|
Ҳужжат 22.09.2021 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
Жисмоний ва юридик шахсларнинг мулк ҳуқуқлари кафолатларини таъминлаш ҳамда ер участкаларини олиб қўйиш ва компенсация бериш тартибини такомиллаштиришга доир қўшимча чора-тадбирлар тўғрисида
Ўзбекистон Республикаси Президентининг «Фуқаролар ва тадбиркорлик субъектларининг мулк ҳуқуқи кафолатланишини сўзсиз таъминлаш бўйича қўшимча чора-тадбирлар тўғрисида» 2019 йил 3 августдаги Ф-5491-сон фармойишига мувофиқ Вазирлар Маҳкамаси қарор қилади:
1. Белгилансинки:
Олдинги таҳрирга қаранг.
а) давлат ва жамоат эҳтиёжлари учун ер участкаси ёки унинг бир қисмини олиб қўйиш ер эгасининг розилиги билан ҳамда ердан фойдаланувчи ва ижарачи билан келишган ҳолда Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари қарорларига биноан амалга оширилади;
(1-банднинг «а» кичик банди Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарори таҳририда — Қонунчилик маълумотлари миллий базаси, 22.09.2021 й., 09/21/592/0896-сон)
б) Қорақалпоғистон Республикаси Вазирлар Кенгаши, вилоятлар ва Тошкент шаҳар ёки туман (шаҳар) ҳокимликларининг олиб қўйилаётган ер участкасида жойлашган кўчмас мулк объектини бузиб ташлаш тўғрисидаги қарори адлия органларининг ижобий хулосаси мавжуд бўлгандагина қабул қилинади;
в) ер участкасини олиб қўйиш ташаббускори ҳамда олиб қўйилаётган ер участкасида жойлашган кўчмас мулк объектининг мулкдори ўртасида тузиладиган ерни олиб қўйиш муносабати билан компенсация бериш тўғрисидаги келишув мажбурий тарзда нотариал тасдиқланади;
г) кўчмас мулк объектини бузиб ташлаш тўғрисидаги қарорни қабул қилишга олиб қўйилаётган ер участкасида жойлашган кўчмас мулк объекти мулкдорига келишувда, низо мавжуд бўлган ҳолларда эса суд қарорида, белгиланган компенсация тўлиқ тақдим этилгандан сўнг йўл қўйилади;
д) Қорақалпоғистон Республикаси Вазирлар Кенгаши ва ҳокимликларнинг ер участкаларини ажратиб бериш тўғрисида аввал қабул қилинган қарорини бекор қилиш ёки унга ўзгартириш киритиш, шу жумладан, Қорақалпоғистон Республикаси Вазирлар Кенгаши, ҳокимликлар ёки бошқа давлат органи томонидан маъмурий тартиб-таомилларга риоя этилмаганлиги сабабли бекор қилиш ёки унга ўзгартириш киритиш йўли билан ер участкаларини олиб қўйиш тақиқланади.
Кейинги таҳрирга қаранг.
2. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари тузилмасида бошқарув ходимларининг белгиланган чекланган умумий сони доирасида 2 та штат бирлигидан иборат Ер участкалари олиб қўйилиши ва компенсация бериш ишларини мувофиқлаштириш шўъбаси (кейинги ўринларда Шуъба деб аталади) ташкил этилсин.
Зарур ҳолларда туман (шаҳар) ҳокимликлари тузилмасида бошқарув ходимларининг белгиланган чекланган умумий сони доирасида ер участкалари олиб қўйилиши ва компенсация бериш ишлари бўйича бош мутахассис (кейинги ўринларда бош мутахассис деб аталади) лавозими Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг қарори билан киритилади.
Кейинги таҳрирга қаранг.
3. Қуйидагилар Шуъба ҳамда бош мутахассиснинг асосий вазифалари этиб белгилансин:
бузиладиган кўчмас мулк объектлари мулкдорларига компенсация бериш учун етарли ресурслар (маблағлар, ер участкаси ва бошқа мулк) мавжудлигини ўрганиш;
Олдинги таҳрирга қаранг.
Қорақалпоғистон Республикаси Жўқорғи Кенгеси ёки халқ депутатлари вилоятлар ва Тошкент шаҳар Кенгашларига киритиш учун бўлажак қурилиш объектининг лойиҳа ҳужжатларини тақдимот материаллари шаклида тайёрлаш;
(3-банднинг учинчи хатбошиси Ўзбекистон Республикаси Президентининг 2021 йил 8 июндаги ПФ-6243-сонли Фармони таҳририда — Қонунчилик маълумотлари миллий базаси, 09.06.2021 й., 06/21/6243/0540-сон — 2021 йил 1 августдан кучга киради)
олиб қўйилиши режалаштирилаётган ер участкасида жойлашган кўчмас мулк объектлари мулкдорлари билан очиқ муҳокамани ташкил этиш;
ер участкаси олиб қўйилиши ташаббускори ва кўчмас мулк объектлари мулкдорлари ўртасида тузилган, компенсация миқдори, тури ва бериш муддати назарда тутилган келишувлар ҳисобини юритиш;
компенсациялар ўз вақтида ва тўлиқ берилишининг доимий мониторингини олиб бориш;
ер участкалари олиб қўйилиши, компенсация берилиши, кўчмас мулк объектлари бузилиши, шунингдек, олиб қўйилган ер участкасида олиб борилаётган қурилиш-монтаж ишлари ҳақида Ўзбекистон Республикаси Вазирлар Маҳкамасига маълумотлар киритиб бориш.
Кейинги таҳрирга қаранг.
4. Ер участкалари олиб қўйилиши ва олиб қўйилаётган ер участкасида жойлашган кўчмас мулк объектлари мулкдорларига компенсация бериш тартиби тўғрисидаги низом 1-иловага мувофиқ тасдиқлансин.
Кейинги таҳрирга қаранг.
5. Вазирлар Маҳкамасининг 2018 йил 26 декабрдаги 1047-сон қарори билан тасдиқланган Давлат ва жамият эҳтиёжлари учун ер участкаларининг олиб қўйилиши муносабати билан жисмоний ва юридик шахсларга етказилган зарарларни қоплаш бўйича марказлаштирилган жамғармалар маблағларини шакллантириш ва улардан фойдаланиш тартиби тўғрисидаги низомга 2-иловага мувофиқ қўшимчалар киритилсин.
Кейинги таҳрирга қаранг.
6. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.
7. Ушбу қарор 1-бандининг «а» кичик банди ва 4 — 6-бандлари 2020 йил 1 январдан эътиборан кучга киради.
8. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов ҳамда Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 16 ноябрь,
911-сон
Вазирлар Маҳкамасининг 2019 йил 16 ноябрдаги 911-сон қарорига
1-ИЛОВА
1-ИЛОВА
Ер участкалари олиб қўйилиши ва олиб қўйилаётган ер участкасида жойлашган кўчмас мулк объектлари мулкдорларига компенсация бериш тартиби тўғрисида
низом
1-боб. Умумий қоидалар
Олдинги таҳрирга қаранг.
1. Ушбу Низом жисмоний шахсларга (якка тартибдаги тадбиркор, Ўзбекистон Республикаси фуқароси, чет эл фуқароси ва фуқаролиги бўлмаган шахслар) ва юридик шахсларга (тадбиркорлик субъектлари, нодавлат ташкилотлар) эгалик қилиш, доимий фойдаланиш ёки вақтинчалик фойдаланиш ҳуқуқи билан тегишли бўлган ер участкаси ёки унинг бир қисми давлат ва жамоат эҳтиёжлари учун олиб қўйилиши ҳамда ушбу ер участкасида жойлашган кўчмас мулк объектлари мулкдорларига компенсация бериш тартибини белгилайди.
(1-банднинг биринчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарори таҳририда — Қонунчилик маълумотлари миллий базаси, 22.09.2021 й., 09/21/592/0896-сон)
Ушбу Низом жисмоний ва юридик шахсларга мулк ҳуқуқи асосида тегишли бўлган ер участкаларига нисбатан татбиқ этилмайди.
2. Ушбу Низомда қуйидаги асосий тушунчалардан фойдаланилади:
ер участкаси (ер участкасининг бир қисми) — ер фондининг муайян чегарага, қайд этилган майдонга, жойлашиш манзилига эга бўлган, у ерда жойлашган турар ва нотурар кўчмас мулк объектлари мулкдорларига белгиланган тартибда эгалик қилиш, доимий фойдаланиш ёки вақтинчалик фойдаланишга берилган, шу жумладан, кўп квартирали уйлар билан банд бўлган қисми;
давлат ва жамоат эҳтиёжлари учун ер участкаларини олиб қўйиш — ушбу турда ер участкасини олиб қўйишга фақат қуйидаги мақсадларда йўл қўйилади:
мудофаа ва давлат хавфсизлиги, муҳофаза этиладиган табиий ҳудудлар эҳтиёжлари, эркин иқтисодий зоналарни ташкил қилиш ва уларнинг фаолият юритиши учун ерларни бериш;
халқаро шартномалардан келиб чиқадиган мажбуриятларни бажариш;
фойдали қазилмалар конларини аниқлаш ва қазиб чиқариш;
автомобиль йўллари ва темир йўллар, аэропортлар, аэродромлар, аэронавигация объектлари ва авиатехника марказлари, темир йўл транспорти объектлари, кўприклар, метрополитенлар, туннеллар, энергетика тизими объектлари ва электр узатиш тармоқлари, алоқа тармоқлари, космик фаолият объектлари, магистрал қувурлар, муҳандислик-коммуникация тармоқларини қуриш (реконструкция қилиш);
аҳоли пунктлари бош режаларини Ўзбекистон Республикаси Давлат бюджети маблағлари ҳисобига объектлар қуриш қисмида ижро этиш, шунингдек, қонунлар ва Ўзбекистон Республикаси Президенти қарорларида тўғридан-тўғри назарда тутилган бошқа ҳоллар;
Олдинги таҳрирга қаранг.
(2-банднинг тўққизинчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарорига асосан чиқарилган — Қонунчилик маълумотлари миллий базаси, 22.09.2021 й., 09/21/592/0896-сон)
Олдинги таҳрирга қаранг.
(2-банднинг ўнинчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарорига асосан чиқарилган — Қонунчилик маълумотлари миллий базаси, 22.09.2021 й., 09/21/592/0896-сон)
Олдинги таҳрирга қаранг.
ташаббускор — ер участкасини давлат ва жамоат эҳтиёжлари учун олиб қўйиш ташаббуси билан чиққан Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликлари;
(2-банднинг тўққизинчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарори таҳририда — Қонунчилик маълумотлари миллий базаси, 22.09.2021 й., 09/21/592/0896-сон)
кўп квартирали уй — туташган ер участкасига ёхуд ушбу уйда умумий фойдаланиладиган бинога мустақил чиқиш жойларига эга бўлган, уй-жой қонунчилигига мувофиқ умумий мулк элементларини ўз ичига олган икки ва ундан ортиқ квартиралар жамланмаси;
ёпиқ қурилган тураржой бинолари (таунхауслар) — алоҳида ер участкасида жойлашган, умумий ҳудуд ва чиқиш жойига эга, ёндош блок (блоклар)га ўтиш жойи мавжуд бўлмаган, умумий девор (деворлар)га эга, хар бири битта оила яшаши учун мўлжалланган бир нечта блоклардан иборат уч қаватдан юқори бўлмаган (мансарда билан) кўп квартирали уйлар тури;
якка тартибдаги уй-жой — бир ер участкасида жойлашган, доимий яшаш, дам олиш ва шахсий хўжаликни юритишга мўлжалланган, ер устидаги қаватлари уч қаватдан ошмаган (мансарда ер устидаги қават ҳисобланади), қўшимча фойдаланишда бўлган хоналар ва иморатлардан иборат, ёрдамчи-хўжалик иморатлари ва ҳовлидаги иншоотлар тегишли бўлган бир ёки бир нечта турар жойлар таркибидаги якка тартибдаги қурилиш объекти;
кўчмас мулк объектлари — олиб қўйилаётган ер участкасида жойлашган турар жой ва нотурар жой, ишлаб чиқариш ва бошқа бино ва иншоотлар ва кўп йиллик экинлар;
мулкдор — ҳуқуқни белгиловчи ҳужжатлар асосида кўчмас мулк объектига нисбатан мулк ҳуқуқига эга бўлган жисмоний ва юридик шахс;
келишмовчиликлар баённомаси — мулкдор билан компенсация миқдори, тури ва бериш муддати бўйича келишувга эришилмаган тақдирда ташаббускор томонидан тузиладиган ва у билан мулкдор биргаликда имзоланадиган ҳужжат;
Келишув — томонларнинг розилиги билан компенсация миқдори, тури ва бериш муддати, шунингдек, бошқа шартларни назарда тутувчи ташаббускор ва мулкдор ўртасида тузилган, нотариал тартибда тасдиқланган ёзма шаклдаги шартнома;
адлия органлари — Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари, туман (шаҳар) адлия бўлимлари.
Олдинги таҳрирга қаранг.
3. Ер участкаси ёки унинг бир қисми (кейинги ўринларда ер участкаси деб аталади) давлат ва жамоат эҳтиёжлари учун олиб қўйилиши Қорақалпоғистон Республикаси Жўқорғи Кенгеси ёки халқ депутатлари вилоятлар ва Тошкент шаҳар Кенгашлари (кейинги ўринларда — тегишли халқ депутатлари Кенгашлари) қарорига биноан амалга оширилади.
(3-банднинг биринчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарори таҳририда — Қонунчилик маълумотлари миллий базаси, 22.09.2021 й., 09/21/592/0896-сон)
Олдинги таҳрирга қаранг.
(3-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарорига асосан чиқарилган — Қонунчилик маълумотлари миллий базаси, 22.09.2021 й., 09/21/592/0896-сон)
Кўчмас мулк объектини бузиб ташлаш тўғрисидаги қарор Қорақалпоғистон Республикаси Вазирлар Кенгаши Раиси, Тошкент шаҳар, вилоятлар ёки туман (шаҳар) ҳокимлари томонидан Қорақалпоғистон Республикаси Жўқорғи Кенгеси ёки тегишли халқ депутатлари Кенгашларининг ер участкаси олиб қўйилиши тўғрисидаги қарори асосида ташаббускор ҳамда мулкдор ўртасида Келишув тузилганидан ҳамда Келишувда назарда тутилган компенсация берилганидан сўнг қабул қилинади, қурилаётган кўчмас мулкни компенсация сифатида бериш ҳоллари бундан мустасно.
Кўчмас мулк объектини бузиб ташлаш тўғрисидаги қарор лойиҳаси адлия органлари томонидан кўриб чиқилиши ва тегишли хулоса берилиши лозим.
Олдинги таҳрирга қаранг.
4. Давлат ва жамоат эҳтиёжлари учун олиб қўйилган ер участкалари давлат органлари, муассасалари, корхоналари, фуқароларнинг ўзини ўзи бошқариш органларига Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимларининг қарори билан доимий фойдаланиш ҳуқуқи асосида ажратилади, ушбу ер участкаларини бошқача тарзда ва бошқа шахсларга ажратиш тақиқланади.
Олдинги таҳрирга қаранг.
(4-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарорига асосан чиқарилган — Қонунчилик маълумотлари миллий базаси, 22.09.2021 й., 09/21/592/0896-сон)
Олдинги таҳрирга қаранг.
5. Давлат ва жамоат эҳтиёжлари учун ер участкалари олиб қўйилишида Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликлари томонидан биринчи навбатда эскирган ва авария ҳолатидаги уй-жой фонди объектлари, шу жумладан, фойдаланилмаётган объектлар (маданий мерос тоифасига кирадиган объектлардан ташқари) билан банд бўлган ер участкаларидан, шунингдек, ижтимоий-иқтисодий объектлар қурилишига эҳтиёжи бор бўлган жойлардан танлаб олинади.
(5-банд Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарори таҳририда — Қонунчилик маълумотлари миллий базаси, 22.09.2021 й., 09/21/592/0896-сон)
Олдинги таҳрирга қаранг.
6. Ер участкасини давлат ва жамоат эҳтиёжлари учун олиб қўйиш ва компенсация бериш ушбу Низомга 1-иловага мувофиқ схема бўйича амалга оширилади;
(6-банднинг биринчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарори таҳририда — Қонунчилик маълумотлари миллий базаси, 22.09.2021 й., 09/21/592/0896-сон)
Ҳудудни ривожлантириш ва архитектура қиёфасини яхшилашга қаратилган инвестиция лойиҳаларини амалга ошириш ушбу Низомга 3-иловага мувофиқ схема бўйича амалга оширилади.
2-боб. Ер участкаларини олиб қўйилишининг умумий қоидалари
§ 1. Ер участкалари давлат ва жамоат эҳтиёжлари учун олиб қўйилишида ҳужжатларни тайёрлаш
7. Ер участкаси давлат ва жамоат эҳтиёжлари учун олиб қўйилишига асос мавжуд бўлган тақдирда Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликлари томонидан эскирган ва авария ҳолатидаги уй-жой фонди объектлари, шу жумладан фойдаланилмаётган объектлар билан банд бўлган ер участкалари аниқланади, агар аниқланмаса — бошқа ер участкалари танланиб, тегишли тақдимот материаллари тайёрланади.
Тақдимот материаллари тайёрланган кундан сўнг бир иш куни мобайнида Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликлари томонидан тегишли ҳулоса ва бошқа маълумотларни олиш учун қурилиш бўлимлари ва ер тузиш ва кўчмас мулк кадастри давлат корхонасининг туман (шаҳар) филиалларига сўров юборилади.
Сўров тушган кундан бошлаб беш иш куни мобайнида:
қурилиш бўлимлари қурилиш объектларининг лойиҳа ҳужжатларини ушбу ҳудудни ривожлантириш ва қурилишни режалаштириш бўйича тасдиқланган шаҳарсозлик ҳужжатларига (улар мавжуд бўлмаганда белгиланган тартибда тақдим этилган тадбиркорлик фаолиятини амалга ошириш учун бериладиган ер участкаларини жойлаштириш схемаларига) мувофиқли юзасидан ҳулоса ва бошқа маълумотларни тайёрлайди ва Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликларига юборади;
ер тузиш ва кўчмас мулк кадастри давлат корхонасининг туман (шаҳар) филиаллари ушбу ер участкасида жойлашган кўчмас мулк объектларининг тўлиқ рўйхатини ва улар ҳақидаги бошқа маълумотларни тайёрлайди ҳамда Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликларига юборади.
Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликлари тегишли ҳулосалар ва бошқа маълумотлар олинган кундан бошлаб беш иш куни мобайнида мулкдорларга бериладиган компенсациянинг дастлабки миқдорини аниқлайди.
8. Қуйидаги ҳолларда қурилиши режалаштирилаётган объектлар бўйича тақдимот материалларини тайёрлаш талаб этилмайди:
мудофаа ва давлат хавфсизлиги учун ерларни тақдим этиш;
халқаро шартномалардан келиб чиқадиган мажбуриятларни бажариш;
фойдали қазилмалар конларини аниқлаш ва қазиб чиқариш.
9. Ер участкасини давлат ва жамоат эҳтиёжлари учун олиб қўйилишида тақдимот материаллари Вазирлар Маҳкамасининг 2018 йил 26 декабрдаги 1047-сон қарори билан ташкил этилган тегишли Давлат ва жамият эҳтиёжлари учун ер участкаларининг олиб қўйилиши муносабати билан жисмоний ва юридик шахсларга етказилган зарарларни қоплаш бўйича марказлаштирилган жамғарма кузатув кенгаши (кейинги ўринларда Кузатув кенгаши деб аталади) билан келишилиши лозим.
Кузатув кенгаши қабул қилинган қарор ҳақида уч иш куни мобайнида Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликларини ёзма равишда хабардор қилади.
10. Кузатув кенгашининг ёзма розилиги олинганидан сўнг Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликлари икки иш кунида тақдимот материалларини Қорақалпоғистон Республикаси Жўқорғи Кенгеси ёки тегишли халқ депутатлари Кенгашига ер участкаси олиб қўйилиши муносабати билан фойда ва харажатларни баҳолаш масаласини кўриб чиқиш учун юборади.
Кузатув кенгашининг ёзма розилиги олинмасдан туриб тақдимот материалларини Қорақалпоғистон Республикаси Жўқорғи Кенгеси ёки тегишли халқ депутатлари Кенгашига киритиш тақиқланади.
Қорақалпоғистон Республикаси Жўқорғи Кенгеси ёки тегишли халқ депутатлари Кенгаши тақдимот материаллари ва бошқа ҳужжатларни ушбу Низомнинг 22 — 27-бандларида назарда тутилган тартибда кўриб чиқади.
Олдинги таҳрирга қаранг.
(2-параграф Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарорига асосан ўз кучини йўқотган — Қонунчилик маълумотлари миллий базаси, 22.09.2021 й., 09/21/592/0896-сон)
§ 3. Ҳудудни ривожлантириш ва архитектура қиёфасини яхшилашга қаратилган инвестиция лойиҳаларини амалга ошириш бўйича ҳужжатларни тайёрлаш
16. Аҳоли пунктлари бош режаларининг бюджетдан ташқари маблағлар ҳисобига объектларни қуриш қисмини ижро этиш доирасида ҳудудни ривожлантириш ва архитектура қиёфасини яхшилашга қаратилган инвестиция лойиҳаларини амалга ошириш биринчи навбатда бевосита тегишли ҳудудда жойлашган кўчмас мулк объектлари мулкдорига таклиф этилади.
Бунда, Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликлари томонидан турар жой ва нотурар жой, ишлаб чиқариш ҳамда бошқа бино ва иншоотларнинг ташқи кўринишига қўйилган талаблар бўйича лойиҳа ҳужжатлари ҳамда улар бўйича тақдимот материаллари тайёрланади. Тайёрланган ҳужжат ва материаллар Қорақалпоғистон Республикаси Жўқорғи Кенгеси ёки тегишли халқ депутатлари Кенгашига ушбу инвестиция лойиҳасини амалга ошириш муносабати билан фойда ва харажатларни баҳолаш учун юборилади.
Мулкдорларга умумий фойдаланишдаги автомобиль йўлларини, шаҳарлар ва бошқа аҳоли пунктларининг кўчаларини, мухандислик-коммуникация тармоқларини яхшилаш мажбуриятини юклаш тақиқланади.
Ҳудудни ривожлантириш ва архитектура қиёфасини яхшилашга қаратилган инвестиция лойиҳалари бевосита мулкдор томонидан амалга оширилган тақдирда ер участкаси олиб қўйилишига йўл қўйилмайди.
17. Қорақалпоғистон Республикаси Жўқорғи Кенгеси ёки тегишли халқ депутатлари Кенгаши томонидан тақдимот материаллари ва бошқа ҳужжатлар ушбу Низомнинг 22 ― 27-бандларида назарда тутилган тартибда кўриб чиқади.
Ҳудудни ривожлантириш ва архитектура қиёфасини яхшилашга қаратилган инвестиция лойиҳаларини амалга ошириш тўғрисидаги қарор Қорақалпоғистон Республикаси Жўқорғи Кенгеси ёки тегишли халқ депутатлари Кенгаши томонидан қабул қилинади. Ушбу қарор қабул қилинган кундан бошлаб бир иш куни мобайнида Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликларига юборилади.
Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликлари ушбу қарорни у келиб тушган кундан бошлаб бир иш куни мобайнида турар жой ва нотурар жой, ишлаб чиқариш ҳамда бошқа бино ва иншоотларнинг ташқи кўринишига қўйилган талаблар бўйича лойиҳа ҳужжатларини илова қилган ҳолда мулкдорларга етказилишини таъминлайди.
18. Ҳудудни ривожлантириш ва архитектура қиёфасини яхшилашга қаратилган инвестиция лойиҳалари мулкдорларнинг ўз маблағлари, кредитлар ва қонун ҳужжатларида тақиқланмаган бошқа маблағлар ҳисобига амалга оширилади.
Кейинги таҳрирга қаранг.
19. Мулкдорлар томонидан ҳудудни ривожлантириш ва архитектура қиёфасини яхшилашга қаратилган инвестиция лойиҳалари қурилиш (реконструкция) объектининг лойиҳа ҳужжатларида назарда тутилган, бироқ Келишув имзоланган кундан бошлаб икки йилдан ошмаган муддатларда амалга оширилади.
20. Ушбу Низомнинг 19-бандида назарда тутилган муддатларга риоя қилмаслик қурилиши тугалланмаган объектлар ҳамда қурилиши тугалланмаган объектлар жойлашган ер учун белгиланган тартибда мол-мулкка солинадиган солиқ ҳамда ер солиғининг оширилган ставкалари қўлланилишига олиб келади.
21. Мулкдорлар томонидан ҳудудни ривожлантириш ва архитектура қиёфасини яхшилашга қаратилган инвестиция лойиҳаларини амалга оширишдан бош тортилган тақдирда ташаббускор томонидан Келишмовчиликлар баённомаси тузилади ва мулкдор билан биргаликда имзоланади. Келишмовчиликлар баённомасини имзолашдан бош тортилган тақдирда, бош тортиш сабаблари кўрсатилган ҳолда далолатнома тузилади.
Келишмовчиликлар баённомаси (далолатнома) имзоланганидан сўнг Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликлари мажбурият юклаш ҳақида судга ариза билан мурожаат қилишга ҳақли.
§ 4. Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг мажлисларида тақдимот материаллари ва бошқа ҳужжатларни кўриб чиқиш тартиби
22. Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг мажлиси қонун ҳужжатларида назарда тутилган тартибда чақирилади ва ўтказилади.
Кейинги таҳрирга қаранг.
23. Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг мажлисида қуйидаги масалалар кўриб чиқилиши шарт:
Олдинги таҳрирга қаранг.
тақдимот материаллари муайян ҳудуддаги фуқароларнинг уй-жой ва маиший шароитларини яхшилаш, шунингдек, ҳудуд аҳолисининг аксарият қисмининг фикрини ҳисобга олган ҳолда инфратузилмани ривожлантириш ва ижтимоий-иқтисодий аҳамиятга эга объектларни қуришга йўналтирилганлиги;
(23-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарори таҳририда — Қонунчилик маълумотлари миллий базаси, 22.09.2021 й., 09/21/592/0896-сон)
биринчи навбатда эскирган ва авария ҳолатидаги уй-жой фонди объектлари, шу жумладан, фойдаланилмаётган объектлар (маданий мерос тоифасига кирадиган объектлардан ташқари) билан банд бўлган ер участкалари аниқланганлиги, агар аниқланмаган бўлса — бошқа ер участкалари танланганлиги.
24. Очиқ муҳокамани ўтказишга фақат Қорақалпоғистон Республикаси Жўқорғи Кенгеси ёки тегишли халқ депутатлари Кенгашлари томонидан очиқ муҳокамани ўтказиш тўғрисида қарор қабул қилингандан кейин йўл қўйилади.
25. Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг очиқ муҳокамани ўтказиш тўғрисидаги қарори қонун ҳужжатларида белгиланган тартибда қабул қилинади.
Кейинги таҳрирга қаранг.
Олдинги таҳрирга қаранг.
26. Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг очиқ муҳокамани ўтказишни рад этиш тўғрисидаги қарори қабул қилинган тақдимот материаллари ушбу қарор қабул қилинган кундан бошлаб бир ой муддат мобайнида қайта кўриб чиқилиб, такроран киритилиши мумкин.
(26-банднинг биринчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарори таҳририда — Қонунчилик маълумотлари миллий базаси, 22.09.2021 й., 09/21/592/0896-сон)
Такроран киритилган тақдимот материалари умумий тартибда кўриб чиқилади.
Очиқ муҳокамани ўтказишни рад этиш тўғрисидаги қарор такроран қабул қилинган тақдирда тақдимот материаллари кейинчалик кўриб чиқилмайди.
27. Очиқ муҳокамани ўтказишни рад этиш тўғрисидаги қарор қуйидаги ҳолларда қабул қилинади:
Олдинги таҳрирга қаранг.
(27-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарорига асосан чиқарилган — Қонунчилик маълумотлари миллий базаси, 22.09.2021 й., 09/21/592/0896-сон)
уй-жой фондининг эскирган ва авария ҳолатида бўлган объектлар, шу жумладан, фойдаланилмаётган объектлар (маданий мерос объектларидан ташқари) билан банд бўлган ер мавжуд бўлса;
лойиҳа ер участкаси олиб қўйилиши мақсадларига тўғри келмаса;
таклиф этилаётган лойиҳа бўйича зарар фойдадан ошиб кетган бўлса;
Кузатув кенгашининг розилиги бўлмаганда (ер участкаси давлат ва жамоат эҳтиёжлари учун олиб қўйилса).
Очиқ муҳокама Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг мажлисларида етарли даражада овоз тўпланмаган тақдирда ҳам ўтказилмайди.
28. Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг очиқ муҳокамани ўтказиш тўғрисидаги қарори у қабул қилинган кундан сўнг бир иш куни мобайнида Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликларига юборилади.
Ушбу қарор Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликларининг расмий сайтларида, шунингдек, оммавий ахборот воситаларида келиб тушган кундан кейинги иш куни эълон қилиниши шарт.
§ 5. Мулкдорлар билан очиқ муҳокамани ўтказиш тартиби
29. Очиқ муҳокама Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг очиқ муҳокамани ўтказиш тўғрисидаги қарори қабул қилинган кундан бошлаб йигирма кун мобайнида ўтказилади.
Ушбу муддат бузилган тақдирда тақдимот материаллари Қорақалпоғистон Республикаси Жўқорғи Кенгеси ёки тегишли халқ депутатлари Кенгаши томонидан умумий тартибда қайта кўриб чиқилиши лозим.
30. Олиб қўйилиши режалаштирилаётган ер участкасида жойлашган кўчмас мулк объектлари мулкдорларига очиқ муҳокама ўтказиш санаси ва жойи кўрсатилган хабарнома Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг очиқ муҳокамани ўтказиш тўғрисидаги қарори қабул қилинган кундан бошлаб икки кун мобайнида, бироқ очиқ муҳокама ўтказиладиган кундан камида етти кун олдин ташаббускор томонидан ёзма равишда юборилади.
31. Мулкдорларни очиқ муҳокама ўтказиш санаси ва жойи ҳақида Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликларининг расмий сайтларида, оммавий ахборот воситаларида ҳамда Интернет жаҳон ахборот тармоғида хар куни эълон бериш орқали хабардор қилишга йўл қўйилади.
32. Очиқ муҳокама ташаббускор томонидан ташкил этилади.
Очиқ муҳокама оммавий ахборот воситалари иштирокида ўтказилиши ва уларнинг иштироки ташаббускор томонидан таъминланиши шарт.
33. Очиқ муҳокама давомида ташаббускор мулкдорларни ушбу ер участкасида лойиҳани амалга ошириш шартлари, мақсад ва истиқболлари билан таништириши ҳамда уларнинг фикрларини эшитиши шарт.
Олдинги таҳрирга қаранг.
Зарур ҳолларда тақдимот материаллари мулкдорларнинг таклифлари асосида такомиллаштирилиши мумкин.
(33-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарори таҳририда — Қонунчилик маълумотлари миллий базаси, 22.09.2021 й., 09/21/592/0896-сон)
Очиқ муҳокама якуни бўйича баённома расмийлаштирилади ва у ташаббускор ҳамда барча мулкдорлар томонидан имзоланади. Имзолашдан бош тортилган тақдирда бунинг сабаблари кўрсатилган ҳолда далолатнома расмийлаштирилади.
Кейинги таҳрирга қаранг.
Баённома Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликларининг расмий сайтларида расмийлаштирилган кундан кейинги иш куни эълон қилиниши лозим.
Кейинги таҳрирга қаранг.
§ 6.Қорақалпоғистон Республикаси Жўқорғи Кенгеси ёки тегишли халқ депутатлари Кенгашлар томонидан ер участкаси олиб қўйилиши тўғрисидаги қарорини қабул қилиш тартиби
34. Қорақалпоғистон Республикаси Жўқорғи Кенгеси ёки тегишли халқ депутатлари Кенгашлари томонидан:
ер участкаси давлат ва жамоат эҳтиёжлари учун олиб қўйилиши, шунингдек, ҳудудни ривожлантириш ва архитектура қиёфасини яхшилашга қаратилган инвестиция лойиҳаларини амалга ошириш тўғрисидаги қарор қабул қилинишига — очиқ муҳокама ўтказилиб, фойда ва харажатлар тўлиқ баҳолангандан сўнг;
Олдинги таҳрирга қаранг.
(34-банднинг учинчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарорига асосан чиқарилган — Қонунчилик маълумотлари миллий базаси, 22.09.2021 й., 09/21/592/0896-сон)
35. Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг ер участкаси олиб қўйилиши тўғрисидаги қарорида қуйидагилар кўрсатилиши шарт:
олиб қўйилаётган ер участкасининг географик координатлари;
ер участкаси олиб қўйилишининг асослари ва мақсадлари;
бузиб ташланиши керак бўлган кўчмас мулк эгалари ва объектлари тўғрисидаги маълумотлар;
олиб қўйилаётган ер участкасида қурилиши лозим бўлган объектлар ҳақидаги маълумотлар;
ер участкасининг олиб қўйилиши муносабати билан мулкдорларга компенсация бериш, шу жумладан, ер участкаси олиб қўйилиши билан боғлиқ бошқа масалалар.
Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг ер участкаси олиб қўйилиши тўғрисидаги қарори Қорақалпоғистон Республикаси Вазирлар Кенгаши, вилоятлар ва Тошкент шаҳар ёки туман (шаҳар)лар ҳокимликларининг расмий сайтида, шунингдек, оммавий ахборот воситаларида эълон қилиниши шарт.
Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг ер участкаси олиб қўйилиши тўғрисидаги қарори юзасидан суд тартибида шикоят қилиниши мумкин.
36. Қорақалпоғистон Республикаси Жўқорғи Кенгеси ёки тегишли халқ депутатлари Кенгаши томонидан давлат ва жамоат эҳтиёжлари учун ер участкаси олиб қўйилиши тўғрисида қарор қабул қилингандан сўнг Қорақалпоғистон Республикаси Вазирлар Кенгаши, вилоятлар ва Тошкент шаҳар ёки туман (шаҳар)лар ҳокимликлари мулкдорлар билан келишиш ишларини амалга оширади.
Келишувга эришилгач Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда мулкдор икки томонлама Келишув имзоланиб, нотариал тартибда тасдиқланади.
Олдинги таҳрирга қаранг.
(37-банд Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарорига асосан ўз кучини йўқотган — Қонунчилик маълумотлари миллий базаси, 22.09.2021 й., 09/21/592/0896-сон)
38. Компенсация миқдори, турлари ва бериш муддати Келишувда назарда тутилади.
Келишувни имзолаган мулкдор ушбу Низомда белгиланган тартибда ер участкасининг олиб қўйилишига ва унда жойлашган кўчмас мулк объектининг бузиб ташланишига розилик берган деб ҳисобланади.
Келишув нотариал тасдиқланганидан кейин Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ҳисобга олиниши лозим.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари компенсация ўз вақтида ва тўлиқ, шу жумладан, инвестор томонидан ўз вақтида ва тўлиқ тўланишини кафолатлайди.
Олдинги таҳрирга қаранг.
(38-банднинг бешинчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарорига асосан чиқарилган — Қонунчилик маълумотлари миллий базаси, 22.09.2021 й., 09/21/592/0896-сон)
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари маҳаллий бюджетининг қўшимча маблағларининг сарфланишида компенсация тўлаб бериш устувор харажат ҳисобланади.
39. Олиб қўйиладиган ер участкасида жойлашган кўчмас мулк объектларини бошқа шахсга ўтказишга Келишув имзоланганидан сўнг ташаббускорнинг ёзма розилик хати мавжуд бўлган тақдирда ёки Келишув (Келишувда назарда тутилган тартибда, тарафларнинг розилиги билан ёки суд тартибида) бекор қилинган ҳолларда йўл қўйилади.
Бузиб ташланадиган кўчмас мулк объектини сотиб олган мулкдор мазкур Низомга мувофиқ тузилган Келишувдан келиб чиқувчи аввалги мулкдорнинг ҳуқуқ ва мажбуриятлари бўйича ҳуқуқий ворис ҳисобланади.
40. Ҳудудни ривожлантириш ва архитектура қиёфасини яхшилашга қаратилган инвестиция лойиҳалари амалга ошириладиган турар ва нотурар жойларнинг, ишлаб чиқариш ва бошқа иншоотларнинг манзилли рўйхати Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг қарори билан тасдиқланади.
Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг ҳудудни ривожлантириш ва архитектура қиёфасини яхшилашга қаратилган инвестиция лойиҳаларини амалга ошириш ҳақидаги қарори у қабул қилингандан сўнг бир иш кунида Қорақалпоғистон Республикаси Вазирлар Кенгаши, вилоятлар ва Тошкент шаҳар ёки туман (шаҳар) ҳокимликларига юборилади.
Ушбу қарор Қорақалпоғистон Республикаси Вазирлар Кенгаши, вилоятлар ва Тошкент шаҳар ёки туман (шаҳар) ҳокимликларнинг расмий сайтларида ва оммавий ахборот воситаларида келиб тушган кундан кейинги иш куни эълон қилиниши шарт.
Қорақалпоғистон Республикаси Жўқорғи Кенгеси ёки тегишли халқ депутатлари Кенгашининг ҳудудни ривожлантириш ва архитектура қиёфасини яхшилашга қаратилган инвестиция лойиҳаларини амалга ошириш ҳақидаги қарори юзасидан суд тартибида шикоят қилиниши мумкин.
3-боб. Кўчмас мулк объектлари бузиб ташланиши муносабати билан мулкдорларга компенсация беришнинг умумий тартиби
41. Қуйидагилар компенсация қилиб берилади:
а) олиб қўйилган ер участкасида жойлашган кўчмас мулк объектларининг бозор қиймати;
б) олиб қўйилган ер участкасига бўлган ҳуқуқнинг бозор қиймати;
в) кўчириш, шу жумладан, бошқа кўчмас мулк объектини вақтинчалик олиш билан боғлиқ харажатлар;
г) жисмоний ва юридик шахсларнинг бой берилган фойдаси;
д) қонун ҳужжатларида ёки Келишувда назарда тутилган бошқа харажатлар ва зарарлар.
Кейинги таҳрирга қаранг.
Ўзбошимчалик билан қурилган уй-жой, ишлаб чиқариш ва бошқа бинолар ва иншоотларнинг қиймати ҳам қопланиши лозим.
42. Бериладиган компенсация турлари:
а) пул маблағлари;
б) бошқа кўчмас мулк объектини мулк қилиб бериш;
Олдинги таҳрирга қаранг.
(42-банднинг «в» кичик банди Ўзбекистон Республикаси Вазирлар Маҳкамасининг 2021 йил 27 августдаги 543-сонли қарорига асосан чиқарилган — Қонунчилик маълумотлари миллий базаси, 28.08.2021 й., 09/21/543/0830-сон)
г) Келишувда назарда тутилган компенсациянинг бошқа турлари.
Томонларнинг келишувига биноан мулкдорга кўчмас мулкни баҳолаш қийматини ҳисобга олган ҳолда компенсациянинг бир неча турлари берилиши мумкин.
Бузиб ташланган кўчмас мулк ўрнига янги қурилаётган кўчмас мулк объекти бериш муддати бошқа кўчмас мулк объекти вақтинча фойдаланишга берилган кундан бошлаб 24 ойдан ошмаслиги керак. Агар кўрсатилган муддатда янги кўчмас мулк объекти берилмаса, ташаббускор мулкдорга ҳар бир кечиктирилган кун учун 0,01 фоиз миқдорида жарима тўлайди. Бунда жарима миқдори бузиб ташланган кўчмас мулк объекти қийматининг 50 фоизидан ошиб кетмаслиги лозим.
Компенсация сифатида мулк тақдим этилиши назарда тутилган Келишув қонун ҳужжатларида назарда тутилган ҳолларда давлат рўйхатидан ўтказилиши лозим.
Кейинги таҳрирга қаранг.
43. Ер участкалари давлат ва жамоат эҳтиёжлари учун олиб қўйилганда, компенсация Қорақалпоғистон Республикаси Вазирлар Кенгаши, Тошкент шаҳар, вилоятлар ёки туман (шаҳар) ҳокимликлари томонидан тегишли марказлаштирилган жамғарма маблағлари ва қонунчиликда тақиқланмаган бошқа манбалар ҳисобига берилади.
Олдинги таҳрирга қаранг.
(43-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарорига асосан чиқарилган — Қонунчилик маълумотлари миллий базаси, 22.09.2021 й., 09/21/592/0896-сон)
44. Битта маҳалла ёки кўчада яшовчи мулкдорлар ва уларнинг оила аъзоларига қулай шарт-шароитлар яратиш мақсадида, мулкдорларга ташаббускор билан келишган ҳолда битта маҳалла ёки кўчада жойлашган янги уйлар (битта кўп қаватли уйдаги квартиралар) берилиши мумкин.
45. Компенсация қуйидаги тартибда берилади:
а) пул маблағларини мулкдорнинг тегишли банк (депозит) ҳисоб рақамига ўтказиш йўли билан;
б) кўп квартирали уй ёки блокировка қилинган уй (таунхаус) эгаллаб турган ер участкаси олиб қўйилган тақдирда — томонларнинг келишувига кўра мулкдорга ўша ёки бошқа туманда (шаҳарда) жойлашган майдон аввалги квартиранинг майдонидан кичик бўлмаган квартира мулк қилиб берилади.
Квартира мулкдорнинг хоҳишига кўра олиб қўйилган ер участкасида қурилаётган кўп квартирали уйдан ёки блокировка қилинган уйдан (таунхаус) берилиши мумкин. Бундай ҳолда, мулкдорга ушбу квартира топширилгунга қадар у ва унинг оила аъзоларига ташаббускор ҳисобидан вақтинчалик ижарага турар жой берилади;
в) нотураржой объекти эгаллаб турган ер участкаси олиб қўйилган тақдирда — томонларнинг келишувига кўра мулкдорга ўша ёки бошқа туманда (шаҳарда) жойлашган майдони аввалги нотурар жой объектининг умумий майдонидан кичик бўлмаган нотурар жой объекти мулк қилиб берилади.
Нотураржой объекти олиб қўйилган ер участкасида қурилаётган объектдан берилган тақдирда мулкдорга ушбу нотурар жой объекти топширилгунга қадар, ташаббускор ҳисобидан ижарага вақтинчалик нотурар жой объекти берилади;
г) якка тартибдаги (шу жумладан, қурилиши тугалланмаган лекин белгиланган тартибда давлат рўйхатидан ўтган) уй-жой билан банд бўлган ер участкаси олиб қўйилган тақдирда — томонларнинг келишувига кўра мулкдорига ўша ёки бошқа туманда (шаҳарда) жойлашган ер ва уй-жой майдони аввалгисидан кичик бўлмаган, шароитлари кам бўлмаган даражадаги якка тартибдаги уй-жой мулк қилиб берилади;
Олдинги таҳрирга қаранг.
д) эгалик қилиш, доимий фойдаланиш ёки вақтинчалик фойдаланиш ҳуқуқида тегишли бўлган ер участкаси олиб қўйилган тақдирда — ушбу ҳуқуқ эгасига олиб қўйилаётган ер участкасига бўлган ҳуқуқнинг бозор қиймати тўлаб берилади.
(45-банднинг саккизинчи хатбошиси Ўзбекистон Республикаси Вазирлар Маҳкамасининг 2021 йил 27 августдаги 543-сонли қароритаҳририда — Қонунчилик маълумотлари миллий базаси, 28.08.2021 й., 09/21/543/0830-сон)
Олдинги таҳрирга қаранг.
(45-банднинг тўққизинчи — ўн тўртинчи хатбошилари Ўзбекистон Республикаси Вазирлар Маҳкамасининг 2021 йил 27 августдаги 543-сонли қарорига асосан чиқарилган — Қонунчилик маълумотлари миллий базаси, 28.08.2021 й., 09/21/543/0830-сон)
Мулкдорга кўчириш, шу жумладан, бошқа кўчмас мулк объектини вақтинчалик олиш билан боғлиқ харажатлар, бой берилган фойда, шунингдек, қонун ҳужжатларида ёки Келишувда назарда тутилган бошқа харажатлар ва зарарлар компенсация қилиб берилиши керак.
Кейинги таҳрирга қаранг.
46. Умумий мулк иштирокчилари бўлган шахслар томонидан компенсация уларнинг умумий мулкдаги улушига мос равишда танланади.
47. Олиб қўйилиши режалаштирилаётган ер участкасида жойлашган кўчмас мулк объектлари мулкдорларнинг 75 фоизидан ёзма розилиги олинганда (Келишув тузилганда), бироқ қолган мулкдорларнинг розилигини олиш имкони бўлмаганда (Келишувга эришилмаганда) ташаббускор уларнинг кўчмас мулк объектларини мажбурий сотиб олиш тўғрисидаги даъво билан судга мурожаат қилишга ҳақли. Бунда, розилик бермаган (Келишувга эришилмаган) мулкдорларга бериладиган компенсация миқдори, турлари ва муддати суд тартибида белгиланади.
Кейинги таҳрирга қаранг.
48. Олиб қўйилиши режалаштирилган ер участкасида жойлашган кўчмас мулк объектининг мулкдори (агар турар жой бўлса, шунингдек, ушбу манзилда рўйхатдан ўтган оила аъзолари) бўлмаган тақдирда, ташаббускор уларни излаш учун барча зарур чораларни кўради.
Агар бир йил мобайнида мулкдорни излаб топиш имкони бўлмаса, инвестор Қорақалпоғистон Республикаси Вазирлар Кенгаши, вилоятлар ва Тошкент шаҳар ёки туманлар (шаҳар) ҳокимликларига ушбу кўчмас мулк объектини эгасиз деб эътироф этиш ва ушбу кўчмас мулк объектини давлат мулкига ўтказиш тўғрисидаги ариза билан судга мурожаат қилиши сўраб мурожаат қилиши мумкин.
49. Кўчмас мулк объектини эгасиз деб эътироф этиш ва ушбу кўчмас мулк объектини давлат мулкига ўтказиш тўғрисидаги ариза билан судга мурожаат этиш қонун ҳужжатларида белгиланган тартибда амалга оширилади.
Кейинги таҳрирга қаранг.
50. Бузиб ташланиши лозим бўлган кўчмас мулкни баҳолаш ер участкаси олиб қўйилиши тўғрисида қарор қабул қилингандан кейин ва Келишув тузилгунга қадар Ўзбекистон Республикаси Вазирлар Маҳкамаси томонидан белгиланган тартибда амалга оширилади.
Кўчмас мулкни баҳолаш баҳоловчи ташкилотлар томонидан ташаббускор ҳисобига амалга оширилади.
Баҳолаш натижаларидан тарафлар норози бўлган тақдирда, қонун ҳужжатларига мувофиқ баҳолаш тўғрисидаги ҳисоботнинг ишончлилиги бўйича экспертиза ўтказилади. Экспертиза билан боғлиқ ҳаражатлар баҳолаш натижаларидан норози бўлган тарафнинг маблағлари ҳисобидан қопланади.
Кейинги таҳрирга қаранг.
Баҳоловчи ташкилот шартнома бажарилмаганлиги ёки лозим даражада бажарилмаганлиги натижасида буюртмачига етказилган зарар учун жавобгар бўлади. Буюртмачига етказилган зарар, шу жумладан бой берилган фойда, баҳоловчи ташкилот томонидан қонун ҳужжатларида белгиланган тартибда қопланиши керак.
Кейинги таҳрирга қаранг.
51. Ташаббускорнинг мулкий жавобгарлиги қонунда белгиланган тартибда суғурталаниши мумкин.
52. Мулкдор Келишув тузилгандан сўнг вафот этиб қолган тақдирда, Келишув бўйича ҳуқуқ ва мажбуриятлар унинг меросхўрларига улушларига мутаносиб равишда ўтади.
Мулкдор Келишув тузилгунга қадар вафот этиб қолган бўлса, розиликни олиш ҳамда Келишув тузиш бўйича музокаралар унинг меросхўрлари билан умумий асосларда олиб борилади. Меросхўрларнинг доираси ва ҳар бирининг меросдаги улуши меросга бўлган ҳуқуқ тўғрисидаги гувоҳнома асосида, низо юзага келган тақдирда — суд томонидан белгиланади.
53. Қорақалпоғистон Республикаси Вазирлар кенгаши, вилоятлар ва Тошкент шаҳар ёки туман (шаҳар) ҳокимликлари берилган компенсациялар ҳисобини юритади.
Олдинги таҳрирга қаранг.
(53-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарорига асосан чиқарилган — Қонунчилик маълумотлари миллий базаси, 22.09.2021 й., 09/21/592/0896-сон)
54. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
Келишувда назарда тутилган компенсация ўз вақтида ва тўлиқ тақдим этилишини доимий равишда мониторинг қилиб боради;
ер участкаларининг олиб қўйилиши, компенсация берилиши, кўчмас мулк объектларининг бузиб ташланиши, шунингдек, олиб қўйилган ер участкаларида олиб борилаётган қурилиш-монтаж ишлари ҳақида Ўзбекистон Республикаси Вазирлар Маҳкамасига ахборот бериб боради.
4-боб. Олиб қўйилаётган ер участкасида жойлашган кўчмас мулк объектларини бузиб ташлаш тартиби
55. Қорақалпоғистон Республикаси Вазирлар Кенгаши, вилоятлар ва Тошкент шаҳар ёки туман (шаҳар) ҳокимликлари томонидан олиб қўйилаётган ер участкасида жойлашган кўчмас мулк объектларини бузиб ташлаш тўғрисида қарор лойиҳаси барча мулкдорларга тегишли компенсация берилганидан кейин, шунингдек, турар ва нотурар жойлар, ишлаб чиқариш ҳамда бошқа бино ва иншоотлар амалда тўлиқ бўшатиб қўйилганидан сўнг икки иш куни мобайнида тайёрланади.
Ушбу қарор лойиҳаси адлия органлари томонидан кўриб чиқилиши шарт. Қарор лойиҳасини кўриб чиқишда адлия органлари томонидан зарур ҳолларда бошқа тегишли ҳужжатлар талаб қилиб олиниши мумкин. Қарор лойиҳасини кўриб чиқиш ва натижаси бўйича хулоса бериш муддати икки иш кунидан ошмаслиги лозим.
56. Кўчмас мулк объектини бузиб ташлаш тўғрисидаги қарорни қабул қилишга адлия органларининг ижобий хулосаси мавжуд бўлгандагина йўл қўйилади.
57. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ёки туман (шаҳар) ҳокимларининг олиб қўйилаётган ер участкасида жойлашган кўчмас мулк объектларини бузиб ташлаш тўғрисидаги қарорида қуйидагилар акс эттирилиши лозим:
мазкур ер участкаси олиб қўйилиши тўғрисида Қорақалпоғистон Республикаси Вазирлар Кенгаши ёки тегишли халқ депутатлари Кенгашининг қарори реквизитлари;
бузиб ташланиши лозим бўлган кўчмас мулк объектларининг манзилли рўйхати;
бузиб ташланиши лозим бўлган кўчмас мулк объектларининг мулкдорларига компенсация тўлиқ берилганлигини тасдиқловчи маълумот;
ҳар бир кўчмас мулк объектининг бузиб ташланиши бошланиш санаси ва бузиб ташлаш муддатлари;
шаҳарсозлик нормалари ва қоидаларига риоя қилиниши бўйича талаблар.
Шаҳарсозлик нормалари ва қоидаларига риоя қилиниши устидан назорат қурилиш соҳасидаги ваколатли давлат органи томонидан қонун ҳужжатларига мувофиқ амалга оширилади.
Кейинги таҳрирга қаранг.
58. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ёки туман (шаҳар) ҳокимининг кўчмас мулк объектини бузиб ташлаш ҳақидаги қарори у қабул қилинган кундан бошлаб бир иш куни мобайнида:
Кўчмас мулк объектларига бўлган ҳуқуқлар давлат реестрига тегишли ёзув киритиш учун ер тузиш ва кўчмас мулк кадастри давлат корхонасининг туман (шаҳар) филиалларига;
тегишли солиқ ва бошқа мажбурий тўловлар бўйича қайта ҳисоб-китоб қилиш учун туман (шаҳар) давлат солиқ инспекцияларига юборилади;
ўзларининг расмий сайтлари ва оммавий ахборот воситаларида эълон қилади.
Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ёки туман (шаҳар) ҳокимининг кўчмас мулк объектини бузиб ташлаш тўғрисида қабул қилган қарори кўчмас мулк объектига нисбатан мулк ҳуқуқи ва бошқа ашёвий ҳуқуқларнинг тугатилишига асос бўлади.
59. Мухандислик-коммуникация тармоқларидан узишга Қорақалпоғистон Республикаси Вазирлар Кенгаши Раиси, вилоятлар ва Тошкент туман (шаҳар) ҳокимларининг кўчмас мулк объектларини бузиб ташлаш тўғрисидаги қарори қабул қилинганидан сўнг белгиланган тартибда ишлаб чиқилган техник шартларга асосан йўл қўйилади.
60. Кўчмас мулк объектини бузиб ташлаш ташаббускор томонидан ўз маблағлари ҳисобига бевосита ёки пудратчи ташкилотни ёллаган ҳолда амалга оширилади. Мулкдор ташаббускор билан келишган ҳолда ўз маблағлари ҳисобига кўчмас мулк объектини ўз ҳисобидан бузиб ташлаши ва қурилиш материалларини олиб чиқиб кетиши мумкин.
5-боб. Низоларни ҳал қилиш
61. Қорақалпоғистон Республикаси Жўқорғи Кенгеси ёки тегишли халқ депутатлари Кенгашлари томонидан ер участкасини олиб қўйилиши ёҳуд олиб қўйилишини рад этилиши ҳамда Қорақалпоғистон Республикаси Вазирлар Кенгаши Раиси, вилоятлар ва Тошкент туман (шаҳар) ҳокимларининг кўчмас мулк объектларини бузиб ташлаш тўғрисидаги қарорлари устидан суд тартибида шикоят қилиниши мумкин.
62. Мулкдор ва ташаббускор ўртасида юзага келадиган низо бўйича келишувга эришилмаган тақдирда — ушбу низо суд тартибида кўриб чиқилади.
63. Низо келиб чиққан тақдирда, ушбу низо бўйича суднинг қарори қонуний кучга киргунга қадар ер участкаси олиб қўйилиши тўғрисидаги қарор ҳамда олиб қўйилаётган ер участкасида жойлашган кўчмас мулк объектларини бузиб ташлаш тўғрисидаги қарор қабул қилинишига йўл қўйилмайди.
6-боб. Якунловчи қоидалар
64. Ушбу Низом талабларига риоя этилмаган ҳолда ер участкалари олиб қўйилишига ҳамда кўчмас мулк объектлари бузиб ташланишига йўл қўйилмайди.
65. Ушбу Низом талабларини бузганликда айбдор шахслар қонун ҳужжатларида белгиланган тартибда жавобгар бўлади.
Кейинги таҳрирга қаранг.
66. Ер участкалари олиб қўйилиши, кўчмас мулк объектларини бузиб ташлаш, фуқароларни кўчириш, шунингдек, компенсациялар беришда қонун талаблари ижросини назорат қилиш прокуратура органлари томонидан амалга оширилади.
67. Жисмоний ва юридик шахсларга давлат органи (мансабдор шахс)нинг ноқонуний маъмурий ҳужжати қабул қилиниши оқибатида етказилган зарар давлат томонидан, биринчи навбатда тегишли органларнинг бюджетдан ташқари маблағлари ҳисобига қопланади, кейинчалик айбдор шахсдан регресс тартибида ундириб олинади.
Ер участкаларини олиб қўйилиши ва олиб қўйилаётган ер участкасида жойлашган кўчмас мулк объектлари мулкдорларига компенсация бериш тартиби тўғрисидаги низомга
1-ИЛОВА
1-ИЛОВА
Ер участкасини давлат ва жамоат эҳтиёжлари учун олиб қўйиш ва компенсация бериш
СХЕМАСИ
|
Босқич |
|
Субъектлар |
|
Механизм |
|
Муддатлар |
|
1-босқич |
Ўзбекистон Республикаси Президенти, Ўзбекистон Республикаси Вазирлар Маҳкамаси |
Тегишли қарор қабул қилинади. |
Заруратга кўра | |||
|
2-босқич |
Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари |
Эскирган ва авария ҳолатидаги уй-жой фонди объектлари, шу жумладан фойдаланилмаётган объектлар билан банд бўлган ер участкалари мавжудлигини аниқлайди. |
Заруратга кўра | |||
|
3-босқич |
Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари |
1. Қурилиш объектининг лойиҳа ҳужжатларини архитектура қисми бўйича тақдимот материалларини тайёрлайди. |
Заруратга кўра | |||
|
2. Қурилиш бўлимлари ва Ер тузиш ва кўчмас мулк кадастри давлат корхонасининг туман (шаҳар) филиалларига тегишли ҳулоса ва бошқа маълумотларни олиш учун сўров юборади. |
Материаллар тайёр бўлганидан сўнг, 1 иш куни мобайнида | |||||
|
Қурилиш бўлимлари |
1. Қурилиш объекти лойиҳа ҳужжатларини шаҳарсозлик ҳужжатларига мувофиқлиги тўғрисида маълумотлар тайёрлайди. 2. Материалларни тегишлича Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликларига юборади. |
5 иш куни мобайнида | ||||
|
Ер тузиш ва кўчмас мулк кадастри давлат корхонасининг туман (шаҳар) филиаллари |
1. Олиб қўйилиши режалаштирилаётган ер участкасида жойлашган кўчмас мулк объектларининг тўлиқ рўйхатини тайёрлайди. 2. Материалларни тегишлича Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликларига юборади. |
|||||
|
Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари |
1. Компенсациянинг дастлабки миқдорини аниқлайди. 2. Тақдимот материаллари жамғарманинг Кузатув кенгашига юборади. |
5 иш куни мобайнида | ||||
|
Жамғарманинг Кузатув кенгаши |
1. Тақдимот материалларини кўриб чиқади. 2. Компенсация тўлаш учун етарли маблағ мавжудлигини текширади. 3. Ер участкасини олиб қўйилишини келишиш ёки келишишни рад этади. 4. Қабул қилинган қарорни Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликларига юборади. |
3 иш куни мобайнида | ||||
|
Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари |
Ҳужжатлар Қорақалпоғистон Республикаси Жўқорғи Кенгеси ёки тегишли Халқ депутатлари кенгашига ер участкасини олиб қўйилиши муносабати билан фойда ва харажатлар баҳолаш масалаларини кўриб чиқилиши учун юборади |
2 иш куни мобайнида | ||||
|
Қорақалпоғистон Республикаси Жўқорғи Кенгеси ёки тегишли Халқ депутатлари кенгаши |
1. Материалларни кўриб чиқиш ва очиқ муҳокамани ўтказиш тўғрисидаги қарорни қабул қилади. |
Заруратга кўра | ||||
|
2. Қарорни эълон қилади ва Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликларига юборади. |
Қарор қабул қилинганидан сўнг 1 иш кун мобайнида | |||||
|
4-босқич |
Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари |
1. Очиқ муҳокама ўтказилиши тўғрисида мулкдорларни хабардор қилади. |
2 иш куни мобайнида | |||
|
2. Очиқ муҳокама ўтказилишини ташкиллаштиради. |
15 кун мобайнида | |||||
|
3. Баённома тузади. 4. Баённомани эълон қилади. |
Очиқ муҳокама ўтказиладиган кунида | |||||
|
5-босқич |
Қорақалпоғистон Республикаси Жўқорғи Кенгеси ёки тегишли Халқ депутатлари кенгаши |
1. Ер участкасини олиб қўйиш ёки рад этиш тўғрисида қарорни қабул қилади. 2. Қарорни эълон қилади. |
Очиқ муҳокама ўтказилганидан сўнг 5 иш куни мобайнида | |||
|
6-босқич |
Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари |
Олиб қўйилаётган ер участкасига бўлган ҳуқуқ ҳамда бузиб ташланиши режалаштирилаётган кўчмас мулк объектининг бозор қиймати бўйича баҳолашни ташкиллаштиради. Шу билан бирга қуйидагилар миқдорини аниқлайди: - бошқа жойга кўчиш, муддатли ижарага олиш билан боғлиқ харажатлар; - бой берилган фойда; - бошқа харажатлар |
Келишувга кўра | |||
|
7-босқич |
Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари ва мулкдор |
1. Компенсация тури, миқдори ва бериш муддатини келишади. 2. Ёзма шаклда шартномани тузади ва нотариал тасдиқлаш чораларини кўради. |
Келишувга кўра | |||
|
8-босқич |
Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари |
1. Келишувларни ҳисобга олади. 2. Келишувда назарда тутилган компенсацияни беришни таъминлайди. 3. Компенсация берилишини мониторинг қилади. |
Келишувда кўрсатилган муддатда | |||
|
9-босқич |
Мулкдор |
Олиб қўйилиши режалаштирилаётган ер участкасида жойлашган уйлар, ишлаб чиқариш иншоотларни ва бошқа иморатларни тўлиқ бўшатиб беради (турар-жой биноларида яшовчи шахсларни кўчириш чораларини кўради). |
Келишувда кўрсатилган муддатда | |||
|
10-босқич |
Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари |
1. Бузиб ташлаш тўғрисидаги қарор лойиҳасини тайёрлайди. 2. Лойиҳа ва бошқа ҳужжатларни тегишли адлия органларига юборади. |
2 иш куни мобайнида | |||
|
Адлия органлари |
1. Бузиб ташлаш тўғрисидаги қарор лойиҳаси ва ҳужжатларни кўриб чиқади. 2. Бузиб ташлаш тўғрисида қарор қабул қилиниши юзасидан хулоса (ижобий ёки салбий) тайёрлайди. 3. Хулосани Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликларига юборади. |
2 иш куни мобайнида | ||||
|
Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари |
1. Бузиб ташлаш тўғрисидаги қарорни қабул қилади. |
Заруратга кўра | ||||
|
2. Бузиб ташлаш тўғрисидаги қарорни ер тузиш ва кўчмас мулк кадастри давлат корхонасининг туман (шаҳар) филиаллари ва туман (шаҳар) давлат солиқ инспекцияларига юборади ҳамда ўзининг расмий сайти ва оммавий ахборот воситаларида эълон қилади. |
1 иш кунида | |||||
|
11-босқич |
Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари ёки мулкдор |
Кўчмас мулк объектини бузишни ташкиллаштиради |
Заруратга кўра | |||
Ер участкалари олиб қўйилиши ва олиб қўйилаётган ер участкасида жойлашган кўчмас мулк объектлари мулкдорларига компенсация бериш тартиби тўғрисидаги низомга
3-ИЛОВА
3-ИЛОВА
Ҳудудни ривожлантириш ва архитектура қиёфасини яхшилашга қаратилган инвестиция лойиҳаларини амалга ошириш
СХЕМАСИ
|
Босқич |
|
Субъектлар |
|
Механизм |
|
Муддатлар |
|
1-босқич |
Ўзбекистон Республикаси Вазирлар Маҳкамаси Қорақалпоғистон Республикаси Вазирлар Кенгаши, вилоятлар, Тошкент шаҳар ҳокимликлари |
Тегишли қарор билан шаҳарларнинг бош режаси тасдиқланади. Тегишли қарор билан қишлоқ аҳоли пунктларининг бош режаси тасдиқланади. |
Заруратга кўра | |||
|
2-босқич |
Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари |
1. Турар ва нотурар жой, ишлаб чиқариш ва бошқа бино ва иншоотларнинг ташқи кўринишига қўйиладиган талаблар тўғрисидаги лойиҳа ҳужжатларини тайёрлайди. 2. Қорақалпоғистон Республикаси Жўқорғи Кенгеси ёки тегишли Халқ депутатлари кенгашига лойиҳа ҳужжатларини юборади. |
Заруратга кўра | |||
|
3-босқич |
Қорақалпоғистон Республикаси Жўқорғи Кенгеси ёки тегишли Халқ депутатлари кенгаши |
1. Материалларни кўриб чиқиш ва очиқ муҳокамани ўтказиш тўғрисидаги қарорни қабул қилади. |
Заруратга кўра | |||
|
2. Қарорни эълон қилади ва Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликларига юборади. |
Қарор қабул қилинганидан сўнг 1 иш куни мобайнида | |||||
|
4-босқич |
Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари |
1. Очиқ муҳокама ўтказилиши тўғрисида мулкдорларни хабардор қилади. |
2 иш куни мобайнида | |||
|
2. Очиқ муҳокама ўтказилишини ташкиллаштиради. |
15 кун мобайнида | |||||
|
3. Баённома тузади ва уни эълон қилади. |
Очиқ муҳокама ўтказиладиган кун | |||||
|
5-босқич |
Қорақалпоғистон Республикаси Жўқорғи Кенгеси ёки тегишли Халқ депутатлари кенгаши |
1. Ҳудудни ривожлантириш ва архитектура қиёфасини яхшилашга қаратилган инвестиция лойиҳаларини амалга ошириш тўғрисидаги қарорни қабул қилади. |
Заруратга кўра | |||
|
2. Қарорни эълон қилади ва Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликларига юборади. |
Қарор қабул қилинганидан сўнг 1 иш куни мобайнида | |||||
|
Қорақалпоғистон Республикаси Вазирлар Кенгаши, вилоятлар, Тошкент шаҳар, туман (шаҳар) ҳокимликлари |
3. Мулкдорларга турар ва нотурар жой, ишлаб чиқариш ҳамда бошқа ва иншоотларнинг ташқи кўринишига қўйиладиган талаблар тўғрисидаги лойиҳа ҳужжатларни ва қарорни етказиб беради. |
Қарор олингандан сўнг 1 иш куни мобайнида | ||||
|
6-босқич |
Мулкдор |
Ҳудудни ривожлантириш ва архитектура қиёфасини яхшилашга қаратилган инвестиция лойиҳаларини амалга оширади |
Лойиҳада кўрсатилган, бироқ 2 йилгача бўлган муддатда | |||
Кейинги таҳрирга қаранг.
Олдинги таҳрирга қаранг.
(2-илова Ўзбекистон Республикаси Вазирлар Маҳкамасининг 2021 йил 21 сентябрдаги 592-сонли қарорига асосан ўз кучини йўқотган — Қонунчилик маълумотлари миллий базаси, 22.09.2021 й., 09/21/592/0896-сон)
Вазирлар Маҳкамасининг 2019 йил 16 ноябрдаги 911-сон қарорига
2-ИЛОВА
2-ИЛОВА
Вазирлар Маҳкамасининг 2018 йил 26 декабрдаги 1047-сон қарори билан тасдиқланган Давлат ва жамият эҳтиёжлари учун ер участкаларининг олиб қўйилиши муносабати билан жисмоний ва юридик шахсларга етказилган зарарларни қоплаш бўйича марказлаштирилган жамғармалар маблағларини шакллантириш ва улардан фойдаланиш тартиби тўғрисидаги низомга киритилаётган қўшимчалар
Кейинги таҳрирга қаранг.
1. 6-бандга қуйидаги мазмундаги бешинчи хатбоши қўшилсин:
«қонунчиликда тақиқланмаган бошқа манбалар ҳисобидан».
2. Қуйидаги мазмундаги 121-банд қўшилсин:
«121. Етказилган зарарларни қоплаш ҳудудий жамғармалар маблағлари ҳисобидан жамғармалар кузатув кенгашларининг қарорларига асосан тегишли равишда маблағ келиб тушган туман ва шаҳарларга ажратилади, зарур ҳолларда ҳудудий кузатув кенгаши қарори асосида бошқа туман ва шаҳарларга етказилган зарарларни қоплаш учун йўналтирилади.».
Вазирлар Маҳкамасининг 2019 йил 16 ноябрдаги 911-сон қарорига
3-ИЛОВА
3-ИЛОВА
Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари
РЎЙХАТИ
1. Вазирлар Маҳкамасининг «Давлат ва жамоат эҳтиёжлари учун ер участкаларининг олиб қўйилиши муносабати билан фуқароларга ва юридик шахсларга етказилган зарарларни қоплаш тартиби тўғрисида низомни тасдиқлаш ҳақида» 2006 йил 29 май 97-сон қарори (Ўзбекистон Республикаси ҚТ, 2006 й., 5-сон, 37-модда).
2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг 2010 йил 17 сентябрдаги «Баҳолаш фаолияти такомиллаштирилиши муносабати билан Ўзбекистон Республикасининг айрим қонун ҳужжатларига ўзгартишлар киритиш тўғрисида»ги ЎРҚ-257-сонли қонуни)» 2010 йил 9 ноябрдаги 248-сон қарорига илованинг 12-банди (Ўзбекистон Республикаси ҚТ, 2010 й., 44-45-сон, 385-модда).
3. Вазирлар Маҳкамасининг «Шаҳарсозлик фаолиятини амалга ошириш ҳамда қишлоқ хўжалигига оид бўлмаган бошқа эҳтиёжлар учун ер участкалари бериш тартибини такомиллаштириш чора-тадбирлари тўғрисида» 2011 йил 25 майдаги 146-сон қарорига 3-илованинг 2-бўлими (Ўзбекистон Республикаси ҚТ, 2011 й., 20-21-сон, 204-модда).
4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Ўзбекистон Республикасида инвестиция муҳитини тубдан яхшилаш чора-тадбирлари тўғрисида» 2018 йил 1 августдаги ПФ-5495-сон Фармони)» 2018 йил 27 ноябрдаги 963-сон қарорига илованинг 4-банди.
(Қонун ҳужжатлари маълумотлари миллий базаси, 16.11.2019 й., 09/19/911/4028-сон; Қонунчилик маълумотлари миллий базаси, 09.06.2021 й., 06/21/6243/0540-сон, 28.08.2021 й., 09/21/543/0830-сон, 22.09.2021 й., 09/21/592/0896-сон, 10.01.2022 й., 09/22/14/0009-сон, 05.04.2022 й., 09/22/153/0266-сон; 10.01.2024 й., 09/24/9/0012-сон)
