Ҳужжат 16.04.2025 00 санаси ҳолатига
Амалдаги версияга ўтиш
Ўзбекистон Республикаси Президентининг
Фармони
Қурилиш ва уй-жой коммунал хўжалиги соҳасида давлат назоратини самарали ташкил қилиш чора-тадбирлари тўғрисида
Қурилиш ва уй-жой коммунал хўжалиги соҳасида давлат назоратини кучайтириш ва манфаатлар тўқнашувининг олдини олиш, қурилиш-монтаж ишларининг сифати ва лойиҳа ҳужжатларига мувофиқлиги, шунингдек, кўп квартирали уй-жой фондини бошқариш, иссиқлик таъминотидан фойдаланиш, ичимлик суви таъминоти ва оқова сувларни чиқариб юбориш хизматларини кўрсатиш ҳамда улардан фойдаланиш юзасидан таъсирчан давлат назоратини таъминлаш мақсадида қарор қиламан:
I. Мақсадлар
1. Қуйидагилар қурилиш ва уй-жой коммунал хўжалиги соҳасида давлат назоратини такомиллаштиришнинг асосий мақсадлари этиб белгилансин:
(а) Қурилиш ва уй-жой коммунал хўжалиги соҳасида назорат қилиш инспекциясини (кейинги ўринларда — Инспекция) мустақил республика ижро этувчи ҳокимият органи сифатида шакллантириш ва манфаатлар тўқнашувининг олдини олиш;
(б) жорий йил якунига қадар қурилиш, кўп квартирали уйларни бошқариш ҳамда ичимлик суви таъминоти ва оқова сувларни чиқариб юбориш соҳасида назорат функцияларини тўлиқ рақамлаштириш;
(в) 2025 йил 1 июлга қадар хусусий сектор томонидан амалга ошириладиган назорат тизими механизмларини шакллантириш.
II. Назорат механизмларини такомиллаштириш
2. Белгилансинки, 2025 йил 1 майдан бошлаб:
(а) тадбиркор ва қурилиш ва уй-жой коммунал хўжалиги соҳасида назорат қилиш ҳудудий инспекциялари (кейинги ўринларда — ҳудудий инспекциялар) ўртасида шартнома (оммавий оферта) тузилган бўлса, тадбиркорлик субъектларининг қурилиш объектларида қисқа муддатли давлат қурилиш назорати тадбирлари шартнома шартлари доирасида амалга оширилади ва «Ягона давлат назорати» ахборот тизимида рўйхатдан ўтказилмайди;
(б) Инспекцияга кўп квартирали уйларни бошқариш ва сақлаш қоидаларига риоя этилиши устидан давлат назоратини амалга ошириш жараёнида хўжалик юритувчи субъектларнинг молиялаштириш манбаларидан қатъи назар молия-хўжалик фаолиятига аралашиш қатъиян тақиқланади.
3. 2025 йил 1 сентябрдан бошлаб ҳар бир қурилаётган объектнинг QR-кодли паспорти жорий қилинсин. Бунда QR-кодли паспорт орқали шаҳарсозлик субъектлари, қурилиш муддатлари, шаҳарсозлик ҳужжатлари (эскиз лойиҳалари) ва тасдиқланган экспертиза хулосалари ҳақидаги маълумотларни олиш имконияти яратилсин.
4. Шундай тартиб ўрнатилсинки, унга мувофиқ:
(а) кўп квартирали уйлардаги жойларни, шунингдек, ертўлаларни қайта қуриш ва қайта режалаштиришда шаҳарсозлик нормаларини бузган ҳолда кўп квартирали уйнинг конструктив қисмлари ва таянч деворларига ўзгартириш киритиш, бузиш ҳамда бинонинг зилзилага бардошлилигига салбий таъсир қиладиган ишларни амалга ошириш тақиқланади;
(б) 2025 йил 1 июлдан бошлаб барча ичимлик суви таъминоти ва оқова сувларни чиқариб юбориш тизими объектларини мажбурий тарзда шартнома асосида технологик аудитдан ўтказиш тартиби жорий этилади.
5. 2025 йил 1 июлдан бошлаб:
(а) босқичма-босқич ҳудудий инспекцияларда Қурилиш объектларини онлайн кузатиш маркази ташкил этилсин;
(б) тажриба-синов тариқасида 2025 йилда Қашқадарё вилоятидаги Давлат бюджети маблағлари ҳисобига янгидан қуриладиган объектларга видеокамералар ўрнатилсин;
(в) қурилиш ва уй-жой коммунал хўжалиги соҳасида давлат назоратини амалга оширишда мобил видеокамералар (бодикамера) ва махсус планшетлардан фойдаланилсин;
(г) мобил видеокамералар (бодикамера), махсус планшетлар ва видеокамералардан олинган маълумотлар тўғридан-тўғри Қурилиш объектларини онлайн кузатиш марказига узатилсин;
(д) «E-mamuriy ish» ахборот тизимида шаҳарсозлик тўғрисидаги қонунчилик ҳужжатлари талабларини бузган шахсларга нисбатан маъмурий чоралар қўллашни кўриб чиқиш тартиби соддалаштирилсин.
6. 2025 йил 1 сентябрга қадар «Шаффоф қурилиш» миллий ахборот тизимининг «Қурилишда давлат назорати» электрон платформасига қуйидаги маълумотлар интеграция қилинсин:
(а) Кадастр агентлигининг «UZKAD» кадастр ва кўчмас мулкни рўйхатдан ўтказиш интеграцион ахборот тизимидаги кўп квартирали уйларнинг умумий фойдаланиш майдони ва унга туташ ер участкалари ҳамда хонадоннинг мулкдори, кадастр рақами ва кадастр чизмаси тўғрисидаги маълумотлар;
(б) «Ўзсувтаъминот» АЖнинг биллинг тизимидаги истеъмолчиларнинг манзили ва сони, сув ҳисоблагичлари кўрсаткичлари, сарфланган сув миқдори ва қарздорлик, оқова сувларни чиқариш, янги қамраб олинган истеъмолчилар тўғрисида ва бошқа маълумотлар.
III. Хусусий назорат тизими механизмларини шакллантириш
7. Шундай тартиб ўрнатилсинки, унга мувофиқ, 2025 йил 1 июлдан бошлаб:
(а) якка тартибдаги уй-жойлар ва кичик ҳажмдаги нотурар бино ва иншоотларни қуриш ҳамда реконструкция қилиш ишлари юзасидан қурилиш назорати хусусий сектор томонидан олиб борилади (кейинги ўринларда — хусусий қурилиш назорати);
(б) хусусий қурилиш назорати архитектура-шаҳарсозлик ҳужжатларини ишлаб чиқиш фаолияти учун лицензияга эга бўлган ҳамда қурилиш объектининг лойиҳа-смета ҳужжатларининг архитектура қисмини ишлаб чиққан лойиҳа ташкилоти (кейинги ўринларда — лойиҳачи) томонидан шартнома асосида амалга оширилади;
(в) хусусий қурилиш назорати объектларида қурилиш (реконструкция ишлари) якунига етгандан сўнг лойиҳачи томонидан «Шаффоф қурилиш» миллий ахборот тизимида хулоса шакллантирилади ва буюртмачига тақдим этилади;
(г) қурилиши (реконструкция ишлари) тугалланган объектдан фойдаланиш учун рухсатнома бериш тегишли туман (шаҳар) қурилиш ва уй-жой коммунал хўжалиги бўлимлари (Тошкент шаҳрида — туман қурилиш бўлимлари) томонидан амалга оширилади;
(д) хусусий қурилиш назорати олиб борилмаганда ёки назоратни олиб борган лойиҳачининг ижобий хулосаси мавжуд бўлмаганда объектларни фойдаланишга қабул қилиш тақиқланади.
8. Қуйидагилар хусусий қурилиш назорати объектлари ҳисоблансин:
(а) икки қаватдан юқори бўлмаган (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони (ёрдамчи хўжалик иморатларини ҳисобга олмаган ҳолда) 500 квадрат метрдан ортиқ бўлмаган якка тартибдаги уй-жойлар;
(б) қурилиш ҳажми 300 метр кубдан ортиқ бўлмаган нотурар бино ва иншоотлар ҳамда енгил турдаги (конструкцияли) қурилмалар.
IV. Институционал ислоҳотлар
9. Қурилиш ва уй-жой коммунал хўжалиги вазирлиги ҳузуридаги Қурилиш ва уй-жой коммунал хўжалиги соҳасида назорат қилиш инспекцияси Вазирлар Маҳкамаси бўйсунувига ўтказилсин.
10. Қуйидагилар:
(а) Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси фаолиятининг устувор йўналишлари 1-иловага мувофиқ;
(б) Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекциясининг ташкилий тузилмаси 2-иловага мувофиқ тасдиқлансин.
11. Белгилансинки:
(а) Инспекция қурилиш ва уй-жой коммунал хўжалиги соҳасида давлат назорати ва текширувини амалга оширувчи мустақил республика ижро этувчи ҳокимият органи ҳисобланади;
(б) Инспекция бевосита Вазирлар Маҳкамасига ҳисобдордир;
(в) Инспекция бошлиғи Ўзбекистон Республикаси Президенти томонидан, унинг ўринбосарлари эса Ўзбекистон Республикаси Президенти билан келишилган ҳолда Вазирлар Маҳкамаси томонидан лавозимга тайинланади ҳамда лавозимдан озод қилинади;
(г) ҳудудий инспекциялар ходимлари сони назоратга олинган объектларнинг умумий сонидан, ҳажмидан ва масофасидан келиб чиққан ҳолда белгиланади.
12. Инспекция тузилмасида 2 та бошқарув ходими штат бирлигидан иборат бўлган комплаенс назорат хизмати ташкил этилсин ва ҳудудий инспекциялар тузилмасига комплаенс назорат бўйича мутахассис лавозими киритилсин. Бунда Инспекциянинг комплаенс назорат хизмати ва ҳудудий инспекцияларнинг комплаенс назорат бўйича мутахассислари бевосита Инспекция бошлиғига бўйсунади.
13. Ҳудудий инспекциялар фаолиятини ташкил этиш, назорат қилиш ва уларга умумий раҳбарлик қилиш вертикал бошқарув тизими асосида Инспекция томонидан амалга оширилади. Бунда давлат ҳокимияти ва бошқаруви органлари, ҳуқуқни муҳофаза қилувчи ва назорат органлари томонидан Инспекция ва ҳудудий инспекциялар ходимлари зиммасига уларнинг ваколатига кирмайдиган вазифаларни юклаш тақиқланади.
V. Давлат назорат тизимини молиялаштириш
14. Инспекция фаолияти Ўзбекистон Республикаси республика бюджети маблағлари, назоратга олинган объектлар бўйича ундириладиган ажратмалар ва қўлланадиган жарималар, хўжалик фаолиятидан олинган даромадлар, бюджетдан ташқари тегишли жамғармалар ҳамда қонунчиликда тақиқланмаган бошқа манбалар ҳисобидан молиялаштирилсин.
15. Давлат қурилиш назорати амалга оширилиши шарт бўлган барча объектлар бўйича ҳудудий инспекцияларга ажратмалар қуйидаги тартибда тақсимланади:
(а) 5 фоизи — Ўзбекистон Республикаси республика бюджетига йўналтирилади;
(б) 5 фоизи — Қурилиш ва уй-жой коммунал хўжалиги вазирлиги фаолиятини қўллаб-қувватлаш жамғармасига йўналтирилади;
(в) 10 фоизи — Инспекциянинг бюджетдан ташқари ҳисобварағига йўналтирилади;
(г) 80 фоизи — ҳудудий инспекциялар ихтиёрида қолдирилади.
16. Инспекция ва ҳудудий инспекциялар томонидан ўз ваколатлари доирасида шаҳарсозликка оид қонунчилик талабларини бузганлик учун айбдор шахслардан ундириладиган жарималар қуйидаги тартибда тақсимланади:
(а) 20 фоизи — Қорақалпоғистон Республикаси бюджети, вилоятлар ва Тошкент шаҳар маҳаллий бюджетларига йўналтирилади;
(б) 20 фоизи — Қурилиш ва уй-жой коммунал хўжалиги вазирлиги фаолиятини қўллаб-қувватлаш жамғармасига йўналтирилади;
(в) 60 фоизи — Инспекциянинг бюджетдан ташқари ҳисобварағига йўналтирилади.
17. Ҳудудий инспекцияларнинг шаҳарсозлик соҳасида кўрсатадиган хизматлари ва бажарадиган ишларидан олинган даромадлар қуйидаги тартибда тақсимланади:
(а) 15 фоизи — Инспекциянинг бюджетдан ташқари ҳисобварағига йўналтирилади;
(б) 85 фоизи — ҳудудий инспекцияларнинг ихтиёрида қолдирилади.
18. Инспекциянинг бюджетдан ташқари маблағларидан қуйидаги мақсадларда фойдаланишга рухсат берилсин:
(а) Инспекция ва ҳудудий инспекцияларнинг моддий-техника базасини мустаҳкамлаш;
(б) Инспекция ва ҳудудий инспекцияларнинг жорий ва бошқа харажатларини молиялаштириш;
(в) Инспекция ва ҳудудий инспекцияларнинг ходимларини моддий рағбатлантириш ва ижтимоий таъминлаш;
(г) Инспекция ва ҳудудий инспекцияларнинг раҳбарлари ва мутахассисларини тайёрлаш, қайта тайёрлаш ва уларнинг малакасини ошириш, шу жумладан, хорижий давлатлар билан тажриба алмашиш.
VI. Фармон ижросини ташкил этиш, таъминлаш ва назорат
19. Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси фаолиятини ривожлантириш бўйича «йўл харитаси» 3-иловага мувофиқ тасдиқлансин.
20. Инспекция (С. Эшқувватов) 2025 йил декабрга қадар:
(а) ҳудудий инспекциялар ходимлари ротацияси тизимини жорий этсин;
(б) хорижий мамлакатлар билан ҳамкорлик қилиб, ҳудудий инспекция ходимларини хорижга қисқа муддатли тажриба алмашиш, стажировка ўташга юбориш амалиётини йўлга қўйсин;
(в) Инспекциянинг ташкил этилаётган таркибий бўлинмаларини юкланган вазифаларни профессионал даражада бажаришга қодир бўлган юқори малакали кадрлар билан тўлдирсин.
21. Қурилиш ва уй-жой коммунал хўжалиги вазирлиги (Хидоятов), Инспекция (С. Эшқувватов) уч ой муддатда қуйидагилар бўйича Вазирлар Маҳкамасига таклиф киритсин:
(а) ноқонуний қурилишларнинг олдини олиш ва ноқонуний қурилган объектлар эгаларига нисбатан тегишли чоралар белгилаш;
(б) Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил девони (Ж. Урунов) ва Савдо-саноат палатаси (Д. Вахабов) билан биргаликда Инспекция томонидан ўтказиладиган назорат тадбирларида текширишлар тартибини соддалаштириш, хабардор қилиш ва «хавфни таҳлил қилиш» тизимини такомиллаштириш.
22. Ўзбекистон Республикаси Президентининг айрим ҳужжатларига 4-иловага мувофиқ ўзгартириш ва қўшимчалар киритилсин.
23. Инспекция (С. Эшқувватов) манфаатдор вазирлик ва идоралар билан биргаликда икки ой муддатда ушбу Фармон талабларидан келиб чиққан ҳолда Инспекция фаолиятини самарали ташкил этиш бўйича ҳамда қонунчиликка ўзгартириш ва қўшимчалар тўғрисидаги таклифларни Вазирлар Маҳкамасига киритсин.
24. Қурилиш ва уй-жой коммунал хўжалиги соҳасида давлат назоратини амалга оширишда кўрилаётган чора-тадбирлар моҳиятини аҳоли ва кенг жамоатчиликка тушунарли тарзда етказиш ишларини ташкил этиш мақсадида Ўзбекистон Миллий телерадиокомпанияси (А. Джурабаев) Инспекция (С. Эшқувватов) билан биргаликда:
(а) мазкур Фармоннинг мазмун-моҳиятини кенг тарғиб қилишга қаратилган кўрсатувлар, лавҳалар, видеороликлар ва эшиттиришлар тайёрласин;
(б) ишлаб чиқилган медиамаҳсулотлар Миллий телерадиокомпаниянинг барча теле- ва радиоканалларида тизимли равишда эфирга узатилишини таъминласин.
25. Мазкур Фармоннинг мақсадларига эришиш доирасида қуйидагилар масъул этиб белгилансин:
(а) Бош вазир ўринбосари А.Ж. Раматов — ушбу Фармонда белгиланган чора-тадбирларни амалга ошириш учун масъул вазирликлар, идоралар ва ташкилотларнинг фаолиятини мувофиқлаштирсин, ҳар ойда бажарилган ишлар тўғрисида уларнинг раҳбарлари ҳисоботларини қабул қилсин ва аниқланган камчиликларни ўз вақтида бартараф этсин;
(б) қурилиш ва уй-жой коммунал хўжалиги вазири Ш.С. Хидоятов — хусусий қурилиш назорати тизими механизмларини жорий этсин, қурилиш объектларининг хавф-хатар тоифаларини қайта кўриб чиқсин, «Шаффоф қурилиш» миллий ахборот тизимини такомиллаштириш ва соҳада рақамлаштириш ишларини самарали ташкиллаштирсин;
(в) Инспекция бошлиғи С.Қ. Эшқувватов — давлат қурилиш назоратининг такомиллашган янги тартибини жорий этиш, Инспекция ва ҳудудий инспекциялар фаолиятига замонавий ахборот-коммуникация технологияларини босқичма-босқич татбиқ қилиш бўйича ишлар сифатли ташкиллаштирилишини, шунингдек, ушбу Фармонни амалга ошириш давомида юзага келадиган жорий масалалар тезкорлик билан ҳал этилишини таъминласин.
26. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 14 апрель,
ПФ-66-сон
Ўзбекистон Республикаси Президентининг 2025 йил 14 апрелдаги ПФ-66-сон Фармонига
1-ИЛОВА
Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси фаолиятининг устувор йўналишлари
1. Барча турдаги қурилиш-монтаж ишлари (автомобиль йўллари ва йўл сунъий иншоотлари бундан мустасно) ҳамда қурилиш ишлари тугалланган объектларни фойдаланишга қабул қилишда шаҳарсозлик тўғрисидаги қонунчилик ҳужжатлари, шаҳарсозлик нормалари ва қоидалари, техник жиҳатдан тартибга солиш соҳасидаги норматив ҳужжатлар талабларига риоя этилиши юзасидан давлат назоратини амалга ошириш.
2. Объектларда уларнинг зилзилага бардошлилигига таъсир қилувчи, шунингдек, инсон саломатлиги ва ҳаётига таҳдид солувчи сифатсиз қурилиш материаллари ва буюмлари қўлланишининг олдини олиш.
3. Объектларда буюртмачининг техник назорати, лойиҳа ташкилотларининг муаллифлик назорати ва пудратчининг ички назорати тизими ишлаши устидан давлат назоратини амалга ошириш.
4. Кўп квартирали уйларни бошқариш, уларга туташ ер участкаларини сақлаш ва улардан фойдаланишда техник фойдаланиш қоидалари ва нормаларига риоя этилишини назорат қилиш ҳамда мулкдорлар томонидан жойларнинг ўзбошимчалик билан қайта қурилишига ва қайта режалаштирилишига йўл қўймаслик.
5. Кўп квартирали уйларни бошқариш органлари ва жойлар мулкдорлари томонидан иссиқлик таъминотидан фойдаланишда норматив-ҳуқуқий ҳужжатлар талабларига риоя этилиши устидан давлат назоратини амалга ошириш.
6. Ичимлик сувини ишлаб чиқариш, етказиб бериш, реализация қилиш, ичимлик сувидан оқилона фойдаланиш, шунингдек, оқова сувларни чиқариб юбориш ва тозалаш бўйича хизмат кўрсатиш соҳасида техник жиҳатдан тартибга солиш соҳасидаги норматив ҳужжатлар ҳамда норматив-ҳуқуқий ҳужжатлар талабларига риоя этилишини назорат қилиш.
7. Ичимлик сувини ишлаб чиқариш учун мўлжалланган ерости сувлари қудуқларининг техник ҳолати ва улардан фойдаланиш шартларига ҳамда қазишнинг (бурғилашнинг) белгиланган қоидаларига риоя этилишини назорат қилиш.
8. Истеъмолчиларнинг ичимлик суви таъминоти ва оқова сувларни чиқариб юбориш бўйича хизматлар билан қамраб олиниши устидан давлат назоратини амалга ошириш.
9. Соҳага замонавий ахборот технологияларини кенг жорий этиш, давлат назоратини тўлиқ рақамлаштиришни таъминлаш.
Мазкур иловада назарда тутилган Инспекция фаолиятининг устувор йўналишлари бўйича давлат назорати соҳадаги махсус ваколатли давлат органлари билан ҳамкорликда амалга оширилади.
Ўзбекистон Республикаси Президентининг 2025 йил 14 апрелдаги ПФ-66-сон Фармонига
2-ИЛОВА
Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекциясининг
ТАШКИЛИЙ ТУЗИЛМАСИ

Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси

↓

Қорақалпоғистон Республикаси, вилоятлар ҳамда Тошкент шаҳри қурилиш ва уй-жой коммунал хўжалиги соҳасида назорат қилиш ҳудудий инспекциялари

↓

Синов лабораториялари

(юридик шахс мақомига эга бўлмаган)

Ўзбекистон Республикаси Президентининг 2025 йил 14 апрелдаги ПФ-66-сон Фармонига
3-ИЛОВА
Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси фаолиятини ривожлантириш бўйича
«ЙЎЛ ХАРИТАСИ»

Т/р

Чора-тадбирлар номи

Амалга ошириш механизми

Молиялаштириш манбаи

Ижро муддати

Масъуллар

1.

Қурилиш ва уй-жой коммунал хўжалиги соҳасида ҳудудий назорат қилиш инспекцияларида (кейинги ўринларда — ҳудудий инспекциялар) Қурилиш объектларини онлайн кузатиш марказларини ташкил этиш.

1. Қурилиш ва уй-жой коммунал хўжалиги соҳасида назорат қилиш инспекцияси (кейинги ўринларда — Инспекция)нинг маълумотлар базасини марказлаштириш, шу жумладан, Қурилиш объектларини онлайн кузатиш марказларидаги маълумотларни хавфсиз ва тезкор таҳлил қилиш учун компьютер техникаси, сервер қурилмалари, коммуникация ускуналари ва дастурий таъминот билан таъминлаш.

2. Ҳудудий инспекциялардаги мазкур марказларда объектларда ўрнатилган видеокамералар ва назорат инспекторларининг бодикамераларидаги маълумотларни онлайн кузатиб бориш тизимини жорий этиш.

Ҳудудий инспекциялар маблағлари

2025 йил июндан бошлаб босқичма-босқич

Инспекция

(Эшқувватов)

2.

Қурилиш объектининг паспортига бўлган талабларни қайта кўриб чиқиш.

1. Қурилиш объекти паспортининг шаклини ишлаб чиқиш, бунда:

паспортдаги мажбурий маълумотлар рўйхатини аниқлаш;

паспорт шаклини ва янгиланиш тартибини жорий қилиш;

қурилиш объекти паспортини рақамлаштириш.

2. Қурилиш майдонларида паспортларни мажбурий жойлаштириш, бунда:

ҳар бир қурилиш объектида паспорт мавжудлигини таъминлаш;

паспортсиз объектларга нисбатан кўрсатмалар бериш амалиётини жорий этиш.

Маблағ талаб этилмайди

2025 йил август

Қурилиш ва уй-жой коммунал хўжалиги вазирлиги

(Хидоятов),

Инспекция

(Эшқувватов)

3.

Ҳудудий инспекциялардан рўйхатдан ўтган ҳар бир қурилаётган объектнинг QR кодли паспортини жорий қилиш.

1. QR кодли паспорт шаклини ишлаб чиқиш ва унда қуйидаги маълумотларнинг бўлишини таъминлаш:

объектнинг электрон паспортига ҳавола;

объект ҳақида қисқача маълумот (номи, рухсатнома рақами, муддатлар ва б.);

масъул шахслар билан боғланиш маълумотлари.

2. QR кодни қурилиш майдонидаги қурилиш объекти паспорти ва ахборот стендларида жойлаштириш.

3. QR код маълумотларини қуйидаги тизимларга интеграция қилиш орқали автоматик равишда янгилаб бориш:

Ягона интерактив давлат хизматлари портали;

«Қурилишда давлат назорати» портали.

Маблағ талаб этилмайди

2025 йил август

Қурилиш ва уй-жой коммунал хўжалиги вазирлиги

(Хидоятов),

Инспекция

(Эшқувватов),

Рақамли технологиялар вазирлиги

(Шерматов),

Адлия вазирлиги

(Ташкулов)

4.

Инспекция тизимидаги синов лабораторияларини тўлиқ рақамлаштириш, уларни объектлар конструкциялари, қурилиш материаллари ва буюмларини халқаро стандартларга мувофиқ тўлақонли синовдан ўтказишни амалга оширувчи замонавий ускуналар билан таъминлаш.

1. Синов лабораторияларининг иш фаолиятини, бериладиган синов баённомаларини ва барча ҳисоботларни рақамлаштириш.

2. Талаб этиладиган ускуналар рўйхатини шакллантириш.

Халқаро молия институтлари ва хорижий ҳукумат молия ташкилотлари грантлари, инвестор маблағлари

2025 йил сентябрь

Инспекция

(Эшқувватов),

Инвестициялар, саноат ва савдо вазирлиги

(Кудратов),

Иқтисодиёт ва молия вазирлиги

(Норқулов),

Рақамли технологиялар вазирлиги

(Шерматов)

3. Ускуналарни сотиб олиш учун халқаро молия институтлари ва хорижий ҳукумат молия ташкилотлари грантларини жалб қилиш чораларини кўриш.

2025-2026 йиллар

4. Синов лабораторияларини ташкил қилиш чораларини кўриш (шу жумладан, давлат-хусусий шериклик шартлари асосида).

2026-2027 йиллар

5.

Қурилиш-монтаж ишларини бошлаш учун рухсатнома бериш тартибини такомиллаштириш ва жараённи тўлиқ рақамлаштириш.

Қурилиш-монтаж ишларини бошлаш учун рухсатнома бериш тартибини такомиллаштириш мақсадида:

1. Қурилиш ишларини бошлашга рухсат беришда талаб этиладиган ҳужжатларни тегишли ташкилотларнинг электрон тизимларидаги мавжуд маълумотларни «Шаффоф қурилиш» МАТга интеграция қилиш орқали олиш ва ҳужжатлар сонини қисқартириш.

Маблағ талаб этилмайди

2025 йил август

Инспекция

(Эшқувватов),

Қурилиш ва уй-жой коммунал хўжалиги вазирлиги

(Хидоятов),

Адлия вазирлиги

(Ташкулов),

Рақамли технологиялар вазирлиги

(Шерматов),

манфаатдор вазирлик ва идоралар

2. Амалдаги қонунчилик ҳужжатларига ўзгартириш ва қўшимча киритиш юзасидан норматив-ҳуқуқий ҳужжат лойиҳасини Вазирлар Маҳкамасига киритиш.

2025 йил сентябрь

6.

Давлат назорати ишларини амалга оширишда ҳудудий инспекциялар инспекторларининг махсус формали кийим-бош, мобил видеокамера (бодикамера), махсус планшетлардан фойдаланишини жорий қилиш.

1. Махсус формали кийим, мобил видеокамералар (бодикамера), махсус планшетларни белгиланган тартибда харид қилиш.

Инспекция маблағлари

2025 йил август

Инспекция

(Эшқувватов),

Ички ишлар вазирлиги

(Ташпулатов)

2. Ҳудудий инспекциялар инспекторларининг ўз хизмат вазифаларини олиб боришда махсус формали кийим-бош, мобил видеокамералар (бодикамера)дан фойдаланиш тартибини белгилаш.

2025 йил август

3. Бодикамерадаги видеоёзувлар ва махсус планшетда бажарилган ишлар тўғрисидаги маълумотларни Қурилиш объектларини онлайн кузатиш марказларига юбориш тартибини белгилаш.

2025 йил сентябрь

4. «E-maʼmuriy ish» тизимида шаҳарсозлик тўғрисидаги қонунчилик ҳужжатларини бузган ҳуқуқбузарларга нисбатан маъмурий чоралар қўллашни кўриб чиқишни соддалаштириш.

2025 йил сентябрь

7.

Якка тартибдаги уй-жойлар ва кичик ҳажмдаги нотурар бино ва иншоотларни қуриш ҳамда реконструкция қилиш ишлари юзасидан қурилиш назоратини хусусий секторга ўтказиш.

1. Якка тартибдаги уй-жойлар ва кичик ҳажмдаги нотурар бино ва иншоотларни қуриш ҳамда реконструкция қилиш ишлари юзасидан қурилиш назоратини хусусий секторга ўтказиш тўғрисидаги норматив-ҳуқуқий ҳужжат лойиҳасини ишлаб чиқиш ва Вазирлар Маҳкамасига киритиш.

Лойиҳада қуйидагиларни назарда тутиш:

хусусий сектор назоратчилари ҳисоботларини юбориш ва назорат қилиш механизмини;

қурилиш назорати якунлари юзасидан тайёрланадиган хулосанинг намунавий шаклини;

хусусий қурилиш назорати фаолиятини доимий мониторинг қилиш механизмини йўлга қўйиш.

Қурилиш ва уй-жой коммунал хўжалиги вазирлигининг бюджетдан ташқари маблағлари

2025 йил июнь

Қурилиш ва уй-жой коммунал хўжалиги вазирлиги

(Хидоятов),

Адлия вазирлиги

(Ташкулов),

манфаатдор вазирлик ва идоралар

2. Хусусий лойиҳа ташкилотларининг ходимларини қурилишни назорат қилиш бўйича ўқитишни ташкил этиш.

3. Тарғибот ишларини ташкил этиш.

2025 йил давомида

8.

Ҳудудий инспекциядан рўйхатдан ўтган ва у томонидан назорат қилинадиган, сейсмик фаол зоналарда янги қурилган III-IV тоифадаги объектлар фойдаланишга қабул қилинаётганда уларни зилзилабардошликка доир инструментал-техник текширувдан мажбурий тартибда ўтказиш амалиётини таҳлил қилиш ва мувофиқлаштириш.

1. Сейсмик фаол зоналарда янги қурилган III-IV тоифадаги объектларни зилзилабардошликка доир инструментал-техник текширувдан ўтказиш амалиётини таҳлил қилиш.

Маблағ талаб этилмайди

2025 йил август

Қурилиш ва уй-жой коммунал хўжалиги вазирлиги

(Хидоятов),

Инспекция

(Эшқувватов),

Фавқулодда вазиятлар вазирлиги

(Кудратходжаев),

Фанлар академияси

(Аюпов),

манфаатдор вазирлик ва идоралар

2. Таҳлиллар натижасига асосан тегишли норматив-ҳуқуқий ҳужжатларга ўзгартириш ва қўшимчалар киритиш бўйича таклифларни ишлаб чиқиш ва белгиланган тартибда Вазирлар Маҳкамасига киритиш.

2025 йил октябрь

9.

Сейсмик хавфсизлиги таъминланадиган объектларнинг тоифалари ҳамда қурилиш объектларининг хавф-хатар тоифаларини илғор хорижий давлатлар тажрибаси ва параметрик тамойиллар асосида тубдан қайта кўриб чиқиш.

1. Илғор хорижий давлатлар (Япония, АҚШ, Германия, Италия, Франция) тажрибасини ўрганиш учун хизмат сафарларини ташкиллаштириш.

Вазирлик ва идораларнинг бюджетдан ташқари маблағлари

2025 йил октябрь

Қурилиш ва уй-жой коммунал хўжалиги вазирлиги

(Хидоятов),

Инспекция

(Эшқувватов),

Фавқулодда вазиятлар вазирлиги

(Кудратходжаев),

Фанлар академияси

(Аюпов),

манфаатдор вазирлик ва идоралар

2. Илғор хорижий тажриба асосида мавжуд сейсмик хавфсизлиги таъминланадиган объектларнинг тоифалари ҳамда қурилиш объектларининг хавф-хатар тоифаларини қайта кўриб чиқиш.

2025 йил декабрь

3. Тегишли қонунчилик ҳужжатлари лойиҳаларини ишлаб чиқиш ва белгиланган тартибда Вазирлар Маҳкамасига киритиш.

2026 йил февраль

10.

Қурилиш ва уй-жой коммунал хўжалиги соҳасида давлат назоратини олиб боришда назорат қилиш механизмларини такомиллаштириш.

Қонунчилик ҳужжатларига қуйидагиларни назарда тутувчи ўзгартиришлар киритиш бўйича таклифларни Вазирлар Маҳкамасига киритиш:

1. Ичимлик суви таъминоти ва оқова сувларни чиқариб юбориш хизматлари кўрсатиш қоидаларини бузганлик учун маъмурий ҳуқуқбузарликлар тўғрисидаги ишларни кўриб чиқиш ваколатини Инспекцияга бериш.

2. Шаҳарсозлик тўғрисидаги қонунчилик ҳужжатларини бузган ҳуқуқбузарларга нисбатан махсус автоматлаштирилган электрон тизим орқали қайд этилган ҳолатлар бўйича маъмурий жавобгарликни белгилаш.

3. Шаҳарсозлик ҳужжатлари талаблари бузилганлиги ҳолатлари юзасидан Инспекция томонидан киритилган тақдимнома талаблари бажарилмаганлиги учун маъмурий жавобгарликни белгилаш.

Маблағ талаб этилмайди

2025 йил сентябрь

Инспекция

(Эшқувватов),

Қурилиш ва уй-жой коммунал хўжалиги вазирлиги

(Хидоятов),

Рақамли технологиялар вазирлиги

(Шерматов),

Адлия вазирлиги

(Ташкулов),

Бош прокуратура

(Самадов),

манфаатдор вазирлик ва идоралар

11.

Фуқароларнинг ўзини ўзи бошқариш органлари ҳудудидаги ноқонуний қурилишлар, кўп квартирали уй-жойлардаги ўзбошимчалик билан амалга оширилган қурилишлар, ичимлик суви таъминоти ва оқова сувларни чиқариб юбориш тармоқларига ноқонуний уланишларнинг олдини олиш юзасидан жамоатчилик назоратини амалга ошириш ҳамда ваколатли органларга хабар бериш тартибини йўлга қўйиш.

1. Ноқонуний қурилишлар, кўп квартирали уй-жойлардаги ўзбошимчалик билан амалга оширилган қурилишлар, ичимлик суви таъминоти ва оқова сувларни чиқариб юбориш тармоқларига ноқонуний уланишларнинг олдини олиш юзасидан жамоатчилик назоратини амалга ошириш ва ваколатли органларга хабар бериш тартибини ишлаб чиқиш.

Маблағ талаб этилмайди

2025 йил август

Ўзбекистон маҳаллалари уюшмаси

(Куранбаев),

Инспекция

(Эшқувватов)

2. Бундай қонунбузилишларини олдини олиш мақсадида Инспекция, прокуратура, ички ишлар ҳамда фуқароларнинг ўзини ўзи бошқариш органлари ва жамоатчилик вакиллари иштирокида қўшма назорат тадбирларини ўтказиш.

2025 йил августдан бошлаб доимий равишда

12.

Ҳудудий инспекцияларнинг штат бирликлари сонини назоратга олинган объектларнинг умумий сонидан, ҳажмидан ва масофасидан келиб чиққан ҳолда белгилаш.

Тегишли норматив-ҳуқуқий ҳужжат лойиҳасини ишлаб чиқиш ва белгиланган тартибда Вазирлар Маҳкамасига киритиш.

Маблағ талаб этилмайди

2025 йил август

Инспекция

(Эшқувватов),

манфаатдор вазирлик ва идоралар

13.

Давлат қурилиш назорати амалга оширилиши шарт бўлган ишлаб чиқариш ва тадбиркорлик объектлари бўйича ажратмалар миқдорини белгилашда тажриба-синов тариқасида «ҳажм» услубини қўллаш юзасидан таклифлар ишлаб чиқиш.

Тегишли норматив-ҳуқуқий ҳужжат лойиҳасини ишлаб чиқиш ва белгиланган тартибда Вазирлар Маҳкамасига киритиш.

Маблағ талаб этилмайди

2025 йил сентябрь

Инспекция

(Эшқувватов),

Қурилиш ва уй-жой коммунал хўжалиги вазирлиги

(Хидоятов)

14.

Инспекциянинг «Ўзсувтаъминот» АЖнинг биллинг тизимига белгиланган тартибда уланишини таъминлаш.

1. Биллинг тизимига уланиш ҳамда фойдаланиш тартибини ишлаб чиқиш ва тасдиқлаш.

Маблағ талаб этилмайди

2025 йил сентябрь

«Ўзсувтаъминот» АЖ

(Сувонқулов),

Рақамли технологиялар вазирлиги

(Шерматов),

Инспекция

(Эшқувватов)

2. Истеъмолчиларнинг манзили ва сони, сув ҳисоблагичлар кўрсаткичлари, сарфланган сув миқдори ва қарздорлиги, оқова сувларни чиқариш, янги қамраб олинган истеъмолчилар тўғрисида ва бошқа маълумотларни онлайн кузатиш имкониятини яратиш.

2025 йил октябрь

15.

Ичимлик суви таъминоти ва оқова сувларни чиқариб юбориш соҳасида давлат назоратини такомиллаштириш.

1. Аҳолига ичимлик суви таъминоти ташкилотлари томонидан етказиб берилаётган ичимлик сувининг сифати миллий стандартлар ва санитария қоидаларига жавоб бериши юзасидан назорат тадбирларини такомиллаштириш.

Бунда масъул вазирлик ва идоралар билан ҳамкорликда қўшма қарор лойиҳасини ишлаб чиқиш.

2. Барча ичимлик суви иншоотлари ва оқова сувларни тозалаш иншоотларини мажбурий тартибда технологик аудитдан ўтказиш тизимини жорий этиш.

Бунда хусусий секторни жалб қилган ҳолда шартнома асосида эксплуатация ташкилотлари маблағлари ҳисобидан марказлашган ичимлик суви таъминоти ва оқова сув иншоотларининг ишлаб чиқариш самарадорлигини баҳолаш учун махсус тадқиқот ишларини олиб боришни назарда тутиш.

3. Оқова сувларни чиқариб юбориш тармоғига нормадан юқори даражада ифлослантирилган оқова сувларни оқизиб юборганлик учун компенсация тўловларини қонунчиликда белгиланган тартибда ҳисоб-китоб қилиш ҳамда жисмоний ва юридик шахслардан ундириш фақат ичимлик суви таъминоти ташкилотлари томонидан амалга оширилишини белгилаш.

4. Тегишли норматив-ҳуқуқий ҳужжатларни ишлаб чиқиш ва белгиланган тартибда Вазирлар Маҳкамасига киритиш.

Маблағ талаб этилмайди

2025 йил ноябрь

Инспекция

(Эшқувватов),

Қурилиш ва уй-жой коммунал хўжалиги вазирлиги

(Хидоятов),

Рақобатни ривожлантириш ва истеъмолчилар ҳуқуқларини ҳимоя қилиш қўмитаси

(Тураходжаев),

«Ўзсувтаъминот» АЖ

(Сувонқулов),

Санитария-эпидемиологик осойишталик ва жамоат саломатлиги қўмитаси

(Юсупалиев),

Адлия вазирлиги

(Ташкулов),

манфаатдор вазирлик ва идоралар

16.

Сув таъминоти ташкилотлари томонидан оқова сувларни чиқариб юбориш тармоқларидан фойдаланиш қоидалари бузилган ҳолларда Инспекцияни хабардор қилиш тартибини йўлга қўйиш.

Қуйидаги ҳолларда сув таъминоти ташкилотлари томонидан Инспекцияни хабардор қилиш тартибини ишлаб чиқиш ва Вазирлар Маҳкамасига киритиш:

а) оқова сувларни чиқариб юбориш тармоқларига меъёрдан ортиқ ифлослантирилган оқова сувларни оқизиш;

б) оқова сувларни чиқариб юбориш тармоқларидан фойдаланиш қоидаларини бошқача тарзда бузиш.

Маблағ талаб этилмайди

2025 йил сентябрь

«Ўзсувтаъминот» АЖ

(Суванкулов),

Инспекция

(Эшқувватов),

Қурилиш ва уй-жой коммунал хўжалиги вазирлиги

(Хидоятов)

17.

Инструментал техник кўрик натижасига кўра аниқланган сейсмик заиф кўп квартирали уйларни мустаҳкамлаш ёки реновация дастурларига киритиш чораларини кўриш.

1. «Pasportbino.uz» платформасида аниқланган 383 та сейсмик заиф деб топилган уйларни босқичма-босқич мустаҳкамлаш ёки реновация дастурлари асосида қайта қуриш.

Маҳаллий бюджет маблағлари ва реновация дастурлари доирасида

2025 — 2030 йилларда

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари,

Қурилиш ва уй-жой коммунал хўжалиги вазирлиги

(Хидоятов),

манфаатдор вазирлик ва идоралар

2. Инструментал техник кўрик ўтказиш ишларини давом эттириш ҳамда аниқланадиган сейсмик заиф уйларни мустаҳкамлаш ёки янгидан қуриш чораларини кўриш.

Доимий равишда

18.

Кўп квартирали уйлардаги хонадонларни, улардаги мавжуд таянч ва тўсиқ конструкциялар бузилганлиги ҳолатини бартараф этиш чораларини кўриш бўйича таклифлар ишлаб чиқиш.

Кўп квартирали уйлардаги хонадонларни нотариал тартибда бошқа мулкдорга расмийлаштириш учун талаб этиладиган ҳужжатлар ва маълумотлар рўйхатига ушбу хонадоннинг ички конструкцияларининг техник ҳолати тўғрисидаги хулосани киритиш бўйича таклифлар ишлаб чиқиш.

Маблағ талаб этилмайди

2025 йил август

Кадастр агентлиги

(Пулатов),

Инспекция

(Эшқувватов),

Адлия вазирлиги

(Тошқулов),

манфаатдор вазирлик ва идоралар

19.

Кўп квартирали уй-жойлар ва хонадонлардаги таянч ва тўсиқ конструкциялар бузилишининг олдини олиш чораларини кўриш.

Кўп квартирали уй-жойларни бошқариш органлари томонидан:

олти ойда бир марта кўп квартирали уй-жойлардаги таянч ва тўсиқ конструкциялар (умумий мол-мулк) бутлигини хатловдан ўтказиш ва Инспекцияга маълумот киритиб бориш;

кўп квартирали уй-жойлар ва хонадонлардаги таянч ва тўсиқ конструкцияларнинг бузилиши аниқланганда Инспекцияни хабардор қилиш.

Маблағ талаб этилмайди

2025 йил июлдан бошлаб доимий равишда

Инспекция

(Эшқувватов),

Қурилиш ва уй-жой коммунал хўжалиги вазирлиги

(Хидоятов)

20.

Кўп квартирали уйлардаги лифт ускуналаридан самарали фойдаланишни таъминлаш.

Саноат, радиация ва ядро хавфсизлиги қўмитаси томонидан қуйидаги йўналишлар бўйича давлат назоратини амалга ошириш:

кўп квартирали уйлардаги лифт ускуналарига хизмат кўрсатувчи ташкилотлар томонидан лифт ускуналарининг Лифтлар хавфсизлиги тўғрисидаги умумий техник регламент талабларига ҳамда бошқа техник ва лойиҳа ҳужжатларига мувофиқ сақланишини, шунингдек, лифт паспортига асосан уларнинг белгиланган муддатларда техник текширувдан ўтказилганлигини назорат қилиш;

умумий техник регламент ва бошқа норматив-ҳуқуқий ҳужжатлар талабларини бузиш ҳолатлари аниқланган тақдирда, лифт ускуналарига хизмат кўрсатувчи ташкилотларга камчиликларни бартараф қилиш юзасидан ёзма кўрсатмалар киритилишини таъминлаш.

Маблағ талаб этилмайди

2025 йил июль

Саноат, радиация ва ядро хавфсизлиги қўмитаси

(Рафиков),

манфаатдор вазирлик ва идоралар

21.

Инспекцияни таркибий бўлинмаларга юкланган вазифаларни профессионал даражада бажаришга қодир бўлган юқори малакали кадрлар билан тўлдириш.

Инспекцияни таркибий бўлинмаларга юкланган вазифаларни профессионал даражада бажаришга қодир бўлган юқори малакали кадрлар билан тўлдириш учун аттестация комиссиясини тузган ҳолда барча тизим ходимларини аттестациядан ўтказиш ва лавозимларга тайинлаш чораларини кўриш.

Маблағ талаб этилмайди

2025 йил декабрь

Инспекция

(Эшқувватов),

манфаатдор вазирлик ва идоралар

22.

Инспекция ва ҳудудий инспекцияларнинг моддий-техника базасини янада мустаҳкамлаш.

1. Инспекция ва ҳудудий инспекцияларнинг моддий-техника базасини (бино, компьютер техникалари, транспорт воситалари ва бошқалар) мустаҳкамлаш учун талаб этиладиган моддий-техника воситаларининг рўйхатини шакллантириш.

Инспекция ва ҳудудий инспекцияларнинг бюджетдан ташқари маблағлари

2025 йил июнь

Инспекция

(Эшқувватов)

2. 2025 — 2027 йилларда моддий-техника воситаларини босқичма-босқич харид қилиш чораларини кўриш.

2025 — 2027 йиллар давомида

23.

Ҳудудий инспекцияларни жойлаштириш учун бепул фойдаланиш ҳуқуқи асосида бинолар ажратиб берилишини таъминлаш.

1. Самарқанд, Сурхондарё вилоятлари ва Тошкент шаҳридаги бўш турган биноларни аниқлаш.

2. Аниқланган бинолар ҳудудий инспекцияларга ажратиб берилишини таъминлаш.

Маблағ талаб этилмайди

2025 йил июнь

Давлат активларини бошқариш агентлиги

(Ортиков),

Самарқанд ва Сурхондарё вилоятлари ҳамда Тошкент шаҳри ҳокимликлари

24.

Инспекция ходимларини ижтимоий қўллаб-қувватлаш.

Инспекция ходимларини уй-жой билан таъминлаш ва ижтимоий қўллаб-қувватлаш чораларини кўриш.

Инспекция ва ҳудудий инспекцияларнинг бюджетдан ташқари маблағлари,

тижорат банкларининг кредитлари

Доимий равишда

Инспекция

(Эшқувватов)

Ўзбекистон Республикаси Президентининг 2025 йил 14 апрелдаги ПФ-66-сон Фармонига
4-ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2017 йил 17 январдаги «Тадбиркорлик мақсадларида фойдаланиш учун давлат мулки объектларини сотишни жадаллаштириш ва унинг тартиб-таомилларини янада соддалаштириш чора-тадбирлари тўғрисида»ги ПФ-4933-сон Фармони 1-бандининг тўртинчи хатбошиси қуйидаги таҳрирда баён этилсин:
«Қурилиш ва уй-жой коммунал хўжалиги соҳасида назорат қилиш ҳудудий инспекциялари хулосасига мувофиқ яроқсиз деб топилган давлат кўчмас мулк объектларини бузиш тўғрисидаги қарорлар Қорақалпоғистон Республикаси Вазирлар Кенгашининг Раиси, вилоятлар ва Тошкент шаҳри ҳокимлари, шунингдек, Давлат активларини бошқариш агентлиги ҳузуридаги Давлат мулки объектларидан самарали фойдаланиш маркази ва унинг ҳудудий бошқармалари томонидан қабул қилинади».
2. Ўзбекистон Республикаси Президентининг 2017 йил 18 апрелдаги «Уй-жой коммунал хизмат кўрсатиш тизимини бошқаришни янада такомиллаштириш чора-тадбирлари тўғрисида»ги ПФ-5017-сон Фармонининг 1-бандида:
учинчи хатбоши чиқариб ташлансин;
тўртинчи хатбоши учинчи хатбоши деб ҳисоблансин;
учинчи хатбошидаги «ҳудудий бош бошқармалар ҳузурида давлат муассасаси шаклидаги иссиқлик таъминоти объектлари бўйича инжиниринг компаниялари» сўзлари «Иссиқлик таъминоти» АЖ ва унинг ҳузуридаги «Иссиқлик таъминоти объектлари бўйича инжиниринг компанияси» МЧЖ» сўзлари билан алмаштирилсин».
3. Ўзбекистон Республикаси Президентининг 2017 йил 16 ноябрдаги «Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида»ги ПФ-5241-сон Фармонининг 8-бандидаги «Уй-жой коммунал хизмат кўрсатиш вазирлиги ҳузуридаги Ичимлик сувидан фойдаланишни назорат қилиш инспекцияси Сув хўжалиги вазирлиги билан биргаликда» сўзлари «Сув хўжалиги вазирлиги» сўзлари билан алмаштирилсин.
4. Ўзбекистон Республикаси Президентининг 2018 йил 2 апрелдаги «Қурилиш соҳасида давлат бошқаруви тизимини тубдан такомиллаштириш чора-тадбирлари тўғрисида»ги ПФ-5392-сон Фармонининг 6-банди иккинчи хатбошисидаги «икки қаватдан юқори бўлмаган, баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлмаган якка тартибдаги уй-жойлар» сўзлари «Инспекциядан рўйхатдан ўтмайдиган объектлар» сўзлари билан алмаштирилсин.
5. Ўзбекистон Республикаси Президентининг 2020 йил 30 октябрдаги «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги ПФ-6099-сон Фармонига 1-илованинг 14-позицияси «Масъул ижрочилар» устунидаги «Уй-жой коммунал хизмат кўрсатиш вазирлиги (М. Салиев)» сўзлари «Ўзсувтаъминот» АЖ (А. Сувонқулов)» сўзлари билан алмаштирилсин.
6. Ўзбекистон Республикаси Президентининг 2020 йил 27 ноябрдаги «Ўзбекистон Республикаси қурилиш тармоғини модернизация қилиш, жадал ва инновацион ривожлантиришнинг 2021 — 2025 йилларга мўлжалланган стратегиясини тасдиқлаш тўғрисида»ги ПФ-6119-сон Фармонининг 5-бандида:
а) «а» кичик банд қуйидаги таҳрирда баён этилсин:
«а) икки қаватдан юқори (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони (ёрдамчи хўжалик иморатларини ҳисобга олмаган ҳолда) 500 квадрат метрдан ортиқ бўлган бино ва иншоотларни (якка тартибдаги уй-жойлар бундан мустасно) қуриш ҳамда реконструкция қилиш объектнинг лойиҳа ҳужжатлари мажбурий экспертизадан ўтказилган ҳамда объектнинг қурилиш ва уй-жой коммунал хўжалиги соҳасида назорат қилиш ҳудудий инспекциялари томонидан давлат қурилиш назорати ўрнатилган ҳолда амалга оширилади»;
б) «б» кичик банднинг иккинчи хатбошисидаги «икки қаватдан юқори (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлган бино ва иншоотларни» сўзлари «икки қаватдан юқори (цоколни ҳисобга олмаган ҳолда), баландлиги ер юзасидан 12 метрдан ва (ёки) умумий майдони (ёрдамчи хўжалик иморатларини ҳисобга олмаган ҳолда) 500 квадрат метрдан ортиқ бўлган бино ва иншоотларни (якка тартибдаги уй-жойлар бундан мустасно)» сўзлари билан алмаштирсин;
в) «в» кичик банд «ўз ичига олган лойиҳа ҳужжатлари» сўзларидан кейин «ва қурилишга тааллуқли бўлмаган телекоммуникация инфратузилмасига оид лойиҳа ҳужжатлари» сўзлари билан тўлдирилсин.
7. Ўзбекистон Республикаси Президентининг 2022 йил 30 майдаги «Ўзбекистон Республикасининг сейсмик хавфсизлигини таъминлаш тизимини янада такомиллаштириш чора-тадбирлари тўғрисида»ги ПФ-144-сон Фармонининг 4-банди «а» кичик бандининг биринчи хатбошисидаги «хавфлилик омили IV тоифага мансуб бўлган объектларга» сўзлари «хавф-хатар тоифаси бўйича мураккаблиги (кейинги ўринларда — хавфлилик омили) IV тоифага мансуб бўлган, шаҳарсозлик нормалари ва қоидаларида келтирилган бино ва иншоотлар конструктив тизимларининг чегаравий параметрларидан ташқарига чиқиб кетган объектларнинг махсус техник шартларига» сўзлари билан алмаштирилсин.
8. Ўзбекистон Республикаси Президентининг 2022 йил 11 августдаги «Чиқиндилар билан боғлиқ ишларни ташкил этиш тизимини ислоҳ қилиш бўйича биринчи навбатдаги чора-тадбирлар тўғрисида»ги ПФ-189-сон Фармони 6-бандининг тўртинчи хатбошисидаги «Қурилиш соҳасида назорат» сўзлари «Қурилиш ва уй-жой коммунал хўжалиги соҳасида назорат қилиш» сўзлари билан алмаштирилсин.
9. Ўзбекистон Республикаси Президентининг 2022 йил 9 сентябрдаги «Энергия тежовчи технологияларни жорий қилиш ва кичик қувватли қайта тикланувчи энергия манбаларини ривожлантириш бўйича қўшимча чора-тадбирлар тўғрисида»ги ПФ-220-сон Фармони 6-бандининг «в» кичик банди бешинчи хатбошисидаги «Кўп хонадонли уй-жой фондидан фойдаланишни назорат қилиш инспекцияси, Қурилиш соҳасида назорат инспекцияси» сўзлари «Қурилиш ва уй-жой коммунал хўжалиги соҳасида назорат қилиш инспекцияси» сўзлари билан алмаштирилсин.
10. Ўзбекистон Республикаси Президентининг 2023 йил 25 январдаги «Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида»ги ПФ-14-сон Фармонида:
«Жами» позицияси қуйидаги таҳрирда баён этилсин:

«

Жами

48 496

44 582

3 914

»;

«6. Қурилиш ва уй-жой коммунал хўжалиги вазирлиги» бўлими қуйидаги таҳрирда баён этилсин:

«

6. Қурилиш ва уй-жой коммунал хўжалиги вазирлиги

Қурилиш ва уй-жой коммунал хўжалиги вазирлиги

1 292

1 284

8

шу жумладан, вазир ўринбосарлари сони

4

4

»;

қуйидаги мазмундаги «36. Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси» бўлими билан тўлдирилсин:

«

36. Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси

Қурилиш ва уй-жой коммунал хўжалиги соҳасида назорат қилиш инспекцияси

89

69

20

шу жумладан, бошлиқ ўринбосарлари сони

3

3

»;

изоҳлар қисмида:
6-банддан «вазирлиги ҳамда Қурилиш ва уй-жой коммунал хўжалиги» сўзлари чиқариб ташлансин;
қуйидаги мазмундаги 8-банд билан тўлдирилсин:
«8. Қурилиш ва уй-жой коммунал хўжалиги соҳасида назорат қилиш ҳудудий инспекциялари тегишлигига кўра ўз фаолиятидан олинган даромадлар ҳисобидан молиялаштирилади ҳамда улардаги бошқарув ходимлари сони Қурилиш ва уй-жой коммунал хўжалиги соҳасида назорат қилиш инспекциясининг жами бошқарув ходимлари умумий чекланган сонига кирмайди ва назоратга олинган объектлар сони, ҳажми ва масофасидан келиб чиққан ҳолда белгиланади.
Ҳудудий инспекцияларнинг бошқарув ходимлари сонини назоратга олинган объектларнинг умумий сонидан, ҳажмидан ва масофасидан келиб чиққан ҳолда белгилаш бўйича тартиб тасдиқлангунга қадар ҳудудий инспекциялар амалдаги жами бошқарув ходимлари сони доирасида фаолият юритади»;
6.1.-кичик банд ўз кучни йўқотган деб ҳисоблансин;
қуйидаги мазмундаги 39-банд билан тўлдирилсин:
«39. Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси»;
изоҳ қисмида бешинчи хатбошидаги «2» рақами «3» рақами билан алмаштирилсин;
6.1-позиция чиқариб ташлансин;
қуйидаги мазмундаги 39-позиция билан тўлдирилсин:

«

39.

Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси

Қурилиш ва коммунал хўжалиги назорати инспекцияси

Узстройкомхознадзор

».

11. Ўзбекистон Республикаси Президентининг 2023 йил 28 августдаги «Маъмурий ислоҳотлар доирасида қурилиш ва уй-жой коммунал хўжалиги соҳасида давлат бошқарувини самарали ташкил қилиш чора-тадбирлари тўғрисида»ги ПФ-151-сон Фармонида:
иккинчи хатбошидаги «жарималар» сўзи «жарималарнинг 60 фоизи Инспекциянинг бюджетдан ташқари ҳисобварағига ҳамда 20 фоизи» сўзлари билан алмаштирилсин;
учинчи хатбошидаги «сонига» сўзи «сонига, ҳажмига ва масофасига» сўзлари билан алмаштирилсин;
бешинчи хатбошидаги «лойиҳа-смета» сўзлари «лойиҳа» сўзи билан алмаштирилсин;
б) 4-банднинг биринчи хатбошисидаги «Вазирлик» сўзи «Вазирлар Маҳкамаси» сўзлари билан алмаштирилсин;
в) 1-илованинг «д» кичик бандидан «қурилиш объектларида назоратнинг амалга оширилишини таъминлаш ва мувофиқлаштириш, шунингдек,» сўзлари чиқариб ташлансин;
1 ва 2-позицияларнинг «Қайта ташкил қилинаётган ташкилотнинг фаолиятига оид қоидалар ва изоҳлар» устуни «б» кичик банди қуйидаги таҳрирда баён этилсин:
«б) давлат қурилиш назорати амалга оширилиши шарт бўлган барча объектлар бўйича қурилиш-монтаж ишлари қийматининг 0,2 фоизига тенг ягона миқдорда (қўшилган қиймат солиғисиз) ажратмалар қуйидагича тақсимланади:
5 фоизи — Ўзбекистон Республикаси республика бюджетига йўналтирилади;
5 фоизи — Қурилиш ва уй-жой коммунал хўжалиги вазирлиги фаолиятини қўллаб-қувватлаш жамғармасига йўналтирилади;
10 фоизи — Инспекциянинг бюджетдан ташқари ҳисобварағига йўналтирилади;
80 фоизи — ҳудудий инспекцияларнинг ихтиёрида қолдирилади»;
6-позицияда:
«Қайта ташкил қилинаётган ташкилотнинг номи» устунидаги «Коммунал лойиҳа илмий-тадқиқот институти» сўзлари «КоммуналЛИТИ» бош лойиҳа институти» сўзлари билан алмаштирилсин;
7-позициянинг «Қайта ташкил қилинаётган ташкилотнинг фаолиятига оид қоидалар ва изоҳлар» устуни қуйидаги мазмундаги ўнинчи — ўн иккинчи хатбошилар билан тўлдирилсин:
«Шунингдек, Марказ томонидан:
кўп квартирали уйларни бошқариш органларининг ва бошқа коммунал хизмат кўрсатиш ташкилотларининг ишчи касб эгалари қисқа муддатли курсларда ўқитилади ва малакаси оширилади;
кўп квартирали уйларнинг электрон паспортларини ишлаб чиқиш учун буюртмачи функцияси бажарилади. Бунда кўп квартирали уйларнинг электрон паспортларини ишлаб чиқиш харажатлари Ўзбекистон Республикаси республика бюджети ҳисобидан молиялаштирилади»;
8-позицияда:
«Қайта ташкил қилинаётган ташкилотнинг номи» устуни қуйидаги таҳрирда баён этилсин:
«Иссиқлик таъминоти» АЖ ҳузуридаги «Иссиқлик таъминоти объектлари бўйича инжиниринг компанияси» МЧЖ»;
«Қайта ташкил қилинаётган ташкилотнинг фаолиятига оид қоидалар ва изоҳлар» устунида «компанияларига» сўзи «компаниясига» сўзи билан алмаштирилсин;
12-позициянинг «Қайта ташкил қилинаётган ташкилотнинг фаолиятига оид қоидалар ва изоҳлар» устуни иккинчи хатбошисидаги «Бунинг учун ҳудудий» сўзлари «Ҳудудий» сўзи билан алмаштирилсин;
13-позициянинг «Қайта ташкил қилинаётган ташкилотнинг фаолиятига оид қоидалар ва изоҳлар» устуни қуйидаги мазмундаги учинчи — олтинчи хатбошилар билан тўлдирилсин:
«Шунингдек, ушбу тендер ҳужжатларини тайёрлаш фаолияти билан тегишли лицензияга эга бўлган тадбиркорлик субъектлари ҳам шуғулланишлари мумкин.
Савдо-саноат палатасига:
«Шаффоф қурилиш» миллий ахборот тизимининг лойиҳа-қидирув ва қурилиш-пудрат ташкилотлари рейтинглари платформасига юбориладиган бирламчи маълумотларни кўриш, таҳлил қилиш ва кузатиб бориш учун ушбу платформага эркин киришга рухсат берилади;
тегишли вазирлик ва идоралар томонидан ушбу тизимга ҳаққоний бўлмаган маълумотларни юбориш, маълумотларни кечикиб юбориш ёки умуман юборилмаслигини олдини олиш мақсадида ушбу ҳолатларни қисқа муддатда бартараф этиш юзасидан вазирлик ва идораларга кўрсатма хати киритиш ваколати берилади»;
«Қурилиш ва уй-жой коммунал хўжалиги соҳасида назорат қилиш инспекцияси ва ҳудудий инспекциялар» блоки чиқариб ташлансин;
Қурилиш ва уй-жой коммунал хўжалиги вазирлигининг бевосита бўйсунувидаги «Иссиқлик таъминоти» АЖ» блоки билан тўлдирилсин;
«Коммунал лойиҳа илмий-тадқиқот институти» блоки «КоммуналЛИТИ» бош лойиҳа институти» блоки билан алмаштирилсин;
10-позициянинг «Чора-тадбирлар» устунида:
иккинчи хатбошидаги «лойиҳа-смета» сўзлари «лойиҳа» сўзи билан алмаштирилсин;
бешинчи хатбошидаги «сонидан» сўзи «сонидан, ҳажмидан ва масофасидан» сўзлари билан алмаштирилсин.
12. Ўзбекистон Республикаси Президентининг 2024 йил 16 февралдаги ПФ-36-сон Фармони билан тасдиқланган Ўзбекистон Республикасида озиқ-овқат хавфсизлиги ва соғлом овқатланишни таъминлашнинг 2030 йилгача мўлжалланган стратегиясининг мақсадли индикаторларининг 37-позицияси қуйидаги таҳрирда баён этилсин:

«

37.

Аҳолининг ичимлик суви билан таъминланганлик даражасини ошириш

фоиз

77,2

81

84

87

89

92

«Ўзсувтаъминот» АЖ

».

13. Ўзбекистон Республикаси Президентининг 2017 йил 27 февралдаги «Ўзбекистон Республикаси вазирликлари, идоралари ва ташкилотларининг формали кийим-бошларини ишлаб чиқиш, стандартлаштириш, тасдиқлаш ва тайёрлаш механизмини тартибга солиш чора-тадбирлари тўғрисида»ги ПҚ-2800-сон қарорига 1-илованинг «Идоравий формали кийим» бўлимида:
8-позиция қуйидаги таҳрирда баён этилсин:

«

8.

Қурилиш ва уй-жой коммунал хўжалиги соҳасида назорат қилиш инспекцияси

»;

9-позиция чиқариб ташлансин.
14. Ўзбекистон Республикаси Президентининг 2018 йил 2 апрелдаги «Ўзбекистон Республикаси Қурилиш ва уй-жой коммунал хўжалиги вазирлиги фаолиятини ташкил этиш тўғрисида»ги ПҚ-3646-сон қарори 1-бандининг олтинчи хатбошиси қуйидаги таҳрирда баён этилсин:
«Белгилансинки, шаҳарсозлик ҳужжатларини экспертизадан ўтказиш тартиби Вазирлар Маҳкамаси томонидан белгиланади».
15. Ўзбекистон Республикаси Президентининг 2019 йил 20 сентябрдаги «Қурилиш соҳасига ахборот-коммуникация технологияларини кенг жорий этиш чора-тадбирлари тўғрисида»ги ПҚ-4464-сон қарорининг 7-банди биринчи хатбошисидаги «Ўзбекистон Республикасининг Инвестиция дастури, қишлоқ жойларда янгиланган намунавий лойиҳалар бўйича арзон уй-жойлар ва шаҳарларда арзон кўп квартирали уйлар қуриш дастурлари ва шаҳарларда арзон кўп квартирали уйларни қуриш ва реконструкция қилиш дастурлари доирасида» сўзлари «тегишли мақсадли дастурлар ва алоҳида лойиҳалар доирасида» сўзлари билан алмаштирилсин.
16. Ўзбекистон Республикаси Президентининг 2020 йил 5 февралдаги «Қурилиш-монтаж ишлари сифатини тубдан яхшилаш ва қурилишни назорат қилиш тизимини такомиллаштириш чоралари тўғрисида»ги ПҚ-4586-сон қарорида:
а) 1-банднинг бешинчи хатбошисидаги «Қурилиш ва уй-жой коммунал хўжалиги вазирлиги» сўзлари «Вазирлар Маҳкамаси» сўзлари билан алмаштирилсин;
б) 2-банднинг учинчи хатбошисида «камида иккита» сўзлари чиқариб ташлансин ҳамда «демонтаж» сўзидан кейин «(буздириш)» сўзи билан тўлдирилсин;
учинчи хатбошидаги «сонидан» сўзи «сонидан, ҳажмидан ва масофасидан» сўзлари билан алмаштирилсин;
қуйидаги мазмундаги бешинчи ва олтинчи хатбошилар билан тўлдирилсин:
«ҳудудий инспекцияларнинг кўрсатадиган хизматларидан оладиган даромадлари ҳисобидан Инспекциянинг бюджетдан ташқари ҳисобварағига йўналтириладиган маблағлар миқдорини белгилаш;
зарур ҳолларда, Вазирлар Маҳкамаси билан келишилган ҳолда Инспекция тузилмасига бошқарув ходимларининг белгиланган сони доирасида ўзгартиришлар киритиш, шунингдек, ҳудудий инспекцияларнинг шаҳарсозлик соҳасида кўрсатадиган хизматлари ва бажарадиган ишларидан олинган даромадларини қайта тақсимлаш»;
иккинчи ва учинчи хатбошилар қуйидаги мазмундаги иккинчи — бешинчи хатбошилар билан алмаштирилсин:
«Инспекция қурилиш ва уй-жой коммунал хўжалиги соҳасида давлат назоратини амалга оширувчи мустақил республика ижро этувчи ҳокимият органи ҳисобланади ҳамда ўз фаолиятида Вазирлар Маҳкамасига ҳисобдор бўлади;
Инспекция бошлиғининг ўринбосарлари Инспекция бошлиғи тавсияси асосида Вазирлар Маҳкамаси томонидан лавозимга тайинланади ва лавозимидан озод этилади;
ҳудудий инспекцияларнинг бошлиғи ва уларнинг ўринбосарларини лавозимга тайинлаш ва лавозимидан озод этиш Инспекция бошлиғи томонидан қонунчиликда белгиланган тартибда амалга оширилади;
ҳудудий инспекция бўлим бошлиқлари ҳудудий инспекция бошлиғи томонидан Инспекция билан келишган ҳолда лавозимга тайинланади»;
тўртинчи ва бешинчи хатбошилар тегишинча олтинчи ва еттинчи хатбошилар деб ҳисоблансин;
д) 8-банд қуйидаги таҳрирда баён этилсин:
«8. Давлат қурилиш назорати амалга оширилиши шарт бўлган барча объектлар бўйича ҳудудий инспекцияларга ажратмалар қурилиш-монтаж ишлари қийматининг 0,2 фоизига тенг ягона миқдорда (қўшимча қиймат солиғисиз) белгиланади ва қуйидаги тартибда тақсимланади:
5 фоизи — Ўзбекистон Республикаси республика бюджетига йўналтирилади;
5 фоизи — Қурилиш ва уй-жой коммунал хўжалиги вазирлиги фаолиятини қўллаб-қувватлаш жамғармасига йўналтирилади;
10 фоизи — Инспекциянинг бюджетдан ташқари ҳисобварағига йўналтирилади;
80 фоизи — ҳудудий инспекцияларнинг ихтиёрида қолдирилади.
Шунингдек, ҳудудий инспекцияларнинг шаҳарсозлик соҳасида кўрсатадиган хизматлари ва бажарадиган ишларидан олинган даромадининг:
15 фоизи — Инспекциянинг бюджетдан ташқари ҳисобварағига йўналтирилади;
85 фоизи — ҳудудий инспекцияларнинг ихтиёрида қолдирилади»;
е) 9-банд қуйидаги таҳрирда баён этилсин:
«9. Инспекциянинг бюджетдан ташқари маблағларидан қуйидаги мақсадларда фойдаланишга рухсат берилсин:
Инспекция ва ҳудудий инспекцияларнинг моддий-техник базасини мустаҳкамлаш;
Инспекция ва ҳудудий инспекцияларнинг жорий ва бошқа харажатларини молиялаштириш;
Инспекция ва ҳудудий инспекцияларнинг ходимларини моддий рағбатлантириш ва ижтимоий таъминлаш;
Инспекция ва ҳудудий инспекцияларнинг раҳбарлари ва мутахассисларини тайёрлаш, қайта тайёрлаш ва малакасини ошириш, шу жумладан, хорижий давлатлар билан тажриба алмашиш»;
ж) 12-банд қуйидаги таҳрирда баён этилсин:
«12. 2025 йил 1 майдан бошлаб Инспекция ходимлари меҳнатига ҳақ тўлаш миқдорлари 1,8 баробарга оширилсин».
17. Ўзбекистон Республикаси Президентининг 2020 йил 1 майдаги ПҚ-4702-сон қарори билан тасдиқланган Рейтинг кўрсаткичлари асосида ҳудудларнинг ижтимоий-иқтисодий ривожланиш даражасини баҳолаш тартиби тўғрисидаги низомда:
21-позициянинг «Масъул орган*» устунидаги «, Уй-жой коммунал хизмат кўрсатиш вазирлиги» сўзлари чиқариб ташлансин;
22-позициянинг «Масъул орган*» устунидаги «Уй-жой коммунал хизмат кўрсатиш вазирлиги» сўзлари «Ўзсувтаъминот» АЖ» сўзлари билан алмаштирилсин;
24-позициянинг «Масъул орган*» устунидаги «Уй-жой коммунал хизмат кўрсатиш вазирлиги» сўзлари «Ўзсувтаъминот» АЖ» сўзлари билан алмаштирилсин;
б) 2а-иловада 10-позициянинг «Масъул орган*» устунидаги «Уй-жой коммунал хизмат кўрсатиш вазирлиги» сўзлари «Ўзсувтаъминот» АЖ» сўзлари билан алмаштирилсин;
27-позициянинг «Масъул орган*» устунидаги «, Уй-жой коммунал хизмат кўрсатиш вазирлиги» сўзлари чиқариб ташлансин;
28-позициянинг «Масъул орган*» устунидаги «Уй-жой коммунал хизмат кўрсатиш вазирлиги» сўзлари «Ўзсувтаъминот» АЖ» сўзлари билан алмаштирилсин;
30-позициянинг «Масъул орган*» устунидаги «Уй-жой коммунал хизмат кўрсатиш вазирлиги» сўзлари «Ўзсувтаъминот» АЖ» сўзлари билан алмаштирилсин;
г) 3а-иловада 11-позициянинг «Масъул орган*» устунидаги «Уй-жой коммунал хизмат кўрсатиш вазирлиги» сўзлари «Ўзсувтаъминот» АЖ» сўзлари билан алмаштирилсин.
18. Ўзбекистон Республикаси Президентининг 2021 йил 19 июндаги «Кўп квартирали уй-жойларни бошқариш тизимини янада такомиллаштириш тўғрисида»ги ПҚ-5152-сон қарорида:
а) 7-банднинг «б» кичик бандидаги «Уй-жой фонди» сўзлари «Қурилиш ва уй-жой коммунал хўжалиги соҳасида назорат қилиш» сўзлари билан алмаштирилсин;
б) 9-банднинг тўртинчи хатбошисидаги «Уй-жой фонди инспекцияси қурилиши тугалланиб, фойдаланишга топширилган кўп квартирали уй-жой объектларини (якка тартибдаги уй-жойлар бундан мустасно)» сўзлари «Қурилиш ва уй-жой коммунал хўжалиги соҳада назорат қилиш инспекцияси қурилиши тугалланиб, фойдаланишга топширилган кўп квартирали уй-жой объектларини (якка тартибдаги уй-жойлар ва ҳудудий инспекциядан рўйхатдан ўтмайдиган объектлар бундан мустасно)» сўзлари билан алмаштирилсин;
в) 10-банддаги «уч» сўзи «беш» сўзи билан алмаштирилсин.
19. Ўзбекистон Республикаси Президентининг 2022 йил 22 сентябрдаги «Республикада капитал қурилиш соҳасида буюртмачи хизмати фаолиятини такомиллаштириш чора-тадбирлари тўғрисида»ги ПҚ-378-сон қарорининг 2-банди учинчи хатбошисидаги «Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ҳамда Тошкент шаҳар Уй-жой коммунал хўжалиги бош бошқармаси ҳузуридаги давлат муассасаси шаклидаги иссиқлик таъминоти объектлари бўйича инжиниринг компаниялари» сўзлари «Иссиқлик таъминоти» АЖ ҳузуридаги «Иссиқлик таъминоти объектлари бўйича инжиниринг компанияси» МЧЖ» сўзлари билан алмаштирилсин.
20. Ўзбекистон Республикаси Президентининг 2023 йил 16 майдаги «Ўзбекистон Республикаси аҳолиси ва ҳудудининг сейсмик хавфсизлигини таъминлаш тизимини янада такомиллаштиришга оид қўшимча чора-тадбирлар тўғрисида»ги ПҚ-158-сон қарорининг 20-бандида:
«б» кичик бандининг учинчи хатбошидаги «сейсмик хавфсизлиги III-IV тоифадаги бино ва иншоотлар бўйича қурилиш ишлари Қурилиш-пудрат ташкилотлари электрон рейтингида «ССС» сўзлари «хавф-хатар тоифаси бўйича мураккаблиги IV тоифага мансуб бўлган бино ва иншоотлар бўйича қурилиш ишлари Қурилиш-пудрат ташкилотлари электрон рейтингида (пудрат ташкилотини аниқлаш бўйича ўтказилаётган тендер санаси ҳолатига ёки тўғридан-тўғри пудрат шартномасини тузиш санаси ҳолатига) «СС» сўзлари билан алмаштирилсин;
«г» кичик банд қуйидаги таҳрирда баён этилсин:
«г) электрон рейтинг баҳоси (объектни Қурилиш ва уй-жой коммунал хўжалиги соҳасида назорат қилиш ҳудудий инспекциясидан рўйхатдан ўтказиш санаси ҳолатига) «DDD» бўлган ташкилотларга — беш қаватдан юқори бўлмаган бино ва иншоотларни, «С» бўлган ташкилотларга — тўққиз қаватдан юқори бўлмаган бино ва иншоотларни қуришга рухсат этилади».
21. Ўзбекистон Республикаси Президентининг 2023 йил 26 июлдаги «Тошкент шаҳрида давлат ва тадбиркорлик субъектлари ўртасида ўзаро манфаатли ҳамкорлик асосида инвестиция лойиҳаларини амалга ошириш ва шаҳар инфратузилмасини яхшилаш бўйича ҳуқуқий экспериментни ўтказиш чора-тадбирлари тўғрисида»ги ПҚ-236-сон қарорининг рус тилидаги матнида 5-банднинг «в» кичик бандидаги «строительства» сўзи «застройки» сўзи билан алмаштирилсин.
22. Ўзбекистон Республикаси Президентининг 2023 йил 29 декабрдаги «Ўзбекистон Республикасининг «2024 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида»ги ПҚ-422-сон қарорига 6-иловада 37 ва 38-позициялар қуйидаги таҳрирда баён этилсин:

«

37.

Давлат қурилиш назорати амалга оширилиши шарт бўлган барча объектлар бўйича қурилиш-монтаж ишлари қийматининг 0,2 фоизига тенг ягона миқдордаги (қўшилган қиймат солиғисиз) ажратмалар

Ўзбекистон Республикаси Президентининг 2023 йил 28 августдаги ПФ-151-сон Фармони

а.

5 фоизи

Ўзбекистон Республикасининг республика бюджети

б.

5 фоизи

Қурилиш ва уй-жой коммунал хўжалиги вазирлиги фаолиятини қўллаб-қувватлаш жамғармаси

в.

10 фоизи

Қурилиш ва уй-жой коммунал хўжалиги соҳасида назорат қилиш инспекцияси бюджетдан ташқари жамғармаси

г.

80 фоизи

Қурилиш ва уй-жой коммунал хўжалиги соҳасида назорат қилиш инспекциясининг ҳудудий органлари ихтиёрида қолдирилади

38.

Қурилиш ва уй-жой коммунал хўжалиги соҳасида назорат қилиш инспекцияси ва унинг ҳудудий инспекциялари томонидан ўз ваколатлари доирасида шаҳарсозликка оид қонунчилик талабларини бузганлик учун айбдор шахслардан ундириладиган жарималар

Ўзбекистон Республикаси Президентининг 2023 йил 28 августдаги ПФ-151-сон Фармони

а.

20 фоизи

Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари

б.

20 фоизи

Қурилиш ва уй-жой коммунал хўжалиги вазирлиги фаолиятини қўллаб-қувватлаш жамғармаси

в.

60 фоизи

Қурилиш ва уй-жой коммунал хўжалиги соҳасида назорат қилиш инспекциясининг бюджетдан ташқари ҳисобварағи

»;

23. Ўзбекистон Республикаси Президентининг 2024 йил 19 апрелдаги «Иқтисодиётда давлат иштирокини қисқартиришнинг қўшимча чора-тадбирлари тўғрисида»ги ПҚ-162-сон қарорига 2-илованинг 229-позицияси чиқариб ташлансин.
24. Ўзбекистон Республикаси Президентининг 2024 йил 29 апрелдаги «Ижтимоий ва ишлаб чиқариш инфратузилмасини ривожлантириш бўйича давлат дастурларини шакллантириш ва амалга ошириш жараёнларини самарали ташкил этишнинг қўшимча чоралари тўғрисида»ги ПҚ-165-сон қарорига 1-илованинг 4-позицияси «Тақдим этиладиган маълумотлар» устунидаги «кўрсаткичлари» сўзидан кейин «, шунингдек, қурилиш ресурсларига оид миллий стандартлар бўйича ҳужжатлар тўплами» сўзлари билан тўлдирилсин.
(Қонунчилик маълумотлари миллий базаси, 16.04.2025 й., 06/25/66/0348-сон)