|
Ҳужжат 02.11.2011 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
Ўзбекистон Республикасида ташқи савдо фаолиятини эркинлаштириш бўйича қўшимча чора-тадбирлар тўғрисида
LexUZ шарҳиМазкур ҳужжатда кўрсатилган илмий-тадқиқот ишлари, ноу-хау, ихтиролар натижаларини экспорт қилишга рухсатнома Ўзбекистон Республикаси Президентининг 2011 йил 25 августдаги ПҚ-1604-сон қарорига асосан 2011 йилнинг 1 сентябридан бекор қилинган.
Ўзбекистон Республикаси Президентининг товарлар экспортини рағбатлантириш ва импорт операцияларини тартибга солиш бўйича қўшимча чора-тадбирлар тўғрисидаги фармонларини бажариш юзасидан, шунингдек экспортга маҳсулот ишлаб чиқаришни кенгайтириш ва сотишни рағбатлантириш, ташқи савдо ҳисобот тизимини такомиллаштириш мақсадида Вазирлар Маҳкамаси қарор қилади:
1. 1998 йил 1 апрелдан бошлаб Ўзбекистон Республикаси Президентининг 1997 йил 10 октябрдаги ПФ-1871-сон Фармонида назарда тутилган имтиёзлар ва преференциялар:
вазирликлар, идоралар, корпорациялар, концернлар, уюшмалар ва компанияларнинг таркибий бўлинмалари ҳисобланган, товарлар (ишлар, хизматлар)ни экспорт қилувчи ихтисослаштирилган ташқи савдо бирлашмалари ва фирмаларига жорий этилсин, фойдадан олинадиган солиқ бундан мустаснодир, шунингдек уларга хорижда савдо уйлари ва ваколатхоналар очишга рухсат этилсин;
мис ва рухдан тайёрланган маҳсулотларни экспорт қилувчи ишлаб чиқариш корхоналарига жорий этилсин (ТИФ ТН коди — 7403, 7408, 7901).
Олдинги таҳрирга қаранг.
товар-хом ашё биржаларида ва «Ўзкўргазмасавдо» очиқ акциядорлик жамиятининг ярмарка савдоларида, шунингдек давлатлараро битимлар ва ҳукуматнинг буюртмалари бўйича экспорт операцияларини амалга оширувчи савдо-воситачилик ташкилотлари.
(1-банд Ўзбекистон Республикаси Вазирлар Маҳкамасининг 2001 йил 1 майдаги 198-сонли қарорига мувофиқ тўртинчи хатбоши билан тўлдирилган — ЎР ҚҲТ, 2001 й., 9-сон, 45-модда)
Кейинги таҳрирга қаранг.
2. Хўжалик юритувчи субъектларга «Ўздавстандарт» маркази ва ваколатли органлар томонидан сертификация қилинган маҳсулотларни Ўзбекистон Республикаси Давлат божхона қўмитаси лабораторияларида қўшимча равишда экспертизадан ўтказмасдан экспортга юклаб жўнатиш ҳуқуқи берилсин.
3. Ўзбекистон Республикаси Ташқи иқтисодий алоқалар вазирлиги Давлат солиқ қўмитаси, Давлат божхона қўмитаси, Адлия вазирлиги ва Молия вазирлиги билан биргаликда республика хўжалик юритувчи субъектлари томонидан Ўзбекистон Республикаси божхона ҳудудидан ташқарида савдо уйлари, савдо ваколатхоналари, шуъба корхоналар, фирма дўконлари, дилерлик тармоқлари ва консигнация омборларини очиш тартиби тўғрисидаги низомни бир ой муддатда ишлаб чиқсин ва тасдиқласин.
4. Ўзбекистон Республикаси Макроиқтисодиёт ва статистика вазирлиги, Давлат божхона қўмитаси, Ташқи иқтисодий алоқалар вазирлиги ва «Ўздавстандарт» маркази билан биргаликда идоралараро ишчи гуруҳ тузсинлар ва ташқи савдога оид давлат ва божхона статистикаси маълумотларини тўплаш ва қайта ишлашнинг ягона услубияти тўғрисидаги низомни бир ой муддатда ишлаб чиқсинлар ва тасдиқласинлар.
5. Импорт қилувчиларга тариф имтиёзлари ва преференциялар бериш амалдаги қонун ҳужжатлари билан тартибга солиниши маълумот учун қабул қилинсин.
Белгилаб қўйилсинки, амалдаги қонун ҳужжатларида белгиланган товарлар билан бир қаторда қуйидаги товарлардан ҳам импорт божи олинмайди:
эркин савдо режими ўрнатилган давлатларда ишлаб чиқарилган ва улардан келтирилаётган товарлардан;
Ўзбекистон Республикаси ҳукумати номидан ёки унинг кафолати билан тузилган ҳукуматлараро ва кредит битимлари бўйича етказиб берилаётган товарлардан;
Олдинги таҳрирга қаранг.
(5-банднинг бешинчи хатбошиси Ўзбекистон Республикаси Вазирлар Маҳкамасининг 2002 йил 31 майдаги 189-сонли қарорига мувофиқ 2002 йил 1 июлдан ўз кучини йўқотган—ЎР ҚҲТ, 2002 й., 10-сон, 84-модда)
Ўзбекистон Республикаси иқтисодиётига умумий суммаси 50 млн АҚШ долларидан ортиқ миқдорда бевосита инвестициялар қўйган хорижий юридик шахслар томонидан олиб келинаётган товарлардан, башарти келтирилаётган товарлар уларнинг ўзи ишлаб чиқарган маҳсулот ҳисобланса;
кўргазмалар, реклама ва тақдимотлар экспонатлари сифатида келтираётган товарлардан;
олиб кетиладиган маҳсулот олиш учун келтириладиган хом ашё, материаллар ва бутловчи буюмлардан.
Олдинги таҳрирга қаранг.
Белгиланган тартибда тасдиқланадиган рўйхат бўйича янги ишлаб чиқаришларни ташкил этиш, ишлаб турган ишлаб чиқаришларни модернизация қилиш ва техника билан қайта жиҳозлаш учун Ўзбекистон Республикаси ҳудудига олиб келинадиган технология жиҳозлари ҳамда бутловчи буюмлар ва эҳтиёт қисмлар, агар уларни етказиб бериш технология жиҳозлари етказиб бериш учун тузилган контракт шартларида назарда тутилган бўлса, божхона божи тўлашдан озод қилинсин.
(5-банднинг тўққизинчи хатбоши Ўзбекистон Республикаси Вазирлар Маҳкамасининг 2007 йил 17майдаги 102-сонли қарори таҳририда — ЎР ҚҲТ, 2007 й., 19-20-сон, 202-модда)
Кейинги таҳрирга қаранг.
Олдинги таҳрирга қаранг.
6. Амалдаги қонун ҳужжатларида белгиланган импорт бож ставкалари Ўзбекистон Республикаси савдо-иқтисодий муносабатларда энг қулай режим яратадиган мамлакатларда ишлаб чиқарилган товарларга нисбатан қўлланилади.
Кейинги таҳрирга қаранг.
Ўзбекистон Республикаси савдо-иқтисодий муносабатларда энг қулай режим яратиш тўғрисида битимларга эга бўлмаган мамлакатларда ишлаб чиқарилган товарларга нисбатан импорт божининг икки баравар оширилган ставкалари қўлланилади.
(6-банд Ўзбекистон Республикаси Вазирлар Маҳкамасининг 2001 йил 2 февралдаги 66-сонли қарори таҳририда — ЎР ҚҲТ, 2001 й., 3-4-сон, 12-модда)
Олдинги таҳрирга қаранг.
7. Белгилансинки, Ўзбекистон Республикаси Ташқи иқтисодий алоқалар, инвестициялар ва савдо вазирлиги:
Олдинги таҳрирга қаранг.
Ҳукумат қарорлари, Ҳукуматлараро битимлар асосида, шунингдек, ҳам халқаро бозорлар конъюнктурасига, ҳам минтақавий бозорлардаги талаб ва таклифларнинг амалдаги ҳолатига асосланган нархлар бўйича 1-иловага мувофиқ рўйхатга биноан товарлар (хизматлар) экспорти юзасидан тузилган контрактлар (шартномалар)ни рўйхатдан ўтказади, биржа савдоларида тузиладиган контрактлар (шартномалар) бундан мустасно;
(7-банднинг иккинчи хатбоши Ўзбекистон Республикаси Вазирлар Маҳкамасининг 2006 йил 29 майдаги 96-сонли қарори таҳририда— ЎР ҚҲТ, 2006 й., 22-сон, 192-модда)
Кейинги таҳрирга қаранг.
товарларнинг келиб чиқишини, шунингдек, корхоналарнинг ўзи ишлаб чиқарган экспортга етказиб бериладиган маҳсулотларни сертификатлайди;
Кейинги таҳрирга қаранг.
амалдаги қонун ҳужжатларида белгиланган тариф имтиёзларини қўллаш мақсадида хорижий инвестициялар иштирокидаги корхоналар томонидан ўз эҳтиёжлари учун импорт қилинадиган маҳсулотларни сертификатлайди.
(7-банднинг биринчи хатбошиси Ўзбекистон Республикаси Вазирлар Маҳкамасининг 2005 йил 8 сентябрдаги 206-сонли қарори таҳририда — ЎР ҚҲТ, 2005 й., 34-36-сон, 264-модда)
Кейинги таҳрирга қаранг.
8. Ўзбекистон Республикасининг ваколатли органлари томонидан бериладиган рухсатномалар бўйича экспорт ва импорт қилинадиган махсус товарлар (ишлар, хизматлар) рўйхати 2-иловага мувофиқ тасдиқлансин.
9. Ўзбекистон Республикаси Ташқи иқтисодий алоқалар вазирлиги, Молия вазирлиги, Давлат божхона қўмитаси, Марказий банк, Адлия вазирлиги ва бошқа манфаатдор вазирликлар ва идоралар билан биргаликда бир ҳафта муддатда:
импорт қилинадиган товарлар ва ишлаб чиқариш-техника мақсадларидаги маҳсулотларни Ўзбекистон Республикаси ҳудудида божхона расмийлаштируви тартибини;
экспорт ва импорт контрактларини Ўзбекистон Республикаси Ташқи иқтисодий алоқалар вазирлигида рўйхатдан ўтказиш тартибини, шунингдек экспорт-импорт юкларини расмийлаштиришда божхона органларига тақдим этиладиган ҳужжатлар рўйхатини;
Ўзбекистон Республикасида махсус товарлар экспорти ва импортини лицензиялаш тартиби тўғрисидаги низомни;
корхоналарнинг ўзи ишлаб чиқарган экспортга етказиб бериладиган маҳсулотларни, хорижий инвестициялар иштирокидаги корхоналар ўз эҳтиёжлари учун импорт қиладиган маҳсулотларни аниқлаш қоидаларини, шунингдек, товарлар ишлаб чиқарилган мамлакатни аниқлаш қоидаларини;
Кейинги таҳрирга қаранг.
эркин савдо режими белгиланган ёки савдо-иқтисодий муносабатларда энг қулай режим белгиланадиган давлатлар рўйхатини тасдиқласинлар.
10. Вазирлар Маҳкамасининг 1996 йил 20 сентябрдаги 329-сон қарорига 1-илова — «Ўзбекистон товар-хом ашё биржаси орқали фақат эркин алмаштириладиган валютага сотиладиган товарлар рўйхати»нинг 6-банди «Ипак чиқиндилари ТИФ ТН коди 5003» товар номи билан тўлдирилсин.
11. Вазирлар Маҳкамасининг 3-иловага мувофиқ қарорлари ўз кучини йўқотган деб ҳисоблансин.
12. Ўзбекистон Республикаси вазирликлари ва идоралари ўз норматив ҳужжатларини мазкур қарорга мувофиқлаштирсинлар.
13. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т.Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1998 йил 31 март,
137-сон
Олдинги таҳрирга қаранг.
Контрактлар Ўзбекистон Республикаси Ташқи иқтисодий алоқалар, инвестициялар ва савдо вазирлигида рўйхатдан ўтказилгандан кейин экспорт қилинадиган товарлар
(1-илованинг номидаги Ўзбекистон Республикаси Вазирлар Маҳкамасининг 2005 йил 8 сентябрдаги 206-сонли қарори таҳририда — ЎР ҚҲТ, 2005 й., 34-36-сон, 264-модда)
РЎЙХАТИ
LexUZ шарҳиИловага Ўзбекистон Республикаси Вазирлар Маҳкамасининг 2012 йил 14 сентябрдаги 271-сонли қарори билан ўзгартириш киритилган. Мазкур илованинг рус тилидаги матнига қаранг.
LexUZ шарҳи1-иловага Ўзбекистон Республикаси Вазирлар Маҳкамасининг 2008 йил 7 майдаги 90-сонли қарорига мувофиқ ўзгартиришлар киритилган. Мазкур илованинг рус тилидаги матнига қаранг.
|
Т/р |
Товарнинг номи |
ТИФ ТН коди |
|
1. |
Қурол-яроғлар ва ҳарбий техника, уларни ишлаб чиқариш учун махсус бутловчи қисмлар | 8526 (фақат ҳарбий мақсадда), 8710, 8802 (8802 11 100, 8802 12 100, 8802 20 100, 8802 30 10 8802 40 100 дан бошқа), 8803 100 (8803 10 100, 8803 20 100, 8803 30 100, 8803 90 910 дан бошқа), 8805 |
|
2. |
Қимматбаҳо металлар, қотишмалар, улардан тайёрланган буюмлар, рудалар, концентратлар, синиқ парчалар ва чиқиндилар, қимматбаҳо табиий тошлар ва улардан тайёрланган буюмлар, чиқиндилар, қимматбаҳо табиий тошлар кукунлари ва рекуператорлари, марварид ва ундан тайёрланган буюмлар, қаҳрабо ва ундан тайёрланган буюмлар | 2843, 3006 40 (фақат қимматбаҳо металлардан), 7106 — 7115, 7118 (фақат қимматбаҳо металлардан), 9003 19 100, 9021 29 100, 9101, 9111 10 000, 9113 10 000, 9608 10 30, 9608 39 100, 9705 (фақат қимматбаҳо тошлардан тайёрланган тангалар), 7116 (фақат марварид ва табиий қимматбаҳо тошлардан), 9602 (фақат ишлов берилган қаҳрабо ва ундан тайёрланган буюмлар) |
|
3. |
Уран ва бошқа радиоактив моддалар, улардан тайёрланган буюмлар, радиоактив моддалар чиқиндилари | 2612 (фақат уран концентратлари), 2844, 2845 |
|
4. |
Радиоактив моддалардан фойдаланган ҳолда тайёрланган приборлар ва асбоб-ускуналар | 8401 |
|
5. |
Рангли металлар, рангли металлар прокати, рангли металлар парчалари ва чиқиндилари | 2805, 7401 — 7411, 7413, 7501— 7506, 7601 — 7615, 7801— 7804, 7901 — 7905, 8001 — 8005, 8103 — 8112 |
|
6. |
Қора металлар прокати, қора металлар парчалари ва чиқиндилари | 7201 — 7229, 7301 — 7306 |
|
7. |
Нефть хом ашёси, табиий газ | 2709, 2711 |
|
8. |
Пахта толаси, пахта линти | 5201, 5203, 140420000 |
Кейинги таҳрирга қаранг.
Ўзбекистон Республикасининг ваколатли органлари томонидан бериладиган рухсатномалар бўйича экспорт ва импорт қилинадиган махсус товарлар (ишлар ва хизматлар)
РЎЙХАТИ
Олдинги таҳрирга қаранг.
|
Т/р |
Қисқача номи |
Рухсатнома бериш ваколати бўлган органлар |
|
1. |
Ўзбекистон Республикаси фуқароларининг чет мамлакатлардаги ва хорижий фуқароларнинг Ўзбекистон Республикасидаги ўз касби бўйича фаолияти | Меҳнат ва аҳолини ижтимоий муҳофаза қилиш вазирлиги |
|
2. |
Аудио маҳсулотларини импорт қилиш | Маданият ва спорт ишлари вазирлиги |
|
4. |
Чет мамлакатларга инвестициялар | Марказий банк |
|
5. |
Санъат асарларини экспорт қилиш | Маданият ва спорт ишлари вазирлиги |
|
6. |
Қизил китобга киритилган ёввойи ўсимликларни, уларнинг қисмлари ва маҳсулларини экспорт қилиш | Ўзбекистон Республикаси Вазирлар Маҳкамаси |
| | Ёввойи ўсимликлар, уларнинг қисмлари ва маҳсуллари, ботаника коллекциялари импорти, шунингдек ёввойи ҳайвонлар, уларнинг қисмлари, улар ҳаётий фаолиятининг маҳсуллари, коллекциялар ва ўлжалар экспорти ва импорти | Ўзбекистон Республикаси Давлат табиатни муҳофаза қилиш қўмитаси |
|
8. |
Кино, видео маҳсулотларини импорти ва экспорти | «Ўзбеккино» Миллий агентлиги |
(2-илова Ўзбекистон Республикаси Вазирлар Маҳкамасининг 2011 йил 2 ноябрдаги 294-сонли қарори таҳририда — ЎР ҚҲТ, 2011 й., 45-46-сон, 470-модда)
Кейинги таҳрирга қаранг.
LexUZ шарҳи2-илова Ўзбекистон Республикаси Вазирлар Маҳкамасининг 2000 йил 24 январдаги 20-сонли қарорига мувофиқ 7-банд билан тўлдирилган. 2-илованинг рус тилидаги матнига қаранг.
Ҳукуматнинг ўз кучини йўқотган қарорлари
РЎЙХАТИ
Ўзбекистон Республикаси Вазирлар Маҳкамасининг 1992 йил 21 октябрдаги 485-сон қарори;
Ўзбекистон Республикаси Вазирлар Маҳкамасининг 1994 йил 25 мартдаги 163-сон қарори;
Ўзбекистон Республикаси Вазирлар Маҳкамасининг 1994 йил 23 июндаги 315-сон қарори;
Ўзбекистон Республикаси Вазирлар Маҳкамасининг 1994 йил 28 декабрдаги 625-сон қарори;
Ўзбекистон Республикаси Вазирлар Маҳкамасининг 1995 йил 25 июлдаги 287-сон қарори;
Ўзбекистон Республикаси Вазирлар Маҳкамасининг 1995 йил 7 октябрдаги 389-сон қарори;
Ўзбекистон Республикаси Вазирлар Маҳкамасининг 1996 йил 20 мартдаги 110-сон қарори;
Ўзбекистон Республикаси Вазирлар Маҳкамасининг 1996 йил 20 мартдаги 114-сон қарори;
Ўзбекистон Республикаси Вазирлар Маҳкамасининг 1996 йил 18 июндаги 219-сон қарори;
Ўзбекистон Республикаси Вазирлар Маҳкамасининг 1996 йил 1 октябрдаги 342-сон қарори;
Ўзбекистон Республикаси Вазирлар Маҳкамасининг 1996 йил 19 ноябрдаги 405-сон қарорига 2-илова 9-бандининг 9-хатбоши;
Ўзбекистон Республикаси Вазирлар Маҳкамасининг 1996 йил 10 декабрдаги 438-сон қарори;
Ўзбекистон Республикаси Вазирлар Маҳкамасининг 1997 йил 15 январдаги 28-сон қарори.
