Т/р	Тадбирлар номлари	Амалга ошириш механизми	Aмалга ошириш муддатлари	Масъул ижрочилар
1.	Давлат бошқаруви органлари, манфаатдор вазирлик ва идоралар раҳбар ва масъул ходимларига Сирдарё вилоятида давлат тиббий суғуртасини жорий қилиш билан боғлиқ ислоҳотлар (тиббий ёрдам кўрсатиш ва молиялаштиришнинг янги механизмлари ва бошқалар) тўғрисида маълумот бериш.	Давлат бошқаруви органлари, манфаатдор вазирлик ҳамда идоралар раҳбар ва масъул ходимлари учун семинар ва учрашувлар ташкил этиш.	2021 йил 1 январь	Давлат тиббий суғуртаси жамғармаси, Соғлиқни сақлаш вазирлиги
2.	Сирдарё вилоятидаги давлат ва хусусий тиббиёт ташкилотларини хатловдан ўтказиш.	1. Идоралараро ишчи гуруҳларини ташкил этиш. 2. Тиббиёт ташкилотларидаги мавжуд тиббий техника ҳамда жиҳозларни хатловдан ўтказиш ва таклифлар тайёрлаш. 3. Тиббиёт ташкилотларини кадрлар билан таъминланганлик даражасини ўрганиш ва таклифлар тайёрлаш. 4. Ҳар бир давлат тиббиёт муассасасининг унга бириктирилган аҳоли сони ва таснифи кўрсатилган паспортини тузиш.	2021 йил 1 январь	Соғлиқни сақлаш вазирлиги, Давлат тиббий суғуртаси жамғармаси, Сирдарё вилояти ҳокимияти, Давлат статистика қўмитаси, Маҳалла ва оилани қўллаб-қувватлаш вазирлиги
3.	Тиббий хизматлар кўрсатилишининг янги моделини ишлаб чиқиш.	1. Бирламчи тиббий-санитария ёрдами муассасаларида оилавий шифокор, унинг ўрта тиббиёт ходимларидан иборат бўлган терапия ва педиатрия йўналишлари бўйича ёрдамчилари, патронаж ҳамширалари ва доя таркибидаги гуруҳлар ташкил қилиш. 2. Бирламчи тиббий-санитария ёрдами муассасаларида кўп мутахассисли жамоаларни (реабилетолог, кинезиолог, валеолог ва бошқалар) шакллантириш. 3. Аҳолини бирламчи тиббий-санитария ёрдами муассасалари ва уларда фаолият юритадиган шифокорларга бириктириш. 4. Бемор маршрути ва тиббий ёрдам кўрсатиш даражаларини мувофиқлаштириш механизмларини ишлаб чиқиш. 5. Сирдарё вилоятидаги барча давлат тиббиёт ташкилотлари учун тиббий хизматлар кўрсатилишининг модели ва тавсиявий штат жадвалини жорий этиш тартибини ишлаб чиқиш.	2021 йил 1 январь	Соғлиқни сақлаш вазирлиги, Давлат тиббий суғуртаси жамғармаси
4.	Сирдарё вилоятидаги давлат тиббиёт муассасалари фаолиятини баҳолаш бўйича комплекс ўрганиш лойиҳасини KfW банки ва ЖССТ кўмагида амалга ошириш.	1. Лойиҳани амалга ошириш учун консалтинг ташкилотини ёллаш. 2. Баҳолаш воситалари ва услубиётини аниқлаш. 3. Ўрганиш ва тадқиқотларни амалга ошириш. 4. Тўпланган маълумотларни таҳлил қилиш ва якуний ҳисоботни тайёрлаш.	2021 йил 1 апрель	Соғлиқни сақлаш вазирлиги, Давлат тиббий суғуртаси жамғармаси, Жаҳон соғлиқни сақлаш ташкилоти (келишув асосида), Сирдарё вилояти ҳокимлиги
5.	Сирдарё вилояти тиббиёт ташкилотларини молиялаштириш усуллари ва тартибини ишлаб чиқиш.	1. Тажриба-синов лойиҳасида тиббий хизматлар кўрсатилишининг янги моделини инобатга олган ҳолда давлат томонидан кафолатланган бепул тиббий хизматлар ва дори воситалари пакетини шакллантириш. 2. Кафолатланган пакетга киритилган хизматларни молиялаштириш тартибини ишлаб чиқиш (жон бошига молиялаштириш, клиник харажатлар гуруҳлари учун тўловларнинг соддалаштирилган модели, фаолият натижасига асосланган тўлов усули, хизмат учун тўлов, глобал бюджетва бошқалар).	2021 йил 1 февраль	Соғлиқни сақлаш вазирлиги, Молия вазирлиги, Давлат тиббий суғуртаси жамғармаси
6.	Сирдарё вилояти миқёсида тиббий ёрдам кўрсатиш учун ажратиладиган бюджет маблағларини Давлат тиббий суғуртаси жамғармаси ғазна ҳисобварағида жамлаш тартибини ишлаб чиқиш.	Давлат тиббий суғуртаси жамғармасига Давлат бюджетидан маблағларни ажратиш тартибини ишлаб чиқиш ва жамғарманинг Кузатув кенгаши томонидан тасдиқлаш.	2021 йил 1 апрель	Давлат тиббий суғуртаси жамғармаси, Соғлиқни сақлаш вазирлиги, Молия вазирлиги
7.	Мавжуд тиббий хизматлар харажатлари таҳлилини ўтказиш ва давлат томонидан кафолатланган тиббий ёрдам ҳажми доирасида янги хизматлар пакетларини молиялаштириш учун зарур молиявий маблағлар ҳисоб-китобини (costing) халқаро ташкилотлар кўмагида ва халқаро услубиётга асосланган ҳолда амалга ошириш.	1. Янги хизматлар пакетларини молиялаштириш учун зарур молиявий маблағлар ҳисоб-китобини амалга ошириш услубиётини ишлаб чиқиш. 2. Давлат томонидан кафолатланган тиббий ёрдам ҳажми доирасида янги хизматлар пакетларини молиялаштириш учун зарур бўладиган маблағлар ҳисоб-китобини амалга ошириш.	2021 йил 1 апрель	Давлат тиббий суғуртаси жамғармаси, Соғлиқни сақлаш вазирлиги, Молия вазирлиги
8.	Давлат тиббий суғуртасини жорий қилиш бўйича тарғибот-ташвиқот ва тушунтириш ишларини амалга ошириш.	1. Давлат тиббий суғуртаси тизимини жорий қилишга доир теледастурлар тайёрлаш. 2. Давлат тиббий суғуртаси тизимини жорий этиш бўйича тарғибот материалларини яратиш. 3. Тиббиёт ходимлари ва соҳа мутахассислари учун давлат тиббий суғуртаси тизимини жорий этиш бўйича семинарлар ташкил этиш.	2021 йил 1 май	Давлат тиббий суғуртаси жамғармаси, Соғлиқни сақлаш вазирлиги, Жаҳон соғлиқни сақлаш ташкилоти (келишув асосида), Маҳалла ва оилани қўллаб-қувватлаш вазирлиги, Сирдарё вилояти ҳокимлиги
9.	Давлат тиббий суғуртаси жамғармаси ҳамда Соғлиқни сақлаш вазирлиги ходимларини ўқитиш ва малакасини ошириш.	1. Режали ўқитиш (семинарлар, масофавий ўқув курслари)ни амалга ошириш. 2. Йўналтирувчи семинарлар ўтказиш. 3. Хорижий ўқув сафарларини ташкиллаштириш. 4. Тажриба алмашиш бўйича хорижий ва маҳаллий мутахассисларни жалб этиш.	2020 йил 1 декабрь — 2021 йил 1 июнь	Соғлиқни сақлаш вазирлиги, Давлат тиббий суғуртаси жамғармаси, Жаҳон соғлиқни сақлаш ташкилоти (келишув асосида)
10.	Давлат тиббий суғуртаси жамғармаси ва Сирдарё вилоятидаги тиббиёт ташкилотлари ўртасида шартнома тузиш тартибини ишлаб чиқиш.	1. Давлат тиббий суғуртаси жамғармаси ва Сирдарё вилоятидаги тиббиёт ташкилотлари ўртасида шартномалар тузиш ва бажариш принциплари, қоидалари ва тартибларини ишлаб чиқиш. 2. Жамғарма ва Сирдарё вилоятидаги тиббиёт ташкилотлари ўртасида тузиладиган шартномаларнинг намунавий шаклларини ишлаб чиқиш. 3. Тиббий хизматлар стратегик харидлари механизмини ишлаб чиқиш.	2021 йил 1 июнь	Давлат тиббий суғуртаси жамғармаси, Соғлиқни сақлаш вазирлиги, Молия вазирлиги
11.	Алоҳида сурункали касалликларни амбулатор даволаш учун қабул қилинадиган дори воситалари бўйича дорихоналарни сарф-харажатларини қоплаш механизмини ишлаб чиқиш.	1. Алоҳида сурункали касалликларни амбулатор даволаш учун қабул қилинадиган дори воситаларини максимал қоплаш нархларини белгилаш тартибини ишлаб чиқиш. 2. Дорихоналарнинг алоҳида сурункали касалликларни амбулатор даволаш учун қабул қилинадиган дори воситалари бўйича сарф-харажатларини қоплаш механизмини ишлаб чиқиш.	2021 йил 1 июнь	Давлат тиббий суғуртаси жамғармаси, Соғлиқни сақлаш вазирлиги, Молия вазирлиги
12.	Давлат тиббий суғуртасининг ахборот тизими, маълумотлар базаси ва бошқа ахборот ресурсларини яратиш.	1. Давлат тиббий суғуртасининг ахборот тизими техник талабларини аниқлаш ва улар асосида ахборот тизимни яратиш. 2. Давлат тиббий суғуртаси маълумотлар базасининг техник талабларини аниқлаш ва улар асосида маълумотлар базасини яратиш. 3. Давлат тиббий суғуртасининг бошқа ахборот ресурсларини техник талабларини аниқлаш ва улар асосида ахборот ресурсларни яратиш.	2021 йил 1 июнь	Соғлиқни сақлаш вазирлиги, Давлат тиббий суғуртаси жамғармаси
13.	Кўрсатиладиган тиббий хизматларнинг тури ва ҳажмига қараб тиббиёт ташкилотларини мониторинг қилиш ва баҳолаш тизими кўрсаткичларини ҳамда фаолиятининг самарадорлиги кўрсаткичларини ишлаб чиқиш.	1. Жаҳон соғлиқни сақлаш ташкилоти томонидан тавсия этилган ҳамда бошқа халқаро тан олинган тиббиёт ташкилотларининг мониторинг ва баҳолаш тизими кўрсаткичларини ўрганиш, мослаштириш ва ишлаб чиқиш. 2. Тиббиёт ташкилотларининг мониторинг ва баҳолаш натижалари асосида уларнинг фаолияти самарадорлиги кўрсаткичларини ишлаб чиқиш.	2021 йил 1 июнь	Соғлиқни сақлаш вазирлиги, Давлат тиббий суғуртаси жамғармаси
14.	Тажриба-синов лойиҳасини амалга ошириш жараёнида функционал мажбуриятларни тақсимлаш орқали сифатни таъминлаш ва назорат қилиш механизмларини ишлаб чиқиш.	1. Тиббий аудит ўтказиш тартибини ишлаб чиқиш ва тасдиқлаш. 2. Клиник протоколлар, кўрсатмалар ва стандартларни ишлаб чиқиш ҳамда тасдиқлаш. 3. Кўрсатилаётган тиббий ёрдам сифатини баҳолаш ҳамда унинг тасдиқланган стандартларга мувофиқлигини мониторинг ва назорат қилиш.	2021 йил 1 июнь	Соғлиқни сақлаш вазирлиги, Давлат тиббий суғуртаси жамғармаси
15.	Тиббиёт муассасалари ходимларининг малакавий билим ва кўникмаларини ошириш.	1. Молиявий ва клиник бошқарув, тиббий хизматлар стратегик харидлари ва бошқа йўналишлар бўйича раҳбар ва мутахассисларни тайёрлаш бўйича ўқув дастурларини ишлаб чиқиш. 2. Мавжуд халқаро ва маҳаллий таълим дастурлари, клиник стандартлар ва протоколлар таҳлилини амалга ошириш, давлат томонидан кафолатланган бепул тиббий хизматлар ва дори воситалари пакети доирасида тиббий хизматлар кўрсатишга ўргатиш. 3. Қисқа ва узоқ муддатли клиник ўқув дастурлари ва тиббий маълумотларни кодлаш бўйича ўқув курсларини амалга ошириш.	Доимий равишда	Соғлиқни сақлаш вазирлиги, Олий ва ўрта махсус таълим вазирлиги, Давлат тиббий суғуртаси жамғармаси, Молия вазирлиги, Ахборот технологиялари ва коммуникацияларини ривожлантириш вазирлиги
16.	Давлат тиббий суғуртаси жамғармаси ва тиббиёт ташкилотлари ўртасида тиббий хизматлар хариди бўйича шартномалар тузиш.	1. Жамғарма ва тиббиёт ташкилотлари ўртасида тиббий хизматлар хариди бўйича шартномаларни имзолаш. 2. Жамғарма билан тиббий хизматлар хариди бўйича шартнома тузган тиббиёт ташкилотлари электрон рўйхатини яратиш.	2021 йил 1 июль	Давлат тиббий суғуртаси жамғармаси, Соғлиқни сақлаш вазирлиги
17.	Тажриба-синов лойиҳаси натижаларини баҳолаш.	1. Лойиҳа натижаларини баҳолаш бўйича мустақил тадқиқот ўтказиш учун танлов асосида халқаро ташкилотларни жалб қилиш. 2. Лойиҳа натижаларини баҳолаш бўйича мустақил тадқиқот натижаларини чоп этиш.	2022 йил 1 сентябрь	Давлат тиббий суғуртаси жамғармаси, Соғлиқни сақлаш вазирлиги, Молия вазирлиги, Иқтисодий тараққиёт ва камбағалликни қисқартириш вазирлиги
18.	Тажриба-синов лойиҳаси натижаларини танқидий таҳлил қилиш асосида давлат тиббий суғуртаси тизимини босқичма-босқич республиканинг бошқа ҳудудларига жорий қилиш.	Давлат тиббий суғуртаси тизимини 2023 йил 1 январдан бошлаб Самарқанд, Навоий, Сурхондарё, Фарғона вилоятларида, Қорақалпоғистон Республикаси ва Тошкент шаҳрида жорий қилиш бўйича тегишли норматив-ҳуқуқий ҳужжат лойиҳасини ишлаб чиқиш ва Вазирлар Маҳкамасига киритиш.	2022 йил 15 декабрь	Давлат тиббий суғуртаси жамғармаси, Соғлиқни сақлаш вазирлиги, Молия вазирлиги, Иқтисодий тараққиёт ва камбағалликни қисқартириш вазирлиги, Қорақалпоғистон Республикаси Жўқорғи Кенгаши, вилоятлар ва Тошкент шаҳар ҳокимликлари

Ўзбекистон Республикаси Президентининг 2020 йил 12 ноябрдаги ПҚ-4890-сон қарорига
3-ИЛОВА

Давлат тиббий суғуртаси жамғармаси тўғрисидаги

ВАҚТИНЧАЛИК НИЗОМ

1-боб. Умумий қоидалар

1. Мазкур Низом Давлат тиббий суғуртаси жамғармасининг (кейинги ўринларда — Жамғарма) мақоми, асосий вазифалари, функциялари, ҳуқуқ ва мажбуриятларини, шунингдек, унинг фаолиятини ташкил этиш тартибини белгилайди.

2. Жамғарма ўз фаолиятида Ўзбекистон Республикаси Конституциясига, Ўзбекистон Республикаси қонунларига, Олий Мажлис палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, бошқа қонун ҳужжатларига, Жамғарма Кузатув кенгашининг қарорларига, шунингдек, ушбу Низомга амал қилади.

3. Жамғарма ўз фаолияти тўғрисида Жамғарма Кузатув кенгашига ҳисобот беради.

4. Жамғарма ўз фаолиятини давлат органлари ва бошқа ташкилотлар билан ўзаро ҳамкорликда амалга оширади.

5. Жамғарма давлат муассасаси ҳисобланади, мустақил балансга, шахсий ғазна ҳисобварақларига, Ўзбекистон Республикаси Давлат гербининг тасвири туширилган ва ўз номи ёзилган думалоқ муҳрга, штампларга ва бланкаларга эга бўлади.

6. Жамғарманинг ижро этувчи аппаратини сақлаш Давлат бюджети маблағлари ва қонун ҳужжатларида тақиқланмаган бошқа манбалар ҳисобига амалга оширилади.

2-боб. Жамғарманинг асосий мақсади, вазифалари ва функциялари

7. Жамғарманинг асосий мақсади аҳолини давлат томонидан кафолатланган тиббий ёрдам билан тўлиқ қамраб олишни таъминлаш, унинг сифати ва ҳажмини ошириш ҳамда тиббий хизматлар бозорини замонавий талаблар асосида ривожлантириш мақсадида давлат тиббий суғуртаси тизимини жорий этиш ва бошқаришдан иборат.

8. Қуйидагилар Жамғарманинг асосий вазифалари ҳисобланади:

2021 йил 1 июлдан 2022 йил якунигача бўлган муддатда Сирдарё вилоятида давлат тиббий суғуртаси тизимини жорий этиш тажриба-синов лойиҳасини (кейинги ўринларда — тажриба-синов лойиҳаси) амалга ошириш;

аҳолининг барча қатламларини сифатли ва зарур тиббий ёрдам билан таъминлаш мақсадида давлат томонидан кафолатланган тиббий ёрдам ҳажмига киритилган тиббий хизматлар стратегик хариди тизимини жорий этиш;

тажриба-синов лойиҳаси доирасида аҳолининг барча қатламларига давлат томонидан кафолатланган ҳажмларда сифатли ва тўлиқ тиббий ёрдам кўрсатилишини молиялаштириш;

тажриба-синов лойиҳаси доирасида Давлат бюджетидан тиббий ёрдамнинг кафолатланган ҳажмларини қоплаш мақсадида ажратиладиган маблағларни жамлаш, бошқариш, уларнинг мақсадли ва самарали сарфланишини ташкил этиш;

давлат тиббий суғуртасининг ягона ахборот тизими, маълумотлар базаси ва бошқа ахборот ресурсларини яратиш, уларнинг лозим даражада ишлашини таъминлаш;

9. Жамғарма ўзига юкланган вазифаларни бажариш учун қуйидаги функцияларни амалга оширади:

давлат тиббий суғуртаси тизимини жорий этади ва бошқаради;

аҳолининг барча қатламларига давлат томонидан кафолатланган тиббий ёрдам кўрсатилишини молиялаштиради;

Жамғарма даромадлари ва харажатларининг ўрта ва узоқ муддатли прогнозларини ишлаб чиқади, шунингдек, манфаатдор вазирликлар ва идоралар билан биргаликда ҳар йили Жамғарма бюджетини шакллантиради;

давлат томонидан кафолатланган тиббий ёрдамни молиялаштириш мақсадида Давлат бюджетидан ажратиладиган маблағларни ва қонун ҳужжатларига мувофиқ бошқа тушумларни жамлайди ва бошқаради;

давлат тиббий суғуртаси дастурларини ишлаб чиқишда иштирок этади ва уларни амалга ошириш тадбирларини белгиланган тартибда молиялаштиради;

тиббий хизматлар стратегик харидлари механизмларини ишлаб чиқади ва давлат томонидан кафолатланган тиббий ёрдам ҳажмига киритилган тиббий хизматлар учун тўловларни амалга оширади;

давлат тиббий суғуртаси тизими иштирокчилари томонидан Жамғарма маблағларидан оқилона ва мақсадли фойдаланилишини ташкил этади, давлат тиббий суғуртаси дастури доирасида тиббий хизматлар кўрсатиш шартномаси шартлари бажарилишини мониторинг қилади;

давлат тиббий суғуртасининг ягона электрон ахборот тизими ва ресурсларини бошқаради ҳамда уларнинг узлуксиз ишлашини таъминлайди, шунингдек, ушбу ахборот тизими ва ресурсларидан фойдаланиш тартибини белгилайди;

тиббий кадрлар салоҳиятини ривожлантириш дастурларини ишлаб чиқишда, шу жумладан тиббиёт муассасалари учун молия менежери ва клиник менежери мутахассисларини тайёрлаш ва уларнинг малакасини оширишни ташкил қилишда иштирок этади;

давлат томонидан кафолатланган тиббий ёрдам ҳажмига киритилган тиббий хизматлар пакетини ишлаб чиқиш ва такомиллаштиришда иштирок этади;

давлат тиббий суғуртаси тизимини такомиллаштириш ҳамда кенгайтириш бўйича таклифлар ишлаб чиқади ва уларни амалга ошириш чораларини кўради;

аҳолининг давлат тиббий суғуртаси тизими ва унинг ишлаш тартиби тўғрисидаги хабардорлик даражасини ошириш бўйича оммавий ахборот воситалари билан ҳамкорлик қилади;

давлат ва хўжалик бошқаруви органларининг давлат тиббий суғуртаси соҳасидаги фаолиятини мувофиқлаштиради;

давлат тиббий суғуртаси соҳасида халқаро алоқаларни амалга оширади, хорижий тажрибани ўрганади ва энг яхши амалиётни жорий этиш бўйича таклифлар ишлаб чиқади.

Жамғарма ўзига юкланган вазифаларни бажариш учун қонун ҳужжатларига мувофиқ бошқа функцияларни ҳам амалга ошириши мумкин.

3-боб. Жамғарманинг ҳуқуқ ва мажбуриятлари

10. Жамғарма ўзига юкланган вазифалар ва функцияларни бажариш доирасида қуйидаги ҳуқуқларга эга:

давлат тиббий суғуртаси тизимига оид ахборотни ушбу тизим иштирокчиларидан белгиланган тартибда олиш;

бюджет буюртмаларини тайёрлаш ва Давлат бюджетидан маблағ олиш учун бюджет сўровларини тузиш;

Жамғарма маблағларини белгиланган тартибда жойлаштириш;

агар қонун ҳужжатларида бошқача тартиб назарда тутилмаган бўлса, давлат тиббий суғуртаси соҳасида услубий ҳужжатлар, ҳисоботлар ва аризалар шакллари, ҳисоб реестрлари, далолатномалар ва бошқа ҳужжатларни ишлаб чиқиш ҳамда улардан фойдаланиш тартибини белгилаш;

Ўзбекистон Республикасининг қонун ҳужжатларига мувофиқ консалтинг, ноширлик ва ўқитиш фаолиятини ташкил этиш;

белгиланган тартибда асбоб-ускуна, инвентарь, товар ва хизматларни харид қилиш;

давлат органлари, маҳаллий давлат ҳокимияти органлари, фуқароларнинг ўзини-ўзи бошқариш органлари, шунингдек, бошқа ташкилот ва муассасалардан ўз ваколатлари доирасида зарур бўлган маълумотларни олиш;

давлат тиббий суғуртаси соҳасида хорижий ва маҳаллий экспертлар ҳамда маслаҳатчиларни шартнома асосида жалб қилиш;

ўз ваколати доирасида халқаро ҳамкорликни амалга ошириш.

Жамғарма ўзига юкланган вазифалар ва функцияларни бажариш доирасида қонун ҳужжатларига мувофиқ бошқа ҳуқуқларга ҳам эга бўлиши мумкин.

11. Жамғарма қуйидагиларга мажбур:

Жамғарманинг маблағларидан самарали ва мақсадли фойдаланишни таъминлаш;

тиббий хизматлар харидини тегишли молия йили учун режалаштирилган маблағлар ҳажми доирасида амалга ошириш;

давлат тиббий суғуртаси тизими иштирокчиларига нисбатан ўрнатилган талабларга жавоб берувчи тиббиёт ташкилотлари ва бошқа иштирокчилар билан давлат томонидан кафолатланган тиббий ёрдам ҳажмига киритилган тиббий хизматлар хариди бўйича шартномалар тузиш;

беморлар ҳақидаги маълумотларни, шу жумладан уларга тиббий ёрдам кўрсатиш чоғида олинган бошқа маълумотларни қонун талабларига мувофиқ сир сақлаш;

давлат томонидан кафолатланган тиббий ёрдам ҳажмига киритилган тиббий хизматлардан аҳолининг қониқиш даражасини таҳлил қилиш;

фуқаролар мурожаатларини Ўзбекистон Республикаси қонун ҳужжатларига мувофиқ кўриб чиқиш;

қонун ҳужжатларига мувофиқ белгиланган шакл бўйича ва муддатларда молиявий ҳисобот ва бошқа ҳисоботларни шакллантириш ҳамда уларни тегишли давлат органларига тақдим этиш;

давлат тиббий суғуртаси соҳасида ходимлар салоҳиятини мунтазам равишда ошириб бориш.

Жамғарма ўзига юкланган вазифалар ва функцияларни бажариш доирасида қонун ҳужжатларига мувофиқ бошқа мажбуриятларга ҳам эга бўлиши мумкин.

4-боб. Жамғарма маблағларини шакллантириш ва улардан фойдаланиш тартиби

12. Жамғарма бюджетини шакллантириш ва ижро этиш қонун ҳужжатларига мувофиқ амалга оширилади.

13. Қуйидагилар Жамғарма маблағларини шакллантириш манбалари ҳисобланади:

Давлат бюджетидан олинган маблағлар;

вақтинча бўш турган маблағларни тижорат банкларининг депозитларига жойлаштиришдан тушадиган даромадлар;

Кейинги таҳрирга қаранг.

жисмоний ва юридик шахсларнинг ҳомийлик ҳайриялари;

халқаро молия институтлари ва хорижий ташкилотларнинг грантлари;

қонун ҳужжатларида тақиқланмаган бошқа манбалар.

14. Жамғарма маблағлари Жамғарма Кузатув кенгаши томонидан тасдиқланадиган харажатлар сметасига мувофиқ қуйидаги мақсадлар учун йўналтирилади:

давлат томонидан кафолатланган тиббий ёрдам доирасида тиббий хизматларни давлат ва хусусий тиббиёт ташкилотларидан харид қилиш;

давлат тиббий суғуртаси дастурини ҳамда имтиёзли дори воситалари таъминотини молиялаштириш;

Жамғарманинг тасдиқланган бюджети доирасида мақсадли дастурлар ва бошқа чора-тадбирларни амалга ошириш;

Жамғарма ижро этувчи аппарати фаолиятини ташкил этиш, шу жумладан молиявий ва моддий-техник жиҳатдан таъминлаш;

Кейинги таҳрирга қаранг.

ахборот ва алоқа хизматлари учун тўловларни амалга ошириш;

банк хизматлари учун тўловларни амалга ошириш;

тиббий суғурта соҳасида халқаро ҳамкорликни амалга ошириш.

15. Жамғарма ҳар йили келгуси молия йиллари учун давлат томонидан кафолатланган тиббий ёрдам ҳажми прогнозлари асосида уни амалга ошириш учун зарур маблағлар ҳисоб-китобини ишлаб чиқади.

16. Бюджет сўрови Жамғарма томонидан тайёрланади ва қонун ҳужжатларида белгиланган тартибда Молия вазирлигига тақдим этилади.

Қаранг: Ўзбекистон Республикаси Бюджет кодексининг 85-моддаси.

17. Жамғарма фаолияти қонун ҳужжатларида белгиланган тартибда ҳар йили ташқи аудитдан ўтказилади.

Қаранг: Ўзбекистон Республикасининг «Аудиторлик фаолияти тўғрисида»ги Қонуни.

5-боб. Жамғармани бошқариш

18. Жамғарма Кузатув кенгаши ва Жамғарма ижро этувчи аппарати Жамғарманинг бошқарув органлари ҳисобланади.

19. Жамғарма Кузатув кенгаши Жамғарманинг юқори бошқарув органидир, унинг таркиби Вазирлар Маҳкамасининг қарори билан тасдиқланади.

Кейинги таҳрирга қаранг.

Жамғарманинг ижро этувчи аппарати Жамғарма Кузатув кенгашининг ишчи органи ҳисобланади.

20. Жамғарма Кузатув кенгашининг мажлислари ҳар чоракда камида бир марта ўтказилади, уларга Жамғарма Кузатув кенгашининг раиси, Жамғарма Кузатув кенгашининг раиси бўлмаган тақдирда унинг ўринбосари раислик қилади.

21. Жамғарма Кузатув кенгашининг мажлиси, агар аъзоларнинг камида учдан икки қисми қатнашса, ҳуқуқий ваколатли бўлади (кворумга эга бўлади).

Жамғарма Кузатув кенгашининг қарори унинг мажлисда қатнашган аъзоларининг оддий кўпчилик овози билан қабул қилинади. Овозлар тенг бўлган тақдирда Жамғарма Кузатув кенгаши раисининг овози ҳал қилувчи овоз ҳисобланади.

22. Жамғарманинг Кузатув кенгаши:

Жамғарма даромад ва харажатларининг прогноз параметрларини ҳамда йиллик харажатлар сметасини тасдиқлайди;

давлат томонидан кафолатланган тиббий ёрдам ҳажмига киритилган тиббий хизматлар тарифлари юзасидан ишлаб чиқилган таклифларни келишади;

Жамғарма ижро этувчи аппарати томонидан амалга оширилаётган ишлар тўғрисида ҳисоботларни эшитади ва тасдиқлайди;

давлат ва хўжалик бошқаруви органлари, маҳаллий давлат ҳокимияти органлари ва бошқа ташкилотларнинг давлат тиббий суғуртаси соҳасига оид масалалар юзасидан ҳисоботларини эшитади;

Жамғарманинг ижро этувчи директори ҳамда унинг ўринбосарлари лавозимларига номзодларни кўриб чиқади ва улар бўйича Вазирлар Маҳкамасига тақдимнома киритади;

Жамғарма фаолиятини тартибга солувчи ҳужжатларни тасдиқлайди;

Жамғарманинг бўш турган маблағларидан фойдаланиш тартибини белгилайди;

Жамғарманинг ижро этувчи аппарати ходимларига уларнинг эгаллаб турган асосий лавозимлари бўйича лавозим маошларига устама ва бошқа рағбатлантириш тўловларини белгилаш тартибини тасдиқлайди;

Жамғарманинг ижро этувчи аппарати фаолиятини, шу жумладан унинг даромад ва харажатлар прогноз параметрлари ижросини, маблағларнинг мақсадли ишлатилишини назорат қилади;

қонун ҳужжатларига мувофиқ бошқа ваколатларни амалга оширади.

6-боб. Жамғарма фаолиятини ташкил этиш

23. Жамғарма ўз фаолиятини Ўзбекистон Республикаси қонун ҳужжатларида белгиланган ваколатлар доирасида ташкил этади ва амалга оширади.

24. Жамғармага унинг Кузатув кенгаши тақдимномаси бўйича Вазирлар Маҳкамаси томонидан лавозимга тайинланадиган ва лавозимидан озод қилинадиган ижро этувчи директор раҳбарлик қилади. Ижро этувчи директор Жамғармага юкланган вазифалар ва функцияларнинг бажарилиши учун шахсан жавоб беради.

25. Жамғарма ижро этувчи директорининг ўринбосарлари Жамғарма Кузатув кенгашининг тақдимномаси бўйича Вазирлар Маҳкамасининг қарори билан лавозимга тайинланади.

26. Жамғарманинг ижро этувчи директори мақоми, меҳнатга ҳақ тўлаш, тиббий ва транспорт хизмати кўрсатиш шартлари бўйича вазирнинг биринчи ўринбосарига, унинг ўринбосарлари эса вазир ўринбосарига тенглаштирилади.

27. Жамғарма ижро этувчи директори:

Жамғарма фаолиятига раҳбарлик қилади;

ўз ваколатлари доирасида Жамғарманинг ижро этувчи директори ўринбосарлари ҳамда таркибий бўлинмалари раҳбарлари ўртасида лавозим вазифаларини тақсимлайди;

ўз ваколатлари доирасида Жамғарма фаолиятига оид буйруқлар ва йўриқномалар чиқаради ҳамда Жамғарманинг таркибий бўлинмаларига кўрсатмалар беради;

Жамғарманинг таркибий бўлинмалари тўғрисидаги низомларни тасдиқлайди, шунингдек, зарур ҳолларда, Жамғарма ижро этувчи аппаратининг тузилмасига бошқарув ходимларининг умумий чекланган сони ва меҳнатга ҳақ тўлаш жамғармаси доирасида ўзгартиришлар киритади;

Жамғарманинг ижро этувчи аппарати ходимларини лавозимга тайинлайди ва лавозимидан озод этади;

пул маблағлари ва моддий бойликларнинг бухгалтерия ҳисоби юритилишини, статистика ва бухгалтерия ҳисоботлари тузилишини ҳамда улар тегишли давлат органларига белгиланган тартибда тақдим этилишини ташкил қилади;

Жамғарманинг Кузатув кенгаши мажлисларида маслаҳат овози ҳуқуқи билан қатнашади;

қонун ҳужжатларига мувофиқ бошқа ваколатларни амалга оширади.

28. Жамғарманинг ижро этувчи аппарати ходимларига Давлат бюджети маблағлари ҳисобидан қуйидаги миқдорда кўп йиллик ишлаганлик учун ҳар ойлик устама тўланади (рағбатлантириш коэффициентини ҳисобга олган ҳолда лавозим маошига нисбатан коэффицентларда): 2 йилдан 5 йилгача — 0,1, 5 йилдан 10 йилгача — 0,2, 10 йилдан 15 йилгача — 0,3, 15 йилдан 20 йилгача — 0,4, 20 йилдан 25 йилгача — 0,5, 25 йилдан юқори — 0,6. Бунда, кўп йиллик устама олиш ҳуқуқини берувчи иш стажи Жамғарма Кузатув кенгаши томонидан тасдиқланадиган тартиб асосида амалга оширилади.

Кейинги таҳрирга қаранг.

29. Жамғарманинг ижро этувчи аппарати ходимларига давлат бошқаруви органлари ходимлари учун белгиланган меҳнатга ҳақ тўлаш шартлари татбиқ этилади ҳамда уларнинг лавозим маошларини Ягона тариф сеткаси бўйича меҳнатга ҳақ тўлашнинг тасдиқланган разрядларига асосан белгилашда тариф коэффициенти 2,0 бараварга оширилган ҳолда қўлланилади.

Кейинги таҳрирга қаранг.

30. Жамғарма иш ҳақи фонди доирасида тиббиёт, иқтисодиёт, молия, ахборот-коммуникация технологиялари ва Жамғарма зиммасига юклатилган вазифаларни амалга ошириш учун зарур бўлган бошқа соҳалар бўйича юқори малакали мутахассисларни Кузатув кенгаши билан келишган ҳолда фуқаролик ҳуқуқий шартнома асосида ишга жалб қилиш ҳуқуқига эга.

Кейинги таҳрирга қаранг.

7-боб. Ҳисобга олиш, ҳисобот ва назорат

31. Жамғарманинг ижро этувчи аппарати давлат тиббий суғуртаси тизимида кўрсатиладиган тиббий хизматлар учун ҳақ тўлаш ва бошқа тўловларни молиялаштиришни Жамғарманинг тасдиқланган бюджети доирасида амалга ошириш ҳамда Жамғарма маблағларидан мақсадли фойдаланиш учун жавобгардир.

32. Жамғарманинг ижро этувчи аппарати Молия вазирлигига белгиланган муддатларда даврий ҳисоботларни тақдим этади.

33. Жамғарма маблағларидан белгиланган тартибда фойдаланилиши устидан назорат Жамғарманинг ижро этувчи аппарати томонидан амалга оширилади.

34. Жамғарма маблағларидан мақсадли ҳамда самарали фойдаланилишини назорат қилиш Жамғарманинг ички аудит хизмати, шунингдек, Молия вазирлиги ҳамда Ҳисоб палатаси томонидан амалга оширилади.

8-боб. Якунловчи қоидалар

35. Жамғармани қайта ташкил этиш ва тугатиш қонунчиликда белгиланган тартибда амалга оширилади.

36. Жамғарманинг доимий сақланадиган ҳужжатлари, Жамғарма тугатилган тақдирда, белгиланган тартибда Давлат архивига топширилади.

37. Мазкур Низом талаблари бузилишида айбдор бўлган шахслар қонун ҳужжатларида белгиланган тартибда жавобгар бўладилар.

Кейинги таҳрирга қаранг.

Ўзбекистон Республикаси Президентининг 2020 йил 12 ноябрдаги ПҚ-4890-сон қарорига
4-ИЛОВА

Давлат тиббий суғуртаси жамғармаси ижро этувчи аппаратининг

ВАҚТИНЧАЛИК ТУЗИЛМАСИ

Бошқарув ходимларнинг умумий чекланган сони — 46 бирлик.

Техник ва хизмат кўрсатувчи ходимлар сони ўрнатилган меъёрларга мувофиқ белгиланади.

Кейинги таҳрирга қаранг.

Ўзбекистон Республикаси Президентининг 2020 йил 12 ноябрдаги ПҚ-4890-сон қарорига
5-ИЛОВА

Давлат тиббий суғуртаси жамғармаси Кузатув кенгашининг

ТАРКИБИ

Кейинги таҳрирга қаранг.

Туйчиев Лазиз Нодирович	—	Ўзбекистон Республикаси Президентининг ёшлар, фан, таълим, соғлиқни сақлаш, маданият ва спорт масалалари бўйича маслаҳатчисининг биринчи ўринбосари, Кузатув кенгаши раиси
Иноятов Амрилло Шодиевич	—	соғлиқни сақлаш вазирининг биринчи ўринбосари, Кузатув кенгаши раисининг ўринбосари
Норқулов Илҳом Иброхимович	—	иқтисодий тараққиёт ва камбағалликни қисқартириш вазирининг биринчи ўринбосари
Шарипов Нажмиддинходжа Шухратович	—	Монополияга қарши курашиш қўмитаси раиси
Азизов Абдулла Абдисаламович	—	соғлиқни сақлаш вазирининг ўринбосари
Абруев Жамшид Исмаилович	—	молия вазирининг ўринбосари
Мирзаев Ғофуржон Ғаниевич	—	Сирдарё вилояти ҳокими
Юлдашев Рустам Шавкатович	—	Сирдарё вилояти соғлиқни сақлаш бошқармаси бошлиғи
Алимов Насим Ҳошимович	—	Ўзбекистон нодавлат нотижорат ташкилотлари миллий ассоциацияси раиси
лавозими бўйича	—	Давлат тиббий суғуртаси жамғармаси ижро этувчи директори, Кузатув кенгашининг котиби

Изоҳ: Жамғарманинг Кузатув кенгаши таркиби аъзолари бошқа ишга ўтган тақдирда, унинг таркибига ушбу лавозимга янги тайинланган ёки тегишли функцияларни бажариш зиммасига юкланган шахслар киритилади.

Кейинги таҳрирга қаранг.

Ўзбекистон Республикаси Президентининг 2020 йил 12 ноябрдаги ПҚ-4890-сон қарорига
6-ИЛОВА

Ўзбекистон Республикаси Президентининг 2020 йил 12 ноябрдаги «Соғлиқни сақлаш тизимини ташкил этишнинг янги модели ва давлат тиббий суғуртаси механизмларини Сирдарё вилоятида жорий этиш чора-тадбирлари тўғрисида»ги ПҚ-4890-сон қарорининг алоҳида бандлари ижросини самарали ташкил этиш юзасидан

ҲАРАКАТЛАР РЕЖАСИ

Т/р

Чора-тадбир номи

Амалга ошириш механизми

Республика даражасида

Вилоят даражасида

Туман (шаҳар) даражасида

Бирламчи тиббий-санитария ёрдами муассасаларида оилавий шифокор, унинг терапия ва педиатрия йўналишлари бўйича ёрдамчилари, патронаж хамширалари ва доядан иборат бўлган «тиббиёт бригадалари» фаолиятини йўлга қўйиш.

1. Амалдаги умумий амалиёт шифокори ва хамширалар ўрнига оилавий шифокор, унинг терапия ва педиатрия йўналишлари бўйича ёрдамчилари, патронаж хамширалари ва доядан иборат бўлган «тиббиёт бригадалари»ни ташкил қилиш, уларнинг малака талаблари ҳамда функционал вазифаларини ишлаб чиқиш.

масъул: Соғлиқни сақлаш вазирлиги (А. Хаджибаев)

муддат: 2021 йил 1 январь

1. «Тиббиёт бригадалари»ни ташкил қилиш учун кадрлар рўйхатини тасдиқлаш.

масъул: Сирдарё вилояти соғлиқни сақлаш бошқармаси (Р. Юлдашев)

муддат: 2021 йил 1 февраль

1. «Тиббиёт бригадалари»ни ташкил қилиш учун кадрлар номзодини саралаб олиш.

масъуллар: Сирдарё вилояти туман (шаҳар) тиббиёт бирлашмалари

муддат: 2021 йил 1 январь

2. «Тиббиёт бригадалари» фаолиятини самарали ташкил қилиш, мақсадли патронаж ва скрининг текширувларини ўтказиш бўйича уларни қайта ўқитиш.

масъул: Соғлиқни сақлаш вазирлиги (А. Хаджибаев)

муддат: 2021 йил 1 июнь

2. «Тиббиёт бригадалари» фаолиятини самарали ташкил қилиш, мақсадли патронаж ва скрининг текширувларини ўтказиш бўйича уларни қайта ўқитишга кўмаклашиш.

масъуллар: Сирдарё вилояти ҳокимлиги (Ғ. Мирзаев), Сирдарё вилояти соғлиқни сақлаш бошқармаси (Р. Юлдашев)

муддат: 2021 йил 1 июнь

2. «Тиббиёт бригадалари» фаолиятини йўлга қўйиш, уни доимий назорат қилиш ва тиббиёт ходимларини малакасини тизимли равишда ошириб борилишини таъминлаш.

масъуллар: Сирдарё вилояти туман (шаҳар) тиббиёт бирлашмалари

муддат: 2021 йил 1 июндан бошлаб

3. «Тиббиёт бригадалари»ни тўлиқ шакллантириб фаолиятини йўлга қўйиш.

масъуллар: Сирдарё вилояти ҳокимлиги (Ғ. Мирзаев), Сирдарё вилояти соғлиқни сақлаш бошқармаси (Р. Юлдашев)

муддат: 2021 йил 1 июль

Давлат томонидан кафолатланган тиббий хизматлар ва дори воситалари пакетини жорий этиш.

1. Кафолатланган пакетга киритиладиган тиббий хизматлар ва дори воситалари ҳажмини аниқлаш.

масъуллар: Соғлиқни сақлаш вазирлиги (А. Хаджибаев), Молия вазирлиги (Т. Ишметов), Иқтисодий тараққиёт ва камбағалликни қисқартириш вазирлиги (И. Норқулов)

муддат: 2021 йил 1 февраль

1. Вилоят даражасидаги муассасаларда беморларга кафолатланган пакетга киритиладиган тиббий хизматлар тўлиқ ҳажмда кўрсатилишини ва уларнинг зарур дори воситалари билан таъминланишини ташкил этиш.

масъул: Сирдарё вилояти соғлиқни сақлаш бошқармаси (Р. Юлдашев)

муддат: 2021 йил 1 февралдан бошлаб

Туман даражасидаги муассасаларда беморларга кафолатланган пакетга киритиладиган тиббий хизматлар тўлиқ ҳажмда кўрсатилишини ва уларнинг зарур дори воситалари билан таъминланишини ташкил этиш.

масъуллар: Сирдарё вилояти туман (шаҳар) тиббиёт бирлашмалари

муддат: 2021 йил 1 февралдан бошлаб

2. Тиббий хизматлар ва дори воситалари пакети доирасида кўрсатиладиган тиббий ёрдамни ўз вақтида молиялаштириш.

масъуллар: Молия вазирлиги (Т. Ишметов), Соғлиқни сақлаш вазирлиги (А. Хаджибаев)

муддат: 2021 йил 1 февралдан бошлаб

2. Вилоят ва туман даражасидаги муассасаларда беморларга кафолатланган пакетга киритиладиган тиббий хизматлар тўлиқ ҳажмда кўрсатилишини ва уларнинг зарур дори воситалари билан таъминланишини назорат қилиш.

масъул: Сирдарё вилояти соғлиқни сақлаш бошқармаси (Р. Юлдашев)

муддат: 2021 йил 1 февралдан бошлаб

Аҳолининг соғлиғи билан боғлиқ кўрсаткичларини шакллантириш, мониторинг қилиш ҳамда дори воситалари учун рецепт ёзиш ягона электрон платформасини яратиш.

1. Сирдарё вилояти тиббиёт муассасаларини компьютер техникаси билан таъминлаш, бунда халқаро молия институтларининг имтиёзли кредит маблағларини жалб қилиш.

масъуллар: Соғлиқни сақлаш вазирлиги (А. Азизов, Ш. Шарахметов), Инвестициялар ва ташқи савдо вазирлиги (Л. Кудратов), Молия вазирлиги (Ж. Абруев)

муддат: 2021 йил 1 июнь

1. Тиббиёт муассасаларини оптик-толали алоқа линиялари билан таъминлаш.

масъуллар: Ахборот технологиялари ва коммуникацияларини ривожлантириш вазирлигининг ҳудудий бошқармаси, Сирдарё вилояти ҳокими (Ғ. Мирзаев), Сирдарё вилояти соғлиқни сақлаш бошқармаси (Р. Юлдашев)

муддат: 2021 йил 1 январь

Тиббиёт муассасаларида жорий этилаётган ахборот тизимларидан фойдаланишни ташкил этиш ҳамда маълумотлар базаси вақтида ва тўлиқ шакллантириб борилишини таъминлаш.

масъуллар: Сирдарё вилояти туман (шаҳар) тиббиёт бирлашмалари

муддат: ахборот тизимлари жорий этилиши билан

2. «Электрон поликлиника» ва давлат тиббий суғуртаси ахборот тизимлари ҳамда маълумотлар базасини жорий қилиш.

масъуллар: Соғлиқни сақлаш вазирлиги (А. Азизов), Ахборот технологиялари ва коммуникацияларини ривожлантириш вазирлиги (О. Пекось)

муддат: 2021 йил 1 июль

2. Вилоят тиббиёт муассасаларини жорий этилаётган ахборот тизимларига уланиши ва улардан доимий фойдаланишини таъминлаш.

масъул: Сирдарё вилояти соғлиқни сақлаш бошқармаси (Р. Юлдашев)

муддат: ахборот тизимлари жорий этилиши билан

3. «Электрон рецепт» ахборот тизимини ишлаб чиқиш ва жорий қилиш.

муддат: 2022 йил 1 январь

3. Ҳудуддаги тиббиёт ходимлари учун жорий этилаётган ахборот тизимларидан фойдаланиш бўйича семинар-тренинглар ташкил этиш.

масъуллар: Сирдарё вилояти ҳокимлиги (Ғ. Мирзаев), Сирдарё вилояти соғлиқни сақлаш бошқармаси (Р. Юлдашев)

мудда?: 2021 йил 1 июнь

Қуйидагиларни назарда тутувчи тиббий профилактика ва патронаж хизматларининг янги тизимини йўлга қўйиш, жумладан:

аҳолини хавф гуруҳларига ажратиш, уларнинг саломатлигини даврий кузатувга олиш;

муайян касалликлар бўйича мақсадли скрининг текширувлар ўтказиш;

мақсадли патронаж тизимини жорий қилиш.

1. Ҳудудларнинг ўзига хос хусусияти, касаллик турлари, фуқароларнинг ёши, касалланиш даражаси ва бошқа омиллардан келиб чиқиб хавф гуруҳларини аниқлаш мезонларни белгилаш.

масъул: Соғлиқни сақлаш вазирлиги (А. Иноятов)

муддат: 2021 йил 1 январь

1. Жорий қилинаётган янги тиббий профилактика ва патронаж тизими бўйича тиббиёт ходимларини ўқитишга кўмаклашиш.

масъул: Сирдарё вилояти соғлиқни сақлаш бошқармаси (Р. Юлдашев)

муддат: 2021 йил 1 январдан бошлаб

1. Аҳолини хавф гуруҳларига ажратиш, уларнинг саломатлигини даврий кузатиб бориш.

масъуллар: Сирдарё вилояти туман (шаҳар) тиббиёт бирлашмалари

муддат: доимий

2. Мақсадли скрининг ва мақсадли патронаж билан қамраб олинадиган касаллик турлари ва фуқаролар контингентини шакллантириш ҳамда уларни амалга ошириш тартибини ишлаб чиқиш.

масъул: Соғлиқни сақлаш вазирлиги (А. Иноятов)

муддат: 2021 йил 1 январь

2. Аҳолини хавф гуруҳларига ажратилишини, уларнинг саломатлигини даврий кузатиб борилишини, шунингдек, мақсадли скрининг ва мақсадли патронаж ишлари тўғри ташкил этилишини назорат қилиш.

масъул: Сирдарё вилояти соғлиқни сақлаш бошқармаси (Р. Юлдашев)

муддат: доимий

2. Мақсадли скрининг ва мақсадли патронаж билан қамраб олинадиган фуқаролар рўйхатини шакллантириш ва уларни ушбу кўриклардан мунтазам ўтказиб бориш.

масъуллар: Сирдарё вилояти туман (шаҳар) тиббиёт бирлашмалари

муддат: доимий

3. Жорий қилинаётган янги тиббий профилактика ва патронаж тизимини тиббиёт ходимларига ўргатиш бўйича ўқув курсларини ташкил қилиш.

масъул: Соғлиқни сақлаш вазирлиги (А. Иноятов)

муддат: 2021 йил 1 январь

Вилоят тиббиёт муассасаларида аҳолига кафолатланган тиббий хизматлар пакети асосида тиббий ёрдам кўрсатиш учун зарур моддий-техник базани яратиш.

1. Тиббиёт муассасаларининг моддий-техник таъминотини таҳлил қилиб, зарур бўлган тиббий техника, тиббиёт буюмлари ва бошқа моддий бойликлар рўйхатини шакллантириш.

масъуллар: Соғлиқни сақлаш вазирлиги (А. Хаджибаев), Иқтисодий тараққиёт ва камбағалликни қисқартириш вазирлиги (И. Норқулов)

муддат: 2021 йил 1 январь

Тиббиёт муассасаларининг жиҳозланганлик даражаси бўйича маълумотларни умумлаштириш ва таҳлил қилиш, шу жумладан таъмир талаб тиббий техникаларни аниқлаш, уларни таъмирлаш (янгилаш) бўйича таклифлар ишлаб чиқиш.

масъуллар: Сирдарё вилояти ҳокимлиги (Ғ. Мирзаев), Сирдарё вилояти соғлиқни сақлаш бошқармаси (Р. Юлдашев)

муддат: 2021 йил 1 январь

Тиббиёт муассасаларининг жиҳозланганлик даражасини таҳлил қилиш, шу жумладан таъмир талаб тиббий техникаларни аниқлаш, уларни таъмирлаш (янгилаш) бўйича таклифлар ишлаб чиқиш ва вилоят соғлиқни сақлаш бошқармасига киритиш.

масъуллар: Сирдарё вилояти туман (шаҳар) тиббиёт бирлашмалари

муддат: 2021 йил 1 январь

2. Тиббиёт муассасаларида аҳолига кафолатланган пакет асосида тиббий ёрдам кўрсатиш учун зарур моддий техник базани яратиш.

масъуллар: Соғлиқни сақлаш вазирлиги (А. Хаджибаев), Молия вазирлиги (Т. Ишметов)

муддат: 2021 йил 1 май

Вилоят даражасидаги тиббиёт муассасалари фаолиятини ўрганиб, улар негизида «тиббиёт кластери»ни ташкил қилиш чора-тадбирларини ишлаб чиқиш.

1. Тиббиёт муассасалари фаолияти, моддий-техник базаси ва жойлашувини таҳлил қилиб, «тиббиёт кластери» ташкил этиш тўғрисида таклиф тайёрлаш.

масъуллар: Соғлиқни сақлаш вазирлиги (А. Иноятов), Иқтисодий тараққиёт ва камбағалликни қисқартириш вазирлиги (И. Норқулов), Молия вазирлиги (Т. Ишметов)

муддат: 2021 йил 1 январь

Тиббиёт муассасалари фаолиятини ўрганиб, самарасиз фаолият юритаётган бўғинларни аниқлаш, қайта мослаштириш зарур бўлган, шунингдек бошқарув харажатларини мақбуллаштириш мумкин бўлган муассасалар бўйича таклифлар шакллантириш.

масъуллар: Сирдарё вилояти ҳокимлиги (Ғ. Мирзаев), Сирдарё вилояти соғлиқни сақлаш бошқармаси (Р. Юлдашев)

муддат: 2021 йил 1 январь

2. «Тиббиёт кластери»ни ташкил этиш концепцияси ва дастлабки лойиҳасини ишлаб чиқиш.

масъуллар: Соғлиқни сақлаш вазирлиги (А. Иноятов), Қурилиш вазирлиги (Ш. Хидоятов), Иқтисодий тараққиёт ва камбағалликни қисқартириш вазирлиги (И. Норқулов)

муддат: 2021 йил 1 февраль

(Қонун ҳужжутлари маълумотлари миллий базаси, 13.11.2020 й., 07/20/4890/1514-сон; Қонунчилик маълумотлари миллий базаси, 06.05.2021 й., 06/21/6221/0428-сон; 29.07.2021 й., 07/21/5199/0721-сон; 27.01.2022 й., 07/22/103/0070-сон, 26.04.2022 й., 07/22/216/0343-сон; 07.07.2023 й., 06/23/108/0460-сон; 11.09.2024 й., 07/24/311/0700-сон; 24.01.2026 й., 07/26/20/0072-сон)