Ҳужжат 15.05.2020 00 санаси ҳолатига
Амалдаги версияга ўтиш

Ўзбекистон Республикаси Вазирлар Маҳкамасининг

2019 — 2022 йилларда Андижон вилоятининг саноат салоҳиятини ривожлантириш бўйича қўшимча чора-тадбирлар тўғрисида

Андижон вилояти иқтисодиётини янада ривожлантириш, аҳолининг бандлиги ва даромадлари ошишини таъминлаш учун мавжуд саноат салоҳиятидан тўлиқ фойдаланиш муҳим аҳамият касб этади. Саноатнинг тармоқ ва ҳудудлар бўйича диверсификация даражаси пастлиги, хом ашё базасининг етарлича ривожланмаганлиги ва унинг суст ўзлаштирилганлиги, ишлаб чиқаришни кескин оширишда чуқур қайта ишлаш ҳисобига катта захиралар мавжудлиги — уч миллиондан зиёд аҳолига эга ҳудудда иқтисодий ўсишнинг қўшимча имкониятларидан самарали фойдаланиш учун қулай шарт-шароитлар яратилиши тақозо этилади.

Андижон вилоятининг саноат салоҳиятидан самарали фойдаланиш, саноатнинг тармоқ ва ҳудудлар бўйича диверсификацияси даражасини ошириш, муҳандислик инфратузилмалари, ишлаб чиқариш майдонлари ҳамда қувватларини тўлиқ ишга солиш, шу асосда аҳоли бандлиги ва даромадларини ошириш мақсадида Вазирлар Маҳкамаси қарор қилади:

1. Қуйидагилар 2019 — 2022 йилларда Андижон вилоятида ишлаб чиқаришни кенгайтириш ва саноат ривожланишининг устувор йўналишлари этиб белгилансин:

саноатда чуқур қайта ишлашни таъминлаш мақсадида маҳаллий хом ашё базасини, шу жумладан, қурилиш материаллари, табиий газ, суюқ холдаги углеводородлар ҳамда қишлоқ хўжалиги маҳсулотлари, хусусан, пахта, ипак, сут, гўшт, чарм, балиқ, мева-сабзавотлар, доривор ўсимликлар ва шу каби бошқа хом ашё базасини ривожлантириш;

республиканинг йирик саноат корхоналари билан кооперацияга эга вертикал ва горизонтал интеграциялашган ишлаб чиқаришларни ташкил қилиш;

фойдаланилмаётган ишлаб чиқариш майдонлари ва қувватлари, шу жумладан, фаолияти тўхтаган ташкилотлар негизида мавжуд имкониятларни мақбуллаштириш ҳисобига ҳамда ишлаб чиқариш инфратузилмасига эга кичик саноат зоналари ҳудудида қўшилган қийматлар занжирини чуқурлаштиришга қаратилган янги лойиҳаларни амалга ошириш;

вилоят иқтисодиётининг битта ёки иккита тармоқ маҳсулоти нарх конъюнктурасига боғлиқлигини камайтиришга, ҳудуд саноати ва урбанизация жараёнининг мувозанатли ривожланишига қаратилган ишлаб чиқаришнинг тармоқ ва ҳудудий диверсификациясини таъминлаш;

ҳудуднинг экспорт имкониятларини кенгайтириш ва импортга боғлиқлигини камайтиришга қаратилган кенг турдаги тайёр рақобатбардош машинасозлик, электротехника маҳсулотлари ва истеъмол товарлари ишлаб чиқаришни устувор қўллаб-қувватлаш.

2. Юқоридаги устувор йўналишлар асосида саноат ишлаб чиқариши ҳажмини 1,6 баробар ва экспорт ҳажмини 1,9 баробарга ошириш ҳамда 41 мингдан ортиқ янги иш ўринлари ташкил этишга қаратилган Андижон вилоятининг 2019 — 2022 йиллардаги саноат салоҳиятини ривожлантириш дастури маъқуллансин.

3. 2019 — 2022 йилларда:

умумий қиймати 14,7 триллион сўм бўлган ва 1,1 миллиард АҚШ доллари миқдорида хорижий инвестициялар ва кредитларни жалб қилган ҳолда амалга ошириладиган саноат лойиҳаларининг рўйхати 1-иловага мувофиқ;

Андижон вилоятида саноатни ривожлантиришнинг мақсадли параметрлари — 2 ва 2а-иловаларга мувофиқ;

лойиҳа қиймати, молиявий манбалари ҳамда ҳамкорлари аниқланиб, амалга оширилиши режалаштирилган истиқболли йирик лойиҳалар рўйхати 3-иловага мувофиқ тасдиқлансин.

4. Ўзбекистон Республикаси Инвестициялар ва ташқи савдо вазирлиги:

Андижон вилояти ҳокимлиги, Иқтисодиёт ва саноат вазирлиги ҳамда лойиҳа ташаббускорлари билан биргаликда 1-иловада кўрсатилган инвестиция лойиҳаларини амалга ошириш учун тармоқ жадвалларини бир ой муддатда тасдиқлаб, уларни тўлиқ амалга ошириш ва объектларни ўз вақтида ишга тушириш бўйича тизимли мониторинг ўрнатсин;

тижорат банклари билан биргаликда лойиҳа ташаббускорларига инвестиция лойиҳаларини ўз вақтида молиялаштиришга, шу жумладан, хорижий инвестицияларни ва кредитларни жалб қилишга зарур амалий ёрдам кўрсатсин.

5. Ўзбекистон Республикаси Инвестициялар ва ташқи савдо вазирлиги, Иқтисодиёт ва саноат вазирлиги, Давлат активларини бошқариш агентлиги, Андижон вилояти ҳокимлиги манфаатдор вазирликлар, идоралар ва тармоқ хўжалик бирлашмалари билан биргаликда уч ой муддатда Ўзбекистон Республикаси Вазирлар Маҳкамасига 4-иловага мувофиқ бўш турган ва фойдаланилмаётган ишлаб чиқариш майдонлари негизида 2020 — 2022 йилларда янги ишлаб чиқариш лойиҳаларини амалга ошириш бўйича таклифлар киритсин.

Ўзбекистон Республикаси Бош прокуратураси Давлат солиқ қўмитаси, Ер ресурслари, геодезия, картография ва давлат кадастри давлат қўмитаси ва Андижон вилояти ҳокимлиги билан биргаликда илгари хусусийлаштирилган ва фаолият кўрсатмаётган ёки кам қувватда фаолият юритаётган ташкилотлар томонидан ер ресурсларидан, шу жумладан, саноат ишлаб чиқаришга мўлжалланган майдонлардан самарали фойдаланиш бўйича қонун ҳужжатлари талабларига қатъий риоя этилишини қатъий назоратга олсин.

6. Ўзбекистон Республикаси Давлат активларини бошқариш агентлиги Андижон вилояти ҳокимлиги, манфаатдор вазирликлар, идоралар ва хўжалик бирлашмалари билан биргаликда бир ой муддатда тармоқ корхоналарининг бўш турган объектларини аниқ инвестиция мажбуриятларини белгилаган ҳолда қолдиқ (баланс) қийматида «Е-IJRO AUKSION» электрон савдо майдончасига чиқарилишини таъминласин.

Кейинги таҳрирга қаранг.

7. Ўзбекистон Республикаси Иқтисодиёт ва саноат вазирлиги, Инвестициялар ва ташқи савдо вазирлиги ҳамда Андижон вилояти ҳокимлиги бир ой муддатда:

Хонобод шаҳридаги собиқ «Сув қурилиш жиҳозлари» МЧЖга тегишли бўлган умумий майдони 45,5 гектар фойдаланилмаётган ишлаб чиқариш майдонлари негизида кооперация усулида юқори технологик ишлаб чиқаришга ихтисослаштирилган кичик саноат зонасини ташкил қилиш;

«Ўзтўқимачиликсаноат» уюшмаси билан биргаликда Қорасув шаҳридаги собиқ пайпоқ ишлаб чиқариш фабрикасининг ҳудудида пайпоқ ва бошқа тўқимачилик маҳсулотлари ишлаб чиқаришга ихтисослаштирилган кичик саноат зонасини ташкил этиш;

Андижон вилояти туманлари ҳокимликлари билан биргаликда ташқи инфратузилма объектларига уланган, фаолият кўрсатмаётган ва самарасиз ишлатилаётган ишлаб чиқариш майдонлари негизида 5-иловага мувофиқ кичик саноат зоналарини ташкил этиш бўйича тегишли таклифларни Ўзбекистон Республикаси Вазирлар Маҳкамасига киритсин.

8. Андижон вилояти ҳокимлиги ва «Ўзтўқимачиликсаноат» уюшмаси Ўзбекистон Республикаси Қишлоқ хўжалиги вазирлиги билан биргаликда 2021-2022 йил ҳосилидан кечикмасдан пахтани кластер усулида чуқур қайта ишлаш орқали ишлаб чиқаришни ташкил этиш тизимига ўтиш бўйича зарур чораларни кўрсин.

9. Ўзбекистон Республикаси Давлат геология ва минерал ресурслар қўмитаси:

бир ой муддатда Андижон вилояти ҳудудидаги норуда фойдали қазилма конларидан оқилона фойдаланиш ва кейинчалик танлов асосида савдога қўйиш бўйича хатловдан ўтказиш ишларини якунласин;

тадбиркорлик субъектларига норуда фойдали қазилмаларни қазиб олиш ва қурилиш материалларини ишлаб чиқаришни ташкил этиш учун ер қаъри участкаларидан фойдаланиш ҳуқуқини берувчи лицензиялар белгиланган тартибда тақдим этилишини таъминласин.

LexUZ шарҳи

Қаранг: Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисида ягона низомнинг 10-иловаси.

10. Ўзбекистон Республикаси Энергетика вазирлиги, Уй-жой коммунал хизмат кўрсатиш вазирлиги, «Ҳудудий электр тармоқлари» АЖ, «Ўзтрансгаз» АЖ ҳамда Андижон вилояти ҳокимлиги янги ишлаб чиқариш объектлари ва кичик саноат зоналарини муҳандислик-коммуникация тармоқларига ўз вақтида улаш бўйича зарур чораларни кўрсин.

11. Ўзбекистон Республикаси Энергетика вазирлиги:

Иқтисодиёт ва саноат вазирлиги, Инвестициялар ва ташқи савдо вазирлиги ҳамда Молия вазирлиги билан биргаликда вилоятда инвестиция лойиҳаларини амалга ошириш доирасида янги ишга тушириладиган объектларнинг эҳтиёжларини эътиборга олиб уч ой муддатда «Андижон вилоятининг туманлари ва шаҳарлари бўйича электр тармоқларини қуриш ва модернизация қилиш дастури»ни молиялаштиришнинг аниқ манбаларини ҳамда амалга ошириладиган ишларнинг тармоқ жадвалларини ишлаб чиққан ҳолда тасдиқлаш учун Ўзбекистон Республикаси Вазирлар Маҳкамасига киритсин;

«Ўзбекнефтгаз» АЖ билан биргаликда «Газпром» (Россия Федерацияси) хорижий компаниясини жалб қилган ҳолда Чинобод инвестицион блокида нефть ва газ захиралари мавжудлиги бўйича геологик материалларни ўрганишни 2019 йилнинг охирига қадар якунига етказсин.

12. Республика ҳудудларида саноатни ривожлантириш бўйича ишчи гуруҳ (кейинги ўринларда Ишчи гуруҳ деб аталади) таркиби 6-иловага мувофиқ тасдиқлансин.

Ишчи гуруҳ (Ғаниев) 2019 йил 1 ноябрга қадар Қорақалпоғистон Республикаси, Навоий, Қашқадарё, Самарқанд, Сурхондарё, Тошкент ва Хоразм вилоятларида 2020 — 2022 йилларда саноат соҳасида амалга ошириладиган янги инвестиция лойиҳаларининг рўйхатини тўлиқ шакллантириш ҳамда уларни муҳандислик-коммуникация инфратузилмасига эга ҳудудларда самарали жойлаштиришни эътиборга олган ҳолда:

амалдаги ишлаб чиқариш ташкилотларининг маънавий ва жисмонан эскирган қувватларини модернизация қилиш, технологик янгилаш ва ишлаб чиқариладиган маҳсулотлар турларини кўпайтириш;

мавжуд ишлаб чиқариш ташкилотларининг объектлари ва майдонларидан самарали фойдаланиш ҳисобига янги лойиҳаларни ташкил этиш;

фаолият кўрсатмаётган, ўз ҳудуд ва биноларидан самарасиз фойдаланаётган ишлаб чиқариш корхоналари негизида янги ишлаб чиқариш қувватларини ташкил этиш;

муҳандислик-коммуникация инфратузилмаси тармоқларига уланган ҳамда фойдаланилмаётган майдонларни ишлаб чиқариш фаолиятига жалб қилиш чораларини кўрсин.

Ўзбекистон Республикаси Инвестициялар ва ташқи савдо вазирлиги Иқтисодиёт ва саноат вазирлиги билан биргаликда Ишчи гуруҳ томонидан ишлаб чиқилган инвестиция лойиҳалари 2020 — 2022 йилларга мўлжалланган Ўзбекистон Республикаси Инвестиция дастурига белгиланган тартибда киритилишини таъминласин.

13. Ўзбекистон Республикаси Ташқи ишлар вазирлиги, Инвестициялар ва ташқи савдо вазирлиги, Давлат божхона қўмитаси, Транспорт вазирлиги ва Давлат хавфсизлик хизматининг чегара қўшинлари билан биргаликда бир ой муддатда Андижон вилоятининг транзит салоҳиятини ошириш мақсадида Қирғизистон томони билан муҳокама қилган ҳолда, Хонобод шаҳри орқали Қирғизистон Республикасининг Жалолобод вилояти йўналишидаги автомобиль йўлини очиш масаласини пухта ўрганиб чиқиб, натижаси бўйича Ўзбекистон Республикаси Вазирлар Маҳкамасига таклиф киритсин.

14. 2019 — 2022 йилларда Андижон вилоятида саноатни ривожлантириш дастурини амалга ошириш доирасида:

Ўзбекистон Республикаси Бош вазирининг ўринбосари Э. Ғаниев — ушбу қарор билан белгиланган вазифаларнинг сўзсиз бажарилишини таъминлаш бўйича вазирликлар, идоралар, маҳаллий ижро этувчи ҳокимият органлари ва хўжалик бирлашмаларининг фаолиятини мувофиқлаштиришга;

Инвестициялар ва ташқи савдо вазири С. Умурзаков — ушбу қарор билан тасдиқланган инвестиция лойиҳаларини амалга ошириш мақсадида хорижий инвестиция ва кредитларни ўз вақтида жалб қилиш ва ўзлаштиришни таъминлашга, шунингдек, бўш турган ҳамда фаолияти тўхтатилган қувватларни ишлаб чиқариш фаолиятига қайтаришга;

Иқтисодиёт ва саноат вазири Б. Хўжаев — ҳудудларнинг саноат салоҳиятини ошириш лойиҳаларини ишлаб чиқиш, амалга оширилаётган янги лойиҳаларнинг ўз вақтида ишга туширилиши ва тўлиқ қувватга чиқишига кўмаклашиш ва мониторингини олиб бориш, ушбу лойиҳаларни зарур ишлаб чиқариш инфратузилма объектлари билан таъминлаш масалаларига;

Кейинги таҳрирга қаранг.

Энергетика вазири А. Султанов — янги лойиҳаларнинг ишга туширилишини инобатга олган ҳолда ва вилоят саноати корхоналарининг эҳтиёжларидан келиб чиқиб уларни белгиланган тартибда узлуксиз энергия ресурслари билан таъминлашга;

Давлат активларини бошқариш агентлиги директори А. Хайдаров — ташкилотларнинг ишлаб чиқариш майдонлари ва бўш ерларидан фойдаланиш самарадорлигини оширишга;

Андижон вилояти ҳокими Ш. Абдурахмонов — вилоятнинг инвестицион жозибадорлиги ва саноат салоҳиятини ошириш учун қулай шарт-шароитлар яратиш, инвестиция лойиҳаларининг ўз вақтида амалга оширилишини таъминлаш мақсадида тадбиркорлик субъектларининг муаммоли масалаларини жойларда тезкор ҳал қилишга кўмаклашиш масалаларига шахсан жавобгар эканликлари белгилаб қўйилсин.

15. Мазкур қарорнинг ижросини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари Э.М. Ғаниев, Ўзбекистон Республикаси инвестициялар ва ташқи савдо вазири С.Ў. Умурзаков, иқтисодиёт ва саноат вазири Б.А. Хўжаев ва Андижон вилояти ҳокими Ш.Қ. Абдураҳмонов зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2019 йил 24 июль,

622-сон

Ўзбекистон Республикаси Вазирлар Маҳкамасининг 2019 йил 24 июлдаги 622-сон қарорига
1-ИЛОВА

Андижон вилоятида 2019 — 2022 йилларда амалга ошириладиган саноат лойиҳалари

РЎЙХАТИ

Ўзбекистон Республикаси Вазирлар Маҳкамасининг 2019 йил 24 июлдаги 622-сон қарорига
2-ИЛОВА

Андижон вилоятида 2019 — 2022 йилларда амалга ошириладиган саноат лойиҳаларининг асосий кўрсаткичлари тўғрисида

МАЪЛУМОТ

						2018 йил нархида
Кўрсаткичлар	2018 йил амалда	прогноз кўрсаткичлари*				2022 йил 2018 йилга нисбатан
Кўрсаткичлар	2018 йил амалда	2019 йил	2020 йил	2021 йил	2022 йил	2022 йил 2018 йилга нисбатан
Инвестиция қўйилмалари, млрд сўм	1 311,8	1 696,7	3 693,2	2 641,9	6 650,8	14 682,7 млрд. сўм**
Саноат маҳсулотлари ишлаб чиқариш ҳажмлари, млрд сўм	26 950,7	29 146,9	32 747,1	36 677,7	42 218,3	156,6%
Саноат маҳсулотлари экспорти, минг долл.	273 423,8	323 208,8	371 023,0	398 698,9	509 319,6	186,3%
Яратиладиган иш ўринлари, минг киши	10,249	11,271	15,110	5,480	9,538	41,399 минг киши**

* 2020-2021 йилларда амалга ошириладиган янги инвестиция лойиҳалари ҳисобига ўзгариши мумкин.

** 2019-2022 йиллар учун умумий.

Ўзбекистон Республикаси Вазирлар Маҳкамасининг 2019 йил 24 июлдаги 622-сон қарорига
2а-ИЛОВА

Андижон вилоятида 2019 — 2022 йилларда саноат маҳсулотлари ишлаб чиқариш ҳажмларининг ўсиши

КЎРСАТКИЧЛАРИ

																						2018 йил нархида
Т/р	Шаҳар (туман) номи	2018 йил ҳолатига кўра		2019 йил (баҳолаш)					2020 йил (прогноз)					2021 йил (прогноз)					2022 йил (прогноз)
		корхо-налар сони	ишлаб чиқариш ҳажми, млрд сўм	корхо-налар сони	ишлаб чиқариш ҳажми, млрд сўм	ўсиш суръати, %	шундан, ўсиш факторлари:		корхо-налар сони	ҳажми, млрд сўм	ўсиш суръати, %	шундан, ўсиш факторлари:		корхо-налар сони	ҳажми, млрд сўм	ўсиш суръати, %	шундан, ўсиш факторлари:		корхо-налар сони	ҳажми, млрд сўм	ўсиш суръати, %	шундан, ўсиш факторлари:
		корхо-налар сони	ишлаб чиқариш ҳажми, млрд сўм	корхо-налар сони	ишлаб чиқариш ҳажми, млрд сўм	ўсиш суръати, %	мавжуд қувватлардан фойдаланиш даражасини ошириш ҳисобига	янги қувватлар ҳисобига	корхо-налар сони	ҳажми, млрд сўм	ўсиш суръати, %	мавжуд қувватлардан фойдаланиш даражасини ошириш ҳисобига	янги қувватлар ҳисобига	корхо-налар сони	ҳажми, млрд сўм	ўсиш суръати, %	мавжуд қувватлардан фойдаланиш даражасини ошириш ҳисобига	янги қувватлар ҳисобига	корхо-налар сони	ҳажми, млрд сўм	ўсиш суръати, %	мавжуд қувватлардан фойдаланиш даражасини ошириш ҳисобига	янги қувватлар ҳисобига
Вилоят бўйича		5 544	26 950,7	5 703	29 146,9	108,1	4,6	3,5	5 854	32 747,1	112,4	6,8	5,6	6 011	36 677,7	112,0	7,2	4,8	6 171	42 218,3	115,1	11,1	4,0
1.	Андижон шаҳри	2 159	4 231,6	2 221	4 789,7	113,2	9,5	3,7	2 279	5358,8	111,9	8,9	3,0	2 341	6598,9	123,1	8,0	15,1	2 402	9 190,3	139,3	29,9	9,4
2.	Хонобод шаҳри	87	942,5	90	1 052,5	111,7	9,5	2,2	93	1189,0	113,0	9,0	4,0	96	1410,5	118,6	8,0	10,6	98	1 927,8	136,7	22,0	14,7
3.	Андижон тумани	517	628,0	532	740,8	118,0	8,5	9,5	546	1460,2	197,1	9,0	88,1	561	1827,7	125,2	8,0	17,2	576	2 469,4	135,1	22,0	13,1
4.	Асака тумани	679	17 071,9	696	17 400,6	101,9	1,5	0,4	714	17699,4	101,7	1,5	0,2	733	18181,8	102,7	2,5	0,2	753	18 798,0	103,4	2,7	0,7
5.	Балиқчи тумани	155	462,4	160	535,7	115,9	12,0	3,9	164	673,4	125,7	8,0	17,7	168	843,5	125,3	25,0	0,3	173	927,8	110,0	4,0	6,0
6.	Бўз тумани	85	117,8	87	164,3	139,5	12,0	27,5	89	233,2	141,9	40,0	1,9	91	251,9	108,0	8,0		94	301,8	119,8	4,00	15,8
7.	Булоқбоши тумани	135	182,6	139	269,7	147,7	12,0	35,7	143	351,9	130,5	20,0	10,5	147	511,9	145,4	15,0	30,4	151	878,9	171,7	40,0	31,7
8.	Жалақудуқ тумани	141	389,6	145	469,1	120,4	10,0	10,4	149	692,6	147,7	17,0	30,7	153	959,8	138,6	35,0	3,6	157	1 027,0	107,0	7,0
9.	Избоскан тумани	163	448,2	168	505,0	112,7	10,0	2,7	174	559,9	110,9	7,0	3,9	179	604,7	108,0	8,0		184	634,9	105,0	5,0
10.	Улуғнор тумани	66	117,6	68	258,2	219,5	12,0	107,5	70	465,7	180,4	65,0	15,4	72	537,6	115,5	15,0	0,5	74	577,1	107,3	4,0	3,3
11.	Қўрғонтепа тумани	201	332,9	207	446,0	134,0	10,0	24,0	212	822,6	184,4	42,0	42,4	218	1144,1	139,1	35,0	4,1	224	1 225,0	107,1	7,0	0,1
12.	Марҳамат тумани	170	263,2	175	336,6	127,9	10,0	17,9	179	577,4	171,5	35,0	36,5	184	781,9	135,4	30,0	5,4	189	845,6	108,2	8,0	0,2
13.	Олтинкўл тумани	235	458,6	242	554,7	121,0	10,0	11,0	249	711,7	128,3	17,0	11,3	255	818,5	115,0	15,0		262	851,2	104,0	4,0
14.	Пахтаобод тумани	111	156,5	114	237,8	152,0	11,0	41,0	117	360,9	151,8	45,0	6,8	120	390,1	108,1	8,0	0,1	123	406,2	104,1	3,0	1,1
15.	Хўжаобод тумани	263	474,3	271	578,4	122,0	13,0	9,0	278	662,4	114,5	12,0	2,5	286	843,5	127,3	6,0	21,3	294	1 146,8	136,0	35,0	1,0
16.	Шахрихон тумани	377	673,2	388	807,8	120,0	12,0	8,0	398	928,0	114,9	13,0	1,9	407	971,3	104,7	4,0	0,7	417	1 010,1	104,0	4,0

Ўзбекистон Республикаси Вазирлар Маҳкамасининг 2019 йил 24 июлдаги 622-сон қарорига
3-ИЛОВА

Андижон вилоятида 2019 — 2021 йилларда амалга оширилиши режалаштирилган истиқболли йирик лойиҳалар

РЎЙХАТИ

Т/р	Лойиҳанинг номи	Ҳудуднинг номи	Лойиҳа ташаббускори	Хорижий ҳамкор	Лойиҳа қиймати, млрд сўм	Амалга ошириш муддати	Янги иш ўрни
1.	Чинобод инвестицон блокида геология-қидирув ишларини олиб бориш (сейсмоқидирув ишларини олиб бориш, қидирув қудуқларини бурғулаш)	Жалақудуқ тумани	«Ўзбекнефтегаз» АЖ	«Газпром» АЖ (Россия)	аниқланмоқда	ТИҲ асосида аниқланади	ТИҲ асосида аниқланади
2.	Андижон механика заводи негизида пропан газ учун цистерналар ишлаб чиқаришни ташкил этиш	Андижон шаҳри	«Ўзбекистон темир йўллари» АЖ	аниқланмоқда	аниқланмоқда	2020 йил	аниқланмоқда
3.	Ҳар хил қувватдаги трансформаторлар ишлаб чиқаришни ташкил этиш	Хонобод шаҳри	«Ўзэлтехсаноат» уюшмаси («Андижонкабель» АЖ ҚК)	аниқланмоқда	аниқланмоқда	2020-2021 йй.	689
4.	Светодиодлар ҳамда улардан ёритиш ускуна ва қурилмалар ишлаб чиқаришни ташкил этиш	аниқланмоқда	«Ўзэлтехсаноат» уюшмаси	аниқланмоқда	аниқланмоқда	2020-2021 йй.	100
5.	Подшипник заводи негизида янги турдаги подшипниклар ва ПВХ хом ашёсидан тайёр маҳсулотлар ишлаб чиқаришни ташкил этиш	Жалақудуқ тумани	«SPZ Bearings» МЧЖ	аниқланмоқда	аниқланмоқда	2020-2021 йй.	150
6.	Чиқиндиларни қайта ишлаш заводини ташкил этиш	аниқланмоқда	аниқланмоқда	«Erler Enerji» компанияси (Туркия)	420	аниқланмоқда	1000
7.	«Пайток» ГЭСни таъмирлаш ишлари олиб бориш лойиҳаси	аниқланмоқда	аниқланмоқда	аниқланмоқда	369,6	аниқланмоқда	аниқланмоқда
8.	Автомашинлар учун тормоз колодкаларини ишлаб чиқаришни ташкил этиш	аниқланмоқда	аниқланмоқда	«ONS-Frankfurt» компанияси (Германия)	23,94	аниқланмоқда	50
9.	Гидрогель ва чиқиндиларни қайта ишлашни ташкил этиш лойиҳаси	аниқланмоқда	аниқланмоқда	«UPL Ltd.» компанияси (Ҳиндистон)	84	аниқланмоқда	75
10.	Пардоз маҳсулотлари ишлаб чиқаришни ташкил этиш	Андижон тумани(«Андижон-Фарм» ЭИЗ)	Фармацевтика агентлиги	аниқланмоқда	аниқланмоқда	2021 йил	аниқланмоқда

Ўзбекистон Республикаси Вазирлар Маҳкамасининг 2019 йил 24 июлдаги 622-сон қарорига
4-ИЛОВА

Андижон вилоятида бўш турган ва самарасиз фойдаланилаётган йирик саноат ва ишлаб чиқариш объектлари

РЎЙХАТИ

Т/р	Объект номи	Объект мулкдори	Фаолият тури	Объект жойлашган ери	Умумий ер майдони (га)	Шундан бинолар (кв.м.)	Шундан фойдаланилмаётган қисми
Т/р	Объект номи	Объект мулкдори	Фаолият тури	Объект жойлашган ери	Умумий ер майдони (га)	Шундан бинолар (кв.м.)	ер майдони (га)	бино-иншоотлар (кв.м.)
	Жами	116			333,8	730 173,6	263,8	515 264,5
	Андижон шаҳар	19			41,8	124 726,8	373,4	99 682,4
1.	Собиқ ХБКга қарашли омборхона бино ва иншоотлари	«Уз Карам КО» МЧЖ ҚК	Ишлаб чиқариш	Обод МФЙ	1,2	7452,0	1,2	7452,0
2.	Фарғона геофизика экспердицияси Андижон филиали бино ва иншоотлари	Фарғона геофизика экспердицияси	Ишлаб чиқариш	Ҳамкорлик МФЙ	1,5	2314,0	1,5	2314,0
3.	Собиқ Экскаватор ремонт заводига қарашли бино ва иншоотлар	«Ураланд» МЧЖ	Ишлаб чиқариш	Пахтакор МФЙ	4,0	11686,0	4,0	11686,0
4.	Собиқ Художественний фабрикасига қарашли бино ва иншоотлар	«Соҳил текс» МЧЖ	Ишлаб чиқариш	Фаробуй МФЙ	0,8	10013,0	0,8	10013,0
5.	Ип йигирув корхонасига қарашли ишлаб чиқариш бино ва иншоотлари	«Диёр Водий Текстил» МЧЖ	Ишлаб чиқариш	Ҳамкорлик МФЙ	1,3	9250,0	1,3	9250,0
6.	«Металлтрог Люкс» МЧЖга қарашли қурилиши тугалланмаган бино ва иншоотлар	«Металлтрог Люкс» МЧЖ	Ишлаб чиқариш	Обод МФЙ	1,9	11000,0		8700,0
7.	Маъмурий ва ишлаб чиқариш бино ва иншоотлари	«Андижонирмаш» МЧЖ	Ишлаб чиқариш	Пахтакор МФЙ	6,9	13400,7	2,6	6048,0
8.	«Андижон АТЭК» МЧЖга қарашли бино ва иншоотлар	«Андижон АТЭК» МЧЖ	Ишлаб чиқариш	Саноат МФЙ	1,5	5874,0	1,5	5874,0
9.	Собиқ Трикотаж фабрикасига қарашли бино ва иншоотлар	«Намуна» МЧЖ	Ишлаб чиқариш	Охунбобоев МФЙ	2,4	7910,9		5537,6
10.	«Андижон пиво» МЧЖга қарашли бино ва иншоотлар	«Андижон пиво» МЧЖ	Ишлаб чиқариш	Андижон МФЙ	3,5	5380,0	350,0	5380,0
11.	Собиқ Мойли сув Электроланпа заводига қарашли бино ва иншоотлар	«Оқ-Ёр қандолат» МЧЖ	Ишлаб чиқариш	Найман МФЙ	1,6	4691,0	1,6	4691,0
12.	«Андижон Оби-Хаёт» МЧЖга қарашли бино ва иншоотлар	«Андижон Оби-Хаёт» МЧЖ	Ишлаб чиқариш	Пахтакор МФЙ	1,6	3838,9	1,6	3838,9
13.	Собиқ Қурилиш материаллари бозори («Ёғоч тахта сотиш жамоа» корхонаси) бино ва иншоотлари	«МТС» МЧЖ	Ишлаб чиқариш	Пахтакор МФЙ	2,5	3439,0	2,5	3439,0
14.	Собиқ қурилиш материаллари базасига қарашли бино ва иншоотлари	«Мустақил юрт баҳори» ОК	Ишлаб чиқариш	Пахтакор МФЙ	2,9	5217,6	0,8	2642,3
15.	«Абдулазиз матога гул босиш» МЧЖга қарашли бино ва иншоотлар	«Абдулазиз матога гул босиш» МЧЖ	Ишлаб чиқариш	Обод МФЙ	0,5	2000,0	0,5	2000,0
16.	Собиқ вилоят экспорт таъминот базаси бино ва иншоотлари	«Андижон хўжалик-маданий моллари базаси» МЧЖ	Ишлаб чиқариш	Пахтакор МФЙ	2,6	12459,6	0,3	2516,6
17.	«Махзуна СОЛТД» Ўзбек-Америка ҚК қарашли бўш турган бино ва иншоотлар	«Махзуна Co. LTD» Ўзбек-Америка ҚК	Ишлаб чиқариш	Андижон МФЙ	0,3	2500,0	0,3	2500,0
18.	Собиқ ДСК ҳудудидаги бино ва иншоотлар	«Шарқ бунёдкор кўрки» МЧЖ	Ишлаб чиқариш	Ёрбоши МФЙ	4,0	2500,0	2,0	2000,0
19.	«Ўзбекистон темир йўллари» АЖ қарашли қурилиши тугалланмаган маъмурий бино ва иншоотлар	«Ўзбекистон темир йўллари» АЖ	Ишлаб чиқариш	Қайрағоч МФЙ	0,9	3800,0	0,9	3800,0
	Хонобод шахар	5			82,5	242 915,1	49,7	146 732,8
20.	«Андижонкабел» АЖ ҚКга қарашли бино ва иншоотлар	«Андижонкабел» АЖ ҚК	Ишлаб чиқариш	Меҳмонобод МФЙ	36,0	121 182,3	3,2	25 000,0
21.	«1-сон Механизациялашган кўчма колоннаси» МЧЖга қарашли бино ва иншоотлар	Ўрмон хўжалиги Давлат қўмитаси	Ишлаб чиқариш	Кампирровот МФЙ	0,7	5 254,7	0,7	5 254,7
22.	«Хонобод бройлер» МЧЖ га паррандачилик хўжалиги бино ва иншоотлари	«Фозиломон наслли парранда» МЧЖ	Паррандачилик хўжалиги	Меҳмонобод МФЙ	42,0	112144,7	42,0	112144,7
23.	Собиқ «Хонободсавдо» чакана тайёрлов таъминот савдо ишлаб чиқариш базасига қарашли бино ва иншоотлар	«Бузрук инвест» МЧЖ	Хизмат кўрсатиш	Анхор МФЙ	1,6	600,0	1,6	600,0
24.	Собиқ сабзавотларни саклаш омборхона бино ва иншоотлари	«Фозиломон зилол суви» ХК	Ишлаб чиқариш	Кампировот МФЙ	2,3	3 733,4	2,3	3 733,4
	Андижон тумани	9			18,2	53 583,0	17,2	44 754,0
25.	«Андижон саҳовати» ХК қарашли бино ва иншоотлар	«Андижон саховати» ХК	Ишлаб чиқариш	Найманобод МФЙ	4,07	20500	4,07	20500
26.	Собиқ Автомобиллларни турар жойи бино ва иншоотлари	«Хакан транс» МЧЖ	Хизмат қўрсатиш	Роввот МФЙ	1,45	3115	1,45	3115
27.	Собиқ картошка сақлаш омборхона бино ва иншоотлари	«Uz Dong Won Co» АЖ ҚК	Қишлоқ хўжалиги	Терактаги МФЙ	1,42	2218	1,42	2218
28.	Собиқ 7-ХАТП бино ва иншоотлари	«Адреналин спорт» МЧЖ	Ишлаб чиқариш	Бахт МФЙ	4,76	6829	4,76	6829
29.	Томат ва минерал сув қадоқлаш цехи бино ва иншоотлари	«Маск» МЧЖ ҚҚ	Ишлаб чиқариш	Саноат МФЙ	6,34	6440	6,34	6440
30.	«7-Автокорхона» МЧЖ қарашли бино ва иншоотлар	«7-Автокорхона» МЧЖ	Хизмат қўрсатиш	Қум кўча МФЙ	1,64	10000	0,65	2700
31.	Собиқ 16-хўжалик Автотранспорт корхонасининг 1-қисмидаги бино ва иншоотлар	Фуқаро М. Юсупова	Хизмат қўрсатиш	Нохатак МФЙ	1,54	1195	1,54	1195
32.	Собик «Консерва заводи»га қарашли бино ва иншоотлар	«Асака тез автогаз» МЧЖ	Ишлаб чиқариш	Саноат МФЙ	0,5	1757	0,5	1757
33.	«Андижон мева боғдорчиликсервис» МЧЖга қарашли бино ва иншоотлар	«Андижон мева боғдорчиликсервис» МЧЖ	Қишлоқ хўжалиги	Кунжи МФЙ	3,63	1529	2	1100
	Асака туман	13			25,8	65 221,4	20,0	47 697,2
34.	«Автокомпонент» АЖга қарашли бино ва иншоотларнинг (автомобиллар тураргоҳи) 1-қисми	«Автокомпонент» АЖ	Ишлаб чиқариш	Навкан МФЙ	5,4	17475,0	0,2	712,0
35.	Собиқ «Техснаб»га қарашли бино ва иншоотлар	«Андижон нефт транс» АЖ	Ишлаб чиқариш	Камолот МФЙ	6,0	4000,0	6,0	4000,0
36.	Собиқ «Межрайбаза»га қарашли бино ва иншоотларнинг 1-қисми	«Асака улгиржи чакана савдо база» МЧЖ	Ишлаб чиқариш	Файз МФЙ	0,9	4796,8	0,9	4796,8
37.	Собиқ «Межрайбаза»га қарашли бино ва иншоотларнинг 2-қисми	АТ «Асака» банк	Ишлаб чиқариш	Файз МФЙ	0,2	1464,0	0,2	1464,0
38.	Собиқ «Асака-2» пахта тозалаш корхонаси бино ва иншоотларининг 2-қисми	«Қудратбек Савдо Анд» МЧЖ	Ишлаб чиқариш	Файз МФЙ	0,3	289,2	0,3	289,2
39.	Собиқ Марказий қозонхона бино ва иншоотлари	«Туркистон савдо саноат» МЧЖ	Ишлаб чиқариш	А.Темур МФЙ	0,7	1762,0	0,5	1662,0
40.	Собиқ Асака тиркамалар ишлаб чикариш заводига қарашли бино ва иншоотларининг 1-кисми	«СП-Плюс» МЧЖ	Ишлаб чиқариш	Шодлик МФЙ	3,3	7302,0	3,3	7302,0
41.	«Асака парранда» МЧЖга қарашли бино ва иншоотлар	«Асака парранда» МЧЖ	Ишлаб чиқариш	Мехнатобод МФЙ	2,1	6470,0	2,1	6470,0
42.	Собиқ «Мотор ремонт заводи»га қарашли бино ва иншоотларнинг 1-қисми	Фуқаро М. Собитова	Ишлаб чиқариш	Камолот МФЙ	1,8	1895,0	1,8	1895,0
43.	Собиқ «Мотор ремонт заводи»га қарашли бино ва иншоотларнинг 2-қисми	«Ремматор» МЧЖ	Ишлаб чиқариш	Камолот МФЙ	2,4	14823,2	2,4	14823,2
44.	Собиқ «Асака туман босмахонси»га қарашли бино ва иншоотлар	«Кансмир Гроуп» МЧЖ	Ишлаб чиқариш	А.Темур МФЙ	0,3	1251,0	0,2	850,0
45.	Собиқ «БИТ комбинати»га қарашли бино ва иншоотлар	«Асака экспорт импорт» МЧЖ	Ишлаб чиқариш	Файз МФЙ	0,6	1798,2	0,4	1538,0
46.	Собиқ «Мотор ремонт заводи»га қарашли бино ва иншоотларнинг 1-қисми	«Мунис сарой» МЧЖ	Ишлаб чиқариш	Камолот МФЙ	1,8	1895,0	1,8	1895,0
	Балиқчи тумани	3			23,2	26 252,0	10,0	12 100,0
47.	Собиқ ип йигирув фабрикасига қарашли бино ва иншоотлар	«Скортон текстил» ХК	Ишлаб чиқариш	Омонариқ МФЙ	8,5	12000	1	6000
48.	Собик чорвачилик фермасига қарашли бино ва иншоотлар	«Обод юрт файзи» МЧЖ	Қишлоқ хўжалиги	Янги қишлоқ МФЙ	9,3	6281	8,5	5100
49.	Собиқ Мевани қайта ишлаш корхонасининг бино ва иншоотлари	«Арс агро инвест» МЧЖ	Ишлаб чиқариш	Баркамол МФЙ	5,4	7971	0,5	1000
	Бўз тумани	2			6,9	5 350,0	5,8	4 850,0
50.	Собиқ Гўшт омборига қарашли бино ва иншоотлар	«Истиқлол Бўстон Маскан» ФХ	Қишлоқ хўжалиги	Ғолиб МФЙ	5,4	2850	5,4	2850
51.	Собиқ ММТП га қарашли бино ва иншоотлар	«Навоий агротех» МЧЖ	Хизмат кўрсатиш	Янги қишлоқ МФЙ	1,5	2500	0,4	2000
	Булоқбоши тумани	11			15,4	54 861,8	14,1	52 248,5
52.	«Қўқон нефт-газ пармалаш ишлари» АЖга қарашли бино ва иншоотлар	«Қўқон нефтгаз пармалаш ишлари» АЖ	Хизмат кўрсатиш	Саноат МФЙ	0,85	8047,90	0,85	8047,90
53.	Собиқ пиллакашлик фабрикасига қарашли бино ва иншоотлар	«Jm Silk Production» МЧЖ	Ишлаб чиқариш	М.Исмоилий МФЙ	9,30	34106,16	8,50	32350,00
54.	Ш. Кенжаев номли МТП бино ва иншоотлари	«Ш. Кенжаев МТП» МЧЖ	Хизмат кўрсатиш	Чақар МФЙ	0,73	1752,79	0,73	1752,79
55.	Собиқ чорвачилик фермасига қарашли бино ва иншоотлар	«Ғайрат Мадаминов» ФХ	Қишлоқ хўжалиги	Чақар МФЙ	0,67	3585,91	0,67	3585,91
56.	Собиқ «Андижонживтехсервис»га қарашли бино ва иншоотлар	«Garment Arment Factory Malika» МЧЖ	Хизмат кўрсатиш	Шохгузар МФЙ	0,56	2598,46	0,36	2320,20
57.	«Бакир Ражапов сервис» МЧЖга қарашли бино ва иншоотлар	«Исақжон Абдуолимович» ФХ	Хизмат кўрсатиш	Навоий МФЙ	1,01	1337,23	0,76	1140,00
58.	Собиқ «Сарвонтепа ММТП»га қарашли бино ва иншоотлар	Фуқаро Қ. Исақов	Хизмат кўрсатиш	Сарвонтепа МФЙ	0,70	1500,00	0,70	1500,00
59.	Собиқ «Ифтан» илмий-текшириш маркази бино ва иншоотлар	Ўз ФА ИФБ Андижон илмий станцияси	Илмий текшириш маркази	Қақир МФЙ	0,16	1692,00	0,16	1692,00
60.	Собиқ чорвачилик фермасига қарашли бино ва иншоотлар	«Тегарак тулпорлари» ФХ	Қишлоқ хўжалиги	Қашқар МФЙ	0,24	1162,0	0,24	1162,0
61.	«Раиш агротехсервис» МЧЖ ММТП қарашли бино ва иншоотлар	«Раиш агротехсервис МЧЖ» ММТП	Хизмат кўрсатиш	Кўприкбоши МФЙ	0,74	1637,18	0,70	1255,50
62.	Собиқ болалар боғчасига қарашли бино ва иншоотлар	Фуқаро Д. Қодирова	Хизмат кўрсатиш	Ёрбоши МФЙ	0,46	1028,13	0,46	1028,13
	Жалақудуқ тумани	8			34,1	72 146,0	22,2	57 527,0
63.	Собиқ «Тошматов МТП» қарашли қишлоқ хўжалиги техникалари тураргоҳи	Фуқаро Ф. Абдурахимов	Ишлаб чиқариш	Дўнгқишлоқ МФЙ	2	5065	1,6	5065,0
64.	Собиқ «Дўлга қарши курашиш» бино ва иншоотлари	Фуқаро М. Абдусаломов	Ишлаб чиқариш	Дўнгқишлоқ МФЙ	3	4600	0,4	750,0
65.	Собиқ Сочиқ фабрикасига қарашли бино ва иншоотлар	АИТБ «Ипак йўли банки»	Ишлаб чиқариш	Кўклам МФЙ	6	7638	0,8	1869,0
66.	Собиқ Ип йигирув ва тикув фабрикасига қарашли бино ва иншоотлар	«Алёр текст» МЧЖ	Ишлаб чиқариш	Ёрқишлоқ МФЙ	4	17302	4	17302
67.	Собиқ «Охунбобоев макка саралаш» қарашли бино ва иншоотлар	«Охунбобоев макка саралаш» МЧЖ	Ишлаб чиқариш	Қадақсин МФЙ	7,00	9769,00	3,55	9769,00
68.	Собик подшипник заводига қарашли саноат худудиги бино ва иншоотлар	«СПЗ беарингиз» МЧЖ ҚК	Ишлаб чиқариш	Қадақсин МФЙ	1,22	7200,00	1,22	7200,00
69.	Собик подшипник заводига қарашли бино ва иншоотлар	«СПЗ беарингиз» МЧЖ ҚК	Ишлаб чиқариш	Ўрокчитепа МФЙ	6,80	18572,00	5,80	13572,00
70.	Собиқ Автосарой ва савдо базасига қарашли бино ва иншоотлар	«Жалақудуқ МТП» МЧЖ	Ишлаб чиқариш	Туялас МФЙ	5	2000	5	2000
	Избоскан тумани	3			28,5	11 494,7	28,0	10 543,7
71.	Собиқ савдо маркази ва қахвахона бино ва иншоотлар	«Избоскан авто бизнез сервис» МЧЖ	Хизмат кўрсатиш	Ок олтин МФЙ	0,71	1 951	0,25	1000
72.	Собиқ Шойи туқиш фабрикасига қарашли бино ва иншоотлар	«МТМ» илмий ишлаб чиқариш кичик корхонаси	Ишлаб чиқариш	Шодлик МФЙ	3,16	7 778,70	3,16	7 778,70
73.	Собиқ Наслли қорамолчилик комплексига қарашли чўчқахона бино ва иншоотлар	«Нурилло» ФХ	Қишлоқ хўжалиги	Мангуберди МФЙ	24,60	1 765	24,60	1765
	Қўрғонтепа тумани	8			46,3	92 804,3	43,6	71 477,9
74.	Собиқ ХБКга қарашли бино ва иншоотлар	«Best tekstil international» МЧЖ	Ишлаб чиқариш	Нурли ёғду МФЙ	5,3	16256,6	5,20	16 256
75.	Собиқ Қўштепа текстилга қарашли бино ва иншоотлар	АТ «Ҳалқ банки»	Ишлаб чиқариш	Тошлоқ МФЙ	9,2	4132,44	9,20	4132,44
76.	Собиқ Эски тарозихонага қарашли маъмурий бино ва иншоотлар	«Юксалиш савдо кўрки» МЧЖ	Хизмат кўрсатиш	Қўштепа МФЙ	0,30	1 918	0,30	1 918
77.	Собиқ Қорасув пайпоқ тўқиш фабрикасига қарашли бино ва иншоотлар	«Қорасув пайпоқ тўқиш» АЖ	Ишлаб чиқариш	А.Темур МФЙ	9,6	22000	7,00	15 000
78.	Собиқ Чорвачилик комплексига қарашли бино ва иншоотлар	«Румет-Паррандачилик» ФХ	Қишлоқ хўжалиги	Янги бўстон МФЙ	2,9	4735,5	2,85	4735,5
79.	Собиқ Чорвачилик фермасига қарашли бино ва иншоотлар	«Савай наслчилик чорвачилик» ФХ	Қишлоқ хўжалиги	Чорвадор МФЙ	13,4	19324,88	13,40	5 000
80.	Собиқ пахта тозалаш корхонасига қарашли бино ва иншоотлар	«Анд Пахта Текс» МЧЖ	Ишлаб чиқариш	Юксалиш МФЙ	2,62	8236,91	2,61	8 236
81.	«Қорасув паст кучланиш электрь жихозлари» заводига қарашли бино ва иншоотлар	«Grand Qorasuv» МЧЖ, «Амир Олимхон тулпори» ФХ	Ишлаб чиқариш	Пахтачи МФЙ	3,0	16 200	3,02	16 200
	Мархамат тумани	7			23,8	69 896,5	12,8	20 985,4
82.	«Сув тозалаш иншооти» га қарашли бино ва иншоотлар	«Сувоқова» ДУК	Хизмат кўрсатиш	Полвонтош ШФЙ	1,80	935,0	1,80	935,0
83.	«Машъал» ММТПга қарашли бино ва иншоотлар	«Машьал ММТП» МЧЖ	Қишлоқ хўжалиги	Хасанмерган МФЙ	1,500	800	1,500	800
84.	Собиқ АООТ Марҳамат тикув-йигурув фабрикасига қарашли бино-иншоотлар	«Универсал ТЕХ» МЧЖ	Ишлаб чиқариш	Мустақиллик МФЙ	7,8	45753,0	0,97	9720
85.	Собиқ «Қишлоқ хўжалик таьминот тузатиш» бирлашмасига қарашли бино ва иншоотлар	«Хуррам Замин Равнақи» МЧЖ	Қишлоқ хўжалиги	Ўзбекистон МФЙ	3,1	7911,0	3,1	2455,36
86.	Собиқ «294 сон ХКМС» корхонасига қарашли бино ва иншооотлар	«Нурли водий агрофирмаси» МЧЖ	Ишлаб чиқариш	Миришкор МФЙ	2,3	1728,0	1,5	1500,0
87.	«У. Қорабоев» ММТПга қарашли бино ва иншоотлар	«У. Қорабоев ММТП» МЧЖ	Қишлоқ хўжалиги	Бозор боши МФЙ	1,50	3 097	1,00	2 000
88.	Собиқ чорвачилик комплексига қарашли бино ва иншоотлар	«Рожий Мансур» ФХ	Қишлоқ хўжалиги	Алитепа МФЙ	5,85	9672,51	2,94	3575
	Олтинкўл тумани	9			17,3	37 862,0	17,3	37 862,0
89.	«Ўзнефтгазалоқа» ИЧТАБ қарашли бино ва иншоотлар	«Ўзнефтгазалоқа» ИЧТАБ	Ишлаб чиқариш	Кумакай МФЙ	0,8	1 641	0,8	1 641
90.	Собиқ чорвачилик фермаси бино ва иншоотлари	«Ўзтрансгаз» АЖ	Ишлаб чиқариш	Хондибоғи МФЙ	4,6	15 000	4,6	15 000
91.	Собиқ «Андижон Чарм» МЧЖга қарашли бино ва иншоотлар	ТИФ «Миллийбанк»	Ишлаб чиқариш	Катта Оқтепа МФЙ	4,040	8 355	4,040	8 355
92.	Собиқ 101-ХКМСга қарашли бино ва иншоотлар	«Дехқон ҳамкори» МЧЖ	Хизмат кўрсатиш	Иттифоқ МФЙ	3,600	2 000	3,600	2 000
93.	Собиқ мева-сабзавот маҳсулотларини сақлаш ва етказиб бериш базаси бино-иншоотлари	«Водий мева экспорт» МЧЖ	Хизмат кўрсатиш	Иттифоқ МФЙ	1,830	2 000	1,830	2 000
94.	Собиқ Бош ПЭМКА бино ва иншоотлари	«Ойдин-йул Дурдонаси» МЧЖ	Хизмат кўрсатиш	Ижтимоят МФЙ	1,200	3 732	1,200	3 732
95.	Собиқ туман МТП устахона бино ва иншоотлари	Фуқаро А. Усмонов	Хизмат кўрсатиш	Уйгур МФЙ	0,450	1 200	0,450	1 200
96.	Собик С. Ашуров колхози омборхонабино ва иншоотлари	Фуқаро Д. Неъматов	Қишлоқ хўжалиги	Жалабек МФЙ	0,420	1 000	0,420	1 000
97.	«Хақиқат умид юлдузи» МЧЖга қарашли қурилиши тугалланмаган бино ва иншоотлар	«Хақиқат умид юлдузи» МЧЖ	Ишлаб чиқариш	Ойишахоним МФЙ	0,330	2 934	0,330	2 934
	Пахтаобод тумани	8			41,0	49 635,1	36,8	41 665,1
98.	Собиқ ип йигирув фабрикаси бино ва иншоотлари	«Бизнес Эркин текстил» МЧЖ	Ишлаб чиқариш	Нодирабегим МФЙ	4,87	17489	4,87	17489
99.	Собиқ «Пахтаобод Автосаф» бино ва иншоотлари	Фуқаро С. Атабаев	Қишлоқ хўжалиги	Нодирабегим МФЙ	2,14	875	2,14	675
100.	Собиқ қурилиш материаллари ишлаб чиқариш бино ва иншоотлари	Фуқаро Ш. Қаххоров	Ишлаб чиқариш	Нодирабегим МФЙ	1,6	432	1,6	432
101.	Собиқ Саноат маҳсулотлари ишлаб чиқариш корхонаси бино ва иншоотлари	«Unimpex Alliance» МЧЖ	Ишлаб чиқариш	З.Хабибий МФЙ	1,76	1674	1,76	1674
102.	Собиқ «Қўқонқишлоқ» ОАЖ га қарашли оромгоҳ бино ва иншоотлари	Фуқаро В.Аманов	Хизмат кўрсатиш	Соҳил МФЙ	1,7	901	1,7	901
103.	Собиқ «Пахтаобод шағал саралаш» МЧЖга қарашли ёрдамчи хўжалик ишлаб чиқариш майдони	«Қурилиш материаллари комбинати» МЧЖ	Ишлаб чиқариш	Дўстлик МФЙ	1	1620	1	1620
104.	Собиқ пойабзал фабрикасига қарашли бино ва иншоотлар	«Маданият Шафоат Нури» МЧЖ	Ишлаб чиқариш	Маърифат МФЙ	1,19	7454	1,19	5400
105.	Собиқ СУ-4 корхонаси қарашли бино-иншоотларнинг 1-қисми	«Барият Раийят» ФХ	Ишлаб чиқариш	Сой бўйи МФЙ	1,06	2340,12	1,06	2340,12
	Улуғнор	2			12,8	8 425,0	10,7	5 567,0
106.	Собиқ «Андижон гўшт» АЖга қарашли чорвачилик фермаси бино ва иншоотлар	«Оқтомлик Отабек ери» ФХ	Қишлоқ хўжалиги	Оқ том МФЙ	2,7	3657	2,7	3657
107.	Собиқ чўчқахона бино-иншоотлари	«Турсунбой ота» ФХ	Қишлоқ хўжалиги	Оқ том МФЙ	10,1	4768	8	1910
	Хўжаобод туман	5			10,9	16 342,0	10,8	16 133,0
108.	Собиқ ипак қурти уруғи заводи бино ва иншоотлари	«Андижон вилоят пилла» ОТАЖ	Қишлоқ хўжалиги	Бобур МФЙ	2,2	8409,0	2,0	8200,0
109.	Собиқ «Тошкентвино комбинати» бино ва иншоотлари	«Навигул» МЧЖ ҚК	Ишлаб чиқариш	Бешқавоқ МФЙ	3,5	1457,0	3,5	1457,0
110.	Собиқ «Хўжаобод Тонги» ресторани бино ва иншоотлари	«Хўжаобод СИЧ» МЧЖ	Хизмат кўрсатиш	Узун кўча МФЙ	0,2	1201,0	0,2	1201,0
111.	Собиқ «Ўзбекистон» ширкат хўжалигига қарашли чорвачилик комплекси бино ва иншоотлари	«Диёрбик Дилёрбек боғлари» ФХ	Қишлоқ хўжалиги	Бешкарам МФЙ	5,0	4425,0	5,0	4425,0
112.	Собиқ «Хўжаобод шароб» АЖга қарашли бино ва иншоотлар	«Навигул» МЧЖ ҚК	Ишлаб чиқариш	Саноатчилар МФЙ	0,1	850,0	0,1	850,0
	Шаҳрихон тумани	4			9,0	23 283,0	5,6	10 485,0
113.	Собик «Ривож» ХСИЧ қарашли бино ва иншоотлар	«Мир Импекс» МЧЖ	Хизмат кўрсатиш	Янги хает МФЙ	3,2	7758	2,2	1100
114.	Собик «МТП» қишлоқ хўжалиги техникаларини сақлаш бино ва иншоотлари	«Eva Lux Best» МЧЖ	Хизмат кўрсатиш	Полосон МФЙ	1,3	5336	0,4	1385
115.	Собиқ Қорамолчилик комплексига қарашли бино ва иншоотлар	Фуқаро Ж. Шерматова	Қишлоқ хўжалиги	Тегирмонбоши МФЙ	2,1	2808	1,5	1500
116.	Собиқ «Найнаво» колхозига қарашли чорвачилик комплекси бино ва иншоотлари	Фуқаро Х. Дехқонов	Қишлоқ хўжалиги	Қўшқўноқ МФЙ	2,35	7381	1,5	6500

Ўзбекистон Республикаси Вазирлар Маҳкамасининг 2019 йил 24 июлдаги 622-сон қарорига
5-ИЛОВА

Кичик саноат зоналари ташкил этиш учун таклиф этилаётган бўш турган ва фойдаланилмаётган ишлаб чиқариш майдонлари

РЎЙХАТИ

Т/р	Кичик саноат зонаси номи	Объект номи	Манзили	Ер майдони (га)*	Бино-иншоот майдони (кв.м.)*	Балансда сақловчи
1.	«Андижон» КСЗ	Мазут хўжалиги қозонхонаси	Андижон шаҳри, Қўшариқ кўчаси, 2-уй	1,9	780,0	«Иссиқлик манбаи» ДУК
1.	«Андижон» КСЗ	Қозонхона биноси	Андижон шаҳри, Қўшариқ кўчаси	0,4	4 000,0	«Иссиқлик манбаи» ДУК
2.	«Жалақудуқ» КСЗ	«Подшипник» заводи собиқ сув тозалаш биноси	Жалақудуқ тумани, «Шархончеки» МФЙ	3,0	650,0	Жалақудуқ тумани ҳокимлиги
3.	«Олтинкўл» КСЗ	Олтинкўл йўл қурилишига қарашли бино ва иншоотлар	Олтинкўл тумани, «Иттифоқ» МФЙ	1,7	3 177,0	Олтинкўл тумани йўл қурилиши корхонаси
4.	«Хонобод» КСЗ	Собиқ «Сув қурилиш жихозлари» МЧЖ бино ва иншоотлари	Хонобод шаҳри, «Кампиробод» МФЙ	45,5	35 000,0	Хонобод шаҳар ҳокимлиги
5.	«Қорасув» КСЗ	Қорасув пайпоқ тўқиш фабрикаси	Қорасув шаҳри, А. Темур МФЙ	9,6	22 000,0	Аввал хусусийлаштирилган**

* Ер майдонлари ва бино-иншоотлар эгаллаган майдонларга кадастр органлари томонидан аниқлик киритилади.

** Объектнинг мулкчилик шаклига тегишли аниқликлар киритилиши асосида.

Ўзбекистон Республикаси Вазирлар Маҳкамасининг 2019 йил 24 июлдаги 622-сон қарорига
6-ИЛОВА

Республика ҳудудларида саноатни ривожлантириш бўйича ишчи гуруҳи таркиби

Олдинги таҳрирга қаранг.

1.	Э.М. Ғаниев	—	Ўзбекистон Республикаси Бош вазирининг ўринбосари, Ишчи гуруҳ раҳбари
2.	Г.К. Саидова (келишув асосида)	—	Ўзбекистон Республикаси Президенти маслаҳатчиси ўринбосари, Ишчи гуруҳ раҳбари ўринбосари
3.	С.Ў. Умурзаков	—	Инвестициялар ва ташқи савдо вазири
4.	Р.А. Ғуломов	—	Иқтисодиёт ва саноат вазирининг биринчи ўринбосари
5.	С.Х. Бекенов	—	Инвестициялар ва ташқи савдо вазирининг биринчи ўринбосари
6.	Ж.Т. Мирзамаҳмудов	—	Энергетика вазирининг биринчи ўринбосари
7.	И.Р. Маҳкамов	—	Транспорт вазирининг биринчи ўринбосари
8.	М.Ш. Истамов	—	Адлия вазирининг биринчи ўринбосари
9.	Э.Б. Искандаров	—	Қурилиш вазири ўринбосари
10.	А.А. Урунов (келишув асосида)	—	Ўзбекистон Республикаси Президенти Администрацияси масъул ходими
11.	А.Б. Абдуллаев (келишув асосида)	—	Ўзбекистон Республикаси Президенти Администрацияси масъул ходими
12.	Б.Б. Ражабов (келишув асосида)	—	Ўзбекистон Республикаси Президенти Администрацияси масъул ходими
13.	Ш.А. Абдуллаев (келишув асосида)	—	Ўзбекистон Республикаси Президенти Администрацияси масъул ходими
14.	З.У. Неъматходжаев (келишув асосида)	—	Ўзбекистон Республикаси Бош прокуратураси масъул ходими
15.	А.Я. Хайдаров	—	Давлат активларини бошқариш агентлиги директори
16.	А.Х. Абдуллаев	—	«Давергеодезкадастр» қўмитаси раиси
17.	С.М. Холхўжаев	—	Марказий банк раиси ўринбосари
18.	Д.А. Исакулов	—	«Миллий электр тармоқлари» АЖ бошқарув раиси
19.	У.М. Мустафоев	—	«Ҳудудий электр тармоқлари» АЖ бошқарув раиси
20.	Б.Б. Сидиқов	—	«Ўзбекнефтгаз» АЖ бошқарув раиси
21.	Б.Б. Эшмуратов	—	«Ўзтрансгаз» АЖ бошқарув раиси
22.	О.Ш. Темиров	—	«Ўзкимёсаноат» АЖ бошқарув раиси
23.	Т.А. Жалилов	—	«Ўзбекозиқовқатхолдинг» ХК раиси
24.	Ш.Б. Умурзақов	—	«Ўзавтосаноат» АЖ бошқарув раиси
25.	У.З. Салимов	—	«Ўзагротехсаноатхолдинг» АЖ бошқарув раисининг биринчи ўринбосари
26.	А.И. Мақсудов	—	«Ўзпахтасаноат» АЖ бошқарув раиси
27.	Я.М. Абдураззоқов	—	«Ўзпаррандасаноат» уюшмаси раиси
28.	О.М. Мусаев	—	«Ўзбекбалиқсаноат» уюшмаси раиси
29.	Б.Қ. Шарипов	—	«Ўзбекипаксаноат» уюшмаси раиси
30.	Б.К. Зарипов	—	«Ўзсаноатқурилишматериаллари» уюшмаси раиси
31.	Ғ.Э. Пардаев	—	«Ўзёғмойсаноат» уюшмаси раиси в.б.
32.	М.Р. Хашимов	—	«Ўзэлтехсаноат» уюшмаси раисининг биринчи ўринбосари
33.	И.Ў. Хайдаров	—	«Ўзтўқимачиликсаноат» уюшмаси раиси
34.	Ф.А. Бобоев	—	«Ўзчармсаноат» уюшмаси раиси в.в.б.
35.	О.С. Мустафаев	—	Узумчилик ва виночиликни ривожлантириш агентлиги директори
36.	С.Ҳ. Кариев	—	Фармацевтика тармоғини ривожлантириш агентлиги директори в.б.
37.	Д.Н. Саматов	—	«Ўзбекзаргарсаноат» уюшмаси раиси
38.	Ш.Ш. Шоахмедов	—	Ўзбекистон Республикаси Қишлоқ хўжалиги вазирлиги ҳузуридаги Агросаноат мажмуи ва озиқ-овқат таъминоти соҳасидаги лойиҳаларни амалга ошириш агентлиги бош директори
39.	А.Қ. Мирсоатов	—	Ўзмиллийбанк раиси
40.	А.Б. Воитов	—	«Ўзсаноатқурилишбанк» АТБ бошқарув раиси
41.	Н.Н. Сайдуллаев	—	«Асака банк» АТБ бошқарув раиси
42.	Б.М. Муллахонов	—	«Қишлоқ қурилиш банк» АТБ бошқарув раиси
43.	Ш.Х. Атабаев	—	«Ипотека банк» АТБ бошқарув раиси
44.	Ж.Ш. Эгамбердиев	—	«Алоқабанк» АТБ бошқарув раисининг биринчи ўринбосари
45.	Лавозими бўйича	—	Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимлари

Изоҳ. Ишчи гуруҳи аъзолари бошқа ишга ўтган тақдирда, унинг таркибига ушбу лавозимларга янги тайинланган ёки зиммасига тегишли функцияларни бажариш юкланган шахслар киритилади.

(6-илова Ўзбекистон Республикаси Вазирлар Маҳкамасининг 2020 йил 14 майдаги 284-сонли қарори таҳририда — Қонун ҳужжатлари маълумотлари миллий базаси, 15.05.2020 й., 09/20/284/0588-сон)

Кейинги таҳрирга қаранг.

(Қонун ҳужжатлари маълумотлари миллий базаси, 25.07.2019 й., 09/19/622/3476-сон; 15.05.2020 й., 09/20/284/0588-сон, 31.10.2020 й., 09/20/666/1433-сон, 14.12.2020 й., 09/20/777/1620-сон; Қонунчилик маълумотлари миллий базаси, 22.12.2021 й., 09/21/766/1182-сон, 29.12.2021 й., 09/21/786/1216-сон; 15.05.2024 й., 09/24/282/0347-сон)