« Бож тарифи», «Давлат божхона хизмати тўғрисида»ги Ўзбекистон Республикаси қонунлари ва Ўзбекистон Республикасининг Божхона кодекси қабул қилиниши муносабати билан Вазирлар Маҳкамаси қарор қилади:

1. Ўзбекистон Республикаси Ҳукуматининг 1-иловага мувофиқ айрим қарорлари тўлиқ ёки қисман ўз кучини йўқотган деб ҳисоблансин.

2. Ўзбекистон Республикаси Ҳукуматининг айрим қарорларига 2-иловага мувофиқ ўзгартиришлар киритилсин.

1. Ўзбекистон Республикаси Президенти ҳузуридаги Вазирлар Маҳкамасининг «Республикада божхона хизматини ташкил этиш ва унинг фаолияти масалалари ҳақида» 1991 йил 26 октябрдаги 272-сон қарори.

2. Ўзбекистон Республикаси Президенти ҳузуридаги Вазирлар Маҳкамасининг «Ўзбекистон Республикаси Давлат божхона қўмитаси фаолиятини ташкил этиш тўғрисида» 1992 йил 12 августдаги 375-сон қарори.

3. Ўзбекистон Республикаси Вазирлар Маҳкамасининг «Ўзбекистон Республикаси Давлат божхона қўмитаси фаолиятининг баъзи масалалари тўғрисида» 1993 йил 1 мартдаги 111-сон қарори.

4. Ўзбекистон Республикаси Вазирлар Маҳкамасининг «Республика истеъмол бозорини муҳофаза қилиш бўйича қўшимча чора-тадбирлар тўғрисида» 1993 йил 19 майдаги 236-сон қарори.

5. Ўзбекистон Республикаси Вазирлар Маҳкамасининг «Ўзбекистон Республикасида қизилмия етиштиришни кўпайтириш чора-тадбирлари тўғрисида» 1995 йил 7 декабрдаги 453-сон қарорининг 6-банди.

6. Ўзбекистон Республикаси Вазирлар Маҳкамасининг «ЎзДЭУ-авто» қўшма корхонасида автомобиллар ишлаб чиқариш, сотиш ва уларга техник хизмат кўрсатиш масалалари тўғрисида» 1996 йил 3 сентябрдаги 304-сон қарорининг 12-банди.

7. Ўзбекистон Республикаси Вазирлар Маҳкамасининг «Давлат солиқ қўмитасининг Бош божхона бошқармаси тўғрисидаги низомга қўшимчалар киритиш тўғрисида» 1996 йил 16 сентябрдаги 319-сон қарори.

8. Ўзбекистон Республикаси Вазирлар Маҳкамасининг «Четдан келтирилаётган товарларнинг айрим турларига акциз солиғи жорий этиш тўғрисида» 1996 йил 23 сентябрдаги 333-сон қарори.

1. Ўзбекистон Республикаси Вазирлар Маҳкамасининг «Экспорт-импорт операцияларини бартер асосида амалга оширишни тартибга солиш тўғрисида» 1993 йил 25 октябрдаги 520-сон қарорига илованинг 12-бандидан «Бунда 2-рўйхатда келтирилган товарларга кўпроқ устунлик берилиши керак» сўзлари чиқариб ташлансин.

2. Ўзбекистон Республикаси Вазирлар Маҳкамасининг «Ҳарбий хизматчилар ва ҳарбий мажбуриятли шахсларнинг оддий аскарлар ҳамда бошлиқлар таркибига кирувчи шахсларнинг давлат мажбурий шахсий суғуртаси тўғрисида» 1994 йил 26 январдаги 38-сон қарорида:

1-банднинг иккинчи хатбошидаги «Миллий хавфсизлик хизмати»га сўзлари «Миллий хавфсизлик хизматига ва Давлат божхона қўмитасига» сўзлари билан алмаштирилсин;

3-банддаги «Ўзбекистон Республикаси Давлат суғурта бош бошқармасининг» сўзлари «Кафолат» давлат-акциядорлик суғурта компаниясининг» сўзлари билан алмаштирилсин;

4-банддаги «Миллий хавфсизлик хизмати» сўзлари «Миллий хавфсизлик хизмати ва Давлат божхона қўмитаси» сўзлари билан алмаштирилсин.

3. Ўзбекистон Республикаси Вазирлар Маҳкамасининг 1994 йил 12 августдаги 409-сон қарори билан тасдиқланган Сертификатлаштиришни ўтказиш хавфсизлигини тасдиқлаш талаб этиладиган товарларни Ўзбекистон Республикаси ҳудудига келтириш ва уларни унинг ташқарисига чиқариш тартибининг 5-бандидаги «Давлат солиқ қўмитасига» сўзлари «Давлат божхона қўмитасига» сўзлари билан алмаштирилсин.

4. Ўзбекистон Республикаси Вазирлар Маҳкамасининг «Автомобилда хорижий юк ташувчиларнинг Ўзбекистон Республикаси ҳудудига киришлари бўлишлари юк олиб ўтишлари ва ундан чиқиб кетишлари тартиби тўғрисида» 1995 йил 11 январдаги 11-сон қароридаги (Вазирлар Маҳкамасининг 1995 йил 5 апрелдаги 121-сон қарори таҳририда):

5-банднинг учинчи хат бошидаги «Ўзбекистон Республикаси Давлат солиқ қўмитасининг божхона хизмати органлари» сўзлари «божхона органлари» сўзлари билан алмаштирилсин;

7-банддаги «Давлат солиқ қўмитасининг Бош божхона бошқармаси» сўзлари «Ўзбекистон Республикаси Давлат божхона қўмитаси» сўзлари билан алмаштирилсин.

5. Вазирлар Маҳкамасининг 1996 йил 11 мартдаги 88-сон қарори билан тасдиқланган «Ўзбекистон Республикаси Давлат солиқ қўмитаси Валюта ва экспорт-импорт операцияларини назорат қилиш Бош бошқармаси тўғрисида низом»нинг 9-бандида:

иккинчи хат бошидаги «Божхона бош бошқармасининг экспорт-импорт контрактларини ҳисобга олиш бошқармасидан» сўзлари «Давлат божхона бошқармасининг Валюта назорати бошқармасидан» сўзлари билан алмаштирилсин;

ўн тўртинчи хатбошидаги «Давлат солиқ қўмитасининг Божхона бош бошқармаси» ва «Божхона бош бошқармасида» сўзлари тегишли равишда «Давлат божхона қўмитаси» ва «Давлат божхона қўмитасида» сўзлари билан алмаштирилсин.

6. Вазирлар Маҳкамасининг «Бартер асосидаги экспорт-импорт оперецияларини қисқартириш чора-тадбирлари тўғрисида» 1996 йил 13 августдаги 280-сон қарорида:

3-банддаги «Давлат солиқ қўмитаси Бош божхона бошқармаси» сўзлари «Давлат божхона қўмитаси» сўзлари билан алмаштирилсин;

4-банддаги «Давлат солиқ қўмитасининг Бош божхона бошқармасида» сўзлари «Давлат божхона қўмитасида» сўзлари билан алмаштирилсин.

7. Ўзбекистон Республикаси Вазирлар Маҳкамасининг «Ўзбекистон Республикаси ҳудудида тамаки маҳсулотларига ва спиртли ичимликларга акциз маркаларини жорий этиш тартиби тўғрисида» 1996 йил 14 августдаги 285-сон қароридаги:

4-банд чиқариб ташлансин;

1-илованинг 8-бандидаги «Қорақалпоғистон Республикаси вилоятлар ва Тошкент шаҳар давлат солиқ бошқармалари ва божхона хизматларида» сўзлари «Қорақалпоғистон Республикаси ва Тошкент шаҳар солиқ бошқармаларида вилоятлар солиқ бошқармаларида ҳамда Ўзбекистон Республикаси Давлат божхона қўмитасининг Қорақалпоғистон Республикаси вилоятлар Тошкент шаҳар бошқармаларида» сўзлари билан алмаштирилсин;

2-илова чиқариб ташлансин:

8. Ўзбекистон Республикаси Вазирлар Маҳкамасининг «Четга олиб чиқиб кетилаётган товарларнинг айрим турларига акциз солиғи жорий этиш тўғрисида» 1996 йил 1 октябрдаги 343-сон қарорига иловадан «Қайта экспорт сифатида четга олиб чиқиб кетилаётган бошқа маҳсулотлар — 25%» сўзлари чиқариб ташлансин.

9. Ўзбекистон Республикаси Вазирлар Маҳкамасининг 1996 йил 31 октябрдаги 376-сон қарорига 1-илова — «Ўзбекистон Республикаси божхона чегаралари орқали жисмоний шахслар томонидан нақд хорижий валютани олиб кириш ва олиб чиқиб кетиш тартиби»да:

1.3-банднинг биринчи ва иккинчи хатбошиларидаги «1000» рақами «5000» рақами билан алмаштирилсин;

1.4-бандда:

биринчи хатбоши қуйидаги тахрирда баён қилинсин:

«Жисмоний шахслар — Ўзбекистон Республикаси резидентлари ва норезидентлари томонидан белгиланган миқдордан ортиқча хорижий валютани олиб кирилишида 10000 АҚШ долларидан ортиқ суммадан 1 фоиз миқдорида бож йиғими ундирилади».

иккинчи хатбоши чиқариб ташлансин;

2.2-бандда:

«500» рақами «1500» рақами билан алмаштирилсин;

«Кўрсатилган суммадан ортиқ нақд валютани олиб чиқиб кетишга Ўзбекистон Республикаси Марказий банки ёки ташқи иқтисодий фаолият миллий банкининг рухсатномаси мавжуд бўлганда йўл қўйилади» сўзлари «Кўрсатилган суммадан ортиқ нақд валютани олиб чиқиб кетишга Ўзбекистон Республикаси Марказий банки ёки хорижий валютада операцияларни амалга ошириш учун бош лицензияга эга бўлган ваколатли банкларнинг рухсати билан йўл қўйилади» сўзлари билан алмаштирилсин.

2.3 — 2.5-бандлар чиқариб ташлансин;

3.1-банддан иккинчи хатбоши чиқариб ташлансин;

3.2-банддан «шу жумладан жарима солиш» сўзлари чиқариб ташлансин.

10. Ўзбекистон Республикаси Вазирлар Маҳкамасининг 1997 йил 29 майдаги 274-сон қарори билан тасдиқланган «Ўзбекистон Республикасида Европа Иттифоқи Комиссиясининг ТАСИС дастури доирасидаги лойиҳалар бўйича вазирликлар ва идораларнинг фаолиятини ташкил этиш тўғрисидаги низом»нинг 30-бандидаги «Давлат солиқ қўмитаси Бош божхона бошқармаси» сўзлари «Давлат божхона қўмитаси» сўзлари билан алмаштирилсин.

11. Вазирлар Маҳкамасининг «Ўзбекистон Республикаси Давлат божхона қўмитаси фаолиятини ташкил этиш масалалари тўғрисида» 1997 йил 30 июлдаги 374-сон қароридаги:

3-банд (Ўзбекистон Республикаси Президентининг Фармони билан» сўзларидан кейин «кейинчалик Ўзбекистон Республикаси Олий Мажлиси томонидан тасдиқланган ҳолда» сўзлари билан тўлдирилсин;

6-банднинг иккинчи хатбошидаги «ички ишлар органларида хизматни ўтаган» сўзлари «ҳарбий хизматни ўтаган ёки ички ишлар органларида хизматни ўтаган» сўзлари билан алмаштирилсин.

12. Ўзбекистон Республикаси Вазирлар Маҳкамасининг «1998 йилги асосий макроиқтисодий кўрсаткичлар ва Ўзбекистон Республикаси бюджетининг прогнози тўғрисида» 1997 йил 5 декабрдаги 540-сон қарорига 14-3-иловадаги «қайта экспорт сифатида четга олиб чиқиб кетилаётган бошқа маҳсулотлар 25%» сўзлари чиқариб ташлансин.

13. Ўзбекистон Республикаси Вазирлар Маҳкамасининг 1994 йил 11 февралдаги 61-ф-сон фармойишидаги:

1-банднинг иккинчи хатбошидаги «14 ва 15-бандлар билан» сўзлари «14-банд билан» сўзлари билан алмаштирилсин;

2-банддаги «Давлат солиқ қўмитаси» сўзлари «Давлат божхона қўмитаси» сўзлари билан алмаштирилсин;

3-банд чиқариб ташлансин.

14. «Ўзбекистон Республикаси Вазирлар Маҳкамасининг 1996 йил 3 апрелдаги 131-ф-сон фармойишининг 3-бандидаги «Давлат солиқ қўмитасининг Божхона бош бошқармаси» сўзлари «Давлат божхона қўмитаси» сўзлари билан алмаштирилсин.