Ҳужжат 01.05.2021 01 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
Экологик хавфли маҳсулотлар ва чиқиндиларни Ўзбекистон Республикаси ҳудудига олиб кириш ва республика ҳудудидан олиб чиқиш тартибини янада такомиллаштириш чора-тадбирлари тўғрисида
Кейинги таҳрирга қаранг.
Хавфли чиқиндиларни чегаралараро ташиш ва йўқ қилиб ташлаш устидан назорат қилиш тўғрисидаги Базель Конвенциясига (1989 йил 22 март, Базель) (кейинги ўринларда Базель конвенцияси деб аталади) мувофиқ экологик сертификатланиши лозим бўлган экологик хавфли маҳсулотлар ва чиқиндиларни Ўзбекистон Республикасига олиб кириш ва республика ҳудудидан олиб чиқишни давлат томонидан тартибга солиш тизимини янада такомиллаштириш мақсадида Вазирлар Маҳкамаси қарор қилади:
Кейинги таҳрирга қаранг.
1. Ўзбекистон Республикаси ҳудудига олиб кириш ва республика ҳудудидан олиб чиқишда экологик хавфли маҳсулотлар ва чиқиндиларни мажбурий экологик сертификатлаштириш тартиби тўғрисидаги низом 1-иловага мувофиқ тасдиқлансин.
Кейинги таҳрирга қаранг.
2. Ўзбекистон Республикаси Экология ва атроф-муҳитни муҳофаза қилиш давлат қўмитаси манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
3. Ўзбекистон Республикаси Ҳукуматининг 2-иловага мувофиқ баъзи қарорлари ўз кучини йўқотган деб ҳисоблансин.
4. Мазкур қарор 2021 йил 1 майдан бошлаб кучга киради.
5. Ушбу қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Ўзбекистон Республикаси Экология ва атроф-муҳитни муҳофаза қилиш давлат қўмитаси раиси А.И. Максудов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2021 йил 16 февраль,
75-сон
Вазирлар Маҳкамасининг 2021 йил 16 февралдаги 75-сон қарорига
1-ИЛОВА
Ўзбекистон Республикаси ҳудудига олиб кириш ва республика ҳудудидан олиб чиқишда экологик хавфли маҳсулотлар ва чиқиндиларни мажбурий экологик сертификатлаштириш тартиби тўғрисида
НИЗОМ
Кейинги таҳрирга қаранг.
1-боб. Умумий қоидалар
1. Ушбу Низом Ўзбекистон Республикасида ишлаб чиқариш ва хизмат кўрсатиш жараёнида ҳосил бўладиган, Ўзбекистон Республикаси ҳудудига олиб кириладиган ва республика ҳудудидан олиб чиқиладиган экологик хавфли маҳсулотлар ҳамда чиқиндиларни мажбурий экологик сертификатлаш тартибини белгилайди.
Кейинги таҳрирга қаранг.
2. Ушбу Низом қоидалари алоҳида белгиланган тартибда республика ҳудудидан транзит ўтадиган махсус юкларга нисбатан татбиқ этилмайди.
3. Экологик хавфли маҳсулотлар ва чиқиндиларни Ўзбекистон Республикаси ҳудудига олиб кириш ва республика ҳудудидан олиб чиқиш Ўзбекистон Республикаси Экология ва атроф-муҳитни муҳофаза қилиш давлат қўмитаси (кейинги ўринларда Давлат экология қўмитаси деб аталади) тизимидаги белгиланган тартибда аккредитациядан ўтган экологик сертификатлаш органи (кейинги ўринларда экологик сертификатлаш органи деб аталади) томонидан бериладиган экологик сертификат асосида амалга оширилади.
Кейинги таҳрирга қаранг.
4. Экологик сертификат Ўзбекистон Республикаси ҳудудига олиб кириладиган ва республика ҳудудидан олиб чиқиладиган экологик хавфли маҳсулотлар ва чиқиндилар, республикада ишлаб чиқарилган маҳсулотлар техник жиҳатдан тартибга солувчи норматив ҳужжатларда белгиланган экологик хавфсизлик талабларига жавоб беришини тасдиқлайдиган Миллий сертификатлаштириш тизими қоидаларига мувофиқ бериладиган ҳужжат ҳисобланади.
Кейинги таҳрирга қаранг.
5. «Хавфли чиқиндиларни чегаралараро ташиш ва йўқ қилиб ташлаш устидан назорат қилиш тўғрисида»ги 1989 йил 22 мартдаги Базель Конвенцияси (кейинги ўринларда Базель конвенцияси деб аталади) иштирокчиси бўлмаган давлатлар Ўзбекистон Республикаси Вазирлар Маҳкамаси томонидан рўйхати тасдиқланган экологик хавфли маҳсулотлар ва чиқиндилар турларини Ўзбекистон Республикаси ҳудудига олиб киришлари ва республика ҳудудидан олиб чиқишлари қатъиян тақиқланади. Ўзбекистон Республикаси билан Базель конвенцияси иштирокчиси бўлмаган давлат ўртасида чиқиндиларни транзит тарзида олиб ўтишга доир халқаро шартнома мавжуд бўлган ҳолларда, бундай олиб ўтиш ушбу халқаро шартнома қоидалари, шунингдек, устувор равишда, Базель конвенциясида белгиланган умумий талаблар асосида амалга оширилади.
Давлат экология қўмитаси томонидан Базель конвенциясининг талабларига мувофиқ Ўзбекистон Республикаси ҳудудига олиб кириладиган ва республика ҳудудидан олиб чиқиладиган ҳамда экологик сертификатлаштирилган маҳсулотлар ва чиқиндиларга доир ҳисобот тайёрланиб, белгиланган муддатларда ҳар йили Базель конвенциянинг Котибиятига тақдим этиб борилади.
Кейинги таҳрирга қаранг.
Ушбу ҳисобот:
Кейинги таҳрирга қаранг.
амалда Ўзбекистон Республикаси ҳудудига олиб кириладиган ёки республика ҳудудидан олиб чиқиладиган экологик хавфли маҳсулотлар ва чиқиндилар миқдори ҳақидаги маълумотлар;
Кейинги таҳрирга қаранг.
Ўзбекистон Республикаси Давлат статистика қўмитасидан олинадиган — маҳаллий ишлаб чиқарувчи ва хизмат кўрсатувчи ташкилотлардан Ўзбекистон Республикаси ҳудудида йиллик ҳосил бўладиган экологик хавфли маҳсулотлар ва чиқиндилар миқдори ҳақидаги маълумотлар;
Кейинги таҳрирга қаранг.
Ўзбекистон Республикаси Давлат божхона қўмитасидан олинадиган — экологик хавфли бўлган маҳсулотлар ва чиқиндиларни республика ҳудудига олиб кириш ва унинг ҳудудидан чиқиши ҳақидаги жамланма маълумотлар асосида тайёрланади.
Кейинги таҳрирга қаранг.
6. Экологик хавфли маҳсулотлар ва чиқиндиларни Ўзбекистон Республикаси ҳудудига олиб кириш ва республика ҳудудидан олиб чиқилишига экологик сертификат бериш ушбу Низомга 1-иловада келтирилган схемага мувофиқ амалга оширилади.
Кейинги таҳрирга қаранг.
7. Сертификатлаштирилган маҳсулотга божхона юк декларациясини расмийлаштириш вақтида экологик сертификат рўйхат рақами ва берилган санаси кўрсатилади.
Кейинги таҳрирга қаранг.
8. Экологик хавфли маҳсулотлар ва чиқиндиларда уларнинг экологик сертификатлаштирилганлигига оид маълумотлар мавжуд бўлмаганда бундай маҳсулотлар ва чиқиндиларни Ўзбекистон Республикаси ҳудудига олиб кириш ва республика ҳудудидан олиб чиқиш ушбу Низомда кўрсатилган тартибда экологик сертификатлаштирилади.
Кейинги таҳрирга қаранг.
9. Экологик сертификатлаш ишлари қонун ҳужжатларида белгиланган тартибда Ўзбекистон Республикасида ишлаб чиқариш ва хизмат кўрсатиш жараёнида ҳосил бўладиган, Ўзбекистон Республикаси ҳудудига олиб кириладиган ва республика ҳудудидан олиб чиқиладиган экологик хавфли маҳсулотлар ҳамда чиқиндиларни рэкологик сертификатлаш учун ариза берувчи билан тузилган шартномага мувофиқ амалга оширилади.
Кейинги таҳрирга қаранг.
 LexUZ шарҳи
Қаранг: Табиатни муҳофаза қилиш давлат қўмитаси ҳузуридаги Давлат экологик сертификатлаштириш, стандартлаштириш ва меъёрлаштириш Бош бошқармасининг 2010 йил 1 декабрдаги 85-ТК-сон «Маҳсулотларни экологик сертификатлаш қоидалари».
2-боб. Экологик сертификатлашни ўтказиш тартиби
Кейинги таҳрирга қаранг.
10. Экологик хавфли маҳсулотлар ва чиқиндиларни Ўзбекистон Республикаси ҳудудига олиб кириш ва республика ҳудудидан олиб чиқишга экологик сертификат олиш учун ариза берувчи «Ягона дарча» божхона ахборот тизими орқали ёки тўғридан-тўғри Давлат экология қўмитаси тизимидаги экологик сертификатлаш органига ариза билан мурожаат қилади.
Ариза берувчи томонидан экологик хавфли маҳсулотлар ва чиқиндиларни Ўзбекистон Республикаси ҳудудига олиб кириш ва республика ҳудудидан олиб чиқишга экологик сертификат олиш учун:
Вазирлар Маҳкамасининг 2021 йил 30 январдаги 43-сон қарори билан тасдиқланган Мажбурий экологик сертификатланиши лозим бўлган маҳсулотлар ва чиқиндилар рўйхатига асосан ушбу Низомга 2-иловага мувофиқ экологик хавфли маҳсулотлар ва чиқиндиларнинг номи, миқдори, Ташқи иқтисодий фаолият Товар номенклатураси коди (кейинги ўринларда ТИФ ТН код деб аталади) кўрсатилган буюртма;
экологик хавфли маҳсулотлар ва чиқиндиларни республика ҳудудига олиб кириш учун — инвойс/ҳисоб-фактура, юкхати ёки унинг ҳудудидан олиб чиқиш учун — инвойс/ҳисоб-фактура;
олиб кирилаётган экологик хавфли маҳсулотлар ва чиқиндиларнинг аниқ ҳажми (сони) кўрсатилган ташқи савдо шартномаси (контракти) ва маҳсулотларни етказиб берувчи ҳамда қабул қилувчи ўртасида тузилган келишув(лар) нусхаси (экологик сертификатлаштириш бир календарь йилга амалга оширилганда) талаб этилади.
Кейинги таҳрирга қаранг.
11. Ариза берувчи ушбу Низомнинг 10-бандига мувофиқ экологик сертификат олиш мақсадида аризани кўриб чиқиш учун экологик сертификатлаш органига тақдим этган ҳужжатлар ва маълумотларнинг ишончлилиги ва ҳаққонийлиги учун жавобгар ҳисобланади.
Экологик сертификат олиш учун экологик сертификатлаш органи ушбу Низомнинг 10-бандида кўрсатилганидан бошқа маълумотлар ва ҳужжатларни талаб қилишга ҳақли эмас.
12. Экологик сертификатлаш органи бир иш куни мобайнида тақдим этилган ҳужжатларни таҳлил қилади ва ҳужжатлар тўлиқ бўлганда экологик хавфли маҳсулотлар ва чиқиндиларни сертификатлашни амалга ошириш тўғрисида қарор қабул қилади, агар ҳужжатлар ушбу Низомнинг 10-банди талабларига жавоб бермаса, бу камчиликлар тўғрисида ариза берувчини хабардор қилади.
Ариза берувчи ушбу камчиликларни ўн календарь кунда бартараф этиши керак, акс ҳолда экологик сертификатлаш органи ҳужжатларни ариза берувчига «Ягона дарча» божхона ахборот тизими орқали ёки унинг почта манзилига қайтаради.
Кейинги таҳрирга қаранг.
13. Экологик сертификатлаш органи сертификатлаш ишларини ўтказиш ҳақида қарор қабул қилган ҳолатда бир иш куни мобайнида экологик сертификатлаш дастурини ишлаб чиқади ва тасдиқлайди.
Кейинги таҳрирга қаранг.
14. Экологик сертификатлаш органи тасдиқланган дастур асосида икки иш кун мобайнида синов лабораториясида намуналарни синовдан ўтказиш ишларини амалга оширади.
Кейинги таҳрирга қаранг.
15. Экологик хавфли маҳсулотлар ва чиқиндиларни сертификатлаштириш Сертификатлаштириш миллий тизими қоидаларига мувофиқ идентификация қилинади ҳамда улардан намуналар олиниб, лаборатория синовлари ўтказилади ва синов баённомалари расмийлаштирилади.
Агар идентификациялаш натижалари бўйича ариза берувчи томонидан тақдим этилган намуналар норматив ҳужжатларга мувофиқ бўлмаса, экологик сертификатлаштириш органи томонидан намуналар қабул қилинмайди ва ариза берувчига сабаблари кўрсатилган ҳолда қайтарилади.
Кейинги таҳрирга қаранг.
16. Намуналар сони, танлаш тартиби, уларни идентификациялаш ва сақлаш қоидалари экологик сертификатланадиган хавфли маҳсулотлар ва чиқиндиларга норматив ҳужжатларда, шу жумладан, синов усулларида белгиланади.
Кейинги таҳрирга қаранг.
17. Муайян турдаги хавфли маҳсулотлар ва чиқиндиларга синов баённомаларини расмийлаштириш ва бериш муддати техник жиҳатдан тартибга солиш соҳасидаги норматив ҳужжатлар билан белгиланадиган усулларга мувофиқ амалга ошириладиган ушбу турдаги маҳсулотлар ва чиқиндиларни синовдан ўтказишнинг умумий давомийлигидан келиб чиқиб белгиланади.
Намуна олиш имкони бўлмаган кам миқдорни ташкил этган, норматив ҳужжати, шунингдек, синовларни амалга ошириш учун аккредитациядан ўтган синов лабораторияси мавжуд бўлмаган тақдирда экологик хавфли маҳсулотлар ва чиқиндиларни экологик сертификатлаш идентификациялаш йўли билан амалга оширилади.
Кейинги таҳрирга қаранг.
18. Синовларининг сифати ва натижаларнинг ишончлилиги, шунингдек, синовлар баённомалари сақланиши учун синовларни ўтказган лаборатория жавобгар ҳисобланади. Синов баённомалари лабораториянинг техник эксперти томонидан имзоланади ва аккредитациядан ўтган синов лабораторияси раҳбари томонидан тасдиқланади.
19. Аккредитациядан ўтган синов лабораторияси синов баённомаларини ариза берувчига ва/ёки экологик сертификатлаш органига тақдим этади. Агар хавфли маҳсулотлар ва чиқиндилар синовлари бошқа аккредитациядан ўтган синов лабораторияларида алоҳида параметрлар бўйича ўтказилган бўлса, баённомалар билан тасдиқланган синовларнинг ижобий натижалари мавжудлиги экологик хавфли маҳсулот ва чиқиндиларнинг мувофиқлиги ижобий баҳоланиши деб ҳисобланади.
Кейинги таҳрирга қаранг.
20. Аккредитациядан ўтган синов лабораторияларида ўтказилган лаборатория синовларининг ижобий натижаси олинганда, экологик сертификатлаш органи ҳужжатларни техник экспертга баҳолаш учун юборади.
Техник экспертнинг ижобий қарори қабул қилинганда экологик сертификатлаш органи бир иш куни мобайнида экологик сертификатни расмийлаштиради ва давлат реестридан рўйхатдан ўтказади.
21. Экологик сертификат белгиланган намунадаги бланкада (босма иш қоғози) давлат тилида ёки рус тилида расмийлаштирилади.
Кейинги таҳрирга қаранг.
22. Ариза берувчи ўз ҳоҳишига кўра экологик сертификатни «Ягона дарча» божхона ахборот тизими ёки ариза берувчининг ишончли вакили орқали олиши мумкин.
Кейинги таҳрирга қаранг.
23. Экологик сертификат ариза берувчига «Ягона дарча» божхона ахборот тизими орқали электрон шаклда экологик сертификатлаш органининг электрон имзоси билан берилганда ёки қоғоз шаклида экологик сертификатлаш органининг муҳри ва имзосининг асли бўлганда ҳамда давлат реестрида қайд этилганлигини тасдиқловчи сана ва рақам кўрсатилганда ҳақиқий ҳисобланади.
24. Экологик сертификат бланки рақамланган, ҳимоя қилиш даражасига эга, қатьий ҳисобда турадиган ва жавобгарлиги белгиланган ҳужжат ҳисобланади.
Экологик сертификат бланкаси ушбу Низомга 3-иловага мувофиқ шаклда «Давлат белгиси» давлат-ишлаб чиқариш бирлашмаси томонидан тайёрланади.
25. Экологик сертификат:
олиб кирилаётган экологик хавфли маҳсулотлар ва чиқиндиларга (транспорт воситаларидан ташқари) аниқ ҳажми (сони) кўрсатилган битта ташқи савдо шартномаси (контракти) ва етказиб берувчи ҳамда қабул қилувчи ўртасида тузилган келишув(лар) нусхасига асосан — бир календарь йилдан ошмаган муддатга;
экологик хавфли маҳсулотлар ва чиқиндиларнинг ҳар тўпига — бир йилдан ошмаган муддатга;
маҳсулотларни сериялаб ишлаб чиқариш жараёнларига эса — 3 йил муддатга берилади.
Кейинги таҳрирга қаранг.
26. Экологик сертификатлаш органи фаолиятига тааллуқли сертификат нусхаси ва сертификатлаштириш ишларини олиб боришда зарур бўлган ҳужжатлар тўплами (намуна олиш далолатномалари, идентификация далолатномалари, синов баённомалари) экологик сертификат амал қилиш муддатида, лекин бир йилдан кам бўлмаган муддатда сақланади. Сақлаш муддати тугаган ҳужжатлар архивга топширилади ёки қонун ҳужжатларида белгиланган тартибда йўқ қилинади.
Кейинги таҳрирга қаранг.
3-боб. Экологик сертификатнинг амал қилиш муддатини тўхтатиш, бекор қилиш, қайта расмийлаштириш
27. Экологик сертификатнинг амал қилиши:
ариза берувчи экологик сертификатнинг амал қилишини тўхтатиш тўғрисида белгиланган тартибда экологик сертификатлаш органига ариза билан мурожаат қилганда — мурожаат қилган кундан бошлаб;
ариза берувчи (юридик шахс)нинг фаолияти тугатилган ёки тўхтатилганда — ушбу кундан бошлаб;
ариза берувчи қайта ташкил этилганда — қайта ташкил этилган кундан бошлаб;
ариза берувчига бир календарь йилга берилган экологик сертификатнинг талаблари бир йил мобайнида мунтазам равишда (икки ёки ундан ортиқ) бузилиши, агар ушбу қоидабузарликлар фуқароларнинг ҳаёти ва соғлиғига, жамоат хавфсизлигига ва атроф-муҳитга зарар етказилишига олиб келса ўн иш кунига тўхтатилади.
28. Экологик сертификатлаш органининг экологик сертификат амал қилишини тўхтатиш тўғрисидаги қарори ариза берувчига қарор қабул қилинган кундан бошлаб уч иш куни мобайнида экологик сертификат амал қилишини тўхтатишнинг сабаблари кўрсатилган ҳолда ёзма ёки электрон шаклда етказилади, бунда экологик сертификатнинг амал қилишини тўхтатиш сабаблари ва қонун ҳужжатларининг аниқ нормалари кўрсатилади.
Кейинги таҳрирга қаранг.
Ариза берувчи томонидан экологик сертификатнинг амал қилишини тўхтатишга сабаб бўлган ҳолатлар бартараф этилган тақдирда, кўрсатиб ўтилган ҳолатлар бартараф этилганлиги тўғрисида тасдиқнома олинган кундан бошлаб ўн иш куни мобайнида экологик сертификатнинг амал қилишини тиклаш тўғрисида қарор қабул қилинади.
29. Ариза берувчи томонидан экологик сертификатнинг амал қилишини тўхтатиш сабаблари ўн иш куни мобайнида бартараф этилмаган тақдирда, экологик сертификат бекор қилинади.
Кейинги таҳрирга қаранг.
30. Экологик сертификат бекор қилинган тақдирда, сертификатнинг асл нусхаси ариза берувчи томонидан экологик сертификатнинг амал қилишини бекор қилиш тўғрисидаги қарор олинган кундан бошлаб ўн иш куни мобайнида экологик сертификатлаш органига қайтарилиши керак.
Бекор қилинган экологик сертификатлар экологик сертификатлаш органи томонидан йўқ қилинади ва бу ҳақда тегишли далолатнома тузилади. Бекор қилинган экологик сертификатлар тўғрисидаги маълумотлар экологик сертификатлаш органининг веб-сайтида барча оммавий танишиш учун эълон қилиниши керак.
Кейинги таҳрирга қаранг.
31. Ариза берувчи экологик сертификатлаш органининг қароридан норози бўлган тақдирда, судга мурожаат қилиш ҳуқуқига эга. экологик сертификатлаш органининг қарори устидан судга қонун ҳужжатларида белгиланган тартибда шикоят қилиниши мумкин.
Кейинги таҳрирга қаранг.
32. Ариза берувчи (юридик ёки жисмоний шахс) қайта ташкил этилганда, унинг номи, юридик манзили ёки жойлашган жойи (почта манзили) ўзгарганда ўн иш куни мобайнида мазкур ўзгартишлар ҳақида амалдаги экологик сертификатнинг асл нусхасини илова қилиб, уни қайта расмийлаштириш учун экологик сертификатлаш органига ёзма равишда мурожаат қилиши лозим.
Кейинги таҳрирга қаранг.
Агар ариза берувчи илгари берилган экологик сертификатнинг ҳуқуқий вориси бўлмаса, ҳужжатларни кўриб чиқиш билан боғлиқ кейинги тартиб-таомиллар ушбу Низомда назарда тутилган талаблар асосида амалга оширилади.
Ариза берувчининг номи ёки жойлашган жойи (почта манзили) ўзгарганда унинг номига экологик сертификатлаш органи томонидан бир иш куни мобайнида амалдаги экологик сертификат муддатига экологик сертификат расмийлаштирилади.
4-боб. Экологик сертификатлар реестрини юритиш тартиби
33. Экологик сертификатлаш органи берилган экологик сертификатлар реестрини юритади ва уларни ўз веб-сайтида жойлаштиради.
34. Берилган экологик сертификатлар реестрида:
ариза берувчининг номи, унинг манзили, солиқ тўловчининг идентификация рақами;
экологик сертификат берилган сана, амал қилиш даври ва унинг рўйхатдан ўтган рақами;
бекор қилинган ва тўхтатиб қўйилган экологик сертификатларнинг рақами, ариза берувчининг номи, юридик манзили, асослари ва саналари кўрсатилиши лозим.
35. Экологик сертификатлар реестридаги маълумотлар ҳамма танишиши учун очиқ ҳисобланади.
Кейинги таҳрирга қаранг.
5-боб. Якунловчи қоидалар
36. Ушбу Низомни қўллашда юзага келадиган низолар қонун ҳужжатларида белгиланган тартибда ҳал этилади.
Кейинги таҳрирга қаранг.
37. Ушбу Низом талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.
Кейинги таҳрирга қаранг.
Ўзбекистон Республикаси ҳудудига олиб кириш ва республика ҳудудидан олиб чиқишда экологик хавфли маҳсулотлар ва чиқиндиларни мажбурий экологик сертификатлаштириш тартиби тўғрисидаги низомга
1-ИЛОВА
Экологик хавфли маҳсулотлар ва чиқиндиларга экологик сертификат бериш
СХЕМАСИ

Босқичлар

Субъектлар

Чора-тадбирлар

Бажариш муддатлари

1-босқич

Ариза берувчи (юридик ва жисмоний шахс)

Тегишли ҳужжатларни «Ягона дарча» божхона ахборот хизмати ёки тўғридан-тўғри экологик сертификатлаш органига тақдим этади.

Хоҳишига кўра

2-босқич

Экологик сертификатлаш органи

1. Тақдим этилган ҳужжатларни ушбу Низомнинг 10-бандига мувофиқлиги юзасидан кўриб чиқади ҳамда кўриб чиқиш натижалари бўйича:

ҳужжатлар мос келганда — экологик хавфли маҳсулотлар ва чиқиндиларни сертификатлаш ишларини амалга ошириш тўғрисида;

ҳужжатлар мос келмаган тақдирда — қўшимча ҳужжатларни тақдим этиш тўғрисида қарор қабул қилади ва бу ҳақда ариза берувчини хабардор қилади.

2. Сертификатлаш ишларини амалга ошириш тўғрисида қарор қабул қилинган ҳолатда экологик сертификатлаш дастурини ишлаб чиқади ва тасдиқлайди.

1 иш кунида

3-босқич

Экологик сертификатлаш органи

Тасдиқланган дастур асосида аккредитациядан ўтган синов лабораторияси билан биргаликда:

намуналарни идентификация қилади, намуна олади ва лабораторияга тақдим қилади;

намуналарни синовдан ўтказиш ишларини амалга оширади ва синов баённомаларини расмийлаштиради;

якуний барча ҳужжатларни баҳолаш учунтехник экспертга тақдим қилади.

2 иш кунида

4-босқич

Техник эксперт

Экологик сертификатлаш
органи

1. Техник эксперт ҳужжатлар тўпламини ўрганиб чиқиб, экологик сертификат бериш ёки беришни рад этиш тўғрисида қарор қабул қилади.

2. Техник экспертнинг ижобий қарори асосида экологик сертификат расмийлаштирилади ва реестрда рўйхатдан ўтказилади.

3. Экологик сертификатни «Ягона дарча» божхона ахборот хизмати тизимига киритиш орқали ёки ариза берувчига (унинг ишончли вакилига) тўғридан-тўғри тақдим этади.

1 иш кунида

Кейинги таҳрирга қаранг.
Ўзбекистон Республикаси ҳудудига олиб кириш ва республика ҳудудидан олиб чиқишда экологик хавфли маҳсулотлар ва чиқиндиларни мажбурий экологик сертификатлаштириш тартиби тўғрисидаги низомга
2-ИЛОВА
Кейинги таҳрирга қаранг.


‎
‎________________________________________________________________

 ‎ ‎ ‎ ‎ ‎ ‎ ‎

‎‎(экологик сертификатлаштириш органи номи)

 ‎ ‎ ‎ ‎ ‎ ‎ ‎
_________________________________________________________________ ‎ ‎ ‎ ‎ ‎ ‎ ‎

‎‎(почта манзили)

 ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

‎‎Экологик сертификатлашни ўтказиш бўйича
‎БУЮРТМА
‎

‎‎_____________________________________________________________________________________________________

‎‎буюртмачининг номланиши (тайёрловчи, етказиб берувчи ташкилот ёки якка тартибдаги тадбиркор Ф.И.О.)

_____________________________________________________________________________________________________

‎‎(буюртмачининг почта манзили, алоқа телефонлари)

_____________________________________________________________________________________________________
________________________________________________________________________________________ томонидан

‎‎(раҳбарнинг Ф.И.О.)

_____________________________________________________________________________________________________‎‎
_____________________________________________________________________________________________________

‎‎(маҳсулотларнинг номланиши, ТИФ ТН коди, ишлаб чиқариш серияси)

_____________________________________________________________________________________________________

транзит сони (партияси)‎‎

‎‎норматив ҳужжат асосида ________________________________________________________________________
‎ ‎ ‎ ‎ ‎ ‎

‎‎(норматив ҳужжатнинг номланиши)

‎‎_____________________________________________________ талабларига мос келади

‎‎(норматив ҳужжатнинг рақамлари ва номи)

 ‎ ‎ ‎ ‎ ‎ ‎
‎‎ва чиқиндиларни ёки маҳсулотларни __ -сон чизмада кўрсатилган ҳужжатлар
‎ ‎ ‎ ‎

(экологик сертификатлаш чизмасининг сони)

 ‎ ‎ ‎ ‎ ‎ ‎ ‎
‎‎қўшимча маълумотлар _____________________________________________________
‎ ‎ ‎ ‎ ‎ ‎

‎‎(хатлов, экологик норматив ҳужжатлар ва бошқалар тўғрисида маълумотлар

_____________________________________________________________________________________________________
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎‎Ариза берувчи

‎‎______________________

 ‎

‎‎__________________

 ‎ ‎
‎ ‎ ‎ ‎ ‎ ‎ ‎ ‎

‎‎‎‎‎(имзо)

 ‎ ‎ ‎ ‎ ‎

(Ф.И.О.)

 ‎ ‎ ‎
‎‎М.Ў. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎‎20 йил «___» _______ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
Ўзбекистон Республикаси ҳудудига олиб кириш ва республика ҳудудидан олиб чиқишда экологик хавфли маҳсулотлар ва чиқиндиларни мажбурий экологик сертификатлаштириш тартиби тўғрисидаги низомга
3-ИЛОВА
Кейинги таҳрирга қаранг.

‎‎
‎OʻZBEKISTON RESPUBLIKASI EKOLOGIYA VA ATROF MUHITNI
‎MUHOFAZA QILISH DAVLAT QOʻMITASI
‎EKOLOGIK SERTIFIKATLASHTIRISH TIZIMI


‎‎‎ГОСУДАРСТВЕННЫЙ КОМИТЕТ РЕСПУБЛИКИ УЗБЕКИСТАН
‎ПО ЭКОЛОГИИ И ОХРАНЕ ОКРУЖАЮЩЕЙ СРЕДЫ
‎СИСТЕМА ЭКОЛОГИЧЕСКОЙ СЕРТИФИКАЦИИ
‎

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ blanka raqami № __________‎‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎номер бланка № __________
_____________________________________________________________________________________________________

‎‎(ekologik sertifikatlashtirish organing nomi va pochta manzili — наименование и почтовый адрес органа по экологической сертификации)

‎‎ ‎‎‎‎Reestirda qayd etilgan № ____________________
‎Зарегистрировано в реестре
‎_______ -son bilan 20__ yil “__” __da qayd qilindi
‎Регистрационный № ________ от «___» ______ 20__ г.
‎Amal qilish muddati “___” ________ 20___ gacha
‎Действителен до «___» ______________ 20__ г.
‎‎Ushbu sertifikat ekologik sertifikatlashtirilgan obʼyekt:_______________________________
‎Настоящий сертификат удостоверяет, что должным образом идентифицированный объект экологической сертификации:________________________________________________
‎‎ning lozim ravishdagi identifikatsiyasiga javob berishi va normativ-uslubiy jihatlari: _________
‎________________________________________________________________________

‎‎(normativ hujjatlar nomi — наименование нормативного документа)

‎‎и его нормативно-методическая база соответствует требованием следующих нормативных и правовых актов
‎‎Sertifikat egasi haqida maʼlumot:________________________________________________
‎ ‎ ‎ ‎ ‎ ‎ ‎

‎‎(nomi va pochta manzili — наименование и почтовый адрес)

‎‎Сведения о держателе сертификата:____________________________________________
‎‎Telefon: _________________________ Faks:____________________________________
‎‎Телефон: ________________________ Факс: ___________________________________

‎‎‎Mahsulot yoki xizmatning ekologik sertifikatlashtirishda qoʻllanilgan talablar: ______________
‎________________________________________________________________________

‎‎(mahsulot va xizmatga doir tekshiruv, kuzatuv yoki normativ hujjatlar tahlili — экспертиза нормативных документов или испытания продукции)

‎‎_______________________________________________________________
‎‎Данные о проведении экологической сертификации по требуемым критериям:

‎‎
‎Izoh: Ekologik sertifikat berilganlik shartlariga amal qilinmagan taqdirda ecologik sertifikatlashtirish organi tomonidan bekor qilinishi mumkin.

‎‎
‎Примечание: Орган по экологической сертификации, выдавший сертификат, вправе аннулировать сертификат, если получатель данного сертификата не выполняет требования на соответствие которым он выдан.

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
Sertifikatlashtirish оrgan rahbari Руководитель орган сертифкации ‎‎

‎‎_____________

 ‎ ‎ ‎‎__________________
‎ ‎ ‎ ‎ ‎ ‎ ‎ ‎

Imzo/подпись

 ‎ ‎

‎‎(F.I.О)/ (Ф.И.О)

‎‎Ekspert/ Эксперт

‎‎_____________

 ‎ ‎ __________________‎‎
‎ ‎ ‎ ‎ ‎ ‎ ‎ ‎

‎‎Imzo/подпись

‎ ‎

‎‎‎‎(F.I.О)/ (Ф.И.О)

‎‎M.Oʻ/М.П‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
Кейинги таҳрирга қаранг.
Вазирлар Маҳкамасининг 2021 йил 16 февралдаги 75-сон қарорига
2-ИЛОВА
Ўзбекистон Республикаси Ҳукуматининг ўз кучини йўқотган деб эътироф этилаётган баъзи қарорлари
рўйхати
1. Вазирлар Маҳкамасининг «Экологик хавфли маҳсулотлар ва чиқиндиларни Ўзбекистон Республикасига олиб киришни ва уларни унинг ҳудудидан олиб чиқишни тартибга солиш тўғрисида» 2000 йил 19 апрелдаги 151-сон қарори (Ўзбекистон Республикаси ҚТ, 2000 й., 4-сон, 21-модда).
2. Вазирлар Маҳкамасининг «Ўзбекистон Республикаси ҳудуди орқали махсус юклар ва ҳарбий таркибларнинг транзитини давлат томонидан тартибга солиш ва назорат қилиш тўғрисида» 2002 йил 21 февралдаги 62-сон қарорига 4-илованинг 2-банди (Ўзбекистон Республикаси ҚТ, 2002 й., 2-сон, 10-модда).
3. Вазирлар Маҳкамасининг «Ўзбекистон Республикаси ҳукуматининг айрим қарорларига ўзгартириш ва қўшимчалар киритиш тўғрисида» 2003 йил 13 январдаги 14-сон қарорига илованинг 17-банди (Ўзбекистон Республикаси ҚТ, 2003 й., 1-сон, 5-модда).
4. Вазирлар Маҳкамасининг «Ўзбекистон Республикаси ҳукуматининг айрим қарорларига ўзгартиришлар киритиш тўғрисида» 2017 йил 14 ноябрдаги 915-сон қарорига 1-илованинг 7-банди (Ўзбекистон Республикаси ҚТ, 2017 й., 11-сон, 261-модда).
5. Вазирлар Маҳкамасининг «Ўзбекистон Республикаси ҳукуматининг айрим қарорларига ўзгартириш ва қўшимчалар киритиш тўғрисида» 2019 йил 18 сентябрдаги 787-сон қарорига илованинг 1-банди (Ўзбекистон Республикаси ҚХ, 2019 й., 19 сентябрь, 3770-модда).