Т/р	Чора-тадбирлар номи	Амалга ошириш шакли	Амалга ошириш муддатлари	Масъул ижрочилар
1.	Пенсия ёшига яқин қолган ҳамда ногиронлик ёки боқувчисини йўқотганлик пенсиясини тайинлаш учун мурожаат қилган фуқароларнинг «Ўзархив» агентлиги ёки идоравий архивда мавжуд ҳужжатлари асосида меҳнат стажи давридаги иш ҳақи тўғрисидаги маълумотларини (охирги 10 йиллик меҳнат фаолияти даври 2005 йилдан аввалги даврга тўғри келганда) «Ягона меҳнат миллий тизими» идоралараро дастурий-аппарат комплексидан (кейинги ўринларда — ЯММТ ИДАК) автоматик равишда юборилган электрон сўровга асосан «Ўзархив» агентлигининг электрон дастури томонидан тасдиқланган маълумотлар асосида ҳамда идоравий архивлар томонидан киритишни жорий этиш.	Техник йўриқнома	2021 йил июнь	Бандлик ва меҳнат муносабатлари вазирлиги (Н. Хусанов), «Ўзархив» агентлиги (У. Юсупов), Молия вазирлиги (Т. Ишметов), идоравий архивлари мавжуд вазирлик ва идоралар
2.	Бугунги кунда фаолият юритаётган корхонада ишлаган собиқ ходимларнинг архив идораларига тақдим этилмаган 2005 йилгача иш ҳақи тўғрисида маълумотларини (охирги 10 йиллик меҳнат фаолияти даври 2005 йилдан аввалги даврга тўғри келганда) «ЯММТ» ИДАКдан юборилган сўровга кўра тасдиқланган маълумотлар асосида киритишни жорий этиш.	Амалий чора-тадбирлар	2021 йил июнь	Бандлик ва меҳнат муносабатлари вазирлиги (Н. Хусанов)
3.	«ЯММТ» ИДАКга киритилган ходимнинг тегишли меҳнат стажи даври учун иш ҳақи тўғрисида маълумотларини тегишли корхона ва ташкилотлар томонидан «ЯММТ» ИДАКга киритилишини мониторинг қилиб бориш ҳамда ижросини таъминланмаганлиги учун жарима тўлашни жорий этиш.	Амалий чора-тадбирлар	2021 йил июнь	Бандлик ва меҳнат муносабатлари вазирлиги (Н. Хусанов), Адлия вазирлиги (Р. Давлетов)
4.	Ташқи ишлар вазирлиги томонидан Ўзбекистон Республикасининг дипломатик ваколатхоналари ва консуллик муассасалари ходимлари, шунингдек, халқаро ҳукуматлараро ташкилотларга квота қилинган лавозимларга хизмат сафарига юборилган шахсларнинг ойлик иш ҳақи тўғрисидаги маълумотларни Давлат солиқ қўмитасининг электрон базасидан, меҳнат стажи ҳамда уларнинг турмуш ўртоқлари тўғрисидаги маълумотларни ЯММТ дастури орқали олинишини жорий этиш.	Амалий чора-тадбирлар	2021 йил июнь	Бандлик ва меҳнат муносабатлари вазирлиги (Н. Хусанов), Ташқи ишлар вазирлиги (А. Камилов), Давлат солиқ қўмитаси (Ш. Кудбиев)
5.	Пенсия ёшига яқин қолган ҳамда ногиронлик ёки боқувчини йўқотганлик пенсиясини тайинлаш учун мурожаат қилган фуқароларнинг ҳарбий хизмат даврини ЯММТ дастурида верификациялашни жорий этиш.	Амалий чора-тадбирлар	2021 йил ноябрь	Бандлик ва меҳнат муносабатлари вазирлиги (Н. Хусанов)
5.	ЯММТ дастурига киритилган фуқароларнинг байналмилал бурчни бажаришда жанговар ҳаракатлар (Афғон ва бошқа урушлар)да иштирок этиш даври тўғрисида маълумотларни ЯММТ дастурига киритиш механизмини жорий этиш.	Техник топшириқ	2021 йил декабрь	Мудофаа вазирлиги (Б. Курбанов)
6.	ЯММТ дастурига киритилган фуқароларнинг олий таълим муассасаларидаги ўқиш даврини тасдиқлаш ва ундан фойдаланиш.	Техник йўриқнома	2021 йил декабрь	Олий ва ўрта махсус таълим вазирлиги (А. Тошқулов)
7.	Пенсия тайинлаш учун мурожаат қилган ҳарбийлаштирилган тизимда ишлаган ходимларнинг ойлик иш ҳақи ва меҳнат стажи тўғрисидаги маълумотларни ЯММТ дастурига киритиш тизимини жорий этиш. Пенсия тайинлаш учун мурожаат қилган фуқароларга бюджетдан ташқари Пенсия жамғармаси ёки ҳарбийлаштирилган тизим орқали пенсия тайинланганлиги ёки тайинланмаганлигини тасдиқлаш (ҳа ёки йўқ) бўйича веб-сервис ишлаб чиқиш.	Техник топшириқ	2022 йил январь	Мудофаа вазирлиги (Б. Курбанов), Ички ишлар вазирлиги (П. Бобожонов), Фавқулодда вазиятлар вазирлиги (А. Қўлдошев), Давлат хавфсизлик хизмати (А. Азизов), Президент хавфсизлик хизмати (А. Усманов), Миллий гвардия (Р. Джураев), Давлат божхона қўмитаси (М. Азимов), Пенсия жамғармаси (А. Хайдаров)
8.	Фуқароларнинг оила таркиби, жумладан қариндошлик даражаси (эр-хотин, ота-она ва фарзанд)ни жисмоний шахсларнинг шахсий идентификация рақами (ПИНФЛ) бўйича электрон маълумотлар базасини шакллантириш.	Амалий чора-тадбирлар	2022 йил январь	Адлия вазирлиги (Р. Давлетов)
8.	Боқувчисини йўқотганлик ва ёшга доир (аёллар) пенсия тайинлашда оила таркиби ва фарзандлари тўғрисида маълумотларни автоматик равишда аниқлаш бўйича ўзаро электрон ахборот алмашинувига ўзгартириш киритиш.	Техник йўриқнома	2022 йил январь	Адлия вазирлиги (Р. Давлетов), Пенсия жамғармаси (А. Хайдаров)
9.	ЯММТ дастурида жамғариб бориладиган пенсия ҳисобварағи (ЖБПҲ) ва иш ҳақининг якка тартибдаги реестри маълумотлари асосида фуқаронинг 2005 йилдан кейинги даврдаги меҳнат стажини верификациялаш ҳолати ҳамда уларнинг ойлик иш ҳақи миқдорлари тўғрисида маълумотлар билан танишиш имкониятини яратиш. ЖБПҲ бир хил очилган, жамғариб бориладиган пенсия тизимига ажратмаларнинг фуқаролар кесимида реестри тақдим этилмаган ёки нотўғри тақдим этилган ҳолатларни, шунингдек, фуқаро ўзининг меҳнат фаолияти ва иш ҳақидаги маълумотларда тафовутни аниқласа, ушбу хатони иш берувчи, АТ «Халқ банки» ва Давлат солиқ қўмитаси томонидан бартараф этиш тизимини жорий этиш.	Амалий чора-тадбирлар	2022 йил январь	Бандлик ва меҳнат муносабатлари вазирлиги (Н. Хусанов), АТ «Халқ банки» (Ф. Саломов), Давлат солиқ қўмитаси (Ш. Кудбиев)
10.	Оғир меҳнат шароитлари бўйича иш ўринлари аттестациядан ўтказилганлиги бўйича маълумотларни ЯММТ дастурида қайд этиш тизимини жорий қилиш.	Техник йўриқнома Дастурий таъминотида янги модуль яратиш	2021 йил сентябрь	Бандлик ва меҳнат муносабатлари вазирлиги (Н. Хусанов)
11.	Имтиёзли пенсияга чиқиш ҳуқуқини берувчи лавозимлар бўйича (патологоанатомия муассасалари ва суд-тиббий экспертизалари, моховхоналарда, вабога қарши муассаса, иммунодефицит вируси билан касалланган шахслар даволанадиган юқумли касалликлар муассасаларида ва бошқа) ЯММТ дастурида «маълумотнома» киритиш ҳамда у�бу лавозимларда ишлаган фуқароларни дастурда қайд этиш.	Техник йўриқнома Дастурий таъминотида янги модуль яратиш	2021 йил сентябрь	Бандлик ва меҳнат муносабатлари вазирлиги (Н. Хусанов), Адлия вазирлиги (Р. Давлетов), манфаатдор вазирлик ва идоралар
12.	Меҳнат органлари томонидан тузилган меҳнатда майибланиш ва касб касаллиги оқибатида ногиронлик далолатномаси (Н-1 акт)нинг электрон базасини яратиш.	Электрон база ташкил этиш	2021 йил сентябрь	Бандлик ва меҳнат муносабатлари вазирлиги (Н. Хусанов)
13.	Технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) қисқарганлиги ёхуд корхонанинг тугатилгани муносабати билан ишдан озод этилган ва ишсиз деб эътироф этилган ходимларнинг электрон базасини яратиш.	Электрон база ташкил этиш	2021 йил сентябрь	Бандлик ва меҳнат муносабатлари вазирлиги (Н. Хусанов)
14.	Чернобиль ҳалокати иштирокчилари ва Иккинчи жаҳон уруши ногиронларига ҳар йилги санаторий ва курортда бепул даволаниши учун берилган йўлланмалар электрон базасини яратиш.	Электрон база ташкил этиш	2021 йил сентябрь	Соғлиқни сақлаш вазирлиги (А. Азизов), Касаба уюшмалари федерацияси Кенгаши (Қ. Рафиков)
15.	Ишламайдиган фуқароларга ўзларининг меҳнат дафтарчаларидаги меҳнат стажи тўғрисидаги маълумотларини Бандликка кўмаклашиш марказларига мурожаат қилиш орқали ЯММТ ИДАКга киритиш хизматини жорий этиш.	Техник йўриқнома Дастурий таъминотида янги модуль яратиш	2021 йил сентябрь	Бандлик ва меҳнат муносабатлари вазирлиги (Н. Хусанов)
16.	Соғлиқни сақлаш вазирлиги педиатрия тиббий-ижтимоий эксперт комиссияларида 18 ёшгача ногиронлиги бўлган болалар тўғрисида тиббий хулосаларнинг электрон ахборот базасини шакллантириш.	Электрон база ташкил этиш	2021 йил июнь	Соғлиқни сақлаш вазирлиги (А. Азизов), Тиббий-ижтимоий хизматларни ривожлантириш агентлиги (А. Инаков)
16.	Пенсия ва нафақа тайинлаш учун мурожаат қилинган фуқароларнинг ёки фарзандларининг ногиронлиги мавжудлиги тўғрисида маълумотларни жисмоний шахсларнинг шахсий идентификация рақами асосида тақдим этиш тизимини жорий этиш.	Техник йўриқнома	2021 йил июнь
17.	Фуқаро вафот этганлигини соғлиқни сақлаш муассасалари, жумладан оилавий шифокор пунктларида қайд қилиш ҳамда «ФҲДЁнинг ягона электрон архиви» ахборот тизимини Соғлиқни сақлаш вазирлигининг «ТИЭК» электрон базаси билан интеграция қилиш.	Техник йўриқнома	2021 йил июнь	Соғлиқни сақлаш вазирлиги (А. Азизов), Адлия вазирлиги (Р. Давлетов)
18.	Ички ишлар вазирлигининг «Манзил» ва «Пенсия» ахборот тизимлари ўртасида электрон ахборот алмашинувини йўлга қўйиш.	Техник йўриқнома	2022 йил январь	Пенсия жамғармаси (А. Хайдаров), Ички ишлар вазирлиги (П. Бобожонов)
18.	Ўзбекистон Республикаси ҳудудидан доимий яшаш учун чет элга кўчиб кетаётган фуқароларнинг электрон маълумотларини «Манзил» ахборот тизими орқали «Пенсия» ахборот тизимига автоматик равишда юбориш механизмини жорий этиш.	Дастурий таъминотида янги модуль яратиш	2022 йил январь
19.	Жазони ижро этиш муассасаларида жазони ўтаётган маҳбусларнинг шахсий идентификация рақами асосида электрон базани шакллантириш. Жазони ижро этиш муассасаларидаги ва манзил-колонияларда жазони ўтаётган озодликдан маҳрум этишга ҳукм қилинган фуқароларнинг маълумотларини Пенсия жамғармасига юбориш орқали уларнинг пенсия тўловларини автоматик тўхтатиш ва пенсия тайинлаш учун аризаларни қабул қилиш тизимини жорий этиш.	Техник йўриқнома	2021 йил октябрь	Ички ишлар вазирлиги (П. Бобожонов), Пенсия жамғармаси (А. Хайдаров)
20.	Ҳар бир пенсия ва нафақа олувчиларни идентификациялаш орқали шахсий ҳисобварақлар очиш, пенсиялар ва нафақалар тўлашнинг онлайн режимда ҳисоби ҳамда назоратини юритиш бўйича автоматлаштирилган тизимини ишлаб чиқиш ҳамда тендерда ғолиб бўлган тижорат банклари ва бошқа ихтисослашган ташкилотлар (тўлов операторлари) томонидан жорий этиш.	Техник йўриқнома Дастурий таъминотида янги модуль яратиш	2021 йил декабрь	Ахборот технологиялари ва коммуникацияларини ривожлантириш вазирлиги (О. Пекось), Пенсия жамғармаси (А. Хайдаров), тўлов операторлари
21.	Автоматлаштирилган тўлов тизимини Пенсия жамғармаси, барча тижорат банклари ва бошқа ихтисослашган ташкилотлар, ФҲДЁ ва «Электрон нотариус» ахборот тизимлари билан интеграция қилиш.	Техник йўриқнома	2021 йил декабрь	Ахборот технологиялари ва коммуникацияларини ривожлантириш вазирлиги (О. Пекось), Пенсия жамғармаси (А. Хайдаров), тўлов операторлари
22.	Пенсия ва нафақа олувчиларнинг танловига кўра белгиланган миқдор ҳамда муддатларда маблағларни уларнинг шахсий ҳисобварағи орқали автоматик равишда коммунал, солиқ, кредит ёки бошқа тўловларга ўтказиш имкониятини берувчи «режали тўлов» хизматини ишлаб чиқиш.	Техник йўриқнома	2022 йил январь	Тўлов операторлари, Марказий банк (М. Нурмуратов)
23.	Барча пенсия ва нафақа олувчиларга шахсий ҳисоб рақам очиш ва тўловларни етказиб бериш шартлари (пенсия ва нафақаларни етказиб бериш) бўйича шартномалар расмийлаштириш.	Амалий чора-тадбирлар	2021 йил декабрь	Тўлов операторлари, Марказий банк (М. Нурмуратов)
24.	Пенсия ва нафақалар тўлови учун маблағларни Пенсия жамғармаси ҳудудий бошқармаси томонидан тўғридан-тўғри тўлов операторининг марказий ҳисоб рақамига молиялаштириш ҳамда ҳисоб-китобларини марказлашган ҳолда юритиш тартибини жорий этиш.	Техник йўриқнома	2022 йил январь	Молия вазирлиги (Т. Ишметов), Пенсия жамғармаси (А. Хайдаров), тўлов операторлари
25.	Шахсий ҳисобварағидаги пенсия ва нафақаларни нақд ёки нақд пулсиз шаклга ўтказиш ҳамда нақд пулни етказиб бериш шартларини (банк филиали, маҳалла фуқаролар йиғинлари биноси ёки фуқаронинг яшаш манзили) белгилаш бўйича мобил илова ишлаб чиқиш ҳамда телефон орқали фуқаролар билан ишлашга ихтисослашган «Call center» ташкил этиш.	Амалий чора-тадбирлар	2022 йил январь	Тўлов операторлари, Марказий банк (М. Нурмуратов), Пенсия жамғармаси (А. Хайдаров)
26.	Тўлов операторлари томонидан тўловларни етказиб бериш бўйича кечиктирилган хизматлар учун пенсия ва нафақа олувчиларга жарима тўлаш тартиби татбиқ этиш ҳамда пенсия ва нафақаларни тўлаш бўйича кўрсатилаётган хизматларни фуқаролар томонидан баҳолаб бориш тизимини жорий қилиш ҳисобига Пенсия жамғармасининг тўловларнинг тўлиқ ҳамда тўғри етказилиши устидан мониторинг ва назорат функциясини қисқартириш.	Амалий чора-тадбирлар	2022 йил январь	Тўлов операторлари, Пенсия жамғармаси (А. Хайдаров)
27.	Пенсия ва нафақа тўловлари учун талаб этиладиган маблағларни ҳар ойнинг 5-санасига қадар пенсия ва нафақа олувчиларнинг шахсий ҳисобварақларига молиялаштириш.	Амалий чора-тадбирлар	2022 йил январь	Пенсия жамғармаси (А. Хайдаров), Молия вазирлиги (Т. Ишметов)
28.	Пенсияларни қатъиян фуқаронинг ЯММТга киритилган ва верификациялашган меҳнат стажи ҳамда 2005 йилгача архив идоралари, 2005 — 2015 йиллар учун АТ «Халқ банки»нинг жамғариб бориладиган пенсия тизими ва 2015 йилдан кейинги давр учун Давлат солиқ қўмитасининг фуқароларнинг суғурта бадалларини якка тартибда ҳисобга олишнинг марказлаштирилган электрон реестри ва фуқаролар иш ҳақининг якка тартибдаги ҳисобини юритишнинг марказлаштирилган электрон реестридаги иш ҳақи тўғрисидаги маълумотлари асосида ҳисоблаш. Пенсия тайинлаш учун мурожаат қилган фуқаронинг меҳнат фаолияти даври тўғрисидаги маълумотлар ЯММТда мавжуд бўлмаса, Бандликка кўмаклашиш марказлари орқали киритишни ташкил этиш. Бунда, ЯММТ дастурига киритилган иш стажи ҳамда архив идоралари, АТ «Халқ банки» ва Давлат солиқ қўмитасининг электрон маълумотлари асосида иш ҳақи тўғрисидаги маълумотлари тасдиқлангандан сўнг, пенсияни қайта ҳисоблаш.	Амалий чора-тадбирлар	2022 йил июль	Пенсия жамғармаси (А. Хайдаров), Бандлик ва меҳнат муносабатлари вазирлиги (Н. Хусанов), Давлат солиқ қўмитаси (Ш. Кудбиев), АТ «Халқ банки» (Ф. Саломов)
29.	Пенсияларни тайинлаш ва тўлаш учун талаб этиладиган ҳужжатларни ушбу «Йўл харитаси»га мувофиқ босқичма-босқич электрон шаклга ўтказилиши билан фуқаролардан тасдиқловчи ҳужжат талаб этилмасдан электрон маълумот асосида иш юритиш тизимини жорий этиш.	Амалий чора-тадбирлар	2021-2022 йиллар давомида	Пенсия жамғармаси (А. Хайдаров)
30.	«Йўл харитаси»га мувофиқ белгиланган муддатларда вазирлик ва идораларнинг идоравий ахборот тизимларини ривожланган хорижий давлатлар тажрибасини ўрганган ҳолда шакллантириш бўйича техник ҳужжатларни (паспорт, концепция, техник топшириқ) ишлаб чиқиш. Вазирлик ва идоралар томонидан пенсияларни тайинлаш учун талаб этиладиган маълумотларни электрон шаклда тақдим этиш юзасидан ахборот тизимини шакллантириш ва такомиллаштириш бўйича нархларни аниқлаш, шунингдек, идоралараро интеграция қилинишида амалий ёрдам кўрсатиш. Ахборот тизимларини шакллантириш ва такомиллаштириш ишлари тегишли вазирлик ва идораларнинг тегишли бюджет ва бюджетдан ташқари маблағлари ҳисобидан амалга оширилади.	Амалий чора-тадбирлар	2021-2022 йиллар давомида	Ахборот технологиялари ва коммуникацияларини ривожлантириш вазирлиги (О. Пекось), Пенсия жамғармаси (А. Хайдаров), Молия вазирлиги (Т. Ишметов), Бандлик ва меҳнат муносабатлари вазирлиги (Н. Хусанов), манфаатдор вазирлик ва идоралар

Кейинги таҳрирга қаранг.

Ўзбекистон Республикаси Президентининг 2021 йил 4 майдаги ПҚ-5102-сон қарорига
2-ИЛОВА

Молия вазирлиги ҳузуридаги бюджетдан ташқари Пенсия жамғармаси ижро этувчи аппарати

тузилмаси

Ижро этувчи директор

Ёрдамчи

Ижро этувчи директорнинг биринчи ўринбосари

Ижро этувчи директорнинг ўринбосари

Ички аудит ва молиявий назорат бошқармаси

Бош юрисконсульт

Тўлов тизимини ривожлантириш ва даромадлар ҳисобини юритиш бошқармаси

Норматив базани такомиллаштириш ва пенсия тизимини истиқболли ривожлантириш бошқармаси

Кадрлар хизмати сектори

Ички аудит ва молиявий назорат бўлими

Ижро интизомини назорат қилиш ва мувофиқлаштириш бошқармаси

Пенсия ва нафақа тўлови тизимини такомиллаштириш бўлими

Норматив базани такомиллаштириш ва методология бўлими

Пенсия ва нафақаларни тайинлаш мониторинги бўлими

Ижро интизомини назорат қилиш, оммавий ахборот воситалари билан ишлаш ва халқаро муносабатлар бўлими

Даромадларни прогнозлаштириш ва ошириш бўйича чоралар ишлаб чиқиш бўлими

Ахборот-таҳлил бўлими

«Ижтимоий ҳимоя ягона реестри» ахборот тизимини жорий этиш бошқармаси

Бухгалтерия ҳисоби ва ҳисоботи бўлими

Жисмоний ва юридик шахсларнинг мурожаатларини кўриб чиқиш бўлими

«Ижтимоий ҳимоя ягона реестри» ахборот тизими орқали нафақа ва моддий ёрдамларни тайинлаш бўйича мурожаатлар билан ишлаш шуъбаси

Ахборот технологиялари ва инновацияларни жорий этиш бошқармаси

Call-center

Интерактив хизматлар ва автоматлаштирилган тизимлар билан ишлаш бўлими

Сўровлар билан ишлаш гуруҳи

«Ижтимоий ҳимоя ягона реестри» ахборот тизимини мувофиқлаштириш бўлими

Девонхона

Ташқи тизимлар билан электрон маълумот алмашинуви мониторинги бўлими

Бошқарув ходимларининг умумий чекланган сони 46 нафар, ишлаб чиқариш ходимлари — 6 нафар.

Ўзбекистон Республикаси Президентининг 2021 йил 4 майдаги ПҚ-5102-сон қарорига
3-ИЛОВА

Молия вазирлиги ҳузуридаги бюджетдан ташқари Пенсия жамғармасининг Қорақалпоғистон Республикаси, вилоятлар ва Тошкент шаҳар бошқармаларининг

намунавий тузилмаси

Бошлиқ

Бошлиқ ўринбосари

Марказлашган бухгалтерия ҳисоби ва ҳисоботи бўлими

3-4

Юридик бюро

1 — 3

Пенсия, нафақа ва бошқа тўловларни молиялаштириш бўлими

3 — 5

Кадрлар бўйича бош мутахассис

Ички аудит, пенсия, нафақа ва бошқа тўловларни тайинлаш мониторинги шуъбаси

2-3

Жисмоний ва юридик шахсларнинг мурожаатлари ва оммавий ахборот воситалари билан ишлаш бўлими

2 — 4

«Пенсия» дастурий таъминоти маъмуриятчилиги шуъбаси

Ижро назорати, ахборот таҳлилий ишлар ва статистика шуъбаси

«Ижтимоий ҳимоя ягона реестри» ахборот тизимини мувофиқлаштириш шуъбаси

Ҳудудий бошқарма ходимларининг чекланган сони:

бошқарув ходимлари — 14-15 нафар.

ишлаб чиқариш ходимлари — 3 — 9 нафар.

Ҳудудий бошқармалар ходимларининг умумий чекланган сони:

бошқарув ходимлари — 210 нафар.

ишлаб чиқариш ходимлари — 87 нафар.

Ўзбекистон Республикаси Президентининг 2021 йил 4 майдаги ПҚ-5102-сон қарорига
4-ИЛОВА

Молия вазирлиги ҳузуридаги бюджетдан ташқари Пенсия жамғармаси туман (шаҳар) бўлимларининг

намунавий тузилмалари

Бошлиқ

Бошлиқ ўринбосари

«Ижтимоий ҳимоя ягона реестри» ахборот тизими орқали давлат ижтимоий хизматлари ва ёрдамларини кўрсатиш шуъбаси

1 — 8

Пенсияларни тайинлаш комиссияси

Пенсия, нафақа ва бошқа тўловларни тайинлаш (қайта ҳисоблаш) ва бошқа тўловларни ташкил қилиш шуъбаси

1 — 27

Туман (шаҳар) бўлими ходимларининг чекланган сони:

бошқарув ходимлари — 2 — 9 нафар.

ишлаб чиқариш ходимлари — 1 — 29 нафар.

Туман (шаҳар) бўлимлари ходимларининг умумий чекланган сони:

бошқарув ходимлари — 819 нафар.

ишлаб чиқариш ходимлари — 2 027 нафар.

Ўзбекистон Республикаси Президентининг 2021 йил 4 майдаги ПҚ-5102-сон қарорига
5-ИЛОВА

Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар

1. Ўзбекистон Республикаси Президентининг 2006 йил 23 мартдаги «Шахсий ёрдамчи, деҳқон ва фермер хўжаликларида чорва молларни кўпайтиришни рағбатлантириш чора-тадбирлари тўғрисида»ги ПҚ-308-сон қарори 1-бандининг иккинчи хатбошисидаги «бюджетдан ташқари Пенсия жамғармасига суғурта бадаллари бир йилда базавий ҳисоблаш миқдорининг камида тўрт ярим баравари миқдорида» сўзлари «йилига базавий ҳисоблаш миқдорининг камида бир баравари миқдорида ихтиёрий тартибда ижтимоий солиқ» сўзлари билан алмаштирилсин.

2. Ўзбекистон Республикаси Президентининг 2009 йил 30 декабрдаги «Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг ташкилий тузилмасини шакллантириш чора-тадбирлари тўғрисида»ги ПҚ-1252-сон қарорида:

а) 1-бандда:

учинчи ва тўртинчи хатбошилар чиқариб ташлансин;

бешинчи ва олтинчи хатбошилар тегишинча учинчи ва тўртинчи хатбошилар деб ҳисоблансин;

б) 2-банднинг бешинчи хатбошисидаги «меҳнат ҳақи шартлари» сўзларидан кейин «(кўп йиллик ишлаганлик учун ҳар ойлик устама бундан мустасно)» сўзлари билан тўлдирилсин;

в) 2 — 4-иловалари ўз кучини йўқотган деб топилсин.

3. Ўзбекистон Республикаси Президентининг 2017 йил 2 февралдаги «Иш ҳақи, пенсия, нафақа ва стипендияларни тўлаш механизмини такомиллаштиришга доир қўшимча чора-тадбирлар тўғрисида»ги ПҚ-2753-сон қарори 3-бандидаги «Ўзбекистон почтаси» акциядорлик жамияти» сўзлари «АТ «Халқ банки» сўзлари билан алмаштирилсин.

4. Ўзбекистон Республикаси Президентининг 2018 йил 25 декабрдаги ПҚ-4076-сон қарори билан тасдиқланган Ўзбекистон Республикаси Қуролли Кучларида тинчлик ва уруш даврида тиббий кўрикдан ўтказиш тўғрисидаги низомнинг 21-банди «в» кичик бандидаги «Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси» сўзлари «Ўзбекистон Республикаси Тиббий-ижтимоий хизматларни ривожлантириш агентлиги» сўзлари билан алмаштирилсин.

5. Ўзбекистон Республикаси Президентининг 2019 йил 30 декабрдаги «Ўзбекистон Республикасининг «2020 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида»ги ПҚ-4555-сон қарори 7-банди ва унга 2-илова ўз кучини йўқотган деб ҳисоблансин.

6. Ўзбекистон Республикаси Президентининг 2020 йил 28 апрелдаги «Рақамли иқтисодиёт ва электрон ҳукуматни кенг жорий этиш чора-тадбирлари тўғрисида»ги ПҚ-4699-сон қарорига 5-илованинг 2.3-банди қуйидаги таҳрирда баён этилсин:

«	2.3.	Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг «Пенсия» дастурий таъминотини функционал кенгайтириш орқали Пенсия жамғармасини бошқариш ахборот тизимини яратиш.	1. Ахборот тизимини яратиш бўйича лойиҳа-техник ҳужжатларни ишлаб чиқиш.	2021 йил май — июнь	Давлат бюджетидан ажратилган маблағлар доирасида ва бюджетдан ташқари маблағлар
			2. «Пенсия» дастурий таъминотини функционал кенгайтириш.	2021 йил август — 2022 йил июль
			3. Ахборот тизимини синов режимида ишга тушириш ва камчиликларни бартараф этиш.	2022 йил август — сентябрь		».

7. Вазирлар Маҳкамасининг 2008 йил 3 январдаги 2-сон қарори билан тасдиқланган Фахрий унвонлар эгаларига тўловларни тайинлаш ва амалга ошириш тартиби тўғрисидаги низомнинг 5-банди тўртинчи хатбошиси ва 13-бандидан «ишламаётган» сўзи чиқариб ташлансин.

8. Вазирлар Маҳкамасининг 2010 йил 19 февралдаги 30-сон қарори билан тасдиқланган Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси тўғрисидаги низомда:

а) 6-банд қуйидаги таҳрирда баён этилсин:

«6. Жамғарма ҳамда унинг ҳудудий бошқармалари юридик шахс ҳисобланади, мустақил балансга, банкларда ҳисоб рақамларига, Ўзбекистон Республикаси Давлат герби тасвири туширилган муҳрга, шунингдек тегишли муҳр ва штампларга эга бўлади.

Жамғарманинг туман (шаҳар) бўлимлари Ўзбекистон Республикаси Давлат герби тасвири туширилган муҳрга, шунингдек тегишли муҳр ва штампларга эга бўлади»;

б) 7-бандда:

еттинчи хатбоши чиқариб ташлансин;

саккизинчи хатбоши еттинчи хатбоши деб ҳисоблансин;

в) 8-бандда:

«а» кичик банднинг иккинчи ва еттинчи хатбошиларидаги «мажбурий» сўзи «ижтимоий солиқ» сўзлари билан алмаштирилсин;

«в» кичик бандда:

иккинчи хатбоши қуйидаги таҳрирда баён қилинсин:

«пенсиялар ва ижтимоий нафақаларни ҳисоблаб чиқиш бўйича операцияларни амалга оширади, пенсия ва нафақаларни етказиб бериш юклатилган тижорат банклари филиаллари орқали пенсиялар ва ижтимоий нафақалар тўлаш юзасидан топшириқларни расмийлаштиради ва беради»;

бешинчи хатбоши қуйидаги таҳрирда баён қилинсин:

«ташкилотларнинг ишлайдиган 18 ёшгача ногиронлиги бўлган боланинг ота-оналаридан бирига (васийга, ҳомийга) бир ойда қўшимча дам олиш куни учун тўлов, Чернобиль ҳалокати оқибатида зарар кўрган фуқароларга компенсация тўловларини ва қонун ҳужжатларида назарда тутилган бошқа тўловларга харажатларини молиялаштиради»;

г) 9-банднинг тўртинчи хатбошисидаги «мажбурий» сўзи «ижтимоий солиқ» сўзлари билан алмаштирилсин;

д) 10-банд қуйидаги таҳрирда баён қилинсин:

«10. Жамғарма даромадлари қуйидаги манбалар ҳисобига шакллантирилади:

а) ижтимоий солиқ:

белгиланган миқдорлардаги ижтимоий солиқ тушумлари;

жисмоний шахслар айрим тоифаларининг ижтимоий солиқ тушумлари;

б) бошқа тўловлар:

боқувчисини йўқотган тақдирда, шунингдек меҳнатда майиб бўлганлик ёки ходим меҳнат мажбуриятларини бажариши билан боғлиқ касб касаллиги оқибатидаги ногиронлик туфайли тайинланган пенсияларни тўлашга харажатларни тўлаш учун регрессив талаблар (даъволар) бўйича иш берувчилар ва фуқаролардан «Фуқароларнинг давлат пенсия таъминоти тўғрисида»ги Ўзбекистон Республикаси Қонунига мувофиқ ундириладиган маблағларнинг 85 фоизи;

«Фуқароларнинг давлат пенсия таъминоти тўғрисида»ги Ўзбекистон Республикаси Қонунининг 14-моддасига мувофиқ муддатидан олдин тайинланган ёшга доир пенсияларни тўлаш харажатларини қоплаш учун ўтказиладиган Ўзбекистон Республикаси Бандликка кўмаклашиш давлат жамғармаси маблағлари;

«Фуқароларнинг давлат пенсия таъминоти тўғрисида»ги Ўзбекистон Республикаси Қонунининг 12-моддасига мувофиқ тайинланган имтиёзли пенсияларни тўлаш харажатларини қоплаш ҳисобига ўтказиладиган юридик шахслар маблағлари;

Жамғарманинг вақтинча бўш маблағларни тижорат банкларидаги депозитларга жойлаштиришдан олинган даромаднинг 80 фоизи;

ҳисобланган жарималар суммасининг бир қисми ҳамда ижтимоий солиқ ва бошқа тўловлар ўз вақтида тўланмаганлиги учун пенялар (қонун ҳужжатларига мувофиқ давлат солиқ хизмати органларини ижтимоий ривожлантириш ва моддий-техник таъминлаш махсус жамғармасига ҳамда Жамғарма ходимларини ижтимоий ривожлантириш ва моддий рағбатлантириш жамғармасига ундириладиган суммалардан ташқари);

юридик шахс тугатилганда, қишлоқ хўжалиги кооперативи (ширкати), фермер ва деҳқон хўжалиги қайта ташкил этилганда ёки тугатилганда меҳнат вазифаларини бажариш билан боғлиқ ҳолда майиб бўлган, касб касаллигига чалинган ёки соғлиғига бошқача шикаст етказилган ходимга етказилган зарарни қоплаш учун тўланадиган суммалар;

қонун ҳужжатларида тақиқланмаган бошқа манбалар, шу жумладан Ўзбекистон Республикаси Давлат бюджети маблағлари ва ихтиёрий бадаллар»;

е) 11-банддаги «Мажбурий» сўзи «Ижтимоий солиқ» сўзлари билан алмаштирилсин;

ж) 12-бандда:

иккинчи — тўртинчи хатбошилардаги «мажбурий» сўзи «ижтимоий солиқ» сўзлари билан алмаштирилсин;

олтинчи хатбоши қуйидаги таҳрирда баён қилинсин:

«ҳар чоракда Жамғармага юридик шахс ташкил этмасдан тадбиркорлик фаолияти билан шуғулланадиган ўзини ўзи банд қилган шахслар ва деҳқон хўжаликлари аъзолари томонидан тўланган ижтимоий солиқ миқдорлари тўғрисидаги маълумотлар тақдим этилишини таъминлайди»;

з) 13-банднинг иккинчи ва учинчи хатбошиларидаги «мажбурий» сўзи «ижтимоий солиқ» сўзлари билан алмаштирилсин;

и) 14-банд қуйидаги таҳрирда баён қилинсин:

«14. Жамғарма маблағлари:

фуқароларга давлат пенсияларининг барча турлари;

18 ёшгача ногиронлиги бўлган боланинг ота-оналаридан бирига (васийга, ҳомийга) бир ойда қўшимча дам олиш куни учун тўловлар;

қонун ҳужжатларига мувофиқ Жамғарма маблағларидан молиялаштириладиган бошқа харажатлар учун сарфланади.

Бошқа харажатлар бўйича Жамғарма сметаси Жамғарманинг Кузатув кенгаши томонидан тасдиқланади»;

к) 15-банддаги «Ишламайдиган ва ишлайдиган фуқароларга» сўзлари «Фуқароларга» сўзи билан алмаштирилсин;

л) 16-банддан «ишламайдиган ва ишлайдиган» сўзлари чиқариб ташлансин;

м) 18-банднинг иккинчи хатбошисидаги «ишлайдиган пенсионерларга пенсиялар, дафн маросими учун нафақалар, 16 ёшгача бўлган ногирон» сўзлари «18 ёшгача ногиронлиги бўлган» сўзлари билан алмаштирилсин;

н) 23-банднинг иккинчи хатбошисидаги «мажбурий» сўзи «ижтимоий солиқ» сўзлари билан алмаштирилсин;

о) 26-банднинг бешинчи хатбошисидаги «мажбурий» сўзи «ижтимоий солиқ» сўзлари билан алмаштирилсин;

п) 33-бандда:

олтинчи хатбоши «озод қилади» сўзларидан кейин «ҳамда уларнинг ротациясини амалга оширади» сўзлари билан тўлдирилсин;

қуйидаги мазмундаги тўққизинчи хатбоши билан тўлдирилсин:

«Ижро этувчи директор бўлмаган вақтда унинг вазифалари тақсимотига асосан директорнинг ўринбосарлари томонидан бажарилади»;

тўққизинчи хатбоши ўнинчи хатбоши деб ҳисоблансин;

р) 34-бандда:

учинчи хатбошидаги «мажбурий» сўзи «ижтимоий солиқ» сўзлари билан алмаштирилсин;

қуйидаги мазмундаги тўртинчи хатбоши билан тўлдирилсин:

«Жамғарманинг вақтинча бўш маблағларни тижорат банкларидаги депозитларга жойлаштиришдан олинган даромаднинг 20 фоизи»;

тўртинчи хатбоши бешинчи хатбоши деб ҳисоблансин;

с) 38-банддаги «мажбурий» сўзи «ижтимоий солиқ» сўзлари билан алмаштирилсин.

(Қонун ҳужжатлари маълумотлари миллий базаси, 05.05.2021 й., 07/21/5102/0412-сон, Қонунчилик маълумотлари миллий базаси, 08.04.2022 й., 07/22/198/0282-сон; 19.07.2022 й., 07/22/323/0647-сон; 21.11.2024 й., 06/24/185/0944-сон; 29.05.2025 й., 07/25/194/0479-сон)