Ҳужжат 27.05.2022 00 санаси ҳолатига
Амалдаги версияга ўтиш

Ўзбекистон Республикаси Президентининг

Қашқадарё вилояти таркибида Кўкдала тумани ташкил этилиши муносабати билан суд тизимини такомиллаштириш чора-тадбирлари тўғрисида

Қашқадарё вилояти Чироқчи туманининг чегаралари ўзгартирилиши ҳамда Қашқадарё вилояти таркибида Кўкдала тумани ташкил этилиши муносабати билан Ўзбекистон Республикасининг «Судлар тўғрисида»ги Қонунининг 89-моддасига асосан:

1. Қашқадарё вилоятида Жиноят ишлари бўйича Кўкдала туман суди ташкил этилсин.

2. Фуқаролик ишлари бўйича Чироқчи туман суди ҳамда Чироқчи туман иқтисодий суди ўзларининг мавжуд штат бирликлари доирасида тегишинча Фуқаролик ишлари бўйича Чироқчи туманлараро суди ҳамда Чироқчи туманлараро иқтисодий суди этиб қайта ташкил этилсин.

Қашқадарё вилояти Кўкдала тумани Фуқаролик ишлари бўйича Чироқчи туманлараро суди, Чироқчи туманлараро иқтисодий суди ва Қарши туманлараро маъмурий судининг юрисдикция ҳудудига киритилсин.

3. Олий суд ва Молия вазирлигининг Жиноят ишлари бўйича Чироқчи туман судининг битта судья ва битта судья ёрдамчиси штат бирликларини Жиноят ишлари бўйича Кўкдала туман судига ўтказиш тўғрисидаги таклифи маъқуллансин.

4. Олий суд Молия вазирлиги билан биргаликда икки ҳафта муддатда тегишли судларнинг штатлар жадвалига ўзгартиришлар киритсин.

5. Қашқадарё вилояти ҳокимлиги Олий суд билан биргаликда янгидан ташкил этилаётган Жиноят ишлари бўйича Кўкдала туман судининг жойлаштирилишини таъминласин.

6. Ўзбекистон Республикаси Президентининг айрим фармонларига иловага мувофиқ қўшимча ва ўзгартиришлар киритилсин.

7. Мазкур Фармоннинг ижросини назорат қилиш Ўзбекистон Республикаси Президенти маслаҳатчиси Б.Д. Исламов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2022 йил 27 май,

ПФ-142-сон

Ўзбекистон Республикаси Президентининг 2022 йил 27 майдаги ПФ-142-сон Фармонига
ИЛОВА

Ўзбекистон Республикаси Президентининг айрим фармонларига киритилаётган қўшимча ва ўзгартиришлар

1. Ўзбекистон Республикаси Президентининг 2004 йил 20 февралдаги ПФ-3400-сон Фармони билан тасдиқланган Ўзбекистон Республикаси жиноят ишлари бўйича туман (шаҳар) судларининг тузилмасида «Қашқадарё вилояти» бўлими «Чироқчи» сўзидан кейин «Кўкдала» сўзи билан тўлдирилсин.

2. Ўзбекистон Республикаси Президентининг 2020 йил 24 июлдаги «Судлар фаолиятини янада такомиллаштириш ва одил судлов самарадорлигини оширишга доир қўшимча чора-тадбирлар тўғрисида»ги ПФ-6034-сон Фармонида:

а) 10-илованинг «Қашқадарё вилояти» бўлими қуйидаги таҳрирда баён этилсин:

Қашқадарё вилояти
Ғузор туманлараро суди	Деҳқонобод тумани Ғузор тумани
Қарши туманлараро суди	Қарши шаҳар Қарши тумани Нишон тумани
Косон туманлараро суди	Косон тумани Муборак тумани
Касби туманлараро суди	Касби тумани Миришкор тумани
Чироқчи туманлараро суди	Чироқчи тумани Кўкдала тумани
Шаҳрисабз туманлараро суди	Шаҳрисабз шаҳар Китоб тумани Шаҳрисабз тумани
Яккабоғ туманлараро суди	Қамаши тумани Яккабоғ тумани

б) 11-илованинг «Қашқадарё вилояти» бўлими қуйидаги таҳрирда баён этилсин:

Қашқадарё вилояти
Ғузор туманлараро суди	Деҳқонобод тумани Ғузор тумани
Қарши туманлараро суди	Қарши шаҳар Қарши тумани Нишон тумани
Косон туманлараро суди	Косон тумани Муборак тумани
Касби туманлараро суди	Касби тумани Миришкор тумани
Чироқчи туманлараро суди	Чироқчи тумани Кўкдала тумани
Шаҳрисабз туманлараро суди	Шаҳрисабз шаҳар Китоб тумани Шаҳрисабз тумани
Яккабоғ туманлараро суди	Қамаши тумани Яккабоғ тумани

(Қонунчилик маълумотлари миллий базаси, 27.05.2022 й., 06/22/142/0453-сон)