Ҳужжат 23.04.2019 00 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматларини кўрсатиш тартиби тўғрисида низомни тасдиқлаш ҳақида
Ўзбекистон Республикаси Президентининг «Ёшларни маънавий-ахлоқий ва жисмоний баркамол этиб тарбиялаш, уларга таълим-тарбия бериш тизимини сифат жиҳатидан янги босқичга кўтариш чора-тадбирлари тўғрисида» 2018 йил 14 августдаги ПҚ-3907-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматлари кўрсатиш тартиби тўғрисида низом иловага мувофиқ тасдиқлансин.
2. Ўзбекистон Республикаси Халқ таълими вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов ва Ўзбекистон Республикаси халқ таълими вазири Ш.Х. Шерматов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 22 апрель,
343-сон
Вазирлар Маҳкамасининг 2019 йил 22 апрелдаги 343-сон қарорига
ИЛОВА
Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматларини кўрсатиш тартиби тўғрисида
НИЗОМ
1-боб. Умумий қоидалар
1. Ушбу Низом Ўзбекистон Республикаси Халқ таълими вазирлиги тизимидаги умумий ўрта таълим муассасаларида (кейинги ўринларда мактаблар деб аталади) ўқувчилар учун ихтиёрийлик асосида ташкил этиладиган пуллик таълим хизматлари кўрсатиш тартибини белгилайди.
Пуллик таълим хизматлари зарур моддий-техника базаси ҳамда тегишли педагог ходимларга эга бўлган ёки тегишли мутахассис жалб қилинган ҳолда мактабларда ташкил қилиниши мумкин.
Бунда пуллик таълим хизматларини кўрсатиш ўқувчининг мактабларда ўқув дастури бўйича олиб бориладиган таълим-тарбия жараёнига халақит бермаслиги керак.
Мактабларида ўқувчилар учун ташкил этиладиган пуллик таълим хизматлари кўрсатиш ушбу Низомга 1-иловага мувофиқ схема бўйича кўрсатилади.
2. Мактабларда ташкил этиладиган қўшимча таълим беришга қаратилган пуллик таълим хизматлари мактабларнинг ўқув дастурларида назарда тутилмаган (давлат таълим стандартларидан ташқари) машғулотлар бўйича мактаб директори ва ўқувчиларнинг ота-онаси ёки уларнинг ўрнини босувчи шахслар (кейинги ўринларда буюртмачи деб аталади) ўртасида ушбу Низомга 2-иловага мувофиқ шаклда тузиладиган шартнома асосида кўрсатилади.
Кейинги таҳрирга қаранг.
3. Мактабнинг ўқув дастурларида назарда тутилмаган (давлат таълим стандартларидан ташқари) машғулотлар бўйича пуллик таълим хизматлари кўрсатишга қаратилган йўналишлар (аниқ, ижтимоий-гуманитар, табиий фанлар, тўгараклар ва спорт секциялари) қонун ҳужжатларига мувофиқ ҳолда ташкил этилади.
Кейинги таҳрирга қаранг.
4. Мактабларда ташкил этиладиган пуллик таълим хизматларига директор ва педагоглар томонидан ўқувчиларни мажбурий тартибда жалб этилишига йўл қўйилмайди.
2-боб. Пуллик таълим хизматлари кўрсатишни ташкил этиш
5. Мактабларда пуллик таълим хизматлари кўрсатиш мактабларнинг пуллик таълим хизматлари кўрсатишни ташкил этиш бўйича йиллик режаси (кейинги ўринларда йиллик режа деб аталади) асосида ташкил этилади.
6. Йиллик режа мактаблар томонидан ҳар календарь йили бошлангунга қадар ушбу Низомга 3-иловага мувофиқ шаклда ишлаб чиқилади ва келишиш учун мактабнинг Кузатув кенгашига (кейинги ўринда Кузатув кенгаши деб аталади) киритилади.
Буюртмачиларнинг талабларига кўра, ўқувчиларга индивидуал тарзда машғулотлар ўтказилиши мумкин.
7. Кузатув кенгаши ҳар календарь йилнинг бошида ўтказиладиган биринчи йиғилишда мактаб томонидан тақдим этилган келгуси йил учун йиллик режани кўриб чиқади ва тасдиқлайди.
Йиллик режа Ўзбекистон Республикаси Халқ таълими вазирлигининг Интернет жаҳон ахборот тармоғидаги расмий веб-сайти ёки мактабларнинг расмий веб-сайтларига жойлаштирилади.
8. Мактабда пуллик таълим хизмат кўрсатишга, биринчи навбатда, шу мактабда фаолият юритаётган ўқитувчилар шартнома асосида жалб этилади.
Буюртмачилар томонидан келиб тушадиган маблағлар (лекин 50 фоизидан кам бўлмаган миқдори) ўқитувчиларга ҳақ тўлашга йўналтирилиши мумкин. Бунда қонунчиликда белгиланган солиқлар ва бошқа мажбурий тўловлар мазкур суммадан чегириб олинади.
Кейинги таҳрирга қаранг.
9. Таълим хизматлари нархлари Кузатув кенгаши билан келишилган ҳолда мактаб директори томонидан тасдиқланади.
10. Пуллик таълим хизматлари кўрсатиш тўғрисидаги шартнома бўйича тўловлар белгиланган тартибда банклар орқали мактабнинг Ўзбекистон Республикаси Молия вазирлигининг тегишли ғазначилик бўлимларида очилган шахсий ғазначилик ҳисобварақларига нақд пул ёки пул ўтказиш йўли билан амалга оширилади.
Буюртмачи томонидан пул маблағларини нақд пул ёки пул ўтказиш йўли орқали тўланишидан қатъий назар, мактабда амалга оширилиши қатъиян тақиқланади.
11. Пуллик таълим хизматлари кўрсатишдан тушган маблағлар харажатлар тури бўйича шартнома асосида пуллик таълим хизматлари кўрсатиш мақсадида жалб этилган ўқитувчиларга тўланадиган тўловлар, солиқ ва бошқа мажбурий тўловлар, машғулотларни ташкил этиш учун моддий-техник таъминот харажатлари қоплангандан сўнг мактабнинг раҳбар ва педагог ходимларини моддий рағбатлантиришга ва бошқа харажатларга Кузатув кенгаши билан келишилган ҳолда йўналтирилади.
Кейинги таҳрирга қаранг.
3-боб. Пуллик таълим хизматлари кўрсатишда томонларнинг ҳуқуқлари ва мажбуриятлари
12. Пуллик таълим хизматлари кўрсатувчи мактаб:
пуллик таълим хизматлари кўрсатиш доирасида ўқув режаси ва дастурлари, мактаб ички қоидалари, тартиб ва талаблари, машғулот жараёнида ўқув интизомига риоя этишини, ўқитувчиларга ҳурматда бўлиш ҳамда мактаб мулкини ҳимоя қилишни талаб қилиш;
буюртмачидан шартномада белгиланган тўловларни ўз вақтида тўлашни талаб қилиш ва ушбу талаб бажарилмаса, ўқувчини пуллик таълим хизматлари бўйича машғулотлардан четлаштириш ҳуқуқига эга.
Пуллик таълим хизматлари кўрсатувчи мактаб қонун ҳужжатларига мувофиқ бошқа ҳуқуқларга ҳам эга бўлиши мумкин.
Кейинги таҳрирга қаранг.
13. Пуллик таълим хизматлари кўрсатувчи мактаб:
машғулотларни мактабдан ташқари давлат таълим стандарти, пуллик таълим хизматлари кўрсатиш доирасида ўқув режаси ва дастурларига мувофиқ ташкил этишга;
машғулотлар жараёнларига малакали ўқитувчиларни жалб этиш, илғор таълим технологияларини, замонавий компьютер ва ахборот-коммуникация технологиялари ва воситаларини жорий этишга;
ўқувчида билим олиш салоҳиятини шакллантириш мақсадида ўқув режасига қўшимча равишда турли интерактив дарслар ташкил этишга;
машғулотларда ўқувчига мактабнинг мавжуд ўқув-услубий, ахборот-ресурс ва моддий-техника базасига мувофиқ ўқиш учун барча зарур шарт-шароитларни яратишга;
машғулотлар учун белгиланган тўлов миқдори тўғрисидаги маълумотни ўз вақтида (ўқув жараёни бошланишидан 10 кун олдин) буюртмачиларга етказиш ва уларни белгиланган тартибда кўрсатиладиган пуллик таълим хизматлари шартлари билан таништиришга мажбур.
Пуллик таълим хизматлари кўрсатувчи мактаб қонун ҳужжатларига мувофиқ бошқа мажбуриятларни ҳам олиши мумкин.
Кейинги таҳрирга қаранг.
14. Буюртмачи:
кўрсатиладиган пуллик таълим хизматлари, шу жумладан ўқув режалари ва дастурлари, ўқувчиларни баҳолаш тартиби ва мезонлари билан танишиш;
тузилган шартномага мувофиқ мактабдан ўқувчининг танлаган таълим йўналиши бўйича пуллик таълим хизматлари кўрсатишни талаб қилиш, тегишли ўқитувчилардан маслаҳатлар сўраш ҳуқуқига эга.
Буюртмачи қонун ҳужжатларига мувофиқ бошқа ҳуқуқларга ҳам эга бўлиши мумкин.
Кейинги таҳрирга қаранг.
15. Буюртмачи:
кўрсатилаётган пуллик таълим хизматларининг бир календарь ойи учун белгиланган тўлов миқдорини шартнома талабларига мувофиқ тўлиқ ҳажмда ва ўз вақтида тўлаш, тўлов ҳужжати нусхасини эса машғулотлар бошланишидан олдин мактаб маъмуриятига тақдим этишга;
Кейинги таҳрирга қаранг.
шартнома талабларига сўзсиз амал қилиш мақсадида ва шартномада кўрсатилган қўшимча таълим ва бошқа хизматлардан фойдаланиш учун ўқувчининг дарсларга мунтазам равишда қатнашишини таъминлашга;
ўқувчи томонидан мактабининг мулкига етказилган моддий зарарни қоплашга мажбур.
Буюртмачи қонун ҳужжатларига мувофиқ бошқа мажбуриятларни ҳам олиши мумкин.
Кейинги таҳрирга қаранг.
4-боб. Якунловчи қоидалар
16. Кузатув кенгаши мунтазам (бир йилда камида 2 марта) ўқувчилар ва буюртмачилар ўртасида мактаб томонидан кўрсатилаётган пуллик таълим хизматлари сифатини аниқлаш мақсадида ушбу Низомга 4-иловага мувофиқ сўровнома ўтказиб боради.
17. Ўзбекистон Республикаси Халқ таълими вазирлиги ва бошқа ваколатли давлат органлари мактабларда пуллик таълим хизматларининг ташкил этилиши ва тушган маблағлар юзасидан қонун ҳужжатларида белгиланган тартибда назорат олиб боради.
Кейинги таҳрирга қаранг.
18. Ушбу Низом юзасидан келиб чиқадиган низоли масалалар қонун ҳужжатларида белгиланган тартибда ҳал этилади.
Кейинги таҳрирга қаранг.
Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматлари кўрсатиш тартиби тўғрисида низомга
1-ИЛОВА
Ўзбекистон Республикаси Халқ таълими вазирлиги тизимидаги умумий ўрта таълим муассасаларида ташкил этиладиган пуллик таълим хизматлари кўрсатиш
СХЕМАСИ
Кейинги таҳрирга қаранг.
Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматлари кўрсатиш тартиби тўғрисида низомга
2-ИЛОВА


‎‎‎Пуллик таълим хизматларини кўрсатиш бўйича
‎___________-сон
‎
‎НАМУНАВИЙ ШАРТНОМА
‎

‎‎_______________________ ‎ ‎ ‎ ‎ ‎

‎‎‎‎20____ й. «____»____________

‎‎(шартнома тузилган жой)

 ‎ ‎ ‎ ‎ ‎ ‎ ‎ ‎ ‎ ‎ ‎
‎‎Устав асосида иш кўрувчи мактаб директори _____________ тумани/шаҳри (номи) ______________
‎ ‎ ‎ ‎ ‎ ‎ ‎

‎‎‎‎(номи)

 ‎ ‎ ‎ ‎ (мактаб рақами/номи)
‎‎-сон _______________________ кейинчалик «Мактаб» деб юритилувчи, бир томонидан __________
‎

‎‎(директорнинг Ф.И.О.)

 ‎ ‎ ‎ ‎ ‎ ‎ ‎ ‎ ‎ ‎ ‎

_______________________________ номидан ўқувчининг манфаатларини ифода этувчи‎‎

‎‎(ота-она ёки уларнинг ўрнини босувчи шахснинг Ф.И.О.)

 ‎ ‎ ‎ ‎ ‎ ‎ ‎ ‎ ‎

‎‎_______________________________ кейинчалик «Буюртмачи» деб юритилувчи, иккинчи

‎ ‎

(ўқувчи Ф.И.О., синф)

 ‎ ‎ ‎ ‎ ‎ ‎ ‎ ‎ ‎ ‎ ‎
‎‎томонидан, мазкур шартномани қуйидагилар тўғрисида туздилар:


‎‎‎1. ШАРТНОМА ПРЕДМЕТИ

‎‎1.1. Ушбу шартнома ўқув дастурларида назарда тутилмаган машғулотлар бўйича қўшимча пуллик хизматлар (аниқ, ижтимоий-гуманитар, табиий фанлар), жумладан, тўгарак ҳамда спорт секцияларини ташкил этиш муносабатларни тартибга солади.


‎‎‎2. МАКТАБНИНГ ҲУҚУҚ ВА МАЖБУРИЯТЛАРИ

‎‎2.1. Мактабнинг ҳуқуқлари:
‎Ўқувчидан ўқув режаси ва дастурлари, мактаб ички тартиб-қоидаларига риоя этишини талаб қилиш;
‎Дарс жараёни вақтида ўқувчидан ўқув ва ижро интизомига қатъиян риоя этишини талаб қилиш;
‎Ўқувчидан ижтимоий фаоллик, ташаббускорлик, устоз ва мураббийларни ҳурмат қилишни, мактаб мулки, нуфузини ҳимоя қилишни талаб қилиш;
‎Буюртмачидан мазкур шартномада белгиланган тўловларни ўз вақтида тўлашни талаб қилиш, акс ҳолда ўқувчини қўшимча машғулотлардан (дарслардан) четлаштириш.
‎2.2. Мактаб мажбуриятлари:
‎Давлат таълим стандарти, ўқув режаси ва дастурларига мувофиқ мактабда ўқувчини ўқитишни ташкил этиш;
‎Мактабда қўшимча машғулотлар жараёнларига малакали ўқитувчиларни жалб этиш, илғор педагогик технологияларни, замонавий компьютер ва ахборот-коммуникация технологиялари ва воситаларини жорий этиш;
‎Ўқувчида билим олиш салоҳиятини шакллантириш мақсадида ўқув режасига қўшимча равишда турли интерактив дарсларни ташкил этиш;
‎Қўшимча машғулотларда ўқувчига мактабнинг мавжуд ўқув-услубий, ахборот-ресурс ва моддий-техника базасига мувофиқ ўқиш учун барча зарур шарт-шароитларни яратиш;
‎Қўшимча машғулотлар учун белгиланган тўлов миқдори тўғрисидаги маълумотни ўз вақтида (ўқув жараёни бошланишидан 10 кун олдин) буюртмачиларга етказиш ва уларни белгиланган тартибда кўрсатиладиган пуллик хизматлари шартлари билан таништириш;
‎Ушбу шартномага асосан ўқувчи пуллик хизматлар асосида қуйидагилар билан таъминланади:
‎а) _____________________________________________________________________

‎ ‎ ‎ ‎ ‎

(соатлар миқдори кўрсатилади)

 ‎ ‎ ‎ ‎ ‎ ‎
‎‎хажмда___________________________________________________________________.
‎ ‎ ‎ ‎

‎‎(кўрсатиладиган хизматлардан келиб чиқиб тўлдирилади)

 ‎ ‎ ‎ ‎ ‎


‎‎‎3. БУЮРТМАЧИНИНГ ҲУҚУҚ ВА МАЖБУРИЯТЛАРИ

‎‎3.1. Буюртмачининг ҳуқуқлари:
‎Мактабдан ўқувчига танлаган замонавий тараққиёт даражасига мос келувчи билим ва кўникмаларни беришни талаб қилиш, тегишли ўқитувчилардан маслаҳатлар сўраш;
‎3.2. Буюртмачининг мажбуриятлари:
‎Кўрсатилаётган жами қўшимча пуллик хизматлар бир календарь ойи учун белгиланган тўлов миқдорини мазкур шартнома талабларига мувофиқ мактабга тўлиқ ҳажмда ва ўз вақтида тўлаш;
‎Мазкур шартнома талабларига сўзсиз амал қилиш мақсадида ва шартномада кўрсатилган қўшимча таълим ва бошқа хизматлардан фойдаланиш учун ўқувчининг дарсларга мунтазам равишда қатнашиши назоратини таъминлаш;
‎Ўқувчи томонидан мактаб мулкига етказилган моддий зарарни қоплаш. ‎


‎4. МОЛИЯВИЙ ШАРТЛАР

‎‎4.1. Кўрсатилаётган жами қўшимча пуллик хизматлар бир календарь ойи учун ___________________
‎‎_____________________________________________________________________ сўм
‎‎________________________________________________________________________
‎ ‎ ‎ ‎ ‎

‎‎(сумма рақам ва сўз билан)

 ‎ ‎ ‎ ‎ ‎ ‎
‎‎маблағ миқдорини ташкил этади.
‎4.1.1. Шу жумладан, ушбу шартномада кўрсатилган қўшимча машғулотлар учун тўланадиган маблағ қуйидаги миқдорда белгиланади (хизматлар турлари бўйича):
‎ ‎‎а) _______________________________ — ______________________ сўм;
‎ ‎ ‎

‎‎(хизмат номи)

 ‎ ‎

‎‎(хизмат нархи)

 ‎ ‎ ‎ ‎
‎ ‎‎б) _______________________________ — ______________________ сўм;
‎ ‎ ‎

‎‎(хизмат номи)

 ‎ ‎

‎‎(хизмат нархи)

 ‎ ‎ ‎ ‎
‎ ‎‎в) _______________________________ — ______________________ сўм.
‎ ‎ ‎

‎‎(хизмат номи)

 ‎ ‎

‎‎(хизмат нархи)

 ‎ ‎ ‎ ‎

‎‎4.2. Тўлов ҳар ойнинг 5 (бешинчи) санасидан кечикмаган ҳолда, буюртмачи томонидан 100 (юз) фоиз олдиндан амалга оширилади. Тўлов банклар орқали мактабнинг тегишли ғазначилик бўлимларида очилган шахсий ғазначилик ҳисобварақларига нақд пул ёки пул ўтказиш йўли билан амалга оширилади.
‎4.3. Ушбу шартнома бўйича тўлов тури буюртмачи томонидан танланади.
‎4.4. Кўрсатилаётган қўшимча пуллик хизматларнинг тўлов миқдори энг кам иш ҳақи ўзгаришига мос равишда ўзгаради.
‎4.5. Ушбу шартноманинг 4.1 ва 4.2-бандларига мувофиқ қўшимча пуллик хизматлар учун тўлов буюртмачи томонидан ўз вақтида амалга оширилмаса, ушбу шартнома бекор қилиниб, ўқувчи қўшимча машғулотлардан (дарслардан) четлаштирилади.
‎4.6. Ўқувчининг касаллиги ёки бошқа асосли сабаб ва ҳолатларда, буюртмачининг ёзма аризасига биноан ушбу шартнома бекор қилинади ва хизматларни кўрсатилмаган қисми учун олдиндан тўланган тўлов қайтарилади.
‎4.7. Ўқувчи машғулотларни сабабсиз қолдирган ҳолатларда буюртмачига хизматлар учун олдиндан ўтказилган тўловлар қайтарилмайди.


‎5. ШАРТНОМАНИНГ АМАЛ ҚИЛИШ МУДДАТИ

‎‎5.1. Шартнома томонлар уни имзолаб, мактаб ҳисобрақамига буюртмачи томонидан қўшимча таълим ва бошқа пуллик хизматлар учун тўловлар амалга оширилгандан сўнг кучга киради ва тарафлар мажбуриятларни тўлиқ бажаргунга қадар амал қилади.


‎‎‎6. ШАРТНОМАНИ БЕКОР ҚИЛИШ ҲОЛАТЛАРИ

‎‎6.1. Қуйидаги ҳолларда шартнома бекор қилинади:
‎тарафларнинг келишувига мувофиқ;
‎ўқувчи мактабда ўрнатилган тартибга мувофиқ мактаб директорининг буйруғига асосан қўшимча машғулотлардан (дарслардан) четлаштирилганда;
‎томонлардан бири шартнома шартларини бажармаганда;
‎узрли сабаблар билан буюртмачининг ёзма аризасига кўра;
‎қонун ҳужжатларида кўрсатилган бошқа ҳолларда.


‎‎‎7. БОШҚА ШАРТЛАР

‎‎7.1. Ушбу Шартномадан келиб чиқадиган низолар қонун ҳужжатларида белгиланган тартибда кўриб чиқилади. Агар низоларни тинч йўл билан ҳал этишнинг иложи бўлмаса, низо қонун ҳужжатларида белгиланган тартибда судда кўриб чиқилади.
‎7.2. Ушбу Шартномада ёзма равишда бажарилган ва икки томонлама имзоланган барча иловалар, қўшимчалар ва ўзгартиришлар шартноманинг ажралмас қисми бўлади ва юридик кучга эга деб ҳисобланади.
‎7.3. Шартнома тенг юридик кучга эга бўлган икки нусхада тузилади. Шартноманинг бир нусхаси мактабда, иккинчи нусхаси буюртмачида сақланади.


‎‎‎8. Томонларнинг манзили, банк реквизитлари ва бошқа маълумотлари:

«МАКТАБ»‎‎
‎

«БУЮРТМАЧИ»*
‎

___________________________________‎___________________________________ ‎___________________________________ ‎___________________________________ ‎___________________________________ ‎___________________________________ ‎___________________________________ ‎___________________________________ ‎___________________________________ ‎___________________________________

‎ ‎

____________________________________
‎____________________________________
‎____________________________________
‎____________________________________
‎____________________________________
‎____________________________________
‎____________________________________
‎____________________________________
‎____________________________________
‎____________________________________

‎‎‎‎Мактаб директори: ___________________ ‎

‎‎‎‎Ота-она (ёки ташкилот раҳбари):
‎____________________

‎ ‎ ‎

‎‎‎(Ф.И.О.)

 ‎ ‎

(‎‎Ф.И.О.)

 ‎ ‎ ‎ ‎ ‎
‎‎______________ ‎ ‎ ‎ ‎‎______________ ‎ ‎ ‎

‎‎(имзо)

 ‎ ‎ ‎ ‎ ‎

‎‎(имзо)

 ‎ ‎ ‎ ‎ ‎
‎‎Юристконсульт:______________________‎ ‎ ‎ ‎ ‎ ‎ ‎ ‎
‎ ‎ ‎

(Ф.И.О)

 ‎ ‎ ‎ ‎ ‎ ‎ ‎ ‎ ‎ ‎
‎ ‎ ‎ ____________ ‎ ‎ ‎ ‎ ‎ ‎ ‎ ‎ ‎ ‎
‎ ‎ ‎

‎‎(имзо)

 ‎ ‎ ‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
Кейинги таҳрирга қаранг.
Кейинги таҳрирга қаранг.
Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматлари кўрсатиш тартиби тўғрисида низомга
3-ИЛОВА
Умумий ўрта таълим мактабларида пуллик таълим хизматларини кўрсатишни ташкил этиш бўйича
НАМУНАВИЙ ЙИЛЛИК РЕЖА

Т/р

Кўрсатиладиган таълим хизматлари тури (қўшимча таълим бериш йўналишлари)

Ҳафталик соатлар фонди (дарс соатлари миқдори)

Ҳар бир соат учун тўланадиган нарх миқдори

Шундан, кам таъминланган оилаларнинг фарзандлари учун тўланадиган нарх

Битта гуруҳда машғулотларда қатнашувчиларнинг сони

Йўналишлар бўйича ўқитувчи мутахассислар

Синф хоналари








Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматлари кўрсатиш тартиби тўғрисида низомга
4-ИЛОВА
Умумий ўрта таълим муассасаларида пуллик таълим хизматларни сифати бўйича
СЎРОВНОМА
I. Ўқувчилар учун саволлар:
1) қўшимча таълим машғулотлари қизиқарли ўтиладими? (ҳа/йўқ)
2) машғулот олиб бораётган ўқитувчи Сизни қаноатлантирадими? (ҳа/йўқ)
3) қўшимча таълим олишингиз асосий фанларни ўзлаштиришингизга қандай таъсир кўрсатмоқда? (қониқарсиз, яхши, аъло);
4) қўшимча таълим бераётган ўқитувчининг дарс ўтишини қандай баҳолайсиз? (қониқарсиз, яхши, аъло);
II. Ота-оналар учун саволлар:
1) фарзандингизни қўшимча машғулотларга бўлган қизиқишини қандай баҳолайсиз? (қониқарсиз/яхши);
2) фарзандингизни қўшимча машғулотлардан олаётган билимлари асосий фанларни ўзлаштиришда қандай таъсир кўрсатмоқда? (қониқарсиз, яхши, аъло);
3) қўшимча таълим бераётган ўқитувчининг фаолиятини қандай баҳолайсиз? (қониқарсиз, яхши, аъло);
4) қўшимча пуллик таълим хизматлари учун белгиланган нарх Сизни қаноатлантирадими? (ҳа/йўқ).
(Қонун ҳужжатлари маълумотлари миллий базаси, 23.04.2019 й., 09/19/343/3004-сон; 29.12.2019 й., 09/19/1046/4242-сон; Қонунчилик маълумотлари миллий базаси, 23.11.2021 й., 09/21/705/1082-сон, 27.12.2021 й., 09/21/774/1198-сон; 05.04.2022 й., 09/22/153/0266-сон; 13.05.2022 й., 09/22/255/0412-сон)