Республика маҳаллий саноатини бошқаришни ташкил қилишни янада такомиллаштириш, тармоқда бозор муносабатларини кенг жорий этиш, корхоналарнинг иқтисодий мустақиллигини кенгайтириш, халқ истеъмоли моллари, бадиий ҳунармандчилиги буюмларини ишлаб чиқариш ҳажмларини кўпайтиришда уларнинг ташаббускорлиги ва тадбиркорлигини ривожлантириш, шу мақсадда маҳаллий хом ашёдан ҳар томонлама фойдаланиш, шунингдек аҳолининг иш 6илан банд бўлмаган қисмини ишлаб чиқаришга жал6 этиш мақсадида:

1. Ўзбекистон Республикасининг Маҳаллий саноат вазирлиги тугатилсин.

Давлат «Маҳаллий саноат» корпорациясини ташкил этиш тўғрисида маҳаллий саноат бирлашмалари, корхоналари ва ташкилотларининг таклифи қабул қилинсин.

Белгилаб қўйилсинки, Давлат «Маҳаллий саноат» корпорацияси барча мулкчилик шаклидаги саноат, қурилиш, савдо, лойиҳа-конструкторлик корхоналари ҳамда маҳаллий саноатга қарашли бошқа корхоналар ва ташкилотларнинг ёпиқ типдаги ҳиссадорлик жамиятидан иборат ихтиёрий бирлашмасидир ва юридик шахс ҳуқуқларига эга бўлиб, амалдаги қонунлар асосида ташкил қилинади ва иш олиб боради.

2. Республика халқ бадиий ҳунармандчилиги саноат-савдо бирлашмасига қарашли корхоналар ва ташкилотларнинг шу бирлашмани Давлат «Маҳаллий саноат» корпорацияси таркибига кирувчи республика халқ бадиий ҳунармандчилиги саноат-савдо концернига айлантириш тўғрисидаги таклифи маъқуллансин.

3. Қорақалпоғистон Республикасининг Вазирлар Кенгаши, вилоятларнинг ҳокимлари Қорақалпоғистон Республикасининг Маҳаллий саноат вазирлигини, вилоят маҳаллий саноат бошқармаларини тугатсинлар, тегишли ҳудудда жойлашган маҳаллий саноат корхоналари ва ташкилотларига республика ҳамда вилоят саноат-савдо концернларини ташкил қилишда ёрдам берсинлар.

Белгилаб қўйилсинки, «Маҳаллий саноат» корпорациясининг таркибий бўлинмалари бўлмиш ҳудудий саноат-савдо концернлари ўз фаолиятида тегишли равишда Қорақалпоғистон Республикасининг Вазирлар Кенгашига, вилоятлар, Тошкент шаҳар ҳокимларига ҳисоб берадилар.

4. Ўзбекистон Республикасининг Президенти ҳузуридаги Вазирлар Маҳкамаси 10 кун муддат ичида Давлат «Маҳаллий саноат» корпорациясининг фаолиятини ташкил этиш масалалари юзасидан қарор қабул қилсин.