Ҳужжат 12.12.2019 00 санаси ҳолатига
Амалдаги версияга ўтиш
Ўзбекистон Республикаси Президентининг
Қарори
Экспорт фаолиятини молиялаштириш ва суғурта ҳимояси механизмларини кенгайтириш чора-тадбирлари тўғрисида
Ўзбекистон Республикаси Президентининг 2018 йил 20 декабрдаги «Экспортга кўмаклашиш ва уни рағбатлантиришни кучайтириш чора-тадбирлари тўғрисида»ги ПҚ-4069-сон қарорига мувофиқ, шунингдек, экспорт ва экспорт олди молиялаштириш, экспорт кредитлари ва таваккалчиликларини суғурталаш механизмларини самарали татбиқ этиш учун зарур шарт-шароитлар яратиш мақсадида:
1. Ўзбекистон Республикаси Инвестициялар ва ташқи савдо вазирлиги, Молия вазирлиги ҳамда Иқтисодиёт ва саноат вазирлигининг экспорт қилувчиларни давлат томонидан қўллаб-қувватлаш тартибини ўрнатиш тўғрисидаги таклифларига розилик берилсин, унга мувофиқ Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармаси (кейинги ўринларда — Жамғарма) экспорт қилувчиларга:
Кейинги таҳрирга қаранг.
тижорат банкларининг экспорт олди кредитлари, шу жумладан айланма маблағларни тўлдириш учун берилган кредитлари бўйича фоиз харажатларини қоплашга, миллий валютадаги кредитлар бўйича — Ўзбекистон Республикаси Марказий банкининг қайта молиялаш ставкасидан ошган қисмида, бироқ 10 фоизлик пунктдан кўп бўлмаган миқдорда, хорижий валютадаги кредитлар бўйича — тижорат банклари томонидан белгиланган ставканинг 40 фоизи, бироқ 4 фоизлик пунктдан ошмаган миқдорда компенсация тақдим этади;
тижорат банкларининг кредитлари, шу жумладан экспорт олди кредитлари бўйича кредит суммасининг 50 фоизигача, бироқ 4 миллиард сўмдан ошмаган миқдорда кафиллик беради.
Белгилансинки, ушбу бандда назарда тутилган қўллаб-қувватлаш чора-тадбирлари Ўзбекистон Республикаси Президентининг 2018 йил 29 ноябрдаги «Маҳаллий ишлаб чиқарувчиларнинг экспорт салоҳиятини янада рағбатлантириш чора-тадбирлари тўғрисида»ги ПФ-5587-сон Фармони 1-иловасида кўрсатилган хом ашё товарлари экспортига нисбатан татбиқ этилмайди.
Ўзбекистон Республикаси Молия вазирлиги Жамғарманинг буюртманомалари асосида 2019-2020 йиллар давомида ушбу бандда кўрсатилган мақсадлар учун Ўзбекистон Республикаси Давлат бюджетидан 50 миллиард сўмгача миқдорда маблағ ажратсин.
Кейинги таҳрирга қаранг.
2. Ўзбекистон банклари ассоциацияси тижорат банклари билан биргаликда экспорт қилувчи корхоналарни, шу жумладан айланма маблағларни тўлдириш учун кредитлар бериш орқали молиялаштириш турларини кенгайтирсин.
3. Маҳаллий экспорт қилувчи корхоналар (уларнинг ваколатли вакиллари)га иловадаги рўйхатга мувофиқ маҳсулотларни экспорт қилишда темир йўл транспортида ташиш харажатларини 50 фоизигача миқдорда компенсация қилишга субсидиялар тақдим этиш механизми жорий қилинсин.
Кейинги таҳрирга қаранг.
Белгилансинки, ушбу бандда назарда тутилган кўллаб-қувватлаш чораси қўшни давлатларга экспорт қилинадиган маҳсулотларга татбиқ этилмайди, қонун ҳужжатларида назарда тутилган ҳолатлар бундан мустасно.
Кейинги таҳрирга қаранг.
Ўзбекистон Республикаси Инвестициялар ва ташқи савдо вазирлиги ҳузуридаги Экспортни рағбатлантириш агентлиги (кейинги ўринларда — Агентлик) маҳсулотни экспортга ташиш харажатларининг бир қисмини компенсация қилиш учун Ўзбекистон Республикаси Давлат бюджетининг маблағлари ҳисобидан субсидиялар тўлаш бўйича ваколатли орган этиб белгилансин.
Ўзбекистон Республикаси Инвестициялар ва ташқи савдо вазирлигига Молия вазирлиги ҳамда Иқтисодиёт ва саноат вазирлиги билан келишилган ҳолда ушбу банд билан тасдиқланган рўйхатга ўзгартириш ва қўшимчалар киритиш ҳуқуқи берилсин.
Кейинги таҳрирга қаранг.
Кейинги таҳрирга қаранг.
4. Шундай тартиб ўрнатилсинки, унга мувофиқ товарлар (ишлар, хизматлар)ни, шу жумладан, комиссионер (ишончли вакил) орқали реализация қилишдан тушган умумий тушумида ҳисобот даври якуни бўйича тайёр маҳсулот экспорти улуши 50 фоиздан юқори бўлган юридик шахсларга уларнинг аризаларига кўра экспортга мўлжалланган маҳсулот ишлаб чиқаришда фойдаланиладиган хом ашё, бутловчи буюмлар ва материаллар импортида қўшилган қиймат солиғи тўлашни божхона декларацияси қабул қилинган кундан бошлаб 120 кунга кечиктириш имконияти берилади.
Ўзбекистон Республикаси Молия вазирлиги, Давлат божхона қўмитаси ва Давлат солиқ қўмитаси икки ой муддатда экспорт қилувчи корхоналарга қўшилган қиймат солиғини тўлашни кечиктириш имкониятини бериш тартибини ишлаб чиқсин ва тасдиқласин.
5. Агентлик зиммасига ҳам республикамиздаги, ҳам хориждаги халқаро стандартлаштириш ва сертификатлаштириш тизимларини жорий этиш, миллий маҳсулотни хорижий давлатлар ваколатли органларида рўйхатдан ўтказиш, шунингдек, кўргазма стендларини ташкил қилиш ва халқаро кўргазма-ярмаркаларида иштирок этиш, тақдимотлар ва реклама кампанияларини ўтказиш, шу жумладан, анъанавий миллий маҳсулотлар ва брендларни потенциал бозорларда илгари суриш бўйича экспорт қилувчи ташкилотларга молиявий кўмак бериш вазифаси юкланганлиги маълумот учун қабул қилинсин.
Агентлик икки ой муддатда экспорт қилувчи ташкилотларга мазкур молиявий кўмакни бериш механизмини ишлаб чиқсин ва тасдиқлаш учун Вазирлар Маҳкамасига киритсин, бунда тадбиркорлик субъектларининг хорижий мамлакатларда зарур лицензиялар, рухсатномалар, сертификатлар олиш, шунингдек, рўйхатдан ўтказиш йиғимлари ҳамда халқаро тендерлар ва танловларда иштирок этиш билан боғлиқ бошқа тўлов харажатларининг бир қисмини тўлашни назарда тутсин.
6. Белгилансинки, 2019 йил 1 июндан бошлаб тирик ҳолдаги товуқ, қуён ва балиқ ҳамда уларни сўйиб ишланган маҳсулотлар экспорти учун Ўзбекистон Республикаси Президенти ёки Вазирлар Маҳкамаси рухсати талаб қилинмайди.
7. Ўзбекистон Республикаси Инвестициялар ва ташқи савдо вазирлиги ҳамда «Ўзбекинвест» экспорт-импорт миллий суғурта компанияси (кейинги ўринларда — «Ўзбекинвест» ЭИМСК) директорлар Кенгашининг:
«Ўзбекинвест» ЭИМСКнинг устав капиталини компаниянинг ўз капитали ҳисобига 221,6 млрд сўмгача кўпайтириш;
«Ўзбекинвест» ЭИМСК тузилмасида экспортолди ва экспорт суғуртаси масалалари бўйича бош директорнинг биринчи ўринбосари лавозимини жорий этиш тўғрисидаги таклифлари маъқуллансин.
8. Белгилансинки:
«Ўзбекинвест» ЭИМСКнинг экспортни суғурталаш орқали қўллаб-қувватлаш хизматлари комплекси харидор кредитини, қисқа муддатли дебитор қарздорликни, маҳсулот етказиб берувчи кредитини, тасдиқланган аккредитивни, экспорт қилувчининг айланма маблағларини тўлдириш кредитини, экспорт факторингини суғурталашни ҳамда экспортни суғурталаш орқали қўллаб-қувватлашнинг бошқа воситаларини ўз ичига олади;
молия йилида экспорт контрактлари ва кредитларини суғурталашнинг барча шартномалари бўйича (хом ашё бўлмаган маҳсулот экспорти қисмида) суғурта товон тўлашнинг умумий ҳажми «Ўзбекинвест» ЭИМСК ўз капиталининг 10 фоизидан ошиб кетган тақдирда, «Ўзбекинвест» ЭИМСК ўз капиталининг 10 фоизидан ошиб кетган миқдордаги йўқотишлари унинг устав жамғармасини ошириш орқали Ўзбекистон Республикаси Давлат бюджети маблағлари ҳисобидан компенсация қилинади.
Кейинги таҳрирга қаранг.
9. Ўзбекистон Республикаси Инвестициялар ва ташқи савдо вазирлиги:
икки ой муддатда Давлат активларини бошқариш агентлиги билан биргаликда «Ўзбекинвест» ЭИМСК фаолиятини янада такомиллаштириш тўғрисида тегишли ҳукумат қарори лойиҳасининг белгиланган тартибда ишлаб чиқилиши ҳамда Вазирлар Маҳкамасига киритилишини;
бир ой муддатда Ўзбекистон Республикаси Молия вазирлиги ва Транспорт вазирлиги билан биргаликда хабар берилганлик факти қайд этилишини таъминлайдиган ахборот тизимларидан фойдаланган ҳолда, буюртманомаларни, шу жумладан 2019 йил 1 майдан буён амалга оширилган маҳсулот экспорти бўйича қабул қилиш ва кўриб чиқиш механизмини назарда тутадиган, маҳсулот олиб бориладиган мамлакат ва субсидия тақдим этишнинг энг кўп муддатидан келиб чиқиб, Маҳсулотни экспорт қилишда ташиш харажатларини Ўзбекистон Республикаси Давлат бюджети маблағлари ҳисобидан компенсация қилиш тартиби тўғрисидаги низомни тасдиқлаш учун Вазирлар Маҳкамасига киритишни;
2019 йил 1 августга қадар Ахборот-коммуникация технологияларини ривожлантириш жамғармаси ва Агентлик маблағлари ҳисобидан ташқи иқтисодий фаолият соҳасида давлат хизматларининг интерактив шаклда тақдим этилишини, шунингдек, давлат тили, рус тили ва бошқа хорижий тилларда батафсил маълумотлардан фойдаланиш имкониятини таъминлайдиган, электрон савдо майдончалари ҳамда манфаатдор вазирликлар ва идораларнинг ахборот тизимлари билан интеграциялашган Ташқи иқтисодий маълумотлар порталини яратиш ва ишга туширишни;
бир ой муддатда манфаатдор вазирликлар ва идоралар билан биргаликда Ташқи иқтисодий маълумотлар порталини юритиш ва масъул идоралар томонидан Порталга тегишли маълумотлар ўз вақтида киритилиши устидан мониторингни амалга ошириш тартиби тўғрисидаги низом тасдиқланишини;
бир ой муддатда «Ўзагроэкспортбанк» АТБ негизида экспорт ва импортни молиялаштириш бўйича ихтисослашган банк ташкил этиш юзасидан таклиф киритилишини таъминласин.
10. Ўзбекистон Республикаси Транспорт вазирлиги Монополияга қарши курашиш қўмитаси билан биргаликда бир ой муддатда «Uzbekistan airways» АЖ ва «Ўзбекистон темир йўллари» АЖнинг экспорт юкларини ташиш тарифларини танқидий қайта кўриб чиқсин.
11. Ўзбекистон Республикаси Президентининг 2018 йил 17 октябрдаги «Мева-сабзавот маҳсулотларини ташқи бозорларга чиқариш самарадорлигини оширишга доир қўшимча чора-тадбирлар тўғрисида»ги ПҚ-3978-сон қарорининг 6 ва 7-бандлари, 14-бандининг еттинчи хатбоши ўз кучини йўқотган деб ҳисоблансин.
12. Ўзбекистон Республикаси Инвестициялар ва ташқи савдо вазирлиги икки ой муддатда манфаатдор вазирликлар, идоралар ва ташкилотлар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
13. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг ўринбосарлари Ж.А. Қўчқоров ва Э.М. Ғаниев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 24 май,
ПҚ-4337-сон
Ўзбекистон Республикаси Президентининг 2019 йил 24 майдаги ПҚ-4337-сон қарорига
ИЛОВА
Экспорт қилишда темир йўл транспортида ташиш харажатларининг бир қисми компенсация қилинадиган маҳсулотлар
РЎЙХАТИ
Олдинги таҳрирга қаранг.

Т/р

Маҳсулот номи

Маҳсулотнинг ТИФ ТН коди

1.

Тухум*

0407210000

2.

Табиий узум винолари

2204101100, 2204219700, 2204219800, 2204299501, 2204299508, 2204299601, 2204299701, 2204299708, 2204299709, 2204299801, 2204299809, 2204309800

21.

Коньяк дистилляти

2208208900

3.

Таркибида антибиотиклар бўлган пенициллинлар, дори воситалари

3004100001, 3004100006, 3004200001, 3004200002

4.

Обойлар ва шунга ўхшаш девор қопламалари

4814200000

5.

Тўқима гиламлар

5702429000

6.

Линолеум

5904100000

7.

Трикотаж пальто, калта пальто, накидкалар, плашлар, курткалар

6101309000, 6101902000, 6102201000, 6102209000, 6102309000, 6102901000

8.

Трикотаж костюмлар, комплектлар, пиджаклар, блайзерлар, шимлар, кўкрак ва тасмали комбензонлар, бриджилар ва шортиклар

6103109000, 6103220000, 6103230000, 6103290000, 6103320000, 6103390000, 6103420000, 6103420001, 6103420009, 6103430000, 6103430001, 6103430009, 6103490000, 6103490001, 6104192000, 6104220000, 6104320000, 6104390000, 6104420000, 6104430000, 6104440000, 6104490000, 6104520000, 6104530000, 6104610001, 6104620000, 6104630000, 6104690001, 6104690009

9.

Трикотаж кўйлаклар

6105100000, 6105201000, 6105909000

10.

Трикотаж блузкалар, блузалар ва бошқалар

6106100000, 6106909000

11.

Трикотаж кальсонлар ва трусиклар

6107110000

12.

Трикотаж свитерлар, пуловерлар, кардиганлар, нимчалар ва шунга ўхшаш трикотаж маҳсулотлари

6110113000, 6110119000, 6110201000, 6110209100, 6110209900, 6110301000, 6110309100, 6110309900, 6110909000

13.

Болалар кийими

6111209000

14.

Трикотаж спорт кост?млари

6112110000

15.

Трикотаж кийимлар предметлари

6114200000

16.

Трикотаж колготкалар, чулкилар, пайпоқлар ва бошқалар

6115950000

17.

Пальто, калта пальто ва бошқалар

6201930000, 6202139000, 6202930000

18.

Костюмлар, комплектлар, пиджаклар, блайзерлар, шимлар, кўкрак ва тасмали комбинезонлар, бриджилар ва шортиклар

6203120000, 6203199000, 6203221000, 6203231000, 6203339000, 6203423100, 6203423500, 6203429000, 6203431900

19.

Аёллар кўйлаклари, шимлар, комбинезонлар ва бошқалар, кўйлаклар, рўмоллар

6204420000, 6204623100, 6205200000, 6213200000

20.

Блузкалар, блузалар ва бошқалар

6206300000

21.

Майкалар, ичдан кийиладиган фуфайкалар ва бошқалар

6207910000, 6208910000

22.

Болалар кийими

6209300000

23.

Спорт костюмлари

6211339000, 6211390000

24.

Шолрўмоллар, шарфлар ва ҳоказо

6214400000

25.

Ётоқ, ошхона чойшаблари ва бошқалар

6302100001, 6302210000, 6302600000, 6302910000

26.

Материаллардан тайёрланган декоратив буюмлар

6304191000

27.

Сув ўтказмайдиган пойабзал

6401921000, 6401929000, 6401990000

28.

Пойабзал

6403200000, 6403400000, 6403911600, 6403999100, 6403999600, 6404199000, 6404209000, 6405100000, 6405209100, 6405209900, 6405901000

29.

Шлак пахта, минерал пахта ва бошқалар

6806100008, 6806209000, 6806900000

30.

Тош ётқизиш учун плиталар

6907219001, 6907229003, 6907229009, 6907239003

31.

Керамикадан ясалган пардозлаш буюмлари

6907409003, 6907409009

32.

Ошхона идишлари ва бошқалар

6912001000, 6912002100, 6912002300, 6912002500, 6912002900, 6912005000, 6912008100, 6912008900, 6912009000

33.

Шиша тола

7019199009, 7019310000, 7019390009, 7019510000, 7019590000, 7019900009

34.

Шиша идишлар

7010901000, 7010904100, 7010904300, 7010904500, 7010905300, 7010907100, 7010907900

35.

Қалпоқлар ёки вентиляцияли шкафлар

8414600000

36.

Кир ювиш машиналари

8450120000

37.

Аккумуляторлар

8507102003

38.

Трансформаторлар

8504210000, 8504221000, 8504229000, 8504230000, 8504312900, 8504318009, 8504330000, 8504340000, 8504403009, 8504405500, 8504408200, 8504408800, 8504409000, 8504509500, 8504901800, 8504909900

39.

Чанг ютгичлар

8508190001

40.

Тақсимлагичлар, ўт олдириш ғалтаклари

8511400008

41.

Электр ускуналар

8511500009

42.

Электр ёритиш ва сигнализация ускуналари

8512200001, 8512200009

43.

Печлар ва камералар

8514900000

44.

Электр сув иситгичлар, микротўлқинли печлар, печлар, электр плиталар ва ҳ.к.

8516108000, 8516500000, 8516601010, 8516601090, 8516607000, 8516609000

45.

Овозни қабул қилиш ва узатиш учун аппаратура, телевизион алоқани қабул қилиш учун аппаратура

8517620009, 8528722001

46.

Коммутация учун электр аппаратура

8535900000

47.

Пультлар, панеллар, консоллар ва бошқалар

8537109900, 8537209100

48.

Диодлар

8541100009

49.

Ўралган ва изоляцияланган симлар, ўт олдириш свечалари учун симлар тўплами, электр ўтказгичлар

8544111000, 8544300008, 8544499101, 8544499109, 8544499309, 8544499500, 8544609009

50.

Ўтириш учун мебель

9401610000, 9401690000, 9401903000

51.

Ўйинчоқлар

9503001000, 9503003500, 9503007000, 9503009500

52.

Гигиена воситалари

9619008101

* Импорт қилувчи мамлакатдан қатъи назар.
(илова Ўзбекистон Республикаси Президентининг 2019 йил 11 декабрдаги ПҚ-4549-сонли қарори таҳририда — Қонун ҳужжатлари маълумотлари миллий базаси, 12.12.2019 й., 07/19/4549/4143-сон)
Кейинги таҳрирга қаранг.
Кейинги таҳрирга қаранг.
(Қонун ҳужжатлари маълумотлари миллий базаси, 25.05.2019 й., 07/19/4337/3182-сон, 12.12.2019 й., 07/19/4549/4143-сон; 30.01.2020 й., 07/20/4576/0091-сон, 07.05.2020 й., 07/20/4707/0545-сон, 22.10.2020 й., 06/20/6091/1399-сон, Қонунчилик маълумотлари миллий базаси, 26.04.2022 й., 06/22/115/0344-сон; 11.11.2023 й., 06/23/193/0844-сон; 03.04.2024 й., 07/24/146/0266-сон; 30.12.2024 й., 06/24/228/1091-сон)