Ўзбекистон Республикаси Президентининг «Ёғ-мой тармоғини янада ривожлантириш бўйича қўшимча чора-тадбирлар ва соҳани бошқаришда бозор механизмларини жорий этиш тўғрисида» 2019 йил 16 январдаги ПҚ-4118-сон қарорига мувофиқ Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.

3. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси А.Ж. Вахабов зиммасига юклансин.

1. Вазирлар Маҳкамасининг 1998 йил 23 декабрдаги 532-сон қарори билан тасдиқланган Молия инспекторлари лавозими жорий этиладиган корхоналар рўйхатининг I бўлими чиқариб ташлансин.

2. Вазирлар Маҳкамасининг «Пахта чигити ресурсларидан фойдаланиш устидан назоратни кучайтириш ва улардан фойдаланиш самарадорлигини ошириш чора-тадбирлари тўғрисида» 2005 йил 31 мартдаги 93-сон қарорининг (Ўзбекистон Республикаси ҚТ, 2005 й., 3-4-сон, 17-модда) 8-бандидаги ««Ўзпахтасаноат» ва «Ўзпахтаёғ» акциядорлик жамиятлари» деган сўзлар ««Ўзпахтасаноат» акциядорлик жамияти ва «Ўзёғмойсаноат» уюшмаси» сўзлари билан алмаштирилсин.

3. Вазирлар Маҳкамасининг «Пахта чигитини етказиб бериш ва ундан фойдаланиш механизмини такомиллаштириш бўйича қўшимча чора-тадбирлар тўғрисида» 2006 йил 18 сентябрдаги 199-сон қарорида (Ўзбекистон Республикаси ҚТ, 2006 й., 9-сон, 69-модда):

а) 4-банднинг иккинчи хатбошисидаги ««Ўзпахтаёғ» АЖ» сўзлари ««Ўзёғмойсаноат» уюшмаси» сўзлари билан алмаштирилсин;

б) қарорга илованинг 48-бандидаги ««Ўзпахтаёғ» АЖ» сўзлари ««Ўзёғмойсаноат» уюшмаси» сўзлари билан алмаштирилсин.

4. Вазирлар Маҳкамасининг 2008 йил 4 сентябрдаги 200-сон қарорида (Ўзбекистон Республикаси ҚТ, 2008 й., 35-36-сон, 349-модда):

а) 4-банддаги ««Ўзпахтаёғ» АЖ» сўзлар ««Ўзёғмойсаноат» уюшмаси» сўзлари билан алмаштирилсин;

б) 5-банднинг биринчи хатбошисидаги ««Ўзпахтаёғ» АЖ» сўзлари ««Ўзёғмойсаноат» уюшмаси» сўзлари билан алмаштирилсин;

в) 1-илова I, II, IV — VI-боблар «Масъул ижрочилар» устунидаги ««Ўзпахтаёғ АЖ» сўзлари ««Ўзёғмойсаноат» уюшмаси» сўзлар билан алмаштирилсин.

5. Вазирлар Маҳкамасининг «Интернет тармоғида Ўзбекистон Республикасининг Ҳукумат порталига ахборотларни тақдим этиш ва жойлаштириш тартиби тўғрисида» 2009 йил 21 апрелдаги 116-сон қарорига (Ўзбекистон Республикаси ҚТ, 2009 й., 4-сон, 30-модда) 1-илова 31-позициясининг «Масъуллар» устунидаги ««Ўзпахтаёғ АЖ» деган сўзлари ««Ўзёғмойсаноат» уюшмаси» деган сўзларга алмаштирилсин.

6. Вазирлар Маҳкамасининг 2013 йил 5 августдаги 218-сон қарори (Ўзбекистон Республикаси ҚТ, 2013 й., 8-сон, 52-модда) билан тасдиқланган Давлат эҳтиёжлари учун пахта хом ашёсини етказиб бериш бўйича шартнома мажбуриятларини бажарган фермер хўжаликларига контрактация шартномасидан ортиқча топширилган пахта хом ашёсини қайта ишлашдан олинган пахта шроти (кунжара) ва пахта чигити шелухасини сотиш тартиби тўғрисидаги низомда:

а) 11-банддаги, 12, 13-бандларнинг биринчи хатбошисиларидаги, 14 ва 19-бандлардаги ««Ўзпахтаёғ АЖ» сўзлари ««Ўзёғмойсаноат» уюшмаси» сўзлари билан алмаштирилсин;

б) 1-илова «V босқич» позициясининг «Масъуллар» устуни матнидаги ««Ўзпахтаёғ» АЖ» сўзлари ««Ўзёғмойсаноат» уюшмаси» сўзлари билан алмаштирилсин;

в) 4-иловадаги ««Ўзпахтаёғ» АЖ бош директори» сўзлари ««Ўзёғмойсаноат» уюшмаси раиси» сўзлари билан алмаштирилсин.

7. Вазирлар Маҳкамасининг «Ўзбекистон Республикаси Президентининг «акциядорлик жамиятларига хорижий инвесторларни жалб этишга доир қўшимча чора-тадбирлар тўғрисида» 2015 йил 21 декабрдаги ПҚ-2454-сон қарорини амалга ошириш чора-тадбирлари ҳақида» 2016 йил 10 февралдаги 33-сон қарорига (Ўзбекистон Республикаси ҚТ, 2016 й., 6-сон, 56-модда) 3-иловасида:

а) 165-позиция чиқариб ташлансин;

б) қуйидаги мазмундаги бўлим қўшилсин:

8. Вазирлар Маҳкамасининг ««Ўзпахтасаноат» акциядорлик жамияти корхоналарида ишлаб чиқарилган пахта толасини сотиш ва ҳисоб-китоблар механизмини такомиллаштириш тўғрисида» 2018 йил 12 февралдаги 106-сон қарорининг (Ўзбекистон Республикаси ҚТ, 2018 й., 2-сон, 31-модда) 8-бандидаги ««Ўзпахтаёғ» АЖ» сўзлари ««Ўзёғмойсаноат» уюшмаси» сўзлари билан алмаштирилсин.