизнес таҳлилга асосланган давлат органлари бошқарув тизимини мониторинг ва таҳлил қилиш «Ягона бошқарув самарадорлиги» электрон платформасини яратиш.	1. Бошқарув самарадорлиги агентлиги ахборот тизимларига ушбу Фармонга 4-иловада белгиланган давлат органлари ва ташкилотларининг ахборот тизимларини босқичма-босқич интеграция қилиш ишларини ташкил қилиш.	2026 йил июль	Хорижий грант маблағлари, Давлат хизматини ривожлантиришни қўллаб-қувватлаш жамғармаси маблағлари	Бошқарув самарадорлиги агентлиги, Рақамли технологиялар вазирлиги, манфаатдор вазирлик ва идоралар
		2. Халқаро консалтинг компанияларини жалб этган ҳолда давлат органлари бошқарув тизимини мониторинг ва таҳлил қилишнинг замонавий методологиясини ишлаб чиқиш.	2026 йил декабрь
		3. Интеграция тизими орқали маълумотлар алмашинувини ташкил қилиб, мониторинг ва таҳлил қилишда катта ҳажмли маълумотлар (Big Data), маълумотлар омбори (DWH), сунъий интеллект (AI), бизнес-таҳлил (BI) ва бошқа замонавий рақамли технологиялардан фойдаланган ҳолда дастурий таъминотни ишлаб чиқиш ва жорий қилиш.	2026-2027 йиллар
10.	«Давлат хизматчиси» мобил иловасини такомиллаштириш.	1. «Давлат хизматчиси» мобил иловасини, жумладан, онлайн малака ошириш ва тингловчилар билимини баҳолаш имкониятларини яратишни назарда тутган ҳолда такомиллаштириш бўйича техник талаблар ишлаб чиқиш.	2026 йил март	Шартнома асосида «Давлат ахборот тизимларини яратиш ва қўллаб-қувватлаш бўйича ягона интегратор — «Uzinfocom» МЧЖга келиб тушадиган маблағлар	Бошқарув самарадорлиги агентлиги, Рақамли технологиялар вазирлиги, Давлат сиёсати ва бошқаруви академияси, манфаатдор вазирлик ва идоралар
		2. Мобил иловани Бошқарув самарадорлиги агентлигининг ахборот тизимлари билан интеграция қилиб, ягона экотизим орқали фойдаланувчилар учун комплекс имкониятлардан фойдаланишни жорий этиш.	2026 йил апрель
		3. Мобил иловада намунавий тестлар, уларнинг натижаларини таҳлил қилиш, шунингдек, малака оширишга доир ўқув материалларини тақдим этиш механизмларини жорий этиш.	2026 йил май
11.	Энг муҳим самарадорлик кўрсаткичлари (KPI) юритилиши ва баҳоланишини тўлиқ рақамлаштириш ҳамда тегишли ахборот тизимларини «samaradorlik.uz» электрон платформасига интеграция қилиш.	1. Энг муҳим самарадорлик кўрсаткичларини рақамлаштириш бўйича идоралараро ишчи гуруҳ тузиш.	2026 йил март	Шартнома асосида «Давлат ахборот тизимларини яратиш ва қўллаб-қувватлаш бўйича ягона интегратор — «Uzinfocom» МЧЖга келиб тушадиган маблағлар	Рақамли технологиялар вазирлиги, Бошқарув самарадорлиги агентлиги, Миллий статистика қўмитаси, Иқтисодиёт ва молия вазирлиги, маҳаллий ижро этувчи ҳокимият органлари, манфаатдор вазирлик ва идоралар
		2. Тасдиқланган энг муҳим самарадорлик кўрсаткичларининг рақамлаштирилганлик ҳолатини таҳлил қилиш.	2026 йил июль
		3. Энг муҳим самарадорлик кўрсаткичлари шакллантирилишини масъул вазирлик ва идоралар томонидан рақамлаштириш.	2026 йил декабрь
		4. Давлат органлари раҳбарлари ва уларнинг ўринбосарлари фаолиятининг энг муҳим самарадорлик кўрсаткичларини босқичма-босқич рақамлаштириш ҳамда рақамлаштирилган кўрсаткичларни «samaradorlik.gov.uz» электрон платформасига интеграция қилиш.	2026-2027 йилларда режа-жадвал асосида
12.	Бошқарув самарадорлиги агентлиги ахборот тизимларининг киберхавфсизлигини таъминлаш.	1. Агентлик томонидан ўз ахборот тизимлари ва техник топшириқ лойиҳаларини ахборот ҳамда киберхавфсизлик талабларига мувофиқлиги юзасидан экспертизадан ўтказиш бўйича сўров юбориш. 2. «Киберхавфсизлик маркази» ДУК томонидан экспертизани беғараз тартибда амалга ошириш.	Доимий	-	Бошқарув самарадорлиги агентлиги, «Киберхавфсизлик маркази» ДУК
III. Инсон ресурсларини бошқариш
13.	Давлат фуқаролик хизматига малакали кадрларни жалб қилишнинг замонавий тизимини жорий этиш.	1. Давлат фуқаролик хизматида мавжуд бўш иш ўринлари тўғрисидаги маълумотларни «vacancy.gov.uz» электрон платформасида эълон қилиш. 2. Фуқароларга «vacancy.gov.uz» электрон платформасида «иш қидирувчи» мақомида рўйхатдан ўтиш имкониятини яратиш. 3. Давлат органлари ва ташкилотлари томонидан «иш қидирувчи» мақомидаги номзодларга мавжуд бўш иш ўринлари бўйича таклифларни юбориш имкониятини жорий этиш.	2026 йил март	Шартнома асосида «Давлат ахборот тизимларини яратиш ва қўллаб-қувватлаш бўйича ягона интегратор — «Uzinfocom» МЧЖга келиб тушадиган маблағлар	Бошқарув самарадорлиги агентлиги, Рақамли технологиялар вазирлиги
		4. Бўш иш ўринларига танловларда номзодларнинг малака талабларига мувофиқлигини баҳолаш жараёнида сунъий интеллект технологияларини қўллаган ҳолда инсон омилини камайтириш.	2026 йил октябрь	сунъий интеллект технологияларини ривожлантириш учун ажратилган маблағлар доирасида	Рақамли технологиялар вазирлиги, Бошқарув самарадорлиги агентлиги, «Янги Ўзбекистон» университети
		5. «Янги Ўзбекистон» университети тажрибаси асосида суҳбат жараёнида номзодларни баҳолашда сунъий интеллект технологияларидан фойдаланиш имкониятини яратиш.	2026 йил декабрь
14.	«Янги Ўзбекистон қиёфасидаги туман (шаҳар)» мақомидаги 33 та туман (шаҳар)да фаолият юритувчи давлат органларида тажриба-синов доирасида ротация қилинган ходимларни ижтимоий қўллаб-қувватлаш.	1. Ротация қилинган ходимларни ижтимоий қўллаб-қувватлаш бўйича қуйидагиларни назарда тутувчи Вазирлар Маҳкамаси қарори лойиҳасини ишлаб чиқиш: ротация қилинадиган раҳбарни ҳудуднинг иқтисодий ва ижтимоий ҳолати бўйича интенсив курсда ўқитиш; ротация қилинган раҳбар фаолиятини мониторинг қилиш тартиби; ротация қилишда ходим учун қўшимча ижтимоий-ҳуқуқий кафолатларни таъминлаш.	2026 йил май	-	Бошқарув самарадорлиги агентлиги, Коррупцияга қарши курашиш агентлиги, Адлия вазирлиги, манфаатдор вазирлик ва идоралар
		2. Қарор лойиҳасини белгиланган тартибда манфаатдор вазирлик ва идоралар билан келишиб, Ҳукуматга киритиш.	2026 йил июнь
15.	Раҳбар кадрларнинг коррупцияга қарши барқарорлиги даражасини баҳолаш.	1. Коррупцияга қарши курашиш агентлиги томонидан диагностикадан ўтиши лозим бўлган ходимлар рўйхатини шакллантириш ва Бошқарув самарадорлиги агентлигига тақдим этиш.	Ҳар чоракда	Ҳисоб-китобларга асосан	Коррупцияга қарши курашиш агентлиги, Бошқарув самарадорлиги агентлиги, манфаатдор вазирлик ва идоралар
		2. Раҳбар кадрларни баҳолаш маркази томонидан рўйхат асосида ходимларни диагностикадан ўтказиш бўйича шартнома тузиш.	Режа-жадвал асосида
IV. Халқаро ҳамкорликни ривожлантириш
16.	Давлат органлари ва ташкилотларида бошқарув самарадорлигини ошириш бўйича халқаро молия ва грант ташкилотлари кўмагида мақсадли хорижий стажировкаларни ташкил этиш.	1. БМТ ва бошқа нуфузли халқаро ташкилотлар тизимида давлат хизматчилари стажировкасини ташкил этиш. 2. «Янги Ўзбекистон қиёфасидаги туман (шаҳар)» мақомидаги 33 та туман (шаҳар) ҳокимлигининг барча йўналишлардаги мутахассислари учун ривожланган хорижий мамлакатларда мақсадли стажировкалар ташкил этиш. 3. Халқаро ўқув марказлари билан ҳамкорликни ўрнатиш ва давлат хизматчилари учун қисқа муддатли ўқув курслари, стажировка дастурлари ва масофавий (онлайн) курсларни тизимли ташкил этиш. 4. Давлат хизматини ривожлантириш ва бошқарув самарадорлигини ошириш бўйича халқаро ташкилотлар маблағларини жалб қилган ҳолда грант лойиҳаларни амалга ошириш.	Доимий	Халқаро грантлар ва донор ташкилотлар маблағлари	Бошқарув самарадорлиги агентлиги, Инвестициялар, саноат ва савдо вазирлиги, Ташқи ишлар вазирлиги, Қишлоқ хўжалиги вазирлиги
17.	Истиқболли кадрлар билан ишлашнинг янги тизимини жорий этиш.	Халқаро стипендия (GIZ, JICA, ASCI, KOICA ва бошқа ташкилотлар) дастурлари самарадорлигини ошириш. Бунда: иқтисодий ва ижтимоий йўналишдаги драйвер соҳалар эҳтиёжи асосида таълим дастурларига квоталарни белгилаш; стипендия дастурлари танловларида Бошқарув самарадорлиги агентлиги мутахассисларини жалб қилиш орқали энг муносиб номзодларни саралаб олиш; ўқишдан қайтган кадрларни иш билан таъминлаш, меҳнат фаолиятини мониторинг қилиш ва карьерасини режалаштириш; истиқболли кадрлар орасида хориждаги таълим дастурларига қизиқишни ошириш бўйича тарғибот ишларини олиб бориш.	Доимий	Халқаро грантлар ва донор ташкилотлар маблағлари	Бошқарув самарадорлиги агентлиги, Инвестициялар, саноат ва савдо вазирлиги, Ташқи ишлар вазирлиги
18.	Ривожланган хорижий давлатлар тажрибаси асосида юқори малакали кадрлар тайёрлаш ва уларнинг малакасини ошириш тизимини йўлга қўйиш.	1. Жиззах политехника институтининг технопаркини унинг фаолиятини молиялаштиришнинг амалдаги тартибини сақлаб қолган ҳолда Венгриянинг Обуда университетига ишончли бошқарувга бериш бўйича таклиф ишлаб чиқиш.	2026 йил апрель		Олий таълим, фан ва инновациялар вазирлиги, Давлат активларини бошқариш агентлиги, Бошқарув самарадорлиги агентлиги
		2. Технопаркда Венгриянинг Обуда университети томонидан Жиззахдаги «BYD», «KIA» ва бошқа автомобиль корхоналарига юқори малакали мутахассис тайёрлаш ҳамда уларнинг доимий малакасини ошириш тизимини яратиш.	Режа-жадвал асосида
		3. Жиззах политехника институти билан Венгриянинг Обуда университети ўртасида ҳамкорликни йўлга қўйиш ҳамда институтда Обуда университетининг замонавий бошқарув усулларини жорий қилиш.	2026 йил май

Ўзбекистон Республикаси Президентининг 2025 йил 6 декабрдаги ПФ-243-сон Фармонига
4-ИЛОВА

Бошқарув самарадорлиги агентлигининг электрон платформалари билан ахборот алмашинуви асосида интеграция қилинадиган давлат органларининг ахборот тизимлари

РЎЙХАТИ

Т/р	Агентлик электрон платформаси номи	Маълумот ва давлат органи номи
1.	Давлат органлари ва ташкилотларининг инсон ресурсларини бошқаришга оид ахборот тизими — hrm.gov.uz	«UzASBO» ахборот тизими (Иқтисодиёт ва молия вазирлиги)
		Ягона миллий меҳнат тизимидаги қайдномалар, ёзувлар, ишсизлик нафақаси тайинланган шахслар, ҳоким ёрдамчилари тизими, «Аёллар дафтари» ва ходимлар билан боғлиқ бошқа маълумотлар (Камбағалликни қисқартириш ва бандлик вазирлиги)
		ФҲДЁ, туман (шаҳар) ҳокимликлари қарорлари, буйруқлар, ижро интизоми ҳолати тўғрисидаги маълумотлар, давлат фуқаролик хизматчиларининг тадбиркорлик фаолияти билан боғлиқ маълумотлар (Адлия вазирлиги)
		Судланганлик ҳолати тўғрисидаги маълумотлар (Ички ишлар вазирлиги)
		Корхона таъсисчи ва раҳбарлари, ижара, жисмоний шахсларнинг солиқ қарзлари, ўзини ўзи банд қилганлар тўғрисидаги ҳамда СТИР маълумотлари (Солиқ қўмитаси)
		Руҳий касалликлар бўйича диспансер ҳамда Наркология диспансерида ҳисобда туриш ёки турмаслик тўғрисидаги маълумотлар (Соғлиқни сақлаш вазирлиги)
		Диплом маълумотлари (Олий таълим, фан ва инновациялар вазирлиги)
		Илмий унвон ва илмий даража тўғрисидаги маълумотлар (Олий аттестация комиссияси)
		Шаҳодатнома маълумотлари (Мактабгача ва мактаб таълими вазирлиги)
		Ижтимоий ҳимоя ягона реестри ва соҳага оид маълумотлар (Ижтимоий ҳимоя миллий агентлиги)
2.	Давлат фуқаролик хизмати вакант лавозимларининг ягона очиқ портали — vacancy.gov.uz	ФҲДЁ, туман (шаҳар) ҳокимликлари қарорлари, буйруқлар, ижро интизоми ҳолати тўғрисидаги маълумотлар, давлат фуқаролик хизматчиларининг тадбиркорлик фаолияти билан боғлиқ маълумотлар (Адлия вазирлиги)
		Судланганлик ҳолати тўғрисидаги маълумотлар (Ички ишлар вазирлиги)
		Руҳий касалликлар бўйича диспансер ҳамда Наркология диспансерида ҳисобда туриш ёки турмаслик тўғрисидаги маълумотлар (Соғлиқни сақлаш вазирлиги)
		Диплом маълумотлари (Олий таълим, фан ва инновациялар вазирлиги)
		Илмий унвон ва илмий даража тўғрисидаги маълумотлар (Олий аттестация комиссияси)
		Шаҳодатнома маълумотлари (Мактабгача ва мактаб таълими вазирлиги)
		Ижтимоий ҳимоя ягона реестри ва соҳага оид маълумотлар (Ижтимоий ҳимоя миллий агентлиги)
3.	Хизмат сафари ахборот тизими — xs.gov.uz	«UzASBO» ахборот тизими (Иқтисодиёт ва молия вазирлиги)
4.	Бошқарувнинг турли даражадаги раҳбарлари фаолияти самарадорлигини баҳолашнинг ягона автоматлаштирилган ахборот тизими — samaradorlik.gov.uz	Ҳудудлар кесимида бюджет тушумлари (Иқтисодиёт ва молия вазирлиги)
		Ягона миллий меҳнат тизимидаги қайдномалар, ёзувлар, ишсизлик нафақаси тайинланган шахслар, ҳоким ёрдамчилари тизими, «Аёллар дафтари» маълумотлари ва ходимлар билан боғлиқ бошқа маълумотлар (Камбағалликни қисқартириш ва бандлик вазирлиги)
		Туман (шаҳар) кесимида солиқ тушумлари, корхона таъсисчилари ва раҳбарлари, ижара, жисмоний шахсларнинг солиқ қарзлари, ўзини ўзи банд қилганлар тўғрисидаги ҳамда СТИР маълумотлари (Солиқ қўмитаси)
		Ижтимоий ҳимоя ягона реестри ва соҳага оид маълумотлар (Ижтимоий ҳимоя миллий агентлиги)
		Маҳалла еттилиги, ҳудудий барча кўрсаткичлар, «омбор дафтари» ва рейтинг маълумотлар (Ўзбекистон маҳаллалари уюшмаси)
		Ҳудудлар ва ташкилотлар кесимида жалб қилинган инвестиция турлари ва уларнинг қийматлари (Инвестициялар, саноат ва савдо вазирлиги)
		Давлат дастурлари бўйича эришилаётган натижалар, соҳага оид статистик маълумотлар (Тоғ-кон саноати ва геология вазирлиги)
		Қурилиш объектлари тўғрисида умумий статистик маълумотлар (Қурилиш ва уй-жой коммунал хўжалиги вазирлиги)
		Қишлоқ хўжалиги соҳасидаги кўрсаткичлар ва соҳага оид маълумотлар (Қишлоқ хўжалиги вазирлиги ҳамда унинг ҳузуридаги қўмита, агентлик ва инспекциялар)
		Сув хўжалиги соҳасидаги кўрсаткичлар ва соҳага оид маълумотлар (Сув хўжалиги вазирлиги)
		Рақамлаштириш ҳолати ва идоралараро интеграцион платформадаги тегишли маълумотлар (Рақамли технологиялар вазирлиги)
		Энергетика соҳасидаги кўрсаткичлар ва соҳага оид маълумотлар (Энергетика вазирлиги)
		Республиканинг ижтимоий-иқтисодий ҳолатини акс эттирувчи расмий статистика маълумотлари (туман, шаҳар кесимида) (Миллий статистика қўмитаси)
		Мавжуд давлат мулки объектлари тўғрисидаги маълумот (Давлат активларини бошқариш агентлиги)
		Маъмурий-ҳудудий бирликлар тўғрисидаги маълумотлар (Кадастр агентлиги)
		Патент маълумотлари (Адлия вазирлиги)
		Ёшларга берилган имтиёзлар, «Ёшлар дафтари» маълумотлари (Ёшлар ишлари агентлиги)
		Мавжуд қарздорликлар ҳақида ва умумий статистик маълумотлар («Ўзсувтаъминот» АЖ, «Ҳудудгазтаъминот» АЖ, «Ҳудудий электр тармоқлари» АЖ, «Иссиқлик электр станциялари» АЖ)
5.	Миллий кадрлар захираси ахборот тизими — zaxira.bsa.uz	ФҲДЁ, туман(шаҳар) ҳокимликлари қарорлари, буйруқлар, ижро интизоми ҳолати тўғрисидаги маълумотлар, давлат фуқаролик хизматчиларининг тадбиркорлик фаолияти билан боғлиқ маълумотлар (Адлия вазирлиги)
		Судланганлик ҳолати тўғрисидаги маълумотлар (Ички ишлар вазирлиги)
		Номзод эгалигидаги мулклар тўғрисидаги маълумотлар (Кадастр агентлиги)
		Корхона таъсисчилари ва раҳбарлари, ижара, жисмоний шахсларнинг солиқ қарзлари, ўзини ўзи банд қилганлар тўғрисидаги ҳамда СТИР маълумотлари (Солиқ қўмитаси)
		Мавжуд тақиқлар тўғрисидаги маълумотлар (Мажбурий ижро бюроси)
		Диплом маълумотлари (Олий таълим, фан ва инновациялар вазирлиги)
		Илмий унвон ва илмий даража тўғрисидаги маълумотлар (Олий аттестация комиссияси)
		Шаҳодатнома маълумотлари (Мактабгача ва мактаб таълими вазирлиги)
6.	Давлат фуқаролик хизматининг ягона электрон ахборот портали — my.bsa.uz	Ягона миллий меҳнат тизимидаги қайдномалар, ёзувлар, ишсизлик нафақаси тайинланган шахслар, ҳоким ёрдамчилари тизими, «Аёллар дафтари» маълумотлари ва ходимлар билан боғлиқ бошқа маълумотлар (Камбағалликни қисқартириш ва бандлик вазирлиги)
		Руҳий касалликлар бўйича диспансер ҳамда Наркология диспансерида ҳисобда туриш ёки турмаслик тўғрисидаги маълумотлар (Соғлиқни сақлаш вазирлиги)
		Диплом маълумотлари (Олий таълим, фан ва инновациялар вазирлиги)
		Илмий унвон ва илмий даража тўғрисидаги маълумотлар (Олий аттестация комиссияси)
		Шаҳодатнома маълумотлари (Мактабгача ва мактаб таълими вазирлиги)
7.	Давлат фуқаролик хизмати соҳасида малака ошириш платформаси — edu.bsa.uz	Диплом маълумотлари (Олий таълим, фан ва инновациялар вазирлиги)
		Илмий унвон ва илмий даража тўғрисидаги маълумотлар (Олий аттестация комиссияси)
		Шаҳодатнома маълумотлари (Мактабгача ва мактаб таълими вазирлиги)

Изоҳлар:

1) Бошқарув самарадорлиги агентлигининг электрон платформалари билан давлат органларининг ахборот тизимлари интеграцияси «Рақамли ҳукумат» тизимининг идоралараро интеграция платформаси орқали ахборот алмашинуви асосида амалга оширилади.

2) Рақамли технологиялар вазирлиги Бошқарув самарадорлиги агентлигининг сўровига кўра «Рақамли ҳукумат» тизимининг идоралараро интеграция платформаси орқали бошқа зарур маълумотларнинг интеграция қилинишини таъминлайди.

Ўзбекистон Республикаси Президентининг 2025 йил 6 декабрдаги ПФ-243-сон Фармонига
5-ИЛОВА

Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар

1. Ўзбекистон Республикаси Президентининг 2019 йил 3 октябрдаги «Ўзбекистон Республикасида кадрлар сиёсати ва давлат фуқаролик хизмати тизимини тубдан такомиллаштириш чора-тадбирлари тўғрисида»ги ПФ-5843-сон Фармонида:

(а) 3-бандда:

(i) биринчи хатбоши қуйидаги таҳрирда баён этилсин:

«3. Ўзбекистон Республикаси Президенти ҳузуридаги Бошқарув самарадорлиги агентлиги (кейинги ўринларда — Бошқарув самарадорлиги агентлиги) давлат органлари ва ташкилотларида ходимларни бошқариш ва инсон ресурсларини ривожлантириш, шунингдек, бошқарув самарадорлигини ошириш соҳасида ягона давлат сиёсатини амалга ошириш учун масъул ҳисобланади»;

(ii) учинчи ва бешинчи хатбошилардаги «Давлат хизматини ривожлантириш» сўзлари «Бошқарув самарадорлиги» сўзлари билан алмаштирилсин;

(iii) тўртинчи хатбоши чиқариб ташлансин;

(iv) бешинчи хатбоши тўртинчи хатбоши деб ҳисоблансин;

(б) 4-бандда:

(i) биринчи ва иккинчи хатбошилар қуйидаги таҳрирда баён этилсин:

«4. Қуйидагилар Бошқарув самарадорлиги агентлигининг асосий вазифалари этиб белгилансин:

давлат фуқаролик хизмати соҳасида ягона давлат сиёсатини амалга ошириш, шунингдек, давлат фуқаролик хизматини ривожлантириш дастурлари ва лойиҳаларини ҳамда мазкур соҳани такомиллаштириш бўйича таклифларни ишлаб чиқиш»;

(ii) қуйидаги мазмундаги ўн тўртинчи-ўн бешинчи хатбошилар билан тўлдирилсин:

«давлат органларида натижага асосланган бошқарув тизимини жорий этиш;

ҳудудларда янги имкониятларни аниқлаш ва бошқарув самарадорлигини ошириш»;

(в) 5 ва 7-бандлар ўз кучини йўқотган деб ҳисоблансин;

(г) 8-бандда:

(i) биринчи хатбошидаги «Давлат хизматини ривожлантириш агентлиги» сўзлари «Бошқарув самарадорлиги агентлиги» сўзлари билан алмаштирилсин;

(ii) «б» кичик бандда:

саккизинчи хатбоши қуйидаги таҳрирда баён этилсин:

«Бошқарув самарадорлиги агентлигининг моддий-техник базасини мустаҳкамлаш, Бошқарув самарадорлиги агентлиги ходимлари меҳнатини моддий рағбатлантириш, шу жумладан Бошқарув самарадорлиги агентлиги директорининг буйруғига биноан ҳар ойлик устамаларни тўлаш»;

тўққизинчи, ўнинчи ва ўн иккинчи хатбошилардаги «Давлат хизматини ривожлантириш» сўзлари «Бошқарув самарадорлиги» сўзлари билан алмаштирилсин;

ўн биринчи хатбошидаги «давлат фуқаролик» сўзлари «бошқарув самарадорлигини ошириш ва давлат фуқаролик» сўзлари билан алмаштирилсин;

(д) 9-бандда:

(i) «б», «д» кичик бандлар ва «е» кичик банднинг иккинчи ва учинчи хатбошиларидаги «Давлат хизматини ривожлантириш» сўзлари «Бошқарув самарадорлиги» сўзлари билан алмаштирилсин;

(ii) «в» кичик банд қуйидаги таҳрирда баён этилсин:

«в) давлат фуқаролик хизматини тартибга солиш, шу жумладан давлат органлари ва ташкилотларини ташкил этиш (қайта ташкил этиш), ходимларнинг меҳнатига ҳақ тўлаш ва уларни моддий рағбатлантириш, Ўзбекистон Республикаси Президенти ёки Вазирлар Маҳкамаси томонидан тасдиқланган уларнинг ташкилий-штат тузилмаларини ўзгартириш, шунингдек, республика ва маҳаллий ижро этувчи ҳокимият органлари ҳамда устав фондида давлат улуши 50 фоиз ва ундан юқори бўлган хўжалик бирлашмалари раҳбарлари ва уларнинг ўринбосарлари, ходимлари фаолияти самарадорлигини баҳолаш, шу жумладан, энг муҳим самарадорлик кўрсаткичларини белгилаш масалаларига доир норматив-ҳуқуқий ҳужжатлар лойиҳалари мажбурий тартибда Бошқарув самарадорлиги агентлиги билан келишиб олиниши лозим»;

(iii) «г» кичик банддаги «Давлат бошқаруви академияси» сўзлари «Давлат сиёсати ва бошқаруви академияси» сўзлари билан алмаштирилсин;

(ж) 10-бандда:

(i) биринчи хатбоши қуйидаги таҳрирда баён этилсин:

«10. Камбағалликни қисқартириш ва бандлик вазирлиги, Иқтисодиёт ва молия вазирлиги, Адлия вазирлиги ва Ўзбекистон Республикаси Президенти ҳузуридаги Давлат сиёсати ва бошқаруви академиясининг қуйидаги тартибни ўрнатиш тўғрисидаги таклифлари маъқуллансин, унга мувофиқ:»;

(ii) тўртинчи хатбошидаги «Давлат бошқаруви академияси» сўзлари «Давлат сиёсати ва бошқаруви академияси» сўзлари билан алмаштирилсин;

(iii) бешинчи хатбошидаги «Давлат хизматини ривожлантириш» сўзлари «Бошқарув самарадорлиги» сўзлари билан алмаштирилсин;

(iv) олтинчи хатбоши чиқариб ташлансин;

(з) 11-банднинг иккинчи хатбошисидаги «Давлат хизматини ривожлантириш» сўзлари «Бошқарув самарадорлиги» сўзлари билан алмаштирилсин;

(и) 1-илова ўз кучини йўқотган деб ҳисоблансин.

2. Ўзбекистон Республикаси Президентининг 2021 йил 16 июндаги ПФ-6247-сон Фармони билан тасдиқланган Очиқ маълумотлар сифатида жойлаштирилиши керак бўлган ижтимоий аҳамиятга молик маълумотлар рўйхати қуйидаги мазмундаги 43-позиция билан тўлдирилсин:

«
43.	Норматив-ҳуқуқий ҳужжатлар билан жорий этилган ҳамда давлат органлари ва ташкилотлари фаолияти билан боғлиқ бўлган эълон қилиниши белгиланган (очиқ) рейтинглар натижалари тўғрисидаги маълумот.	Очиқ маълумотлар портали, расмий веб-сайтлар	Норматив-ҳуқуқий ҳужжатларда белгиланган муддатларда	Рейтинг юритишга масъул давлат органлари ва ташкилотлари
				».

3. Ўзбекистон Республикаси Президентининг 2021 йил 13 июлдаги «Ёшларни ҳар томонлама қўллаб-қувватлаш ва уларнинг ижтимоий фаоллигини янада оширишга оид қўшимча чора-тадбирлар тўғрисида»ги ПФ-6260-сон Фармонида:

(а) 12-банд ҳамда 2-илованинг 14 ва 15-позициялари ўз кучини йўқотган деб ҳисоблансин;

(б) 1-иловада:

(i) номланишидаги «500» рақами «300» рақами билан алмаштирилсин;

(ii) изоҳнинг олтинчи хатбошиси «ўттиз ёшдан ошмагунга» сўзларидан кейин «(ўттиз бир ёшга тўлмаганга)» сўзлари билан тўлдирилсин.

4. Ўзбекистон Республикаси Президентининг 2021 йил 3 декабрдаги «Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш бўйича давлат сиёсатининг устувор йўналишлари тўғрисида»ги ПФ-29-сон Фармони 7-бандида:

(а) иккинчи хатбоши чиқариб ташлансин;

(б) учинчи ва тўртинчи хатбошилар тегишинча иккинчи ва учинчи хатбошилар деб ҳисоблансин.

5. Ўзбекистон Республикаси Президентининг 2022 йил 7 мартдаги ПФ-87-сон Фармони билан тасдиқланган 2022 — 2026 йилларда хотин-қизларнинг мамлакат иқтисодий, сиёсий ва ижтимоий ҳаётининг барча жабҳаларида фаоллигини ошириш бўйича Миллий дастурни 2022-2023 йилларда амалга оширишга қаратилган комплекс чора-тадбирлар режасининг 43-позицияси чиқариб ташлансин.

6. Ўзбекистон Республикаси Президентининг 2023 йил 10 июндаги ПФ-90-сон Фармони билан тасдиқланган Қишлоқ хўжалиги соҳасида ислоҳотларни чуқурлаштириш ва тизим фаолиятини трансформация қилиш бўйича «йўл харитаси»нинг 32-позицияси чиқариб ташлансин.

7. Ўзбекистон Республикаси Президентининг 2024 йил 13 мартдаги «Республика ва маҳаллий ижро этувчи ҳокимият органлари ҳамда хўжалик бирлашмалари фаолияти самарадорлигини баҳолаш тизимини такомиллаштириш чора-тадбирлари тўғрисида»ги ПФ-49-сон Фармонида:

(а) 1-банднинг тўртинчи хатбошиси қуйидаги таҳрирда баён этилсин:

«Вазирлар Маҳкамаси томонидан тасдиқланадиган маҳаллий ижро этувчи ҳокимият органлари раҳбарлари ўринбосарлари фаолиятининг самарадорлик кўрсаткичлари асосида туман (шаҳар) ҳокимлари ва уларнинг ўринбосарлари фаолиятининг самарадорлик кўрсаткичлари Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари томонидан тасдиқланади»;

(б) 5-банднинг иккинчи хатбошиси қуйидаги таҳрирда баён этилсин:

«республика ва маҳаллий ижро этувчи ҳокимият органлари, хўжалик бирлашмалари раҳбарлари ва уларнинг ўринбосарлари фаолиятининг самарадорлигини баҳолашда платформада шакллантирилган самарадорлик кўрсаткичлари бирламчи манба ҳисобланади»;

(в) 10-банднинг учинчи хатбошисидаги «туман (шаҳар) ҳокимларининг ўринбосарлари» сўзлари «туман (шаҳар) ҳокимлари ва уларнинг ўринбосарлари» сўзлари билан алмаштирилсин.

8. Ўзбекистон Республикаси Президентининг 2025 йил 5 майдаги «Истиқболли кадрларни мақсадли тайёрлаш ҳамда уларни давлат бошқаруви ва хизматига самарали жалб этиш тизимини янада такомиллаштириш чора-тадбирлари тўғрисида»ги ПФ-78-сон Фармони 7-бандининг «б» кичик банди «мувофиқлаштирилади» сўзидан кейин «, шу жумладан, уларнинг тегишли ўқув дастурлари экспертизадан ўтказилади ва тасдиқланади, ўқув жараёнида фойдаланиладиган таълим технологияларининг намунавий шакллари ишлаб чиқилади» сўзлари билан тўлдирилсин.

9. Ўзбекистон Республикаси Президентининг 2025 йил 19 июндаги «Давлат фуқаролик хизматини янги ёндашувлар асосида ташкил этиш ҳамда профессионал ва натижадорликка йўналтирилган давлат хизматчилари корпусини шакллантириш чора-тадбирлари тўғрисида»ги ПФ-95-сон Фармонида:

(а) 3-банднинг «ж» кичик банди ўз кучини йўқотган деб ҳисоблансин;

(б) 8-бандда:

«б» кичик банд ўз кучини йўқотган деб ҳисоблансин;

«в» кичик банддан «ҳамда ҳисобот асосида хизмат сафарининг самарадорлиги баҳолаб борилади» сўзлари чиқариб ташлансин;

(в) 15-банд ўз кучини йўқотган деб ҳисоблансин;

(г) 18-банддаги «Давлат хизматини ривожлантириш агентлигининг» сўзлари «Коррупцияга қарши курашиш агентлигининг» сўзлари билан алмаштирилсин;

(д) 20-банднинг «а» кичик бандидаги «2025 йил 1 ноябрга қадар» сўзлари «2026 йил 1 мартга қадар» сўзлари билан алмаштирилсин;

(ж) 1-илованинг 2-боби тўртинчи хатбошисидаги «Давлат хизматини ривожлантириш агентлиги» сўзлари «Бошқарув самарадорлиги агентлиги» сўзлари билан алмаштирилсин;

(и) 8-илованинг 12-банди биринчи хатбошисидаги «Агентлик» сўзи «Ўзбекистон Республикаси Президенти ҳузуридаги Бошқарув самарадорлиги агентлиги (кейинги ўринларда — Агентлик)» сўзлари билан алмаштирилсин.

12. Ўзбекистон Республикаси Президентининг 2019 йил 3 октябрдаги «Ўзбекистон Республикаси Президенти ҳузуридаги Давлат хизматини ривожлантириш агентлиги фаолиятини ташкил этиш чора-тадбирлари тўғрисида»ги ПҚ-4472-сон қарорида:

(а) номланишидаги «Давлат хизматини ривожлантириш» сўзлари «Бошқарув самарадорлиги» сўзлари билан алмаштирилсин;

(б) 1-бандда:

(i) иккинчи ва бешинчи хатбошилардаги «Давлат хизматини ривожлантириш» сўзлари «Бошқарув самарадорлиги» сўзлари билан алмаштирилсин;

(ii) учинчи ва тўртинчи хатбошилар чиқариб ташлансин;

(iii) бешинчи хатбоши учинчи хатбоши деб ҳисоблансин;

(в) 2-банд қуйидаги таҳрирда баён этилсин:

«2. Ўзбекистон Республикаси Президенти ҳузуридаги Бошқарув самарадорлиги агентлиги (кейинги ўринларда — Агентлик) директорига қуйидаги ҳуқуқлар берилсин:

Агентликнинг марказий аппарати ва филиаллари тузилмасини ходимларнинг белгиланган чекланган сони ҳамда меҳнатга ҳақ тўлаш фонди доирасида тасдиқлаш ва ўзгартиришлар киритиш;

Агентликка юкланган вазифалар ижросини таъминлаш доирасида малакали ва юқори малакали мутахассисларни, шу жумладан хорижда яшаётган ватандошларни Агентликнинг раҳбар лавозимларига ва маслаҳатчилар сифатида жалб қилиш;

Агентлик қошидаги Давлат хизматини ривожлантиришни қўллаб-қувватлаш жамғармаси (кейинги ўринларда — Жамғарма) маблағлари ҳисобидан Агентлик ходимлари учун лавозим маошларига (тариф ставкаларига) устамалар ва бошқа рағбатлантирувчи тўловларни белгилаш»;

(г) 3-банднинг биринчи хатбошисидаги «Давлат хизматини ривожлантириш агентлиги» сўзлари «Агентлик» сўзи билан алмаштирилсин;

(д) 4-банд қуйидаги таҳрирда баён этилсин:

«4. Белгилансинки:

Агентлик директори уч нафар ўринбосарга, шу жумладан, бир нафар биринчи ўринбосарга эга бўлиб, улар Ўзбекистон Республикаси Президенти Администрацияси раҳбари томонидан лавозимга тайинланади ва лавозимидан озод этилади;

Агентлик директори мақоми, меҳнатга ҳақ тўлаш, тиббий ва транспорт хизмати кўрсатиш шароитларига кўра Ўзбекистон Республикаси Президенти Администрацияси департаменти бошлиғининг биринчи ўринбосарига, унинг ўринбосарлари эса Ўзбекистон Республикаси Президенти Администрацияси департаменти бошлиғининг ўринбосарига тенглаштирилади;

Агентлик ходимларига Ўзбекистон Республикаси Президенти Администрацияси ходимлари учун белгиланган моддий рағбатлантириш ва меҳнатга ҳақ тўлаш, тиббий хизмат кўрсатиш шартлари татбиқ этилади»;

(ж) 7-бандда:

(i) биринчи хатбошидаги «Давлат хизматини ривожлантириш агентлигига» сўзлари «Агентликка» сўзи билан алмаштирилсин;

(ii) қуйидаги мазмундаги ўн бешинчи ва ўн олтинчи хатбошилар билан тўлдирилсин:

«зарур ҳолларда ўз ваколатига кирувчи масалалар бўйича тегишли давлат органлари ходимларини жалб қилган ҳолда ўрганиш ўтказиш;

ўз ваколатига кирувчи масалалар бўйича давлат органлари ва ташкилотларининг маълумотлар базасидан ва ахборот тизимларидан реал вақт режимида бепул ва тўсқинликсиз фойдаланиш»;

(з) 9-банднинг тўртинчи хатбошисидаги ва 11-банддаги «Давлат хизматини ривожлантириш агентлиги» сўзлари «Агентлик» сўзи билан алмаштирилсин;

(и) 10-банднинг биринчи хатбошисидаги «Давлат хизматини ривожлантириш агентлигининг Ўзбекистон Республикаси Президенти ҳузуридаги Давлат бошқаруви академияси» сўзлари «Агентликнинг Ўзбекистон Республикаси Президенти ҳузуридаги Давлат сиёсати ва бошқаруви академияси» сўзлари билан алмаштирилсин;

(к) 12-бандда:

(i) биринчи хатбоши қуйидаги таҳрирда баён этилсин:

«12. Ўзбекистон Республикаси Иқтисодиёт ва молия вазирлиги Агентлик таъминоти учун Ўзбекистон Республикаси Давлат бюджети параметрлари доирасида ҳар йили зарур бюджет маблағларини назарда тутсин, шунингдек, марказий аппарат учун 6 дона ҳамда филиаллар учун 14 дона, шу жумладан 18 дона шахсий бириктирилган хизмат енгил автомобилларини сақлаш учун лимит белгилансин. Бунда мазкур лимит талаблари Агентликка ҳомийлик ва грант маблағлари ҳисобидан берилган автомобилларга нисбатан татбиқ этилмайди ҳамда ушбу автомобилларни сақлаш харажатлари Агентлик ходимлари маблағлари ҳисобидан қопланади»;

(ii) қуйидаги мазмундаги учинчи хатбоши билан тўлдирилсин:

«Агентликка ва унинг тизим ташкилотларига ҳомийлик ва грант маблағлари ҳисобидан берилган асосий воситаларини сотишдан тушган пул маблағлари (ушбу пул маблағлари ҳисобидан сотиб олинган асосий воситаларини сотишдан тушган пул маблағлари) тўлиқ миқдорда Агентликнинг ихтиёрида қолади ва мақсадли равишда уларнинг моддий техник базасини мустаҳкамлаш ва ривожлантириш, шу жумладан, транспорт воситаларини харид қилиш учун йўналтирилади»;

(л) 1-илованинг матни қуйидаги таҳрирда баён этилсин:

«Ўзбекистон Республикаси Президенти ҳузуридаги Бошқарув самарадорлиги агентлигининг

ТАШКИЛИЙ ТУЗИЛМАСИ

Ўзбекистон Республикаси Президенти ҳузуридаги

Бошқарув самарадорлиги агентлиги

Филиаллар

Давлат хизматини ривожлантиришни қўллаб-қувватлаш жамғармаси

Раҳбар кадрларни баҳолаш маркази

Лойиҳа офислари

»;

(м) 2-3-иловалар ўз кучини йўқотган деб ҳисоблансин;

(н) 4-иловада:

(i) илованинг номланиши қуйидаги таҳрирда баён этилсин:

«Ўзбекистон Республикаси Президенти ҳузуридаги Бошқарув самарадорлиги агентлиги тўғрисида

НИЗОМ»;

(ii) 1-банддаги «Давлат хизматини ривожлантириш агентлиги (кейинги ўринларда — Давлат хизматини ривожлантириш агентлиги)нинг» сўзлари «Бошқарув самарадорлиги агентлиги (кейинги ўринларда — Агентлик)нинг» сўзлари билан алмаштирилсин;

(iii) 2, 6, 8-бандлардаги «Давлат хизматини ривожлантириш агентлиги» сўзлари «Агентлик» сўзи билан алмаштирилсин;

(iv) 3 ва 4-бандлар қуйидаги таҳрирда баён этилсин:

«3. Агентлик давлат органлари ва ташкилотларида инсон ресурсларини ривожлантириш ҳамда ходимларни бошқариш, шунингдек, бошқарув самарадорлигини ошириш соҳасида ягона давлат сиёсатини амалга ошириш учун масъул бўлган ваколатли давлат органи ҳисобланади.

4. Агентлик ўз номи ёзилган ва Ўзбекистон Республикасининг Давлат герби тасвирланган муҳр ва бланкларга, фаолияти учун зарур бўлган штамп, бошқа атрибут ва реквизитларга, ўз мустақил балансига, Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасидаги шахсий ҳисобварақларига эгадир»;

(v) 5-банддаги «Давлат хизматини ривожлантириш агентлиги» ва «қонун ҳужжатларига» сўзлари тегишинча «Агентлик» ва «қонунчилик ҳужжатларига» сўзлари билан алмаштирилсин;

(vi) 7-банд қуйидаги таҳрирда баён этилсин:

«7. Агентликнинг расмий номланиши:

а) давлат тилида:

тўлиқ номи — Ўзбекистон Республикаси Президенти ҳузуридаги Бошқарув самарадорлиги агентлиги, қисқартирилган номи — Бошқарув самарадорлиги агентлиги;

б) рус тилида:

тўлиқ номи — Агентство эффективности управления при Президенте Республики Узбекистан, қисқартирилган номи — Агентство эффективности управления;

в) инглиз тилида:

тўлиқ номи — Agency for Governance Efficiency under the President of the Republic of Uzbekistan, қисқартирилган номи — Agency for Governance Efficiency»;

(vii) 2-боб қуйидаги таҳрирда баён этилсин:

«2-боб. Агентликнинг тузилмаси

9. Агентлик тизимига қуйидагилар киради:

Агентликнинг филиаллари;

Раҳбар кадрларни баҳолаш маркази.»;

10. Агентлик филиаллари юридик шахс ташкил этмасдан маҳаллий ижро ҳокимияти органларидан, бошқа давлат органлари ва ташкилотларидан мустақил равишда ҳамда бевосита Агентликка бўйсунган ҳолда фаолият юритади.

Агентлик ҳузурида алоҳида масалалар бўйича лойиҳа офислари тузилиши мумкин»;

(viii) 3-бобнинг номланиши қуйидаги таҳрирда баён этилсин:

«3-боб. Агентлик ва унинг филиалларининг асосий вазифалари ҳамда функциялари»;

(ix) 11-бандда:

биринчи хатбошидаги «Давлат хизматини ривожлантириш агентлигининг» сўзлари «Агентликнинг» сўзи билан алмаштирилсин;

иккинчи хатбоши қуйидаги таҳрирда баён этилсин:

«давлат фуқаролик хизмати соҳасида ягона давлат сиёсатини амалга ошириш, шунингдек, давлат фуқаролик хизматини ривожлантириш дастурлари ва лойиҳаларини ҳамда мазкур соҳани такомиллаштириш бўйича таклифларни ишлаб чиқиш»;

қуйидаги мазмундаги ўн тўртинчи ва ўн бешинчи хатбошилар билан тўлдирилсин:

«давлат органларида натижага асосланган бошқарув тизимини жорий этиш;

ҳудудларда янги имкониятларни аниқлаш ва бошқарув самарадорлигини ошириш»;

(x) 12-бандда:

биринчи хатбошидаги «Давлат хизматини ривожлантириш агентлиги» сўзлари «Агентлик» сўзи билан алмаштирилсин;

«а» кичик банднинг биринчи хатбошиси қуйидаги таҳрирда баён этилсин:

«а) давлат фуқаролик хизмати соҳасида ягона давлат сиёсатини амалга ошириш, шунингдек, давлат фуқаролик хизматини ривожлантириш дастурлари ва лойиҳаларини ҳамда мазкур соҳани такомиллаштириш бўйича таклифларни ишлаб чиқиш соҳасида:»;

«в» кичик бандда:

тўртинчи ва бешинчи хатбошилар чиқариб ташлансин;

олтинчи — саккизинчи хатбошилар тегишинча тўртинчи — олтинчи хатбошилар деб ҳисоблансин;

«г» кичик банд қуйидаги таҳрирда баён этилсин:

«г) давлат фуқаролик хизмати соҳасида кадрларни бошқариш ва инсон ресурсларини ривожлантиришнинг инновацион усулларини жорий этиш соҳасида:

давлат органлари ва ташкилотлари жамоаларида ахлоқий-руҳий ҳолатни ўрганади, муҳитнинг ёмонлашувига имкон яратаётган сабаблар ва шарт-шароитларни аниқлайди, уларни бартараф этиш бўйича таклифлар ишлаб чиқади;

кадрлар ўз салоҳиятини тўла-тўкис намоён этиши учун муносиб шарт-шароитларни яратишда давлат органлари ва ташкилотларига кўмаклашади;

кадрларнинг профессионал сифатлар ва хизматларни адолатли ҳамда холисона баҳолашга асосланган лавозим бўйича ўсишида давлат органлари ва ташкилотларида тенг имкониятлар таъминланиши устидан назоратни амалга оширади;

давлат фуқаролик хизматчилари фаолиятининг самарадорлигини энг муҳим кўрсаткичлар асосида баҳолаш услубиятини белгилайди;

давлат фуқаролик хизматига инновацион услубларни татбиқ қилиш, давлат фуқаролик хизматчилари ишида буйруқбозликка барҳам беришнинг самарали йўллари ва механизмларини белгилайди»;

«ж» кичик бандда:

бешинчи хатбоши чиқариб ташлансин;

олтинчи ва еттинчи хатбошилар тегишинча бешинчи ва олтинчи хатбошилар деб ҳисоблансин;

«з» кичик бандда:

учинчи хатбоши чиқариб ташлансин;

тўртинчи ва бешинчи хатбошилар тегишинча учинчи ва тўртинчи хатбошилар деб ҳисоблансин;

тўртинчи хатбоши чиқариб ташлансин;

«л» кичик бандда:

иккинчи хатбоши чиқариб ташлансин;

учинчи — бешинчи хатбошилар тегишинча иккинчи — тўртинчи хатбошилар деб ҳисоблансин;

учинчи хатбоши чиқариб ташлансин;

тўртинчи хатбоши учинчи хатбоши деб ҳисоблансин;

«м» кичик банднинг бешинчи хатбошиси чиқариб ташлансин;

қуйидаги мазмундаги «н» ва «о» кичик бандлар билан тўлдирилсин:

«н) давлат органларида натижага асосланган бошқарув тизимини жорий этиш соҳасида:

давлат бошқарувида замонавий менежмент ва лойиҳавий ёндашув усулларини жорий этади ҳамда стратегик режалаштириш асосида мақсадли кўрсаткичлар тизимини ташкил этади;

давлат органларининг вазифа ва функцияларини ташкилий-ҳуқуқий механизмлар, молиявий-иқтисодий ва кадрлар ресурслари билан таъминланганлик ҳамда бошқарув жараёнларининг рақамлаштирилганлик ҳолатини мувофиқлаштиради;

давлат органлари ҳудудий бўлинмаларининг бир масала бўйича икки томонлама горизонтал (ҳокимликка) ва вертикал (юқорига) бўйсунувни бекор қилиш бўйича таклифлар ишлаб чиқади;

о) ҳудудларда янги имкониятларни аниқлаш ва бошқарув самарадорлигини ошириш соҳасида:

ҳудудларда «ўсиш нуқта»лари ва ишга солинмаган имкониятларни аниқлаш ва улардан самарали фойдаланиш бўйича таклифлар тайёрлайди;

ҳудудларни комплекс ривожлантиришга тўсқинлик қилаётган тизимли муаммоларни аниқлаш ва уларни бартараф этиш бўйича таклифлар ишлаб чиқади;

маҳаллий ижро этувчи ҳокимият органларини янгича ёндашув асосида аҳолига комплекс хизмат кўрсатувчи тузилмага трансформация қилишда услубий раҳбарликни амалга оширади;

маҳаллий ижро ҳокимияти органлари билан доимий ҳамкорлик ўрнатиб, ҳудудларни комплекс ривожлантириш борасидаги давлат сиёсатининг асосий йўналишлари ҳамда уларни бажаришнинг самарали механизмларини яратиш бўйича таклифлар ишлаб чиқади;

давлат дастурлари (стратегиялар, концепциялар) ижросини таъминлашда республика ва маҳаллий ижро ҳокимияти органларининг самарали ҳамкорлигини ташкил этади;

ҳудудларни ижтимоий-иқтисодий ривожлантириш бўйича амалий ташрифларга тайёргарлик кўриш жараёнларини пухта ташкиллаштиради;

(xi) 13-банддаги «Давлат хизматини ривожлантириш агентлиги» сўзлари «Агентлик» сўзи билан алмаштирилсин;

(xii) 4-бобнинг номланиши қуйидаги таҳрирда баён этилсин:

«4-боб. Агентликнинг ҳуқуқлари ва жавобгарлиги»;

(xiii) 1-параграфнинг номланиши қуйидаги таҳрирда баён этилсин:

«1-§. Агентликнинг ҳуқуқ ва мажбуриятлари»;

(xiv) 14-бандда:

биринчи, йигирма биринчи, йигирма иккинчи хатбошилардаги «Давлат хизматини ривожлантириш агентлиги» сўзлари «Агентлик» сўзи билан алмаштирилсин;

саккизинчи хатбошидаги «шу жумладан» сўзларидан кейин «, Агентлик ҳузурида ташкил этилган лойиҳа офисларига мутахассисларни» сўзлари билан тўлдирилсин;

ўн тўртинчи хатбошидаги «ва юридик шахс мақомига эга» сўзлари «ёки юридик шахс мақомига эга» сўзлари билан алмаштирилсин;

йигирма учинчи ва йигирма тўртинчи хатбошилардаги «қонун ҳужжатларига» ва тегишли келишикдаги «Давлат хизматини ривожлантириш агентлиги» сўзлари тегишинча «қонунчилик ҳужжатларига» ва тегишли келишикдаги «Агентлик» сўзи билан алмаштирилсин;

(xv) 15-банддаги «Давлат хизматини ривожлантириш агентлиги» сўзлари «Агентлик» сўзи билан алмаштирилсин;

(xvi) 2-параграфнинг номланиши қуйидаги таҳрирда баён этилсин:

«2-§. Агентлик филиалларининг ҳуқуқ ва мажбуриятлари»;

(xvii) 16-банднинг биринчи хатбошисидаги ва 17-банддаги «Давлат хизматини ривожлантириш агентлиги» сўзлари «Агентлик» сўзи билан алмаштирилсин;

(xviii) 5-бобнинг номланиши қуйидаги таҳрирда баён этилсин:

«5-боб. Агентлик раҳбарларининг функционал мажбуриятлари»;

(xix) 18-банд қуйидаги таҳрирда баён этилсин:

«18. Агентлик зиммасига юклатилган вазифаларга мувофиқ унинг раҳбарлари қуйидаги функционал мажбуриятларни бажарадилар:

а) Агентлик директори:

Агентлик фаолиятига умумий раҳбарликни амалга оширади, юклатилган вазифа ва функцияларнинг бажарилиши юзасидан шахсан жавобгар бўлади;

ўз ўринбосарлари ҳамда Агентлик, унинг филиаллари ва идоравий ташкилотлари бошқа мансабдор шахсларининг ваколатларини ҳамда шахсий жавобгарлик даражасини белгилайди, шунингдек, вазифаларини тақсимлайди;

ўз ваколати доирасида Агентлик, унинг филиаллари ва идоравий ташкилотларининг ходимлари томонидан ижро этилиши мажбурий бўлган буйруқлар чиқаради ва бошқа қарорлар қабул қилади;

Агентлик марказий аппаратининг харажатлар сметасини ва белгиланган штатлар сони доирасида штатлар жадвалини тасдиқлайди;

белгиланган штатлар сони ва меҳнатга ҳақ тўлаш фонди доирасида Агентлик марказий аппарати, филиаллари ҳамда ҳузуридаги ташкилотларнинг тузилмасини тасдиқлайди ва ўзгартиришлар киритади;

Агентлик марказий аппарати таркибий бўлинмалари ва унинг филиаллари тўғрисидаги низомларни тасдиқлайди;

ижро интизомига, шунингдек, жисмоний ва юридик шахсларнинг мурожаатларини қонунчилик ҳужжатларига мувофиқ кўриб чиқиш муддатлари ва тартибига қатъий риоя этилишини таъминлайди;

ўз ваколати доирасида норматив-ҳуқуқий ҳужжатлар қабул қилади, зарур ҳолларда давлат бошқарувининг бошқа органлари билан биргаликда қарорлар ва бошқа ҳужжатларни биргаликда қабул қилади;

қонунчилик ҳужжатларига мувофиқ бошқа функционал мажбуриятларни бажаради;

Агентлик директори бўлмаган вақтда унинг ваколатлари директорнинг биринчи ўринбосари томонидан, у бўлмаган вақтда эса Агентлик директори фармойишига асосан директорнинг бошқа ўринбосарларидан бири томонидан амалга оширилади;

б) Агентлик директори ўринбосарлари:

бошқарув самарадорлиги ва давлат фуқаролик хизматини ривожлантириш, норматив-ҳуқуқий ҳужжатлар ва бошқа ҳужжатларнинг лойиҳаларини экспертизадан ўтказиш ва сифатли тайёрлашни ташкил этиш масалалари бўйича Ўзбекистон Республикаси Президенти Администрацияси ҳамда Вазирлар Маҳкамасининг тегишли бўлинмалари билан ўзаро ҳамкорлик қилади;

Агентлик директорининг топшириқларига биноан Агентлик фаолиятига оид дастурий ҳужжатларнинг бажарилишини мувофиқлаштиради;

Агентлик марказий аппаратининг тасдиқланган тузилмасига мувофиқ Агентликнинг тегишли бўлинмалари фаолиятини мувофиқлаштиради;

ўзлари мутасаддилик қилаётган Агентлик марказий аппарати таркибий бўлинмаларида кадрлар захирасини шакллантириш бўйича ишларни тизимли асосда ташкиллаштиради;

Агентлик директори вақтинча бўлмаганида директор фармойишига асосан унинг вазифаларини бажаради;

қонунчилик ҳужжатлари ва Агентлик директорининг қарорларига мувофиқ бошқа функционал мажбуриятларни бажаради;

в) Агентлик марказий аппарати таркибий бўлинмаларининг раҳбарлари:

таркибий бўлинма тўғрисидаги низомга мувофиқ аниқ йўналишлар бўйича вазифаларнинг сифатли ва ўз вақтида бажарилишини таъминлайди;

ўзлари мувофиқлаштираётган соҳаларнинг ривожланиш ҳолатини баҳолайди ва амалга оширишнинг самарали механизмлари билан уларни янада ривожлантириш бўйича аниқ таклифларни Агентлик раҳбариятига киритади;

Агентлик раҳбариятининг буйруқлари, фармойишлари ва топшириқлари ўз вақтида ва сифатли ижро этилишини таъминлайди;

г) Агентлик филиалларининг раҳбарлари:

юклатилган вазифаларга, шунингдек, Агентлик раҳбариятининг топшириқларига мувофиқ филиалларнинг фаолиятини ташкил этади;

ҳудудда давлат фуқаролик хизматининг ривожланиши, давлат фуқаролик хизматчиларининг ҳуқуқ ва қонуний манфаатларига риоя этилиши ҳолатига баҳо беради ва зарур ҳолларда, Агентлик раҳбариятига тегишли таклифларни киритади;

қонунчилик ҳужжатлари ва Агентлик директорининг қарорларига мувофиқ бошқа функционал мажбуриятларни бажаради»;

(xx) 6-бобнинг номланиши қуйидаги таҳрирда баён этилсин:

«6-боб. Агентлик раҳбарларининг жавобгарлиги»;

(xxi) 19 ва 21-бандлардаги «Давлат хизматини ривожлантириш агентлиги» сўзлари «Агентлик» сўзи билан алмаштирилсин;

(xxii) 7-бобнинг номланиши қуйидаги таҳрирда баён этилсин:

«7-боб. Агентлик фаолиятини ташкил этиш»;

(xxiii) 1-параграфнинг номланиши қуйидаги таҳрирда баён этилсин:

«1-§. Агентлик раҳбарияти»;

(xxiv) 22 ва 23-бандлар қуйидаги таҳрирда баён этилсин:

«22. Агентликка Ўзбекистон Республикаси Президенти томонидан лавозимга тайинланадиган ва лавозимидан озод қилинадиган директор раҳбарлик қилади.

Агентлик директори Ўзбекистон Республикаси Президенти Администрацияси раҳбари томонидан лавозимга тайинланадиган ва лавозимидан озод этиладиган уч нафар ўринбосарларга, шу жумладан, бир нафар биринчи ўринбосарга эга.

23. Агентликнинг ходимлари, шу жумладан, унинг филиаллари бошлиқлари ва ходимлари Агентлик директори томонидан лавозимга тайинланади ва лавозимидан озод этиладилар»;

(xxv) 2-параграфнинг номланиши қуйидаги таҳрирда баён этилсин:

«2-§. Агентликнинг кенгаши ва консультатив эксперт органлари»;

(xxvi) 24-банд ўз кучини йўқотган деб ҳисоблансин;

(xxvii) 25-бандда:

биринчи ва иккинчи хатбошилар қуйидаги таҳрирда баён этилсин:

«25. Агентлик ҳузурида директорнинг биринчи ўринбосари, Агентлик алоҳида таркибий бўлинмаларининг раҳбарлари ва мутахассислари, шунингдек, фуқаролик жамияти институтларининг таниқли вакилларидан иборат таркибда Бошқарув самарадорлиги ва давлат фуқаролик хизматини ривожлантириш бўйича жамоатчилик кенгаши ташкил этилади.

Жамоатчилик кенгашининг низоми, аъзолари сони, шунингдек, фуқаролик жамияти институтлари вакиллари орасидан шакллантириладиган таркиби ва раиси Агентлик директорининг буйруғи билан тасдиқланади»;

бешинчи ва олтинчи хатбошилардаги «давлат фуқаролик хизматини» сўзлари «бошқарув самарадорлиги ва давлат фуқаролик хизматини» сўзлари билан алмаштирилсин;

еттинчи хатбошидаги «давлат фуқаролик хизматини» ва «Давлат хизматини ривожлантириш агентлигига» сўзлари тегишинча «бошқарув самарадорлиги ва давлат фуқаролик хизматини» ва «Агентликка» сўзлари билан алмаштирилсин;

(xxviii) 8-бобнинг номланиши қуйидаги таҳрирда баён этилсин:

«8-боб. Агентлик фаолияти самарадорлигини баҳолаш мезонлари»;

(xxix) 26-банд қуйидаги таҳрирда баён этилсин:

«26. Қуйидагилар:

Агентлик директори, директорнинг биринчи ўринбосари, директор ўринбосарлари фаолияти самарадорлиги — Ўзбекистон Республикаси Президенти Администрацияси томонидан белгиланадиган фаолият самарадорлигини баҳолашнинг интеграциялашган кўрсаткичлари асосида баҳоланади;

Агентлик марказий аппарати таркибий бўлинмаларининг бошлиқлари, филиаллари бошлиқлари ва ходимларининг фаолияти самарадорлиги — Агентлик директори томонидан тасдиқланадиган фаолият самарадорлигини баҳолаш кўрсаткичлари асосида баҳоланади»;

(xxx) 9-бобнинг номланиши қуйидаги таҳрирда баён этилсин:

«9-боб. Агентлик фаолиятини молиялаштириш ва унинг ходимларини моддий рағбатлантириш»;

(xxxi) 27-банд қуйидаги таҳрирда баён этилсин:

«27. Агентлик ходимларига Ўзбекистон Республикаси Президенти Администрациясининг ходимлари учун белгиланган моддий рағбатлантириш ва меҳнатга ҳақ тўлаш, тиббий хизмат кўрсатиш шартлари татбиқ этилади.

Агентликнинг бошқарув ходимларининг лавозим маошини Ягона тариф сеткаси бўйича тасдиқланган меҳнатга ҳақ тўлаш разрядлари бўйича аниқлашда тариф коэффициентлари икки баравар оширилган миқдорда қўлланилади. Бунда меҳнатга ҳақ тўлаш шартлари Агентликка тенглаштирилган ташкилотлар учун амалда бўлган тариф коэффициентлари сақлаб қолинади.

Агентлик ходимларига илгари ишлаган жойида берилган ҳарбий ва махсус унвонлар (мартаба ва малака даражалари, дипломатик даражалар ва бошқалар) сақланиб қолади ҳамда уларнинг Агентликда ишлаган вақти ҳарбий ва махсус унвонларни (мартаба ва малака даражалари, дипломатик даражалар ва бошқалар) олиш учун зарур бўлган иш стажига киритилади.

Агентликка лавозимга тайинланган (юборилган) ҳуқуқни муҳофаза қилувчи органлар ходимлари ўз мажбуриятларини бажариш даврида пул таъминоти сақланмаган ҳолда тегишли ҳуқуқни муҳофаза қилувчи органлар кадрларининг амалдаги захирасига тўғридан-тўғри киритилади»;

(xxxii) 28-бандда:

биринчи ва олтинчи хатбошилардаги «Давлат хизматини ривожлантириш агентлиги» сўзлари «Агентлик» сўзи билан алмаштирилсин;

еттинчи хатбоши чиқариб ташлансин;

саккизинчи хатбоши қуйидаги таҳрирда баён этилсин:

«ўз турар жойига эга бўлмаган Агентлик ва унинг филиаллари ходимларига қонунчилик ҳужжатларида Ҳисоб палатаси ходимлари учун белгиланган тартиб ва миқдорларда уй-жойни ижарага олиш шартномалари бўйича харажатларни Агентлик томонидан қоплаш»;

(xxxiii) 29-бандда:

биринчи хатбоши қуйидаги таҳрирда баён этилсин:

«29. Агентлик ва унинг филиаллари ходимларига Агентлик қошидаги Давлат хизматини ривожлантиришни қўллаб-қувватлаш жамғармаси маблағлари ҳисобидан:»;

тўртинчи хатбоши қуйидаги таҳрирда баён этилсин:

«Агентлик қошидаги Давлат хизматини ривожлантиришни қўллаб-қувватлаш жамғармаси тўғрисидаги низом Ўзбекистон Республикаси Президенти Администрацияси раҳбари томонидан тасдиқланади»;

(xxxiv) 30-банд ўз кучини йўқотган деб ҳисоблансин;

(xxxv) 31-банддаги «Давлат хизматини ривожлантириш агентлиги» сўзлари «Агентлик» сўзи билан алмаштирилсин;

(xxxvi) 10-бобнинг номланиши қуйидаги таҳрирда баён этилсин:

«10-боб. Агентликнинг Ўзбекистон Республикаси Президенти Администрацияси тегишли бўлинмалари ва Ўзбекистон Республикаси Президенти олдидаги ҳисобдорлиги»;

(xxxvii) 32 — 36-бандлардаги тегишли келишикдаги «Давлат хизматини ривожлантириш агентлиги» сўзлари тегишли келишикдаги «Агентлик» сўзи билан алмаштирилсин.

13. Ўзбекистон Республикаси Президентининг 2020 йил 18 февралдаги «Ўзбекистон Республикаси Маҳалла ва оилани қўллаб-қувватлаш вазирлиги фаолиятини ташкил этиш тўғрисида»ги ПҚ-4602-сон қарорининг 6-банди ўз кучини йўқотган деб ҳисоблансин.

14. Ўзбекистон Республикаси Президентининг 2022 йил 19 январдаги «Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида»ги ПҚ-92-сон қарори 13-бандида:

(а) иккинчи хатбоши чиқариб ташлансин;

(б) учинчи — олтинчи хатбошилар тегишинча иккинчи — бешинчи хатбошилар деб ҳисоблансин.

15. Ўзбекистон Республикаси Президентининг 2022 йил 20 январдаги «Заковат» интеллектуал ўйинини аҳоли ўртасида оммавий-маърифий ҳаракатга айлантириш ва бошқа интеллектуал ўйинларни ривожлантиришга оид чора-тадбирлар тўғрисида»ги ПҚ-96-сон қарорида:

(а) 6-банднинг еттинчи хатбошисидаги «кадрлар захирасига» сўзлари «Истиқболли кадрлар маълумотлар базасига» сўзлари билан алмаштириш;

(б) 1-илованинг 7-позицияси «Чора-тадбирлар» устунидаги «кадрлар захирасига» сўзлари «Истиқболли кадрлар маълумотлар базасига» сўзлари билан алмаштирилсин.

16. Ўзбекистон Республикаси Президентининг 2022 йил 29 июндаги «Маҳаллаларда ижтимоий хизматларни кўрсатиш ва ижтимоий ҳимояга муҳтож оилаларга ёрдам бериш тизимини янги босқичга кўтариш ҳамда хотин-қизларни касбга ўргатиш ишларини янада жадаллаштириш чора-тадбирлари тўғрисида»ги ПҚ-300-сон қарори 12-банди қуйидаги таҳрирда баён этилсин:

«12. Бошқарув самарадорлиги агентлиги (У. Хусаинов) Оила ва хотин-қизлар қўмитаси (З. Махкамова) билан биргаликда маҳаллалардаги хотин-қизлар фаолларини икки йиллик меҳнат фаолиятининг ижобий натижаларини ҳисобга олган ҳолда уларнинг хизмат поғонасини кўтариш бўйича вазирлик ва идоралар, шунингдек, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига таклифлар киритиб борсин».

17. Ўзбекистон Республикаси Президентининг 2023 йил 31 майдаги «Марказий Осиё атроф-муҳит ва иқлим ўзгаришини ўрганиш университети (Green University) фаолиятини ташкил этиш чора-тадбирлари тўғрисида»ги ПҚ-174-сон қарори 2-бандининг бешинчи хатбошиси чиқариб ташлансин.

18. Ўзбекистон Республикаси Президентининг 2024 йил 28 майдаги «Ўзбекистон давлат спорт академияси фаолиятини ташкил қилиш чора-тадбирлари тўғрисида»ги ПҚ-197-сон қарори 7-бандининг тўртинчи хатбошиси чиқариб ташлансин.

19. Вазирлар Маҳкамасининг 2022 йил 2 августдаги 424-сон қарори билан тасдиқланган Ўзбекистон Республикаси ҳудудида хизмат сафарлари тўғрисидаги низомда:

(а) 1-банднинг биринчи хатбошиси қуйидаги мазмундаги жумла билан тўлдирилсин:

«Бунда давлат фуқаролик хизмати татбиқ қилинадиган давлат органлари ва ташкилотларида хизмат сафарларини ташкил этиш, хизмат сафарига кетаётган ва хизмат сафаридан қайтаётган шахсларни рўйхатга олиш бўйича махсус электрон журналларни юритиш ва таҳлилини олиб бориш «hrm.gov.uz» электрон тизими таркибидаги «Xizmat safari» ягона модули орқали амалга оширилади»;

(б) 9-банднинг иккинчи хатбошиси қуйидаги мазмундаги жумла билан тўлдирилсин:

«Бунда давлат фуқаролик хизмати татбиқ қилинадиган давлат органлари ва ташкилотларида хизмат сафарига кетаётган ва хизмат сафаридан қайтаётган шахсларни рўйхатга олиш мазкур Низомга 4 ва 5-иловаларга мувофиқ махсус журналларда «hrm.gov.uz» электрон тизими таркибидаги «Xizmat safari» ягона модулида электрон шаклда юритилади ҳамда бу ҳақидаги маълумотлар «ЎзАСБО» дастурий мажмуасига интеграция қилиш орқали юборилади»;

(в) 14-банднинг «а» кичик банди тўртинчи хатбошиси «Ўзбекистон Республикаси Президенти Администрацияси» сўзларидан кейин «, Ўзбекистон Республикаси Президенти ҳузуридаги Бошқарув самарадорлиги агентлиги» сўзлари билан тўлдирилсин;

(г) 18-банднинг иккинчи ва учинчи хатбошилари «Ўзбекистон Республикаси Ҳисоб палатаси» сўзларидан кейин «, Ўзбекистон Республикаси Президенти ҳузуридаги Бошқарув самарадорлиги агентлиги» сўзлари билан тўлдирилсин.

20. Вазирлар Маҳкамасининг 2024 йил 4 октябрдаги «Раҳбар кадрларни баҳолаш марказини ташкил этиш тўғрисида»ги 629-сон қарорида:

(а) 1-банддаги «Давлат хизматини ривожлантириш» сўзлари «Бошқарув самарадорлиги» сўзлари билан алмаштирилсин;

(б) 4-банд қуйидаги мазмундаги олтинчи ва еттинчи хатбошилар билан тўлдирилсин:

«Марказ томонидан давлат фуқаролик хизматчилари компетенцияларини баҳолаш шартнома асосида амалга оширилади;

Марказга ҳомийлик ва грант маблағлари ҳисобидан берилган асосий воситаларни сотишдан тушган пул маблағлари (ушбу пул маблағлари ҳисобидан сотиб олинган асосий воситаларни сотишдан тушган пул маблағлари) тўлиқ миқдорда Марказ ихтиёрида қолади ҳамда мақсадли равишда унинг моддий-техника базасини мустаҳкамлаш ва ривожлантириш, шу жумладан транспорт воситаларини харид қилиш учун йўналтирилади».

21. Вазирлар Маҳкамасининг 2025 йил 9 апрелдаги 212-сон қарори билан тасдиқланган Республика ижро этувчи ҳокимият органларининг инсон ресурсларини ривожлантириш ва бошқариш бўлинмалари тўғрисидаги намунавий низомда:

(а) 3-банднинг биринчи хатбошиси қуйидаги таҳрирда баён этилсин:

«3. Бўлинма ўз фаолиятида бевосита тегишли давлат органининг раҳбарига бўйсунади ҳамда унинг маслаҳатчиси мақомига эга бўлади»;

(б) 7-банд қуйидаги мазмундаги йигирманчи хатбоши билан тўлдирилсин:

«Бўлинмага қонунчилик ҳужжатларида назарда тутилмаган функция ва вазифалар юклатилишига йўл қўйилмайди».

22. Вазирлар Маҳкамасининг 2006 йил 26 апрелдаги 180-Ф-сон фармойишининг рус тилидаги матнида:

(а) Ислом Каримов номидаги «Тошкент» халқаро аэропортида алоҳида муҳим йўловчиларга хизмат кўрсатиш зали тўғрисидаги низомга илованинг 5-банди 5.4¹-кичик банди қуйидаги таҳрирда баён этилсин:

«5.4¹. Директор Агентства эффективности управления при Президенте Республики Узбекистан и его заместители»;

(б) Ўзбекистон Республикаси аэропортларида расмий делегацияларга хизмат кўрсатиш зали тўғрисидаги низомга илованинг 5-банди 5.4¹-кичик банди қуйидаги таҳрирда баён этилсин:

«5.4¹. Директор Агентства эффективности управления при Президенте Республики Узбекистан и его заместители».

Изоҳ: мазкур илованинг 11-банди ҳамда 12-банди «н» кичик банди (xxxi), (xxxiii) ва (xxxiv) хатбошилари 2026 йил 1 январдан эътиборан кучга киради.

(Қонунчилик маълумотлари миллий базаси, 09.12.2025 й., 06/25/243/1128-сон)