Ҳужжат кучини йўқотган " " 31.07.2017
Ҳужжат 12.10.1992 00 санаси ҳолатига
Амалдаги версияга ўтиш
Ўзбекистон Республикаси Президенти ҳузуридаги Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ЎРМОН ФОНДИ ЕРЛАРИДА ОВЧИЛИК ХЎЖАЛИГИНИ ТАШКИЛ ЭТИШ ВА ЮРИТИШ ЧОРА-ТАДБИРЛАРИ ТЎҒРИСИДА
 LexUZ шарҳи
Мазкур қарор Ўзбекистон Республикаси Вазирлар Маҳкамасининг 2017 йил 19 июлдаги 530-сонли «Ўрмон хўжалигини бошқариш тизимини янада такомиллаштириш чора-тадбирлари тўғрисида»ги қарорига асосан ўз кучини йўқотган.
Ўзбекистон Республикаси ўрмон фонди ҳудудида овчилик хўжалигини бошқаришни такомиллаштириш, ҳайвонот дунёсини назорат қилиш, қўриқлаш ва такрорий ишлаб чиқаришни кучайтириш, мўйна ва балиқ етиштиришни, ёввойи қушларни кўпайтириш мақсадида Вазирлар Маҳкамаси қарор қилади:
1. Ўзбекистон Республикаси Давлат ўрмон қўмитаси ҳузурида тўла хўжалик ҳисоби асосида Овчилик хўжалиги, қўриқхоналар ва миллий парклар бошқармаси (Овчилик бош бошқармаси)ни ташкил этиш тўғрисидаги таклифи қабул қилинсин.
Овчилик хўжалиги, қўриқхоналар ва миллий парклар бош бошқармасининг ходимлари сони 22 кишидан, йиллик иш ҳақи фонди 1379 минг сўмдан иборат қилиб белгилансин, уларнинг 1173 минг сўми тасарруфидаги корхоналарнинг ажратмалари ҳисобидан ва 206 минг сўми овчилик хўжалиги, қўриқхоналар ва миллий парклар бўлимининг 3 кишидан иборат ходимларини сақлаш учун бюджетдан ажратиладиган маблағлар ҳисобидан бўлади.
Ўзбекистон Республикаси Давлат ўрмон қўмитаси ҳузуридаги Овчилик бош бошқармаси зиммасига қуйидагилар юклатилсин:
Кейинги таҳрирга қаранг.
овчилик фондини бошқариш, ҳайвонот дунёсидан фойдаланишни назорат қилиб бориш, ўсимлик дунёсини муҳофаза қилишни таъминлаш, ўрмон фонди ерларида ов қилиш қоидалари, нормалари ва муддатларига риоя этилишини назорат қилиб бориш;
Давлат табиатни муҳофаза қилиш қўмитаси томонидан ажратиладиган квоталар доирасида давлат ўрмон фонди ҳудудида овланадиган ҳамда бошқа ҳайвон турларини отиш ва тутишга рухсатномалар (лицензиялар) бериш;
ўрмон фонди ерларида ов қилиш муддатлари ва усулларини тартибга солиш;
Кейинги таҳрирга қаранг.
ўрмон фонди ҳудудида ғайриқонуний овчилик оқибатида етказилган зарар учун белгиланган тартибда маъмурий жавобгарликка тортиш ва даъвогарлик қилиш.
Кейинги таҳрирга қаранг.
2. Ўзбекистон Республикаси Давлат ўрмон қўмитасига заҳарли илонлар ва бошқа қимматбаҳо ҳайвонлар (шу жумладан, балиқлар) сақланадиган ва кўпайтириладиган серпентарийлар, питомниклар, ҳайвонот фермаларини ҳамда мўйначилик, шунингдек, овчилик ва балиқчилик маҳсулотларини қайта ишлайдиган, сотадиган цехларни ташкил этишга, хорижий овчилик туризми бўйича қўшма корхоналар очишга рухсат берилсин.
Кейинги таҳрирга қаранг.
3. Ўзбекистон Республикаси Фанлар Академияси, Ўзбекистон қишлоқ хўжалиги фанлари академияси қўриқхоналар ва заказникларда илмий фаолиятни такомиллаштириш ва мувофиқлаштириш тадбирларини ишлаб чиқсинлар, бунда нодир ва йўқолиб бораётган ўсимликлар, ҳайвонлар ва паррандалар турларини сақлаб қолишга, овчилик хўжалигини оқилона бошқариш мақсадида овланадиган ҳайвонлар сонини қайта тиклашга алоҳида эътибор берсинлар.
4. Ўзбекистон Республикаси Адлия вазирлиги бир ой муддат ичида меъёрий ҳужжатларга мазкур қарордан келиб чиқувчи ўзгаришлар тўғрисида таклиф киритсинлар.
Ўзбекистон Республикасининг Бош вазири А. МУТАЛОВ
Тошкент ш.,
1992 йил 12 октябрь,
469-сон