Мамлакатимизда иқтисодиёт тармоқларини жадал инновацион ривожлантириб, Учинчи Ренессанс ва янги Ўзбекистоннинг мустаҳкам пойдеворини яратиш мақсадида илмий-интеллектуал салоҳиятни кучайтириш ва илм-фанни мунтазам ислоҳ қилиш, илмий инфратузилмани модернизация қилиш ишларини сифат жиҳатидан янги босқичга кўтариш бўйича кенг кўламли ислоҳотлар амалга оширилмоқда.

Хусусан, ўтган даврда жамиятимизда илмий зиёлиларга бўлган ҳурмат-эътиборни янада ошириш, шу жумладан, илм-фан ва илмий фаолиятни молиялаштириш тизимини такомиллаштириш, илм-фан ва таълим соҳасида юқори малакали кадрларнинг билим ва тажрибаларини амалда қўллашни молиявий рағбатлантириш учун қўшимча шарт-шароитлар яратилди.

Шу билан бирга, илм-фан ва таълим соҳасидаги давлат ташкилотларида илмий, илмий-педагогик ва меҳнат фаолияти билан шуғулланувчи илмий даражага эга ходимларга қўшимча ҳақ тўлашнинг амалдаги тартибини доимий такомиллаштириб бориш зарурати юзага келмоқда.

«Илм-фан ва илмий фаолият тўғрисида»ги, «Таълим тўғрисида»ги Ўзбекистон Республикасининг қонунларига мувофиқ, шунингдек, илмий, илмий-педагогик ва меҳнат фаолияти билан шуғулланувчи илмий даражага эга ходимларга қўшимча ҳақ тўлаш тартибини янада такомиллаштириш мақсадида Вазирлар Маҳкамаси қарор қилади:

1. Вазирлар Маҳкамасининг 2019 йил 24 декабрдаги 1030-сон қарори билан тасдиқланган Илм-фан ва таълим соҳасидаги давлат ташкилотларида илмий, илмий-педагогик ва меҳнат фаолияти билан шуғулланувчи илмий даражага эга ходимларга қўшимча ҳақ тўлаш тартиби тўғрисидаги низомга иловага мувофиқ қуйидагиларни назарда тутувчи ўзгартириш ва қўшимчалар киритилсин:

қўшимча ҳақни илмий ёки илмий-педагог ходимнинг асосий лавозими бўйича эгаллаб турган ставкасига мутаносиб равишда ҳар ойда ҳисобланадиган базавий лавозим маошига нисбатан белгилаш;

давлат илмий дастурлари лойиҳаларини кўриб чиқадиган илмий-техник кенгашларда ҳар бир аъзолик (иштирок этганлик) учун қўшимча ҳақ миқдорини лавозим маошига нисбатан 15 фоизгача этиб белгилаш;

академик, ташкилий-бошқарув ва молиявий мустақиллик берилган олий таълим муассасаларида кузатув кенгашларининг қарорларига мувофиқ илмий даражага эга ходимларга бюджетдан ташқари маблағлар ҳисобидан қўшимча ҳақ тўлаш имкониятини бериш.

2. Мазкур қарорнинг бажарилишини назорат қилиш Ўзбекистон Республикаси олий таълим, фан ва инновациялар вазири И.Ю. Абдурахмонов зиммасига юклансин.

1. 1-банддаги «илм-фан ва таълим» сўзлари «илм-фан, таълим ва тажриба-конструкторлик» сўзлари билан алмаштирилсин.

2. 7-банд қуйидаги таҳрирда баён этилсин:

«7. Қўшимча ҳақ ходим асосий лавозим бўйича эгаллаб турган ставкасига мутаносиб равишда ҳар ойда ҳисобланадиган базавий лавозим маошига нисбатан белгиланади, бунда ходимнинг таътил даври учун қўшимча ҳақ тўлов амалга оширилмайди.

Бунда, ушбу бандда назарда тутилган тартиб олий таълим муассасалари ва илмий ташкилотларнинг тасдиқланган штатлар жадвалида турувчи асосий иш фаолияти фақат илмий лойиҳа раҳбари ёки иштирокчиси бўлган илмий ходимлар лавозим маошига нисбатан ҳам татбиқ этилади».

3. 9-бандда:

а) «б» кичик банднинг биринчи хатбошисидаги «ўйинлар» сўзи «ўйинлар, услубий қўлланмалар» сўзлари билан алмаштирилсин;

б) қуйидаги мазмундаги «г¹» кичик банд билан тўлдирилсин:

«г¹) давлат илмий дастурлари лойиҳаларини кўриб чиқадиган илмий-техник кенгашларда ҳар бир аъзолик (иштирок этганлик) учун лавозим маошига нисбатан 15 фоизгача белгиланади.

Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим»;

в) «з» кичик банд қуйидаги таҳрирда баён этилсин:

«з) Scopus, Web of Science индексацияланган маълумотлар базаларига кирган журналларда эълон қилинган мақола (монография) учун ҳар бир муаллифга лавозим маошига нисбатан қуйидагича белгиланади. Бунда:

1. биринчи квартилга (Q1) кирган журналларда эълон қилинган мақола учун ҳар бир муаллифга лавозим маошига нисбатан 30 фоизгача;

2. иккинчи квартилга (Q2) кирган журналларда эълон қилинган мақола учун ҳар бир муаллифга лавозим маошига нисбатан 20 фоизгача;

3. учинчи квартилга (Q3) кирган журналларда эълон қилинган мақола учун ҳар бир муаллифга лавозим маошига нисбатан 15 фоизгача;

4. тўртинчи квартилга (Q4) ва бошқа умумэътироф этилган индексацияланган маълумотлар базаларидаги журналларда чоп этилган мақолаларнинг ҳар бир муаллифига лавозим маошига нисбатан 5 фоизгача;

5. Scopus, Web of Science индексацияланган маълумотлар базаларда конференция материалларида эълон қилинган ҳар бир маъруза муаллифига лавозим маошига нисбатан 5 фоизгача;

6. маҳаллий илмий журналларда чоп этилган мақола учун ташкилот (бир нечта муаллиф бўлган тақдирда, тенг миқдорда тақсимланган ҳолда) лавозим маошига нисбатан 5 фоизгача;

7. республикада чоп этилган якка муаллифликдаги монография ва қўлёзма учун лавозим маошига нисбатан 10 фоизгача;

8. ноёб қўлёзмаларни илмий муомалага киритган нашр муаллифига (бир нечта муаллиф бўлган тақдирда, тенг миқдорда тақсимланган ҳолда) лавозим маошига нисбатан 10 фоизгача»;

г) «к» кичик банд қуйидаги таҳрирда баён этилсин:

«к) ҳар бир ихтиро ва/ёки фойдали моделга патент олганлик учун муаллифга (бир нечта муаллиф бўлган тақдирда, хорижий ҳаммуаллифлар ва илмий даражага эга бўлмаганлардан ташқари, фақат илмий даражалилар ўртасида тенг миқдорда тақсимланган ҳолда) лавозим маошига нисбатан белгиланади. Бунда:

ҳар бир ихтирога патент (электрон ҳисоблаш машиналари учун яратилган дастурнинг расмий рўйхатдан ўтказилганлиги тўғрисидаги гувоҳнома бундан мустасно) олганлик учун ҳар бир муаллифга лавозим маошига нисбатан 20 фоизгача;

ҳар бир фойдали моделга патент (электрон ҳисоблаш машиналари учун яратилган дастурнинг расмий рўйхатдан ўтказилганлиги тўғрисидаги гувоҳнома бундан мустасно) олганлик учун ҳар бир муаллифга лавозим маошига нисбатан 15 фоизгача.

Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим».

4. 12-бандда:

а) «г» кичик банд қуйидаги таҳрирда баён этилсин:

«г) Scopus, Web of Science индексацияланган маълумотлар базаларига кирган журналларда эълон қилинган мақола (монография) учун ҳар бир муаллифга лавозим маошига нисбатан қуйидагича белгиланади. Бунда:

1. биринчи квартилга (Q1) кирган журналларда эълон қилинган мақола учун ҳар бир муаллифга лавозим маошига нисбатан 30 фоизгача;

2. иккинчи квартилга (Q2) кирган журналларда эълон қилинган мақола учун ҳар бир муаллифга лавозим маошига нисбатан 20 фоизгача;

3. учинчи квартилга (Q3) кирган журналларда эълон қилинган мақола учун ҳар бир муаллифга лавозим маошига нисбатан 15 фоизгача;

4. тўртинчи квартилга (Q4) ва бошқа умумэътироф этилган индексацияланган маълумотлар базаларидаги журналларда чоп этилган мақолаларнинг ҳар бир муаллифига лавозим маошига нисбатан 5 фоизгача;

5. Scopus, Web of Science индексацияланган маълумотлар базаларда конференция материалларида эълон қилинган ҳар бир маъруза муаллифига лавозим маошига нисбатан 10 фоизгача;

6. маҳаллий илмий журналларда чоп этилган мақола учун ташкилот (бир нечта муаллиф бўлган тақдирда, тенг миқдорда тақсимланган ҳолда) лавозим маошига нисбатан 5 фоизгача;

7. республикада чоп этилган якка муаллифликдаги монография ва қўлёзма учун лавозим маошига нисбатан 10 фоизгача;

8. ноёб қўлёзмаларни илмий муомалага киритган нашр муаллифига (бир нечта муаллиф бўлган тақдирда, тенг миқдорда тақсимланган ҳолда) лавозим маошига нисбатан 10 фоизгача»;

б) «е» кичик банд қуйидаги таҳрирда баён этилсин:

«е) ҳар бир ихтиро ва/ёки фойдали моделга патент олганлик учун муаллифга (бир нечта муаллиф бўлган тақдирда, хорижий ҳаммуаллифлар ва илмий даражага эга бўлмаганлардан ташқари, фақат илмий даражалилар ўтасида тенг миқдорда тақсимланган ҳолда) лавозим маошига нисбатан белгиланади. Бунда:

ҳар бир ихтирога патент (электрон ҳисоблаш машиналари учун яратилган дастурнинг расмий рўйхатдан ўтказилганлиги тўғрисидаги гувоҳнома бундан мустасно) олганлик учун ҳар бир муаллифга 20 фоизгача;

ҳар бир фойдали моделга патент (электрон ҳисоблаш машиналари учун яратилган дастурнинг расмий рўйхатдан ўтказилганлиги тўғрисидаги гувоҳнома бундан мустасно) олганлик учун ҳар бир муаллифга 15 фоизгача.

Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим»;

в) қуйидаги мазмундаги «м» кичик банд билан тўлдирилсин:

«м) давлат илмий дастурлари лойиҳаларини кўриб чиқадиган илмий-техник кенгашларда ҳар бир аъзолик (иштирок этганлик) учун лавозим маошига нисбатан 15 фоизгача белгиланади.

Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим»;

г) қуйидаги мазмундаги «н» кичик банд билан тўлдирилсин:

«н) олий таълим ташкилотлари билан биргаликда илмий ёки лаборатория воситаларидан кенг фойдаланган ҳолда, янги ўқув маҳсулотлари (тренинг курслари, услубий таъминотли ўйинлар, услубий қўлланмалар)ни ишлаб чиқиш ва жорий этишдаги иштироки учун:

ўзбек ёки рус тилида, шунингдек, тил мутахассисликлари бўйича чет тилида ҳар бир маҳсулот (мажмуа) учун лавозим маошига нисбатан 10 фоизгача;

хорижий тилда (тил мутахассисликларидан ташқари) ҳар бир маҳсулот (мажмуа) учун лавозим маошига нисбатан 20 фоизгача белгиланади.

Мазкур талаб асосида умумий қўшимча ҳақ лавозим маошига нисбатан бир ойда 30 фоиздан ошмаслиги лозим»;

д) қуйидаги мазмундаги «о» кичик банд билан тўлдирилсин:

«о) илмий кенгашлар ҳузуридаги ихтисосликлар бўйича (чет тили ва мутахассислик фанларидан) малакавий имтиҳон комиссияси ҳамда олий таълимдан кейинги таълимнинг барча шаклларида ўқишга талабгорларни танлаб олиш учун кириш имтиҳонлари ва изланувчиларни мониторингдан ўтказиш бўйича комиссия (ишчи гуруҳ) аъзоси бўлганлиги учун лавозим маошига нисбатан 5 фоизгача миқдорда белгиланади.

Мазкур талаб асосида умумий қўшимча ҳақ лавозим маошига нисбатан бир ойда 15 фоиздан ошмаслиги лозим».

5. 26-банд қуйидаги мазмундаги хатбоши билан тўлдирилсин:

«Академик, ташкилий-бошқарув ва молиявий мустақиллик берилган олий таълим муассасаларида илмий, илмий-педагогик ва меҳнат фаолияти билан шуғулланувчи илмий даражага эга ходимларга ушбу ташкилотларнинг бюджетдан ташқари маблағлари ҳисобидан ҳам қўшимча ҳақ тўланиши мумкин.

Бунда, қўшимча ҳақ белгилаш талаблари (мезонлари) ушбу ташкилотларнинг кузатув кенгашлари қарори билан белгиланади».