|
Ҳужжат 10.06.2022 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш бўйича давлат хизматлари кўрсатишнинг маъмурий регламентини тасдиқлаш ҳақида
Ўзбекистон Республикаси Президентининг «Давлат хизматлари кўрсатиш инфратузилмасини такомиллаштириш ва аҳолининг давлат хизматларидан фойдаланиш имкониятларини кенгайтириш чора-тадбирлари тўғрисида» 2021 йил 24 июлдаги ПФ-6269-сон ҳамда «Фуқароларнинг ҳуқуқ ва эркинликларини таъминлаш ҳамда ҳуқуқий хизмат кўрсатишда адлия органлари ва муассасалари фаолияти самарадорлигини янада ошириш чора-тадбирлари тўғрисида» 2022 йил 17 мартдаги ПФ-89-сон фармонларига мувофиқ Вазирлар Маҳкамаси қарор қилади:
1. Қуйидагиларни назарда тутувчи Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш бўйича давлат хизматлари кўрсатишнинг маъмурий регламенти 1-иловага мувофиқ тасдиқлансин:
патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш бўйича ҳужжатларни қабул қилиш;
патент вакиллигига номзодни ёки патент вакилини малака имтиҳонидан ўтказиш, уларни аттестациядан ўтказиш ёки аттестациядан ўтказишни рад этиш тўғрисидаги қарорларни қабул қилиш тартиби;
патент вакилларини Патент вакиллари давлат реестрида рўйхатдан ўтказиш, патент вакиллари тўғрисида маълумотларни ваколатли органнинг расмий ахборотномаси ва веб-сайтида эълон қилиш.
Кейинги таҳрирга қаранг.
2. Ўзбекистон Республикаси Адлия вазирлиги Ахборот технологиялари ва коммуникацияларни ривожлантириш вазирлиги билан биргаликда 2022 йил 1 октябрга қадар:
мазкур қарор билан тасдиқланган маъмурий регламентга мувофиқ давлат хизматларини кўрсатиш Ўзбекистон Республикаси Ягона интерактив давлат хизматлари портали орқали жорий этилишини таъминласин;
Ўзбекистон Республикаси Ягона интерактив давлат хизматлари порталида давлат хизмати кўрсатилишининг ҳар бир босқичида мурожаатларни кўриб чиқилишини кузатиб бориш тартибини жорий этсин.
3. Ўзбекистон Республикаси Ҳукуматининг айрим қарорларига 2-иловага мувофиқ ўзгартиришлар киритилсин.
4. Мазкур қарорнинг бажарилишини назорат қилиш Ўзбекистон Республикаси адлия вазири Р.Қ. Давлетов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2022 йил 9 июнь,
324-сон
Вазирлар Маҳкамасининг 2022 йил 9 июндаги 324-сон қарорига
1-ИЛОВА
1-ИЛОВА
Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш бўйича давлат хизматлари кўрсатишнинг
МАЪМУРИЙ РЕГЛАМЕНТИ
1-боб. Умумий қоидалар
1. Мазкур Регламент патент вакиллигига номзодларни (кейинги ўринларда — номзод) аттестациядан ва рўйхатдан ўтказиш ҳамда патент вакилларини аттестациядан ўтказиш бўйича давлат хизматларини (кейинги ўринларда — давлат хизматлари) кўрсатиш тартибини белгилайди.
2. Давлат хизматлари Ўзбекистон Республикаси Адлия вазирлиги (кейинги ўринларда — Вазирлик) томонидан кўрсатилади.
3. Давлат хизматидан фойдаланиш учун Вазирликка мурожаат этиш ва давлат хизматини кўрсатиш ушбу Регламент талаблари асосида Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали амалга оширилади.
4. Вазирлик ва ЯИДХП ўртасида ахборот алмашинуви электрон ҳукуматнинг идоралараро маълумотлар узатиш тармоғи орқали реал вақт режимида амалга оширилади.
5. Патент вакиллигига номзоднинг аттестацияси патент вакили сифатида фаолиятни амалга ошириш истагини билдирган жисмоний шахснинг патент вакилига қўйиладиган малака талабларига мувофиқлигини аниқлаш мақсадида ўтказилади.
6. Патент вакили аттестацияси патент вакилларининг касбий малака даражасини холисона баҳолаш мақсадида ўтказилади.
Патент вакиллари аттестацияси ҳар беш йилда камида бир марта ўтказилади.
7. Патент вакилига патент вакили сифатида рўйхатдан ўтганлик тўғрисида гувоҳнома (кейинги ўринларда ‒ гувоҳнома) берилади.
8. Номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш бўйича давлат хизматларини кўрсатиш мазкур Регламентнинг 1-иловасидаги схемага мувофиқ амалга оширилади.
2-боб. Ҳужжатларни қабул қилиш
9. Номзод уни патент вакили сифатида аттестациядан ўтказиш тўғрисида Вазирликка ЯИДХПда мазкур Регламентнинг 2-иловасига мувофиқ шаклдаги аризани тўлдириш орқали мурожаат қилади ва ўз хоҳишига кўра аризасига малакасини тавсифловчи бошқа ҳужжатларни илова қилади.
Номзоднинг олий маълумоти тўғрисидаги диплом маълумотлари «Электрон ҳукумат» тизими идоралараро интеграциялашув платформасида мавжуд бўлмаганда ушбу диплом нусхаси илова қилинади.
10. Патент вакили уни аттестациядан ўтказиш тўғрисида Вазирликка ЯИДХПда мазкур Регламентнинг 3-иловасига мувофиқ шаклдаги аризани тўлдириш орқали мурожаат қилади.
Бунда, патент вакили гувоҳноманинг амал қилиш муддати тугашидан камида икки ой олдин мурожаат этиши керак.
11. Ариза шакли тўлдирилганидан сўнг номзод ёки патент вакили маълумотларнинг тўғрилигини текшириб, аризани тасдиқлайди.
12. Давлат хизматини кўрсатиш учун ЯИДХП орқали ариза шакллантирилган санадан бошлаб уч ой давомида мазкур Регламентнинг 4-иловасида белгиланган миқдордаги тўловлар амалга оширилади ва тўлов амалга оширилганлиги Ягона биллинг тизими орқали тасдиқланади.
Бунда, давлат хизматини кўрсатиш бўйича ЯИДХП орқали мурожаат этилганлиги учун белгиланган тўлов суммасининг 90 фоизи ундирилади.
13. Тўловлар суммаси қуйидаги тартибда тақсимланади:
10 фоизи — Вазирликнинг Давлат хизматларини ривожлантириш жамғармасининг шахсий ҳисобварағига;
11,25 фоизи — ЯИДХПдан фойдаланганлик учун Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;
0,5 фоизи — тўловларни тасдиқлаш Ягона биллинг тизими орқали амалга оширилганлиги учун Ахборот-коммуникация технологияларини ривожлантириш жамғармасининг Электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;
қолган маблағлар — Вазирликнинг Интеллектуал мулкни ривожлантириш жамғармасининг шахсий ҳисобварағига ўтказилади.
14. Ҳужжатлар қабул қилинганлиги тўғрисида номзод ёки патент вакилига автоматик равишда маълум қилинади.
15. Номзод ёки патент вакилини аттестацияси малака имтиҳони ўтказиш йўли билан амалга оширилади.
Малака имтиҳони жараёни овозли видеотасвирга туширилади, шунингдек Вазирликнинг расмий веб-сайтида реал вақт режимида трансляция қилинади.
Номзод ва патент вакилини аттестациядан ўтказиш учун Вазирлик томонидан малака комиссияси тузилади.
16. Номзод ёки патент вакилини малака имтиҳонига қўйиш ёки малака имтиҳонига қўйишни рад этиш ҳақида қарор малака комиссияси раиси томонидан қабул қилинади.
Ариза ва унга илова қилинган ҳужжатлар қабул қилинган санадан бошлаб, беш иш куни мобайнида номзод ёки патент вакилига малака имтиҳонига қўйилганлиги ёки малака имтиҳонига қўйиш рад этилганлиги ҳақида билдиришнома юборилади.
17. Қуйидаги ҳолатларда номзод ёки патент вакилини малака имтиҳонига қўйиш рад этилади:
Ўзбекистон Республикаси ҳудудида доимий яшайдиган Ўзбекистон Республикаси фуқароси ҳисобланмаганда;
Вазирлик ва унинг тизимидаги ташкилотлар ходими бўлганда;
аризага нотўғри ёки бузиб кўрсатилган маълумотлар киритилганда;
аттестациядан ўтказиш рад этилган, шу жумладан имтиҳондан четлаштирилган номзод ёки патент вакили имтиҳон ўтказилган кундан бошлаб олти ой ўтмасдан мурожаат қилганда;
мазкур Регламентнинг 9 — 12-бандларида белгиланган талабларга риоя этилмаганда.
Вазирлик томонидан ариза ва унга илова қилинадиган ҳужжатда нотўғри ёки бузиб кўрсатилган маълумотлар мавжудлиги аниқланганда номзод ёки патент вакилига ўн иш куни ичида хатоларни бартараф этиш ва етишмаётган ҳужжатларни тақдим этиш тўғрисида сўровнома юборилади.
Номзод ёки патент вакилини бошқа асослар бўйича малака имтиҳонига қўйиш рад этилишига йўл қўйилмайди.
18. Малака имтиҳонига қўйиш рад этилганда номзод ёки патент вакили аттестациядан ўтмаган деб ҳисобланади. Бунда давлат хизматидан фойдаланиш учун тўланган тўлов қайтарилади.
3-боб. Номзод ёки патент вакилини аттестациядан ўтказиш
19. Малака имтиҳони номзод ёки патент вакилини имтиҳонга қўйилгани ҳақида билдиришнома йўлланган санадан эътиборан икки ойдан ошмаган муддатда ўтказилади.
20. Номзод ёки патент вакилига малака имтиҳони ўтиш жойи, санаси ва вақти ҳақида имтиҳон ўтадиган санадан ўн календарь кунидан кам бўлмаган муддатда хабар берилади.
21. Номзод ёки патент вакили имтиҳон топширишда паспорт ёки шахсини тасдиқловчи бошқа ҳужжатни тақдим этади.
22. Номзод ёки патент вакили малака имтиҳони давомида интеллектуал мулк объектларига ҳуқуқларни ҳимоя ва муҳофаза қилиш бўйича фаолиятни амалга ошириш учун Вазирлик томонидан тасдиқланган дастурга мос равишда Ўзбекистон Республикаси қонунчилиги, Ўзбекистон Республикасининг халқаро шартномалари соҳасида зарур билимларга эга эканлиги аниқланади.
23. Малака имтиҳони саволлари қуйидаги йўналишлар бўйича тузилади:
интеллектуал мулк ҳуқуқига оид умумий қоидалар;
саноат мулкига оид Ўзбекистон Республикаси қонунчилиги;
саноат мулки соҳасидаги Ўзбекистон Республикасининг халқаро шартномалари.
Малака комиссияси томонидан тасдиқланган саволлар Вазирликнинг расмий веб-сайтига жойлаштирилади, шунингдек Ўзбекистон Республикаси қонунчилигига киритиладиган ўзгартириш ва қўшимчаларни инобатга олган ҳолда даврий равишда қайта кўриб чиқилади.
24. Малака имтиҳони саволларини шакллантиришда саноат мулкига оид Ўзбекистон Республикаси қонунчилиги ҳамда саноат мулки соҳасидаги Ўзбекистон Республикасининг халқаро шартномалари йўналишларидаги саволлар номзод аризасида келгусидаги фаолияти учун кўрсатилган ихтисосликка ёки патент вакилининг ихтисослигига мос бўлиши лозим.
Агар айрим ихтисосликларга бевосита тааллуқли Ўзбекистон Республикасининг халқаро шартномалари мавжуд бўлмаса, тегишли саволлар Саноат мулкини муҳофаза қилиш бўйича Париж конвенциясига (1883 й.) мос бўлиши керак.
Икки ва ундан ортиқ ихтисослик бўйича суҳбатдан ўтадиган номзод ёки патент вакилига ҳар бир қўшимча ихтисослик бўйича яна 1 тадан қўшимча савол берилади.
25. Патент вакилларининг ихтисослиги қуйидаги интеллектуал мулк объектлари бўйича белгиланади:
товар белгилари, хизмат кўрсатиш белгилари, товар келиб чиққан жой номлари ва географик кўрсаткичлар;
ихтиро ва фойдали моделлар;
саноат намуналари;
селекция ютуқлари;
интеграл микросхемалар топологиялари.
26. Малака имтиҳони суҳбат шаклида ўтказилади ва натижаси шу вақтнинг ўзида маълум қилинади.
27. Номзод ёки патент вакилига саволларга жавоб беришга тайёргарлик кўришлари учун 30 дақиқа вақт ажратилади.
Номзод ёки патент вакилига икки ва ундан ортиқ ихтисослик бўйича саволларга жавоб беришга тайёргарлик кўришлари учун ҳар бир қўшимча ихтисослик бўйича савол учун 10 дақиқа вақт ажратилади.
28. Малака имтиҳонини ўтказиш жараёнида номзод ёки патент вакилига қуйидагилар тақиқланади:
алоқа ва телекоммуникация воситалари (телефон, компьютер, планшет ва бошқалар), китоб ҳамда шпаргалкаларни олиб кириш ёки фойдаланиш;
бошқа номзод ёки патент вакиллари билан суҳбатлашиш;
имтиҳон тугамасдан малака комиссияси аъзоларининг рухсатисиз ва назоратисиз хонадан ташқарига чиқиш.
Номзод ёки патент вакилининг мазкур қоидаларга амал қилмаслиги уни имтиҳондан четлаштириш учун асос бўлади. Ушбу ҳолатда тегишли далолатнома расмийлаштирилади ва малака комиссияси аъзоларининг камида уч нафари томонидан имзоланади.
Малака имтиҳонида қатнашишдан четлаштирилган номзод ёки патент вакили аттестациядан ўтмаган деб топилади.
29. Тайёргарлик кўриш учун берилган вақт тугагандан сўнг номзод ёки патент вакили ўзига берилган саволлар бўйича малака комиссиясига жавоб беради.
Малака комиссияси аъзолари айрим жавобларни аниқлаштириш мақсадида қўшимча саволлар бериши мумкин.
Номзод ёки патент вакили саволларга жавоб бериб бўлганидан сўнг, унга хонадан чиқишига рухсат берилади.
30. Малака комиссияси суҳбат натижасига кўра номзод ёки патент вакилини аттестациядан ўтказиш ёки аттестациядан ўтказишни рад этиш тўғрисида қарор қабул қилади.
Номзод ёки патент вакили икки ва ундан ортиқ ихтисослик бўйича имтиҳон топширган тақдирда барча ихтисосликларнинг умумий суҳбат натижаси юзасидан ягона қарор қабул қилинади.
31. Малака комиссияси қарорида қуйидагилар кўрсатилади:
рақами ва қабул қилинган санаси;
иштирок этган комиссия аъзолари рўйхати;
аттестациядан ўтказилган ёки аттестациядан ўтказиш рад этилган номзодлар ёки патент вакилларининг рўйхати;
малака комиссия қарори устидан шикоят қилиш ҳуқуқининг мавжудлиги.
Қарор малака имтиҳони ўтказилган куннинг ўзида имтиҳонда иштирок этган номзод ёки патент вакилларига ўқиб эшиттирилади.
Малака комиссияси қарори икки нусхада тузилади. Қарорнинг бир нусхаси малака имтиҳони ўтказиш жараёни туширилган овозли видеотасвир сақлаш қурилмалари билан бирга аттестациядан ўтказишга оид ҳужжатлар йиғма жилдига тикилади, иккинчи нусхаси эса бир иш куни ичида номзод ёки патент вакилига юборилади.
Малака имтиҳони ўтказиш жараёни қайд этилган овозли видеотасвир Вазирлик томонидан бир йил мобайнида сақланади.
32. Мазкур Регламент талабларига мувофиқ аттестациядан ўтказиш рад этилган, шу жумладан имтиҳондан четлаштирилган номзод ёки патент вакили малака имтиҳони ўтказилган санадан олти ой ўтгандан сўнг малака имтиҳонида қайта иштирок этишига йўл қўйилади.
33. Номзод ёки патент вакиллари томонидан малака комиссияси қарори устидан апелляция комиссиясига шикоят этиш Вазирлар Маҳкамасининг 2003 йил 1 июлдаги 298-сон қарори билан тасдиқланган Патент вакиллари тўғрисидаги низомда белгиланган тартибда амалга оширилади.
34. Аттестациядан ўтказилган номзод ёки патент вакили ҳақидаги маълумотлар Вазирлик томонидан бир иш куни ичида Патент вакиллари давлат реестрига (кейинги ўринларда — реестр) киритилади ҳамда уларга мазкур Регламентнинг 5-иловасига мувофиқ шаклда QR-код қўйилган гувоҳнома юборилади.
Гувоҳноманинг амал қилиш муддати — беш йил.
35. Муайян ихтисослик бўйича аттестациядан ўтган патент вакили гувоҳноманинг амал қилиш даврида қўшимча ихтисослик олиш учун Вазирликка ариза билан мурожаат қилиши мумкин.
Бунда патент вакилини қўшимча аттестациядан ўтказиш ушбу Регламентда белгиланган тартибда амалга оширилади ҳамда мазкур Регламентнинг 6-банди иккинчи хатбошисида назарда тутилган патент вакилларини аттестациядан ўтказиш муддатини ҳисоблаш янгидан бошланади ва патент вакилига янги гувоҳнома берилади.
4-боб. Патент вакилини рўйхатдан ўтказиш
36. Реестрдаги қайд қуйидаги маълумотларни ўз ичига олади:
рўйхат рақами (ушбу рақам гувоҳномага ҳам қўйилади);
патент вакилининг фамилияси, исми, отасининг исми;
патент вакилининг доимий турар жойи;
малака комиссияси қарори рақами ва санаси;
патент вакилининг фаолият ихтисослиги;
патент вакилининг ёлланиш бўйича иши тўғрисида маълумотлар;
ёзишмалар учун манзил (Ўзбекистон Республикаси ҳудудида), шунингдек телефон рақами ҳамда электрон почта манзили;
патент вакили рўйхатдан ўтказилган сана;
гувоҳнома берилган ёки жўнатилгани тўғрисида маълумотлар;
берилган гувоҳноманинг амал қилиш муддати тўғрисида маълумотлар;
патент вакилининг аттестациядан ўтган санаси;
патент вакилининг реестрдан ўчирилган санаси.
Реестрга бошқа маълумотлар ҳам киритилиши мумкин.
Патент вакилининг мурожаатига кўра реестрдаги маълумотларга тегишли ўзгартиришлар киритилади. Бунда тўлов ундирилмайди.
37. Патент вакили гувоҳноманинг амал қилиш муддати тугагунига қадар қайта аттестациядан ўтмаган тақдирда белгиланган тартибда суднинг қарори асосида реестрдан ўчирилади.
38. Патент вакили сифатида рўйхатдан ўтмаган ёхуд реестрдан ўчирилган шахснинг ўз фаолиятида патент вакили мақомидан фойдаланиши мумкин эмас.
5-боб. Патент вакиллари тўғрисида маълумотларни эълон қилиш
39. Патент вакилининг рўйхатдан ўтказилгани тўғрисидаги маълумотлар у реестрда рўйхатдан ўтказилгандан сўнг автоматик тарзда Вазирликнинг расмий ахборотномаси ва веб-сайтида эълон қилинади.
40. Вазирликнинг расмий ахборотномаси ва веб-сайтида патент вакили тўғрисида қуйидаги маълумотлар эълон қилинади:
фамилияси, исми, отасининг исми;
гувоҳнома рўйхат рақами;
кўрсатадиган фаолият ихтисослиги;
иш жойи ва лавозими ёки бошқа ёлланиш бўйича иши тўғрисида маълумотлар;
ёзишмалар учун манзил (Ўзбекистон Республикаси ҳудудида), шунингдек телефон рақами ҳамда электрон почта манзили.
41. Вазирлик расмий ахборотномаси ва веб-сайтида, шунингдек патент вакилларини рўйхатдан ўтказишга доир ўзгаришлар тўғрисидаги маълумотларни, шу жумладан патент вакиллари фаолиятида аниқланган камчиликларни тузатишга қаратилган чора-тадбирлар, патент вакили реестрдан ўчирилганлиги ҳақида ва бошқа маълумотларни эълон қилади.
6-боб. Якуний қоидалар
42. Давлат хизматини кўрсатиш билан боғлиқ бўлган барча ёзишмалар (сўровнома, билдиришнома ва хабарномалар), шунингдек аттестациядан ва рўйхатдан ўтказилганлик тўғрисидаги ҳужжатлар электрон шаклда ЯИДХП орқали юборилади.
43. Номзод ёки патент вакилининг хоҳишига кўра ЯИДХП томонидан давлат хизматларидан фойдаланишнинг ҳар бир босқичи тўғрисида SMS-хабарнома юборилади.
44. Номзод ёки патент вакили давлат хизматларидан фойдаланишдан уларни кўрсатишнинг ҳар қандай босқичида бош тортиш ҳуқуқига эга.
Номзод ёки патент вакили давлат хизматларидан фойдаланишдан бош тортганида унинг аризаси кўриб чиқилмасдан қолдирилади ва тўланган тўлов қайтарилмайди.
45. Мазкур Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.
Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш бўйича давлат хизматлари кўрсатишнинг маъмурий регламентига
1-ИЛОВА
1-ИЛОВА
Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш бўйича давлат хизматларини кўрсатиш
СХЕМАСИ
|
Босқичлар |
Субъектлар |
Тадбирлар |
Бажариш муддатлари | |||
|
|
|
|
| |||
|
|
Номзод ёки патент вакили (олий маълумотли Ўзбекистон Республикаси фуқароси) |
|
Давлат хизматидан фойдаланиш учун Ўзбекистон Республикаси Ягона интерактив давлат хизматлари портали (ЯИДХП) орқали ариза топшириш. Заруратга кўра аризага олий маълумот тўғрисидаги диплом нусхаси ва малакасини тавсифловчи бошқа ҳужжатларни илова қилиш. |
|
Хоҳишига кўра (патент вакили учун ҳар беш йилда камида бир марта) | |
|
|
|
|
|
|
|
|
|
2-босқич |
Номзод ёки патент вакили (олий маълумотли Ўзбекистон Республикаси фуқароси) |
Ариза топшириш учун БҲМнинг 4 баравари миқдорида тўловни амалга ошириш (тўлов суммасининг 90 фоизи ундирилади). |
Ариза шакллантирилган санадан бошлаб уч ой давомида | |||
|
3-босқич |
Адлия вазирлиги |
Аризани қабул қилиш. Ариза рақами ва санасини номзод ёки патент вакилига юбориш. |
Автоматик тарзда | |||
|
4-босқич |
Адлия вазирлиги |
Номзод ва патент вакилини аттестация (малака имтиҳони)дан ўтказиш учун Адлия вазирлигининг энг малакали ва тажрибали ходимлари, адвокатлар, олимлар ва мутахассислардан иборат таркибда малака комиссияси тузиш. |
Ариза келиб тушган санадан бошлаб беш иш куни давомида | |||
|
5-босқич |
Адлия вазирлиги |
Ариза ва унга иловага қилинган ҳужжатларни кўриб чиқиш. Натижаси бўйича номзод ёки патент вакилига малака имтиҳонига қўйилганлиги ёхуд малака имтиҳонига қўйиш рад этилганлиги ҳақида билдиришномани юбориш. |
Ариза келиб тушган санадан бошлаб беш иш куни давомида | |||
|
6-босқич |
Малака комиссияси |
Қуйидаги йўналишлар бўйича тузилган саволлар асосида малака имтиҳонини суҳбат шаклида ўтказиш: интеллектуал мулк ҳуқуқига оид умумий қоидалар; саноат мулкига оид Ўзбекистон Республикаси қонунчилиги; саноат мулки соҳасидаги Ўзбекистон Республикасининг халқаро шартномалари. |
Номзод ёки патент вакилини имтиҳонга қўйилганлиги ҳақидаги билдиришнома йўлланган санадан бошлаб икки ой ичида | |||
|
7-босқич |
Адлия вазирлиги |
Малака имтиҳони жараёнини овозли видеотасвирга тушириш Адлия вазирлигининг расмий веб-сайтида реал вақт режимида трансляция қилиш. |
Малака имтиҳони ўтказиш давомида | |||
|
8-босқич |
Малака комиссияси |
Суҳбат натижасига кўра номзод ёки патент вакилини аттестациядан ўтказиш ёки аттестациядан ўтказишни рад этиш тўғрисида қарор қабул қилиш. (Аттестациядан ўтказиш рад этилган номзод ёки патент вакили малака имтиҳони ўтказилган санадан олти ой ўтгандан сўнг малака имтиҳонида қайта иштирок этишига йўл қўйилади) |
Малака имтиҳони ўтказилган куннинг ўзида | |||
|
9-босқич |
Адлия вазирлиги |
Малака комиссияси қарорининг бир нусхасини номзод ёки патент вакилига юбориш. |
Малака имтиҳони ўтказилган санадан бошлаб бир иш куни ичида | |||
|
|
|
|
|
|
|
|
|
10-босқич |
|
Адлия вазирлиги |
|
Патент вакилини Патент вакиллари давлат реестрига киритиш ва патент вакили сифатида рўйхатдан ўтганлик тўғрисида QR-код қўйилган гувоҳномани юбориш. Патент вакилининг рўйхатдан ўтказилганлиги тўғрисидаги маълумотларни расмий ахборотнома ва веб-сайтда эълон қилиш. (Патент вакили гувоҳноманинг амал қилиш муддати тугагунига қадар қайта аттестациядан ўтмаган тақдирда белгиланган тартибда суднинг қарори асосида реестрдан ўчирилади) |
|
Малака имтиҳони ўтказилган санадан бошлаб бир иш куни ичида |
Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш бўйича давлат хизматлари кўрсатишнинг маъмурий регламентига
2-ИЛОВА
2-ИЛОВА
| | | | | |
Ўзбекистон Республикаси адлия вазирига | ||||
| | | | | | | | | | |
|
Номзодни патент вакили сифатида аттестациядан ўтказиш тўғрисида | |||||||||
|
АРИЗА | |||||||||
| _________________________________________________________________________________ | |||||||||
|
(номзоднинг фамилияси, исми, отасининг исми, фуқаролиги)* | |||||||||
| _____________________________патент вакили сифатида аттестациядан ўтказишингизни сўрайман. | |||||||||
| _________________________________________________________________________________ | |||||||||
|
(номзоднинг доимий турар жойи)* | |||||||||
| _________________________________________________________________________________ | |||||||||
|
(қайси олий таълим муассасасини қачон тамомлаган, олий маълумот тўғрисидаги диплом серия ва рақами)* | |||||||||
| _________________________________________________________________________________ | |||||||||
|
(патент вакили сифатида келгуси фаолият ихтисослиги) | |||||||||
| _________________________________________________________________________________ | |||||||||
|
(иш жойи ва лавозими ёки бошқа ёлланиш бўйича иши тўғрисида маълумотлар) | |||||||||
| _________________________________________________________________________________ | |||||||||
|
(ёзишма учун манзил) | |||||||||
| _________________________________________________________________________________ | |||||||||
|
(телефон рақами, электрон почта манзили)* | |||||||||
| _________________________________________________________________________________ | |||||||||
|
(номзоднинг фуқаролик паспорти ёки идентификация ID-картаси маълумотлари)* | |||||||||
| _________________________________________________________________________________ | |||||||||
| Илова қилинаётган ҳужжатлар рўйхати: | |||||||||
| олий маълумот тўғрисидаги диплом нусхаси**; | |||||||||
| малакани тавсифловчи бошқа ҳужжатлар***. | |||||||||
* Ушбу маълумотлар «Электрон ҳукумат» тизими идоралараро интеграциялашув платформасидан автоматик тарзда юклаб олинади.
** Олий маълумоти тўғрисидаги диплом маълумотлари “Электрон ҳукумат” тизими идоралараро интеграциялашув платформасида мавжуд бўлмаганда ушбу диплом нусхаси илова қилинади.
*** Номзоднинг истагига кўра тақдим этилади.
Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш бўйича давлат хизматлари кўрсатишнинг маъмурий регламентига
3-ИЛОВА
3-ИЛОВА
| | | | | |
Ўзбекистон Республикаси адлия вазирига | ||||
| | | | | | | | | | |
|
Патент вакилини аттестациядан ўтказиш тўғрисида | |||||||||
|
АРИЗА | |||||||||
| _________________________________________________________________________________ | |||||||||
|
(патент вакилининг фамилияси, исми, отасининг исми, фуқаролиги)* | |||||||||
| _________________________________________________________________________________ | |||||||||
|
ҳар беш йилда белгиланган аттестациядан ўтказишингизни сўрайман. | |||||||||
| _________________________________________________________________________________ | |||||||||
|
(патент вакилининг доимий турар жойи)* | |||||||||
| _________________________________________________________________________________ | |||||||||
| _________________________________________________________________________________ | |||||||||
|
(иш жойи ва лавозими ёки бошқа ёлланиш бўйича иши тўғрисида маълумотлар) | |||||||||
| _________________________________________________________________________________ | |||||||||
|
(ёзишма учун манзил) | |||||||||
| _________________________________________________________________________________ | |||||||||
| _________________________________________________________________________________ | |||||||||
|
(телефон рақами, электрон почта манзили)* | |||||||||
| _________________________________________________________________________________ | |||||||||
| _________________________________________________________________________________ | |||||||||
|
(патент вакилининг фуқаролик паспорти ёки идентификация ID-картаси маълумотлари)* | |||||||||
| _________________________________________________________________________________ | |||||||||
| _________________________________________________________________________________ | |||||||||
| |||||||||
* Ушбу маълумотлар «Электрон ҳукумат» тизими идоралараро интеграциялашув платформасидан автоматик тарзда юклаб олинади.
Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш бўйича давлат хизматлари кўрсатишнинг маъмурий регламентига
4-ИЛОВА
4-ИЛОВА
Патент вакиллигига номзодлар ва патент вакилларини аттестациядан ҳамда патент вакилларини қўшимча аттестациядан ўтказиш учун тўловлар
МИҚДОРИ
|
Тўлов номи |
Тўлов миқдори | |
|
1. |
Патент вакиллигига номзодлар ва патент вакилларини аттестациядан ўтказиш |
БҲМнинг 4 баравари |
|
2. |
Патент вакилларини қўшимча аттестациядан ўтказиш |
БҲМнинг 4 баравари |
Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш бўйича давлат хизматлари кўрсатишнинг маъмурий регламентига
5-ИЛОВА
5-ИЛОВА
|
(Oʻzbekiston Respublikasi Davlat gerbi tasviri) | |||||||||
| | | | | | | | | | |
|
OʻZBEKISTON RESPUBLIKASI | |||||||||
|
ADLIYA VAZIRLIGI | |||||||||
|
GUVOHNOMA | |||||||||
| Ushbu bilan ________________________________________________________________________ | |||||||||
| ______________________________________________________________________________ning | |||||||||
| malaka komissiyasining qaroriga asosan | |||||||||
| _________________________________________________________________________________ | |||||||||
| _________________________________________________________________________________ | |||||||||
| _________________________________________________________________________________ | |||||||||
| ixtisosligi boʻyicha | |||||||||
| PATENT VAKILI | |||||||||
| sifatida roʻyxatdan oʻtkazilganligi tasdiqlanadi. | |||||||||
| Patent vakillari davlat reyestriga 20___ yil «___» ___________________ | |||||||||
| _________________________ son bilan tegishli yozuv kiritilgan. | |||||||||
| Guvohnomaning amal qilish muddati 20___ yil «___»___________________ gacha. | |||||||||
| | | | | | | | | | |
| | | | |
Hujjatning haqiqiyligini tasdiqlovchi QR-kod |
| | | ||
| | | | | | | | |||
Mazkur hujjat Vazirlar Mahkamasining 2017-yil 15-sentabrdagi 728-son qarori bilan tasdiqlangan Oʻzbekiston Respublikasi Yagona interaktiv davlat xizmatlari portali toʻgʻrisidagi nizomga muvofiq shakllantirilgan elektron hujjatning nusxasi hisoblanadi.
Elektron hujjatning nusxasida koʻrsatilgan maʼlumotlar toʻgʻriligini tekshirish uchun edoc.gov.uz veb-saytiga oʻting va elektron hujjatning noyob raqamini kiriting yoki mobil telefon yordamida QR-kodni skaner qiling.
Diqqat! Vazirlar Mahkamasining 2017-yil 15-sentabrdagi 728-son qaroriga muvofiq elektron hujjatlardagi maʼlumotlar qonuniy hisoblanadi. Davlat organlariga Yagona portalda shakllantirilgan elektron hujjatlarning nusxalarini qabul qilishni rad etishlari qatʼiyan taqiqlangan.
Кейинги таҳрирга қаранг.
Вазирлар Маҳкамасининг 2022 йил 9 июндаги 324-сон қарорига
2-ИЛОВА
2-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар
1. Вазирлар Маҳкамасининг 1998 йил 10 июлдаги 293-сон қарори билан тасдиқланган Ахборот фаолияти ва маълумотлар узатишни такомиллаштириш ва самарадорлигини ошириш бўйича идоралараро мувофиқлаштириш комиссияси тўғрисидаги низомнинг 10-банди олтинчи хатбошисидаги «Интеллектуал мулк агентлиги сўзлари» «Адлия вазирлиги» сўзлари билан алмаштирилсин.
2. Вазирлар Маҳкамасининг 2003 йил 1 июлдаги 298-сон қарори билан тасдиқланган Патент вакиллари тўғрисидаги низомда:
а) 2-банднинг учинчи хатбошисидаги «Адлия вазирлиги ҳузуридаги Интеллектуал мулк агентлиги (кейинги ўринларда Агентлик деб аталади)» сўзлари «Адлия вазирлиги (кейинги ўринларда — Вазирлик)» сўзлари билан алмаштирилсин;
б) 3-банддаги «Агентликда» сўзи «Вазирликда» сўзи билан алмаштирилсин;
в) 4-банднинг учинчи хатбошиси ва 5-банддаги «Агентлик» сўзи «Вазирлик» сўзи билан алмаштирилсин;
г) 6-банд қуйидаги таҳрирда баён этилсин:
«6. Патент вакили ўз касб фаолиятини ҳам мустақил равишда якка тадбиркор сифатида, ҳам ёлланиш бўйича ишлаган ҳолда амалга ошириши мумкин»;
д) 63-банд қуйидаги таҳрирда баён этилсин:
«63. Интеллектуал мулк соҳасида мутахассисларни, шу жумладан, патент вакилларини қайта тайёрлаш ва малакасини ошириш Ўзбекистон Республикаси Адлия вазирлиги ҳузуридаги Юристлар малакасини ошириш маркази томонидан амалга оширилади.
Патент вакиллари малакасини ошириш ҳар беш йилда камида бир марта, кейинчалик аттестациядан ўтказиш йўли билан амалга оширилади»;
е) 7-банд қуйидаги таҳрирда баён этилсин:
«7. Номзодни аттестациядан ва рўйхатдан ўтказиш ҳамда патент вакилини аттестациядан ўтказиш Вазирлик томонидан қонунчиликка мувофиқ амалга оширилади»;
ж) 8-банднинг учинчи хатбошиси қуйидаги таҳрирда баён этилсин:
«Малака имтиҳони жараёни узлуксиз овозли видеотасвирга туширилади, шунингдек Вазирликнинг расмий веб-сайтида реал вақт режимида трансляция қилинади. Малака имтиҳони ўтказиш жараёни қайд этилган видеотасвир Вазирлик томонидан бир йил мобайнида сақланади»;
з) 9-бандда:
биринчи хатбошидаги «Агентлик» сўзи «Вазирлик» сўзи билан алмаштирилсин;
иккинчи хатбошидаги «Агентликнинг» сўзи «Вазирликнинг» сўзи билан алмаштирилсин;
тўртинчи хатбоши қуйидаги таҳрирда баён этилсин:
«Апелляция комиссияси номзодлар ёки патент вакилларининг малака комиссияси қарори юзасидан шикоятларини, юридик ва жисмоний шахсларнинг патент вакилининг ноқонуний хатти-ҳаракатлари ёки ушбу Низом талабларини бузадиган хатти-ҳаракатлари юзасидан шикоятларини ҳамда Вазирликнинг белгиланган муддатда аттестациядан ўтмаган патент вакилини Патент вакиллари давлат реестридан (бундан кейин — реестр) чиқариш тўғрисидаги мурожаатини кўриб чиқади»;
и) 10 — 13-бандлар қуйидаги таҳрирда баён этилсин:
«10. Малака комиссия аъзоси бир пайтнинг ўзида апелляция комиссияси аъзоси бўлиши мумкин эмас.
11. Малака комиссияси ишини малака комиссияси раиси бошқаради.
Малака комиссияси раиси бўлмаганда унинг вазифалари вақтинчалик малака комиссияси раиси ўринбосари зиммасига юклатилади.
12. Малака комиссияси қарорлари малака комиссиясининг мажлисида қабул қилинади.
13. Малака комиссияси қарорлари ёзма равишда тузилади ва малака комиссияси раиси ҳамда бошқа аъзолари томонидан имзоланади.
Малака комиссияси қарорига қўшилмаган комиссия аъзоси ўз нуқтаи назарини баён қилишга ҳақлидир»;
к) 15 — 17-бандлар қуйидаги таҳрирда баён этилсин:
«15. Апелляция комиссияси малака комиссияси шакллантириладиган тартибда тузилади.
16. Апелляция комиссияси қарорлари йиғилишда қатнашаётган барча аъзоларнинг кўпчилик овози билан қабул қилинади. Овозлар нисбати тенг бўлганда апелляция комиссияси раисининг овози ҳал қилувчи ҳисобланади.
17. Апелляция комиссияси қарорлари ёзма равишда тузилади ва апелляция комиссияси раиси ҳамда бошқа аъзолари томонидан имзоланади.
Апелляция комиссияси қарорига қўшилмаган комиссия аъзоси ўз нуқтаи назарини баён қилишга ҳақлидир»;
л) 20, 22 — 24 ва 26-бандлардаги тегишли келишикдаги «Агентлик» сўзи тегишли келишикдаги «Вазирлик» сўзи билан алмаштирилсин;
м) 29-банд қуйидаги таҳрирда баён этилсин:
«29. Номзодлар ва патент вакилларини аттестация ҳамда патент вакилларини қўшимча аттестациядан ўтказиш учун Вазирлик томонидан тегишли харажатларни қоплаш учун қонунчиликда белгиланган миқдорларда тўлов ундирилади».
3. Вазирлар Маҳкамасининг «Ўзбекистон Республикаси Президентининг «Тўғридан-тўғри хусусий хорижий инвестицияларни жалб этишни рағбатлантириш борасидаги қўшимча чора-тадбирлар тўғрисида»ги Фармонини амалга ошириш чора-тадбирлари ҳақида» 2005 йил 2 августдаги 180-сон қарорида:
а) 2-банддаги «инвестиция шартномаси тузилади» сўзлари «мажбурий тартибда инвестиция шартномаси тузилади» сўзлари билан алмаштирилсин;
б) 2-илованинг 13-банди биринчи хатбошисидаги «Вазирлик томонидан тайёрланади» сўзлари «Вазирлик томонидан бир ой муддатда тайёрланади» сўзлари билан алмаштирилсин.
4. Вазирлар Маҳкамасининг 2011 йил 28 апрелдаги 122-сон қарори билан тасдиқланган Ўзбекистон Республикасида ишлаб чиқарилаётган маҳсулотларнинг сифат ва хавфсизлик талабларига мувофиқлигини ишлаб чиқарувчи томонидан маълум қилиш тартиби тўғрисидаги низомнинг 11-бандидаги «бўлиши мумкин» сўзлари «бўлади» сўзи билан алмаштирилсин.
5. Вазирлар Маҳкамасининг 2018 йил 1 майдаги 318-сон қарори билан тасдиқланган Ўзбекистон Республикаси Ахборот технологиялари ва коммуникацияларини ривожлантириш вазирлиги ҳузуридаги Алоқа, ахборотлаштириш ва телекоммуникация технологиялари соҳасида назорат бўйича инспекция тўғрисидаги низомда:
а) 11-банднинг 2-кичик банди тўртинчи хатбошисидаги «Интеллектуал мулк агентлигига» сўзлари «Адлия вазирлигига» сўзлари билан алмаштирилсин;
б) 17-бандда:
3-кичик банддаги «Интеллектуал мулк агентлигига» сўзлари «Адлия вазирлигига» сўзлари билан алмаштирилсин;
4-кичик банддаги «Интеллектуал мулк агентлиги» сўзлари «Адлия вазирлиги» сўзлари билан алмаштирилсин.
6. Вазирлар Маҳкамасининг «Давлат ва хўжалик бошқаруви органларининг виртуал маконда иштирокини фаоллаштириш концепциясини тасдиқлаш тўғрисида» 2018 йил 7 августдаги 622-сон қарорига 2-илованинг 8 ва 39-позициялари «Ижро учун масъуллар» устунидаги «Интеллектуал мулк агентлиги» сўзлари «Адлия вазирлиги» сўзлари билан алмаштирилсин.
7. Вазирлар Маҳкамасининг 2019 йил 7 июндаги 467-сон қарори билан тасдиқланган Олий таълим муассасалари рейтингини аниқлаш тартиби тўғрисидаги низомнинг 12-банди бешинчи хатбошисидаги «ҳузуридаги Интеллектуал мулк агентлиги» сўзлари чиқариб ташлансин.
8. Вазирлар Маҳкамасининг 2019 йил 9 октябрдаги 856-сон қарори билан тасдиқланган Ўзбекистон Республикаси Адлия вазирлигининг Апелляция кенгаши тўғрисидаги низомда:
а) 1-банд қуйидаги таҳрирда баён этилсин:
«1. Ушбу Низом «Ихтиролар, фойдали моделлар ва саноат намуналари тўғрисида», «Селекция ютуқлари тўғрисида», «Интеграл микросхемалар топологияларини ҳуқуқий муҳофаза қилиш тўғрисида», «Товар белгилари, хизмат кўрсатиш белгилари ва товар келиб чиққан жой номлари тўғрисида» ва «Географик кўрсаткичлар тўғрисида»ги Ўзбекистон Республикаси қонунларига мувофиқ Ўзбекистон Республикаси Адлия вазирлигининг Апелляция кенгашида (кейинги ўринларда — Апелляция кенгаши) кўриб чиқиладиган масалалар турлари, Апелляция кенгашининг ҳуқуқ ва мажбуриятлари ҳамда унинг фаолиятини ташкил этиш тартиби ва молиялаштириш манбаларини белгилайди»;
б) 5-банднинг «а» кичик банди биринчи хатбошисидаги «Интеллектуал мулк агентлигининг (кейинги ўринларда Агентлик деб аталади)» сўзлари «Интеллектуал мулк маркази» давлат муассасаси (кейинги ўринларда — Давлат муассасаси)» сўзлари билан алмаштирилсин;
в) 6-банднинг тўртинчи хатбошисидаги «Агентлик» сўзи «Вазирлик» сўзи билан алмаштирилсин;
г) 8-банднинг иккинчи ва учинчи хатбошиларидаги «Агентликнинг» сўзи «Давлат муассасасининг» сўзлари билан алмаштирилсин;
д) 11 ва 12-бандлардаги «Агентлик» сўзи «Вазирликнинг Интеллектуал мулк департаменти» сўзлари билан алмаштирилсин;
е) 14-банднинг биринчи хатбошиси ва 27-банддаги «Агентлик» сўзи «Вазирлик» сўзи билан алмаштирилсин;
ж) 24-банддаги «Агентлик» сўзи «Давлат муассасаси» сўзлари билан алмаштирилсин;
з) 28-банднинг биринчи хатбошисидаги «Агентликнинг ҳисоб рақамларига» сўзлари «Вазирликнинг Интеллектуал мулкни ривожлантириш жамғармаси ҳисобварағига» сўзлари билан алмаштирилсин;
и) 29-банднинг биринчи хатбошисидаги «Агентликнинг бюджетдан ташқари маблағлари» сўзлари «Вазирликнинг Интеллектуал мулкни ривожлантириш жамғармаси маблағлари» сўзлари билан алмаштирилсин.
9. Вазирлар Маҳкамасининг «Товар хом ашё биржалари фаолиятига илғор ахборот технологияларини кенг жорий этиш ва электрон тижорат фаолиятини изчил ривожлантириш бўйича қўшимча чора-тадбирлар тўғрисида» 2020 йил 18 мартдаги 170-сон қарорига 1-илованинг 10-позицияси «Масъул ижрочилар» устунидаги «Интеллектуал мулк агентлиги» сўзлари «Адлия вазирлиги» сўзлари билан алмаштирилсин.
10. Вазирлар Маҳкамасининг «Давлат мулки объектларининг ҳисобини юритиш тартибини такомиллаштириш чора-тадбирлари тўғрисида» 2020 йил 8 майдаги 273-сон қарорида:
а) 3-банддаги «ҳузуридаги Давлат хизматлари агентлиги» сўзлари чиқариб ташлансин;
б) 1-иловада:
«а» кичик банднинг биринчи хатбошиси қуйидаги таҳрирда баён этилсин:
«а) Ўзбекистон Республикаси Адлия вазирлиги томонидан:»;
«г» кичик банддаги «ҳузуридаги Интеллектуал мулк агентлиги» сўзлари чиқариб ташлансин;
4-банднинг иккинчи хатбошисидаги «Давлат хизматлари агентлиги» сўзлари «Адлия вазирлиги» сўзлари билан алмаштирилсин.
11. Вазирлар Маҳкамасининг 2020 йил 16 июлдаги 444-сон қарори билан тасдиқланган Электрон ҳукуматнинг маълумотномалар ва классификаторлар регистрини шакллантириш ва юритиш ҳамда ягона идентификаторлардан фойдаланиш тартиби тўғрисидаги низомга 1-иловада:
а) «Адлия вазирлиги» бўлими қуйидаги таҳрирда баён этилсин:
|
« |
|||||
|
Адлия вазирлиги | |||||
|
26. |
Ўзбекистон Республикаси қонунчилик тармоқларининг умумҳуқуқий классификатори |
Тармоқ маълумотнома / классификаторлари |
Қонунчилик тармоқларини таснифлаш учун мўлжалланган. | ||
|
261. |
Товар ва хизматларнинг халқаро классификатори |
Халқаро классификаторлар |
Товар ва хизматларни таснифлаш учун мўлжалланган. | ||
|
262. |
Халқаро патент классификатори |
Халқаро патент классификатори |
Халқаро патент классификатори. | ||
|
263. |
Саноат намуналарининг халқаро классификатори |
Саноат намуналарининг халқаро классификатори |
Саноат намуналарининг халқаро классификатори. | ||
|
». | |||||
б) «Адлия вазирлиги ҳузуридаги Интеллектуал мулк агентлиги» бўлими чиқариб ташлансин.
12. Вазирлар Маҳкамасининг «2030 йилгача бўлган даврда барқарор ривожланиш соҳасидаги миллий мақсад ва вазифаларни амалга оширишни жадаллаштириш бўйича қўшимча чора-тадбирлар тўғрисида» 2022 йил 21 февралдаги 83-сон қарорига 1-илованинг «3.b-вазифа», 8.10-вазифа ва «17.6-вазифа» позициялари «Масъул ижрочилар» устунидаги «Давлат хизматлари агентлиги» ва «Интеллектуал мулк агентлиги» сўзлари «Адлия вазирлиги» сўзлари билан алмаштирилсин.
(Қонунчилик маълумотлари миллий базаси, 10.06.2022 й., 09/22/324/0510-сон; 02.12.2023 й., 09/23/635/0917-сон)
