Ҳужжат кучини йўқотган " " 16.08.2024

Ҳужжат 01.12.2020 00 санаси ҳолатига
Амалдаги версияга ўтиш

Ўзбекистон Республикаси Вазирлар Маҳкамасининг

Истеъмол ва техник этил спирти, алкоголь маҳсулотлари ишлаб чиқариш фаолиятини лицензиялаш тартиби тўғрисидаги низомни тасдиқлаш ҳақида

LexUZ шарҳи

Мазкур қарор Ўзбекистан Республикаси Президентининг 2024 йил 16 августдаги ПФ-111-сонли «Ижтимоий муносабатларни ҳуқуқий тартибга солишнинг барқарорлигини таъминлаш, сифати ва самарадорлигини ошириш чора-тадбирлари тўғрисида»ги Фармонига асосан ўз кучини йўқотган.

Ўзбекистон Республикаси Президентининг «Алкоголь ва тамаки маҳсулотларини ишлаб чиқариш ва уларнинг айланмасини давлат томонидан тартибга солишни такомиллаштириш ҳамда узумчилик ва виночиликни ривожлантиришга доир чора-тадбирлар тўғрисида» 2019 йил 5 февралдаги ПФ-5656-сон Фармонига ҳамда «Ўзбекистон Республикаси Молия вазирлиги ҳузуридаги Алкоголь ва тамаки бозорини тартибга солиш инспекцияси фаолиятини ташкил этиш тўғрисида» 2019 йил 5 февралдаги ПҚ-4162-сон қарорига мувофиқ Вазирлар Маҳкамаси Маҳкамаси қарор қилади:

1. Истеъмол ва техник этил спирти, алкоголь маҳсулотлари ишлаб чиқариш фаолиятини лицензиялаш тартиби тўғрисидаги низом 1-иловага мувофиқ тасдиқлансин.

Кейинги таҳрирга қаранг.

2. Ўзбекистон Республикаси Вазирлар Маҳкамасининг Этил спирти, алкоголли маҳсулотлар ишлаб чиқариш ва тамаки маҳсулотлари ишлаб чиқариш фаолиятини лицензиялаш комиссияси томонидан этил спирти ва алкоголь маҳсулотлари ишлаб чиқариш фаолиятини амалга оширишга илгари берилган лицензияларнинг амал қилиш муддати 2020 йил 1 январгача узайтирилганлиги маълумот учун қабул қилинсин.

Олдинги таҳрирга қаранг.

Бунда лицензия эгалари ва биринчи марта мурожаат қилаётган лицензия талабгорлари янги лицензия талаблари бўйича лицензия олиш учун Вазирлар Маҳкамасининг истеъмол ва техник этил спирти, алкоголь ва тамаки маҳсулотлар ишлаб чиқариш фаолиятини лицензиялаш комиссиясига муддатидан олдин мурожаат этишлари мумкин.

(2-банднинг иккинчи хатбошиси Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

3. Қуйидагилар белгилансин:

икки ва ундан ортиқ лицензиатлар томонидан айни бир стационар бинода ва битта асбоб-ускунада истеъмол ва техник этил спирти, алкоголь маҳсулотлари ишлаб чиқариш тақиқланади;

Олдинги таҳрирга қаранг.

техник спирт ишлаб чиқарувчилар фаолиятини лицензиялаш бўйича талаблар 2020 йил 1 январдан бошлаб кучга киради.

(3-банднинг учинчи хатбошиси Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

4. Ўзбекистон Республикаси Ҳукуматининг 2-иловага мувофиқ айрим қарорларига ўзгартириш ва қўшимчалар киритилсин.

5. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.

6. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2019 йил 23 август,

707-сон

Вазирлар Маҳкамасининг 2019 йил 23 августдаги 707-сон қарорига
1-ИЛОВА

Истеъмол ва техник этил спирти, алкоголь маҳсулотлари ишлаб чиқариш фаолиятини лицензиялаш тартиби тўғрисида

НИЗОМ

1-боб. Умумий қоидалар

1. Ушбу Низом истеъмол ва техник этил спирти, алкоголь маҳсулотлари ишлаб чиқариш фаолиятини лицензиялаш тартибини белгилайди.

Олдинги таҳрирга қаранг.

2. Истеъмол ва техник этил спирти, алкоголь маҳсулотлари ишлаб чиқариш фаолиятига лицензия бериш, лицензиянинг амал қилишини тўхтатиб туриш ёки тугатиш, шунингдек, уни бекор қилиш ва қайта расмийлаштириш тўғрисидаги қарорлар Вазирлар Маҳкамасининг истеъмол ва техник этил спирти, алкоголь ва тамаки маҳсулотлар ишлаб чиқариш фаолиятини лицензиялаш комиссияси (кейинги ўринларда — Лицензиялаш комиссияси) томонидан амалга оширилади.

Лицензиялаш комиссияси фаолияти комиссия томонидан тасдиқланадиган низомга мувофиқ ташкил этилади.

Истеъмол ва техник этил спирти, алкоголь маҳсулотлари ишлаб чиқариш фаолиятига лицензия олиш учун зарур ҳужжатларни қабул қилиш, улар юзасидан эксперт хулосаси ва лицензиялаш комиссияси қарорлари лойиҳаларини тайёрлаш, лицензияларни расмийлаштириш, қайта расмийлаштириш, лицензиялар реестрини юритиш, лицензия битимини тузиш, унинг бажарилишини ва лицензия талабларига риоя этилишини назорат қилиш Алкоголь ва тамаки бозорини тартибга солиш ҳамда виночиликни ривожлантириш агентлиги (кейинги ўринларда — Ишчи орган) томонидан амалга оширилади.

(2-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Олдинги таҳрирга қаранг.

3. Қуйидаги турдаги маҳсулотларни ишлаб чиқариш фаолияти лицензияланади:

а) ректификатланган истеъмол этил спирти, шу жумладан, узум, мева-резавор ва вино спирти, шунингдек, узум ва мева-резаворлардан тайёрланган спирт хом ашёси;

б) техник этил спирти;

в) узум, вино, коньяк, виски, ром, мева-резаворлар ва кальвадос дистилляти;

г) ароқ, шу жумладан, узум ва мева ароғи, шунингдек, ликёр-ароқ маҳсулотлари;

д) коньяк, коньяк ичимликлари, бренди, виски, ром, кальвадос;

е) узум ва мева-резавор виноси (табиий винолардан ташқари), кўпикланадиган (қайнар) ва газли вино;

ж) ўткирлиги 7,0 фоиздан 22 фоизгача бўлган вино ичимликлари;

з) узум ва мева-резаворлардан тайёрланган вино хом ашёси (виноматериаллар).

(3-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

4. Истеъмол ва техник этил спирти, алкоголь маҳсулотлари ишлаб чиқариш фаолияти фақат юридик шахслар — Ўзбекистон Республикаси резидентлари томонидан амалга оширилади.

Истеъмол этил спиртини ишлаб чиқариш устав фондида (устав капиталида) давлат улуши ёки хўжалик бошқаруви давлат органининг улуши 50 фоиз ва ундан юқори бўлган юридик шахслар томонидан амалга оширилади.

Хорижий этил спиртидан фойдаланган ҳолда алкоголь маҳсулотлари ишлаб чиқаришга йўл қўйилмайди.

5. Истеъмол ва техник этил спирти, алкоголь маҳсулотлари ишлаб чиқариш фаолиятини амалга ошириш ҳуқуқига намунавий (оддий) лицензия берилади.

Ушбу Низомнинг 3-бандида кўрсатилган ҳар бир ишлаб чиқариладиган маҳсулот тури учун алоҳида лицензия берилади.

Истеъмол ва техник этил спирти, алкоголь маҳсулотлари ишлаб чиқариш соҳасида лицензия бошқага ўтказилмайди ва лицензиат томонидан бошқа жисмоний ва юридик шахсларга ўтказиб берилмайди.

6. Лицензия унинг амал қилиши чекланмаган муддатга берилади.

2-боб. Лицензия талаблари

7. Истеъмол ва техник этил спирти, алкоголь маҳсулотлари ишлаб чиқариш фаолиятини амалга оширишда лицензия талабларига қуйидагилар киради:

а) истеъмол ва техник этил спирти, алкоголь маҳсулотлари ишлаб чиқаришда(шу жумладан, сифати, сақланиши ва айланмасига риоя қилиш) қонунчиликка ва техник жиҳатдан тартибга солиш соҳасидаги норматив ҳужжатларга қатъий риоя қилиш;

б) ишлаб чиқариш хавфсизлигини, меҳнатни муҳофаза қилиш ва техника хавфсизлигини, ёнғин хавфсизлиги, ишлаб чиқариш санитарияси ва экология талаблари ва нормаларини таъминлаш;

в) лизенцияланадиган фаолиятни амалга ошириш учун амалдаги қонун ҳужжатларида назарда тутилган зарур гувоҳномалар, мувофиқлик сертификатлари ва бошқа тегишли ҳужжатларнинг мавжудлиги;

Олдинги таҳрирга қаранг.

г) ҳар бир маҳсулот тури учун техник жиҳатдан тартибга солиш соҳасидаги норматив ҳужжатлар талабларига мувофиқ ишлаб чиқилган ва Алкоголь ва тамаки бозорини тартибга солиш ҳамда виночиликни ривожлантириш агентлиги (кейинги ўринларда — Агентлик) томонидан тасдиқланган, шунингдек, Ўзбекистон Республикаси Соғлиқни сақлаш вазирлиги билан келишилган технологик йўриқномаларнинг мавжудлиги;

(7-банднинг «г» кичик банди Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Олдинги таҳрирга қаранг.

д) истеъмол этил спирти ва алкоголь маҳсулотлари ишлаб чиқариш соҳасида тегишли малакага эга бўлган камида икки нафар мутахассис ҳамда техник этил спирти ишлаб чиқариш соҳасида бир нафар мутахассиснинг мавжудлиги;

(7-банднинг «д» кичик банди Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

е) зарур асбоб-ускуналар, приборлар, кимёвий реактивлар ва техник жиҳатдан тартибга солиш соҳасидаги норматив ҳужжатлар билан жиҳозланган, техник жиҳатдан тартибга солиш соҳасидаги норматив ҳужжатларда назарда тутилган барча зарур физик-кимёвий, микробиологик ва бошқа кўрсаткичларни анализ қилиш имконини берувчи ишлаб чиқариш лабораториялари мавжудлиги;

Олдинги таҳрирга қаранг.

ж) истеъмол ва техник этил спирти, алкоголь маҳсулотлари ишлаб чиқаришнинг асосий ускуналарини мажбурий рўйхатдан ўтказиш, шунингдек, унинг мулкдорларини Ишчи органда рўйхатдан ўтказиш ва қайта рўйхатдан ўтказиш, ишлаб чиқаришнинг техник ва технологик жараёнлари, ишлаб чиқарилаётган маҳсулотларнинг ўрнатилган йиллик ишлаб чиқариш қувватлари, шунингдек, муҳандислик-техник коммуникациялар ва ишлаб чиқариш цикли жойлашиши бўйича ҳужжатлардаги ўзгаришларни Ишчи орган билан олдиндан келишиш.

(7-банд «ж» кичик бандининг биринчи хатбошиси Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Истеъмол ва техник этил спирти, алкоголь маҳсулотлари ишлаб чиқаришни қонунчиликка ва техник жиҳатдан тартибга солиш соҳасидаги норматив ҳужжатларга мувофиқ стационар ишлаб чиқариш иншоотлари ва ускуналарида амалга оширишга рухсат этилади;

Олдинги таҳрирга қаранг.

з) Ишчи органда рўйхатдан ўтказиш орқали маънан ва жисмонан эскирган истеъмол ва техник этил спирти, алкоголь маҳсулотлари ишлаб чиқаришнинг асосий ускуналарини алмаштириш;

(7-банднинг «з» кичик банди Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

и) ишлаб чиқариладиган маҳсулотнинг техник жиҳатдан тартибга солиш соҳасидаги норматив ҳужжатлар талабларига мувофиқлиги бўйича истеъмол этил спирти ва алкоголь маҳсулотларининг органолептик хусусиятларини аниқлаш бўйича дегустация комиссиясига ҳар чоракда маҳсулот намуналарини тақдим этиш;

к) алкоголь маҳсулотларини маркалаш ва кузатиш тизимини ўз ичига олувчи истеъмол ва техник этил спирти, алкоголь ва тамаки маҳсулотлари ишлаб чиқариш ҳажмларини ҳисобга олиш ахборот тизимини (кейинги ўринларда Ҳисобга олиш ахборот тизими деб аталади) жорий этиш ва фойдаланиш, шунингдек, электрон шаклдаги ҳисобварақ-фактурадан фойдаланиш;

Кейинги таҳрирга қаранг.

л) қонун ҳужжатлари талабларига мувофиқ этил спирти ва алкоголь маҳсулотлари савдоси қоидаларига риоя қилиш;

м) истеъмол ва техник этил спирти ишлаб чиқарувчи ташкилотларда алкоголь маҳсулотлари ишлаб чиқаришга йўл қўймаслик;

н) тўлов интизоми ҳамда солиқлар ва бошқа мажбурий тўловларни, шунингдек, йиллик лицензия тўловлариниўз вақтида тўлаш бўйича белгиланган талабларга риоя қилиш;

Олдинги таҳрирга қаранг.

о) ректификатланган истеъмол этил спирти ишлаб чиқарувчи ташкилотларда Агентлик қошидаги этил спирти сифатини аниқлаш лабораториясининг мавжудлиги;

(7-банднинг «о» кичик банди Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

п) ароқ ҳамда истеъмол этил спиртидан (узум ва резавор мева этил спиртидан ташқари) ароқ ва ликёр-ароқ маҳсулотлари ишлаб чиқариш бўйича мавжуд йиллик ишлаб чиқариш қувватларидан ўрнатилган қувватларнинг 60 фоизидан кам бўлмаган миқдорда фойдаланилишини таъминлаш. Бунда йиллик ишлаб чиқариш ҳажми абсолют алкоголга қайта ҳисоблаганда камида 100 минг декалитрни ташкил қилиши лозим;

р) ароқ ишлаб чиқармайдиган ташкилотларда истеъмол этил спиртидан (узум ва резавор мева этил спиртидан ташқари) ликёр-ароқ маҳсулотлари ишлаб чиқариш бўйича мавжуд йиллик ишлаб чиқариш қувватларидан ўрнатилган қувватларнинг 50 фоизидан кам бўлмаган миқдорда фойдаланилишини таъминлаш;

с) узумнинг мевали техник навларини етиштириш учун камида 100 гектар плантацияси ва вино-коньяк маҳсулотларини сақлаш ва етилтириш учун эман бочкалари мавжуд бўлган ташкилотлар томонидан табиий вино, виноматериаллар ва коньяк спиртлари ишлаб чиқариш ҳамда узумни қайта ишлаш фаолиятини амалга ошириш;

т) ароқ ва (ёки) ликёр-ароқ маҳсулотлари ишлаб чиқарувчилари томонидан уч йил ичида ўзининг техник узум навлари плантацияларини бир текис яратилиши ва келгусида вино материаллари ва (ёки) вино ишлаб чиқаришни ташкил қилиш. Бунда техник узум навлари экилганидан кейинги уч йилдан сўнг техник узум навлари плантацияларининг майдони ароқ ва (ёки) ликёр-ароқ маҳсулотларини йиллик ишлаб чиқариш ҳажмининг 75 фоизига мутаносиб келадиган вино материаллари ва (ёки) вино ишлаб чиқариш учун зарур бўлган ҳосилни йиғиш имконини бериши керак;

у) ташкилотлар томонидан доимий равишда устав фондининг қуйидаги миқдорини таъминланиши:

истеъмол этил спирти ва ароқ ишлаб чиқарувчи ташкилотлар учун базавий ҳисоблаш миқдорининг 10 000 баравари миқдорида ва ундан ортиқ;

бошқа алкоголь маҳсулотлари ишлаб чиқарувчилар (узум ва меваларни бирламчи қайта ишлаш ташкилотлари бундан мустасно) учун базавий ҳисоблаш миқдорининг 1 000 баравари миқдорида ва ундан ортиқ;

ф) барча истеъмол ва техник этил спирти ишлаб чиқариш ҳамда алкоголь маҳсулотларини қуйиш линияларида йиғма ҳисобга олиш маълумотлари кўрсаткичларини тегишли ҳимоялаш воситасига эга бўлган тайёр маҳсулотларни электрон ҳисоблагичларнинг мавжуд бўлиши.

Олдинги таҳрирга қаранг.

х) алкоголь маҳсулотларининг товар белгиларини белгиланган тартибда Ўзбекистон Республикаси Адлия вазирлиги ҳузуридаги Интеллектуал мулк агентлиги томонидан рўйхатга олинганлиги тўғрисидаги гувоҳноманинг мавжудлиги;

ц) истеъмол ва техник этил спирти ишлаб чиқарувчилар реал вақт режимида автоматлаштирилган кузатиш тизими (GPS) билан жиҳозланган (2021 йил 1 июлдан) ҳамда истеъмол ва техник этил спирти, алкоголь ва тамаки маҳсулотларини ишлаб чиқариш, уларнинг айланмаси ҳажмини ҳисобга олиш ҳамда узумзорларнинг ягона реестри ахборот тизимига интеграция қилинган электрон ҳисоблагич ўрнатилган автотранспорт воситаларида (2022 йил 1 январдан) реализация қилишни амалга ошириши лозим.

(7-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарорига асосан «х» ва «ц» кичик бандлар билан тўлдирилган — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

8. Агарда ишлаб чиқариш қувватларидан лицензиатга боғлиқ бўлмаган шарт-шароитларга кўра фойдаланилмаган бўлса, ушбу Низомнинг 7-банди «п» ва «р» кичик бандларида қайд этилган лицензия талабларининг бажарилмаслигига йўл қўйилади.

Олдинги таҳрирга қаранг.

(9-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарорига асосан ўз кучини йўқотган — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

10. Лицензия талабгори лицензия беришни сўраб мурожаат қилган кунда ишлаб чиқариш жараёни техник жиҳатдан тартибга солиш соҳасидаги норматив ҳужжатлар талабларига мувофиқ бўлиши шарт.

3-боб. Лицензия олиш учун зарур бўлган ҳужжатлар

Олдинги таҳрирга қаранг.

11. Истеъмол ва техник этил спирти, шунингдек, алкоголь маҳсулотлари ишлаб чиқариш фаолиятига лицензия олиш учун талабгор ишчи органга қуйидаги ҳужжатларни тақдим этади:

а) ушбу Низомга 1-иловага мувофиқ шакл бўйича лицензия бериш тўғрисида ариза;

б) ушбу Низомга 2-иловага мувофиқ шакл бўйича ишлаб чиқариш объектининг паспорти.

Ишчи орган лицензия олиш учун зарур ҳужжатлар ва ахборотларни Комиссияга тақдим этиш учун талабгорнинг аризаси топширилган кундан бошлаб 10 иш кунида «ягона дарча» тамойили асосида лицензия талабгорининг иштирокисиз қуйидаги ҳужжатларни ваколатли органлардан сўраб олади:

а) ишлаб чиқариш ва сақлаш иншоотларининг, шунингдек, технологик ускуналарнинг қонун ҳужжатларида белгиланган санитария-гигиена талабларига мувофиқлиги тўғрисида ҳудудий санитария-эпидемиологик назорат органининг хулосаси;

Кейинги таҳрирга қаранг.

б) ишлаб чиқаришнинг қонун ҳужжатларида белгиланган меҳнатни муҳофаза қилиш ва техника хавфсизлиги талабларига мувофиқлиги тўғрисида Ўзбекистон Республикаси Бандлик ва меҳнат муносабатлари вазирлигининг ҳудудий бошқармалари хулосаси;

в) ишлаб чиқаришнинг, ишлаб чиқариш ва сақлаш биноларининг қонун ҳужжатларида белгиланган ёнғин хавфсизлиги талабларига мувофиқлиги тўғрисида ҳудудий ёнгин назорати органининг хулосаси;

г) «Ўзстандарт» агентлиги ҳузуридаги Техник жиҳатдан тартибга солиш, стандартлаштириш, сертификатлаштириш ва метрология соҳасида қонун ҳужжатлари талабларига риоя этилишини таъминлаш департаментининг ишлаб чиқариладиган маҳсулотнинг сифати ва хавфсизлигини назорат қилиш учун зарур бўлган техник тартибга солиш соҳасидаги норматив ҳужжатлар ҳамда ўлчаш жиҳозлари билан таъминланганлиги тўғрисидаги хулосаси;

д) истеъмол ва техник этил спирти, алкоголь маҳсулотлари ишлаб чиқарувчи ташкилотлар (бино, иншоотлари, ишлаб чиқариш қувватлари ва ҳоказо) қурилганда ва янгиси ташкил этилганда, шунингдек, мавжуд ишлаб чиқариш қувватлари кенгайтирилганда Ўзбекистон Республикаси Иқтисодий тараққиёт ва камбағалликни қисқартириш вазирлигининг истеъмол этил спиртини ишлаб чиқариш ва фойдаланиш балансидан келиб чиққан ҳолда таклиф этилаётган янги қувватларни ташкил этилишнинг иқтисодий жиҳатдан мақсадга мувофиқлиги тўғрисидаги хулосаси.

Ваколатли органлар ўн иш кунида ижобий хулоса ёки асосланган рад жавобини бермаса, ишчи орган тегишли хулосаларсиз лицензия бериш тўғрисида аризани кўриб чиқади.

Бу ҳолда жавобгарлик белгиланган муддатларда ижобий хулоса ёки асосланган рад жавобини бермаган ваколатли органга юкланади.

Ишчи орган лицензия талабгорининг аризаси кўриб чиқилганлиги учун лицензия талабгорининг йиғимни тўлаганини тасдиқловчи ҳужжатни электрон тарзда мустақил равишда олади.

Лицензия талабгоридан ушбу бандда назарда тутилмаган ҳужжатлар тақдим этилишини талаб қилишга йўл қўйилмайди.

(11-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

12. Лицензия талабгоридан ушбу Низомда назарда тутилмаган ҳужжатларни тақдим этишни талаб қилишга йўл қўйилмайди.

Олдинги таҳрирга қаранг.

13. Лицензия олиш учун зарур бўлган ҳужжатлар лицензия талабгори томонидан ишчи органга бевосита, почта алоқаси воситалари орқали ёки электрон шаклда, улар олинганлиги ҳақида хабардор қилинган ҳолда тақдим этилади. Электрон шаклда тақдим этилган ҳужжатлар лицензия талабгорининг электрон рақамли имзоси билан тасдиқланади. Лицензия бериш тўғрисидаги аризада лицензия талабгорининг электрон манзили кўрсатилганлиги унинг аризаси бўйича қабул қилинган қарор ҳақида ахборот тизими орқали электрон шаклда хабарнома олишга бўлган розилиги ҳисобланади.

Лицензия олиш учун тақдим этилаётган ҳужжатлар рўйхат бўйича қабул қилиниб, рўйхатнинг нусхаси ишчи орган томонидан ҳужжатлар қабул қилиб олинган сана кўрсатилган ҳолда ариза берувчига юборилади (топширилади).

(13-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

14. Ишончли бўлмаган ёки бузилган маълумотлар тақдим этилганлиги учун лицензия талабгори қонун ҳужжатларига мувофиқ жавоб беради.

4-боб. Аризани кўриб чиқиш ва лицензия бериш ёки лицензия беришни рад этиш тўғрисида қарор қабул қилиш

15. Истемол ватехник этил спирти, алкоголь маҳсулотлари ишлаб чиқариш фаолиятини лицензиялаш ушбу Низомга 3-иловага мувофиқ схема бўйича амалга оширилади.

Олдинги таҳрирга қаранг.

16. Лицензия талабгорига лицензия бериш ёки лицензия беришни рад этиш тўғрисидаги қарор лицензия талабгоридан ушбу Низомнинг 11-бандида кўрсатилган ҳужжатлар тўплами олинган кундан бошлаб ўттиз кундан ортиқ бўлмаган муддатда қабул қилинади.

Бунда ишчи орган, жойларга бориб ишлаб чиқариш шарт-шароитларининг тақдим этилган ҳужжатларга мувофиқлигини текширишга ҳақлидир.

Ишчи орган ариза олинган кундан бошлаб ўн беш кундан ортиқ бўлмаган муддатда ҳужжатларни кўриб чиқади ва улар юзасидан эксперт хулосаси тайёрлайди ҳамда лицензия талабгорига лицензия бериш ёки лицензия беришни рад этиш тўғрисидаги таклифни тасдиқлаш учун Комиссияга тегишли қарорнинг баённома лойиҳаси билан бирга тақдим этади.

(16-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Олдинги таҳрирга қаранг.

17. Ишчи орган лицензия талабгорини қабул қилинган қарор тўғрисида тегишли қарор қабул қилингандан кейин уч кун мобайнида хабардор қилади.

(17-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

18. Лицензия беришга қарор қилинганлиги тўғрисидаги билдиришнома лицензия талабгорига банк ҳисоб рақами реквизитлари ва йиллик лицензия тўловлари тўлаш муддати кўрсатилган ҳолда ёзма шаклда, шунингдек, ахборот тизими орқали электрон шаклда юборилади (топширилади) ҳамда шу билан бир вақтда имзолаш учун лицензия шартномаси юборилади.

Олдинги таҳрирга қаранг.

19. Лицензия шартномаси Ишчи орган ва лицензия талабгори ўртасида тузилади ва унда қуйидагилар бўлиши керак:

(19-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

а) шартномани имзолаган шахсларнинг фамилияси, исми, отасининг исми, лавозими;

б) томонларнинг реквизитлари;

в) ушбу Низомнинг 3-бандида кўрсатилган ишлаб чиқарилишига лицензия берилаётган аниқ маҳсулот турининг номи;

г) ташкилотнинг ишлаб чиқариш ва омборларининг жойлашган жойи;

д) лицензиатга қўйиладиган лицензия талаблари ва шартлари;

е) лицензия шартномасининг талаблари ва шартларини бузганлик учун тарафларнинг жавобгарлиги;

Олдинги таҳрирга қаранг.

ж) лицензиат томонидан лицензия шартномаси талаблари ва шартлари бажарилишини Ишчи орган томонидан текшириш ва назорат қилиш тартиби;

(19-банднинг «ж» кичик банди Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

з) қонун ҳужжатларига мувофиқ бошқа зарур маълумотлар.

Олдинги таҳрирга қаранг.

Лицензия шартномаси икки нусхада — лицензиат ва Ишчи орган учун биттадан нусхада тузилади.

(19-банд «з» кичик бандининг иккинчи хатбошиси Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Олдинги таҳрирга қаранг.

20. Истеъмол ва техник этил спирти, алкоголь маҳсулотлари ишлаб чиқариш бўйича фаолиятни амалга ошириш учун лицензия ушбу Низомга 4-иловага мувофиқ шаклда белгиланган намунадаги бланкада расмийлаштирилади ва Лицензиялаш комиссияси раиси томонидан имзоланади.

(20-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Лицензия бланкалари қатъий ҳисобда турадиган ҳужжатлар ҳисобланади, ҳисобга олиш сериясига, тартиб рақамига ва ҳимояланганлик даражасига эга бўлади.

21. Лицензия талабгори томонидан йиллик лицензия тўловлари тўланганини тасдиқловчи ҳужжат тақдим этилгандан ва лицензия шартномаси имзолангандан кейин уч кун муддатда лицензия берилади.

Олдинги таҳрирга қаранг.

22. Агар лицензиат лицензия бериш тўғрисида қарор қабул қилинганлиги ҳақидаги билдиришнома юборилган (топширилган) вақтдан бошлаб уч ой мобайнида Ишчи органга лицензия берилганлиги учун йиллик лицензия тўловлари тўланганлигини тасдиқловчи ҳужжатни тақдим этмаса ёхуд лицензия шартномасини имзоламаса, лицензияни бериш тўғрисидаги қарор бекор қилинади.

(22-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

23. Лицензия бериш «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 17-моддасида назарда тутилган асослар бўйича рад этилиши мумкин.

24. Лицензия беришни рад этиш тўғрисида қарор қабул қилинган тақдирда, рад этиш тўғрисидаги билдиришнома лицензия талабгорига рад этишнинг аниқ сабаблари ва лицензия талабгори кўрсатиб ўтилган сабабларни бартараф этиб ҳужжатларни такроран кўриб чиқишга тақдим этиши учун етарли бўлган муддат кўрсатилган ҳолда ёзма шаклда, шунингдек, ахборот тизими орқали электрон шаклда юборилади (топширилади). Лицензия беришни рад этиш ҳақидаги хабарномада кўрсатилган муддат камчиликларни бартараф этиш учун зарур бўлган вақтга мутаносиб бўлиши, бироқ уч ойдан ошмаслиги керак.

25. Лицензия беришни рад этиш учун асос бўлган сабаблар лицензия талабгори томонидан бартараф этилган тақдирда, ҳужжатларни такроран кўриб чиқиш лицензия талабгорининг аризаси барча зарур ҳужжатлар билан биргаликда олинган кундан бошлаб ўн кундан ортиқ бўлмаган муддатда амалга оширилади.

26. Лицензия талабгорининг аризасини қайта кўриб чиқишда илгари лицензия беришни рад этиш тўғрисидаги билдиришномада кўрсатилмаган янги асослар бўйича лицензия беришни рад этишга йўл қўйилмайди.

Лицензия бериш рад этилганлиги тўғрисидаги билдиришномада кўрсатилган муддат ўтгандан кейин берилган ариза янгидан берилган ариза ҳисобланади.

5-боб. Йиғим ва йиллик лицензия тўловини тўлаш тартиби

27. Лицензия талабгорининг аризаси кўриб чиқилганлиги учун тўлов кунида Ўзбекистон Республикаси қонун ҳужжатларида белгиланган базавий ҳисоблаш миқдорининг тўрт баравари миқдорида йиғим ундирилади.

Лицензия талабгорлари аризалари такроран кўриб чиқилганлиги учун йиғим ундирилмайди.

Лицензия талабгори берилган аризадан воз кечган тақдирда лицензия талабгорининг аризаси кўриб чиқилганлиги учун тўланган йиғим суммаси қайтарилмайди.

28. Истеъмол ватехник этил спирти,алкоголь маҳсулотлари ишлаб чиқариш фаолиятини амалга ошириш ҳуқуқи учун лицензияни берганлик учун йиллик лицензия тўловларикўрсатиб ўтилган гуруҳлар бўйичақуйидаги миқдорларда ундирилади:

а) ректификатланган истеъмол этил спирти ишлаб чиқариш учун — базавий ҳисоблаш миқдорининг 100 баробари миқдорида;

Олдинги таҳрирга қаранг.

б) техник этил спирти ишлаб чиқариш учун — базавий ҳисоблаш миқдорининг 25 баробари миқдорида;

(28-банднинг «б» кичик банди Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

в) истеъмол этил спиртидан ароқ ва ликёр-ароқ ишлаб чиқариш учун — базавий ҳисоблаш миқдорининг 250 баробари миқдорида;

г) ўткирлиги 7,0 дан 22,0 фоизгача бўлган вино ичимликлари ишлаб чиқариш учун — базавий ҳисоблаш миқдорининг 250 баробари миқдорида;

Олдинги таҳрирга қаранг.

д) узум ва мева ароғи, узум ва мева-резаворлар виноси, коньяк, коньяк ичимликлари, бренди, виски, ром, кальвадос ишлаб чиқариш учун — базавий ҳисоблаш миқдорининг 100 баробари миқдорида;

(28-банднинг «д» кичик банди Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Олдинги таҳрирга қаранг.

е) узум ва мева-резаворлар спирти, вино спирти, узумдан ва мева резаворлардан тайёрланган спирт хом ашёси, узум, вино, коньяк, виски, ром, мева-резаворлар ва кальвадос дистиллятлари, кўпикланадиган ва газланган вино ишлаб чиқариш учун — базавий ҳисоблаш миқдорининг 50 баробари миқдорида;

(28-банднинг «е» кичик банди Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

ж) узум ва резавор мевадан виноматериаллар ишлаб чиқариш учун — базавий ҳисоблаш миқдорининг 25 баробари миқдорида;

Олдинги таҳрирга қаранг.

(28-банднинг «з» кичик банди Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарорига асосан чиқарилган — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

29. Лицензия талабгори ушбу Низомнинг 28-бандида келтирилган ҳар хил гуруҳларда кўрсатилган маҳсулотларни ишлаб чиқариш учун мурожаат қилганида лицензия беришда тегишли гуруҳлар учун кўрсатилган йиллик лицензия тўловлари ундирилган ҳолда алоҳида лицензиялар расмийлаштирилади.

Агар лицензия талабгори бир гуруҳга кирувчи бир неча турдаги маҳсулотларни ишлаб чиқариш учун лицензия олишга аризаберган бўлса, тегишли гуруҳга лицензия бериш учун ягона йиллик лицензия тўлови ундирилади.

Олдинги таҳрирга қаранг.

30. Лицензия талабгорининг аризаси кўриб чиқилганлиги учун йиғим ва йиллик лицензия тўловидан тушадиган маблағлар Агентликнинг Виночиликни ривожлантириш жамғармасига кирим қилинади.

(30-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

6-боб. Лицензияни қайта расмийлаштириш, дубликат бериш

Олдинги таҳрирга қаранг.

31. Лицензиат ўзгартирилган, унинг номи ёки жойлашган жойи (почта манзили) ўзгарган тақдирда, лицензиат ёки унинг ҳуқуқий вориси қайта рўйхатдан ўтказилгандан кейин бир ой муддатда Ишчи органга кўрсатиб ўтилган маълумотларни тасдиқловчи тегишли ҳужжатлар илова қилинган ҳолда лицензияни қайта расмийлаштириш тўғрисида ариза бериши шарт.

(31-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Янгидан юзага келган юридик шахсни давлат рўйхатидан ўтказиш санасида айни бир лицензияланадиган фаолият турини амалга ошириш ҳуқуқини берувчи лицензияга эга бўлган лицензиатлар — юридик шахслар қўшиб юборилган тақдирда, лицензияни ушбу банднинг биринчи хатбошида назарда тутилган тартибда қайта расмийлаштиришга йўл қўйилади.

32. Лицензиат лицензия қайта расмийлаштирилгунга қадар унда кўрсатилган фаолиятни илгари берилган лицензия асосида амалга оширади.

Олдинги таҳрирга қаранг.

33. Лицензияни қайта расмийлаштиришда Ишчи орган лицензиялар реестрига тегишли ўзгартиришлар киритади. Лицензияни қайта расмийлаштириш Ишчи орган томонидан лицензияни қайта расмийлаштириш тўғрисида ариза олинган кундан бошлаб беш кун мобайнида амалга оширилади.

(33-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Олдинги таҳрирга қаранг.

34. Йўқолган ёки яроқсиз ҳолга келган лицензия ўрнига лицензиатнинг аризасига кўра дубликат берилади. Бунда лицензиат оммавий ахборот воситаларида йўқолган лицензиянинг ҳақиқий эмаслиги тўғрисида хабар бериши, шунингдек, хабарни Ишчи органга тақдим этиши керак.

(34-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

35. Лицензияни қайта расмийлаштириш ва дубликат бериш, шунингдек, лицензия шартномасига ўзгартириш ёки қўшимча киритиш учун лицензия талабгорининг аризаси кўриб чиқилганлиги учун тўланадиган йиғимнинг ярми миқдорида йиғим ундирилади.

7-боб. Лицензия талаблари ва шартларига риоя этилишини назорат қилиш

Олдинги таҳрирга қаранг.

36. Лицензиат томонидан лицензия талаблари ва шартларига риоя этилиши устидан назорат қилиш Ишчи орган томонидан, қонун ҳужжатларида ва лицензия шартномасида белгиланган тартибда амалга оширилади.

(36-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Олдинги таҳрирга қаранг.

37. Лицензия талабларига риоя этилиши устидан назоратни амалга оширишда Ишчи орган ўз ваколатлари доирасида:

(37-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

а) лицензиат томонидан лицензия талаблари ва шартларига риоя этилишини қонун ҳужжатларида белгиланган тартибда текшириш;

б) Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилни Текширувларни электрон рўйхатга олиш ягона тизимида рўйхатга олинганҳолда хабардор қилиб ҳамда лицензиатни олдиндан хабардор қилмасдан барча маъмурий, ишлаб чиқариш, лаборатория ва омбор биноларига кириш, ишлаб чиқариш линиялари, асбоб-ускуналар, транспорт воситалари ва бошқа техникани кўздан кечириш;

в) ишлаб чиқарилаётган маҳсулот сифати ва унинг сақланишини дастлабки назоратини амалга ошириш учун уларни кўздан кечириш;

г) лицензия талаблари ва шартларига риоя этилишини текшириш чоғида пайдо бўладиган масалалар юзасидан лицензиатдан зарур ахборотни сўраш ва олиш;

е) истеъмол ва техник этил спирти, алкоголь маҳсулотлари ишлаб чиқаришда техник ва технологик нормативларга риоя этилишини текшириш;

ж) истеъмол ва техник этил спирти, алкоголь маҳсулотларининг сақланиш сифати ва айланмасини, шу жумладан, истеъмол ва техник этил спирти, алкоголь маҳсулотлари ишлаб чиқаришда қўлланадиган хом ашё ва ёрдамчи материаллар сифатини назорат қилиш;

з) лицензиат томонидан алкоголь маҳсулотини маркировкалаш ва кузатиш тизимини ўз ичига олувчи Ҳисобга олиш ахборот тизимига ўз вақтида ва ҳаққоний маълумотларнинг киритилишини назорат қилиш;

Кейинги таҳрирга қаранг.

и) Ўзбекистон Республикаси Давлат солиқ қўмитасининг ахборот тизимига интеграциялашган электрон шаклдаги ҳисобварақ-фактуралар ахборот тизимига лицензиат томонидан ўз вақтида ва ҳаққоний маълумотларнинг киритилишини назорат қилиш;

к) қонун ҳужжатлари ва лицензия талаблари бузилиш ҳолатлари бўйича мансабдор шахсларнинг ёзма равишдаги тушунтириш хатларини сўраш ва олиш;

л) текширишлар давомида лицензиат томонидан лицензия талаблари ва шартлари бузилиши аниқланганда улар асосида далолатномалар (маълумотномалар) тузиш;

м) лицензиатга аниқланган бузилишларни бартараф этиш мажбуриятини юкловчи ёзма кўрсатмалар бериш, бундай бузилишларни бартараф этиш муддатларини белгилаш;

н) лицензия талабларининг бузилганлиги учун жарималар солиш;

о) ушбуНизом ва бошқа қонун ҳужжатлари талабларига мувофиқ лицензиянинг амал қилишини тўхтатиб туриш, тўхтатиш ёки лицензияни бекор қилиш тўғрисида қарор қабул қилиш.

Олдинги таҳрирга қаранг.

38. Лицензия талаблари ва шартларига риоя этилишини текшириш чогида Ишчи орган томонидан уч нусхада далолатнома тузилади, унинг бир нусхаси лицензиатга берилади, иккинчи нусхаси Ишчи органда қолади ва бир нусхаси Лицензиялаш комиссиясига тақдим этилади.

(38-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

39. Лицензиатга нисбатан огоҳлантириш, молиявий санкция ва (ёки) лицензия амал қилишини тўхтатиб туриш ёки тўхтатиш каби таъсир чоралари қўлланилади.

40. Лицензиатларга жарима кўринишида қуйидаги молиявий санкциялар қўлланилади:

а) ароқ, шунингдек, истеъмол этил спиртидан ароқ ва ликёр-ароқ маҳсулотлари ишлаб чиқариш бўйича мавжуд йиллик ишлаб чиқариш қувватлари қуйидагидан кам бўлмаган миқдорда ишлатилишини таъминламаслик:

60 фоиздан — базавий ҳисоблаш миқдорининг 150 баробари миқдорида;

40 фоиздан — базавий ҳисоблаш миқдорининг 250 баробари миқдорида;

б) ароқ ишлаб чиқармайдиган ташкилотларда истеъмол этил спиртидан ликёр-ароқ маҳсулотлари ишлаб чиқариш бўйича мавжуд йиллик ишлаб чиқариш қувватлари қуйидагидан кам бўлмаган миқдорда ишлатилишини таъминламаслик:

50 фоиздан — базавий ҳисоблаш миқдорининг 150 баробари миқдорида;

30 фоиздан — базавий ҳисоблаш миқдорининг 250 баробари миқдорида;

Олдинги таҳрирга қаранг.

в) бошқа турдаги спиртдан (рекгификатланган истеъмол этил спирти, коньяк дистилляти ва мева, узумдан ректификатланган этил спиртидан ташқари) фойдаланган ҳолда алкоголь маҳсулотлари ишлаб чиқариш, шунингдек, хорижий этил спиртидан фойдаланган ҳолда алкоголь маҳсулотлари ишлаб чиқариш — ишлаб чиқарилган маҳсулот баҳосининг (улгуржи нархларда) 200 фоизи миқдорида, бироқбазавий ҳисоблаш миқдорининг 150 баробаридан кам бўлмаган миқдорда;

(40-банднинг «в» кичик банди Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

г) этил спирти ва алкоголь маҳсулотларини лицензия олиш чоғида аризада киритилмаган сақлаш жойларида сақлаш — бундай сақлаш жойларида бўлган маҳсулот қийматининг 100 фоизи миқдорида, бироқбазавий ҳисоблаш миқдорининг 150 баробаридан кам бўлмаган миқдорда;

д) ташкилотлар томонидан алкоголь маҳсулотларини бундай маҳсулотга белгиланган энг кам улгуржи нархлардан паст нархларда сотиш:

алкоголь маҳсулотларини (пиводан ташқари) ишлаб чиқарувчи ташкилот томонидан қонун ҳужжатларида белгиланган минимал улгуржи-сотиш нархларидан паст нархларда сотилган қийматнинг 20 фоизи миқдорида, бироқ базавий ҳисоблаш миқдорининг 100 баробаридан кам бўлмаган миқдорда;

жарима қўлланилгандан кейин бир йил мобайнида айнан ўша қоида бузиш такроран аниқланганда — алкогольмаҳсулотларини (пиводан ташқари) ишлаб чиқарган ташкилот томонидан қонун ҳужжатларида белгиланган минимал улгуржи-сотиш нархларидан паст нархларда сотилган қийматнинг 50 фоизи миқдорида, бироқ базавий ҳисоблаш миқдорининг 200 баробаридан кам бўлмаган миқдорда;

Олдинги таҳрирга қаранг.

е) истеъмол этил спиртини 50 фоизлик олдиндан тўловсиз сотиш — олиб чиқиб кетилган ёки ташиладиган маҳсулотнинг 50 фоиз қиймати, бироқ базавий ҳисоблаш миқдорининг 150 баробаридан кам бўлмаган миқдорда;

(40-банднинг «е» кичик банди Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

ж) алкоголь маҳсулотини (пиво маҳсулоти, кўпикланадиган ва табиий винодан ташқари) алкоголь маҳсулотларининг улгуржи савдосиниамалга ошириш бўйича лицензияга эга бўлмаган шахсга сотиш — олиб чиқиб кетилган ёки ташиладиган маҳсулотнинг 100 фоиз қиймати, бироқбазавий ҳисоблаш миқдорининг 150 баробаридан кам бўлмаган миқдорда;

з) истеъмол этил спирти ва алкоголь маҳсулотини Ҳисобга олиш ахборот тизими ҳисобига киритмасдан ишлаб чиқариш ва (ёки) муомалага чиқариш — базавий ҳисоблаш миқдорининг 50 баробари миқдорида;

и) Ҳисобга олиш ахборот тизимига ишлаб чиқарилган ва (ёки) муомалага чиқарилган истеъмол этил спирти, алкоголь маҳсулоти ҳажмлари тўғрисидаги маълумотларни тақдим этмаслик ёки ўз вақтида тақдим этмаслик ёхуд ишончли бўлмаган маълумотларни тақдим этиш — базавий ҳисоблаш миқдорининг 50 баробари миқдорида;

к) бошқа лицензия талабларининг бажарилмаслиги — базавий ҳисоблаш миқдорининг 50 баробари миқдорида.

Олдинги таҳрирга қаранг.

41. Лицензия талаблари ва шартларини бузганлик учун тўланадиган жарималар Ўзбекистон Республикаси Молия вазирлиги ҳузуридаги Алкоголь ва тамаки бозорини тартибга солиш Агентликнинг Виночиликни ривожлантириш жамғармасига кирим қилинади.

(41-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Олдинги таҳрирга қаранг.

42. Ишчи орган Лицензиялаш комиссияси номидан молиявий жарималар қўллаш тўғрисида баённомалар тузиш ҳуқуқига эга.

Молиявий жарималар қўллаш тўғрисидаги баённомалар Ишчи орган томонидан тузилади ва суд органларига қарор қабул қилиш учун киритилади (содир этилган ҳуқуқбузарликларда шахслар айбларини тан олган ва молиявий жарималар суммасини ихтиёрий равишда тўлаган ҳоллар бундан мустасно).

(42-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Олдинги таҳрирга қаранг.

43. Истеъмол ва техник этил спирти, алкоголь маҳсулотларини ноқонуний ишлаб чиқариш ва (ёки) муомалага чиқариш, ноқонуний хом ашё ва ёрдамчи материаллар харид қилиш ҳолатлари аниқланган тақдирда, Ишчи орган мутахассислари бу ҳақда дарҳол ҳуқуқни муҳофаза қилувчи органларни хабардор қилади.

(43-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

8-боб. Лицензиянинг амал қилишини тўхтатиб туриш, тўхтатиш валицензияни бекор қилиш

Олдинги таҳрирга қаранг.

44. Лицензиянинг амал қилишини тўхтатиб туриш, тўхтатиш ва лицензияни бекор қилиш «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 22 — 24-моддаларида назарда тутилган ҳолларда ва тартибда Лицензиялаш комиссияси қарорига кўра амалга оширилади.

(44-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Олдинги таҳрирга қаранг.

44^1. Лицензиянинг амал қилишини тугатиш учун асос бўладиган лицензия талаб ва шартларини бир марта қўпол равишда бузишга қуйидагилар киради:

бир назорат тадбирида лицензия талабларининг икки ва ундан ортиқ кичик бандлари талабларининг бузилиши;

Лицензия талабларининг мунтазам равишда бузилиши деганда ушбу Низомнинг 40-бандида кўрсатилган лицензиатга таъсир чораси қўлланилган кундан бошлаб бир йил давомида лицензия талабларининг такроран бузилиши тушунилади.

(44¹-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарорига асосан киритилган — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Олдинги таҳрирга қаранг.

45. Лицензиялаш комиссиясининг лицензиянинг амал қилишини тўхтатиб туриш, тўхтатиш ва лицензияни бекор қилиш тўғрисидаги қарори юзасидан судга шикоят қилиниши мумкин.

(45-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

9-боб. Лицензиялар реестри

Олдинги таҳрирга қаранг.

46. Ишчи органи лицензиялар реестрини юритади.

(46-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Лицензиялар реестрида қуйидагилар кўрсатилиши керак:

а) юридик шахснинг номи, унинг ташкилий-ҳуқуқий шакли, жойлашган жойи (шу жумладан,ташкилотнинг ишлаб чиқариш жойи ва омбори), телефони;

б) банкдаги ҳисоб рақами ва солиқ тўловчининг идентификация рақами;

в) лицензияларнинг берилган санаси ва тартиб рақами

г) лицензиялар тури (ишлаб чиқариш лицензиясига кўра — лицензияларда кўрсатилган маҳсулот турлари);

д) лицензияларни қайта расмийлаштириш, тўхтатиб туриш ва тиклашнинг асослари ва санаси;

е) лицензияларнинг амал қилишини тўхтатишнинг асослари ва с анаси;

ж) лицензияларни бекор қилишнинг асослари ва санаси;

з) дубликат беришнинг асослари ва санаси.

Олдинги таҳрирга қаранг.

47. Лицензияларнинг реестрларида мавжуд бўлган маълумотлар Ишчи органининг расмий веб-сайтида жойлаштирилади ва танишиш учун очиқ бўлади.

(47-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

10-боб. Якунловчи қоидалар

Олдинги таҳрирга қаранг.

48. Лицензиатлар Ишчи органи вакилларига ушбу Низом ва лицензия шартномаси талабларини бажарилишини текшириш ва назоратни амалга оширишлари учун барча маъмурий, ишлаб чиқариш, лаборатория ва омбор биноларига киришга, ишлаб чиқариш линиялари, асбоб-ускуналар, транспорт воситалари ва бошқа техникаларни кўздан кечиришга рухсат беришлари ҳамда зарур шароитлар яратишлари лозим.

(48-банд Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

49. Ушбу Низом талабларининг бузилишида айбдор бўлган шахслар қонун ҳужжатларига мувофиқ жавоб берадилар.

Олдинги таҳрирга қаранг.

Истеъмол ва техник этил спирти, алкоголь маҳсулотлари ишлаб чиқариш фаолиятини лицензиялаш тартиби тўғрисидаги низомга
1-ИЛОВА

20___й. «____» ______________
№____________________

		Ўзбекистон Республикаси Вазирлар Маҳкамасининг Истеъмол ва техник этил спирти, алкоголь ва тамаки маҳсулотлар ишлаб чиқариш фаолиятини лицензиялаш комиссиясига
АРИЗА

1. Ариза берувчи
_____________________________________________________________________________
(юридик шахснинг номи, ташкилий-ҳуқуқий шакли)
2. Ариза берувчининг юридик манзили:
_____________________________________________________________________________
_____________________________________________________________________________
_____________________________________________________________________________
_____________________________________________________________________________
(жойлашган жойи, почта индекси, манзили, телефон, факс ва ҳ.к.)
3. Ариза берувчининг банк реквизитлари:
_____________________________________________________________________________
_____________________________________________________________________________
_____________________________________________________________________________
Маҳсулотнинг қуйидаги турларини ишлаб чиқариш ҳуқуқини берувчи лицензия беришингизни сўрайман:
а) ___________________________
б) ___________________________
в) ___________________________
(маҳсулот турининг номи)
қуйидаги манзилда жойлашган объектларда:
а) ___________________________
б) ___________________________
в) ___________________________
(ишлаб чиқариш ва (ёки) омбор биноларининг жойлашган жойи (почта манзили) кўрсатилади).
Лицензия олиш учун талаб қилинадиган ҳужжатлар ___ варақда илова қилинади.

Раҳбарнинг лавозими	(имзо)	____________________________________ (раҳбарнинг Ф.И.О.)

(1-илова Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Истеъмол ва техник этил спирти, алкоголь маҳсулотлари ишлаб чиқариш фаолиятини лицензиялаш тартиби тўғрисидаги низомга
2-ИЛОВА

(ташкилотнинг номи)

(почта манзили, телефон, факс)

(почта ва банкдаги ҳисобварақлари реквизитлари)

(валюта ҳисобварағи)

(рўйхатдан ўтказиш рақами ва санаси)

(мулкчилик шакли)

(юқори турувчи органи)

I. ТАШКИЛОТНИНГ ҚИСҚАЧА ТАРИХИ

Ташкилот Уставига мувофиқ асосий фаолият тури:

Шўъба корхоналарининг мавжудлиги:

Узумни қайта ишлаш саноати бўйича вино пунктлар:

II. УМУМИЙ МАЪЛУМОТЛАР

1. Бош режа ва транспорт бўйича асосий қарорлар:

Ишлаб чиқариш объектининг тасдиқланган бош режаси, шу жумладан, ташкилотнинг муҳандислик-техник коммуникациялари_____варақда илова қилинади.

2. Бош режага оид маълумотлар:

Умумий майдони______________ __________

шу жумладан:

- қурилган майдон __________

- қамров майдони __________

- кириш йўллари, майдончалар ____________

3. Майдончаларнинг муҳандислик-геологик шароитлари:

4. Ташкилотда ер кадастри ҳамда _________________
кўчмас мулк кадастри ҳужжатлари мавжуд _________________

III. АТРОФ-МУҲИТГА ТАЪСИРНИ БАҲОЛАШ

…

IV. ЁНҒИНГА ҚАРШИ ТАДБИРЛАР

…

V. ИШЛАБ ЧИҚАРИШ ЦЕХЛАРИ ВА УЧАСТКАЛАРИДАГИ ТЕХНОЛОГИК АСБОБ-УСКУНАЛАР ҲАҚИДАГИ МАЪЛУМОТЛАР

Т/р

Технологик линиялар ва цех бўйича ускуналар номи

Сони

Асбоб-ускуналар ўрнатилган йил

Техник жиҳатдан ҳолати

Ишлаб чиқарувчи мамлакат

Изоҳ

Изоҳ: 01.01.20___йил ҳолатида ташкилотнинг белгиланган ишлаб чиқариш қуввати:

ароқ ва ликёр маҳсулотлари йилига_____минг дални;

узум виноси йилига _____ минг дални;

этил спирти йилига _____ минг дални ва шу кабиларни ташкил этади:

VI. ИШЛАБ ЧИҚАРИШ ТИЗИМИНИНГ ТЕХНОЛОГИК СХЕМАСИ

VII. АРИЗА БЕРИЛГАН МАҲСУЛОТЛАР ТУРИ БЎЙИЧА

ТАШКИЛОТ БЕЛГИЛАНГАН ҚУВВАТИНИНГ ҲИСОБ-КИТОБИ

VIII. ЭНЕРГЕТИК РЕСУРСЛАР САРФ-ХАРАЖАТЛАРИ

ИССИҚЛИК ТАЪМИНОТИ

Т/р

Номланиши

Ўлчов бирлиги

Сони

Қўшимча маълумотлар

Ўз қозонхонаси

Қозонхона тавсифномаси:

Қозонхоналар:

Тури, маркаси

АГВ№ 225001-Г

ЭВ-Аристон

дона

Ёқилғи тури — табиий газ

ва электр қуввати

м3

минг.кВт

Иссиқлик ташувчилар:

иситиш учун

технологик эҳтиёжлар учун

Ички майдонларда иситиш тармоқлари:

жойлаштириш усули

ҳолати (эскириши)

ЭЛЕКТР ТАЪМИНОТИ

Т/р

Кўрсаткичлар

Ўлчов бирлиги

Сони

Кўшимча маълумотлар

Ташкилотни электр энергияси билан таъминлаш манбаи

Электр тармоқларининг кучланиши

кВт

Ташкилотдаги электр қабул қилгичларнинг ўрнатилган қуввати

кВт

Ташкилотдаги электр қабул қилгичларнинг ҳисоблаб чиқилган қуввати

кВт

Электр энергиясининг йиллик ҳаражати

минг. кВт/ соат

Трансформатор ёрдамчи станцияси

кВт

Ички майдонларда ҳаво тармоқлари

IХ. МАҲСУЛОТЛАР НОМЕНКЛАТУРАСИ ВА
ЙИЛЛИК ИШЛАБ ЧИҚАРИЛИШИ

20___йил учун

Т/р

Ишлаб чиқариладиган маҳсулотлар тури

Йиллик ишлаб чиқариш

натура ифодасида

қиймат ифодасида,

млн.сўм

ўлчов бирлиги

сони

10.

…

IХ — I. ИСТЕЪМОЛ ЭТИЛ СПИРТИ ИШЛАБ ЧИҚАРУВЧИ ЗАВОДЛАР УЧУН

1000 дал истеъмол этил спиртини ишлаб чиқариш учун буғдойнинг сарф ҳаражати меъёри (тонна)

Ўлчов бирлиги

20___йил ҳақиқатда

20___йил кутилаётган

20___йил учун прогноз

Этил спирти

тонна

Х. ХОМ АШЁ МАТЕРИАЛЛАРИГА БЎЛГАН ЭҲТИЁЖ ВА ТАЪМИНЛАНГАНЛИК

Т/р

Хом ашё ва ёрдамчи материалларнинг номи

Ўлчов бирлиги

Йиллик эҳтиёж

20__йил учун прогноз

20__йил ҳақиқатда

10.

…

ХI. ШТАТЛАР ЖАДВАЛИ

Т/р

Кўрсаткичлар номи

20__йил

Ишловчилар сони, жами

шу жумладан:

ишлаб чиқариш ходимлари (цех ишчилари)

лаборатория ходимлари

маъмурий-бошқарув ходимлари

муҳандис-техник ходимлар

ёрдамчи ходимлар ва қўриқлаш хизмати

…

ХII. ТЕХНИК-ИҚТИСОДИЙ КЎ��ТКИЧЛАР.

Кўрсаткичлар номи

Ўлчов бирлиги

шу жумладан, йиллар бўйича

20__ йил

Ишлаб чиқариладиган маҳсулотлар тури

1. Ароқ ва ликёр-ароқ маҳсулотлари

минг дал

Асосий ишлаб чиқариш фонди жами

шу жумладан:

бино ва иншоотлар;

ускуналар

млн.сўм

Акция сони ва улуши — жами

шу жумладан:

давлат

жамоа

эркин сотув

чет эл инвесторлари улуши

бир акциянинг қиймати

Молиявий-иқтисодий кўрсаткичлар:

ялпи ишлаб чиқарилган маҳсулот (акциз солиғи ва ҚҚСсиз)

1 сўм асосий ишлаб чиқариш фондига тўғри келадиган маҳсулот ишлаб чиқарилиши

маҳсулот таннархи

млн.сўм

сўм

млн.сўм

Ишлаб чиқариш рентабеллиги
таннархига

ХIII. ХУЛОСА ВА ТАКЛИФЛАР.

Раҳбарнинг лавозими

(имзо)

___________________________________________________________________________

(раҳбарнинг Ф.И.О.)

Олдинги таҳрирга қаранг.

Истеъмол ва техник этил спирти, алкоголь маҳсулотлари ишлаб чиқариш фаолиятини лицензиялаш тартиби тўғрисидаги низомга
3-ИЛОВА

Истеъмол ва техник этил спирти, алкоголь маҳсулотлари ишлаб чиқариш фаолиятини лицензиялаш

СХЕМАСИ

(3-илова Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Олдинги таҳрирга қаранг.

Истеъмол ва техник этил спирти, алкоголь маҳсулотлари ишлаб чиқариш фаолиятини лицензиялаш тартиби тўғрисидаги низомга
4-ИЛОВА

Ўзбекистон Республикаси герби

ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ ИСТЕЪМОЛ ВА ТЕХНИК ЭТИЛ СПИРТИ, АЛКОГОЛЬ ВА ТАМАКИ МАҲСУЛОТЛАР ИШЛАБ ЧИҚАРИШ ФАОЛИЯТИНИ ЛИЦЕНЗИЯЛАШ КОМИССИЯСИ

Истеъмол ва техник этил спирти, алкоголь маҳсулотлари ишлаб чиқариш фаолиятини амалга ошириш учун ЛИЦЕНЗИЯ

Ўзбекистон Республикаси Вазирлар Маҳкамасининг истеъмол ва техник этил спирти, алкоголь ва тамаки маҳсулотлар ишлаб чиқариш фаолиятини лицензиялаш комиссиясининг
20__ й. «____» _______________________________________________________________________________ даги
____________________________________________________________________________ -сон қарорига мувофиқ
____________________________________________________________________________
(ташкилотнинг номи)
_____________________________________________________________________________
___________________________________________________________________________га
(ташкилотнинг почта манзили ва СТИР)
Ўзбекистон Республикаси ҳудудида
_____________________________________________________________________________
_____________________________________________________________________________
_____________________________________________________________________________
______________________________________ ишлаб чиқариш фаолиятини амалга ошириш учун рухсат берилади.
Лицензия берилган сана: ___________________________
Лицензиянинг амал қилиш муддати: _________________
Реестр тартиб рақами: _____________________________

Изоҳ. Лицензияловчи орган Истеъмол ва техник этил спирти, алкоголь маҳсулотлари ишлаб чиқариш фаолиятини лицензиялаш тартиби тўғрисидаги низомга мувофиқ лицензия талаблари ва шартларига риоя этилмаган ҳолларда лицензиянинг амал қилишини тўхтатиб туриш, тўхтатиш ёки лицензияни бекор қилиш ҳуқуқига эга.
Ваколатли шахс				______________________________
				_____________________________________(фамилияси, исми, отасининг исми) (имзо)
М.Ў.

(4-илова Ўзбекистон Республикаси Вазирлар Маҳкамасининг 2020 йил 30 ноябрдаги 753-сонли қарори таҳририда — Қонун ҳужжатлари маълумотлари миллий базаси, 01.12.2020 й., 09/20/753/1572-сон)

Кейинги таҳрирга қаранг.

Вазирлар Маҳкамасининг 2019 йил 23 августдаги 707-сон қарорига
2-ИЛОВА

Ўзбекистон Республикаси Ҳукуматининг айрим қарорларига киритилаётган

ўзгартириш ва қўшимчалар

1. Вазирлар Маҳкамасининг «Спирт, алкоголли маҳсулотлар ва тамаки маҳсулотлари ишлаб чиқариш ва сотишни давлат томонидан тартибга солишни такомиллаштириш чора-тадбирлари тўғрисида» 1999 йил 23 сентябрдаги 444-сон қарори (Ўзбекистон Республикаси ҚТ, 1999 й., 9-сон, 58-модда) 8-бандининг иккинчи хатбошидан «алкоголли маҳсулотлар ва» сўзлари чиқариб ташлансин.

2. Вазирлар Маҳкамасининг «Фаолиятнинг айрим турларини лицензиялаш тўғрисида»ги Ўзбекистон Республикаси Қонунини амалга ошириш чора-тадбирлари ҳақида» 2002 йил 28 июндаги 236-сон қарорига (Ўзбекистон Республикаси ҚТ, 2002 й., 6-сон, 36-модда) 1-иловада:

а) «Ўзбекистон Республикаси Вазирлар Маҳкамаси» бўлимидан тўртинчи ва еттинчи хатбошилари чиқариб ташлансин;

б) «Ўзбекистон Республикаси Саноат хавфсизлиги давлат қўмитаси» бўлимидан кейин қуйидаги мазмундаги бўлим қўшилсин:

«Ўзбекистон Республикаси Молия вазирлиги ҳузуридаги Алкоголь ва тамаки бозорини тартибга солиш инспекцияси

Этил спирти ва алкоголь маҳсулотларини ишлаб чиқариш (табиий вино бундан мустасно), шунингдек, алкоголь маҳсулотларининг улгуржи савдоси».

Кейинги таҳрирга қаранг.

3. Вазирлар Маҳкамасининг «Тамаки маҳсулотлари ишлаб чиқариш фаолиятини тартибга солиш чора-тадбирлари тўғрисида» 2006 йил 7 сентябрдаги 190-сон қарорида (Ўзбекистон Республикаси ҚТ, 2006 й., 9-сон, 65-модда):

а) 3-банд ўз кучини йўқотган деб ҳисоблансин;

б) 1-иловада:

6-банд қуйидаги таҳрирда баён қилинсин:

«Лицензия бериш, лицензиянинг амал қилишини тўхтатиб туриш ёки тугатиш, шунингдек, уни бекор қилиш ва қайта расмийлаштириш тўғрисидаги қарорлар Ўзбекистон Республикаси Молия вазирлиги ҳузуридаги Алкоголь ва тамаки бозорини тартибга солиш инспекцияси (кейинги ўринларда лицензияловчи орган деб аталади) томонидан қабул қилинади.»

2-бобнинг номидаги «(унинг амал қилиш муддатини узайтириш)» сўзлари чиқариб ташлансин;

8-банд ўз кучини йўқотган деб ҳисоблансин;

9-банднинг тўққизинчи хатбоши қуйидаги таҳрирда баён қилинсин:

«қуйидагилар тўғрисидаги маълумотларниўз ичига олувчи ишлаб чиқариш объектининг паспорти:

ишлаб чиқариш объектининг бошрежаси, шунингдек,ишлаб чиқариш цикли ва муҳандислик-техник коммуникацияларнинг жойлашиши тўғрисидаги ҳужжатлари;

ускунанинг ишлаб чиқарилган йили, ишлаб чиқарувчиси ваишлаб чиқарилган мамлакат;

ускунанинг техник ҳолати ва ўрнатилган ишлаб чиқариш қувватлари»;

11-банд қуйидаги таҳрирда баён қилинсин:

«11. Лицензия олиш учун зарур бўлган ҳужжатлар лицензия талабгори томонидан лицензияловчи органга бевосита, почта алоқаси воситалари орқали ёки электрон шаклда, улар олинганлиги ҳақида хабардор қилинган ҳолда тақдим этилади. Электрон шаклда тақдим этилган ҳужжатлар лицензия талабгорининг электрон рақамли имзоси билан тасдиқланади. Лицензия бериш тўғрисидаги аризада лицензия талабгорининг электрон манзили кўрсатилганлиги унинг аризаси бўйича қабул қилинган қарор ҳақида ахборот тизими орқали электрон шаклда хабарнома олишга бўлган розилиги ҳисобланади.»

13-банднинг биринчи хатбошидаги «энг кам ойлик иш ҳақининг» сўзлари «базавий ҳисоблаш миқдорининг» сўзлари билан алмаштирилсин;

14-бандда:

учинчи хатбоши қуйидаги таҳрирда баён қилинсин:

«Бунда лицензияловчи орган, зарурат бўлганда, жойининг ўзига чиқиб ишлаб чиқариш шарт-шароитларининг тақдим этилган ҳужжатларга мувофиқлигини текширишга ҳақлидир»

тўртинчи хатбоши чиқариб ташлансин;

15-бандда:

биринчи хатбошидаги «Ишчи гуруҳ» сўзлари «Лицензияловчи орган» сўзлари билан алмаштирилсин;

иккинчи хатбошига «ёзма шаклда» сўзларидан кейин «ёки электрон шаклда, улар олинганлиги ҳақида хабардор қилинган ҳолда» сўзлари қўшилсин;

саккизинчи хатбоши чиқариб ташлансин;

тўққизинчи — ўн бешинчи хатбошилар тегишлича саккизинчи — ўн тўртинчи хатбошилар деб ҳисоблансин;

ўнинчи хатбошидаги «Ишчи гуруҳ» сўзлари «Лицензияловчи орган» сўзлари билан алмаштирилсин;

ўн тўртинчи хатбошидаги «ишчи гуруҳ раҳбари» сўзлари «унинг бошлиғи» сўзлари билан алмаштирилсин;

16-банд қуйидаги таҳрирда баён қилинсин:

«16. Лицензиялар лицензияловчи орган томонидан белгиланган намунадаги бланкаларда расмийлаштирилади ва лицензияловчи органнинг бошлиғи томонидан имзоланади.

Лицензия бланкалари қатъий ҳисобда турадиган ҳужжатлар ҳисобланади, ҳисобга олиш сериясига, тартиб рақамига ва ҳимояланганлик даражасига эга бўлади»;

18-банддаги «Комиссия» сўзи «лицензияловчи орган» сўзлари билан алмаштирилсин;

19-банднинг иккинчи хатбошидаги «ишчи гуруҳнинг» сўзлари «лицензияловчи органнинг» сўзлари билан алмаштирилсин.

21-бандда:

иккинчи ва учинчи хатбошилари чиқариб ташлансин;

тўртинчи — олтинчи хатбошилари тегишинча иккинчи — тўртинчи хатбошилари деб ҳисоблансин;

5-бобнинг номидаги «унинг амал қилиш муддатини узайтириш,» сўзлари чиқариб ташлансин;

24-банднинг биринчи хатбошидаги «ишчи гуруҳ» ва «ишчи гуруҳ томонидан» сўзлари тегишли равишда «лицензияловчи орган» ва «лицензияловчи орган томонидан» сўзлари билан алмаштирилсин;

25-банд ўз кучини йўқотган деб ҳисоблансин;

26-банднинг биринчи хатбошидаги «Амал қилиш муддати ўтмаган» сўзлари чиқариб ташлансин;

27-банддаги «ишчи гуруҳ томонидан» сўзлари «лицензияловчи орган томонидан» сўзлари билан алмаштирилсин;

28-бандда:

биринчи хатбошидаги «ишчи гуруҳ» сўзлари «лицензияловчи орган» сўзлари билан алмаштирилсин;

иккинчи хатбошидаги «режали» сўзлари чиқариб ташлансин;

учинчи хатбоши чиқариб ташлансин;

тўртинчи — саккизинчи хатбошилари тегишинча учинчи — еттинчи хатбошилари деб ҳисоблансин;

олтинчи хатбошидаги «Комиссияга кўриб чиқиш учун таклиф киритиш» сўзлари «қарор қабул қилиш» сўзлари билан алмаштирилсин;

29-бандда:

биринчи хатбошидаги «ишчи гуруҳ» сўзлари «лицензияловчи орган» сўзлари билан алмаштирилсин;

иккинчи хатбошидаги «Комиссия ёки ишчи гуруҳ» сўзлари «лицензияловчи органнинг» сўзлари билан алмаштирилсин;

30-бандда:

биринчи хатбошидаги «Комиссия» сўзи «лицензияловчи органнинг» сўзлари билан алмаштирилсин;

иккинчи — тўртинчи хатбошилари чиқариб ташлансин;

31-банддаги «Комиссиянинг» ва «Комиссия» сўзлари тегишли равишда «Лицензияловчи органнинг» ва «лицензияловчи орган» сўзлари билан алмаштирилсин;

32-банднинг биринчи хатбошидаги «Ишчи гуруҳ» сўзлари «Лицензияловчи орган» сўзлари билан алмаштирилсин;

34-бандда:

биринчи хатбошидаги «энг кам ойлик иш ҳақининг» сўзлари «базавий ҳисоблаш миқдорининг» сўзлари билан алмаштирилсин;

иккинчи хатбошидаги «Ўзбекистон Республикаси республика бюджетига» сўзлари «Ўзбекистон Республикаси Молия вазирлиги ҳузуридаги Алкоголь ва тамаки бозорини тартибга солиш инспекциясининг бюджетдан ташқари жамғармасига» сўзлари билан алмаштирилсин;

илованинг матни қуйидаги таҳрирда баён қилинсин:

«Тамаки маҳсулотлари ишлаб чиқариш фаолиятини лицензиялаш
СХЕМАСИ