Ҳужжат 10.12.2021 00 санаси ҳолатига
Амалдаги версияга ўтиш

Ўзбекистон Республикаси Президентининг

Қарори

Гидроэнергетикани янада ривожлантириш бўйича қўшимча чора-тадбирлар тўғрисида

Электр энергиясини ишлаб чиқаришда мамлакатимиздаги табиий ва сунъий сув оқимларининг мавжуд гидросалоҳиятидан ва қайта тикланувчи энергия манбаларидан фойдаланиш кўламини янада кенгайтириш, соҳага хусусий инвестицияларни жалб қилиш учун қулай шароитлар яратиш ҳамда шу асосда янги экологик тоза энергия ҳосил қилувчи қувватларни ривожлантириш мақсадида:

1. Республикамизда гидроэнергетикани янада ривожлантириш, мавжуд гидросалоҳиятдан унумли фойдаланишнинг қуйидаги асосий муҳим йўналишлари белгилансин:

электр энергетика соҳасида экологик тоза энергия манбаларидан кенг фойдаланиш ҳисобига изчил янги қувватлар ташкил этишни жадаллаштириш ҳамда амалдаги ишлаб чиқариш қувватларини босқичма-босқич модернизация қилиш орқали 2030 йилда республикадаги гидроэлектр станциялари қувватини 3 416 МВт га етказиш;

Кейинги таҳрирга қаранг.

хусусий сектор ва аҳолини табиий сув оқимларидан фойдаланган ҳолда электр энергиясини ишлаб чиқариш учун кенг жалб этиш, уларни давлат томонидан қўллаб-қувватлаш ва рағбатлантириш, ягона электр энергетикаси тизимига кафолатли уланишини таъминлаш, ишлаб чиқилган электр энергиясини кафолатли харид қилиш тизимини яратиш.

2. Энергетика вазирлиги, Иқтисодий тараққиёт ва камбағалликни қисқартириш вазирлиги, Сув хўжалиги вазирлиги, Давлат геология ва минерал ресурслар қўмитаси, Гидрометеорология хизмати маркази, «Ўзбекгидроэнерго» АЖ ҳамда бошқа манфаатдор вазирлик ва идоралар томонидан ишлаб чиқилган ва қуйидагилардан иборат 2021 — 2030 йилларда гидроэнергетикани янада ривожлантириш бўйича қўшимча чора-тадбирлар дастури (кейинги ўринларда — Дастур) тасдиқлансин:

2021 — 2030 йилларда гидроэнергетикани янада ривожлантириш ва гидросалоҳиятдан фойдаланиш даражасини оширишнинг мақсадли кўрсаткичлари 1-иловага мувофиқ;

Ўзбекистон Республикасининг 2021 — 2023 йилларга мўлжалланган инвестиция дастурига киритилган ва 2022 — 2026 йилларда амалга ошириладиган инвестиция лойиҳаларининг рўйхати 2-иловага мувофиқ;

2024 — 2030 йилларда мавжуд гидросалоҳиятдан фойдаланиш даражасини ошириш, гидроэлектр станциялари янги қувватларини яратиш ва мавжудларини модернизация қилишга қаратилган инвестиция лойиҳалари рўйхати 3-иловага мувофиқ;

хусусий сектор иштирокида кичик гидроэлектр станцияларини қуриш таклиф этилаётган лойиҳалар рўйхати 4-иловага мувофиқ;

2022 — 2025 йилларда кооперация асосида маҳаллийлаштириш учун таклиф этилаётган кичик гидроэлектр станцияларини қуриш ва улардан фойдаланиш учун зарур асбоб-ускуналар, бутловчи ва эҳтиёт қисмлар рўйхати 5-иловага мувофиқ.

Вазирлар Маҳкамасига ушбу қарорнинг 2 — 4-иловаларига, зарур ҳолларда, Дастурнинг умумий параметрлари ҳамда кўрсаткичларини сақлаган ҳолда тузатиш, қўшимча ва ўзгартиришлар киритиш ваколати берилсин.

Кейинги таҳрирга қаранг.

3. Қуйидагилар:

«Ўзбекгидроэнерго» АЖ томонидан 2018 — 2020 йиллар учун молиявий ҳисоботлар молиявий ҳисоботнинг халқаро стандартлари (IFRS) асосида тайёрланганлиги ҳамда 2019-2020 йиллар ҳисоботлари бўйича «PwC» (Pricеwatеrhousе Coopеrs) халқаро консалтинг ташкилотининг ижобий хулосалари олинганлиги;

2020 йилда «Fitch Ratings» халқаро рейтинг агентлигининг «B+» (ижобий) халқаро кредит рейтинги қўлга киритилганлиги, 2021 йил октябрь ойида рейтинг «ВВ-» (барқарор) даражасига кўтарилганлиги;

«Ўзбекгидроэнерго» АЖни молиявий соғломлаштириш, операцион самарадорлигини ошириш, ўрта ва узоқ муддатли ривожланиш стратегияларини ишлаб чиқиш мақсадида «McKinsey&Company» халқаро консалтинг компанияси жалб қилинганлиги маълумот учун қабул қилинсин.

4. «Ўзбекгидроэнерго» АЖ Молия вазирлиги, Энергетика вазирлиги, Иқтисодий тараққиёт ва камбағалликни қисқартириш вазирлиги билан биргаликда икки ой муддатда «McKinsey&Company» халқаро консалтинг компаниясининг якуний хулосасига асосан «Ўзбекгидроэнерго» АЖ операцион самарадорлигини янада ошириш ва корпоратив бошқарувнинг замонавий услубларини жорий қилиш бўйича «Йўл харитаси»ни Вазирлар Маҳкамасига киритсин.

5. Энергетика вазирлиги халқаро тажрибадан келиб чиқиб уч ой муддатда қонунчиликка қуйидагиларни назарда тутувчи ўзгартириш ва қўшимчалар киритиш бўйича таклифларни Вазирлар Маҳкамасига киритсин:

ўрнатилган қуввати 0,5 МВт гача бўлган гидроэлектр станцияларини — микро, 5 МВт гача бўлган гидроэлектр станцияларини — кичик, 30 МВт гача бўлган гидроэлектр станцияларини — ўрта, 30 МВт дан юқори бўлган гидроэлектр станцияларини — йирик гидроэлектр станциялари таснифига киритиш ҳамда ушбу гидроэлектр станцияларини қайта тикланувчи энергия манбалари деб ҳисоблаш;

микро ва кичик гидроэлектр станцияларини (сув йиғиш иншоотларини қуришни кўзда тутмаган ҳолда) давлат-хусусий шериклик ҳамда бозор тамойили асосида ташаббус билдирган хусусий инвесторлар (ташаббускорлар) томонидан қуриш.

6. Белгилансинки:

а) 2022 йил 1 январдан бошлаб «Ўзбекгидроэнерго» АЖ таркибидаги гидроэлектр станциялари томонидан ишлаб чиқариладиган электр энергияси фаолият турига кўра кафолатланган тарзда давлат томонидан электр энергиясини харид қилувчи функцияси (ваколати) берилган орган томонидан қўшилган қиймат солиғини ҳисобга олган ҳолда II тариф гуруҳи истеъмолчилари учун белгиланган тарифга нисбатан:

сув оқими бўйича ишлайдиган гидроэлектр станцияларида — 70 фоиз миқдорда;

электр энергетикаси тизимининг режимига боғлиқ ҳолда диспетчер томонидан тартибга солинадиган, ростловчи гидроэлектр станцияларида — 100 фоиз миқдорда;

гидротўплаш электр станцияларида — 150 фоиз миқдорда сотиб олинади;

Кейинги таҳрирга қаранг.

б) давлат томонидан электр энергиясини харид қилувчи функцияси (ваколати) берилган орган томонидан электр энергиясини янги ишга тушириладиган қуёш, шамол, биогаз электр станцияларидан (бундан саноат кўламидаги 1 МВт ёки ундан ортиқ қувватлар мустасно), қуввати 5 МВт гача бўлган гидроэлектр станцияларидан ўз эҳтиёжлари учун ишлаб чиқарилгандан ортиқча электр энергиясини кафолатланган тарзда сотиб олиш II гуруҳ истеъмолчилари учун белгиланган тарифнинг 80 фоизи миқдорида амалга оширилади;

Кейинги таҳрирга қаранг.

в) хусусий инвесторлар (ташаббускорлар) қуввати 1 МВт гача бўлган қуёш, шамол, биогаз ва қуввати 5 МВт гача бўлган гидроэлектр станцияларида ишлаб чиқарилган электр энергиясини юридик ва жисмоний шахсларга ягона электр энергетика тизимига уланмаган ҳолда, локал тармоқ қуриш орқали шартнома асосида ўзаро келишилган нархларда тўғридан-тўғри етказиб бериш ҳуқуқига эга;

г) «Ўзбекгидроэнерго» АЖнинг гидроэлектр станцияларида ишлаб чиқарилган электр энергиясини сотишдан тушган маблағлар, жалб қилинган кредит маблағларини қайтариш ҳамда фаолият юритаётган гидроэлектр станцияларини сақлаб туриш харажатларини чегириб ташлаган ҳолда, қайта инвестициялаш йўли билан Дастурда инобатга олинган инвестиция лойиҳаларини амалга ошириш учун йўналтирилади.

7. Энергетика вазирлиги «Ўзбекгидроэнерго» АЖ, Молия вазирлиги Инвестициялар ва ташқи савдо вазирлиги, бошқа манфаатдор вазирлик ва идоралар билан биргаликда бир ой муддатда:

хусусий инвесторлар (тадбиркорлар) томонидан 200 та микро гидроэлектр станцияларини қуриш имкони мавжуд бўлган лойиҳалар ва майдонлар рўйхатини;

хусусий инвесторлар (тадбиркорлар) томонидан кичик гидроэлектр станцияларини қуриш ҳамда улардан фойдаланиш тартибини, шунингдек, хусусий инвесторларни рағбатлантириш механизмларини ишлаб чиқиб, тасдиқлаш учун Вазирлар Маҳкамасига киритсин.

8. Энергетика вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

9. Қуйидагиларга:

инвестициялар ва ташқи савдо вазирининг ўринбосари — Ш.А. Вафаевга — мазкур қарорда белгиланган чора-тадбирларнинг ўз вақтида ва тўлиқ амалга оширилишини қатъий назоратга олиш, халқаро молия институтлари ва ташкилотлардан жалб қилинаётган маблағларнинг ўз вақтида ўзлаштирилишини таъминлаш, шунингдек, салоҳиятли инвесторларни излаш ҳамда Дастурда белгиланган инвестиция лойиҳаларини амалга ошириш учун тўғридан-тўғри инвестицияларни жалб қилиш;

иқтисодий тараққиёт ва камбағалликни қисқартириш вазирининг ўринбосари Б.К. Абдиназаровга — гидроэлектр станцияларини қуриш ва улардан фойдаланиш учун зарур ускуна ва эҳтиёт қисмларни маҳаллийлаштириш ва саноат кооперацияси орқали босқичма-босқич ишлаб чиқаришни йўлга қўйиш ҳамда мазкур қарорда инобатга олинган истиқболли лойиҳаларни молиялаштиришда Ўзбекистон Республикаси «яшил» иқтисодиётга ўтиш стратегияси доирасидаги «яшил» молиялаштириш маблағларини жалб қилиш;

«Ўзбекгидроэнерго» АЖ бошқаруви раиси А.А. Сангиновга — Дастурда инобатга олинган инвестиция лойиҳаларининг лойиҳаолди ҳужжатларини ўз вақтида ишлаб чиқиш ҳамда инвестиция лойиҳаларини белгиланган муддатларда фойдаланишга топширишни таъминлаш учун шахсий жавобгарлик юклансин.

10. Мазкур қарор ижросини самарали ташкил қилишга масъул ва шахсий жавобгар этиб энергетика вазири А.С. Султанов ва «Ўзбекгидроэнерго» АЖ бошқаруви раиси А.А. Сангинов белгилансин.

Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосарлари Ж.А. Қўчқоров ва С.У. Умурзаков зиммасига юклансин.

Амалга оширилаётган чора-тадбирлар натижадорлиги юзасидан ҳар чорак якунида Ўзбекистон Республикаси Президентига ахборот бериб борилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 10 декабрь,

ПҚ-44-сон

Ўзбекистон Республикаси Президентининг 2021 йил 10 декабрдаги ПҚ-44-сон қарорига
1-ИЛОВА

2021 — 2030 йилларда гидроэнергетикани янада ривожлантириш ва гидросалоҳиятдан фойдаланиш даражасини оширишнинг мақсадли кўрсаткичлари

											МВт
Т/р	Номи	2020 йил якуни бўйича ишлаб чиқариш қуввати (амалда)	Ишлаб чиқариш қувватларини фойдаланишга топшириш прогнози*							2021 йилга нисбатан ўсиш суръати (ишлаб чиқариш даври бошига), %
Т/р	Номи	2020 йил якуни бўйича ишлаб чиқариш қуввати (амалда)	2021 й.	2022 й.	2023 й.	2024 й.	2025 й.	2026 й.	2030 й.	2026 й.	2030 й.
	Жами	2 004,5	2 051,9	2 224,6	2 232,0	2 377,9	2 381,9	2 835,7	3 416,6	138,2	166,5
	шу жумладан:
1.	йил бошида мавжуд қувватлар	2 004,5	2 004,5	2 051,9	2 224,6	2 232,0	2 377,9	2 381,9	3 088,5	118,8	154,1
2.	янги қувватларни барпо этиш ҳисобига		46,4	21,0	7,4	145,9	4,0	453,8	328,1	9,8 баравар	7,1 баравар
3.	мавжуд қувватларни модернизация қилиш ҳисобига		1,0	151,7

* Фойдаланишга топшириладиган қувватлар ҳажми ва муддатига ишлаб чиқилган ва тасдиқланган ТИАга асосан аниқлик киритилади.

Ўзбекистон Республикаси Президентининг 2021 йил 10 декабрдаги ПҚ-44-сон қарорига
2-ИЛОВА

Ўзбекистон Республикасининг 2021 — 2023 йилларга мўлжалланган инвестиция дастурига киритилган ва 2022 — 2026 йилларда амалга ошириладиган инвестиция лойиҳаларининг

РЎЙХАТИ

Т/р	Лойиҳалар номи	Лойиҳа қуввати (МВт)	шу жумладан қўшимча қувват (МВт)	Йиллик ўртача ишлаб чиқариш (млн кВт. соат)	шу жумладан қўшимча ишлаб чиқариш (млн кВт.с)	Амалга ошириш муддати	Лойиҳанинг умумий қиймати (млн долл.)	шу жумладан молиялаштириш манбалари:		Хорижий ҳамкор/кредитор
Т/р	Лойиҳалар номи	Лойиҳа қуввати (МВт)	шу жумладан қўшимча қувват (МВт)	Йиллик ўртача ишлаб чиқариш (млн кВт. соат)	шу жумладан қўшимча ишлаб чиқариш (млн кВт.с)	Амалга ошириш муддати	Лойиҳанинг умумий қиймати (млн долл.)	ўз маблағлари	кредит маблағлари	Хорижий ҳамкор/кредитор
	ЖАМИ	837,9	742,1	2 700,3	2 353,0		1 419,3	990,0	429,3
	I. 2022 йилда фойдаланишга топшириладиган лойиҳалар	257,6	173,0	969,4	635,7		186,8	68,0	118,8
1.	Самарқанд вилояти Дарғом каналида Шаудар ГЭС қурилиши	7,2	7,2	37,8	37,8	2020 — 2022 йй.	14,9	2,8	12,1	Хитой Эксимбанки
2.	Дарғом каналининг 135+50 пикетида ГЭС қурилиши	7,4	7,4	34,3	34,3	2020 — 2022 йй.	15,7	3,0	12,7	Хитой Эксимбанки
3.	Дарғом каналининг 102+00 пикетида ГЭС қурилиши	6,4	6,4	32,5	32,5	2020 — 2022 йй.	19,1	4,1	15,0	«ВЭБ. РФ»
4.	«Тўпаланг ГЭС» УКни модернизация қилиш	175,0	145,0	467,0	357,0	2019 — 2022 йй.	84,4	46,1	38,3	«ВЭБ. РФ»
5.	«Тошкент ГЭСлар каскади» УКни (ГЭС-1) модернизация қилиш	6,0	2,0	44,4	29,4	2020 — 2022 йй.	12,4	2,9	9,5	Хитой Эксимбанки
6.	«Чирчиқ ГЭСлар каскади» УКни (ГЭС-10) модернизация қилиш	29,0		213,8	53,8	2020 — 2022 йй.	18,5	4,1	14,4	Хитой Эксимбанки
7.	«Самарқанд ГЭСлар каскади» УКни (ГЭС-2Б) модернизация қилиш	26,6	5,0	139,6	90,9	2020 — 2022 йй.	21,7	4,9	16,8	Хитой Эксимбанки
	II. Йилдан-йилга ўтувчи лойиҳалар	500,0	500,0	1 333,1	1 333,1		1 026,3	836,9	189,4
8.	Чотқол дарёсида Қуйи Чотқол ГЭС қурилиши	76,0	76,0	282,0	282,0	2020 — 2024 йй.	143,0	99,6	43,4	«ВЭБ. РФ»
9.	Чорвоқ ГЭСининг фаолияти хавфсизлигини ошириш	объект				2020 — 2023 йй.	14,2	3,8	10,4	ФТА
10.	Рабат, Чаппасуй ва Тамшуш ГЭСлари қурилиши	24,0	24,0	105,1	105,1	2020 — 2024 йй.	69,5	9,5	60,0	ОТБ
11.	Пском дарёсида Пском ГЭС қурилиши	400,0	400,0	946,0	946,0	2018 — 2026 йй.	799,6	724,0	75,6	«ВЭБ. РФ»
	III. 2022 йилда қурилиш бошланадиган лойиҳалар	45,9	45,9	270,5	270,5		123,7	70,9	52,8
12.	Наманган вилоятида Катта Андижон каналида ГЭСлар каскади қурилиши	23,0	23,0	172,5	172,5	2022 — 2024 йй.	67,9	42,7	25,2	аниқланмоқда
13.	Андижон вилояти Жанубий Фарғона каналида ЖФК-3 ГЭС қурилиши	6,9	6,9	33,0	33,0	2021 — 2024 йй.	19,1	4,2	14,9	«ВЭБ. РФ»
14.	Сурхондарё вилояти Тўпаланг дарёсида Зарчоб-3 ГЭС қурилиши*	16,0	16,0	65,0	65,0	2022 — 2024 йй.	36,7	24,0	12,7	аниқланмоқда
	IV. Кичик гидроэлектр станцияларини қуриш режалаштирилган истиқболли инвестиция лойиҳалари*	34,4	23,2	127,3	113,7		82,5	14,2	68,3
15.	Андижон вилоятида Пойтуғ ГЭС қурилиши	5,0	5,0	21,0	21,0	2022 — 2024 йй.	17,7	1,0	16,7	аниқланмоқда
16.	Наманган вилояти Поп тумани Оҳангарон дарёсида Қамчиқ ГЭСлар каскади қурилиши	18,2	18,2	72,4	72,4	2022 — 2026 йй.	41,8	12,5	29,3	аниқланмоқда
17.	Тошкент вилояти Янгийўл туманида «Қуйи-Бўзсув ГЭСлар каскади»УКни (ГЭС-19) модернизация қилиш	11,2		33,9	20,3	2022 — 2024 йй.	23,0	0,7	22,3	аниқланмоқда

* Лойиҳаларнинг қиймати, амалга ошириш муддатлари ва молиялаштириш манбалари ишлаб чиқилган ва тасдиқланган ТИАга асосан аниқлаштирилади

Ўзбекистон Республикаси Президентининг 2021 йил 10 декабрдаги ПҚ-44-сон қарорига
3-ИЛОВА

РЎЙХАТИ

Т/р	Лойиҳалар номи	Лойиҳа қуввати (МВт)	шу жумладан қўшимча қувват (МВт)	Йиллик ўртача ишлаб чиқариш (млн кВт. соат)	шу жумладан қўшимча ишлаб чиқариш (млн кВт. с)	Амалга ошириш муддати	Лойиҳанинг тахминий қиймати (млн долл.)
	ЖАМИ	1 100,6	589,1	4 239,6	2 168,0		1 340,6
I. Йирик гидроэлектр станцияларини қуриш (30 МВтдан юқори) режалаштирилган инвестиция лойиҳалари
1.	Пском дарёсида Муллалақ ГЭС қурилиши	140,0	140,0	397,5	397,5	2023 — 2027 йй.	215,0
2.	Сурхондарё вилояти Тўпаланг дарёсида Кштут ГЭС қурилиши	50,0	50,0	200,0	200,0	2024 — 2028 йй.	100,0
3.	Тошкент вилояти Бўстонлиқ туманида Хўжакент гидротўплаш станцияси (ГАЭС) қурилиши	200,0	200,0	400,0	400,0	2026 — 2030 йй.	320,0
4.	Тошкент вилояти Бўстонлиқ тумани Пском дарёсида Юқори Пском ГЭС қурилиши	100,0	100,0	270,0	270,0	2026 — 2030 йй.	200,0
	Жами	490,0	490,0	1 267,5	1 267,5		835,0
II. Ўрта гидроэлектр станцияларини қуриш (5 — 30 МВт) режалаштирилган инвестиция лойиҳалари
5.	Сурхондарё вилояти Тўпаланг дарёсида Мизот ГЭС қурилиши	25,0	25,0	100,0	100,0	2024 — 2028 йй.	54,6
6.	Сурхондарё вилояти Тўпаланг дарёси Зарчоб-1 ГЭСи қошида ГЭС қурилиши	6,4	6,4	24,0	24,0	2025 — 2028 йй.	13,0
7.	Сурхондарё вилояти Тўпаланг дарёси Зарчоб-2 ГЭСи қошида ГЭС қурилиши	5,0	5,0	21,0	21,0	2025 — 2028 йй.	10,0
8.	Тошкент вилояти Бўстонлиқ тумани Кўксув дарёсида Қуйи Кўксув ГЭС қурилиши	6,0	6,0	33,9	33,9	2025 — 2028 йй.	12,0
9.	Қашқадарё вилояти Яккабоғ тумани Қизилдарё дарёсида ГЭС қурилиши	5,0	5,0	21,9	21,9	2025 — 2028 йй.	10,0
10.	Қашқадарё вилояти Яккабоғ тумани Қизилдарё дарёсида Сувлисой ГЭС қурилиши	5,0	5,0	21,9	21,9	2025 — 2028 йй.	10,0
11.	Қашқадарё вилояти Яккабоғ тумани Қизилдарё дарёсида Самаксой ГЭС қурилиши	5,0	5,0	21,9	21,9	2025 — 2028 йй.	10,0
12.	Қашқадарё вилояти Миришкор тумани Сичанкўл сув ташлаш ҳудудида ГЭС қурилиши	9,7	9,7	62,2	62,2	2027 — 2030 йй.	18,3
13.	Бухоро вилояти Денгизкўл дарёсида ГЭС қурилиши	12,1	12,1	76,8	76,8	2027 — 2030 йй.	17,2
14.	Тошкент вилояти Оҳангарон шаҳри Дўкентсой дарёсида Дўкентсой ГЭС қурилиши	6,3	6,3	21,7	21,7	2028 — 2030 йй.	12,6
	Жами	85,5	85,5	405,3	405,3		167,8
III. Кичик ва микро гидроэлектр станцияларини қуриш режалаштирилган инвестиция лойиҳалари
15.	Қашқадарё вилояти Ҳисорак сув омборида ГЭС қурилиши	2,5	2,5	11,0	11,0	2023-2024 йй.	3,0
16.	Тошкент вилояти Оҳангарон сув омборида ГЭС қурилиши	1,5	1,5	9,3	9,3	2023-2024 йй.	3,0
17.	Фарғона вилояти Фарғона тумани Кўксув дарёсида Шоҳимардон-1 ГЭС қурилиши	1,1	1,1	6,5	6,5	2022-2023 йй.	2,4
18.	Фарғона вилояти Фарғона тумани Кўксув дарёсида Шоҳимардон-2 ГЭС қурилиши	1,1	1,1	6,5	6,5	2022-2023 йй.	2,4
19.	«Шаҳрихон ГЭСлари каскади» УК (ГЭС-5а) қошида ГЭС қурилиши	0,8	0,8	4,6	4,6	2025-2026 йй.	1,8
20.	«Шаҳрихон ГЭСлари каскади» УК (ГЭС-6а) қошида ГЭС қурилиши	0,8	0,8	4,6	4,6	2025-2026 йй.	1,7
21.	Наманган вилояти Уйчи тумани Янгиариқ каналида ГЭС қурилиши	0,2	0,2	1,0	1,0	2022-2023 йй.	0,5
22.	«Шаҳрихон ГЭСлари каскади» УК (ЮФК-1) қошида ГЭС қурилиши	0,1	0,1	1,5	1,5	2025-2026 йй.	0,5
23.	«Шаҳрихон ГЭСлари каскади» УК (ЮФК-2) қошида ГЭС қурилиши	0,1	0,1	1,5	1,5	2025-2026 йй.	0,5
	Жами	8,3	8,2	46,5	46,5		15,8
IV. Мавжуд қувватларни модернизация қилиш режалаштирилган инвестиция лойиҳалари
24.	«Ўрта Чирчиқ ГЭСлар каскади» УКни (ГЭС-28) модернизация қилиш	120,0		466,6	66,6	2026 — 2028 йй.	35,0
25.	«Ўрта Чирчиқ ГЭСлар каскади» УКни (ГЭС-7) модернизация қилиш	84,0		484,1	84,1	2026 — 2028 йй.	40,0
26.	«Қуйи Бўзсув ГЭСлар каскади» УКни (ГЭС-18) модернизация қилиш	7,5	0,5	25,0	12,9	2026 — 2028 йй.	18,0
27.	«Қуйи Бўзсув ГЭСлар каскади» УКни (ГЭС-22) модернизация қилиш	4,7	0,3	26,0	1,1	2026 — 2028 йй.	10,0
28.	«Қуйи Бўзсув ГЭСлар каскади» УКни (ГЭС-23) модернизация қилиш	17,6		100,0	32,0	2026 — 2028 йй.	36,0
29.	«Қодирия ГЭСлар каскади» УКни (ГЭС-15) модернизация қилиш	10,2	1,2	72,1	16,4	2026 — 2028 йй.	15,0
30.	«Тошкент ГЭСлар каскади» УКни (ГЭС-21) модернизация қилиш	3,7	0,1	26,8	8,0	2026 — 2028 йй.	10,0
31.	«Қодирия ГЭСлар каскади» УКни (ГЭС-12) модернизация қилиш	12,7	1,5	109,2	40,8	2027 — 2029 йй.	25,0
32.	«Тошкент ГЭСлар каскади» УКни (ГЭС-4) модернизация қилиш	6,8	0,4	45,0	3,8	2027 — 2029 йй.	18,0
33.	«Чирчиқ ГЭСлар каскади» УКни (ГЭС-8) модернизация қилиш	73,4	1,4	421,2	31,2	2027 — 2029 йй.	45,0
34.	«Ўрта Чирчиқ ГЭСлар каскади» УКни (ГЭС-27) модернизация қилиш	165,0		638,0	138,0	2028 — 2030 йй.	50,0
35.	«Қодирия ГЭСлар каскади» УКни (ГЭС-11) модернизация қилиш	11,2		106,4	13,9	2028 — 2030 йй.	20,0
	Жами	516,8	5,4	2 520,4	448,7		322,0
V. Сув омборларининг фаолияти хавфсизлигини ошириш бўйича инвестиция лойиҳалари
36.	«Ўзбекгидроэнерго» АЖ тизимидаги сув омборларининг фаолияти хавфсизлигини босқичма-босқич ошириш	объект		объект		2021 — 2024 йй.	лойиҳага асосан аниқланади
	Жами

* Лойиҳа кўрсаткичларига ишлаб чиқилган ва тасдиқланган ТИА (ишчи лойиҳа)га асосан аниқлик киритилади.

Ўзбекистон Республикаси Президентининг 2021 йил 10 декабрдаги ПҚ-44-сон қарорига
4-ИЛОВА

Хусусий сектор иштирокида кичик гидроэлектр станцияларини қуриш таклиф этилаётган лойиҳалар

РЎЙХАТИ

Т/р	Лойиҳалар номи	Лойиҳа қуввати (МВт)	Йиллик ўртача ишлаб чиқариш (млн кВт. соат)	Амалга ошириш муддати	Лойиҳанинг тахминий қиймати (млн долл.)
	ЖАМИ	33,8	156,2		74,3
1.	Тошкент вилояти Бўстонлиқ тумани Қорабау дарёсида ГЭС қурилиши	3,7	16,3	2022 — 2026 йй.	7,4
2.	Тошкент вилояти Бўстонлиқ тумани Бадаксой дарёсида ГЭС қурилиши	1,2	6,5	2022 — 2026 йй.	2,4
3.	Тошкент вилояти Бўстонлиқ тумани Угом дарёсида Хумсонсой-1 ГЭС қурилиши	1,0	6,0	2022 — 2026 йй.	2,5
4.	Тошкент вилояти Бўстонлиқ тумани Угом дарёсида Хумсонсой-2 ГЭС қурилиши	1,0	6,0	2022 — 2026 йй.	2,5
5.	Тошкент вилояти Бўстонлиқ тумани Оқсоқ-ота дарёсида ГЭС қурилиши	1,0	5,6	2022 — 2026 йй.	2,5
6.	Наманган вилояти Косонсой тумани Косонсой дарёсида Косонсой-1 ГЭС қурилиши	2,4	10,5	2022 — 2026 йй.	5,5
7.	Қашқадарё вилояти Китоб тумани Қашқадарё дарёсида ГЭС қурилиши	2,0	8,8	2022 — 2026 йй.	5,2
8.	Қашқадарё вилояти Шаҳрисабз тумани Қорадарё дарёсида ГЭС қурилиши	2,5	11,0	2022 — 2026 йй.	5,7
9.	Тошкент вилояти Чиноз тумани Чирчиқ-Бўзсув трактида ГЭС қурилиши	2,5	11,8	2022 — 2026 йй.	5,0
10.	Тошкент вилояти Янгийўл тумани Чирчиқ-Бўзсув трактида ГЭС қурилиши	1,5	6,9	2022 — 2026 йй.	3,0
11.	Тошкент вилояти Бўстонлиқ тумани Урунғоч дарёсида ГЭС қурилиши	1,4	7,1	2022 — 2026 йй.	2,8
12.	Сурхондарё вилояти Қизириқ тумани Истара коллектор каналида ГЭС қурилиши	2,0	10,0	2022 — 2026 йй.	4,7
13.	Сурхондарё вилояти Денов тумани Ҳазарбоғ каналида ГЭС-1 қурилиши	2,0	7,2	2022 — 2026 йй.	4,1
14.	Сурхондарё вилояти Денов тумани Ҳазарбоғ каналида ГЭС-2 қурилиши	2,0	7,2	2022 — 2026 йй.	4,1
15.	Тошкент вилояти Бўстонлиқ тумани Оқсарой дарёсида ГЭС қурилиши	1,2	5,3	2022 — 2026 йй.	2,4
16.	Сурхондарё вилояти Қумқўрғон тумани Қумқўрғон каналида ГЭС қурилиши	1,0	4,0	2022 — 2026 йй.	2,1
17.	Наманган вилояти Косонсой тумани Косонсой дарёсида Косонсой-2 ГЭС қурилиши	2,8	12,4	2022 — 2026 йй.	6,5
18.	Тошкент вилояти Бекобод шаҳри Далверзин дарёсида ГЭС қурилиши	1,0	6,4	2022 — 2026 йй.	2,5
19.	Тошкент вилояти Бўстонлиқ тумани Қорақизсой дарёсида ГЭС қурилиши	0,7	3,6	2022 — 2026 йй.	1,8
20.	Наманган вилояти Чортоқ тумани Чортоқсой дарёсида Чортоқ-3 ГЭС қурилиши	0,3	1,2	2022 — 2026 йй.	0,5
21.	Наманган вилояти Чортоқ тумани Чортоқсой дарёсида Чортоқ-2 ГЭС қурилиши	0,3	1,2	2022 — 2026 йй.	0,5
22.	Наманган вилояти Намангансой дарёсида ГЭС қурилиши	0,2	1,4	2022 — 2026 йй.	0,7

* Лойиҳа кўрсаткичларига ишлаб чиқилган ва тасдиқланган лойиҳа ҳужжатларига асосан аниқлик киритилади.

** Лойиҳаларни амалга ошириш бўйича хусусий инвесторлар томонидан ташаббус билдирилмаган тақдирда, ушбу лойиҳалар «Ўзбекгидроэнерго» АЖ томонидан амалга оширилади.

Ўзбекистон Республикаси Президентининг 2021 йил 10 декабрдаги ПҚ-44-сон қарорига
5-ИЛОВА

РЎЙХАТИ

Т/р	ТН ВЭД коди	Маҳсулот номи
I-босқич. 2021 — 2023 йилларда ишлаб чиқарилиши йўлга қўйиладиган кичик гидроэлектр станцияларини қуриш ва улардан фойдаланиш учун зарур асбоб-ускуналар, бутловчи ва эҳтиёт қисмлар
1.	7305 31 000 0	Сув келувчи қувур
2.	8481 80 990 7	Сув тўсувчи қурилма
3.	7308 90 980 9	Чиқиндиларни ушлаб қолувчи панжара
4.	8410 11 000 0	Спирал камераси
5.	8428 90 900 0	Винтли кўтарувчи қурилма
6.	7305 31 000 0	Чиқувчи конус қувури
II-босқич. 2022 — 2024 йилларда хорижий ва маҳаллий ишлаб чиқарувчиларни жалб этган ҳолда кооперация асосида маҳаллийлаштириш учун таклиф этилаётган кичик гидроэлектр станцияларини қуриш ва улардан фойдаланиш учун зарур асбоб-ускуналар, бутловчи ва эҳтиёт қисмлар
7.	8501 62 000 0	Пастки крестовина
8.	8501 62 000 0	Юқори крестовина
9.	8410 11 000 0	Компенсатор
10.	8501 62 000 0	Ток ҳалқаси (Статор)
11.	8410 11 000 0	Турбина вали
12.	8410 11 000 0	Қайта тиклаш қопқоғи
13.	8410 11 000 0	Йўналтирувчи аппарат кураги
14.	8410 11 000 0	ТВС фланецлар

Кейинги таҳрирга қаранг.

(Қонунчилик маълумотлари миллий базаси, 10.12.2021 й., 07/21/44/1155-сон; 10.09.2022 й., 06/22/220/0812-сон; 31.03.2023 й., 07/23/104/0182-сон; 13.10.2023 й., 06/23/169/0769-сон)