(а) 4-иловада келтирилган давлат органлари ва ташкилотларининг марказий аппаратларидаги таҳлилий бўлинмалар зиммасига статистик ва маъмурий маълумотларни йиғиш, таҳлил қилиш ва эълон қилиш вазифалари юклатилсин;

(б) Миллий статистика қўмитаси Жаҳон банки билан ҳамкорликда амалга оширилаётган «Ўзбекистонда статистика тизими салоҳиятини мустаҳкамлаш» лойиҳаси доирасида давлат органлари ва ташкилотларининг статистик ва маъмурий маълумотларни шакллантиришга масъул бўлинмалар ходимларининг малакасини ошириш чораларини кўриб борсин.

VI. Кадрлар салоҳиятини ошириш ва жамоатчилик билан алоқаларни мустаҳкамлаш.

10. Миллий статистика тизими учун малакали мутахассис кадрлар тайёрлашнинг самарали механизмини жорий этиш мақсадида 2025/2026 ўқув йилидан бошлаб Миллий статистика қўмитасида Тошкент давлат иқтисодиёт университетининг Иқтисодий статистика кафедраси филиали ташкил этилсин. Бунда:

(а) таълим жараёнига Миллий статистика қўмитасининг малакали амалиётчи мутахассисларини жалб этган ҳолда назария ва амалиёт уйғунлиги таъминланади ҳамда талабаларнинг малакавий амалиётлари статистика органларида ташкил этилади;

(б) Миллий статистика қўмитаси олий таълим муассасаларига замонавий талаб ва стандартларга жавоб берадиган ўқув адабиётлар ва қўлланмаларни яратиш ҳамда таълим жараёнларига жорий этишда кўмаклашади.

11. Аҳоли ва кенг жамоатчиликни долзарб ва ишончли статистик маълумотлар ва таҳлиллар билан таъминлаб бориш мақсадида:

(а) Миллий статистика қўмитаси тузилмасида мавжуд штат бирликлари доирасида медиа марказ ташкил этилсин;

(б) Миллий статистика қўмитасининг 2025 йилга мўлжалланган ахборот сиёсатини юритиш бўйича чора-тадбирлар дастури 5-иловага мувофиқ тасдиқлансин;

(в) Республика статистика кенгаши келгуси йилдан бошлаб ахборот сиёсатини юритиш бўйича чора-тадбирларнинг йиллик дастурини тасдиқлаб борсин.

VII. Миллий статистика тизимини халқаро амалиётга мос равишда такомиллаштириш.

12. Миллий статистика қўмитаси 2025 йил якунига қадар:

Кейинги таҳрирга қаранг.

(а) Миллий статистика тизимига сифатни бошқаришнинг илғор тизимларини жорий этиш ҳолатини тармоқ баҳолашдан (Sectoral Review) ўтказишни ташкил этсин;

(б) Адлия вазирлиги билан биргаликда 2025 йил 1 июлдан бошлаб якка тартибдаги тадбиркорларни давлат рўйхатидан ўтказишни улар шуғулланиши мумкин бўлган фаолият турлари ҳамда Ўзбекистон Республикаси иқтисодий фаолият турларининг умумдавлат таснифлагичи асосида амалга оширсин;

(в) халқаро ташкилотлар билан ҳамкорликда 2026 — 2030 йилларга мўлжалланган Статистикани ривожлантиришнинг миллий стратегиясини ишлаб чиқсин. Мазкур Миллий стратегияда қуйидагилар назарда тутилсин:

(i) миллий статистика тизими услубиётларини Бирлашган Миллатлар Ташкилоти, Халқаро валюта жамғармаси ва бошқа халқаро ташкилотлар томонидан ишлаб чиқилган тамойиллар ва қоидалар билан уйғунлаштириш орқали маълумотларнинг халқаро қиёсийлигини таъминлаш;

(ii) ялпи статистика ҳисоботларини босқичма-босқич танланма кузатувлар билан алмаштириш ҳисобига бирламчи статистик маълумотларни тўплаш тизимини такомиллаштириб бориш;

(iii) идоравий маълумотлар базаларидан фойдаланишни интеграция қилиш асосида янада кенгайтириш орқали кузатувларни босқичма-босқич мақбуллаштириш ҳамда тадбиркорларга бўлган ҳисобот топшириш юкини камайтириш;

(iv) рақамли ечимлардан, шу жумладан, сунъий интеллект ҳамда катта ҳажмдаги маълумотларни бошқариш технологияларидан фойдаланиш имкониятларини кенгайтириш;

(v) статистик маълумотлардан фойдаланувчилар ва етказиб берувчилар ўртасидаги ўзаро ҳамкорликни яхшилаш ҳамда талаб юқори бўлган маълумотлар ҳамда таҳлилий ахборотларни тайёрлаш механизмларини жорий этиш.

Кейинги таҳрирга қаранг.

13. Белгилансинки:

(а) давлат органлари ва ташкилотларида ислоҳотлар натижадорлигини баҳолаш бўйича Миллий статистика қўмитаси билан тўғридан-тўғри тузиладиган шартнома асосида жойларда танланма кузатувларни ўтказиб бориш амалиёти жорий этилади;

Бунда, танланма кузатувларнинг йиллик режаси Миллий статистика қўмитаси томонидан статистика дастури доирасида тасдиқланади;

(б) барча даражадаги статистика органларининг «Расмий статистика тўғрисида»ги Қонунга асосан олиб борадиган фаолиятига, шу жумладан, статистик кузатувларни ўтказиш, статистик маълумотларни тайёрлаш ва уларни эълон қилиш жараёнларига ҳар қандай таъсир кўрсатишга йўл қўйилмайди.

14. Ўзбекистон Республикаси Президентининг айрим ҳужжатларига 6-иловага мувофиқ ўзгартириш ва қўшимчалар киритилсин.

15. Ўзбекистон Республикаси Президентининг айрим ҳужжатлари 7-иловага мувофиқ ўз кучини йўқотган деб ҳисоблансин.

16. Миллий статистика қўмитаси манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

17. Мазкур Фармон ижросини самарали ташкил қилишга масъул ва шахсий жавобгар этиб Миллий статистика қўмитаси раиси белгилансин.

Ушбу Фармон ижросини назорат қилиш Бош вазир ўринбосари Ж.А. Қўчқоров зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 24 февраль,

ПФ-27-сон

Ўзбекистон Республикаси Президентининг 2025 йил 24 февралдаги ПФ-27-сон Фармонига
1-ИЛОВА

Республика статистика кенгаши

ТАРКИБИ

1.	Ж.А. Қўчқоров	—	Ўзбекистон Республикаси Бош вазири ўринбосари — Республика статистика кенгаши раиси
2.	Лавозими бўйича	—	Миллий статистика қўмитаси раиси, Республика статистика кенгаши раисининг ўринбосари
3.	О.А. Хакимов	—	Ўзбекистон Республикаси Президенти маслаҳатчиси ўринбосари
4.	Ш.А. Аюпов	—	Фанлар академияси президенти
5.	Э.Ф. Гадоев	—	Ўзбекистон Республикаси Олий Мажлиси Сенатининг Бюджет ва иқтисодий масалалар қўмитаси раиси
6.	Ш.Х. Назаров	—	Ўзбекистон Республикаси Олий Мажлиси Қонунчилик палатасининг Бюджет ва иқтисодий масалалар қўмитаси раиси
7.	Д.Қ. Ахмедов	—	Ўзбекистон Республикаси Олий Мажлиси Қонунчилик палатасининг Аграр ва сув хўжалиги масалалари қўмитаси раиси ўринбосари
8.	Т.А. Ишметов	—	Марказий банк раиси
9.	И.Ю. Абдураҳмонов	—	қишлоқ хўжалиги вазири
10.	К.А. Шарипов	—	олий таълим, фан ва инновациялар вазири
11.	Б.Э. Захидов	—	камбағалликни қисқартириш ва бандлик вазири
12.	Ш.Х. Шерматов	—	рақамли технологиялар вазири
13.	И.И. Норқулов	—	иқтисодиёт ва молия вазирининг биринчи ўринбосари
14.	М.М. Мирзаев	—	Солиқ қўмитаси раисининг биринчи ўринбосари
15.	Д.А. Ваҳобов	—	Савдо-саноат палатаси раиси
16.	У.К. Абидходжаев	—	Вазирлар Маҳкамаси ҳузуридаги Макроиқтисодий ва ҳудудий тадқиқотлар институти директори
17.	Т.З. Тешабаев	—	Тошкент давлат иқтисодиёт университети ректори
18.	Лавозими бўйича	—	Миллий статистика қўмитаси раиси ўринбосари, Республика статистика кенгаши котиби

Изоҳ:

Республика статистика кенгаши аъзолари бошқа ишга ўтган тақдирда, унинг таркибига ушбу лавозимга янгидан тайинланган ёки тегишли функцияларни бажариш зиммасига юкланган шахслар киритилади.

Зарур ҳолларда, Республика статистика кенгаши ишига унинг таркибига кирмаган бошқа вазирлик ва идоралар вакиллари, шунингдек, халқаро ташкилотлар экспертлари ва хорижий маслаҳатчилар жалб қилиниши мумкин.

Ўзбекистон Республикаси Президентининг 2025 йил 24 февралдаги ПФ-27-сон Фармонига
2-ИЛОВА

Миллий статистика қўмитаси ҳамда вазирлик ва идораларнинг ахборот тизимларини ўзаро интеграция қилиш бўйича

«ЙЎЛ ХАРИТАСИ»

Т/р	Маъмурий маълумот тақдим этувчи вазирлик ва идоралар номи	Маъмурий маълумотлар рўйхати	Амалга ошириш муддати
1.	Ўзбекистон техник жиҳатдан тартибга солиш агентлиги	Маҳаллий ишлаб чиқарувчиларга саноат маҳсулотлари бўйича тақдим этилган сертификатлар тўғрисидаги маълумотлар, шу жумладан, корхона ва ташкилот (СТИРи) ёки жисмоний шахс (ЖШШИРи) кесимида ташкилот номи, ҳудуд номи, туман, шаҳар номи, мувофиқлик сертификатининг тартиб рақами, мувофиқлик сертификати тақдим этилган маҳсулотнинг ТИФ ТН коди, мувофиқлик сертификати тақдим этилган маҳсулот номи, мувофиқлик сертификати тақдим этилган сана, мувофиқлик сертификатининг амал қилиш муддати ва бошқалар.	2025 йил май
2.	Қурилиш ва уй-жой коммунал хўжалиги вазирлиги	Юридик шахслар томонидан қурилган турар жойлар ва нотурар, шу жумладан, 1 қаватли, 2 қаватли, 3 қаватли, 4 қаватли, 5 ва ундан юқори қаватли бинолар ҳақида маълумотлар, нотурар биноларнинг умумий қурилиш майдони (m²), нотурар биноларнинг умумий қурилиш ҳажми (m³), турар жой биноларининг умумий қурилиш майдони (m²), турар жой биноларининг яшаш майдони (m²) ва бошқалар.	2025 йил июль
3.	Ўзбекистон маҳаллалари уюшмаси	Ўзбекистон маҳаллалари уюшмаси томонидан ташкил этилган «рақамли маҳалла» ахборот тизими маълумотлари, шу жумладан, маҳалла фуқаролар йиғинлари сони ва уларга тегишли маълумотлар ва бошқалар.	2025 йил июль
4.	Қишлоқ хўжалиги вазирлиги	1. Тайёрланган пахта хом ашёси ва бошоқли дон тўғрисидаги статистика маълумотлари, шу жумладан, хўжаликлар СТИРи, хўжаликлар номи, хўжаликларнинг ҳудуд коди, маҳсулот номи (пахта, бошоқли дон), ўлчов бирлиги, тайёрланган пахта, бошоқли дон нави ва синфлари бўйича ҳажми, тайёрланган пахта, бошоқли дон нави ва синфлари бўйича қиймати, маҳсулот сотилган сана ва бошқалар.	2025 йил июнь
		2. Қишлоқ хўжалиги вазирлигининг электрон маълумотлар базасидаги пахта ва тўқимачилик ҳамда ғаллачилик кластерлари тўғрисидаги, шу жумладан, пахта ва тўқимачилик ҳамда ғаллачилик кластерларининг СТИРи, пахта ва тўқимачилик ҳамда ғаллачилик кластерлари СТИР номи, ажратилган ер майдони, кластернинг қайси турга мансублиги ҳақидаги маълумотлар.	2025 йил июль
		3. Қишлоқ хўжалиги экинлари экилган майдон ҳамда олинган ялпи ҳосил тўғрисидаги статистика маълумотлари, шу жумладан, хўжаликлар СТИРи, хўжаликлар номи, хўжаликларнинг ҳудуд коди, қишлоқ хўжалиги экинлари номи (рўйхат бўйича), етиштирилган қишлоқ хўжалиги маҳсулотлари номи (рўйхат бўйича), ўлчов бирлиги, экилган майдон ҳажми, етиштирилган маҳсулот ҳажми ва бошқалар.	2025 йил октябрь
5.	Ўзбекистон республика товар хом-ашё биржаси	Биржа савдоларига қўйиладиган товарларнинг нархлари тўғрисидаги маълумотлар, шу жумладан, корхона ва ташкилот (СТИРи) кесимида ташкилот номи, маҳсулот номи, маҳсулот ТИФ ТН коди, ўлчов бирлиги, маҳсулот миқдори, маҳсулотнинг якуний (нархи) қиймати, маҳсулот сотилган сана ва бошқалар.	2025 йил август
6.	Ветеринария қўмитаси	Жисмоний ва юридик шахсларнинг идентификация қилинган чорва моллари тўғрисидаги маълумотлар, шу жумладан, жисмоний ва юридик шахслар СТИРи, жисмоний ва юридик шахслар номи, жисмоний ва юридик шахсларнинг ҳудуд коди, чорва моллари тури (рўйхат бўйича), ўлчов бирлиги, чорва моллари бош сони ва бошқалар.	2025 йил август
7	Солиқ қўмитаси	1. Тармоқ супермаркетларининг ҳудудлар ва алоҳида касса машиналари кесимидаги товарларнинг нархлари тўғрисидаги маълумотлар, шу жумладан, корхона ва маҳсулотлар кесимида маҳсулот миқдори, нархдаги ҚҚС қиймати, маҳсулотнинг якуний (нархи) қиймати, маҳсулотнинг сотилган санаси ва бошқалар.	2025 йил август
		2. Автомобиль транспортида йўловчи ташиш фаолиятини мониторинг қилиш ахборот тизимидаги жисмоний шахслар кесимида хизмат тури (йўловчи ташиш, етказиб бериш), хизматлар ҳажми, мижозлар сони, қатновлар сони, ташиш масофаси (км) ва бошқалар.	2025 йил сентябрь
		3. Юридик шахслар томонидан реализация қилинган маҳсулот ва товарлар электрон ҳисоб фактураларининг корхоналар кесимида маҳсулот номи, ўлчов бирлиги, маҳсулот миқдори, маҳсулотнинг якуний (нархи) қиймати, электрон ҳисоб-фактура расмийлаштирилган сана ва бошқалар.	2025 йил сентябрь
		4. Юридик шахслар кесимида соф тушум, даромад, фойда, қўшилган қиймат солиғи бўйича маълумотлар, шу жумладан, корхона ва ташкилот СТИРи, ташкилот номи, корхонанинг маҳсулот (товар, иш ва хизматлар) сотишдан тушган соф тушуми (жами), улардан асосий фаолиятдан олинган соф тушуми, ҳисобланган қўшилган қиймат солиғи, ҳисобланган акциз солиғи, айланмадан олинадиган солиқ тўғрисидаги ойлик маълумотлар (айланмадан олинадиган солиқ бўйича солиқ ҳисоботи шакллари ҳамда қўшилган қиймат солиғи бўйича солиқ ҳисоботи шакллари маълумотлари асосида).	2025 йил декабрь
		5. Ўзбекистон Республикаси Вазирлар Маҳкамаси ҳузуридаги Солиқ қўмитасининг «Янги технологиялар» илмий-ахборот маркази маълумотлар базасидаги ЭРИ калит олган корхоналар кесимида электрон калит олган корхоналар номи, электрон калит берилган сана, электрон калитнинг амал қилиш муддати, мазкур электрон калит кимнинг номига бириктирилганлиги (раҳбар, бухгалтер ёки масъул ходим), электрон калит бириктирилган телефон рақами тўғрисидаги маълумотлар.	2025 йил декабрь
		6. Солиқ органларига тақдим этиладиган корхонанинг баланси (1-шакл) ҳамда молиявий натижалари тўғрисидаги (2-шакл) йиллик молиявий ҳисоботлардаги маълумотлар, шу жумладан, корхона ва ташкилот (СТИРи) кесимида корхона ва ташкилот номи, корхонанинг маҳсулот (товар, иш ва хизматлар) сотишдан тушган соф тушуми, корхонанинг бошқа даромадлари, молиявий фаолиятдан олинган даромадлари, сотилган маҳсулот таннархи харажатлари, давр харажатлари, молиявий фаолият бўйича харажатлари, молиявий натижалари, соф фойда ёки зарари (молиявий натижалар тўғрисидаги 2-шакл молиявий ҳисоботидан), асосий воситаларнинг йил бошига ва йил охирига қиймати, асосий воситаларнинг йил бошига ва йил охирига эскириш қиймати, номоддий активларнинг йил бошига ва йил охирига қиймати, номоддий активларнинг йил бошига ва йил охирига эскириш қиймати, товар-моддий захиралар (ишлаб чиқариш захиралари, тугалланмаган ишлаб чиқариш, товарлар, маҳсулот қолдиқлари)нинг йил бошига ва йил охирига қиймати, йил охирига дебитор қарздорлик, ундан муддати ўтган дебитор қарздорлик, йил охирига кредитор қарздорлик, ундан муддати ўтган кредитор қарздорлик тўғрисидаги маълумотлар (корхона баланси тўғрисидаги 1-шакл молиявий ҳисоботидан).	2025 йил декабрь
8.	Божхона қўмитаси	1. «e-kontrakt» ташқи савдо операцияларининг электрон ахборот тизимидаги шартномалар кесимида шартнома предмети, хизмат номи, савдо қилинаётган мамлакат, шартнома тузувчи СТИРи, шартнома тузувчи номи, шартноманинг бажарилиш ҳолати, шартнома қиймати (минг долл.), расмийлаштирилган сана, шартнома валютаси коди, зарур ҳолатда бошқа кўрсаткичлар.	2025 йил сентябрь
8.	Божхона қўмитаси	2. Юридик ва жисмоний шахслар томонидан амалга оширилган товарлар экспорт ва импорт жўнатувчи/қабул қилувчи давлат, нетто вазни (кг), статистик қиймати (минг долл.), шартнома валютаси, юк қабул қилувчи/жўнатувчи, чегарадаги транспорт тури ва бошқалар.	2025 йил октябрь
9.	Энергетика вазирлиги, «Ҳудудий электр тармоқлари» АЖ	1. «Ҳудудий электр тармоқлари» АЖнинг Электр энергиясини ҳисобга олиш ва назорат қилишнинг автоматлаштирилган тизими (АСКУЭ) маълумотларини корхона ва ташкилот (СТИРи) ҳамда жисмоний шахс (ЖШШИРи) кесимида ҳисобот даври, сарфланган электр энергияси миқдори (киловатт-соат), сарфланган электр энергияси қиймати сўмда ва бошқалар.	2025 йил сентябрь
9.	«Ҳудудгазтаъминот» АЖ	2. «Ҳудудгазтаъминот» АЖнинг Табиий газ назорати ва ҳисобининг автоматлаштирилган тизими (ГНҲАТ/АСКУГ) маълумотларини корхона ва ташкилот (СТИРи) ҳамда жисмоний шахс (ЖШШИРи) кесимида ташкилот номи, ҳудуд номи, ҳудуд коди, туман (шаҳар) номи, даври, сарфланган табиий газ миқдори (m³), сарфланган табиий газ қиймати сўмда ва бошқалар.	2025 йил ноябрь
10.	Мактабгача ва мактаб таълими вазирлиги	1. Мактабгача таълим ташкилоти фаолиятининг асосий кўрсаткичлари тўғрисидаги маълумотлар, шу жумладан, корхона ва ташкилот СТИРи, ташкилот номи, умумий типдаги мактабгача таълим ташкилоти (бирлик), қўшма турдаги мактабгача таълим ташкилоти (бирлик), умумий инклюзив гуруҳларга эга мактабгача таълим ташкилоти (бирлик), кўп тармоқли ихтисослаштирилган мактабгача таълим ташкилоти (бирлик), кўп тармоқли ихтисослаштирилган реабилитация марказига эга мактабгача таълим ташкилоти (бирлик), паспорт бўйича гуруҳлар сони (бирлик), паспорт бўйича ўринлар сони (бирлик), 3 ёшдан 7 ёшгача, гуруҳларда машғулот олиб бориладиган тил бўйича: ўзбек тили, қорақалпоқ тили, рус тили, қозоқ тили, туркман тили, қирғиз тили, тожик тили ва бошқа тиллар, мактабгача таълим ташкилотининг педагог ходимлари тўғрисида (жами ходимлар, улардан хотин-қизлар; олий маълумотли, шу жумладан, педагогик маълумотли; ўрта махсус маълумотли жами ходим, шу жумладан, педагогик), мактабгача таълим ташкилотининг моддий-техника базаси (канализация, водопровод, марказлаштирилган иситиш, якка тартибдаги иситиш, ҳожатхона ва канализация тизимига уланган ҳожатхона ҳамда телефон билан таъминланган) ва бошқалар.	2025 йил сентябрь
10.	Мактабгача ва мактаб таълими вазирлиги	2. Барча мулкчилик шакли бўйича умумтаълим ташкилотлари, «Баркамол авлод» болалар мактаблари ҳамда мактабгача таълим ташкилотларига оид маълумотлар, шу жумладан, корхона ва ташкилот СТИРи, ташкилот номи, умумий типдаги умумтаълим ташкилоти (бирлик), умумий синфларга (гуруҳларга) эга умумтаълим таълим ташкилоти сони (бирлик), кўп йўналишли ихтисослаштирилган мактабгача таълим ташкилоти (бирлик), паспорт бўйича синфлар сони, паспорт бўйича ўринлар сони, 7 ёшдан 18 ёшгача ўғил ва қиз болалар сони, синфларда таълим олиб бориладиган тил бўйича, умумтаълим ташкилотининг педагог ходимлари тўғрисида (жами ходим, улардан хотин-қизлар; олий маълумотли, шу жумладан, педагогик маълумотли; ўрта махсус маълумотли жами ходим, шу жумладан, педагогик), умумтаълим ташкилотининг моддий-техника базаси (канализация, водопровод, марказлаштирилган иситиш, якка тартибдаги иситиш, ҳожатхона ва канализация тизимига уланган ҳожатхона ҳамда телефон билан таъминланган) ва бошқалар.	2025 йил октябрь
11.	Камбағалликни қисқартириш ва бандлик вазирлиги	1. Деҳқон ва томорқа хўжаликларининг қишлоқ хўжалиги фаолияти тўғрисидаги статистика маълумотлари, шу жумладан, фуқаролар йиғинлари СТИРи, фуқаролар йиғинлари номи, фуқаролар йиғинлари ҳудуд коди, қишлоқ хўжалиги экинлари номи (рўйхат бўйича), етиштирилган қишлоқ хўжалиги маҳсулотлари номи (рўйхат бўйича), чорва моллари ва паррандалар тури (рўйхат бўйича), ўлчов бирлиги, экилган майдон ҳажми, етиштирилган маҳсулот ҳажми, чорва моллари ва паррандалар бош сони ва бошқалар.	2025 йил май
11.	Камбағалликни қисқартириш ва бандлик вазирлиги	2. Қишлоқ хўжалиги ерларидан фойдаланувчилар (томорқа ер эгалари, деҳқон хўжаликлари ва ҳ.к.) томонидан экиладиган экин турлари, олинаётган ҳосил ҳажми, маҳсулотларни етказиб бериш таъминоти ва кўрсатилган хизматлар тўғрисидаги маълумотларни «Online mahalla» электрон платформасига интеграция қилиш орқали тақдим қилинишини йўлга қўйиш. Шу жумладан, ердан фойдаланувчилар СТИРи, ердан фойдаланувчилар манзили, фуқаролар йиғини номи, фуқаролар йиғинининг ҳудуд коди, етказиб берилган уруғ, кўчат, ўғит, мини-техникалар, мутахассис хизмати ва бошқа кўрсатилган хизматлар тўғрисидаги маълумотлар ва бошқалар.	2025 йил июнь
12.	Туризм қўмитаси, Ички ишлар вазирлиги	«E-Mehmon» — Ўзбекистонда туризмни бошқариш учун мўлжалланган марказлаштирилган ахборот-таҳлилий дастурий комплекс орқали йиғиладиган маълумотлар, шу жумладан, корхона ва ташкилот СТИРи, ташкилот номи, манзили, объектлар сони, меҳмонхонадаги хоналар сони, койкалар сони, жойлаштирилган шахслар сони, тунаб қолишлар сони, сафар мақсадлари бўйича жойлаштирилган шахслар сонининг тақсимоти, туриш муддати бўйича жойлаштирилган шахслар сонининг тақсимоти ва бошқалар.	2025 йил сентябрь
13.	Пенсия жамғармаси	Пенсия ва нафақа олувчилар ҳақидаги йиғма маълумотларни шу жумладан, пенсионерлар сони ва уларга тайинланган пенсиялар тўғрисида 1-пенсия шакли йиллик статистика ҳисоботига мувофиқ маълумотлар ва бошқалар.	2025 йил октябрь
14.	Кадастр агентлиги	1. Нотурар жой объектларининг асосий кўрсаткичлари тўғрисидаги бинолар ва иншоотларнинг давлат кадастрини юритишда давлат кадастрига оид киритиладиган маълумотлар таркибига қўйиладиган минимал талабларида белгиланган бирламчи маълумотлар ва бошқалар.	2025 йил ноябрь
		2. Ер ресурсларининг ҳолати бўйича миллий ҳисоботни юритиш тартиби тўғрисидаги низомнинг иловаларидаги маълумотлар асосида ҳар бир ердан фойдаланувчилар кесимидаги ер майдонлари тўғрисида маълумотлар ва бошқалар.
		3. Уй-жой фондининг асосий кўрсаткичларини Бинолар ва иншоотларнинг давлат кадастрини юритиш тартиби тўғрисидаги низомга 2-иловада келтирилган бинолар ва иншоотларнинг давлат кадастрини юритишда давлат кадастрига оид киритиладиган маълумотлар таркибига қўйиладиган минимал талабларда белгиланган бирламчи маълумотлар кесимидаги маълумотлар ва бошқалар.
15.	Олий таълим, фан ва инновациялар вазирлиги	«Олий таълим жараёнларини бошқариш» ахборот тизими, «Профессионал таълим жараёнларини бошқариш» ахборот тизими ҳамда Олий таълимдан кейинги таълимни мувофиқлаштиришнинг ягона электрон тизими орқали шакллантириладиган маълумотлар, шу жумладан, корхона ва ташкилот СТИРи, ташкилот номи, таълим муассасаси жойлашган ҳудуд коди, жами қабул қилинган (бакалавр ва магистратура), улардан аёллар, улардан давлат гранти асосида ўқиётганлар курслар кесимида (I, II, III, IV, V, VI, VII), жами ўқиётган талабалар, улардан аёллар, улардан давлат гранти бўйича ўқишни битириши кутилаётганлар сони, битирганлар сони, улардан аёллар, улардан давлат гранти бўйича, давлат гранти асосида тамомлаганлардан тўлов-контракт асосида ўқиган битирувчилар, тўлов-контракт асосида тамомлаган талабаларнинг ёши бўйича (17 ёшдан 45 ёшгача ва ундан катта ёшдагилар, талабаларни ўқитиш тиллари бўйича чет элик талабалар (қабул қилинганлар, улардан аёллар; талабалар сони, улардан аёллар; битирганлар сони, улардан аёллар) ва бошқалар.	2025 йил ноябрь
16.	Ички ишлар вазирлиги, Миграция агентлиги	Ўзбекистон ҳудудидан ташқарига чиқувчи ва давлат ҳудудига кириб келувчи шахсларнинг аниқ ҳисобини юритиш имконини берувчи ягона идоралараро электрон маълумотлар базаси маълумотлари, шу жумладан, идентификация рақами, доимий яшаш манзили, миллати, жинси, туғилган санаси, туғилган жойи, фуқаролиги, фуқароликни қабул қилган санаси, фуқароликни олгунга қадар ҳолати (хорижий давлатлар, фуқаролиги бўлмаган шахс), кетган (келган) давлати номи, келиш (кетиш) мақсади, келиш (кетиш) вақти, бандлик ҳолати, фаолият тури ва бошқалар.	2025 йил ноябрь
17.	Адлия вазирлиги	Якка тартибдаги тадбиркорлар, деҳқон хўжаликлари, оилавий тадбиркорлар, ҳунармандлар ва импорт товарлари сотувчилари тўғрисидаги маълумотлар, шу жумладан, якка тартибдаги тадбиркорлик, деҳқон хўжаликлари рўйхати, уларнинг ЖШШИРи, фаолият турлари, фаоллик ҳолати, оилавий тадбиркорлар рўйхати, уларнинг ЖШШИРи, фаолият турлари, фаоллик ҳолати, ҳунармандлар ҳамда импорт товарлар сотувчиларининг рўйхати, уларнинг ЖШШИРи, фаолият турлари, фаоллик ҳолати тўғрисидаги маълумотлар.	2025 йил ноябрь

Ўзбекистон Республикаси Президентининг 2025 йил 24 февралдаги ПФ-27-сон Фармонига
3-ИЛОВА

Миллий статистика қўмитаси ҳамда давлат органлари ва ташкилотлари ахборот тизимларини ўзаро интеграция қилиш ишларини мувофиқлаштириш бўйича ишчи гуруҳ

ТАРКИБИ

1.	Р.А. Гулямов	—	Ўзбекистон Республикаси Президенти маслаҳатчиси, Ишчи гуруҳ раҳбари
2.	Лавозими бўйича	—	Миллий статистика қўмитаси раиси, Ишчи гуруҳ раҳбари ўринбосари
3.	О.А. Хакимов	—	Ўзбекистон Республикаси Президенти маслаҳатчиси ўринбосари
4.	Ш.Х. Шерматов	—	рақамли технологиялар вазири
5.	И.И. Норқулов	—	иқтисодиёт ва молия вазирининг биринчи ўринбосари
6.	Ш.С. Хидоятов	—	қурилиш ва уй-жой коммунал хўжалиги вазири
7.	Б.Э. Захидов	—	камбағалликни қисқартириш ва бандлик вазири
8.	И.Ю. Абдураҳмонов	—	қишлоқ хўжалиги вазири
9.	Ж.Т. Мирзамаҳмудов	—	энергетика вазири
10.	Ш.Д. Кудбиев	—	Солиқ қўмитаси раиси
11.	Ф.Ж. Пулатов	—	Кадастр агентлиги директори
12.	И.Р. Тангриев	—	Вазирлар Маҳкамаси котибият мудири
13.	Лавозими бўйича	—	Миллий статистика қўмитаси раиси ўринбосари, Ишчи гуруҳ котиби

Изоҳ. Ишчи гуруҳ интеграция ишларини мувофиқлаштириш доирасида:

ахборот тизимларини аудитдан ўтказиш натижалари бўйича маъмурий маълумотлардан фойдаланиш бўйича топшириқларни белгилайди;

интеграция ишлари ўз муддатида амалга оширилишини назорат қилади;

интеграция масалалари бўйича ҳар олти ойда бир марта муҳокамалар ўтказади;

зарур ҳолларда, Миллий статистика қўмитаси ҳамда бошқа давлат органлари ва ташкилотлари ахборот тизимлари ўртасида янги интеграцияларни йўлга қўйиш бўйича ташаббус кўрсатади.

Ишчи гуруҳ аъзолари бошқа ишга ўтган тақдирда, унинг таркибига ушбу лавозимга янгидан тайинланган ёки тегишли функцияларни бажариш зиммасига юкланган шахслар киритилади.

Ўзбекистон Республикаси Президентининг 2025 йил 24 февралдаги ПФ-27-сон Фармонига
4-ИЛОВА

Таҳлилий бўлинмалари зиммасига статистик ва маъмурий маълумотларни йиғиш, таҳлил қилиш ва эълон қилиш вазифалари юклатиладиган давлат органлари ва ташкилотлари

РЎЙХАТИ

1.	Инвестициялар, саноат ва савдо вазирлиги
2.	Сув хўжалиги вазирлиги
3.	Қурилиш ва уй-жой коммунал хўжалиги вазирлиги
4.	Энергетика вазирлиги
5.	Тоғ-кон саноати ва геология вазирлиги
6.	Рақамли технологиялар вазирлиги
7.	Экология, атроф-муҳитни муҳофаза қилиш ва иқлим ўзгариши вазирлиги
8.	Мактабгача ва мактаб таълими вазирлиги
9.	Олий таълим, фан ва инновациялар вазирлиги
10.	Спорт вазирлиги
11.	Маданият вазирлиги
12.	Адлия вазирлиги
13.	Ташқи ишлар вазирлиги
14.	Фавқулодда вазиятлар вазирлиги
15.	Рақобатни ривожлантириш ва истеъмолчилар ҳуқуқларини ҳимоя қилиш қўмитаси
16.	Давлат активларини бошқариш агентлиги
17.	Ўзбекистон техник жиҳатдан тартибга солиш агентлиги
18.	Оила ва хотин-қизлар қўмитаси
19.	Миграция агентлиги
20.	Кадастр агентлиги
21.	Инновацион ривожланиш агентлиги

Изоҳ: давлат органлари ва ташкилотларида маъмурий маълумотларни шакллантириш ва юритишга ихтисослаштирилган бўлинмалар ходимларнинг умумий чекланган сони доирасида ташкил этилади.

Ўзбекистон Республикаси Президентининг 2025 йил 24 февралдаги ПФ-27-сон Фармонига
5-ИЛОВА

Миллий статистика қўмитасининг 2025 йилга мўлжалланган ахборот сиёсатини юритиш бўйича

ЧОРА-ТАДБИРЛАР ДАСТУРИ

Т/р	Маълумотлар ва медиамаҳсулотлар тури	Амалга ошириш механизми	Амалга ошириш муддати	Ижрочилар
I. Оммавий ахборот воситалари билан ҳамкорлик бўйича
1.	Расмий статистик кўрсаткичлар асосида инфографика роликларини тайёрлаш ва кенг жамоатчиликка намойиш этиб бориш.	Расмий статистик кўрсаткичлар асосида инфографика роликларини тайёрлаш ва ёритиш тизими:	Январь, апрель, июль, октябрь	Ўзбекистон Миллий телерадиокомпанияси (ЎзМТРК), Ўзбекистон Миллий медиа ассоциацияси (ЎзММА), Миллий статистика қўмитаси
		марказий аппарат учун ҳар чорак якуни билан 10 та инфографика ролигини Ўзбекистон Миллий телерадиокомпаниясининг марказий телеканаллари ва Ўзбекистон Миллий медиа ассоциациясига аъзо нодавлат телеканалларда бепул ёритиш;
		ҳудудий статистика бошқармалари учун ҳар чорак якуни билан 5 та инфографика ролигини Ўзбекистон Миллий телерадиокомпаниясининг ҳудудий телеканаллари ва Ўзбекистон Миллий медиа ассоциациясига аъзо нодавлат телеканалларда бепул ёритиш.
2.	Ойлик, чораклик ва йиллик расмий статистика кўрсаткичларини фойдаланувчиларга қисқа топиклар шаклида интернет тармоғи орқали етказиш.	Ойлик, чораклик ва йиллик расмий статистика кўрсаткичлари асосида ҳар иш кунида 5-6 та алоҳида қизиқарли қисқа топикларни тайёрлаб, Миллий статистика қўмитаси расмий веб-сайти ва ижтимоий тармоқларида доимий равишда ҳамда Ўзбекистон Миллий ахборот агентлиги сайти, Ўзбекистон миллий медиа ассоциациясига аъзо интернет сайтларда эълон қилиб бориш.	Доимий	Ўзбекистон Миллий ахборот агентлиги, ЎзММА, Миллий статистика қўмитаси
3.	Миллий статистика қўмитаси раҳбарияти ва масъул мутахассислари томонидан тайёрланган таҳлилий шарҳ ва мақолаларни чоп этиш.	Етакчи газета ва журналларда Миллий статистика қўмитаси раҳбарияти ва масъул мутахассисларининг таҳлилий шарҳ ва мақолаларини тайёрлаб, нашр этиш учун тақдим этиб бориш.	Ҳар чоракда	«Янги Ўзбекистон» ва «Правда Востока» газеталари таҳририяти, «Халқ сўзи» ва «Народное слово» газеталари таҳририяти, «Ўзбекистон иқтисодий ахборотномаси» журнали, «Иқтисодий шарҳ» журнали, Миллий статистика қўмитаси
4.	Соҳага оид матбуот анжуманлари, брифинг ва пресс-турларни ташкил этиш.	Аҳолига доимий тўлиқ ва тезкор равишда ахборот тақдим этиб бориш мақсадида йил давомида:	Ҳар чоракда	АОКА, Миллий статистика қўмитаси
		марказий аппарат масъул ходимлари иштирокида матбуот анжумани ва брифинглар;
		ҳудудий статистика бошқармалари масъул ходимлари иштирокида матбуот анжумани, брифинг ва пресс-турлар ташкил этиш.
5.	Хорижий оммавий ахборот воситаларида Ўзбекистоннинг ижтимоий-иқтисодий кўрсаткичларини ёритиш.	Йил якуни бўйича Ўзбекистоннинг ижтимоий-иқтисодий кўрсаткичларини, ривожланиш ҳолатини Ташқи ишлар вазирлиги орқали хорижий оммавий ахборот воситалари ҳамда «Дунё» ахборот агентлигида ёритишни ташкил этиш.	Йилда бир маротаба	Ташқи ишлар вазирлиги, Миллий статистика қўмитаси
II. Миллий статистика қўмитаси фаолияти ҳамда тадбиркорлик субъектларининг ҳисобдорлиги бўйича тизимли тарғибот ва ташвиқот ўтказиш бўйича
6.	Расмий статистика маълумотларидан фойдаланувчилар, жумладан, журналист ва блогерлар ўртасида маълумотлардан фойдаланиш даражаси бўйича сўровномалар ўтказиш ва натижаларини эълон қилиш.	Миллий статистика қўмитаси веб-сайтида расмий статистика маълумотларидан фойдаланувчилар, жумладан, журналист ва блогерлар ўртасида маълумотлардан фойдаланиш даражаси бўйича сўровномалар ўтказиш ва уларнинг натижаларини қўмитанинг веб-сайтида эълон қилиб бориш.	Ҳар чоракда	Миллий статистика қўмитаси, АОКА
7.	Ҳисобот даврида шакллантирилган расмий статистик кўрсаткичларга тегишли масъул вазирлик ва идоралар мутахассислари билан биргаликда таҳлилий шарҳ бериб бориш.	Ҳар чоракда камида бир маротаба «Ўзбекистон 24» телеканали «Студия 24» дастури орқали ҳисобот даврида шакллантирилган расмий статистик кўрсаткичларга тегишли масъул вазирлик ва идораларнинг мутахассислари билан биргаликда таҳлилий шарҳ ва интервьюлар ташкил этиш.	Ҳар чоракда	ЎзМТРК, Миллий статистика қўмитаси, тегишли вазирлик ва идоралар
8.	Ҳисобот даврида энг намунали ҳисобот топширувчи тадбиркорлик субъектларининг фаолиятини тарғиб этиш.	Статистик ҳисоботларни топшириш ва танланма кузатувларда фаол қатнашган ҳамда маълумотларни ўз муддатида ва сифатли тақдим этган намунали ҳисобот топширувчи тадбиркорлик субъектлари фаолиятини Миллий статистика қўмитаси расмий веб-сайти ва «YouTube» саҳифасида кенг жамоатчиликка ёритиш.	Йилда бир маротаба	Миллий статистика қўмитаси, Савдо-саноат палатаси
9.	Олий таълим муассасаларида талабалар иштирокида давра суҳбати ва очиқ мулоқотлар ташкил этиш ва уни ёритиб бориш.	Олий таълим муассасаларида талабалар иштирокида давра суҳбати ва очиқ мулоқотлар ташкил этиш:	Тасдиқланган график асосида	Миллий статистика қўмитаси, Олий таълим, фан ва инновациялар вазирлиги, ЎзМТРК, ЎзММА
9.		республика даражасида 4 та очиқ мулоқот; шунингдек, ҳудудий статистика бошқармалари иштирокида 2 тадан давра суҳбати.	Тасдиқланган график асосида
III. Статистика дастури доирасида шакллантириладиган статистик кўрсаткичларни ёритиш бўйича
10.	Миллий статистика қўмитаси раҳбарияти ва масъул мутахассислари иштирокида идора фаолиятига оид муҳим воқеалар, тармоқлар статистикаси таҳлилига оид қизиқарли подкастлар тайёрлаш.	Ҳар чоракда камида битта долзарб мавзу ва масала юзасидан Миллий статистика қўмитаси раҳбарияти ва масъул мутахассислари иштирокида қизиқарли подкаст олиш ҳамда уларни Миллий статистика қўмитасининг расмий веб-сайти ва ижтимоий тармоқлардаги саҳифаларида ёритиб бориш.	Ҳар чоракда	Миллий статистика қўмитаси
11.	Миллий статистика қўмитасининг халқаро ҳамкорлик фаолиятини мунтазам ёритиб бориш.	Миллий статистика қўмитасининг халқаро ҳамкорлиги, ахборот алмашинуви, хорижий делегациялар ташрифи ва қўмита мутахассисларининг халқаро форум, конференция ва семинарлардаги иштирокини батафсил ёритиб бориш.	Доимий	Миллий статистика қўмитаси
12.	Статистик кўрсаткичлар асосида юритиладиган халқаро рейтинг ва индекслар натижаларини кенг жамоатчиликка етказиш.	Статистик кўрсаткичлар асосида юритиладиган халқаро рейтинг ва индекслар натижаларини Миллий статистика қўмитасининг расмий веб-сайти ва ижтимоий тармоқлардаги саҳифалари, шунингдек, бошқа оммавий ахборот воситалари орқали ёритиб бориш.	Доимий	Миллий статистика қўмитаси
13.	Ахборот маконида расмий статистика кўрсаткичлари асосида тайёрланган материалларнинг мониторингини юритиш.	Ахборот маконида кунлик ёритилган расмий статистика кўрсаткичларини мониторинг қилиб, ойлик ҳисоботни расмий веб-сайтда эълон қилиб бориш.	Доимий	Миллий статистика қўмитаси
14.	Миллий статистика қўмитаси билан фаол иш олиб борувчи пресс-пулни шакллантириш.	Миллий статистика қўмитаси билан фаол ишлайдиган журналист, блогер ва оммавий ахборот воситалари вакиллари клубини ташкил этиш, улар ўртасида «Энг яхши статистик таҳлил» танловини ўтказиб, уларни 27 июнь — Матбуот ва оммавий ахборот воситалари ходимлари кунида рағбатлантириб бориш.	Йилда бир маротаба	Миллий статистика қўмитаси
15.	«Энг намунали статистика ходими» танловини эълон қилиш ва натижасини ёритиш.	Миллий статистика қўмитаси ходимлари ўртасида иш самарадорлигини ошириш учун «Энг намунали статистика ходими» танловини ўтказиш, унинг натижаларини эълон қилиш.	Йилда бир маротаба	Миллий статистика қўмитаси
16.	Миллий статистика қўмитаси фаолияти тўғрисида қисқа метражли фильм олиш.	Миллий статистика қўмитаси тарихи, статистик кўрсаткичларнинг шаклланиши, қизиқарли иш жараёнларини ёритиб берувчи қисқа метражли фильм сценарийсини ишлаб чиқиш ва уни аутсорсинг компанияларини жалб этган ҳолда суратга олиб, кенг жамоатчиликка етказиш.	Декабрь	Миллий статистика қўмитаси

Ўзбекистон Республикаси Президентининг 2025 йил 24 февралдаги ПФ-27-сон Фармонига
6-ИЛОВА

Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар

1. Ўзбекистон Республикаси Президентининг 2012 йил 10 апрелдаги «Тўғридан-тўғри хорижий инвестициялар жалб этилишини рағбатлантиришга оид қўшимча чора-тадбирлар тўғрисида»ги ПФ-4434-сон Фармонининг 8-бандидаги «Иқтисодий тараққиёт ва камбағалликни қисқартириш вазирлиги, Молия вазирлиги, Инвестициялар ва ташқи савдо вазирлиги, Давлат статистика қўмитаси» сўзлари «Иқтисодиёт ва молия вазирлиги, Инвестициялар, саноат ва савдо вазирлиги, Миллий статистика қўмитаси» сўзлари билан алмаштирилсин.

2. Ўзбекистон Республикаси Президентининг 2014 йил 7 апрелдаги «Ўзбекистон Республикасида инвестиция иқлими ва ишбилармонлик муҳитини янада такомиллаштиришга доир қўшимча чора-тадбирлар тўғрисида»ги ПФ-4609-сон Фармони 8-бандининг учинчи хатбошисидаги «ўтказиб борадилар» сўзларидан кейин «, қонунчилик ҳужжатларида белгиланган ҳоллар бундан мустасно» сўзлари билан тўлдирилсин.

3. Ўзбекистон Республикаси Президентининг 2018 йил 5 майдаги «Прокуратура органлари кадрларини тайёрлаш, қайта тайёрлаш ва уларнинг малакасини ошириш тизимини тубдан такомиллаштириш чора-тадбирлари тўғрисида»ги ПФ-5438-сон Фармони 10-бандининг тўртинчи хатбошисидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

4. Ўзбекистон Республикаси Президентининг 2018 йил 23 майдаги «Бюджет маблағларидан фойдаланиш самарадорлигини тубдан ошириш ва иқтисодий жиноятларга қарши курашиш механизмларини такомиллаштириш чора-тадбирлари тўғрисида»ги ПФ-5446-сон Фармонининг 14-бандидаги «Молия вазирлиги, Инвестициялар ва ташқи савдо вазирлиги, Давлат статистика қўмитаси, Давлат солиқ қўмитаси, Давлат божхона қўмитаси» сўзлари «Иқтисодиёт ва молия вазирлиги, Инвестициялар, саноат ва савдо вазирлиги, Миллий статистика қўмитаси, Солиқ қўмитаси, Божхона қўмитаси» сўзлари билан алмаштирилсин.

5. Ўзбекистон Республикаси Президентининг 2018 йил 21 сентябрдаги «2019 — 2021 йилларда Ўзбекистон Республикасини инновацион ривожлантириш стратегиясини тасдиқлаш тўғрисида»ги ПФ-5544-сон Фармонининг 6-бандидаги «Инновацион ривожланиш вазирлиги Ташқи ишлар вазирлиги, Давлат статистика қўмитаси» сўзлари «Олий таълим, фан ва инновациялар вазирлиги Ташқи ишлар вазирлиги, Миллий статистика қўмитаси» сўзлари билан алмаштирилсин.

6. Ўзбекистон Республикаси Президентининг 2019 йил 10 январдаги «Урбанизация жараёнларини тубдан такомиллаштириш чора-тадбирлари тўғрисида»ги ПФ-5623-сон Фармонида:

6-банддаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин;

илованинг 15-позицияси «Масъул ижрочилар» устунидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

7. Ўзбекистон Республикаси Президентининг 2019 йил 22 февралдаги «Социологик тадқиқотлар ўтказишни давлат томонидан қўллаб-қувватлаш чора-тадбирлари тўғрисида»ги ПФ-5667-сон Фармони 10-бандининг иккинчи хатбошисидаги «Давлат статистика қўмитаси, молия, иқтисодиёт ва саноат, бандлик ва меҳнат муносабатлари, ички ишлар вазирликлари, Давлат солиқ қўмитаси, Давлат божхона қўмитаси» сўзлари «Миллий статистика қўмитаси, Иқтисодиёт ва молия вазирилиги, Камбағалликни қисқартириш ва бандлик вазирлиги, Ички ишлар вазирлиги, Солиқ қўмитаси, Божхона қўмитаси» сўзлари билан алмаштирилсин.

8. Ўзбекистон Республикаси Президентининг 2019 йил 13 августдаги «Хусусий мулкни ҳимоя қилиш ва мулкдорлар ҳуқуқларининг кафолатларини кучайтириш, тадбиркорлик ташаббусларини қўллаб-қувватлаш борасидаги ишларни ташкил қилиш тизимини тубдан такомиллаштириш бўйича қўшимча чора-тадбирлар, шунингдек, тадбиркорлик субъектларининг молиявий ресурслар ва ишлаб чиқариш инфратузилмасидан фойдаланиш имкониятларини кенгайтириш тўғрисида»ги ПФ-5780-сон Фармони 18-бандининг биринчи хатбошисидаги «Давлат статистика қўмитаси, Давлат солиқ қўмитаси» сўзлари «Миллий статистика қўмитаси, Солиқ қўмитаси» сўзлари билан алмаштирилсин.

9. Ўзбекистон Республикаси Президентининг 2019 йил 23 октябрдаги «Ўзбекистон Республикаси қишлоқ хўжалигини ривожлантиришнинг 2020 — 2030 йилларга мўлжалланган стратегиясини тасдиқлаш тўғрисида»ги ПФ-5853-сон Фармонининг 2-иловасида:

53, 54 ва 56-позицияларнинг «Ижро учун масъуллар» устунидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин;

55-позициянинг «Ижро учун масъуллар» устунидаги «Иқтисодиёт ва саноат вазирлиги, Инвестициялар ва ташқи савдо вазирлиги, Давлат статистика қўмитаси» сўзлари «Иқтисодиёт ва молия вазирлиги, Инвестициялар, саноат ва савдо вазирлиги, Миллий статистика қўмитаси» сўзлари билан алмаштирилсин.

10. Ўзбекистон Республикаси Президентининг 2020 йил 18 февралдаги «Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида»ги ПФ-5938-сон Фармонининг 20¹-бандидаги «Маҳалла ва оилани қўллаб-қувватлаш вазирлиги, Давлат статистика қўмитаси, Бош прокуратураси, Ахборот технологиялари ва коммуникацияларини ривожлантириш вазирлиги» сўзлари «Ўзбекистон маҳаллалари уюшмаси, Миллий статистика қўмитаси, Бош прокуратура, Рақамли технологиялар вазирлиги» сўзлари билан алмаштирилсин.

11. Ўзбекистон Республикаси Президентининг 2020 йил 16 апрелдаги «Ўзбекистон Республикаси Президенти ҳузуридаги Жамоатчилик палатасини ташкил этиш тўғрисида»ги ПФ-5980-сон Фармони 12-бандининг иккинчи хатбошисидаги «молия, иқтисодий тараққиёт ва камбағалликни қисқартириш, бандлик ва меҳнат муносабатлари, ички ишлар вазирликлари, Ўзбекистон Республикаси Давлат солиқ қўмитаси, Давлат божхона қўмитаси, Давлат статистика қўмитаси» сўзлари «Иқтисодиёт ва молия вазирлиги, Камбағалликни қисқартириш ва бандлик вазирлиги, Ички ишлар вазирлиги, Солиқ қўмитаси, Божхона қўмитаси, Миллий статистика қўмитаси» сўзлари билан алмаштирилсин.

12. Ўзбекистон Республикаси Президентининг 2020 йил 18 майдаги «Қишлоқ хўжалиги маҳсулотларининг сифат ва хавфсизлик кўрсаткичлари халқаро стандартларга мувофиқлигини таъминлашга доир қўшимча чора-тадбирлар тўғрисида»ги ПФ-5995-сон Фармонига 2-илованинг 42-позицияси «Масъул ижрочилар» устунидаги «Давлат статистика қўмитаси, Қишлоқ хўжалиги вазирлиги, Ўрмон хўжалиги давлат қўмитаси, Ветеринария ва чорвачиликни ривожлантириш давлат қўмитаси» сўзлари «Миллий статистика қўмитаси, Қишлоқ хўжалиги вазирлиги, Ўрмон хўжалиги агентлиги, Ветеринария ва чорвачиликни ривожлантириш қўмитаси» сўзлари билан алмаштирилсин.

13. Ўзбекистон Республикаси Президентининг 2020 йил 5 октябрдаги «Рақамли Ўзбекистон — 2030» стратегиясини тасдиқлаш ва уни самарали амалга ошириш чора-тадбирлари тўғрисида»ги ПФ-6079-сон Фармонига 25-илованинг 8, 23, 32, 35-позициялари «Масъуллар» устунидаги «Давлат статистика қўмитаси (Б. Бегалов)» сўзлари «Миллий статистика қўмитаси» сўзлари билан алмаштирилсин.

14. Ўзбекистон Республикаси Президентининг 2021 йил 28 июндаги «Ўзбекистон Республикасининг жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш миллий тизимини ривожлантириш стратегиясини тасдиқлаш тўғрисида»ги ПФ-6252-сон Фармонига 3-илованинг 11-бандидаги «Ўзбекистон Республикаси Давлат статистика қўмитаси» сўзлари «Ўзбекистон Республикаси Миллий статистика қўмитаси» сўзлари билан алмаштирилсин.

15. Ўзбекистон Республикаси Президентининг 2022 йил 28 январдаги «2022 — 2026 йилларга мўлжалланган Янги Ўзбекистоннинг тараққиёт стратегияси тўғрисида»ги ПФ-60-сон Фармонига 2-илованинг 151-позицияси «Масъул ижрочилар» устунидаги «Давлат статистика қўмитаси Б. Бегалов» сўзлари «Миллий статистика қўмитаси» сўзлари билан алмаштирилсин.

16. Ўзбекистон Республикаси Президентининг 2022 йил 31 майдаги «Истеъмол бозорларида нархлар барқарорлигини таъминлашга ва монополияга қарши чораларнинг таъсирчанлигини оширишга доир қўшимча чора-тадбирлар тўғрисида»ги ПФ-145-сон Фармонига 2-илованинг 13-бандидаги «Ўзбекистон Республикаси Давлат статистика қўмитаси» сўзлари «Ўзбекистон Республикаси Миллий статистика қўмитаси» сўзлари билан алмаштирилсин.

17. Ўзбекистон Республикаси Президентининг 2022 йил 14 июндаги ПФ-154-сон Фармони билан тасдиқланган Давлат органлари ва ташкилотлари фаолиятининг очиқлигини мониторинг қилиш ва баҳолаш бўйича методикада:

4-банднинг иккинчи ва саккизинчи хатбошиларидаги ҳамда 17-банддаги тегишли келишикдаги «Молия вазирлиги ва Давлат статистика қўмитаси» сўзлари тегишли келишикдаги «Иқтисодиёт ва молия вазирлиги ва Миллий статистика қўмитаси» сўзлари билан алмаштирилсин;

8-банднинг олтинчи хатбошисидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин;

5-илова изоҳ қисмининг 3-банди биринчи хатбошиси ва 4-бандидаги тегишли келишикдаги «Давлат статистика қўмитаси» сўзлари тегишли келишикдаги «Миллий статистика қўмитаси» сўзлари билан алмаштирилсин;

9-илова 2-босқичи «Масъул органлар» устунидаги «Ахборотлаштириш ва телекоммуникациялар соҳасида назорат бўйича давлат инспекцияси, Молия вазирлиги, Давлат статистика қўмитаси» сўзлари «Иқтисодиёт ва молия вазирлиги, Миллий статистика қўмитаси» сўзлари билан алмаштирилсин.

18. Ўзбекистон Республикаси Президентининг 2005 йил 14 июлдаги «Ўзбекистон Республикаси аҳоли пунктларининг маъмурий-ҳудудий тузилишини янада такомиллаштириш чора-тадбирлари тўғрисида»ги ПҚ-120-сон қарори 1-бандининг тўртинчи хатбошиси ва 4-бандидаги тегишли келишикдан «Давлат статистика қўмитаси» сўзлари тегишли келишикдаги «Миллий статистика қўмитаси» сўзлари билан алмаштирилсин.

19. Ўзбекистон Республикаси Президентининг 2006 йил 16 майдаги «Ўзбекистон Республикасининг тикланиш ва тараққиёт жамғармаси фаолиятини ташкил қилиш чора-тадбирлари тўғрисида»ги ПҚ-350-сон қарори 6-бандининг иккинчи хатбошисидаги «Давлат статистика қўмитаси, Молия вазирлиги, Ташқи иқтисодий алоқалар, инвестициялар ва савдо вазирлиги, Давлат рақобат қўмитасининг» сўзлари «Миллий статистика қўмитаси, Иқтисодиёт ва молия вазирлиги, Инвестициялар, саноат ва савдо вазирлиги, Рақобатни ривожлантириш ва истеъмолчилар ҳуқуқларини ҳимоя қилиш қўмитасининг» сўзлари билан алмаштирилсин.

20. Ўзбекистон Республикаси Президентининг 2017 йил 16 мартдаги ПҚ-2838-сон қарори билан тасдиқланган Ўзбекистон Республикаси Соғлиқни сақлаш вазирлигининг Республика шошилинч тиббий ёрдам илмий марказининг низоми 16-бандидаги «Давлат статистика қўмитасига» сўзлари «Миллий статистика қўмитасига» сўзлари билан алмаштирилсин.

21. Ўзбекистон Республикаси Президентининг 2017 йил 18 апрелдаги «Ички ишлар органларининг ҳуқуқбузарликлар профилактикаси бўлинмалари фаолиятини тубдан такомиллаштириш чора-тадбирлари тўғрисида»ги ПҚ-2896-сон қарори 7-бандининг бешинчи хатбошисидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

22. Ўзбекистон Республикаси Президентининг 2017 йил 11 июлдаги ПҚ-3126-сон қарори билан тасдиқланган Ўзбекистон Республикаси Ички ишлар вазирлигининг Миграция ва фуқароликни расмийлаштириш бош бошқармаси тўғрисидаги низом 6-бандининг «г» кичик банди учинчи хатбошисидаги «Бандлик ва меҳнат муносабатлари вазирлиги, Мудофаа вазирлиги, Давлат хавфсизлик хизмати, Давлат божхона қўмитаси, Давлат статистика қўмитаси» сўзлари «Камбағалликни қисқартириш ва бандлик вазирлиги, Мудофаа вазирлиги, Давлат хавфсизлик хизмати, Божхона қўмитаси, Миллий статистика қўмитаси» сўзлари билан алмаштирилсин.

23. Ўзбекистон Республикаси Президентининг 2018 йил 8 январдаги «Ўзбекистон Республикасининг ривожланиш давлат дастурларини шакллантириш ва рўёбга чиқариш, давлат харидларини амалга ошириш доирасида ҳужжатларни комплекс экспертиза қилишнинг самарали тизимини яратиш тўғрисида»ги ПҚ-3464-сон қарорининг 12-бандидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

24. Ўзбекистон Республикаси Президентининг 2018 йил 21 июндаги «Жаҳон иқтисодиёти ва дипломатия университети фаолиятини тубдан такомиллаштириш чора-тадбирлари тўғрисида»ги ПҚ-3795-сон қарорида:

16-банднинг тўртинчи хатбошисидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин;

4-илованинг 18-позицияси «Буюртмачи-ташкилотлар рўйхати» устунидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

25. Ўзбекистон Республикаси Президентининг 2018 йил 26 июндаги «Ипак йўли» туризм халқаро университетини ташкил этиш тўғрисида»ги ПҚ-3815-сон қарори 25-бандининг тўртинчи хатбошисидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

26. Ўзбекистон Республикаси Президентининг 2018 йил 19 июлдаги «Ўзбекистон Республикаси Вазирлар Маҳкамаси ҳузуридаги Атом энергияси агентлиги фаолиятини ташкил этиш тўғрисида»ги ПҚ-3870-сон қарорининг 10-бандидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

27. Ўзбекистон Республикаси Президентининг 2018 йил 2 ноябрдаги «Ўзбекистон Республикаси божхона органлари кадрларини тайёрлаш тизимини тубдан такомиллаштириш чора-тадбирлари тўғрисида»ги ПҚ-3995-сон қарори 11-бандининг тўртинчи хатбошисидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

28. Ўзбекистон Республикаси Президентининг 2018 йил 6 ноябрдаги «Балиқчилик соҳасини янада ривожлантиришга доир қўшимча чора-тадбирлар тўғрисида»ги ПҚ-4005-сон қарорининг 21-бандидаги «Иқтисодий тараққиёт ва камбағалликни қисқартириш вазирлиги, Давлат статистика қўмитаси, Давлат солиқ қўмитаси, Давлат божхона қўмитаси, Экология ва табиатни муҳофаза қилиш давлат қўмитаси, «Ўзбекчорванасл» агентлиги» сўзлари «Иқтисодиёт ва молия вазирлиги, Миллий статистика қўмитаси, Солиқ қўмитаси, Божхона қўмитаси, Экология, атроф-муҳитни муҳофаза қилиш ва иқлим ўзгариши вазирлиги, Ветеринария ва чорвачиликни ривожлантириш қўмитаси» сўзлари билан алмаштирилсин.

29. Ўзбекистон Республикаси Президентининг 2018 йил 13 ноябрдаги «Паррандачиликни янада ривожлантириш бўйича қўшимча чора-тадбирлар тўғрисида»ги ПҚ-4015-сон қарорининг 23-бандидаги «Иқтисодий тараққиёт ва камбағалликни қисқартириш вазирлиги, Давлат статистика қўмитаси, Давлат божхона қўмитаси» сўзлари «Иқтисодиёт ва молия вазирлиги, Миллий статистика қўмитаси, Божхона қўмитаси» сўзлари билан алмаштирилсин.

30. Ўзбекистон Республикаси Президентининг 2018 йил 10 декабрдаги «Инсон ҳуқуқлари бўйича Ўзбекистон Республикаси Миллий маркази фаолиятини такомиллаштириш тўғрисида»ги ПҚ-4056-сон қарори 13-бандининг иккинчи хатбошисидаги «Ўзбекистон Республикаси Давлат статистика қўмитаси, Ўзбекистон Республикаси Бандлик ва меҳнат муносабатлари вазирлиги» сўзлари «Ўзбекистон Республикаси Миллий статистика қўмитаси, Камбағалликни қисқартириш ва бандлик вазирлиги» сўзлари билан алмаштирилсин.

31. Ўзбекистон Республикаси Президентининг 2018 йил 12 декабрдаги «Техник жиҳатдан тартибга солиш, стандартлаштириш, сертификатлаштириш ва метрология тизимларини янада ривожлантириш чора-тадбирлари тўғрисида»ги ПҚ-4059-сон қарорининг 17-бандидаги «Молия вазирлиги, Иқтисодиёт вазирлиги, Уй-жой коммунал хизмат кўрсатиш вазирлиги, Давлат солиқ қўмитаси, Давлат статистика қўмитаси» сўзлари «Иқтисодиёт ва молия вазирлиги, Қурилиш ва уй-жой коммунал хўжалиги вазирлиги, Солиқ қўмитаси, Миллий статистика қўмитаси» сўзлари билан алмаштирилсин.

32. Ўзбекистон Республикаси Президентининг 2019 йил 10 январдаги «Ўзбекистон Республикаси Иқтисодиёт ва саноат вазирлиги фаолиятини ташкил этиш тўғрисида»ги ПҚ-4105-сон қарори 13-бандининг учинчи хатбошисидаги «Молия вазирлиги, Инновацион ривожланиш вазирлиги, Инвестициялар ва ташқи савдо вазирлиги, Бандлик ва меҳнат муносабатлари вазирлиги, Давлат статистика қўмитаси, Давлат солиқ қўмитаси, Давлат божхона қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитаси» сўзлари «Иқтисодиёт ва молия вазирлиги, Олий таълим, фан ва инновациялар вазирлиги, Инвестициялар, саноат ва савдо вазирлиги, Камбағалликни қисқартириш ва бандлик вазирлиги, Миллий статистика қўмитаси, Солиқ қўмитаси, Божхона қўмитаси, Давлат активларини бошқариш агентилиги» сўзлари билан алмаштирилсин.

33. Ўзбекистон Республикаси Президентининг 2019 йил 5 мартдаги «2019 йилда аҳоли бандлигини таъминлаш ва янги иш ўринларини ташкил этиш бўйича давлат буюртмаси тўғрисида»ги ПҚ-4227-сон қарори 7-бандининг учинчи хатбошисидаги «Давлат статистика қўмитаси» ва «Бандлик ва меҳнат муносабатлари вазирлиги ҳамда Иқтисодиёт ва саноат вазирлигига» сўзлари тегишлича «Миллий статистика қўмитаси» ва «Камбағалликни қисқартириш ва бандлик вазирлиги ҳамда Иқтисодиёт ва молия вазирлигига» сўзлари билан алмаштирилсин.

34. Ўзбекистон Республикаси Президентининг 2019 йил 7 мартдаги ПҚ-4235-сон қарори билан тасдиқланган «Gender.stat.uz» веб-сайтига жойлаштирилиши лозим бўлган минимал гендер кўрсаткичлар ва бошқа маълумотлар рўйхатида:

1, 2, 6, 8, 11, 13, 16 — 34, 37, 38, 41, 42, 45, 51, 52-позициялари «Маълумотларни шакллантириш учун масъул орган» устунидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин;

изоҳ қисмидаги «Давлат статистика қўмитасига» сўзлари «Миллий статистика қўмитасига» сўзлари билан алмаштирилсин.

35. Ўзбекистон Республикаси Президентининг 2019 йил 22 апрелдаги «Бола ҳуқуқлари кафолатларини янада кучайтиришга оид қўшимча чора-тадбирлар тўғрисида»ги ПҚ-4296-сон қарорида:

а) 7-банддаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин;

б) иловада:

1, 2 ва 6-позицияларнинг «Маълумотларни шакллантириш учун масъул орган» устунидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин;

36. Ўзбекистон Республикаси 2019 йил 8 майдаги ПҚ-4312-сон қарори билан тасдиқланган Ўзбекистон Республикаси мактабгача таълим тизимини 2030 йилгача ривожлантириш концепциясининг 2-боби тўртинчи ва олтинчи хатбошиларидаги «Давлат статистика қўмитасининг» сўзлари «Миллий статистика қўмитасининг» сўзлари билан алмаштирилсин.

37. Ўзбекистон Республикаси Президентининг 2019 йил 3 октябрдаги «Ижтимоий-иқтисодий ривожланишда иқтисодий тадқиқотлар сифати ва ролини ошириш чора-тадбирлари тўғрисида»ги ПҚ-4471-сон қарори 16-бандининг учинчи ва тўртинчи хатбошиларидаги «статистика қўмитаси» сўзлари «Миллий статистика қўмитаси» сўзлари билан алмаштирилсин.

38. Ўзбекистон Республикаси Президентининг 2019 йил 31 октябрдаги «Ягона миллий меҳнат тизими» идоралараро дастурий-аппарат комплексини жорий қилиш чора-тадбирлари тўғрисида»ги ПҚ-4502-сон қарори 1-банднинг саккизинчи хатбошисидаги «Давлат статистика қўмитаси, Молия вазирлиги» сўзлари «Миллий статистика қўмитаси, Иқтисодиёт ва молия вазирлиги» сўзлари билан алмаштирилсин.

39. Ўзбекистон Республикаси Президентининг 2020 йил 28 январдаги ПҚ-4575-сон қарори билан тасдиқланган Ўзбекистон Республикаси қишлоқ хўжалигини ривожлантиришнинг 2020 — 2030 йилларга мўлжалланган стратегиясида белгиланган вазифаларни 2020 йилда амалга ошириш бўйича чора-тадбирлар дастурининг 41 ва 43-позициялари «Масъул ижрочилар» устунидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

40. Ўзбекистон Республикаси Президентининг 2020 йил 11 апрелдаги «Хоразм вилояти таркибида Тупроққалъа туманини ташкил этиш билан боғлиқ ташкилий масалаларни ҳал этиш чора-тадбирлари тўғрисида»ги ПҚ-4671-сон қарорининг 6-бандидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

41. Ўзбекистон Республикаси Президентининг 2020 йил 1 майдаги «Ҳудудларни ижтимоий-иқтисодий ривожлантиришни рейтинг баҳолаш тизимини жорий этиш тўғрисида»ги ПҚ-4702-сон қарорида:

а) 5-банднинг биринчи хатбошиси ва 11-банднинг «а» кичик банди тўртинчи хатбошисидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин;

б) 1-иловада:

1-илованинг I ва III босқичлари «Масъуллар» устунидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин;

2-илованинг 1 — 8, 10, 12, 14 — 23, 25, 26, 28 — 33, 36-позициялари «Масъул орган*» устунидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин;

2а-илованинг 1 — 6, 8 — 11, 13 — 15-позициялари «Масъул орган» устунидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин;

3-илованинг 1 — 10, 12, 14 — 16, 18 — 29, 31 — 35, 37 — 43, 46-позициялари «Масъул орган*» устунидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин;

3а-илованинг 1 — 7, 9 — 12, 14 — 15-позициялари «Масъул орган*» устунидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

42. Ўзбекистон Республикаси Президентининг 2020 йил 22 июндаги ПҚ-4756-сон қарори билан тасдиқланган Ўзбекистон Республикасининг халқаро шартномалар ва халқаро ташкилотларга аъзолик бўйича мажбуриятларни бажаришга масъул давлат органлари ва бошқа ташкилотлар рўйхатининг 24-позицияси «Тўловчилар номи» устунидаги «Статистика агентлиги» сўзлари «Миллий статистика қўмитаси» сўзлари билан алмаштирилсин.

43. Ўзбекистон Республикаси Президентининг 2021 йил 23 августдаги «Меҳнат ва ижтимоий муносабатлар академиясини ташкил этиш тўғрисида»ги ПҚ-5227-сон қарори 12-бандининг учинчи хатбошисидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

44. Ўзбекистон Республикаси Президентининг 2021 йил 23 ноябрдаги «Мева-сабзавотчилик ва узумчиликда оилавий тадбиркорликни ривожлантириш, қишлоқ хўжалиги ишлаб чиқаришида деҳқон хўжаликларининг улушини ошириш чора-тадбирлари тўғрисида»ги ПҚ-20-сон қарорининг 18-бандидаги «Давлат статистика қўмитаси (Б.А. Бегалов)» сўзлари «Миллий статистика қўмитаси» сўзлари билан алмаштирилсин.

45. Ўзбекистон Республикаси Президентининг 2022 йил 12 январдаги ПҚ-81-сон қарори билан тасдиқланган Коррупцияга қарши курашиш ишларининг самарадорлигини рейтинг баҳолаш эксперимент тариқасида ўтказиладиган давлат органлари ва ташкилотлари, шу жумладан маҳаллий давлат ҳокимияти органлари рўйхатининг 15-позициясидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

46. Ўзбекистон Республикаси Президентининг 2022 йил 13 январдаги «Самарқанд давлат университети фаолиятини янада такомиллаштиришга доир қўшимча чора-тадбирлар тўғрисида»ги ПҚ-82-сон қарорига 3-илованинг 6-позицияси «Тармоқ корхоналари, ташкилотлари ва муассасалари» устунидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

47. Ўзбекистон Республикаси Президентининг 2022 йил 28 январдаги «Ишни судга қадар юритишда ягона идоралараро электрон ҳамкорлик тизимини жорий этиш чора-тадбирлари тўғрисида»ги ПҚ-105-сон қарорига 1-илованинг 16-бандидаги «Ўзбекистон Республикаси Давлат статистика қўмитаси» «Ўзбекистон Республикаси Миллий статистика қўмитаси» сўзлари билан алмаштирилсин.

48. Ўзбекистон Республикаси Президентининг 2022 йил 1 мартдаги «Қишлоқ хўжалигида сувни тежайдиган технологияларни жорий этишни янада такомиллаштириш чора-тадбирлари тўғрисида»ги ПҚ-144-сон қарори 10-бандининг иккинчи хатбошисидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

49. Ўзбекистон Республикаси Президентининг 2022 йил 19 апрелдаги «Қашқадарё вилояти таркибида Кўкдала туманини ташкил этиш билан боғлиқ ташкилий масалаларни ҳал этиш чора-тадбирлари тўғрисида»ги ПҚ-211-сон қарорининг 7-бандидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

50. Ўзбекистон Республикаси Президентининг 2022 йил 22 сентябрдаги «Республикада капитал қурилиш соҳасида буюртмачи хизмати фаолиятини такомиллаштириш чора-тадбирлари тўғрисида»ги ПҚ-378-сон қарори 9-бандининг «в» кичик бандидаги «Давлат статистика қўмитаси, Давлат солиқ қўмитаси» сўзлари «Миллий статистика қўмитаси, Солиқ қўмитаси» сўзлари билан алмаштирилсин.

51. Ўзбекистон Республикаси Президентининг 2022 йил 28 декабрдаги «Ўзбекистон Республикасининг 2023 — 2025 йилларга мўлжалланган инвестиция дастурини амалга ошириш чора-тадбирлари тўғрисида»ги ПҚ-459-сон қарорига 8-илованинг «Лойиҳа ташаббускорлари ва лойиҳа номи» устунидаги «Давлат статистика қўмитаси» позицияси «Миллий статистика қўмитаси» позицияси билан алмаштирилсин.

52. Ўзбекистон Республикаси Президентининг 2022 йил 29 декабрдаги «Ўзбекистон Республикаси Президенти ҳузуридаги Қонунчилик ва ҳуқуқий сиёсат институтининг фаолиятини ташкил этиш тўғрисида»ги ПҚ-462-сон қарорининг 14-банди тўртинчи хатбошисидаги «Давлат статистика қўмитаси» сўзлари «Миллий статистика қўмитаси» сўзлари билан алмаштирилсин.

Ўзбекистон Республикаси Президентининг 2025 йил 24 февралдаги ПФ-27-сон Фармонига
7-ИЛОВА