Ўзбекистон Республикаси Президентининг 2019 йил 1 февралдаги ПФ-5647-сон «Транспорт соҳасида давлат бошқаруви тизимини тубдан такомиллаштириш чора-тадбирлари тўғрисида»ги ва 2023 йил 25 январдаги ПФ-14-сон «Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида»ги фармонларига мувофиқ буюраман:

1. Ўзбекистон Республикаси Парвозлар хавфсизлигини назорат қилиш давлат инспекцияси бошлиғининг 2008 йил 10 ноябрдаги 228-сон буйруғи (рўйхат рақами 1881, 2008 йил 13 декабрь) (Ўзбекистон Республикаси қонун ҳужжатлари тўплами, 2008 й., 51-сон, 507-модда) билан тасдиқланган Ўзбекистон Республикаси фуқаро авиациясининг авиакорхоналаридаги ўқув юртларини сертификатлаш қоидаларига иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

1. 1-бандда:

еттинчи ва тўққизинчи хатбошилардаги «Дававианазорат» инспекцияси» деган сўзлар «Ўзавиация» агентлиги» деган сўзлар билан алмаштирилсин;

ўн тўртинчи хатбоши қуйидаги таҳрирда баён этилсин:

«Ўзавиация» агентлиги — Ўзбекистон Республикаси Транспорт вазирлиги ҳузуридаги Фуқаро авиацияси агентлиги;».

2. 3, 11, 16, 18, 23, 24, 26, 31, 33, 34, 38 ва 42-бандлардаги, 43-банднинг «а» кичик бандидаги, 49, 52, 54-бандлардаги ва 56-банднинг биринчи хатбошисидаги «Дававианазорат» инспекцияси» деган сўзлар «Ўзавиация» агентлиги» деган сўзлар билан алмаштирилсин.

3. 7-банд қуйидаги таҳрирда баён этилсин:

«7. Биринчи марта сертификатни олиш учун ариза «Ўзавиация» агентлигига топширилади. Мазкур ариза «Ўзавиация» агентлиги томонидан ўттиз иш кунидан ошмайдиган муддатда кўриб чиқилади.

«Ўзавиация» агентлигига келиб тушган ариза ўша куннинг ўзида рўйхатдан ўтказилиши лозим. «Ўзавиация» агентлиги аризачига ариза рўйхатдан ўтказилганлигини тасдиқловчи тегишли ҳужжат (белги) бериши, ариза электрон шаклда берилган тақдирда эса, ариза рўйхатдан ўтказилганлигини «Ўзавиация» агентлигининг расмий веб-сайтидаги электрон хабарларга таяниб ёки қонунчилик ҳужжатларида назарда тутилган бошқа усул билан тасдиқлаши шарт.

«Ўзавиация» агентлигида аризани рўйхатдан ўтказишни рад этишга йўл қўйилмайди.».

4. 8, 12, 14, 22, 29 ва 32-бандлардаги, 35-банднинг «в» кичик бандидаги ва 39-банднинг «в» кичик бандидаги «Дававианазорат» инспекциясига» деган сўзлар «Ўзавиация» агентлигига» деган сўзлар билан алмаштирилсин.

5. 19-банддаги ва 28-банднинг биринчи хатбошисидаги «Дававианазорат» инспекциясида» деган сўзлар «Ўзавиация» агентлигида» деган сўзлар билан алмаштирилсин.

6. 36-банднинг «б» кичик бандидаги, 45 ва 51-бандлардаги «Дававианазорат» инспекциясининг» деган сўзлар «Ўзавиация» агентлигининг» деган сўзлар билан алмаштирилсин.

7. 40-банд қуйидаги таҳрирда баён этилсин:

«40. Сертификат ҳаракати тугатилишига асос бўлган сабаблар бартараф этилгандан кейин ва камчиликларни бартараф этиш тўғрисида ҳисобот тақдим этилгандан сўнг Сертификат ҳаракатини янгилаш тўғрисида «Ўзавиация» агентлигининг қарори қабул қилинади. «Ўзавиация» агентлиги тегишли қарор қабул қилинган кунидан бошлаб бир иш кунидан кечиктирмай ёзма равишда буюртмачига бу ҳақда хабар беради.».

8. 46-банд қуйидаги таҳрирда баён этилсин:

«46. «Ўзавиация» агентлиги инспекторлик текширувларини ўтказиш комиссиясининг иш тартиби «Ўзавиация» агентлигининг ҳужжатлари билан белгиланади.».

9. 1-илова матнидаги «Дававианазорат» инспекцияси» деган сўзлар «Ўзавиация» агентлиги» деган сўзлар билан алмаштирилсин.

10. 2-илованинг I бўлими 9-шаклидаги ва II бўлими 2-параграфи изоҳидаги «Дававианазорат» инспекцияси» деган сўзлар «Ўзавиация» агентлиги» деган сўзлар билан алмаштирилсин.

11. 3-иловада:

15, 20, 35 ва 38-бандлардаги ҳамда 39-банднинг «и» кичик бандидаги «Дававианазорат» инспекцияси» деган сўзлар «Ўзавиация» агентлиги» деган сўзлар билан алмаштирилсин;

16 ва 19-бандлардаги «Дававианазорат» инспекциясининг» деган сўзлар «Ўзавиация» агентлигининг» деган сўзлар билан алмаштирилсин;

17-банддаги «Дававианазорат» инспекциясида» деган сўзлар «Ўзавиация» агентлигида» деган сўзлар билан алмаштирилсин;

26-банд қуйидаги таҳрирда баён этилсин:

«26. «Ўзавиация» агентлиги томонидан берилган гувоҳномаларга эга бўлган авиация мутахассисларини тайёрлаш бўйича ўқув режалари ва дастурлари «Ўзавиация» агентлиги билан келишилади. Бошқа тоифадаги ходимларни тайёрлаш дастурларини ўқув юртининг раҳбари тасдиқлайди.

Ўқув режалари ва дастурларининг нусхаси «Ўзавиация» агентлигига юборилади.».

12. 4-илованинг матнида:

«Ўзбекистон Республикаси Парвозлар хавфсизлигини назорат қилиш давлат инспекцияси» деган сўзлар «Ўзбекистон Республикаси Транспорт вазирлиги ҳузуридаги Фуқаро авиацияси агентлиги» деган сўзлар билан алмаштирилсин;

«Дававианазорат» инспекцияси бошлиғи» деган сўзлар «Ўзавиация» агентлиги директори» деган сўзлар билан алмаштирилсин.